དགའ་དགའ།

 
གནམ་གྱི་འོག་དང་ས་ཡི་ཡང་སྟེང་དེ་ན།།
ལུས་པོ་རྗེན་ནེ་སེམས་པ་ཡད་ཡུད་བྱེད་ཅིང་།།
མིག་ཟུང་ཅེར་བའི་རྟོག་འགྱུ་སྐྱ་བོ་དེ་ཡང་།།
གཏད་སོ་མེད་པ་སྟོང་པའི་དབྱིངས་སུ་ཐིམ་འདྲ།།

སྤྲིན་པ་ངམ་ནག་ཅིག་གིས་རྒྱབ་ནས་དེད་ཀྱང་།།
བྱ་ཚོགས་ལང་ལོང་དགུང་དུ་ཤུགས་ཀྱིས་འཕུར་སོང་།།

དེ་ལས་མང་བ་། “སྒྱུ་འཕྲུལ་གྱི་དོ་ར།” »

ཨེ་མ་ཧོ།

 
ན་མོ་གུ་རུ་དྷརྨཱ་པ་ལ་ཡེ།
ཆོས་དགེ་བ་བཅུ་ཡི་ཕན་ཡོན་གྱིས།།
སྡིག་མི་དགེ་བཅུ་ལས་ངེས་པར་བཟློག།
ཆོས་བདེན་པ་བཞི་ཡི་ཉམས་ལེན་གྱིས།།
བློ་ཐར་བ་ངེས་པར་དགྲ་བཅོམ་འགྱུར།།
ཆོས་ཕ་རོལ་ཕྱིན་བཅུའི་ལྟ་སྤྱོད་ལས།།
ལམ་ས་བཅུའི་འབྲས་བུ་མངོན་དུ་འགྱུར།།

དེ་ལས་མང་བ་། “དམ་པའི་ཆོས་ཀྱི་ཡོན་ཏན་དཔག་བསམ་ལྗོན་ཤིང་།” »

ཆང་སྐྱེས།

 
ཉི་མ་ནུབ་ཁ་ཞིག་ལ་རི་ལ་བྲོས།།
རུ་གྲོང་ཆ་མེད་ཅིག་ནས་གྲོ་ཞིག་བསླངས།།
ལམ་ཁ་དོག་ས་ཞིག་ནས་ངལ་ཅིག་གསོས།།
འགྲམ་པ་ལག་པས་སྐྱོར་སྟེ་འདང་ཤིགབརྒྱབ།།
རྩམ་སྐྱ་ཆུ་རྐྱང་བསྲེས་ནས་ཟས་ཤིག་བསྐོལ།།
རས་རྐྱང་སྟན་་མལ་ཁུགས་ནས་གླུ་ཞིག་བླངས།།

དེ་ལས་མང་བ་། “ལམ་འགྲོ་བ།” »

ཨེ་མ་ཧོ།

 
ན་མོ་གུ་རུ་སཾ་བྷོ་ཏྲ་ཡེ། ཨི་ལྡན་དབྱངས་གསལ་སྙན་པའི་ངག། ཨུ་དུམ་ཝ་རའི་ཕྲེང་བ་འདི།། ཨེ་ཝྃ་རིག་པའི་མགུལ་དུ་འབུལ།། ཨོ་རྒྱན་པདྨས་རྟག་ཏུ་སྐྱོབས།། ཀ་དག་རྟོགས་པའི་རྣལ་འབྱོར་དང་།། ཁ་ཁོག་མི་མཉམ་རྟོག་གེ་གཉིས།། ག་ས་གང་ནས་མི་མཚུངས་པས།། ང་ཚོས་མི་ནོར་ཤིན་ཏུ་གཅེས།། ཅ་ཅོ་མང་བའི་ཟློས་གར་དང་།། ཆ་ལུགས་ཀུན་བཟང་རྣམ་ཐར་གཉིས།། ཇ་ཆང་མཆོད་སའི་ལྷ་སྲུང་དང་།། ཉ་ཉོག་གཏམ་འཆལ་མ་ནོར་གཅེས།། ཏ་ཐྰ་ག་ཏའི་བསྟན་པ་དང་།། ཐ་ཆད་འཇིག་རྟེན་འཁྲུལ་སྣང་གཉིས།། ད་འདས་མ་འོང་མི་འདྲ་ཕྱིར།། ན་ནོག་མི་བསྲེལ་ཤིན་ཏུ་གཅེས།།

དེ་ལས་མང་བ་། “ཀ་རྩོམ་མ་ནོར་ལམ་བཟང་།” »

འབའ་སྲས།

 
ཅིའི་ཕྱིར་སྐྱེས་པ་ཕ་མས་མ་གསུངས་ལ།།
ཅི་ལྟར་སྐྱེས་པ་རང་གིས་མ་ཤེས་པར།།
སྨྲ་ཤེས་དོན་གོ་མི་ཡི་གཟུགས་ཅན་ང་།།
འཇིག་རྟེན་འདི་ན་ཡོད་པ་སྔ་ན་ཤེས།།

བཟའ་བཏུང་ཆེད་དུ་ཟེར་ན་དེ་མ་རེད།།
གཞན་དོན་ལྷུར་ལེན་བྱ་བ་ངས་མི་ཐུབ།།

དེ་ལས་མང་བ་། “ང་ཅིའི་ཕྱིར་འཇིག་རྟེན་དུ་སྐྱེས།” »

