—–གླིང་གཅེར་བུས།

ཁག་ཅིག་གིས་རྒྱ་དམར་ལ་མགོ་འབུལ་ལུས་འབུལ་བྱས། ཁག་ཅིག་གིས་གཅེས་པའི་ལུས་སྲོག་གིས་འཐབ་རྩོད་བྱེད་དུས་ཀྱི་ཡི་མུག་པའི་དུས་ཚོད་འདིར། སེམས་བསམ་པའི་མི་ཐེག་པ་ནི་ན་ཟུག་ཁོ་ན་ཡིན། དེ་བས་ངས་སྔར་བཞིན་རྨི་ལམ་ཞིག་རྨིས་ནས་ཡོད། རེ་བ་ཞིག་བཅངས་ནས་ཡོད། ཕུགས་བསམ་ཞིག་འཚོལ་ནས་ཡོད།

དེ་ལས་མང་བ་། “བསྒྲགས་ཡིག་བཙན་པོ་མ།” »

སྐལ་བཟང་དོན་གྲུབ།

ཕྱི་ལོ་༢༠༡༦ ལོའི་སྲིད་སྤྱི་གཉིས་ཀྱི་འོས་བསྡུ་དང་འབྲེལ་ནས་དེང་གི་ཆར། སྲིད་སྐྱོང་གི་འོས་མི་རྣམས་ས་གནས་ཁུལ་ལ་གཏམ་བཤད་བྱེད་པར་འགྲོ་བཞིན་ཡོད་པ་དང་། ཐབས་སྐྱོ་པོ་དང་ངོ་གནོང་དགོས་པའི་གནས་ཚུལ་ཁ་ཤས་བྱུང་ཡོད་པ་ནི། ས་རཱ་བོད་ཀྱི་མཐོ་རིམ་སློབ་གཉེར་ཁང་གི་སྲིད་སྤྱིའི་འོས་མི་ཚང་མ་དང་། ཏཱ་ལའི་བླ་མ་མཐོ་རིམ་སློབ་གཉེར་ཁང་དང་སྦེང་ལོར་བོད་ཁྱིམ་སྡོད་ཁང་གིས་ཨ་ཚོགས་ཀླུ་མཁར་བྱམས་ལ་རང་ཉིད་ཀྱི་བསམ་ཚུལ་དང་མ་འོངས་ཀྱི་འཆར་གཞི་སོགས་མཐོ་སློབ་ཀྱི་སློབ་ཕྲུག་ལ་གཏམ་བཤད་བྱེད་པའི་ཆོག་མཆན་མ་སྤྲད་པ་དེ་རེད།

དེ་ལས་མང་བ་། “བཙན་བྱོལ་བོད་ཀྱི་མཐོ་སློབ་ཁག་ནང་ཆབ་སྲིད་ཀྱི་རང་དབང་ཡོད་དམ།” »

མེ་ཏོག་ལྷ་མཛེས།

 
འདས་པའི་ལོ་རྒྱུས་ལ་ཕྱི་མིག་བལྟ་བ་ན། གནས་སྟངས་དང་གོམས་གཤིས་མ་འདྲ་བའི་དབང་གིས་སོ་སོའི་ཆེ་བསྟོད་བྱ་ཚུལ་ཀྱང་མི་འདྲ་བ་སྟེ། དཔེར་ན། སྡེ་སྲིད་སངས་རྒྱས་རྒྱ་མཚོའི་ཁྲིམས་ཡིག་དྭངས་ཤེལ་མེ་ལོང་གི་ཁ་འཐོར་གྱི་ལེའུར། སོག་པོ་སོགས་བྱང་རིགས་ཀྱི་འགོ་མི་རྣམས་ཀྱིས། བྱང་ཕྱོགས་འདི་ཉིད་མཉམ་མེད་ཙོང་ཁ་པ་ཆེན་པོའི་གདུལ་བྱའི་ཞིང་ཁམས་ཡིན་པར། ལྷ་ལུང་འདྲེ་ལག་གི་གྲུབ་མཐའ་མི་གཅིག་པའི་སེར་མོ་བའི་རིགས་ཀྱིས་འགྲོ་དོན་བྱེད་པ་འདི་འོས་བབས་མིན་འདུག་པས། སྒོར་བསྐྱིལ། འཕྲོག་བརྡུང་སོགས་གང་ཐུབ་བྱེད། ཅེས་དང་།

དེ་ལས་མང་བ་། “རང་ཕྱོགས་ཆེ་བསྟོད།” »

