བྱ་གཞུང་སྐལ་ལོ། (རྒྱང་མིག་གིས་འོས་སྦྱོར་བྱས།)

 
ཚང་མ་འཇམ་ཅག་གེར། ཡང་ས་རུབ་སོང་། གྲོང་ཁྱེར་འདིའི་ཕར་འགྲོ་ཚུར་འོང་གི་མི་དེ་དག་ངའི་ངོ་ཤེས་མིན། ཡང་ངའི་ངོ་ཤེས་ཀྱང་ཡིན། གསལ་ལ་མི་གསལ་བའི་ངོ་གདོང་དེ་དག་ངའི་གྲོགས་པོ་མིན། ཡང་ངའི་ཉེ་འགྲམ་ན་ཡོད། ས་རུབ་རྗེས། ཁོ་ཚོ་ངའི་གཡས་གཡོན་དང་མདུན་རྒྱབ་གང་རུང་ནས་གར་སོང་ཆ་མེད་དུ་ཡལ་འགྲོ། སྐབས་དེར། གྲོང་ཁྱེར་འདིའི་རྡོ་གཅལ་གྱི་གདན་སྟེང་ན་གཅེར་བུར་ལུས་འདུག་པའི་མི་དེ་ང་ཡིན། ཁྱོད་ཡིན། ང་ཚོ་ཡིན། ཕ་ཡུལ་སྐྱོབ་མི་ཐུབ་པའི་སྙན་ཚིག་ཁྲི་སྟོང་འབྲི་བཞིན་པ་དེ་ཡང་ཁྱོད་ཡིན། ང་ཡིན། ང་ཚོ་ཚང་མ་ཡིན།

དེ་ལས་མང་བ་། “གྲོང་ཁྱེར་ན་རུལ་གྱིན་པའི་ང་ཚོ།” »

ཟངས་དཀར་ཚུལ་ཁྲིམས།
 

(WordPress) མཉེན་ཆས་ངོ་སྤྲོད།

(WordPress) མཉེན་ཆས་ནི་དྲ་ཚིགས་ཀྱི་རྣམ་པ་ཅན་གྱི་མཉེན་ཆས་ཤིག་ཡིན་ལ། མཉེན་ཆས་འདི་བེད་སྤྱོད་ཀྱིས་ཧ་ཅང་སྟབས་བདེའི་ངང་དྲ་ཚིགས་གསར་བཟོ་དང་། དྲ་ཚིགས་ལ་འཛིན་སྐྱོང་བྱེད་ཐུབ། དེ་བཞིན་མཉེན་ཆས་འདིར་ཁྱད་ཆོས་གཙོ་བོ་འགའ་ཡོད་པ་གཤམ་གསལ་ལྟར་ཡིན།
1… (free) རིན་མེད་ཡིན་པས་བཀོལ་སྤྱོད་པར་རང་དབང་ལྡན་པ་སྟེ། ཐོན་རིམ་གསར་པ་ནམ་ཐོན་ལ་རིན་མེད་ཐོག་ཕབ་ལེན་བྱས་ནས་སྤྱོད་ཆོག་ཆོག་ཡིན།

དེ་ལས་མང་བ་། “(WordPress) མཉེན་ཆས་ངོ་སྤྲོད།” »

མི་ཉག་ཀུན་དགའ་བཀྲ་ཤིས།

 
ཉིན་འགའི་སྔོན་ལ་བོད་ནང་གི་བུ་མོ་སྒྲོལ་མ་ཟེར་བ་ཞིག་གིས་ལུག་དྲུག་སྟོང་ལས་བརྒལ་བ་ཞིག་སྡིག་ཅན་ཤན་པའི་གྲི་ཁ་ནས་བླུ་ཉོས་བྱས་པའི་དཔར་རིས་སོགས་གནས་ཚུལ་ཞིག་གང་སར་འགྲོ་བཞིན་པ་རེད། བོད་ཕྱི་ནང་གཉིས་སུ། བུ་མོ་དེའི་དཀར་ཕྱོགས་ཀྱི་ལས་ལ་བསྟོད་བསྔགས་དང་ཡི་རང་གི་མེ་ཏོག་འཐོར་མཁན་ཡོད་པ་ལྟར། དམའ་འབེབས་དང་ཁ་རྡུང་གི་ཚིག་མཚོན་འཕེན་མཁན་ཡང་ཧ་ཅང་མང་པོ་རེད། དེ་ནི་གཞན་ལ་མེད་པའི་བོད་པའི་དམིགས་བསལ་གྱི་གཤིས་ཀ་ཟེར་བ་དེ་རེད།
སྤྱིར་ན་ལུག་སྟོང་ཕྲག་འགའ་ཟེར་བའི་གྲངས་ཀ་མང་པོ་དེ་ཕར་ཞོག