ཆང་སྐྱེས།

 
ལྷགས་རླུང་ང་རོ་རྒོད་པའི་དུས་ཚིགས་ཤིག་སྟེ།།
འཇག་མས་ཤུགས་གླུ་འཐེན་པའི་མྱ་ངན་ཀློང་ན།།
ཅེ་སྤྱང་སོ་བ་མཐོན་པོ་སྒང་ནས་བུད་དེ།།
རི་དྭགས་མ་བུ་ཚོགས་ཀྱི་ལྷིང་འཇགས་དཀྲོགས་སོང་།།

སྨག་རུམ་མུན་པ་སྟུག་པའི་ས་སྲོད་ཅིག་སྟེ།།
ཁྱི་ཚོགས་ཟུག་སྐད་འཕུར་བའི་སྐྱོ་དབྱངས་ཁྲོད་ན།།

དེ་ལས་མང་བ་། “རྨ་ཁ་མེད་པའི་ན་ཟུག” »

ཨེ་མ་ཧོ།

 
ན་མོ་གུ་རུ་བྷོ་དྷི་ཙིཏྟ་ཡེ། སངས་རྒྱས་ཆོས་དང་དགེ་འདུན་ལ།། མི་ཕྱེད་དད་པས་སྐྱབས་འགྲོ་ཞིང་།། བྱང་ཆུབ་སྨོན་དང་འཇུག་པའི་སེམས།། ནམ་ཡང་མི་ཉམས་རྟག་ཏུ་སྲུང་།། བྱམས་སེམས་སྤྱི་ཕན་རང་བཞིན་ཅན།། སྙིང་རྗེ་གཞན་དོན་རྩ་བ་ཅན།། ཀུན་ལ་མཉམ་པའི་དགའ་བདེ་ཅན།། བཏང་སྙོམས་ཆེན་པོ་རྟག་ཏུ་གཉེར།། སྣང་བ་སེམས་ཀྱི་རང་འོད་ཅན།། རྣམ་རྟོག་ཆོས་ཉིད་རོལ་པ་ཅན།། ཉོན་མོངས་ཡེ་ཤེས་གསལ་འདེབས་ཅན།། འདོད་ཡོན་ཉམས་རྟོགས་རྟག་ཏུ་བསྟེན།། ན་ཚ་སྡུག་བསྔལ་དགེ་བའི་བཤེས།། དགྲ་བགེགས་ཆོས་ཉིད་བསྐུལ་བའི་གཉེན།།

དེ་ལས་མང་བ་། “ཨེ་ཝྃ་གྱི་དགའ་སྟོན་གེ་སར་མེ་ཏོག” »

ཁྲོ་གཏུམ།

 
ཉི་འོད་བཅག་པའི་ལམ་མཐིལ་རྐང་པའི་མཐིལ་ལ་བར་མེད་སྡང
ལོ་ཟླའི་རླུང་གཡབ་ཚ་ཐབ་དམར་བོས་ཉལ་སར་འཕངས་བཞག་ཡོད་པ་འདིས
བྲག་རི་ཉིལ་བའི་ས་རྡུལ་འཕྱུར་ས་རེ་རེ་ལ
བློ་གཤོག་སྙིགས་རོ་རུལ་བས་བཏུམས་པར་གྱུར་བ་ཉིད་ཅིག་ལས
ངམ་ནག་སེམས་ཀྱི་སོ་བ་བྱེད་སྟངས་མི་འདུག་ཅིང
དུས་ཀྱི་རིག་པས་གནམ་ལྕག་ཐོག་གི་བློ་བ་གསད

དེ་ལས་མང་བ་། “ཉི་འོད་བཅག་པའི་ལམ།” »

ཨེ་མ་ཧོ།

 
ན་མོ་གུ་རུ་ཤྲཱི་སེངྷ་ཡེ། གང་ཞིག་བསྟེན་ན་ཉེས་པའི་ཚོགས།། མ་ལུས་བསལ་མཛད་ཐུགས་རྗེ་ཅན།། ཀུན་མཁྱེན་བརྒྱུད་པའི་བླ་མ་ལ།། ལས་སྨོན་རྟེན་འབྲེལ་འཛོམས་པ་བཟང་།། གང་དུ་གནས་ན་ཉམས་རྟོགས་ཚོགས།། ཡར་ངོའི་ཟླ་བཞིན་འཕེལ་བའི་ཡུལ།། དབེན་ཞིང་བདེ་དགའི་བྱིན་ཆགས་པའི།། བཤད་སྒྲུབ་དགོན་པར་བཞུགས་ན་བཟང་།། གང་དང་འགྲོག་ན་རྣམ་དཔྱོད་དཔལ།། གོང་ནས་གོང་དུ་སྤེལ་བའི་མཆེད།། ལྟ་སྒོམ་སྤྱོད་ལམ་ཀུན་མཐུན་པའི།། བློ་ཐུབ་གྲོགས་པོ་མང་ན་བཟང་།། གང་གིས་འཚོ་བའི་གནས་མལ་རིགས།། མཐའ་གཉིས་མ་སློང་ཆོག་ཤེས་ཅན།།

དེ་ལས་མང་བ་། “རྟེན་འབྲེལ་དགེ་བའི་གདམས་བཟང་མ་ལ་ཡ་ཡི་དྲི་བཟང་།” »