འཇམ་གཅེས།

 
ཟླུམ་གཟུགས་གོ་ལའི་ཁྱོན་འདིར་འཚོ་ཞིང་གནས་པའི་སྲོག་ལྡན་སྐྱེ་འགྲོ་ཡོངས་ཀྱི་ནང་ནས་འགྲོ་བ་མིའི་རིགས་ནི་དགའ་སྡུག་གི་ཚོར་བ་རྣོ་ཞིང་། ལེགས་ཉེས་བླང་དོར་གྱི་གནས་ལ་འཇུག་པར་བྱེད་པའི་བློ་གྲོས་སམ་རྣམ་དཔྱོད་ནི་སྲོག་ལྡན་ཀུན་གྱི་ནང་ནས་ཆེས་ཕུལ་དུ་བྱུང་བ་ཡིན། དེ་བཞིན་དགའ་སྡུག་དང་རེ་དོགས། འགྲན་སེམས་དང་རྣམ་རྟོག་གིས་མཚོན་པའི་ཕན་གནོད་ཀྱི་བསམ་བློའི་འགྱུར་བ་སོགས་ཀྱི་རྣམ་གྲངས་ཀྱང་ཆེས་མང་ཤོས་སུ་གྱུར་ཡོད།

དེའི་ཕྱིར་སྐབས་འདིར་གང་གླེང་བར་བྱ་བའི་བརྗོད་བྱའི་སྙིང་པོ་ནི་འགྲོ་བ་མིའི་རིགས་ཀྱི་ཉིན་རེའི་འཚོ་བའི་བརྒྱུད་རིམ་ནང་དུ་

དེ་ལས་མང་བ་། “འགྲོ་བ་མི་ལ་དགོས་ངེས་ཀྱི་གཞི་རྩའི་རིན་ཐང་།” »

—–ཨ་འདུས་སྐལ་བཟང་རྒྱ་མཚོ།

 
སྤྱིར་ལུམྦཱིནཱི་ནི་ལོ་རྒྱུས་སྟེང་རྒྱ་གར་གྱི་ས་ཁུལ་རྩོད་མེད་ཅིག་ཡིན་ནའང་། དུས་ཕྱིས་རྒྱ་གར་དབྱིན་ཇིས་དབང་བསྒྱུར་སྐབས་བལ་གཞུང་དང་ས་ཁུལ་བརྗེ་རིས་བྱས་ཏེ་ད་ཆ་བལ་ཡུལ་གཞུང་གི་འཛིན་སྐྱོང་འོག་ཡོད་པ་ཞིག་ཡིན། བོད་ཀྱི་ཆོས་བརྒྱུད་ཆེན་མོ་དག་གིས་ལོ་ལྟར་སྨོན་ལམ་ཆེན་མོ་འཚོགས་སྲོལ་ཡོད་པ་བཞིན།

དེ་ལས་མང་བ་། “དཔལ་ས་སྐྱའི་འཇིག་རྟེན་ཞི་བདེའི་སྨོན་ལམ་ཆེན་མོ་ཐེངས་༢༤ ལེགས་གྲུབ་བྱུང་བ།” »

༅༅།། རྒྱ་གར་སྐད་དུ།
ཙིཏྟབཛྲསྟབ།
བོད་སྐད་དུ།
སེམས་ཀྱི་རྡོ་རྗེའི་བསྟོད་པ།
མཛད་པ་པོ།
མགོན་པོ་ཀླུ་སྒྲུབ།
འགྲེལ་མཁན།
རྔ་བ་རྒྱལ་ཁམས་པ།

དེ་ལས་མང་བ་། “༅༅།། སེམས་ཀྱི་རྡོ་རྗེའི་བསྟོད་འགྲེལ།” »

ཁ་བའི་ལང་ཚོ།

 
ཆོས་ཀྱི་ཆོལ་ཁ་ན་ཆང་གི་བསྟན་པ་དར་བའི་དུས་སྐབས་འདིར། སུ་ཞིག་གི་མིག་ཀོང་ན་མཆི་མས་གང་ཞིང་སུ་ཞིག་གི་ལུས་ཕུང་ལ་རྨ་ཡིས་རུམ་ཡང་། ད་དུང་ཅི་མི་སྙམ་པར། ཆང་ཕོར་གྱི་ཁ་ན་སྐྱག་སྦྲང་བཞིན་འཁོར་གྱིན་པ་ནི་ངའི་ཕ་ཡུལ་རེད། མེས་པོ་ཚོའི་མིག་ཀོང་ན་མཆི་མས་གང་ཞིང་། ཁོང་རྣམས་ཀྱི་ཕ་ཁྱིམ་ལ་རྨ་ཡིས་རུམ་དུས་ང་ཚོས་ནི་ཐ་ན་ཨེ་ཚ་གི་དང་། ཡང་ན་ཨེ་ན་གི་ཙམ་ཡང་མ་ཟེར་བར་ཁ་ཐོག་ན་འཁྱེར་བའི་མེས་པོའི་བཀའ་དྲིན་དང་། གཏམ་སྣེ་ན་འཁྱེར་བའི་མེས་པོའི་མཛད་རྗེས་ལས་སེམས་གཏིང་ན་ཉར་བའི་སྒོར་མོའི་བང་ཁ་དང་།

