https://youtu.be/eQAO-CsXTNs?list=RDJWNmtks9Fqs

དེ་ལས་མང་བ་། “ཕྱི་ལོགས་ན་སྐད་གྲགས་ཆེ་བའི་གཞས་པ། བསོད་ནམས་སྟོབས་ལྡན།” »

རྫ་ཚེ་རིང་བཀྲ་ཤིས།

——གལ་ཏེ་མི་རིགས་གཞན་པ་ཞིག་གིས་དྲ་ཐོག་ནས་དེ་ལྟར་དོན་མེད་དུ་ཁ་རྡུང་བཏང་ན་ངའི་འཚོ་བ་ལ་དོ་ཕོག་གཏོང་སྲིད་ཀྱང་། སེམས་པ་ལ་དོ་ཕོག་ཆེན་པོ་གཏོང་གི་མ་རེད།

 
ངས་ཉེ་ཆར་ནས་ངོ་དེབ་ཐད་གཏོང་འཕྲིན་ལམ་ནས་བདུན་ཕྲག་རེའི་གཟའ་ལྷག་པ་འཆར་ཅན་ལ་སློབ་ཚན་ཐེངས་རེ་བཤད་བཞིན་པའི་ཁུལ་ཡིན། མ་གཞི་དེ་ནི་ལོ་འགའི་ཡར་སྔོན་ནས་མགོ་བཙུགས་པའི་དྲ་ཐོག་སློབ་ཚན་ཞིག་རྒྱུན་འཐུད་བཞིན་པ་ཙམ་ཡིན། ཉེ་ཆར་ནས་ངོ་དེབ་ཐོག་ཐད་གཏོང་གི་མ་ལག་ཡོད་པས་རྒྱ་རིགས་སློབ་མ་ཚོའི་རེ་བ་བཞིན་ངོ་དེབ་ཐོག་སྤོས་པ་ཡིན།

དེ་ལས་མང་བ་། “སྤུན་ཟླའི་ཁ་རྡུང་དང་དྲ་ཐོག་སློབ་ཁྲིད།” »

—–ཐུ་བྷོད།
 
མཁས་དབང་ཚེ་ཏན་ཞབས་དྲུང༌མཆོག་ནི་མཚོ་སྔོན་ཞིང་ཆེན་ཤུན་ཧཱ་རྫོང་གི་རྒྱ་ནག་མཁར་མོ་ཆེ་ཡ་རྫི་ཞེས་པའི་ས་ཆར་རབ་བྱུང་བཅོ་ལྔ་པའི་ལྕགས་ཁྱི་སྤྱི་ལོ་1910 ལོའི་ཟླ་4 བའི་ཚེས་22 ཉིན་ཡབ་གཡང་ཙེ་འམ་བློ་བཟང་བཀྲ་ཤིས་དང་ཡུམ་ལྷ་མོ་ཐར་གཉིས་ཀྱི་སྲས་སུ་སྐུ་བལྟམས། དམ་པ་འདི་ཉིད་ཀྱི་རིགས་རུས་ཆོ་འབྲང་ཐད་རང་རྣམ་ལས“བདག་གི་མེས་པོ་གོང་མ་རྣམས་ནི་རིགས་གཞན་གྱི་རྩི་དང་མ་འདྲེས་པའི་རྒྱ་ནག་གི་རིགས་ཡིན་ཞིང༌།

དེ་ལས་མང་བ་། “མཁས་དབང་ཚེ་ཏན་ཞབས་དྲུང་མཆོག་གི་མཛད་རྣམ་མདོར་བསྡུས།” »

