སྒྱུ་རྩལ་བ་རྟ་མགྲིན་ཚེ་བརྟན་ལ་<<ཡངས་པའི་ལམ།>>དང་འབྲེལ་བའི་བཅར་འདྲི་བྱས་པ།
བཅར་འདྲི་བྱེད་མཁན། ལོ་མ་རྒྱལ།
༡༽ དྲི་བ། ཁྱོད་ཀྱིས་མུ་མཐུད་ནས་<<ཡངས་པའི་ལམ།>>ཟེར་བའི་གཞས་འདི་གཏོང་དགོས་དོན་དང་། དེ་ལ་ཡང་<<ཡངས་པའི་ལམ།>>ཟེར་བའི་ཁ་བྱང་འདི་འདོགས་དོན་ཅི་ཡིན་ནམ།
ལན། ང་རང་ལ་ཆ་མཚོན་ན། གཞས་དང་རི་མོ་ལ་སོགས། མདོར་ན་སྒྱུ་རྩལ་གྱི་ལམ་ནས་བོད་དོན་ཁྱབ་བསྒྲགས་དང་བོད་མིའི་སྐྱིད་སྡུག་གླེང་མཁན་ཞིག་ཡིན་པར་མ་ཟད།
གཏམ་བཤད་པ། ་་་་་་་ ཨ་མེ་ཝ་སྭཎ(Emma Watson)
ཡིག་སྒྱུར་བ།་་་་་བདེ་པོ་འཚོ།
གཏམ་བཤད་འདི་བཤད་མཁན་ནི་དེང་སང་ཆེས་སྐད་གྲགས་ཅན་གྱི་དབྱིན་སྒྲུང་“ཧ་རེ་བྷོ་ཌ་”(Harry potter) ཞེས་པའི་ནང་གི་འཁྲབ་སྟོན་པ་བུ་མོ་“ ཨ་མེ་ཝ་སྭཎ”(Emma Watson) ཟེར་བ་དེ་ལོ་འདིའི་སྤྱི་ཟླ་༩ པའི་ཚེས་༢༦ ཉིན་ལ་མཉམ་འབྲེལ་རྒྱལ་ཚོགས་ཀྱིས་ཆེད་དུ་གདན་འདྲེན་བྱས་ཏེ། རྒྱལ་སྤྱིའི་བུད་མེད་ཀྱི་འཐུས་ཚབ་བྱས་ནས་གཏམ་བཤད་བྱེད་པའི་གོ་སྐབས་བསྐྲུནའདུག་པས། དེའི་ཐོག་ཁོ་མོས་རྒྱུ་མཚན་ཡོད་པའི་གཏམ་བཤད་གནང་བ།
ཨོ་རྒྱན་ཉི་མ།
མཚོ་ངོགས་ཀྱི་དུང་ཟླ་ལ་ཕུལ་བའི་སྙན་དབྱངས།
་་་་་་་་་་་་་་་་་་ཨོ་རྒྱན་ཉི་མའི་འཁྲུལ་སྣང་།
སྲིད་འདིའི་མཛེས་སྡུག་ཆ་ཤས་ཀུན་སྤུངས་ཟླ་ཞུན་ས་ལ་འཕོས་པ་བཞིན།།
སྙན་ངག་མཁན་པོའི་གདུང་བ་བསལ་ཕྱིར་མཚོ་བྱུང་ལྷ་མོ་གཤེགས་པ་བཞིན།།
འཇིག་རྟེན་མཛེས་མའི་ཉམས་འགྱུར་ཁྲོད་དུ་མཛངས་མའི་ཁྱུ་མཆོག་འགྱིང་བ་བཞིན།།
འདུས་པ་སྟོང་གི་གཟི་བརྗིད་ནོན་པའི་སྙིང་གི་དུང་ཟླ་ཁྱེད་ལ་བསྟོད།།
རྩོམ་པ་པོ། ལྷམ་ཀོག (རྒྱང་མིག་གིས་འོས་སྦྱོར་བྱས།)
མེས་པོ་སྙན་ངག་པ་ཞིག་གི་ངག་རྩལ།
