མི་ཉག་ཀུན་དགའ་བཀྲ་ཤིས། དབྱིན་ཡུལ།

 
ཕྱི་རོལ་གྱི་རྣམ་པའི་མངོན་སྟངས་ཀྱི་ཆ་ནས་རྡོ་རྗེ་ཤུགས་ལྡན་གྱི་གནད་དོན་འདི་རྐང་རྩེད་སྤོ་ལོའི་རུ་ཁག་གཉིས་བར་གྱི་རྐང་སྤོལ་འགྲན་བསྡུར་ཞིག་དང་ཅུང་ཟད་འདྲ་བ་འདུག་ཀྱང་རྩེད་མོ་ངོ་མ་ཞིག་ལ་ངོས་འཛིན་བྱ་ཐབས་གཏན་ནས་མེད། རྩེད་མོ་འདིར་མགོ་འཁོར་དྲགས་ན་ཕྱིས་སུ་དེ་འབྱུང་གི་འབྲས་བུ་ངན་པ་འབྱུང་བའི་རྩེད་འགྲན་ཧ་ཅང་ཆེན་མོ་ཞིག་ཏུ་འགྱུར་བའི་སྔོན་བརྡ་གཏོང་གིན་འདུག

རུ་ཁག་འདི་གཉིས་ཀྱི་བར་ལ་རྣམ་པ་དང་སྤྱོད་པ། དམིགས་ཡུལ་དང་རྒྱབ་ལྗོངས། དེ་བཞིན་བྱེད་ལས་སོགས་མི་འདྲ་བའི་ཆ་མང་པོ་ཞིག་ཡོད།

དེ་ལས་མང་བ་། “རྐང་སྤོལ་རྩེད་འགྲན་དང་ཅུང་འདྲ་བའི་གནད་དོན།” »

རྔ་རྒོད།

མཁས་བཤད་དམ་ཡང་ན་ལྟ་གྲུབ་ཆེ་བཤད་ཚན་རིག་གྱི་སྒོ་ནས་བསྙད་ན། རྟའི་ལོ་རྒྱུས་དེ་ལོ་བྱེ་བ་ལྔ་ཙམ་འགོར་ཡོད་ལ། ང་ཚོ་མི་རིགས་འདིས་རྟ་དེ་དག་བེད་སྤྱོད་བཏང་སྟེ་ལོ་༨༠༠༠ ཡས་མས་ཤིག་འགོར་འདུག་ལ། གདོན་མའི་རྟ་རིགས་དག་ཀྱང་ཐོག་མར་ཝ་དང་ཁྱིའི་དབྱིབས་ལྟ་བུ་ལས་མེད་པ་དང་རིམ་གྱིས་ཇེ་ཆེར་དང་ཇེ་མགྱོག་གམ་ཡང་ན་ཇེ་བཟང་སོགས་སོང་སྟེ་མཐར་ང་ཚོའི་མིག་མདུན་གྱི་ད་ལྟའི་རྟ་མཆོག་འདི་ཚོ་གླེང་གཞི་གཙོ་བོ་ཡིན།

སྤྱིར་ན་རྟ་རྒྱུགས་ལ་ཡོངས་གྲགས་ལྟར་བྱས་ན། རྒྱུགས་སྟངས་ཁག་མི་འདྲ་བ་བཞི་ཡོད།

དེ་ལས་མང་བ་། “འཛམ་གླིང་རྟ་རྒྱུགས་རགས་བཤད་མ།” »

སྐྱེས་སར་ཀླུ་སྒྲུབ།

༼མུ་ཏིག་༽ཅེས་པའི་གྲགས་ཅན་སྒྲུང་རྩོམ་བོད་འགྱུར་མའི་སྔོན་གླེང།

མུ་ཏིག་འདི་ནི་མེ་ལོང་ཞིག་ཡིན་པས། འདི་ནས་སུ་ཡང་མཐོང་ཐུབ་ལ། མུ་ཏིག་འདི་འགྲེལ་པ་ཞིག་ཡིན་པས། གང་ལ་ཡང་འགྲེལ་བཤད་བྱས་ཡོད། མུ་ཏིག་འདི་དར་སྐུད་ཅིག་ཡིན་ན། བྱུང་བ་འདི་ནི་དར་སྐུད་ལ་བརྒྱུས་པའི་རིན་ཐང་ཆེ་བའི་ཕྲེང་ལྡོག་རེ་རེ་ཡིན་ལ། མུ་ཏིག་འདི་ཤོག་དཀར་ཞིག་ཡིན་ན། བྱུང་བ་འདི་ནི་ཤོག་ངོས་སུ་བྲིས་པའི་བདེན་ལུགས་ཀྱི་ཡིག་ཕྲེང་གསོན་པོ་ཞིག