སྤྱན་ཆེན་པོ།

 
ཉེ་སྔོན་ནས་བཟུང་དྲ་བ་ཁག་གི་གླེང་གཞིར་གྱུར་བ་ནི་བལྟས་ན་མིག་ཚ་ཞིང་ཐོས་ན་སྙིང་འཕར་བའི་བྱང་ཨ་རིའི་གཟའ་མཇུག་སློབ་དེབ་ཅིག་རེད། བྱང་ཨ་རིའི་གཟའ་མཇུག་གི་སློབ་དེབ་དེ་ནི་བོད་གཞུང་ཤེས་རིག་ལས་ཁུངས་ནས་གཏན་འབེབས་དང་དཔར་འགྲིམས་ཞུས་པ་ཞིག་ཡིན་པ་དང་། སློབ་དེབ་ནང་དུ་བོད་རང་གི་བརྡ་སྤྲོད་ལ་གཤག་བཅོས་བྱས་ནས་རིག་གསར་གཉིས་པ་ལྟ་བུ་ཞིག་ཡང་བསྐྱར་བོད་སྐད་ཡིག་གི་སྟེང་དུ་བསླེབས་ནས་ཉམ་ང་ཉག་ཕྲ་བའི་སྐབས་འདིར་བོད་སྐད་ཡིག་ནི་ཤི་མིན་རོ་མིན་གྱི་ནད་པ་ཉམ་ཐག་ཅིག་དུ་བཏང་འདུག

དེ་ལས་མང་བ་། “སྐད་ཡིག་གི་ཆེད་དུ་ང་ཚོས་མུ་མཐུད་དུ་འོས་ལངས་བྱེད་དགོས།” »

བསྟན་འཛིན་རབ་དགའ།

གཅིག འབྲེལ་ཡོད་ཚོའི་གནང་སྟངས་འདི་རེད།
 
བྱང་ཨ་རིའི་གཟའ་མཇུག་སློབ་དེབ་ལས་སྔོན་འགྲོའི་སློབ་དེབ་ལ་ཤོག་ངོས་ ༢༡༩ དང་། འཛིན་གྲྭ་དང་པོའི་སློབ་དེབ་ལ་ཤོག་ངོས་ ༢༣༨ འཛིན་གྲྭ་གཉིས་པའི་སློབ་དེབ་ལ་ཤོག་ངོས་ ༡༥༢ ཡོད་པ་བཅས་ཚང་མ་ཞིབ་ཚགས་པོས་ཐེངས་གཅིག་བཀླགས་པ་ཡིན།

དེ་ལས་མང་བ་། “བྱང་ཨ་རིའི་གཟའ་མཇུག་སློབ་གྲྭའི་བོད་ཡིག་སློབ་དེབ་ཟེར་བ་འདི་རེད།” »

རེ་མདོ་སེངྒེ་།
 

ཡོ་རོབ་ཏུ་རྒྱལ་སྤྱིའི་བོད་རིག་པའི་ཚོགས་ཆེན་ཐེངས་བཅུ་བཞི་པར་བསྐྱོད་པའི་སྐབས་ཀྱི་མཐོང་ཐོས་འགའ་ཤས། {ཚན་པ་དྲུག་པ།}

༄༅།། ཕྱི་ཟླ་ ༦ ཚེས་ ༢༩ ཉིན་གྱི་ཕྱི་དྲོ་ལྗི་ནེས་ལྦ་ནས་མེ་འཁོར་བརྒྱུད་ཧྥ་རན་སི་ལ་ཕྱིན། ཧྥ་རན་སིར་གནས་སྡོད་ཕ་ཡུལ་གཅིག་པའི་གྲོགས་པོ་སཀོར་ཞིག་གིས་སྔོན་མ་ནས་གོ་སྒྲིག་བྱས་ཡོད་པ་ལྟར་ཆུ་ཚོད་དྲུག་པ་ཡས་མས་ཐོག་ཧྥ་རན་སིའི་རྒྱལ་ས་པེ་རིའི་སི་ལ་འབྱོར་ཐུབ་པ་བྱས། སྤྱིར་ཧྥ་རན་སིའི་རྒྱལ་ཁབ་འདི། མཚན་ཉིད་རིག་པ་དང༌། སྙན་ངག་རིག་པ། དེང་རབས་ཚན་རིག་བཅས་རིག་གཞུང་གསར་རྙིང་གཉིས་ཐད་ནས་འཛམ་གླིང་ཐོག་ཤུགས་རྐྱེན་

དེ་ལས་མང་བ་། “རྒྱལ་སྤྱིའི་བོད་རིག་པའི་ཚོགས་ཆེན་སྐབས་ཀྱི་མཐོང་ཐོས་འགའ་ཤས།༼༦༽” »

