སྐལ་ལྡན་གྱིས་སྒྲ་ཕབ་བྱས། (ས་རཱ།)
གོང་དཀར་ངག་རྣམ་གྱིས་ཞུས། (ས་རཱ།)
 

ཆོས་དང་མ་འབྲེལ་བའི་བཟང་སྤྱོད་སྐོར་གྱི་གལ་གནད།
The importance of Secular Ethics

ནོར་ཝེ་བོད་ཀྱི་རླུང་འཕྲིན་ཁང་གི་གསར་འགོད་པ་ནོར་བཟང་དང་སྐུའི་དབྱིན་སྐད་གསུང་སྒྱུར་དགེ་བཤེས་ཐུབ་བསྟན་སྦྱིན་པ་ལགས་དབར་གྱི་དྲི་བ་དྲིས་ལན།
 
l. དྲི་བ། ང་ཚོས་༸གོང་ས་སྐྱབས་མགོན་ཆེན་པའི་དགོངས་པར་སློབ་སྦྱོང་བྱེད་དུས་དོ་སྣང་འབྱུང་བཞིན་པ་གཅིག་ནི་ཉེ་བའི་ལོ་རབས་ཁ་ཤས་ནས་༸གོང་ས་མཆོག་གིས་

དགེ་འདུན་རབ་གསལ།

ཕྲན་གྱིས་མཇལ་བའི་དགེ་འདུན་ཆོས་འཕེལ་གྱི་བསྟན་བཅོས་ཕྱག་བསྟར་མ་རྣམས་ནི། སི་ཁྲོན་མི་རིགས་དཔེ་སྐྲུན་ཁང་གིས་ ༢༠༠༩ ལོར་པར་བཏབ་པའི་“མཁས་དབང་དགེ་འདུན་ཆོས་འཕེལ་གྱི་གསུང་འབུམ་བཞུགས་སོ་”ཞེས་པའི་མཚན་ཅན་དེར་བཀོད་པའི་ “ལེགས་སྦྱར་བང་མཛོད་”ཀྱི་ཕྱག་བྲིས་ངོ་མ་དང་། དེ་བཞིན་ཀུན་ཕན་ཐེབས་རྩ་ཚོགས་པའི་ལ་རྩེ་དཔེ་མཛོད་ཁང་གིས་ ༢༠༡༣ ལོར་པར་སྐྲུན་བྱས་པའི་ “བོད་ཀྱི་དེང་རབས་རི་མོ་བ་ཐོག་མ་དགེ་འདུན་ཆོས་འཕེལ། [Gendun Chopel: Tibet’s First Modern Artist]” ཞེས་པར་འཁོད་པའི་བར་འཇུག་རི་མོའི་ཁྲོད་ནས་མཇལ་བའི་ “དཔལ་ལེགས་ལྡན་ནག་པོའི་གླུ་” ཞེས་པ་དང་།

དེ་ལས་མང་བ་། “གསེར་ཐང་གི་མ་ཡིག་ལས་འཕྲོས་པའི་དོགས་དཔྱོད་ཅིག” »

གཅན་བཟོད་རྒྱམ།

 
(སྣང་རའི་དཔོན་ཚང་ན་རྟེན་འགངས་ཆེན་གསུམ་ཡོད། དེ་གསུམ་ནི་མངའ་བདག་ཁྲི་རལ་པ་ཅན་གྱི་ཤང་ལང་། རྨོག་དང་ཁྲབ། རལ་གྲི་གསུམ་ཡོད། ང་བརྒྱད་ལོའི་དུས་འགྱུར་སྐབས་བོར་བརླག་ཏུ་སོང་འདུག)
གཅན་ཚ་སྣང་རའི་དཔོན་ཚང་གི་ལོ་རྒྱུས་འདི་ཁུངས་དེད་ནས་སོང་ན། ཐོག་མར་མངའ་བདག་ཁྲི་རལ་བ་ཅན་གྱི་རྒྱུད་པ་ཡིན་ཟེར། མངའ་བདག་ཁྲི་རལ་པ་ཅན་གྱི་རྒྱུད་པ་མར་ཡོང་བ་དེའི་མིང་ལ་རྟ་གསུམ་སྟོང་དཔོན་ཟེར། རྒྱ་སྐད་ཀྱིས་ཆན་ཙུན་ལིས་ཀྲན་ཞེས་སྒྱུར་ན་དེ་འདྲ་ཞིག་རེད། ཡིན་རྒྱུ་ནི་དམག་ཁྲི་བཞིའི་དཔོན་པོ་རེད།

དེ་ལས་མང་བ་། “གཅན་ཚ་སྣང་རའི་དཔོན་པོའི་ལོ་རྒྱུས་སྙིང་བསྡུས།” »

