དོལ་སྨྱོན།
——-འཛིན་རོགས་གཅིག་པ་བསྟན་སྐྱིད་ལ་ཕུལ།
ནད་པ་ལྟ་དུས་སྨན་པ་ཡིན་མཁན།།
གླུ་དབྱངས་ལེན་དུས་གཞས་མ་ཡིན་མཁན།།
སྙན་ངག་འབྲི་དུས་རྩོམ་རོགས་ཡིན་མཁན།།
ཁྱེད་རང་དེང་སང་བདེ་མོ་ཡིན་ནམ།།
དཔེ་དེབ་ཀློག་ལ་དགའ་བོ་ཡོད་མཁན།།
ཟིན་ཐོ་འབྲི་ལ་སྤྲོ་བ་ཡོད་མཁན།།
སྡོམ་པ་མི་ཐེག་པའི་ཁུར་བོ།
སྣང་ཤེས། (ཝར་ཎ)
ངེས་འབྱུང་རྐྱེན་གྱིས་མ་བསྐུལ་སྡོམ་པ་འདི།།
སངས་རྒྱས་སྒམ་པོའི་གཞུང་དང་ཨེ་འགལ་ལམ།།
རྩ་བ་མེད་པའི་རྩེ་མོ་ཆེན་པོ་འདི།།
སེམས་ཅན་དམུན་པོའི་བློ་དང་ཨེ་འཚམས་སམ།།
མེ་ལྟར་འབར་བའི་ཆགས་སེམས་དམར་པོ་འདི།།
ངུར་སྨྲིག་གོས་ཀྱིས་བཏུམས་ན་ཨེ་ཁོག་གམ།།
ཕོ་མཚན་འདི་དགོས་མེད་ཡིན།
འཇམ་གཅེས།
རབ་དཀར་གངས་རིའི་ཡུལ་དུ་མཚན་དཔེ་དེ་བཞད་རྗེས།།
ཡངས་པའི་ཁྱོན་འདིར་མཛད་འཕྲིན་དབྱར་ཆུ་ལྟར་རྡོལ་མཛད།།
ལག་ཟུང་ཐལ་སྦྱར་ཅན་གྱི་གོཽ་ཏ་མའི་དགེ་སྦྱོང་།།
དེང་དུས་སྟོན་མཆོག་འཇིག་རྟེན་མགོན་པོ་དེར་བཀུར་རོ།།
སྙིགས་ལྔའི་དྲག་རླུང་འཚུབ་མའི་གདུག་རྩུབ་ཀྱི་ནང་དུ།།
ངན་དགུ་མ་ཚང་མེད་པའི་རང་གཞན་གྱི་བརླང་སྤྱོད།།
སྙིང་གིས་གློ་བསྟན་པ།
མགལ་དུམ།
———(ཐག་ཉེ་རིང་གི་གློ་ཉེ་དག་ལ་བསྐུར་བའི་སྙིང་གི་ཚིག)
རྡོ་ཡི་ཁོག་པར་སྦས་པའི་སྐད་ཆ་དག
རི་བོ་གཡོམ་གཡོམ་འགུལ་བའི་མིག་ཆུ་ལ་འཐིམས་ཡོད།
བརྩེ་དུང་ཞགས་ཐག་གིས་རིང་དུ་བཏགས་ཡོད་པས།
མཆི་མ་སྨུག་ལོང་གི་ལྟེ་བར་གཅུད་ཅིང་།
དབུགས་ལེབ་མོ་དག་ཀྱང་ཆུ་བུར་གྱི་ངོས་སུ་འབྱར་ཡོད་སྐད།
འབྲི་གུང་༧སྐྱབས་མགོན་ཆེ་ཚང་མཆོག་ཐའེ་ཝན་དུ་ཕེབས་པ།
རྫ་ཚེ་རིང་བཀྲ་ཤིས།
འབྲི་གུང་༧སྐྱབས་མགོན་ཆེ་ཚང་རིན་པོ་ཆེ་མཆོག་ཐའེ་ཝན་ཧྲི་ཀང་རི་བོའི་ཤེར་འོད་སྒོམ་གླིང་དུ་ཕེབས་ཏེ་རབ་གནས་དང་བཀའ་ཆོས་གནང་བ།
