འཇིགས་མེད་བློ་གྲོས། རིགས་སློབ།

 
ཀུན་རྟོག་སེམས་ཀྱི་རྒྱུ་བ་འགགས་གྱུར་ཅིང་། །
འདི་ཡིན་འདི་མིན་འདུ་ཤེས་འཐོར་གྱུར་ཏེ། །
སྣང་གསུམ་སྟོང་པའི་དབྱིངས་སུ་ནུབ་གྱུར་པའི། །
འཕོ་མེད་བདེ་བའི་ཀློང་དུ་བརྒྱལ་དེར་འདུད། །

བོད་དུ་དབུ་མའི་ལྟ་གྲུབ་དང་འབྲེལ་བའི་དགག་སྒྲུབ་ཀྱི་གྲུབ་མཐའི་རྩོད་པ་སྣ་ཚོགས་ཤིག་བྱུང་བའི་ཁྲོད་ཀྱི་གླེང་གཞི་ཆེས་ཆེ་བ་ཅིག་ནི་རྒྱའི་ཧྭ་ཤང་གི་ལྟ་གྲུབ་དང་འབྲེལ་བའི་རྩོད་པ་དེ་ཡིན།

དེ་ལས་མང་བ་། “རྒྱའི་ཧྭ་ཤང་གི་རྗེས་འཇུག་ནུབ་ཕྱོགས་ན་འདུག” »

དེ་རིང་ངོ་དེབ་སྟེང་གི་རྩོམ་ཡིག་ཅིག་བཀླགས་ཚར་རྗེས་སླར་ཡང་གསར་འགྱུར་དེ་འཚོལ་དགོས་པར་གྱུར། ངས་རྩོམ་ཡིག་འདི་མཐོང་བ་ཐེངས་གསུམ་པ་དེ་ཡིན་བསམས་བྱུང་། ཐོག་མར་བསྟན་འཛིན་རྡོ་རྗེ་ལགས་ཀྱི་ངོ་དེབ་དང་དེའི་རྗེས་སུ་མཁས་པ་ཚེ་རིང་ཤཱཀྱ་ལགས་ཀྱི་ངོ་དེབ་གཉིས་རེད། ད་ཡང་བསྐྱར་བརྟགས་སྐབས་མཁས་པ་ཚེ་རིང་ཤཱཀྱ་ལགས་ཀྱིས་འདི་ལ་མཆན་ཐུང་ཞིག་ཀྱང་བཞག་འདུག མཆན་ཐུང་དེར། “བོད་མིའི་ནང་ཁུལ་དུ་སྐད་འཕྲིན་ནི་ཧ་ཅང་གྲགས་ཆེ་ཡིན་པ་དང་། བོད་ནང་གི་གྲོགས་པོ་དག་དང་ལྷན་དུ་སྐད་འཕྲིན་འདི་སྤྱོད་རྒྱུ་ལས་གཞན་པའི་འདམ་ཁ་མི་འདུག” ཅེས་བྲིས་འདུག

དེ་ལས་མང་བ་། “སྐད་འཕྲིན་ཡིན་ནམ་རྐུན་འཕྲིན་ཡིན།” »

སྐལ་བཟང་སྒྲོལ་མ།

 
ཁ་བ་ཅན་གྱི་ཡུལ་དུ་འཚོ་ཞིང་གནས་པའི་བོད་མི་རིགས་ནི་གུས་ལུགས་མཛད་སྒོར་བརྩི་མཐོང་ཆེ་བའི་མི་རིགས་ཡ་རབས་ཤིག་ཡིན་ཏེ། བོད་ཁུལ་དུ་མི་ངོ་ཤེས་མིན་སུ་དང་འཕྲད་ནའང་ཕན་ཚུན་བར་འཚམས་འདྲི་ཞུ་ཞིང་། མཇལ་འཕྲད་བྱུང་བའི་ཐོག་མར་ཡང་ཁྱོད་བདེ་མོའམ་ཁྱོད་ཨེ་དཀའ་ཐལ་ཞེས་འཚམས་ཞུ་གནང་ངེས། ཡུལ་མཐའ་འཁོབ་ཀྱི་འབྲོག་ཁུལ་དུ་ཡིན་རུང་འབྲོག་མི་ངོ་མི་ཤེས་པ་གཉིས་ཐུག་འཕྲད་བྱུང་ནའང་གྲོགས་པོ་རྙིང་བ་ཞིག་དང་ཐུག་པ་བཞིན་སྤྲོ་སེམས་འཁོལ་བའི་ངང་ནས་འཚམས་འདྲི་ཞུ་བར་མ་ཟད། ད་དུང་མགྲོན་པོ་སྦྲ་གུར་ནང་ཏུ་བསུས་ནས་ཇ་འདྲེན་སྲིད་པས། མི་སུ་ཡིན་རུང་རང་ཉིད་ཀྱི་ཁྱིམ་དུ་སླེབས་པའི་སྣང་བ་སྟེར་ངེས།

