རྫ་ཚེ་རིང་བཀྲ་ཤིས།
སངས་རྒྱས་ལ་ཕྱག་འཚལ་ལོ།། ད་ནང་ཞོགས་པ་འཕྲིན་ཕྲན་གྱི་བར་སྟོང་ནས་གཞན་གྱིས་བཀོད་པའི་མཁན་ཆེན་ཚུལ་ཁྲིམས་བློ་གྲོས་ཀྱིས་ཉེ་ཆར་རྒྱ་ནག་ཁྲིན་དུ་ན་སྲོག་བླུ་གནང་བཞིན་པའི་འདྲ་པར་འགའ་ཞིག་མཇལ་བྱུང་ ཁོང་ནི་ད་བར་ངའི་མི་ཚེའི་ནང་ལ་བག་ཆགས་ཆེ་ཤོས་འཇོག་མཁན་གྱི་བསམ་བློའི་ལམ་མཁན་ཞིག་ཡིན། ངས་རྟག་པར་རང་ཉིད་ཁོང་གི་རྗེས་འབྲངས་པ་ཞིག་ཡིན་པའི་ཁས་ལེན་བྱེད་ཀྱི་ཡོད། འོན་ཀྱང་ཁོང་གི་ཞབས་རྗེས་ཟིན་མཁན་གྱི་རྗེས་འབྲངས་པ་ཞིག་གཏན་ནས་མ་རེད། དེ་ནི་ཁྱད་པར་རེད། ཁོང་གིས་རྟག་པར་སེེམས་ཤུགས་ཆེན་པོས་ཉམ་ཆུང་དུད་འགྲོའི་ཚེ་སྲོག་ལ་ལག་ལེན་དངོས་ཀྱི་ཐོག་ནས་གོང་བཀུར་གནང་གིན་ཡོད།
དེ་ལས་མང་བ་། “ཚུལ་ཁྲིམས་བློ་གྲོས—ཉམ་ཆུང་དུད་འགྲོའི་རང་འདུན་གྱི་མགྲིན་ཚབ་པ།” »
དེ་རིང་། ངའི་ཕ་མ་གཅིག་གི་སྲིང་མོ་སྒྲོལ་མ་མཚོ་ལགས་སུ་རྒྱ་གཞུང་གིས་ཟླ་བ་བཅུ་གཅིག་རིང་ལ་བཀག་ཉར་ཁང་ནས་གཅར་རྡུང་བཙོན་འཇུག་བྱས་འདུག་པ་མ་ཟད། རྒྱ་གཞུང་གིས་མི་བསད་པའི་ནག་ཉེས་བཙུགས་ཏེ་ལོ་གསུམ་ལ་ཁྲིམས་ཐག་ཀྱང་བཅད་འདུག། དེའི་ཁར་ཆབ་སྲིད་ཀྱི་ཁེ་དབང་ལོ་གསུམ་ལ་འཕྲོགས་ཡོད་པའི་སྐོར་གྱི་གནས་ཚུལ་མདོར་བསྡུས་ཤིག བོད་ཀྱི་འཐབ་རྩོད་པ་དང་བོད་དོན་རྒྱབ་སྐྱོར་བ། དེ་མཚུངས་གསར་འགྱུར་བརྒྱུད་ལམ་ཁག་གི་གསར་འགོད་པ་རྣམས་ལ་སྙན་གསེང་ཞུ་རྒྱུར། 