དེ་ཡང་ཁ་རྩང་གུས་པ་ཤེར་འོད་གླིང་གསར་བཞེངས་ཀྱི་རབ་གནས་མཛད་སྒོར་བཅར་རྒྱུའི་གོ་སྐབས་བྱུང་ཞིང་། འདི་ནི་མཉམ་མེད་རྒྱལ་བ་འབྲི་གུང་བའི་རིང་ལུགས་འཛིན་པ། ཐའེ་ཝན་གནས་བཞུགས་བླ་མ་ཡེ་ཤེས་རབ་རྒྱས་ཀྱིས་ཕྱག་བཏབ་གནང་བའི་སྒོམ་སྒྲུབ་ལྟེ་གནས་ཤིག་རེད། འདིར་རྩ་བའི་ཚོགས་ཁང་དང་། མཚམས་ཁང་། སྤྱིའི་རུང་ཁང་བཅས་མ་ལག་ཁག་གསུམ་གྱིས་གྲུབ་ཡོད།
དེ་ལས་མང་བ་། “འབྲི་གུང་༧སྐྱབས་མགོན་ཆེ་ཚང་མཆོག་ཐའེ་ཝན་དུ་ཕེབས་པ།” »
གངས་སེང་དཀར་པོའི་གཡུ་རལ་དགུང་ལས་མཐོ།།
ཨེ་མ་ཧོ།
ན་མོ་གུ་རུ་དྷརྨ་དྷ་ར་ཡེ།
ཁ་བའི་འདབ་མང་བརྩེགས་པའི་གངས་རིའི་རྩེར།།
སྤྲིན་དཀར་སྨུག་པས་གཏམས་པའི་ཀློང་ཡངས་སུ།།
རི་དྭགས་གཡང་དྭགས་རྒྱལ་པོ་འཇིགས་བྲལ་བ།།
གངས་སེང་དཀར་པོའི་གཡུ་རལ་དགུང་ལས་མཐོ།།
ཕ་ལམ་ཕྲ་རྡུལ་སྤུངས་འདྲའི་རྫ་རིའི་ངོགས།།
ཐང་དཀར་བྱ་རྒྱལ་རྒོད་པོ་ཚང་ཆེན་དུ།།
ལྟ་བ་ནི། ཚེ་སྲོག་ལས་ཀྱང་གལ་ཆེ།
ཁང་ཟླ་སྲས།
དང་པོ། དཔའ་པོའི་ཆོད་སེམས།
ང་ཚོས་འདས་ཟིན་པའི་རང་དབང་འཐབ་རྩོད་ཀྱི་བརྒྱུད་རིམ་ལ་ག་ལེར་ཕྱིར་མིག་ཅིག་བལྟས་ཚེ། རྒྱ་གཞུང་གིས་ཇི་ལྟར་ཆབ་སྲིད་ཀྱི་ལྟ་བ་མཁྲེག་འཛིན་བྱས་པ་དེ་བས་ཀྱང་བོད་མི་ཚོའི་རང་གི་ཆོས་དང་རིག་གཞུང་ལ་བཅངས་པའི་རྣམ་པ་ཇེ་ཆེ་དང་ངོ་བོ་ཇེ་བརྟན་དུ་སོང་ཡོད་དེ། རྒྱ་ནག་གི་བོད་དབང་བསྒྱུར་བྱས་པ་ནས་བཟུང་བོད་ཀྱི་གཞི་རིམ་མང་ཚོགས་དཀྱུས་མ་ནས་མཐོ་རིམ་ལས་བྱེད་པ་ཚུན་ཆད་ཀྱིས་རྒྱ་ནག་གིས་བོད་ལ་བཟུང་བའི་སྲིད་བྱུས་ཐད། རང་གི་གཅེས་པའི་ཚེ་སྲོག་ཀྱང་སྣང་མེད་དུ་བཏང་སྟེ་ཡིག་ངག་གཉིས་ཐད་ནས་རྩོད་གླེང་བྱས་ཡོད་ལ།
ལྷ་མོ་དོན་གྲུབ། ངས་ཁྱོད་འདི་ལྟར་མཐོང༌།
ཨ་འདུས་སྐལ་བཟང་རྒྱ་མཚོས།