དེང་གི་ཆར་མང་པོ་ཞིག་གསར་དར་སྙན་ངག་འབྲི་བར་ཕྱོགས་པ་དང་བསྟུན། མེས་པོའི་མཛོད་ན་ལུས་པའི་ངག་རིག་གི་རྩལ། དབྱངས་ཅན་མའི་ཞལ་ལས་ཀྱང་ཐོན་དཀའ་བ་མང་པོ་ཞིག་ས་འོག་གི་གཏེར་བཞིན་དུ་ཕྱུང་མ་ནུས་པར་ལུས་པ་ནི་ཕངས་ཆེ་ཨང་སྙམ་ནས། ཕྲན་བུས་འདིར་ཟུར་ཙམ་ངོ་སྦྱར་བར་འདོད་པའི་རྩོམ་ཡིག་ནི། བོད་པའི་ཆོས་སྲིད་གང་ཐད་ནས་ཀྱང་གླེང་དགོས་པའི་སྐྱེས་བུ་འགྲོ་མགོན་འཕགས་པའི་སྙན་ངག་ཅིག་ཀློག་པ་པོ་དག་གི་སྤྱན་སྔར་བསྟར་རྒྱུ་ཡིན།
གླིང་གཟི་མིག
རང་སྣང་སྐྱིད་པོ་དགུང་ལ་མཉམ་པའི་བྱིས་དུས་ཞིག་ལ།།
ང་ཡི་ལང་ཚོ་དབྱར་ཁའི་མེ་ཏོག་མཉམ་དུ་སྨིན་སོང་།།
ལོ་ཟླའི་གྲངས་ཀ་རྡོ་བཙག་རྩེ་རའི་ཁྲོད་ནས་ལྷག་སོང་།།
འདས་པའི་བྱིས་ལོ་ཐུན་གཅིག་རྨི་ལམ་འདྲ་བ་སྐྱིད་སོང་།།
རིག་པ་སྦྱང་ལ་རན་པའི་སྣབས་བླུག་བྱིས་པ་ང་རང་།།
སྤང་ཁའི་མེ་ཏོག་འཐུ་བཞིན་སློབ་གྲྭའི་སྒོ་ནང་འཛུལ་ཚེ།།
རྔ་བ་རྒྱལ་ཁམས་པ།
དེ་ལས་མང་བ་། “༅༅།། སྤྲིན་གྱི་འཇིག་རྟེན་བགྲོད་པའི་གཏམ་རྒྱུད། བདུན་པ།” »
གཅན་བཟོད་རྒྱམ།
དེ་རིང་སྤང་གོང་མཚོ་ལ་མཚོ་མཇལ་དུ་འགྲོ་དགོས་པས་ཞོགས་པ་སྔ་མོ་ནས་གཉིད་སད་བྱུང་། མལ་ལས་ལངས་ཏེ་གདོང་པ་ཁྲུས། ཐབ་ཚང་དུ་སོང་སྟེ་ཇ་ཐང་བསྐོལ་ཏེ་སྐོམ་ཆུ་ཁྱེར་སྦྱད་འགྱིག་དམ་ནང་དུ་བླུག ཁྲུས་ཆས་དང་པར་ཆས། ཕྱི་ལ་གྱོན་པའིི་ལྭ་བ་བཅས་རྒྱབ་ཁུག་ཏུ་བརྫངས་དེ་ལམ་དུ་ཆས། གྲོགས་པོ་ནང་མི་དང་བཅས་པ་ད་དུང་གཉིད་ཀྱི་ཞིང་ཁམས་སུ་མྱུལ་བཞིན་འདུག བརྒྱ་ཤོག་དང་པོ་ནས་གསུམ་པ་བར་དུ་ཆུའི་ཡུར་པ་ཆེན་པོ་ཞིག་ཡོད་པ་དེ་དེད་ནས་བོད་ཁྱིམ་སློབ་ཕྲུག་ཆེ་ཆུང་མང་པོས་དཔེ་ཁུག་འཁུར་ཏེ་བོད་ཁྱིམ་སློབ་གྲྭའི་ཕྱོགས་སུ་འགྲོ་བཞིན་འདུག
རྫ་ཚེ་རིང་བཀྲ་ཤིས།
ལམ་ཆེན་སྣེ་མོ་ཤར་གྱི་མཐའ་ལ་བསྐྱངས།།
སྒར་བའི་མི་ཚེ་སྐྱ་མོའི་ལམ་ནས་ཟད།།
དགུང་མ་རེ་རེ་བཞིན་ཟླ་བ་སྔས་ལ་བཏགས།།