དེ་ལས་མང་བ་། “ཆང་གིས་བཟི་སོང་བའི་ངའི་ཕ་ཡུལ།” »

འདྲེན་བཀོད་པ་ཀླུ་སྨྱོན།
སྤྱི་ལོ༡༢༦༤ ལོར། ས་སྐྱ་བ་འཕགས་པ་བློ་གྲོས་རྒྱལ་མཚན་པེ་ཅིན་དུ་སླེབས། དེ་དུས་པེ་ཅིན་ལ་པེ་ཅིན་དུ་མི་འབོད་པར་ཏ་ཏུའུ་རུ་འབོད་དེ། བོད་སྐད་དུ་ཕལ་ཆེར་རྒྱལ་ས་ཆེན་མོ་ཟེར་བ་མིན་ནམ་སྙམ། དེ་དུས་བྱང་ཕྱོགས་ཀྱི་རྩྭ་ཐང་ཁོབས་ཡངས་ས་དེ་ནས་རི་གཟར་རྦབ་རྡོ་བཞིན་འགྲིལ་ཡོང་བའི་སྐྱ་དམག་གི་དཔུང་ཚོགས་

དེ་ལས་མང་བ་། “ལྷ་བྱམས་རྒྱལ་གྱི་རྩོམ་གསར་བ། པེ་ཅིན་གྱི་བོད་པ།” »

ཆོས་ཉིད་དབང་མོ་ནས།
—————
ཉེ་ཆར་ཚགས་པར་ཞིག་གི་སྒང་དུ་གུས་མོའི་བཅར་འདྲི་སྤེལ་ཡོད་པ་དེར་རྗེས་སུ་ཡི་རངས་མོད་ཀྱང་། ༼བཅར་འདྲི་འདིར་གསལ།༽ བཅར་འདྲིའི་ཁ་བྱང་དང་ནང་དོན་འགའ་ནི་གུས་མོས་བཅར་འདྲི་བྱེད་སྐབས་ཀྱི་སྐད་ཆ་དང་མི་གཅིག བདག་གི་བོད་སྐད་བཤད་ཚད་དང་ཤེས་ཚད་མ་འདང་བའི་དབང་གིས་སོ། དེ་བས་དེ་རིང་གསལ་བཤད་ཞུ་དགོས་ནི་བོད་ཀྱི་རྩོམ་རིག་ཏེ་བརྩམས་སྒྲུང་དང་སྙན་ངག་གང་ཡིན་རུང་ལྟ་བར་དགའ་བར་མ་ཟད། ད་དུང་གུས་མོས་ཧྥ་ཡིག་དང་དབྱིན་ཡིག་ཏུ་བསྒྱུར་མྱོང་། གུས་མོར་ཡིད་ཆེས་བྱས་པའི་བོད་པའི་སྙན་ངག་པ་དང་རྩོམ་རིག་འབྲི་མཁན་རྣམས་ཚོར་སྙིང་ཐག་པ་ནས་ཐུགས་རྗེ་ཆེ་ཞུ།

དེ་ལས་མང་བ་། “གསལ་བཤད།” »