གཅན བཟོད་རྒྱམ།

 
ཉིན་འགའི་སྔོན་ནས་བྱང་ཨ་རིའི་གཟའ་མཇུག་སློབ་དེབ་དང་འབྲེལ་ནས་ཤེས་རིག་ལས་ཁུངས་དང་། འབྲེལ་ཡོད་བྱང་ཤ་རིའི་གཟའ་མཇུག་སློབ་དེབ་རྩོམ་སྒྲིག་པ་དང་རྩོམ་སྒྲིག་བསྐྱར་ཞིབ་ཚོགས་པ་སོགས་ཤེས་ལྡན་མང་པོས་ཐུན་མོངས་བྱས་ཉེས་ཏེ། སློབ་དེབ་ལས་བོད་ཀྱི་བརྡ་སྤྲོད་གཞུང་དང་མི་མཐུན་ས་མང་པོ་བཀོད་འདུག་པའི་སྐོར་ནས་དམངས་ཀྱི་བསམ་ཚུལ་འདྲ་མིན་དང་དགག་རྒྱག་རྩོམ་ཡིག་སོགས་དྲ་ངས་གང་སར་ཁྱབ་བཞིན་འདུག་པ་མང་པོར་ལྟ་རྒྱུང་བྱུང་། སྤྱིར་ད་ཐེངས་གནས་ཚུལ་འདིའི་ཐད་ལ་བསམ་ཚུལ་ཅང་མ་ཞུས་བར་འདུག་དགོས་བསམ་མོད།

དེ་ལས་མང་བ་། “བྱང་ཨ་རིའི་གཟའ་མཇུག་སློབ་དེབ་སྐོར་གྱི་བསམ་ཚུལ།” »

ཨ དོན་ཉི། (ཨ་རི།)

 
ཉེ་བའི་ཆར་བོད་ཡིག་གི་བརྡ་སྤྲོད་རིག་པའི་ཆོས་ཉིད་དང་མི་མཐུན་པའི་བྱང་ཨ་རིའི་བོད་ཀྱི་བྱིས་པའི་གཟའ་མཇུག་སློབ་དེབ་གཅིག་དཔར་བསྐྲུན་འགྲེམ་སྤེལ་བྱས་པ་ལ་བརྟེན་ནས། རང་རེའི་དྲ་ལམ་སྤྱི་ཚོགས་སུ་སློབ་དེབ་དེའི་སྐོར་ལ་ཡིག་ལམ་ནས་དགག་རྩོམ་བྲིས་ཤིང་གླེང་བརྗོད་འཁྲུག་པོ་སྤེལ་མཁན་ཅུང་མང་བོ་བྱུང་།
དེ་ནི་ཅི་ཁག་སྟེ། བོད་ཀྱི་ཤེས་རིག་ལས་ཁུངས་གཙོ་བྱས་ནས་སློབ་དེབ་རྩོམ་སྒྲིག་པ་དེ་ཚོས་བོད་མི་རིགས་ཀྱི་ཡི་གེའི་རིན་ཐང་བཀོལ་སྤྱོད་ཀྱི་ཚེ་སྲོག་ལ་ཐད་ཀར་ཁྱད་གསོད་བྱས་བཞག་པ་དེ་མ་བཟོད་པས་རེད།

དེ་ལས་མང་བ་། “བོད་ཡིག་ལ་རྨ་ཁ་མ་བཟོ་རོགས།” »

——བྱམས་བཟང་།
 
ཉིན་འགའི་སྔོན། དགའ་ཉེ་གྲོགས་པོ་ཞིག་གིས་ཁ་བརྡ་དྲ་ངོས་སུ། ༼ཁྱོས་ང་ཅིག་བཅོས་དང་ཐལ༽ཞེས་པའི་ཁ་བྱང་ཅན་གྱི་རྩོམ་ཡིག་ཅིག་ཨ་མྱེས་གུར་གྱི་རྗེས་དྲན་དུ་སྤེལ་གདའ། རྩོམ་ཡིག་ཡིད་འགུལ་ཐེབས་པ་ཞིག་བྲིས་འདུག་ཀྱང་ཁ་བྱང་གིས་ཡི་ག་འཆུས་ཏེ། རྩོམ་ཡིག་ལེགས་སོ་སྨན་འདྲ།།ཁ་བྱང་ངན་ནོ་དུག་འདྲ།།གྲོགས་པོའི་གདུང་བ་ཟབ་འདྲ།།འདས་པོའི་སྐྱེལ་མ་བཟང་འདྲ།། ཅེས་ཚིག་བཞི་མ་ཞིག་མཆན་ཐུང་དུ་བཏབ།