དེ་ལས་མང་བ་། “མུ་ཏིག་གི་རོལ་མྱོང་།” »

ཡོང་ཁུངས། བོད་ཀྱི་དུས་བབ།
 

མི་དཀྱུས་མ་ཞིག་ལ་བརྩེ་དུང་སོགས་གང་ཡོད་པ་དེ་ང་ལའང་ཡོད།

དེ་རིང་ཉིན་རྒྱབ་ཆུ་ཚོད་༡།༥༠ སྟེང་དྷ་རམ་ས་ལའི་ཟློས་གར་ཚོགས་ཁང་དུ། འདས་པའི་ཉིན་བཞིའི་རིང་གི་དྷ་རམ་ས་ལའི་རྒྱལ་སྤྱིའི་གློག་བརྙན་དུས་སྟོན་མཇུག་བསྒྲིལ་བ་དང་འབྲེལ་ཏེ། རྫོང་གསར་མཁྱེན་རྩེ་རིན་པོ་ཆེ་མཆོག་གིས་བཟོ་སྐྲུན་གནང་བའི་བྱིན་རླབས་སམ་དབྱིན་སྐད་ནང་(Vara)ཞེས་པའི་གློག་བརྙན་དེ་གཟིགས་འབུལ་དང་འབྲེལ། རིན་པོ་ཆེ་མཆོག་གློག་བརྙན་དུས་སྟོན་མཇུག་བསྡོམས་སྟེང་དངོས་སུ་ཕེབས་ཏེ། གོང་གི་གློག་བརྙན་དེ་དང་འབྲེལ་ཏེ་གཟིགས་མོ་བ་རྣམས་དང་དྲི་བ་དྲིས་ལན་དང་། བོད་པ་དང་རྒྱ་གར་གྱི་གསར་འགོད་པའི་བཅར་འདྲི་དང་ལེན་བཅས་གནང་སོང་།

དེ་ལས་མང་བ་། “རྫོང་གསར་མཁྱེན་བརྩེ་རིན་པོ་ཆེར་བཅར་འདྲི།” »

ཟླ་བ་གཞོན་ནུ།

དེ་ཡང་འཕགས་ཡུལ་གྱི་སྙན་ངག་གི་རྒྱན་གྱི་བསྟན་བཅོས་དག་ལས་ལོ་ཙཱ་བ་བཀའ་དྲིན་ཅན་གྱིས་བོད་སྐད་དུ་བསྒྱུརད་ཅིང་འཆད་ཉན་གྱི་ལུགས་ཀྱང་བྱུང་བའི་གཞུང་<<སྙན་ངག་མེ་ལོང་མ>>ལས་གཞན་མིང་ཙམ་གྲགས་པ་རྒྱལ་བོ་ཟས་བྱ་བས་མཛད་པར་གྲགས་པའི་<<དབྱངས་ཅན་མགུལ་རྒྱན>>ཙམ་མ་གཏོགས་བོད་ལ་ཡོངས་སུ་མ་གྲགས་ཤིང་། གཅིག་ནས་ད་ལྟ་ལ་ཐུག་ཏུ་དེའི་སྐོར་ཞིབ་ཏུ་བཤད་པ་མཐོང་ཞིང་། གཉིས་ནས་རང་ཉིད་གར་ཡོང་ཚ་མ་འཚལ་བའི་མོས་པ་དང་འདུན་པ་དྲག་པོས་བསྐུལ་ཏེ་བརྩོན་པས་ཐོབ་པའི་མིག་འདི་ཉིད་ཀྱི་སྤྱོད་ཡུལ་དུ་གྱུར་པ་

དེ་ལས་མང་བ་། “དབྱུག་པ་ཅན་ལས་གཞན་པའི་འཕགས་ཡུལ་གྱི་རྒྱན་མཁན་པོ།” »