ཚེ་དབང་མགོན་པོ།

འདབ་པ་ཞེས་པའི་ཐ་སྙད་ཐོགས་དོན་སྐོར།

སྤྱིར་བཏང་རྩོམ་རིག་གི་ལས་རིགས་སྤྱི་དང་། དེ་བཞིན་བྱེ་བྲག་ཏུ་ཞིབ་འཇུག་གི་ལས་རིགས་གང་ཞིག་ལ་ཞུགས་མཁན་ཞིག་ཡིན་ཚེ། རང་ཉིད་ཀྱི་འདོད་མོས་ལྟར་བརྗོད་བྱ་ཞིག་གསར་དུ་བདམས་ཏེ། དེར་རྟོག་ཞིབ་ནན་ཏན་དང་། ལེགས་པར་དཔྱད་ནས་གནད་དོན་ཇི་བཞིན་བརྗོད་དགོས་པ་མ་ཟད། དེ་བས་བརྗོད་བྱ་དེའི་བརྡ་ཆད་ཀྱི་འཕེལ་རིམ་དང་། ཐ་སྙད་ཀྱི་འཇུག་ཚུལ། སྒྲའི་བཤད་པ། དུས་ཚོད་ནམ་ཞིག་བྱུང་མིན་བཅས་ཀྱི་གནས་ཚུལ་རྣམས་ཀྱང་

དེ་ལས་མང་བ་། “འདབ་པའི་བྱུང་བ་མ་བཅོས་དྲང་པོར་བརྗོད་པ་ཟབ་མོའི་གཏེར་གྱི་ཁ་བྱང་།” »

འཇམ་དབྱངས་དཀར་པོ།

 
སྤྱི་ལོ་༢༠༥༠ ལོར་འཛམ་གླིང་གི་མི་གྲངས་ཐེར་འབུམ་ ༩.༦ ཟིན་རྒྱུ་ཡིན་པ་དང་། ཡར་ཐོན་ཅན་གྱི་ཡུལ་གྲུ་ཁག་ནས་འཕེལ་རྒྱུ་རེད། (ཕྱེད་ཀ་ཨ་ཧྥུ་རི་ཀ་ནས་ཡིན།) འཛམ་གླིང་ཁྱོན་ཡོངས་ཀྱི་རྒྱལ་ཁབ་སོ་སོས་དེ་ལ་ཁ་གཏད་བཅག་སྟེ། ཇི་ལྟར་མི་རེ་རེེར་འདང་བའི་བཟའ་བཏུང་ཐོན་བསྐྱེད་བྱེད་དགོས་སམ།
དྲི་བ་དེའི་ལན་ནི། མཉམ་སྦྲེལ་རྒྱལ་ཚོགས་གཙོས་གང་གིས་ཀྱང་བཟའ་བཏུང་ཐོལ་བ་ཐོན་བསྐྱེད་བྱ་རྒྱུ་དེ་མིན་པར། ང་ཚོར་གང་ཡོད་པ་དེ་ཧ་ཅང་འཕྲོ་བརླག་ཏུ་གཏོང་བ་

དེ་ལས་མང་བ་། “བཟའ་བཏུང་འཕྲོ་བརླག་གཏོང་ཆེ་ཤོས་ཀྱི་རྒྱལ་ཁབ།” »

-དགེ་བཤེས་དགེ་འདུན་ཆོས་འཕེལ།

དང་པོ།

དུས་རབས་གསར་བ་འདིའི་ནང་འཛམ་གླིང་གང་སར་ཆབ་སྲིད་དང་དཔལ་འབྱོར། ཤེས་ཡོན། རང་དབང་། མང་གཙོ། ཆོས་ལུགས་སོགས་ཕྱོགས་ཡོངས་ནས་འཁྲུག་ཆ་ཆེ་རུ་འགྲོ་བཞིན་པ་ལྟར། ང་ཚོའི་བཙན་བྱོལ་སྤྱི་ཚོགས་འདི་ཡང་

དེ་ལས་མང་བ་། “བོད་པའི་མི་ལ་རྒྱ་གུང་ཁྲན་གྱི་གཤིས་ཀ” »

བློ་གྲོས་རབ་བརྟན།

 
ང་ལང་རྒྱུ་ཡིན། ཚང་མ་ལང་ཡོང་གི་འདུག གཡས་ནས་སྤྱི་འཐུས་ལང་ཡོང་གི་འདུག གཡོན་ནས་སྲིད་སྐྱོང་ལང་ཡོང་གི་འདུག ག་རེ་བྱས་ནས་ང་མ་ལང་བ་རེད། ག་རེ་ཁྱད་པར་ཡོད་རེད། ཁོང་ཚོ་དང་ང་གཅིག་པ་རེད། ཁོང་ཚོ་ལངས་ཐུབ་ན། ང་ག་རེ་བྱས་ནས་ལང་མ་ཐུབ་པ་རེད། ང་ངེས་པར་དུ་ལང་འཐུབ་དགོས་པ་རེད།
རེད། ལང་དགོས། བརྒྱུག་དགོས། སྤྱི་འཐུས་ཀྱི་ཆེད་དུ་ལང་དགོས་ལ་བརྒྱུག་ཀྱང་ལོས་དགོས། བརྒྱུག་མ་ཐུབ་ན་གང་ནས་ཐོབ། ཐོབ་དགོས་པ་རེད།

དེ་ལས་མང་བ་། “ང་དང་སྤྱི་འཐུས། ཉལ་ཁའི་བསམ་གཞིག” »

འཇམ་དབྱངས་དཀར་པོ།
—–《ཀླུ་མཁར་བྱམས་ཀྱི་ངག་བཀྱལ་ལ་ཉན་རྗེས།》

 
༧གོང་ས་མཆོག་མ་སུ་རི་ལ་ཕེབས་པ་དང་ནེ་ཧཱ་རུ་ཆེད་དུ་མཇལ་ཁར་བཅར། ཁོང་གཉིས་ཀྱིས་མ་འོངས་པར་བོད་མིའི་གཞིས་ཆགས་འཛུགས་ཕྱོགས་དང་། བྱིས་པ་སློབ་གྲྭར་གཏོང་ཕྱོགས་སོགས་ལ་བགྲོ་གླེང་གནང་། དེ་ཙམ་དུ་མ་ཟད་༧གོང་ས་མཆོག་གིས་བོད་མིའི་”བཙན་བྱོལ་སྲིད་གཞུང་”འཛུགས་དགོས་པའི་དགོངས་ཚུལ་བཤད་པར། སྲིད་བློན་ནེ་ཧཱ་རུ་སྐུ་རླུང་དྲག་པོ་བཞེངས་ཏེ་ཕྱིར་དྷི་ལིར་ཕེབས། འོན་ཀྱང་ནེ་ཧཱ་རུ་རླུང་ལངས་མིན་ལ་མ་བལྟས་པར་༧གོང་ས་མཆོག་གིས་གལ་ཆེན་དོན་ཆེན་དུ་གཟིགས་ནས་བཙན་བྱོལ་བོད་གཞུང་བཙུགས་པ་མ་ཟད།

དེ་ལས་མང་བ་། “སྲིད་དོན་རིག་པའི་ཁྱབ་ཁོངས་ནས་ཅི་འདྲ་ཞིག་ལ་རྒྱལ་གཅེས་པ་ཟེར་རམ།” »

ཤར་ཕྱོགས་ཁུག་རྟ།

 
གདན་ས་ཆེན་པོ་དགའ་སེར་གཉིས་གཙོས་བཙན་བྱོལ་བོད་མིའི་སྡོད་གནས་ཁག་ཅིག་ཏུ། འོས་བསྡུའི་ཁྱབ་བསྒྲགས་ཆེད་བསྐྱོད་པའི་ཀླུ་མཁར་བྱམས་ལ་རང་གི་ས་ཁོངས་སུ་གཏམ་བཤད་ཞུ་སའི་སྡིངས་ཆ་མ་སྤྲད་པའི་གནས་ཚུལ་དང་འབྲེལ། སྒེར་གྱི་རྒྱུད་ལམ་གང་སར་ཡིག་རིགས་སྣ་མང་ཐོག་དེའི་ཐད་བཟང་ངན་གཉིས་ཀྱི་བསམ་ཚུལ་སྤེལ་བའི་ནང་། མི་རེ་ཟུང་གཅིག་རྗེས་གཅིག་འཐམས་ཀྱིས་”སྨྲ་བརྗོད་རང་དབང་མེད་ཚུལ་”དང་། ”མང་གཙོའི་གོ་རྟོགས་མེད་ཚུལ་”གཉིས་གང་སར་བྲིས་ཏེ་བཀྲམས་འདུག་པ་ལས། དེའི་རྒྱུ་མཚན་འབྲི་རྒྱུ་རྙེད་མེད་པ་མིག་ཡོད་ཕྱིན་མི་མཐོང་བ་མེད་པའི་གནས་སྟངས་བྱུང་འདུག

དེ་ལས་མང་བ་། “གདན་ས་ཆེན་པོ་དགའ་ལྡན་དང་སེ་རའི་ཐག་གཅོད་དེ་དོན་ལ་གནས།” »