དེ་ལས་མང་བ་། “བོད་ཀྱི་མཆུ་སྦྱོར་གུས་ལུགས་ཀྱི་གོམས་སྲོལ་གླེང་བ།” »

ཆུང་ཚེ་རིང་གི་ངོ་དེབ་ལས་དྲངས།

 
ཟླ་བ་༡ ཚེས་༧ ཉིན་ཧྥ་རན་སིའི་རྒྱལ་སའི་ཟུར་ཟའི་དུས་དེབ་“ཤཱག་ལི་ ཨེབ་དྷོ་”(Charlie Hebdo)ཞེས་པའི་རྩོམ་སྒྲིག་ཁང་དུ། མེ་མདའ་ཐོགས་པའི་མི་གཉིས་འཛུལ་ཏེ་རྩོམ་སྒྲིག་པ་དང་ཟུར་ཟའི་རི་མོ་བ་ཚུད་པའི་མི་ ༡༢ བསད་པ་དང་། མི་ ༡༡ ལ་རྨས་སྐྱོན་བཏང་།
དུས་དེབ་“ཤཱག་ལི་ ཨེབ་དྷོ་”ནི་ ༡༩༦༩ ནས་བཟུང་སྟེ་རེས་གཟའ་ལྷག་པ་ནམ་ཡིན་ལ་(༡༩༨༢ ནས་ ༡༩༩༢ བར་འདོན་མཚམས་ཆད་མྱོང་) འདོན་པའི་ཟུར་ཟའི་དུས་དེབ་ཅིག་ཡིན་ཞིང་།

དེ་ལས་མང་བ་། “ང་ཤཱག་ལི་ཡིན་ནམ།” »

སྣང་རྒྱལ་ཤེས་དགེ། ༼ཝར་ཎ༽

 
སློབ་མ་ནས་དགེ་རྒན་དུ་གྱུར་བའི་བརྒྱུད་རིམ་འདིས་ཡིག་རྒྱུགས་སྤྲོད་མཁན་ནས་ཡིག་རྒྱུགས་ལེན་མཁན་ཞིག་ཏུ་གྱུར་སོང་། དེ་རིང་གི་རྒྱུགས་རའི་རྣམ་པ་མང་པོ་ཞིག་གིས་ང་ཕྱིར་དྲན་གྱི་ཀློང་དུ་འདྲེན་པར་བྱས་ཤིང་། ཕྱིར་དྲན་གྱི་ཀློང་ནས་འགྱུར་ལྡོག་གི་དཀྱོག་མཚམས་རེ་རེའང་ཡིད་ངོར་གཟུགས་ཅན་བཞིན་དུ་ཤར་བར་བྱས། རྒྱུན་དུ་སློབ་སྦྱོང་ལ་སྤྲོ་སྣང་མེད་པའི་སློབ་མ་མང་པོ་ཞིག་གིས་ཁྱིམ་མཚེས་ཀྱི་རོགས་སྐྱོར་དང་རང་ཉིད་ཀྱི་གཡོ་འཕྲུལ་ལ་རེ་ལྟོས་བྱེད་བཞིན་འདུག་ཅིང་། ཁོ་ཚོས་བཙན་ཚུགས་ཀྱིས་བཏོད་པའི་སྒམ་ཉམས་དང་དྲང་མདོག་དེས་རང་ཉིད་དཀའ་ཁག་ལ་ཐུག་ཡོད་པ་གསལ་སྟོན་བྱས་པ་ལྟ་བུར་འདུག་ཅིང་།

དེ་ལས་མང་བ་། “ཡིག་ཚད་གཏོང་སྐབས་དགེ་རྒན་ཞིག་དྲན་པ།” »

ལྷ་དབང་།  (ཨེ་མ་ཧོས་བརྒྱུད་སྤྲོད་བྱས།)

