བསྟན་འཛིན་མཁྱེན་བརྩེ།

ང་རང་བློ་བཟང་སེང་གེ་ལ་སྲིད་སྐྱོང་འོས་ཤོག་ཐོབ་པར་རྒྱབ་སྐྱོར་བྱེད་མཁན་ཞིག་ཡིན་པའི་ཆ་ནས། སྐྱོན་བརྗོད་བྱེད་པའི་འདོད་པ་རྩ་བ་ནས་མེད། འོས་པོ་ཞིག་ཡིན་མིན་ཡང་མི་ཤེས། ཡིན་ནའང་། བོད་བསྟན་པ་ཆབ་སྲིད་ཆེད་རང་ལུས་མེར་སྲེག་བཏང་ནས་གཤེགས་པའི་རྒྱལ་གཅེས་པ་སྐལ་བཟང་དབང་འདུས་ལགས་ལ་གུས་འདུད་མྱ་ངན་དང་། རྒྱལ་གཅེས་དཔའ་བོ་རྡོ་རྗེ་ཚེ་རིང་ལགས་ལ་གདུང་སེམས་མཉམ་སྐྱེད་བྱེད་པ་ཕར་བཞག རང་ཉིད་ལ་འོས་ཤོག་ཐོབ་ཐབས་ཁོ་ནའི་དབང་དུ་ཤོར་ནས་གཞས་བཏང་ཞབས་བྲོ་བརྒྱབ་པའི་བྱེད་སྟངས་འདི་ལ་བློ་ཕམ་པོ་བྱུང་།

དེ་ལས་མང་བ་། “བློ་བཟང་སེང་གེ སྐུ་མཁྱེན། རྒྱལ་གཅེས་དཔའ་བོ་དཔའ་མོ་ཚོའི་རོ་ཐོག་ནས་རྟ་མ་རྒྱུགས།” »

༧རྒྱལ་བ་རིན་པོ་ཆེ།  བླ་ཆེན་རྣམ་པ། སྲིད་སྐྱོང་གི་འོས་མི་རྣམ་གཉིས་བཅས་ནས་རང་སྲེག་འགོག་པའི་གསུང་རེ་འབྱོན་རོགས།

ཉེ་ཆར་རང་ལོ་བཅུ་དྲུག་ཅན་གྱི་སློབ་མ་རྡོ་རྗེ་ཚེ་རིང་ནས་རྒྱ་གར་རྡེ་ར་རྡུན་དུ་རང་སྲེག་ནི་”བོད་ཀྱི་རྩ་དོན་ཆེད་ལས་ཀ་ཞིག་བྱ་རྒྱུ་ཡིན་” པར་ངོས་འཛིན་གྱིས་རང་སྲེག་བྱས་ཏེ་ད་ལྟ་སྨན་ཁང་ན་ཡོད་པ་རེད། ཉིན་དེ་ག་རང་དུ་བོད་ཤར་ཕྱོགས་དཀར་མཛེས་ཁུལ་ཉག་རོང་རྫོང་ཁོངས་སུ་དགེ་འདུན་པ་རང་ལོ་༡༨ ཡིན་པ་སྐལ་བཟང་དབང་འདུས་ཞེས་པའི་གྲྭ་པ་ཞིགས་ཀྱང་རང་སྲེག་བྱས་ཡོད།  རང་སྲེག་གི་ལྷག་བསམ་གཙང་ན་ཡང་རང་སྲེག་གིས་བོད་ཀྱི་རྩ་དོན་ལ་ཕན་གྱི་མེད་པ་དེ་ད་ཆ་བོད་ཕྱི་ནང་གཉིས་ཀའི་བོད་པ་རྣམས་ཀྱིས་ངོས་ཟིན་ཡོད་པ་དང་།

དེ་ལས་མང་བ་། “རང་སྲེག་འགོག་རོགས།” »

—-མངའ་རིས་ཕྲིན་ལས།
 
ཁྱེད་གཉིས་འོས་བསྡུ་མི་དགོས་པར་ཐད་བསྐོས་སམ་རེ་མོས་གནང་ན་ག་འདྲ་འདུག གཉིས་ཀ་ལང་ཕྱོགས་མཐུན་པའི་དབུ་མའི་སྡོམ་ལྡན་ཡིན་པས་སོ། ། 
བཙན་བྱོལ་བོད་མིའི་འོས་བསྡུ་ནི་མི་མང་གི་རྒྱུ་དངོས་ཆུད་ཟོས་དང་། ཆོལ་གསུམ་མཐུན་འབྲེལ་གནོད་སྐྱོན་ཡོང་གཞི་ལས་

དེ་ལས་མང་བ་། “དྲང་བདེན་མིན་པའི་འོས་བསྡུ།” »