———ངོས་ཀྱི་ཡུལ་དང་ངོས་ཀྱི་མི་མང་ཞེས་པའི་བཀའ་རྩོམ་བཀླགས་རྗེས།
སྙན་འཇེབས་གསུང་གི་འགྱུར་ཁུག་རེ་ན་ལེགས་བཤད་གསེར་གྱི་འོད་ཕྲེང་རེ།།
རབ་དཀར་ཞལ་གྱི་འཛུམ་དམུལ་རེ་ན་སྐྱོ་གདུང་གཤགས་པའི་བྱམས་བརྩེ་རེ།།
ཡིད་འོང་མཉེན་ལྕུག་ཕྱག་རྒྱ་རེ་ན་དད་འདུན་འགུག་པའི་སྒྱུ་འཕྲུལ་རེ།།
བསམ་ཡས་རིག་པའི་འཁྱུག་ཤེད་རེ་ན་འགྲོ་དྲུག་སྐྱོང་བའི་ཟློས་གར་རེ།།
ཁྱོད་ནི་ཚན་རྩལ་རིག་པ་མིན་ཡང་སླད་མར་ཕན་པའི་སྨན་ཕུང་ཞིག།
དྲན་ཚོར་གྱི་ཁ་དོག
རྫ་ཆུའི་ཟླ་བ།
སྤྲིན་ཚོམས་མེ་ཏོག་ཁྱོད་ཀྱི་ཕྱོགས་སུ་བཞད།།
སྦྲང་ཆར་བབས་པས་བདག་སེམས་གྲང་ཞིང་བསིལ།།
འབྲུག་སྒྲའི་ཁྲོད་ནས་ཁྱོད་ཉིད་དྲན་ན་ཡང་།།
ཡིད་སེམས་གསོ་བའི་གྲོགས་ཤིག་འཚོལ་ཐབས་བྲལ།།
བདག་ཉིད་གཅིག་པུར་མེ་ཏོག་གྲུ་ཁར་ཁེན།།
གནས་འདིར་སྔར་བཞིན་རང་བྱུང་ལྷིང་འཇགས་ལྡན།།
<<བདག་དང་ཐ་སྙད་ཅིག་གི་གཏམ་རྒྱུད།>>
ལོ་མ་རྒྱལ།
ལོ་གསུམ་གྱི་ཡར་སྔོན་ལ། ཡིག་བསྒྱུར་གྱི་ལས་གཞི་འདི་མགོ་ཚུགས་ནས་མཚམས་ཤིག་ཏུ། ང་རང་(sadism) ཟེར་བའི་དབྱིན་ཇིའི་ཐ་སྙད་འདི་དང་ཐོག་མར་འཕྲད། དེའི་སྐབས་དོན་ནི་གཞན་གྱི་སྡུག་བསྔལ་མཐོང་དུས། རང་སེམས་དགའ་བ་དང་སྐྱིད་པའི་དོན་རེད། ཡིན་ན་ཡང་། བོད་སྐད་ནས་དེའི་སྐད་དོད་ཅི་ཡིན་པ་མ་ཤེས་པའམ། ཡང་ན། དེའི་དོན་ལ་འཕྲོད་ཅིང་འབྱོར་བའི་ཐ་སྙད་ཅིག་མ་རེག་པར། ངས་ལོ་གསུམ་ལ་ས་སློག་སློག་དང་བལ་གསེད་གསེད་བྱས་ཏེ། ཚིག་མཛོད་ཁག་ཏུ་ཡང་བཙལ་ཡིན་ལ། དཔེ་རྙིང་ཁག་ཏུ་ཡང་ལྟ་ཁུལ་བྱས་ཡིན།
ཟླ་བ་མིན་པའི་ཟླ་བ་དཀར་པོ།
བཙན་ཁུ་ཚུར་གྱིས།
ནམ་མཁའ་མིན་པའི་ནམ་མཁའི་ངོས་ལ།།
ཟླ་བ་མིན་པའི་ཟླ་བ་དཀར་པོ།།
མཚན་མོ་མིན་པའི་མཚན་མོ་ཞིག་ལ།།