འདི་དུས་ཁོ་བོས་ཁྱེད་རང་དྲན་བཞིན་མཆིས།།
བྱེ་མའི་ཐང་ལ་རྔ་མོང་གོམ་ཁ་བརྟན།།
མི་མེད་ལུང་བར་རྟ་ཕོ་ཕྱི་ཐག་རིང་།།
བྲོ་ཁ་ཆད་ན་ལམ་རོགས་འཚིག་པ་ཟ།།
འདི་དག་ཡོད་ཚད་ང་ལ་ཆ་ཡོད་ཡིན།།
དེ་ལས་མང་བ་། “ཤར་འདུལ་དམག་དཔོན་འབྲོམ་སེང་གེ་དཔལ་གྱིས་ནང་མི་དང་འཛོམས་དུས་བྱེད་པ།” »
ཆོས་རྗེ་ཚང་ཡོན་ཏན་རྒྱ་མཚོ།
ཨ་མ་བཟང་མོའི་བྱམས་བརྩེའི་ཐུ་འོག་ནས།།
འཛུམ་ཆུང་རྒྱས་པའི་བུ་མོ་མེ་ཏོག་ཁྱོད།།
དེ་རིང་ཟླ་བཅུ་ལོངས་པའི་ཉིན་མོ་འདིར།།
ཨ་ཕས་ཚིག་འགའ་བཤད་ལ་བུ་མོས་ཉོན།།
རེ་དོགས་མ་མང་ཕུགས་འདུན་ཡོད་པ་བྱོས།།
དགའ་སྐྱོ་མ་མང་རང་ཚུགས་བརྟན་པ་བྱོས།།
སྤོབས་པ་མཐའ་ཡས།
སྲིད་འཛིན་བློ་བཟང་སེང་གེ་མཆོག་ནི་རྡོ་རྗེ་གླིང་དུ་ས༡༩༦༨ལོར་འཁྲུངས་ཤིང་ཁྲིམས་ལུགས་ཀྱི་མཁས་དབང་དང་ཆབ་སྲིད་ལས་འགུལ་བ་ཞིག་རེད། ༢༠༡༡ལོའི་ཟླ་བརྒྱད་པའི་ཚེས་བརྒྱད་ཉིན་ཁོང་བོད་ཀྱི་སྲིད་སྐྱོང་དུ་མངའ་གསོལ། ཁོང་ནི་རྡོ་རྗེ་གླིང་གི་བོད་མི་སྐྱབས་བཅོལ་བའི་གཞིས་ཆགས་ཤིག་ཏུ་འཁྲུངས་ཤིང་འཚར་ལོངས་བྱུང་། བྱིས་པའི་དུས་སུ་ཞིང་གྲོང་གི་གསེབ་ཏུ་བ་ཕྱུག་འཚོ་སྐྱོང་དང་། ནགས་ཚལ་གྱི་གསེང་ནས་འབུད་ཤིང་བསྡུ་ལེན། དགུན་དུས་སུ་གྱོན་གོས་འཚོང་དུ་འགྲོ་བ་སོགས་ཕ་མ་ནང་མིའི་འཚོ་ཐབས་ལ་རོགས་རམ་བྱས།
ཡོང་ཁུངས། བོད་མིའི་སྒྲིག་འཛུགས་ཀྱི་དྲ་རྒྱ
༸གོང་ས་མཆོག་གིས་ནེ་ཧ་རུའི་རྗེས་དྲན་མཛད་སྒོ་ཐེངས་༡༡ ཐོག་བཀའ་སློབ་སྩལ་བ།
ཕྱི་ལོ་༢༠༡༤ ཟླ་༡༡ ཚེས་༢༠ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་རྒྱལ་ས་ལྡི་ལི་གསར་པའི་ཇ་ཝ་ཧར་ལལ་ནེ་ཧ་རུའི་ Eleventh Nehru Memorial Lecture at Jawaharlal Nehru University རྗེས་དྲན་མཛད་སྒོ་ཐེངས་༡༡ ཐོག་ཆིབས་སྒྱུར་བསྐྱངས་ནས་མིའི་ཐབས་ལམ་འོག་ཞི་བདེ་ལྡན་པའི་འཛམ་གླིང་ཞིག་སྐྲུན་རྒྱུ། ཞེས་པའི་བརྗོད་གཞིའི་ཐོག་བཀའ་སློབ་སྩལ་ཡོད།