མཁོ་སྤྲོད་པ། འབུམ་ཤུལ་བསོད་ནམས་ལྷུན་གྲུབ།
 
མཆོག་ཏུ་བཀུར་འོས་དབུས་འོས་བསྡུ་ལས་ཁང་གི་འགན་འཛིན་ལྷན་རྒྱས་ཀྱི་ཞབས་དྲུང་དུ།

གུས་ཞུ། འདི་ནས་ང་ཚོས་བཙན་བྱོལ་བོད་མིའི་བཅའ་ཁྲིམས་དང་། བཙན་བྱོལ་བོད་མིའི་འོས་བསྡུའི་སྒྲིག་གཞི་ལ་ཡིད་ཆེས་བློ་གཏད་ཀྱིས་ཕྱི་ལོ ༢༠༡༥ ཟླ་༡༡ ཚེས་ ༡༦ ཉིན་ཞུ་གཏུག་སྙན་ཞུ་གནས་ཚུལ་༧ དང་། དོགས་འདྲི་༡༨ ཅན་གུས་པས་ཕུལ་བ་བཞིན། དེ་ནས་ ༢༠༡༥ ཟླ་ ༡༡ ཚེས་ ༢༥ ཉིན་འཁོད་ཀྱི་ཡིག་ལན་གཞུང་འབྲེལ་བརྒྱུད་ལམ་དང་ཐད་ཀར་མྱུར་འཕྲིན་བརྒྱུད་གནང་སོན་བྱུང་བར་བཀའ་དྲིན་ཆེ་ཞུ་བ་ཆབས་ཅིག གསལ་བཤད་ལན་འདེབས་དོན་ཚན་གསུམ་ཅན་འདི་སླར་ཡང་མི་འབུལ་ཐབས་མེད་བྱུང་བར་དགོངས་འགལ་མེད་པ་ཞུ་བ་ཡིན།

དེ་ལས་མང་བ་། “འོས་བསྡུའི་ཡང་ལན།” »

ཡོང་ཁུངས། བོད་ཀྱི་དུས་བབ།

 
ཉེ་ལམ་འདི་ག་བོད་ཀྱི་དུས་བབ་གསར་ཁང་གི་རྩོམ་སྒྲིག་པ་དོན་འགྲུབ་བཀྲ་ཤིས་ཡུ་རོབ་ནང་སྐོར་སྐྱོད་དང་བསྟུན་ཏེ། ཧྥ་རན་སིའི་རྒྱལ་ས་ཕ་རེ་སིར་རྟེན་གཞི་བྱས་པའི་རྒྱལ་སྤྱིའི་སྐད་ཡིག་དང་སྤྱི་ཚོགས་དཔལ་ཡོན་སློབ་ཆེན་(Institut national des langues et civilisations orientales)ཞེས་པའི་བོད་སྐད་ཡིག་སྡེ་ཚན་ནང་༼བོད་ཀྱི་གསར་འགོད་ལས་རིགས་ཀྱི་བྱུང་རིམ།༽ཞེས་པ་ངོ་སྤྲོད་གཏམ་བཤད་དང་བསྟུན་ཏེ། སློབ་ཆེན་དེ་གའི་བོད་ཡིག་སྡེ་ཚན་གྱི་འགན་འཛིན་བོད་ཀྱི་དེང་རབས་རྩོམ་རིག་མཁས་པ་ཆོས་ཉིད་དབང་མོ་

དེ་ལས་མང་བ་། “བོད་ཀྱི་སྙན་ངག་པ་དེ་ཚོའི་ཤེས་ཚད་དང་བརྩོན་འགྲུས་གཉིས་ཐད་ནས་མ་འདང་བ་རེད།” »

ཤར་ཕྱོགས་ཁུག་རྟ།

༄།། ཕ་ཡུལ་བོད་ནས་འབྱོར་བའི་འཕྲིན་ཡིག་ཅེས་པའི་གཞས་ཤིག་ལ་ཉན་པ།

དེ་རིང་གཟའ་ཉི་མར་༧གོང་ས་ཆེན་པོའི་ཞལ་སྔ་ནས་ཀྱི་ལམ་རིམ་ཁྲིད་ཆེན་བཅོ་བརྒྱད་ཀྱི་བཀའ་ཁྲིད་བསྩལ་བ་དྲྭ་ལམ་ནས་ཞུས་གྲུབ་རྗེས། འཆར་ཅན་ཆུ་ཚོད་ལྟར་གྱི་དཔེ་ཀློག་ལྷོད་ལྷོད་ཅིག་མགོ་འཛུགས་དགོས་བསམ་པའི་མུར། གྲོགས་པོ་ཞིག་གིས་ཁ་པར་སླེབས། ཁོང་གིས་ངེད་ལ་ངོ་དེབ་ཁ་ཕྱེས་དང་གཞས་ཤིག་གི་དྲྭ་སྐུད་བསྐུར་ཡོད། གཟིགས་རོགས་གནོང་ཟེར། ངས་ཅི་རེད། དམིགས་བསལ་ཞིག་ཡིན་ནམ་ཞེས་དྲིས། གྲོགས་པོས་མ་རེད་མ་རེད། དང་པོར་གཟིགས་དང་ཟེར། དཔེ་ཀློག་གི་ཆུ་ཚོད་རྫོགས་མཚམས་གླིང་བསྐོར་དུ་ཕྱིན།

དེ་ལས་མང་བ་། “བོད་ནས་འབྱོར་བའི་འཕྲིན་ཡིག་ཅེས་པའི་གཞས།” »