ཡར་ཚེས་དུང་འདྲ་དུང་མདོག་གངས་ཡིན།།
པཎ་ཆེན་སྙིང་སྟོབས་གངས་ཀྱི་གངས་ཡིན།།
གངས་ཀྱི་རང་བཞིན་ཚ་བས་བཞུས་ན།།
ཁྱེད་ཉིད་ཚ་བ་གཞོམ་པའི་སྨན་ཡིན།།
རྒྱ་ནག་གི་དམངས་གཙོ་འཕོ་འགྱུར་དང་བོད་ཀྱི་དབུ་མའི་ལམ།
ཡུ་ཅེ་ཡིས་བརྩམས། ཚེ་རིང་རྡོ་རྗེས་བསྒྱུར།
སྤྱི་ལོ་༡༩༨༩ ཟླ་༦ པར་ཏཱ་ལའི་བླ་མ་མཆོག་སི་ཊས་སི་བྷག་ཏུ་འཚོགས་པའི་ཡུ་རོབ་གྲོས་ཚོགས་སུ་ཕེབས་པར་གདན་འདྲེན་ཞུས་པ་དང་། སྐབས་དེར་ཁོང་གིས་བོད་དོན་ཐག་གཅོད་པར་དབུ་མའི་ལམ་གྱི་གྲོས་འཆར་དངོས་སུ་བཏོན། གྲོས་འཆར་དེའི་ནང་དུ་མ་འོངས་པའི་བོད་ནི་༼རང་སྲིད་རང་འཛིན་གྱི་དམངས་གཙོའི་ཆབ་སྲིད་ཀྱི་གོང་བུ་ཞིག་དང་། རྒྱ་ནག་མི་དམངས་སྤྱི་མཐུན་རྒྱལ་ཁབ་དང་མཉམ་མཐུན་བྱ་རྒྱུ།༽ དེའི་དབང་ཆའི་སྒྲོམ་གཞི་ནི་༼མང་མོས་བདམས་ཐོན་བྱུང་བའི་སྤྱི་ཁྱབ་བློན་ཆེན་དང༌། གྲོས་ཚོགས་རིམ་པ་གོང་འོག་གཉིས། རང་ཚུགས་ཐུབ་པའི་ཁྲིམས་འཛིན་ཚན་ཁག༽བཅས་ཀྱིས་གྲུབ།
དེ་ལས་མང་བ་། “རྒྱ་ནག་གི་དམངས་གཙོ་འཕོ་འགྱུར་དང་བོད་ཀྱི་དབུ་མའི་ལམ།” »
ཕྱི་མིག་ཐེངས་གཅིག་ལྟ་དུས།
བསྟན་འཛིན་འོད་ཟེར།
ཁ་བའི་འདབས་མ་བརྩེགས་པའི་རི་ཞོལ་དུ།།
མེས་པོའི་རྡོ་མཁར་སྨུག་པོའི་ཞིག་རལ་ཡོད།།
གཙང་བོ་དལ་གྱིས་འབབ་པའི་ཁུག་སོ་རུ།།
བཙན་པོ་དམག་ལ་སོང་བའི་སྨིག་རྗེས་ཡོད།།
རྫ་བྲག་སྤང་གསུམ་འཐབ་པའི་བཙན་རྫོང་ན།།
དཔའ་བོ་གཡུལ་ལ་ཤི་བའི་དུར་ས་ཡོད།།
དེ་རིང་གི་རྡ་ས་རམ་ས་ལ།
དབྱིངས།
དེ་རིང་ཡང་དྲན་སྣང་ཞིག་གིས་ཁྲིད་དེ་རྡ་སར་འབྱོར་བྱུང་། ལོ་གཅིག་གི་རྗེས་ཀྱི་རྡ་ས་ཡང་ང་རང་ཉིད་དང་འདྲ་བར་ལོ་ཟླའི་འཕོ་འགྱུར་ཁྲོད་ཅུང་སྒུག་འདུག་པའི་ཚོར་སྣང་ཞིག་བྱུང་། རྡ་ས་ནི་བོད་ཀྱི་བླ་ན་མེད་པའི་དབུ་ཁྲིད་༧གོང་ས་ཏཱ་ལའི་བླ་མ་མཆོག་གི་བཞུགས་སྒར་ཡིན་པས། གནས་འདིར་མིང་གྲགས་ཅན་གྱི་འཛམ་གླིང་གི་མི་སྣ་མང་པོ་ཞིག་ཀྱང་རང་གི་དམིགས་ཡུལ་མ་འདྲ་བས་ཁྲིད་དེ་ཤོག་བུ་རླུང་གིས་བཏེགས་པ་ཇི་བཞིན་འཛམ་གླིང་ཤར་ནུབ་གང་ས་ནས་འཕུར་ཡོང་གི་ཡོད།
མིག་སྔར་རྡ་སའི་བོད་མི་ཚོའི་གནས་བབ་ནི། ལོ་འགའི་སྔོན་གྱི་རྡ་ས་དང་རྦད་དེ་འགྱུར་བ་ཐེབས་ཡོད།
གདོང་ཐོག་རིན་པོ་ཆེར་ཕུལ་བའི་རྗེས་དྲན་ཀ་བཤད།
ཀོ་ལི་གྷ་གཞུང་པ་ཚེ་དབང་བསོད་ནམས།
ཀ་དག་ཕྱག་རྒྱ་གདོང་ཐོག་བླ་མར་འདུད།།
ཁ་བའི་ཡུལ་འཁྲུངས་ཨ་རིར་གཟུགས་སྐུ་བསྡུས།།
ག་ས་གང་ནས་ཁྱེད་ལ་རྗེས་དྲན་མང་།།
ང་རྒྱལ་སྤངས་པའི་མཆོད་སྤྲིན་ཡིད་ཀྱིས་འབུལ།།
ཅ་ཅོ་མང་བའི་དྲ་འབུའི་བསྟོད་སྨད་ཚིག །
ཆ་རྒྱུས་མ་ལོན་སྨོད་པ་ཉེས་པའི་ཚོགས།།
དེ་ལས་མང་བ་། “གདོང་ཐོག་རིན་པོ་ཆེར་ཕུལ་བའི་རྗེས་དྲན་ཀ་བཤད།” »
བརྩོན་འགྲུས།
ཨེ་ཝྃ་རིག་པ།
ཐོག་མེད་ནས་འཁྱམ་པའི་རྣམ་ཤེས་ཕྲ་མོ།།
འགྱུར་མེད་ཀྱི་ལས་སྣང་དབང་བཙན་ཁྲོད་ན།།
བག་ཡང་ངང་རྒྱུ་བའི་ཁེར་རྐྱང་འཚོ་བ།།
བརྩོན་སེམས་དང་མི་འབྲལ་རིན་ཐང་ལྡན་ཡོད།།
གྲང་ངར་གྱི་སྡུག་སྣང་སྒྲོ་བཏགས་དངོས་རེད།།
ཕུན་ཚོགས་ཀྱི་བདེ་སྐྱིད་བསླུ་བྲིད་རང་རེད།།
གྲོག་མཁར།
ཐེ་བོ་སངས་རྒྱས།
ཁ་སང་ངའི་གྲོགས་པོ་ཞིག་གིས་གྲོག་མཁར་གྱི་པར་རིས་ཤིག་སྐད་འཕྲིན་ཐོག་བཀོད་རྗེས། སྐར་མ་ཁ་ཤས་ནང་མཆན་གྱིས་དྲ་ངོས་བཀང་བྱུང་། སྐབས་དེར་ང་ཡིས། འུ་ཚོས་འབུ་གྲོག་མ་ལ་སློབ་སྦྱོང་བྱ་ས་འདུག དཔེར་ན། འཆར་གཞི་འཐེན་སྟངས་དང་། སྒྲིག་ལམ། འདྲ་མཉམ། ཆིག་སྒྲིལ། བརྩོན་འགྲུས་ཀྱི་ཆ་ཞེས་དེའི་བར་འཚང་ཅི་ཐུབ་ཀྱིས་མཆན་འདེབས་ཁུལ་བྱས། ད་ནངས་ཞོགས་ཀ་གཉིད་སད་མ་ཐག་གོམས་ལོབས་ཀྱིས་ཁ་པར་སྒོ་ཕྱེ་དུས་གྲོགས་པོ་གཞན་ཞིག་གིས་གྲོག་མཁར་ངོ་སྤྲོད་ཅིག་བྲིས་ཞེས་ནན་བསྐུལ་བྱས་པར་བརྟེན། དགེ་ཆོས་ཀྱིས་དེའི་སྐོར་ཇི་འདྲ་བྲིས་ཡོད་པ་དྲན་མ་སོས་སྟབས་བཙལ་བ་ཡིན།