རྔ་བ་ཤེས་རབ།

ཚན་རིག་ཅེས་པ་གང་འདྲ་ཞིག་ལ་ཟེར། འདི་དྲི་བ་སྟབས་བདེ་བོ་ཞིག་ཡིན་རུང་ལན་འདེབས་རྒྱུ་ལས་སླ་བོ་ཞིག་མིན། འགའ་ཞིག་གིས་ཚན་རིག་ནི་རང་བྱུང་གི་འཇིག་རྟེན་རྟོགས་པར་བྱེད་པའི་ཐབས་ལམ་ཞིག་རེད་ཅེས་ཟེར། འོན་ཀྱང་ལན་དེས་སྤྱི་བམ་ཙམ་ལས་ཚན་རིག་གི་སྡེ་ཚན་ཚང་མ་ལ་ཁྱབ་ཐུབ་ཅིང་ཚན་རིག་ལ་ཚང་དགོས་པའི་ཁྱད་པར་གང་ཡང་སྟོན་ཐུབ་མེད་ལ་ཁྱབ་ཆེ་བའི་སྐྱོན་ཡོད་པ་རེད།

ཚན་རིག་ཅེས་པ་གང་འདྲ་ཞིག་ལ་གོ་དགོས་པ་ཤེས་པ་ལ་ན་ཚན་རིག་གི་ཁྱད་ཆོས་དམིགས་བསལ་པ་གང་དང་ཅི་ཡོད་ཚང་མ་ངེས་དགོས། དེ་ངེས་ན་གང་ཞིག་ཚན་རིག་ཡིན་དང་གང་ཞིག་ཚན་རིག་མ་ཡིན་པའི་ས་མཚམས་དབྱེ་ཐུབ་ངེས་ཡིན།

དེ་ལས་མང་བ་། “ཚན་རིག་ཅེས་པ་གང་འདྲ་ཞིག་ལ་ཟེར་རམ།” »

སྒྱུར་མཁན། ཟངས་དཀརཿཚུལ་ཁྲིམས།

༡༽ (WordPress) མཉེན་ཆས་ངོ་སྤྲོད།

(WordPress) མཉེན་ཆས་ནི་དྲ་ཚིགས་ཀྱི་རྣམ་པ་ཅན་གྱི་མཉེན་ཆས་ཞིག་ཡིན་ལ། མཉེན་ཆས་འདི་བེད་སྤྱོད་ཀྱིས་དྲ་ཚིགས་དང་ཟིན་བྲིས་སྣ་ཚོགས་བཟོ་ཐུབ། དེ་བཞིན་མཉེན་ཆས་འདིར་ཁྱད་ཆོས་གཙོ་བོ་འགའ་ཡོད་པ་གཤམ་གསལ་ལྟར་ཡིན།

ཀ… རིན་མེད་ཡིན་པས་བཀོལ་སྤྱོད་པར་རང་དབང་ཆེས་ཆེར་ལྡན་པ་སྟེ། ཐོན་རིམ་གསར་པ་ནམ་ཐོན་ལ་རིན་མེད་ཐོག་ཕབ་ལེན་བྱས་ནས་སྤྱོད་ཆོག་ཆོག་ཡིན།

དེ་ལས་མང་བ་། “(WordPress) དྲ་ཚིགས་མཉེན་ཆས་བོད་འགྱུར་བྱ་བ་ལེགས་འགྲུབ།” »

མི་ཞུན།

 
མྱི་ཞིག་ལ་མཚོན་ནས་བཤད་ན་ཕ་མའི་ཡན་གི་དྲིན་པོ་ཞིག་མེད་ལ་ཕ་མའི་ཕན་གྱི་སྙིང་ཉེ་དང་ཤ་ཚ་ཞིག་ཀྱང་དཀོན་པོ་ཡིན། དྲིན་ཕ་མ་ཉི་ཟླ་རྙེད་མེད་ཡིན་ཞེས་པ་ཡང་དངོས་གནས་ཅི་མ་བདེན།
ངས་འདི་ནས་རང་གི་ཕ་རྒན་གླེང་འདོད་པ་ཡང་ཁོང་ལྟ་བུའི་མི་ཞིག་ངའི་འཇིག་རྟེན་ལ་སྟོན་པ་བཞིན་བྱོན་པས་ཡིན་ལ། ཁོང་གི་དཀའ་ཚེགས་དང་སྡུག་རུས་ཀྱིས་ངེད་ཕུ་ནུ་མིང་སྲིང་ཚང་མ་བྱ་རྒོད་ཀྱི་གཤོག་འོག་ནས་བསྐྱངས་པ་ལྟ་བུའི་བདེ་ལམ་ཞིག་ཐོབ་ཡོད་པས་ཀྱང་ཡིན་ནོ།།

དེ་ལས་མང་བ་། “གསེར་མདོག་གི་ཕ་རྒན་གླེང་བ།” »