དཔའ་ཤོད་ཕོ་རྒོད།

 
སྐུའི་འཁྲུངས་སྐར་ལ་བཀྲ་ཤིས་བདེ་ལེགས་གྲངས་མེད་ཞུ་བ་དང་ཆབས་ཅིག་༸གོང་ས་མཆོག་སྐུ་ཚེ་བསྐལ་བརྒྱར་བརྟན་ནས་གསུང་གི་བདུད་རྩི་ལ་ངོམས་མེད་ལོངས་སུ་སྤྱོད་རྒྱུ་ཡོང་བར་ཤོག་ཅིག །

Happy 80th Birthday your Holiness. May you live long as world need you.

མགོན་ཁྱེད་མེད་ན་ང་ཚོའི་འཚོ་བ་ཇི་འདྲ་ཞིག་བསྐྱེལ་དགོས་སམ།།
མགོན་ཁྱེད་མེད་ན་ང་ཚོའི་དབུ་འཕང་དགུང་དུ་ཇི་འདྲ་འདེགས་དགོས་སམ།།

དེ་ལས་མང་བ་། “སྐུའི་འཁྲུངས་སྐར་དང་འབྲེལ་ནས་རང་རེའི་སྤྱི་ཚོགས་ཀྱི་ཁ་ཕྱོགས་མངོན་པ།” »

ལྷ་སྲས་བསོད་ནམས།

ཁ་སང་ཕྱི་ཚེས་༡༧ཉིན་མདོ་ཁམས་འཇང་དགུན་ཆོས་ཚོགས་ཆེན་མོ་ཐེངས་བཅུ་དྲུག་པ་ལབ་དགའ་ལྡན་མདོ་སྔགས་བཤད་སྒྲུབ་འཕེལ་རྒྱས་གླིང་དུ་མཇུག་ལེགས་པར་གྲུབ། མདོ་ཁམས་འཇང་དགུན་ཆོས་ཐེངས་དང་པོ་རྫ་སེར་ཤུལ་དགོན་དུ་ཚོགས་པ་དང་ལོ་ལྟར་དགོན་ཁག་མི་འདྲ་བ་སོ་སོ་ལ་རེས་མོས་བཞིན་ཚོགས་གྲུབ་ནས་ད་རེབ་ཀྱི་མདོ་ཁམས་འཇང་དགུན་ཆོས་ཆེན་མོ་ཐེངས་༡༦པ་ཡུལ་ཤུལ་ཁོངས་ཁྲི་འདུ་རྫོང་ལབ་དགོན་དུ་ཚོགས་ཡོད།

དེ་ལས་མང་བ་། “མདོ་ཁམས་འཇང་དགུན་ཆོས་ཆེན་མོ་ཐེངས་༡༦ པ་མཇུག་གྲུབ།” »

ཁང་ཟླ་སྲས།

 
བྷར་སི་ལོ་ན་ས་སྐྱ་བཀྲ་ཤིས་གླིང་གི་དྲུང་ཡིག་ནས་འདི་གར་འགྲེལ་བརྗོད་བྱས་དོན་ལྟར། ༧གོང་ས་སྐྱབས་མགོན་ཆེན་པོའི་སྐུའི་འཁྲུངས་སྐར་ཉིན་ས་སྐྱ་བཀྲ་ཤིས་གླིང་གི་བསྟན་བདག་བླ་མ་འཇམ་དབྱངས་བཀྲ་ཤིས་རྡོ་རྗེ་རིན་པོ་ཆེ་དབུ་བཞུགས་ཐོག དད་ལྡན་མང་ཚོགས་བརྒྱ་ཕྲག་བརྒལ་བས་མགོན་པོ་མཆོག་གི་སྐུ་བསྟོད་འུར་འདོན་དང་སྦྲགས་དགུང་གྲངས་བརྒྱད་ཅུར་ཕེབས་པའི་འཁྲུངས་སྐར་བསུ་བའི་མཛད་སྒོ་དངོས་སུ་སྤེལ། དམིགས་བསལ་ཐེངས་འདིར་དབྱིན་ལན་དུ་ཆེད་མངགས་བྱས་ཏེ་བཟོས་པའི་དབུགས་ལྒང་ཞིག་མགོན་པོ་གང་ཉིད་ཀྱི་ཞབས་པད་ཡུན་རིང་བརྟན་ཅིང་།

དེ་ལས་མང་བ་། “བོད་དར་ཅན་གྱི་དྲོད་རླངས་དབུགས་ལྒང་ཐོག་མ།” »

རྭ་འཕྲིན། ༼ ཨ་རི ༽

གཅིག དོལ་རྒྱ་མཉམ་འབྲེལ་དེ་གསང་བ་ཞིག་ཡིན་ནམ།

ཉིན་འདི་དག་ལ་དྲ་ལམ་སོ་སོར་སྔོན་མ་དོལ་རྒྱལ་རྗེས་འབྲངས་ཡིན་མཁན་བླ་མ་ཚེ་བཀྲ་རིན་པོ་ཆེ་ཟེར་བ་ཞིག་གིས་དོལ་ཚོགས་དང་རྒྱ་ནག་མཉམ་འབྲེལ་ཡིན་ཚུལ་སྐོར་ལ་གསལ་སྟོན་དང་ཐེར་འདོན་བྱས་ཡོད་པའི་བརྙན་ཐུང་དེ་ཁྱབ་རྒྱ་ཤིན་ཏུ་ཆེན་པོ་འགྲོ་བཞིན་འདུག། དེ་ལ་དོལ་ཚོགས་མི་སྣ་ཁག་ཅིག་གིས་ཀྱང་ལན་འདེབས་ལྟ་བུ་རེའང་སྤེལ་སོང་། ཁོང་ཚོའི་རྒན་མོའི་ཅོ་འཛིང་ལ་དམིགས་བསལ་རྒྱུ་མཚན་ཞིག་ཡོད་པ་མཐོང་མ་སོང་མོད།

དེ་ལས་མང་བ་། “དོལ་ཚོགས་ཀྱི་བྱེད་བབ་ལས་འཕྲོས་པའི་མ་བཅོས་བསམ་ཚུལ་འགའ།” »