དེ་ལས་མང་བ་། “སྲོག་བླུ་སྤངས་པ་ནི་སྲོག་བླུའི་རྩ་བ་རེད།” »

གངས་སེང་དཀར་མོ།

དེ་ཡང་ཤན་པའི་ལག་ནས་སེམས་ཅན་གྱི་སྲོག་སྐྱོབ་མི་ཉན་པའི་ལྟ་ཚུལ་འགའ་མཐོང་རྗེས། རང་ཉིད་ཀྱི་བསམ་ཚུལ་ལ་འགྱུར་བ་ཕྱིན་པའི་སྐོར་གླེང་འདོད་ཆེན་པོ་བྱུང་། འོན་ཀྱང་བསྡུས་ཙམ་ཞུ་རྒྱུ་ལ་འབད་པར་བྱའོ།།ངས་ཀྱང་སྔོན་མ་ཞིག་ལ་ཤན་པའི་ལག་ནས་སེམས་ཅན་མ་བསྐྱབས་ན་ཡག་མིན་འགྲོ་སྙམ་པའི་གཞན་རྗེས་འབྲང་བའི་ལྟ་ཚུལ་རང་ཚུགས་མེད་པ་ཞིག་ཁུར་མྱོང་། རྒྱུ་མཚན་དེ་འདྲ་ཞིག་གིས་ཤན་པའི་ལག་ནས་སེམས་ཅན་མ་བསྐྱབས་ན་དྲག་མིན་འགྲོ་ཟེར་ནས་སྐད་ཆ་འགའ་རེ་ཡང་བཤད་མྱོང་།

དེ་ལས་མང་བ་། “ངའི་བསམ་ཚུལ་འགྱུར་སོང་།” »

འོད་ཁམས་དྲ་བ་ནི།  དེ་སྔ་བོད་ཀྱི་དྲ་བའི་སྡིངས་ཆའི་ནང་ཁྱད་ཆོས་འབུར་དུ་ཐོན་ཅིང་དགའ་བསུ་ཆེས་ཆེར་ཐོབ་མྱོང་བའི་བོད་བརྙན་དྲ་བའི་མིང་གསར་པ་ཡིན།

ངེད་ཅག་གི་ལས་ཀ་འདི་ཐོག་མར་སྤྱི་ལོ2010ལོར་པེ་ཅིང་དུ་བོད་ཡིག་བརྙན་ཡིག་ཚོགས་པ་བཙུགས་པ་ནས་མགོ་ཚུགས་ཤིང་། སྤྱི་ལོ2011ལོའི་ཟླ12པར། གསར་འགྱུར་དང་།  གློག་བརྙན།  བརྙན་ཡིག  ཤེས་བྱ།

དེ་ལས་མང་བ་། “འོད་ཁམས་དྲ་བ་དངོས་སུ་ཤར་གཏོང་བྱས།” »

ལྗགས་མདའ།

 
ན་ནིང་དབྱར་མགོ་ཙམ་ལ། འདས་པོ་ཁ་བ་སྙིང་ལྕགས་ལགས་ཀྱིས་བོད་རིགས་བུ་མོ་ཞིག་གིས་བཤས་ར་ནས་ལུག་མང་པོ་ཕྱིར་ཉོས་ཏེ་ཚེ་ཐར་བཏང་བའི་གནས་ཚུལ་ཐད་ལ་བསམ་ཚུལ་ཁ་ཤས་ཞུས་པ་ད་རུང་དྲན་སོས་ཀྱི་འདུག དེ་རིང་ཡང་། དྲ་ལམ་ཁག་ཏུ་བུ་མོ་སྒྲོལ་མ་ཞུ་བ་ཞིག་གིས་གོང་དང་དེ་མཚུངས་ཀྱི་ལས་བགྱིས་པར་མང་པོས་སྤྲོ་དགའ་དུངས་གསུམ་བྱེད་ཀྱི་འདུག ཡིན་ཡང་། ན་ནིང་ལུག་ཚེ་ཐར་ལ་གཏོང་བའི་བུ་མོ་དེ་དང་ད་ལོའི་བུ་མོ་འདི་གཉིས་མི་གཅིག་པ་ཡིན་མིན་ངེད་ཀྱིས་ཤེས་མ་སོང་། ཤེས་དགོས་པའི་རྒྱུ་མཚན་ཡང་མི་འདུག ཡིན་ཡང་རྣམ་པ་གཅིག་པ་གཅིག་མཚུངས་ཡིན་པས། དེ་ལ་ཐད་ཚོར་ཙམ་ཞུ་ན་འདོད་སོང་།

