གདུགས་དཀར་ཚེ་རིང་།
༧རྒྱལ་བ་རིན་པོ་ཆེའི་བཞུགས་སྒར་དྷརྨ་སཱ་ལ་ནི། རྒྱ་གར་བྱང་ཕྱོགས་ཧེ་མ་ཅལ་མངའ་སྡེའི་ཁོངས་སུ་ཡོད། འགྲུལ་འཁོར་ལས་ཐང་ལ་བབས་མ་ཐག་ཤར་ཕྱོགས་སུ་བལྟས་ན། ཐོག་མར་མཐོང་བ་ནི། བྱང་ཤར་མཚམས་ན་འགྱིང་བའི་བྲག་རིའི་རྩེ་མོ་དྲག་གཏོར་བཞེངས་པ་དང་འདྲ་བ་དེ་ཡིན་ལ། སྤྲིན་དཀར་གྱི་ཡོལ་བའི་རྒྱབ་ན་ཞོགས་པའི་ཉི་ཟེར་ལ་ཆེད་དུ་བསྒུགས་པ་དང་འདྲ་བའི་རི་བོ་དེ་མཚམས་མཚམས་ལ་སྤྲིན་པས་བསྒྲིབས་ཏེ་མཐོང་མི་ཐུབ་པ་དང་། དུས་དུས་སུ་སྤྲིན་པ་རྒྱབ་ཏུ་གཡུགས་ནས་ཞལ་རས་གསལ་རྗེན་དུ་སྟོན་པ་ནི། བརྒྱད་གཉིས་ལང་ཚོས་སྒེག་པའི་གཞོན་ནུ་མ་ཞིག་གིས་རང་གི་ཡིད་དུ་འོང་བའི་སྟག་ཤར་གཞོན་པ་ལ་ཐོག་མར་མཇལ་བའི་སྐད་ཅིག་མ་དེར།