-མི་ཉག་ཀུན་དགའ་བཀྲ་ཤིས།

 
མཁས་དབང་བློ་བཟང་སེང་གེས་དབུ་ཁྲིད་པའི་སྐབས་བཅུ་བཞི་པའི་བཀའ་ཤག་གི་དངོས་ཡོད་དང་གཟེངས་སུ་ཐོན་པའི་གྲུབ་འབྲས་ཁག་ལ་སེམས་གཏིང་ནས་བསྔགས་བརྗོད་ཞུ་པ་དང་མཉམ་དུ། གྲུབ་འབྲས་ཆེན་པོ་དེ་དག་གི་མཐའ་དང་ཟུར་ན་ཆེ་ཆུང་ལ་མ་ལྟོས་པའི་འཐུས་ཤོར་ཡང་འགྲོ་ཡི་ཡོད་པ་སྤྱི་ཚོགས་ཡོངས་དང་། འཛིན་སྐྱོང་གི་སྡེ་ཚན་ཀུན་གྱི་ཆོས་ཉིད་ཡིན་པས་ངས་དངོས་ཡོད་གཞིར་བཞག་པའི་ཐོག་ནས་ལོ་བཞི་དང་ཕྱེད་ཀའི་ནང་གི་འཐུས་ཤོར་ལྔ་པོ་རྒྱུ་མཚན་དང་བཅས་ཏེ་འོག་ཏུ་རེ་རེ་བཞིན་དགོད་པར་བྱ།

དེ་ལས་མང་བ་། “སྲིད་སྐྱོང་བློ་བཟང་སེང་གེའི་བཀའ་ཤག་གི་དངོས་ཡོད་ཀྱི་འཐུས་ཤོར་ལྔ།” »

ཅོག་མྱི།

 
དེ་རིང་སྐད་ཕྲན་སོགས་ན་འོ་སྐོལ་གྱི་སྲིད་སྐྱོང་གིས་ཞབས་བྲོ་འཁྲབ་པའི་པར་ཞིག་གི་སྒང་ལ་ཉི་མ་གཉིས་སྔོན་རང་ལུས་མེ་བསྲེགས་གནང་བའི་བོད་གཞོན་གཉིས་ཀྱི་པར་བཀོད་འདུག དེས་དངོས་གནས་སེམས་པ་སྐྱོ་བར་བྱས་སོང་། ང་ཚོས་བཙན་བྱོལ་ནས་རང་དབང་མང་གཙོའི་ཡི་ནོར་བུ་ལྟར་སྣང་དེ་བཙལ་ཟེར་ནས། འོ་སྐོལ་གྱི་ཁྲག་རྒྱུན་ན་ཡ་ཐོག་ནས་གནས་ཡོད་པའི་རིན་ཆེན་གསེར་ལས་དཀོན་པའི་ཡ་རབ་སྲོལ་བཟང་དང་འདོད་ཆུང་ཆོག་ཤེས་ཀྱི་གོམས་གཤིས་དེ་སྙིགས་རོ་ལྟར་དོར་དང་འདོར་བཞིན་པ་ནི་ཉིན་འདི་དག་གི་འོས་བསྡུ་སོགས་ལས་རྗེན་པར་མཚོན་ཡོད།

དེ་ལས་མང་བ་། “དཔལ་ལྡན་སྲིད་སྐྱོང་གི་ཞབས་བྲོ།” »

རྫ་ཚེ་རིང་བཀྲ་ཤིས།
 
འདི་ལོའི་ཆོ་འཕྲུལ་ཟླ་བའི་ཚེས་ཉེར་ལྔ་ནི་ངའི་བླ་མ་བཀའ་དྲིན་ཅན་ཉིད་སྐུ་གཤེགས་པའི་འདས་མཆོད་རྗེས་དྲན་ཐེངས་བཅུ་བཞི་བ་རེད། དེ་རིང་ངས་འབྱོར་བའི་དངོས་པོ་གང་ཞིག་གི་ཡོ་ལང་དཀྲིགས་པོར་བཤམས་ནས་ཁྱེད་ལ་རྗེས་དྲན་ཞུ་བའི་སྟབས་ཁ་མ་འགྲིག་མོད་ཀྱི། ནང་གི་སེམས་པ་མཚོན་པའི་རྩོམ་ཡིག་འདི་ཙམ་གྱིས་རླབས་ཆེན་གྱི་དམ་པ་ཁྱེད་ཉིད་འཚོལ་བཞིན་ཡོད། ཡིག་འབྲུ་འདི་དག་ཁོ་ན་ང་ལ་དབང་བའི་མཆོད་རྫས་གཅིག་པུ་དེའོ།།

——ཕྱི་ལོགས་ཀྱི་ནམ་མཁའ་ནི་ནག་པོ་ནག་རྐྱང་ཡིན་ན་ཡང་། དགེ་བའི་བཤེས་གཉེན་གྱི་ནང་གི་ཉམས་ལེན་གོང་དུ་འཕེལ་བ་ནི་བསམ་གྱིས་མི་ཁྱབ་པ་ཞིག་རེད།