དེ་ལས་མང་བ་། “ཚེ་ཐར་བ་”བུ་མོ་སྒྲོལ་མ”སོགས་ཀྱིས་ལྟོས།” »

ཆོས་གྲགས་རྒྱ་མཚོ།

 
ད་ནངས་སྔ་དྲོ་གྲོགས་མོ་ཞིག་གི་སྐད་འཕྲིན་རྒྱབ་ངོས་སུ་བུ་མོ་སྒྲོལ་མ་ཞུ་བ་ཞིག་གིས་རྒྱ་སྒོར་ས་ཡ་ལྔ་ལྷག་བཏང་ནས་ལུག་དྲུག་སྟོང་ལྷག་ཚེ་ཐར་ཆེད་གསེར་རྟ་རྩ་ཐང་ནས་བརྒྱབ་པའི་གནས་ཚུལ་ལམ་གསར་འགྱུར་ཞིག་སྤེལ་འདུག་པ་མཐོང་སོང་། དེ་ནས་ང་རང་འཛིན་གྲྭར་སོང་ནས་ཕལ་ཆེར་ཆུ་ཚོད་གཉིས་ཡས་མས་ཙམ་གྱི་རིང་ལ། ངའི་ཀླད་པའི་ནང་གྲོགས་མོ་དེའི་སྐད་འཕྲིན་རྒྱབ་ངོས་ཀྱི་གསར་འགྱུར་དེ་ཡང་ཡང་དུ་འཁོར་ནས་སློབ་ཚན་ཡང་དེ་ཙམ་ངེས་མ་སོང་། ཕྱིར་ཉལ་ཁང་དུ་སླེབས་ནས་ཁ་པར་སྒོ་ཕྱེ་སྐབས། དྲྭ་གྲོགས་མང་པོ་ཞིག་གིས་གསར་འགྱུར་དེ་ཚ་ཚ་འུར་འུར་དུ་སྤེལ་གྱིན་འདུག་ལ། མང་པོ་ཞིག་གིས་བསྟོད་པའི་མཐེ་བོང་བསྒྲེང་གིན་འདུག

དེ་ལས་མང་བ་། “བུ་མོ་སྒྲོལ་མ། ངས་ཁྱེད་ཀྱི་གཏོང་ཕོད་དང་སྙིང་སྟོབས་ལ་ཡི་རང་ཞུ།” »

རེ་མདོ་སེངྒེས་ཡིག་ཕབ་ཞུས།
ཕྱི་ལོ་ ༢༠༡༦ ཟླ་ ༨ ཚེས་ ༢༩ ཉིན།
 

ྋསྐྱབས་རྗེ་ཀིརྟི་རིན་པོ་ཆེ་མཆོག་གིས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐེངས་བཅུ་དྲུག་པའི་ཐོག་བསྩལ་པའི་ལམ་སྟོན་གསུང་བཤད།

༄༅།། སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་དང་ཚོགས་གཞོན། ཚོགས་པ་ཁག་གི་ཚོགས་མི་རྣམ་པ། གཞོན་ནུ་ལྷན་ཚོགས་ཀྱི་དབུས་རྒྱུན་ལས་དང་ལས་ཟུར་རྣམ་པ། དེ་རིང་གི་ཚོགས་འདུ་ལ་ཆེད་དུ་ཕེབས་པའི་གཞོན་ནུ་ལྷན་ཚོགས་ཀྱི་ཚོགས་མི་རྣམ་པ་དང༌། སྐུ་མགྲོན་རྣམ་པ་བཅས་ལ་འཚམས་འདྲི་ཞུ་རྒྱུ་དང༌།

དེ་ལས་མང་བ་། “ྋསྐྱབས་རྗེ་ཀིརྟི་རིན་པོ་ཆེ་མཆོག་གིས་གཞོན་ལྷན་ཚོགས་ཆེན་ཐོག་བསྩལ་པའི་གསུང་བཤད།” »