རང་རྐྱ་ཐུབ་པ།
འཇམ་གཅེས།
འདི་སྣང་འཁོར་བའི་གནས་ལ་ཞེན་ཆེས་ནས།།
ཡར་གྱི་དག་ཞིང་བདེ་སྐྱིད་ངས་མི་དྲན།།
ལྐོག་གྱུར་གནས་ལུགས་ངོས་འཛིན་མ་ནུས་པས།།
མར་གྱི་ངན་སོང་སྡུག་བསྔལ་ངས་མི་བསམ།།
ལྟ་སྤྱོད་སྒོམ་གསུམ་གནས་ལུགས་མ་ཤེས་པས།།
ལྟ་ལོག་སྤྱོད་ལོག་ཟེར་བར་ངས་མི་འདོད།།
མཚོ་བྱ་གཤོག་རིང་།
སྙན་བཟང་གཡུང་དྲུང་ཚེ་རིང་གིས་བསྒྱུར།
དུས་རྒྱུན་གྲུ་ཡི་ལས་མི་དག་གིས་རང་ཉིད་དགའ་སྤྲོ་འབྱུང་བའི་སླད། །
ཤིན་ཏུ་ཆེ་བའི་རྒྱ་མཚོའི་བྱ་ཆེན་མཚོ་བྱ་གཤོག་རིང་ལེན་པར་བྱེད། །
གང་དེ་འགྲུལ་པའི་ཟླ་བོར་བྱེད་བཞིན་ནུས་མེད་དང་བཅས་རྗེས་སུ་སྙེགས། །
གྲུ་གཟིངས་ཉིད་ནི་བ་ཚྭ་མཚོ་ཡི་ཁུགས་པའི་ངོས་སུ་ཤུད་ཅིང་འདྲུད། །
ཁོང་ཚོས་མཚོ་བྱ་གཤོག་རིང་དག་ནི་པང་གཅལ་སྟེང་དུ་བཞག་ཙམ་ཉིད། །
དེའི་ཚེ་སྤྱང་གྲུང་འཁྱུག་རྩལ་མེད་པ་གནམ་གྱི་རྒྱལ་པོ་འདི་དག་གི །
རྫོང་སར་མཁྱེན་བརྩེས་ཚུལ་ཁྲིམས་བློ་གྲོས་གླེང་བ།
རྫ་ཚེ་རིང་བཀྲ་ཤིས་ཀྱིས་བསྒྱུརཏ།
——སའི་གོ་ལ་འདིའི་ཐོག་ཏུ་མཁན་པོ་ཚུལ་ཁྲིམས་བློ་གྲོས་ཁོང་ལྟ་བུ་ཞིག་བཞུགས་པ་ནི་ང་ཚོ་ལ་རེ་བ་ཆེན་པོ་ཞིག་བྱིན་པ་རེད།
རྩ་བའི་ཆ་ནས་ང་དེ་རིང་(2015/1/22)འདིར་སུ་ཞིག་གིས་སྐད་བཏང་ནས་ཡོང་བ་མ་ཡིན་པར་དང་བླངས་ཀྱིས་ཆོག་མཆན་ཞུས་ཏེ་ཡོང་བ་ཡིན། རྒྱུ་མཚན་དེས། ངས་གཙོ་སྒྲུབ་ལས་ཁུངས་ལ་ཡང་ང་ལ་སྐད་ཆ་ཁ་ཤས་བཤད་རྒྱུའི་གོ་སྐབས་གནང་བ་འདིར་བཀའ་དྲིན་ཆེ་ཞུ།
དེ་ལས་མང་བ་། “རྫོང་སར་མཁྱེན་བརྩེས་ཚུལ་ཁྲིམས་བློ་གྲོས་གླེང་བ།” »
