འཇམ་གཅེས།

 
སེང་ཕྲུག་ལགས། མི་ཚེར་ཁྱི་ལྟོ་ལ་རེ་བའི་སྤྲང་ཁྱི་དག་གི་མིག་སྔར་ཁྱེད་ཉིད་ཀྲོང་་ངེར་འགྲེང་བ་ནི་ཇི་འདྲའི་གཟི་བརྗིད་ཅིག་རེད། ད་ནི་ངོ་མཚར་དང་གཟི་བརྗིད་དེའི་འོག་ནས་ཁྱེད་ནི་མི་རིགས་ཀྱི་ཕྱིར་དུ་ནམ་ཡང་གསོན་དགོས་པ་ལས་འཆི་མི་རུང་། ངོ་མ་འཆི་མི་རུང་། ཁྱི་ལྡོམ་རྔ་ཟླུམ་པ་དང་དེའི་བཀོད་འདོམས་པ་དག་ལ་མཚོན་ན་ཁྱོད་ནི་འཆི་དགོས་པ་ལས་ནམ་ཡང་གསོན་མི་རུང་། དེ་བཞིན་གསེར་མདོག་གི་ཉི་མ་སེར་པོ་ཞིག་གི་སྤྱན་སྔ་རུ་ཁྱེད་རང་ནམ་ཡང་གསོན་དགོས་པ་ལས་འཆི་མི་རུང་།

དེ་ལས་མང་བ་། “སེང་ཕྲུག་ལགས།” »

བློ་བཟང་ཡོན་ཏན།༼བོང་རྫི༽ ཁམ་ཟམ་གཙུག་ལག་མཐོ་སློབ།
 

ཐོག་མར་གླེང་སློང་བ།

དེ་ཡང་རྒྱལ་ཁམས་པ་དགེ་འདུན་ཆོས་འཕེལ་གྱིས་གཏམ་རྒྱུད་གསེར་ཐང་ཏུ། “རང་རེའི་མཁས་བ་རྣམས་ཀྱི་རྣམ་དཔྱོད་ཀྱི་འཆར་ཚུལ་དང། རྩོམ་པའི་སྒྲིག་སྟངས། ཆས་དང་། ཆོ་ག་སོགས་སྒོ་གསུམ་གྱི་བྱེད་པ་ཐམས་ཅད་ལ་ཏིལ་ལ་ཏིལ་མར་གྱི་ཚུལ་དུ་རྒྱ་གར་པའི་ཤན་གྱིས་ཁྱབ་ནས་ཡོད་ཅིང་། ཐ་ན་ཚིགས་བཅད་དུམ་རེའི་ནང་དུ་དཔེ་འགའ་ཞིག་སྟོན་དགོས་ཚེའང་རྒྱ་གར་གྱི་ཆུ་བོ་རི་ལྗོངས་སོགས་ཀྱི་མིང་ཁོ་ན་འོངས”ཞེས་གསུངས་ཡོད་པ་བཞིན།

དེ་ལས་མང་བ་། “རིག་གསར་དང་འབྲེལ་ནས་དེང་རབས་བོད་ཀྱི་རྩོམ་རིག་ལ་དཔྱད་པ་བྱ་རོག་སོ་རྟོག་གི་བསྟན་བཅོས།” »

ཐུབ་བསྟན་ཕུན་ཚོགས།
 
ཡང་རྩེར་འཛེགས་པའི་སྐས་ཐེམ་བཞིན། །
ཀླུ་ཐོགས་གཉིས་ཀྱི་དགོངས་ཀློང་དུ། །
རིག་པའི་གཤོག་རྩལ་བརྐྱང་འདོད་ན། །
རིགས་ལམ་རླུང་གི་རྟ་ལ་ཞོན། །

བདེ་བླག་ཉིད་དུ་རིག་གཞུང་རྟོགས། །
བརྡ་དག་ཚིག་གསལ་བོད་སྐད་གཙང་། །

དེ་ལས་མང་བ་། “བསྡུས་གྲྭ་དགོས་མིན་སྐོར་གྱི་བགྲོ་གླེང་ལ་དཔྱད་པ།” »

—ཕྱོགས་སྒྲིག་པ། ཨེ་མ་ཧོ།
 
རྫོང་སར་འཇམ་དབྱངས་མཁྱེན་བརྩེ་ནོར་བུ་རིན་པོ་ཆེ་ལགས་ནི། ༡༩༦༡ལོའི་ཟླ༧པའི་ཚེས༦ཉིན་འབྲུག་རྒྱལ་ཁབ་ཏུ་རྙིང་མ། འབྲུག་པ་བཀའ་བརྒྱུད་སོགས་ཀྱི་ཆོས་བརྒྱུད་སྣ་ཚོགས་འདུས་པའི་ཁྱིམ་ཚང་ཆེན་པོ་ཞིག་ཏུ་སྐུ་འཁྲུངས་ཤིང་ཁོང་གི་ཡབ་ནི་༧སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེའི་སྲས་

དེ་ལས་མང་བ་། “རྫོང་སར་འཇམ་དབྱངས་མཁྱེན་བརྩེ་རིན་པོ་ཆེའི་རྣམ་ཐར་རགས་བསྡུས།” »