དེ་ལས་མང་བ་། “༼དུག༽” »

ཡིག་ཕབ་པ། ངག་དབང་ལྷུན་གྲུབ།

༡༽ སློབ་སྦྱོང་གི་སེམས་ཁམས།

རང་ཉིད་ནང་ཆོས་ལ་སློབ་སྦྱོང་རྒྱུན་རིང་པོ་ཞིག་བྱས་པ་དང་། སློབ་སྦྱོང་ཚར་པའི་རྗེས་ལ་མི་རིགས་འདྲ་མིན་གྱི་སྤྱི་ཚོགས་དང་། རིག་གཞུང་མི་འདྲ་བ་མང་པོར་ཐོས་རྒྱུ་དང་མཐོང་རྒྱུའི་གོ་སྐབས་བཟང་པོ་བྱུང་། བརྒྱུད་རིམ་དེའི་འོག་ནས་སློབ་སྦྱོང་སྐོར་བསམ་ཚུལ་བྱུང་པ་རྣམས་ཞུ་རྒྱུ་ཡིན།

དེ་ལས་མང་བ་། “དོལ་པོ་སྤྲུལ་སྐུས་སློབ་སྦྱོང་བྱེད་ཚུལ་སྐོར་གསུངས་པ།” »

ཡོང་ཁུངས། ཤེས་རིག་ལས་ཁུངས་ཀྱི་དྲ་རྒྱ།

༄༅། ། ཉེ་སྔོན་བོད་མིའི་སྒྲིག་འཛུགས་ཤེས་རིག་ལས་ཁུངས་ནས་གཏན་འབེབས་དང་། དཔར་འགྲེམས་ཞུས་པའི་བྱང་ཨ་རིའི་གཟའ་མཇུག་སློབ་གྲྭའི་བོད་ཡིག་སློབ་དེབ་ཐོག སྤྱི་ཚོགས་དྲ་རྒྱ་ཁག་ཏུ་བསམ་ཚུལ་གང་མང་འདོན་སྤེལ་བྱེད་བཞིན་འདུག་པར། བོད་ཀྱི་སྐད་ཡིག་དང་རིག་གཞུང་ཐོག་དོ་འཁུར་གྱིས་བགྲོ་གླེང་གནང་བར་དགའ་བསུ་དང་སྦྲགས། འདི་ལས་ནས་དེ་འབྲེལ་གྱི་དངོས་ཡོད་གནས་ཚུལ་གསལ་བཤད་ཞུ་རྒྱུར།

དེ་ལས་མང་བ་། “བྱང་ཨ་རིའི་གཟའ་མཇུག་སློབ་གྲྭའི་བོད་ཡིག་སློབ་དེབ་དང་འབྲེལ་བའི་གསལ་བཤད།” »

ཤེས་རབ་དར་རྒྱས།

 
“བྱང་ཨ་རིའི་གཟའ་མཇུག་སློབ་གྲྭའི་བོད་ཡིག་སློབ་དེབ་”ཅེས་པའི་ཐད་བགྲོ་གླེང་འགྲོ་བཞིན་པའི་སྐབས་འདིར། ངས་ཀྱང་སྐབས་འཚོལ་གྱི་བགྱི་བ་ཞིག་དང་དུ་ལེན་འདོད་ལ། རེ་གཉིས་ཀྱིས་ཀྱང་སྐུལ་བྱུང་བ་སྤོབས་པ་ཡང་ཅུང་ཟད་སྐྱེས། དེ་ཡང་ལོ་ཤས་གོང་ནས་ཁོ་བོས་ཡིག་ཆ་ཀློག་ཞོར་གནད་དོན་མང་ཙམ་དྲན་ཐོར་བཀོད་པ་ལས་དོན་གནད་གཉིས་ཀྱི་ཐད་ཡིན།