དེ་ལས་མང་བ་། “༸གོང་ས་མཆོག་གིས་ནེ་ཧ་རུའི་རྗེས་དྲན་ཐོག་བཀའ་སློབ་སྩལ་བ།” »
ཀོ་ལི་གྷ་གཞིས་ཆགས་གཞུང་པ་ཚེ་དབང་བསོད་ནམས།
ཀ་ལས་མང་པོ་མྱང་པའི་སྤྲེལ་སྲིན་རིགས།།
ཁ་བ་ཅན་དེ་ང་ཚོའི་ཕ་ཡུལ་རེད།།
ག་རེ་བྱས་ནས་རྒྱ་ལ་ཤོར་བ་རེད།།
ང་ཚོ་མི་ཡུལ་ཡོང་དོན་གང་ཡིན་ནམ།།
ཅ་ཅོ་མང་བའི་རྒྱལ་སྤྱིའི་ཆབ་སྲིད་མདུན།།
ཆ་རྒྱུས་མེད་པའི་བོད་མིའི་འཐབ་རྩོད་དེ།།
འབའ་སྲས།
སྙན་ངག་ཤོག་དཀར་ངོས་ནས་མིན།།
སྙན་ངག་སྙུ་གུའི་རྩེ་ནས་མིན།།
སྙན་ངག་དཔེ་དེབ་ངོ་ན་མེད།།
སྙན་ངག་ཡི་གེའི་ཚོགས་ན་མེད།།
རི་དང་རྒྱ་མཚོ་སྙན་ངག་ཀློང་།།
ཁྱིམ་དང་གྲོང་ཁྱེར་སྙན་ངག་མཛོད།།
དེ་ལས་མང་བ་། “སྙན་ངག་གང་ནས་འབྲི། ཇི་ལྟར་འབྲི། ༼ཞར་བཀོད་གཅིག༽” »
ཁྲོ་གཏུམ།
___ ཉིས་སྟོང་བཅུ་ལོའི་ངའི་ང་རྒྱལ་གྱི་སྣེ་མོ་ཞིག
“མི་གཞི” སྤྱི་ཚོགས་ཀྱི་མ་རྐང་ལ་འཐིམས་དགོས་པའི་རེ་བཞག་ལྕི་མོ་ཞིག
“མི་གཞི”སྤྱིའི་བདེ་སྡུག་གི་དྲང་བདེན་ལ་འཁྱིལ་བའི་བླ་སྲོག་གསར་པ།
“མི་གཞི”མིའི་འཚོ་གནས་ལ་སྙིང་པོ་སྐྲུན་ས་དང་ཕུགས་འདུན་གྱི་མར་ཁུ་འཕྱུར་ས།
ཆེ་ས་འཛམ་གླིང་དང་ཆུང་བ་མི་ཚང་གི་བར་དུ་མེད་དུ་མི་རུང་བའི་རང་དབང་དང་འདྲ་མཉམ། ཡིད་རྟོན། འཕེལ་རྒྱས། འབྲེལ་འདྲིས་སོགས་ཀྱི་རྟེན་སའི་གཞི་རྩ་དང༌།
རྩོམ་མཁན། རེབ། ཧེན་སེལ།(Ray Hansell)
(རྡོ་རྗེ་རིན་ཆེན་གྱིས་དབྱིན་ཡིག་ལས་བསྒྱུར།)
ཕེབས་པར་ཞུ། ང་ཡི་འཇིག་རྟེན་དུ་ཕེབས་པར་ཞུ།
རེ་འགས། དེ་ནི་ཕལ་བའི་འཇིག་རྟེན་ཞིག་ཡིན་པར་སྨྲ།
རེད་དེ། དེ་ལྟ་ལགས་མོད་ཀྱང་།
གང་ལྟར། དེ་རུ་ནམ་ཀུན་ང་ཡི་ངོ་གདོང་འཛུམ་གྱིས་ཁེངས།
འབའ་སྲས།