སྲོང་བཙན།
 
ད་ལན་སྲིད་སྐྱོང་སྔོན་འགྲོའི་འོས་བསྡུའི་སྐབས་ཀྱི་མཁས་དབང་བློ་བཟང་སེངྒེ་ལ་ཐོབ་པའི་རྒྱལ་ཁ་དེ་ནི་བསམ་ཡུལ་ལས་འདས་པ་ཞིག་ཆགས་ཡོད་ཅིང་ཕྱི་ལོ་2011ལོའི་སྔོན་འགྲོའི་འོས་བསྡུ་དང་བསྡུར་ན་རྒྱ་ཆ་26འཕར་ཡོད། ཕྱི་ལོ་2011ལོའི་སྔོན་འགྲོའི་འོས་གྲངས་ལས་མཁས་དབང་བློ་བཟང་སེངྒེ་ལ་འོས་ཤོག་22489དང་སྐུ་ངོ་བཀྲས་མཐོང་ལ་འོས་ཤོག་12319 ཐོབ་ཡོད་པས་འདི་དང་ད་ལན་གྱི་འོས་གྲངས་བསྡུར་ན་མཁས་དབང་བློ་བཟང་སེངྒེ་ལ་བརྒྱ་ཆ26དང་འོས་གྲངས་8019འཕར་ཡོད། སྐུ་ངོ་སྤེན་པ་ཚེ་རིང་ལ་སྐུ་ངོ་བཀྲས་མཐོང་གི་སྔོན་འོས་འགྲོའི་འོས་ཐོབ་དང་བསྡུར་ན་བརྒྱ་ཆ་13མར་ཆགས་ཡོད་ཅིང་འོས་གྲངས་1586ཉུང་བ་ཆགས་ཡོད།

དེ་ལས་མང་བ་། “སྲིད་སྐྱོང་བློ་བཟང་སེངྒེ་ལ་ས་གནས་ཡོངས་ནས་འོས་ཐོབ་ཐབས་བྱེད་དགོས།” »

—-མཁན་ཆེན་ཚུལ་ཁྲིམས་བློ་གྲོས།

 
དྲ་བའི་ཐོག་ནས་ཡིན་ན་མང་པོ་ཞིག་མཐོང་རྒྱུ་ཡོད་པ་རེད། དཔེར་ན་ང་ལྟ་བུ་འདྲ་ཞིག་ཡིན་ན། གཞན་གྱིས་སྐྱོན་བརྗོད་བྱས་པ་མང་པོ་ཞིག་ཡོང་གིན་འདུག འགའ་ཞིག་གིས་སྲོག་བླུ་བྱས་ན་འགྲིག་ཁུ་མི་འདུག་ཟེར་བ་དང་། ཁ་ཤས་ཀྱིས་ཚིག་མཛོད་བསྒྲིག་ན་དེའང་འགྲིག་གི་མི་འདུག་ཟེར་བ། ཡང་ལ་ལས་ཨེ་ཛི་སྔོན་འགོག་བྱེད་རྒྱུ་ནི་གྲྭ་པ་ཞིག་གི་བྱ་བ་མ་རེད་ཟེར་ནས་

དེ་ལས་མང་བ་། “བཏང་སྙོམས་སུ་བཞག་ན་བཟང་ངོ་།།” »

བསྟན་འཛིན་རྣམ་དག

 
དེང་སང་བོད་མི་ཆེ་ཕྲ་ཕལ་མོ་ཆེས་འོས་བསྡུའི་ལས་དོན་ལ་ཐུགས་ཁྲལ་གནང་བཞིན་པའི་སྐབས་འདིར། ངས་བཀའ་བློན་ལས་རོགས་སྐོར་འདི་ལྟར་བསམས། སྲིད་སྐྱོང་འོས་མི་སྤེན་པ་ཚེ་རིང་ཐེངས་འདིར་ཨ་རིའི་ནང་བསྐོར་བསྐྱོད་གཏམ་བཤད་དུ་ཕེབས་སྐབས་བཀའ་ཟུར་དང་། གཞུང་ཞབས་ཟུར་པ་རྒན་གཞོན་མང་པོ་ཞིག་གིས་མངོན་གསལ་དོད་པོས་སྐུ་ཞབས་སྤེན་པ་ཚེ་རིང་ལགས་ལ་རྒྱབ་སྐྱོར་གནང་བ་ཙམ་མིན་པར། ཚད་མཐོའི་རྒྱབ་སྐྱོར་གྱི་རྣམ་པ་མི་མང་གི་མདུན་ས་དང་སྡིངས་ཆ་ཆེན་པོའི་སྟེང་གཅིག་རྗེས་གཉིས་མཐུད་ཀྱིས་བསྟན།

དེ་ལས་མང་བ་། “བཀའ་བློན་ལས་རོགས་མེད་པའི་སེམས་འཚབ།” »

—རྫ་ཚེ་རིང་བཀྲ་ཤིས།

 
སང་ཉིན་ནི་བོད་ཟླ་བཅུ་གཉིས་པའི་ཚེས་བཅོ་བརྒྱད་དེ། ཉིན་འདི་ནི་གངས་རིའི་ར་བས་བསྐོར་བའི་ཞིང་འདིའི་ཀུན་ཏུ་བཟང་པོ་གཉིས་པ་ཀུན་མཁྱེན་ཆོས་ཀྱི་རྒྱལ་པོ་རྒྱལ་དབང་ཀློང་ཆེན་རབ་འབྱམས་པ་དེ་ཉིད། ནང་གསལ་གདོད་མའི་དབྱིངས་སུ་བྱང་ཆུབ་སྟེ། ཐུན་མོང་གདུལ་བྱའི་སྣང་ངོར་སྐུ་མྱ་ངན་ལས་འདས་པའི་ཚུལ་བསྟན་པའི་དུས་ཆེན་ཡིན།

དེ་ལས་མང་བ་། “བོད་ཀྱི་མི་བོ་ཆེ་ཞིག་སྐུ་གཤེགས་པའི་ཉིན་མོ་དྲན་པ།” »