དང་པོ། “གས་ངས་པས་”གསུམ་ཡིན་ནམ་“གེ་ངེ་པེ་”གསུམ་ཡིན།

འདིར་ཡིག་སྐད་བཞག་སྟེ་ཁ་སྐད་ཁོ་ན་བསམ་ཡུལ་དུ་བྱས་ཏེ་ཞུས་ན།

དེ་ལས་མང་བ་། “ཕན་མིན་མི་ཤེས་ཀྱང་དོན་དག་གཉིས་གླེང་འདོད།” »

རྩོམ་པ་པོ། ལྡོང་ཡོན་ཏན་རྒྱ་མཚོ།

 
ངས་གཡུང་དྲུང་བོན་གྱི་ལྟ་སྒོམ་སྤྱོད་གསུམ་གྱི་རྣམ་བཞག་རྒྱས་པར་བསྟན་པའི་བོན་གྱི་གཞུང་ཆེན་མོ་དག་ལ་ཆེད་དུ་སློབ་སྦྱོང་དང་ཞིབ་འཇུག་བྱས་མ་མྱོང་ཡང་། གངས་ཅན་བོད་པའི་དར་རྒུད་ལ་བསམ་གཞིག་ཅུང་ཟད་རེ་བཏང་མྱོང་མཁན་ཞིག་དང་། གནའ་བོའི་ལོ་རྒྱུས་ཀྱི་དཔེ་ཆ་མང་ཙམ་བཀླགས་མྱོང་མཁན་ཞིག་ཡིན་པའི་ཆ་ནས། བོན་པོའི་སྐོར་མང་བོ་མང་བོ་ཞིག་མཐོང་མྱོང་ལ། ཁ་ཁུ་སིམ་མེར་བསྡད་དེ་འདིའི་ཕྱོགས་ལ་གཟབ་ནན་རང་བཞིན་གྱིས་བསམ་གཞིག་རེ་འགའ་འང་བཏང་མྱོང་ཞེས་བཤད་ཆོག

དེ་ལས་མང་བ་། “ལོ་རྒྱུས་ཀྱི་གུད་དུ་སྦས་པའི་མུ་ཏིག་རྡོག་གཅིག” »

བོད་སྐྱོབ།

 
ཁ་སང་ཉེ་འགྲམ་གྱི་གྲོགས་པོ་ཞིག་གིས་ཁ་པར་བཏང་ནས་ངོ་དེབ་སྒང་ལ་ལྟོས་དང་། མཁས་དབང་ཆུང་ཚེ་རིང་གིས་ཤེས་རིག་ལས་ཁུངས་ཀྱིས་གཏན་འབེབས་བགྱིས་པའི་བྱང་ཨ་རིའི་གཟའ་མཇུག་སློབ་དེབ་ཀྱི་སྐོར་ལ་དགོངས་ཚུལ་ཁྱད་མཚར་པོ་ཞིག་གསུངས་འདུག་ཟེར། ངས་ང་ལ་ཆུང་ཚེའི་ངོ་དེབ་མེད། སྔར་ཞིག་ལ་ཁོང་གི་དགོངས་ཚུལ་དང་མི་མཐུན་པའི་བསམ་ཚུལ་འགའ་སྤེལ་བས་ངོ་དེབ་ལས་གཏན་འགོག་བྱས་སོང་། ལྟ་ཐུབ་པ་མི་འདུག་ཅེས་བརྗོད། གྲོགས་པོས། ཏོག་ཙམ་སྒུགས་ཨང་། ནང་ལ་སླེབས་ཡོང་ཟེར། སྐར་མ་བཞི་བཅུ་ཙམ་གྱི་རྗེས་སུ་གྲོགས་པོ་ངའི་སར་སླེབས་བྱུང་།

དེ་ལས་མང་བ་། “ཆུང་ཚེ་རིང་གི་དགོངས་ཚུལ་མཇལ་རྗེས་ཀྱི་སྐད་ཆ་གསོན་པོ།” »