ཡ་ཁ་སྤུ་ཡི་སྐྱེས་རྒྱ་སྟུག་པོའི་ཁ།།
མ་ཁ་འཇིབ་ན་ཞིམ་ཞིང་མངར་བའི་ཁ།།
ཆང་དྲི་དུ་དྲི་གཏན་ནས་མི་བྲོ་ཁ།།
ང་ཡི་ཁ་འདི་གཞན་དང་མི་མཚུངས་ཁ།།
ཡི་གེ་བཀླག་ན་མེ་ལྕེ་འབར་བའི་ཁ།།
སྙན་ངག་འཆད་ན་གློག་དམར་འཁྱུག་པའི་ཁ།།
ཡོང་ཁུངས། བོད་མིའི་སྒྲིག་འཛུགས་ཀྱི་དྲ་རྒྱ
སྲིད་སྐྱོང་མཆོག་ཨ་རི་དང་ཁེ་ན་ཌ་ཁུལ་དུ་གཞུང་འབྲེལ་ཕྱོགས་ཕེབས་གནང་བ།
དཔལ་ལྡན་སྲིད་སྐྱོང་མཆོག་ཕྱི་ལོ་༢༠༡༤ ཟླ་༡༡ ཚེས་༡༩ ཉིན་རྡ་ས་ནས་ལྡི་ལིར་ཕེབས་ཐོན་གནང་ནས་ཁུལ་དེར་ཕྱི་ཚེས་༢༠ ཉིན་གནད་ཡོད་མི་སྣ་དང་མཇལ་འཕྲད་གནང་ནས། ཉིན་དེར་ཨ་རིའི་གྲོང་ཁྱེར་ནི་ཝག་(Newark) ཏུ་ཕེབས་ཐོན་གནང་ནས་ཕྱི་ཚེས་༢༡ ཉིན་ཕེབས་འབྱོར་གནང་ནས་ཉིན་དེར་ཁེ་ན་ཌའི་གྲོང་ཁྱེར་ཧ་ལི་ཕེག་སི་ Halifax ནང་ཕེབས་འབྱོར་གནང་རྒྱུ་དང་། ཕྱི་ཟླ་༡༡ ཚེས་༢༡ ནས་༢༦ བར་ཁེ་ན་ཌའི་གྲོང་ཁྱེར་ཧ་ལི་ཕེག་སི་ Halifax རུ་རྒྱལ་སྤྱིའི་བདེ་འཇགས་གླེང་སྟེགས།(Halifax International security forum) ཞེས་པའི་ལྷན་ཚོགས་སུ་མཉམ་ཞུགས་གནང་རྒྱུ་དང་།
དེ་ལས་མང་བ་། “སྲིད་སྐྱོང་མཆོག་གཞུང་འབྲེལ་ཕྱོགས་ཕེབས་གནང་བ།” »
རྩོམ་པ་པོ། ཨ་འདུས་མིག་ཆུ།
——རྩོམ་རིག་དགེ་རྒན་ཨ་འཁོར་བཟོད་པ་ལགས་སུ།
ཤེས་རིག་གི་གཞུང་ཤིང་དང་མུན་སེལ་གྱི་སྒྲོན་མེ། སྒྱུ་རྩལ་གྱི་བྱེད་པོ། བྱམས་བརྩེ་ཡི་བདག་ཉིད་ལགས། ཁྱེད་ནི་མི་ཡུལ་གྱི་སློབ་ཕྲུག་སྟོང་ཕྲག་གི་དཔུང་གཉེན་དང་། སློབ་མ་བརྒྱ་ཕྲག་གི་སེམས་ཀྱི་མཐོ་ས་ན་ཉར་བའི་དགེ་བའི་བཤེས་གཉེན་ཡིན།
རྒན་ལགས། ཁྱེད་ཀྱི་སྨྲ་དག་པའི་ལྕེ་རྩེ་ལས་བྱུང་བའི་རིག་གནས་ཀྱི་ཐ་སྙད་གསར་པ་དང་། ལུས་ཀྱི་ཉམས་འགྱུར་ལས་མངོན་པའི་སྒྱུ་རྩལ་གྱི་བཟི་ཁ། ད་དུང་སེམས་ཀྱི་གཏིང་རིམ་ནས་ངོམ་པའི་ཆགས་སྡང་གི་གཤིས་ཉམས་དེ་དག