དེ་ལས་མང་བ་། “རྫ་ཨ་རིག་མཁན་ཆེན་པདྨ་ཚེ་དབང་གླེང་བ—རླབས་ཆེན་གྱི་བཞུད་ལམ།” »

ཟླ་སྨུག་པོ།

 
དྲང་མོ་བཤད་ན་ངས་ནམ་རྒྱུན་བློ་སེང་དང་སྤེན་ཚེ་གཉིས་སུ་སྲིད་སྐྱོང་དུ་བཞེངས་ཀྱང་། རྩ་བའི་སྒྲིག་འཛུགས་ཀྱི་ངོ་བོར་འགྱུར་བ་དམོགས་བསལ་ཞིག་ཐེབས་ཤག་བརྩིས་མེད་སྟབས། གལ་སྲིད་ཚོགས་གཙོ་སྲིད་སྐྱོང་དུ་བཞེངས་པའི་དུས་ཤིག་ཤར་ན། གོང་བཀུར་ལ་ཁྱད་པར་མི་འབྱེད་སྙམ་པའི་འཆར་གཞི་ཨང་གསལ་བཏང་ཡོད། རེད་དེ་དེ་རིང་ཚོགས་གཙོས་འཆར་གཞི་མེད་པའི་སྐད་ཆ་མང་པོ་ཞིག་བཤད་སོང་བས། ཁོ་བའི་རྣམ་འགྱུར་ལ་གཡོ་འགུལ་ཅུང་ཙམ་ཤོར་སོང་། མ་གཞི་སྲང་ལམ་ཁག་གི་སྐད་ཆ་ལ་ཉན་འཇོག་དེ་ཙམ་བྱེད་ཀྱི་མེད་ལ།

དེ་ལས་མང་བ་། “ཚོགས་གཙོས་ཡིད་ཆད་བཅུག་སོང་།” »

གླང་དར་ཚ་བོ།

 
བོད་ཀྱི་ལྷ་མི་ཡོངས་ཀྱིས་དོལ་འདྲེ་རུ་འབོད་པའི་ཤུགས་ལྡན་ཟེར་བ་དེ་དེང་སྐབས་བཙན་བྱོལ་བོད་མི་མི་ཉུང་བ་ཞིག་གི་ཁོག་ཏུ་འཛུལ་ཟིན་པ་ལྟ་བུར་མཐོང་། བོད་གཞིས་ལུས་དཔའ་བོ་དཔའ་མོ་དུ་མའི་ཚེ་སྲོག་རྩ་ཆེན་དེ་དག་མི་རིགས་ཀྱི་སླད་དུ་ཕུལ་དང་འབུལ་བཞིན་པའི་ཛ་དྲག་གི་དུས་དེར་ཡང་། གཏིང་བརྗེད་དུ་འགྲོ་བཞིན་པར་བསམ་ན། ཏན་ཏན་དོལ་རྒྱལ་ཞུགས་ཚར་འདུག

དེ་ཡང་གཏིང་བརྗེད་དུ་འགྲོ་ཡོད་ཚུལ་ཞུས་ན། བར་སྐབས་ཤིག་ལ་བོད་མི་རིགས་ལ་བདག་དབང་དང་ཐོབ་ཐང་ཡོད་པའི་རང་བཙན་ཞེས་པའི་ཚིག་དེ་

དེ་ལས་མང་བ་། “བཙན་བྱོལ་བོད་མི་མང་དག་ཅིག་གི་ཁོག་པར་དོལ་རྒྱལ་ཞུགས་གདའ།” »

སྐལ་བཟང་སྤེན་པ།

 
དེང་སང་འཁྲུག་ཆ་དོད་པའི་བཙན་བྱོལ་བོད་པའི་འོས་བསྡུའི་བརྒྱུད་རིམ་ཁྲོད། སྔོན་དཔོག་མི་ཐུབ་པའི་གནད་དོན་མི་ཉུང་བ་ཞིག་གཅིག་རྗེས་གཉིད་མཐུད་དུ་འབྱུང་གིན་འདུག དེའི་དབང་གིས་མི་མང་རྣམས། མུ་མཐུད་ནས་རྨོངས་པའི་སྤྱི་ཚོགས་སུ་ལྷུང་ཡོང་གི་འདུག
ལྷག་པར་དུ། ཉེ་དུས་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་ལགས། བཀའ་བློན་གྱི་ལས་གནས་ནས་དགོངས་པ་ཞུས་པ་དེས། ང་ཚོ་ཚང་མ་ཧང་སངས་སོང་། གནད་དོན་མང་པོ་ཞིག་གི་ཐོག་ནས་ཧང་སངས་སོང་།

དེ་ལས་མང་བ་། “བཀའ་ཟུར་བདེ་སྐྱིད་ལགས། གསལ་བཤད་གནང་རོགས་གནང་།” »