 
དགེ་རྒན་ཆེན་མོར་གྲགས་པའི་དཔལ་སྤུངས་པ་ཐུབ་བསྟན་ཕུན་ཚོགས་ཀྱིས་ཉེ་སྔོན་བྲིས་པའི་༼གསེར་རྟའི་རྩིས་རམས་པ་ལ་བརྒལ་ལན་སྦྲང་རྩིའི་མཆོད་སྤྲིན་༽ ཞེས་པའི་རྩོམ་ཡིག་དེ་ཐེངས་གཅིག་ཤར་མར་བཀླགས་པ་ན། རྩིས་རིག་དང་ལོ་རྒྱུས་ཀྱི་སྐོར་ལ་བག་ཆགས་ཐན་ཐུན་ཙམ་ལས་འཇོག་མ་མྱོང་བའི་བདག་གིས་ནོར་བའི་ཆ་དང་། འཁྲུལ་བའི་རིགས། འགལ་བའི་སྐྱོན་སོགས་དགེ་རྒན་ཆེན་མོ་ཁོང་གི་དགུང་གྲངས་ལས་ཀྱང་ལྡབ་འགྱུར་གྱིས་མང་བ་མཐོང་ཞིང་། དེ་དག་རེ་རེ་བཞིན་འདི་དང་དེ་རེད་ཅེས་བྱིས་པ་ཚོར་ཀ་ཁ་སློབ་ཁྲིད་བྱེད་པ་ལྟར་དགེ་རྒན་ཆེན་མོ་ཁོང་ལ་ར་སྤྲོད་བྱེད་དགོས་པར་སྣང་སོང་།

དེ་ལས་མང་བ་། “ཐུབ་བསྟན་ཕུན་ཚོགས་ཨར་ལ་གཏད་པ།” »

ཡི་གེར་བཀོད་པ་པོ། མགལ་དུམ།

(ཀླུ་ཆུ་མི་མང་གིས་ཀླུ་ཆུ་མི་དམངས་སྲིད་གཞུང་ལ་དཀའ་ངལ་སྙན་ཞུ་བྱེད་བཞིན་པའི་བརྙན་རིས་སྐར་མ་གཉིས་དང་སྐར་ཆ་ང་དགུ་ཅན་ཞིག་ཡི་གེར་བཀོད་པ)

སྐད་ཆ་བཤད་མཁན་གཉིས་སུ་ཡིན་མི་ཤེས་པས་ཀ་བ་དང་ཁ་བ་ཞེས་འབོད་ཆོག་པར་ཞུ།

ཀ་བ། ༽ཨ་རོ། འདི་རུ་(མི་དམངས་སྲིད་གཞུང་ཁང་)འདི་འདྲའི་མི་མང་པོ་ཞིག་བསྡད་འདུག་པ་དེ་ཅི་ཞིག་མ་འགྲིག་པ་རེད་ཅེས་ཐེངས་གཉིས་ལ་ཁ་བ་ལ་དྲིས་མཐར།
ཁ་བ།༽ ས་འདི་མི་མང་སྲིད་གཞུང་ཁང་རེད། དེ་ཚོ་སློབ་མ་དང་སློབ་མའི་ཁྱིམ་བདག་རེད། ཁ་སང་སློབ་མ་ཚོས་རྒྱུགས་(ཡིག་ཚད)སྤྲད་དུས་རྒྱུགས་ཤོག་རྫུན་མ་བཙོངས་པ་སོགས་གནས་ཚུལ་བྱུང་འདུག་ལ།

དེ་ལས་མང་བ་། “ཀླུ་ཆུ་མི་མང་གི་སྐད་ཆ།” »

རྡོ་རྗེ་རིན་ཆེན།
༡
ཁོང་དང་ཁོང་གི་བུ་རབས་ཚ་རྒྱུད་རྣམས་ཀྱིས། ཡ་གླིང་གི་གནམ་ས་དབང་དུ་བསྡུས་ཤིང། རྟུལ་ཕོད་ཀྱི་མདུང་མོ་ཡོ་རོལ་གླིང་དུ་གཏད་མྱོང་བ། ཁྱོད་ཀྱིས་གོ་འེ་མྱོང་།
༢
ཁོང་ནི་བཙན་པོ་གཉའ་ནས་གནོན་མཁན་གྱི་བཙན་འཛུལ་བ་ཡ་མེད་ཅིག་དང་། གནའ་བོའི་ཁན་ཐེ་(Khentii mountain)རི་བོའི་ཉེ་ཞབས་ན་འཚོ་བའི་དམུ་རྒོད་ཀྱི་སོག་པོ་མི་རིགས་ལ། བླ་ན་མེད་པའི་རྒྱལ་ཁམས་དང་། ཁྲིམས་ཀྱི་ལྕགས་རི་བསྐོར་མཁན་དེ་ལགས།

དེ་ལས་མང་བ་། “ཇིང་གར་རྒྱལ་བོ།” »