ལྷ་ཐོག་འཆི་པོ་རྒྱལ། (ཝཱ་ཎ་མཐོ་སློབ)
 

གླེང་གཞི།

སྤྱི་ཚོགས་འཕེལ་རྒྱས་དང་དུས་རབས་ཀྱི་དགོས་མཁོ་གཞིར་བཟུང་ནས་བོད་ཀྱི་མཛངས་མ་དག་ལ་མི་རིགས་ཀྱི་སློབ་གསོ་དང་། དུས་རབས་སོ་སོའི་གནས་བབ། མི་རིགས་སོ་སོའི་ངོ་བོ་སོགས་དགོས་པ་ནི་དུས་རབས་དེ་དག་ཏུ་འཚོ་ཞིང་སྤྱི་ཚོགས་དེ་དག་ཏུ་གནས་པའི་མི་རིགས་དག་གི་མཁན་ཆེན་དམ་པའི་གསུང་ཟིན་པས་ངས་གླེང་ག་ལ་དགོས། སྤྱིར་བཏང་ནས་བོད་ཀྱི་མཛངས་མའི་འགྲན་སྡུར་དེ་འཁྲབ་བསྟོན་ཙམ་མ་ཡིན་པར་བོད་ཀྱི་རྩ་དོན་ལ་ཕན་ནུས་ལྡན་པའི་ལུས་འགུལ་ཞིག་ཡིན་མིན་གྱི་གནད་དོན་འདི་ལ་དེ་བས་ཀྱང་གླེང་དཀའ།

དེ་ལས་མང་བ་། “བོད་ཀྱི་མཛངས་མའི་འགྲན་སྡུར་དེ་འཁྲབ་སྟོན་ཙམ་མ་ཡིན་པར་བོད་ཀྱི་རྩ་དོན་ལ་ཕན་ནུས་ལྡན་པའི་ལུས་འགུལ་ཞིག་ཡིན་ནམ།” »

འདྲེ་གླེན་པ། ཨོ་གླིང་།

 
ཕ་ཡུལ་གྱི་གྲོགས་པོ་ཞིག་བརྒྱུད་ནས་ཁྱེད་རང་གཏན་དུ་ང་ཚོ་དང་ཁ་བྲལ་བ་ཐོས་རྗེས་བདག་གི་སེམས་པ་རབ་རིབ་མག་མོག་དུ་བཏང་། འུ་གཉིས་དང་ཐོག་ངོ་ཤེས་ས་དེ་རྒྱ་གར་བྱང་ཕྱོགས་ཧི་མ་ལའི་རི་རྒྱུད་རྡོ་ལ་རི་བོའི་རི་འབབས་ཀྱི་བོད་མི་སྐྱབས་བཅོལ་བ་དག་སྡོད་ཡུལ་དེ་རྡ་རམ་ས་ལའི་ཨ་མདོའི་གྲོང་གསེབ་ཏུ་གྲགས་པ་དེ་རེད།
སྐབས་ཐོག་ང་རང་སྐྱབས་བཅོལ་ཏུ་འབྱོར་ཐོག་ཡིན། ཕ་ཡུལ་གཅིག་པའི་གྲོགས་པོ་ཞིག་གིས་ཁྱེད་ཚང་ལ་ནུབ་ཟས་ཟ་རུ་ཁྲིད།

དེ་ལས་མང་བ་། “གཤིན་ཡུལ་འགྲིམ་པའི་གྲོགས་པོ་སྒྱུ་རྩལ་བ། ཚེ་བཀྲ་ལགས།” »

གཅན་བཟོད་རྒྱམ་གྱིས་མཚམས་སྦྱོར་བྱས།

 
མྱུར་ལམ་བསྐྱུར་རྗེས་རྐང་ལམ་ཕྲ་མོ་དེ་བརྒྱུད་ནས་ཕར་ཐང་ཆེན་གྱི་ཕྱོགས་སུ་འགྲོ་དུས་བྱེ་རླུང་གིས་ནམ་མཁའ་ཧྲིལ་པོ་གཡོགས་ནས་མིག་ཀྱང་ཕྱེ་མི་ཐུབ་པའི་ཚད་དུ་ལྷུང་། ལམ་བར་དུ་ནོར་གནག་ཁེར་འགྲོ་ཞིག་དང་དགོ་བ་ཁེར་འགྲོ་ཞིག་ལ་ཐུག་ཅིང་། ནོར་དེའི་མིག་ཟུང་དུ་བྱེ་མས་གང་ཞིང་ང་ཚོ་དང་ང་ཚོའི་ཕྱོགས་ཀྱི་རླངས་འཁོར་ལ་བལྟས་ནས་འཚོལ་སྙེག་གི་རེ་བ་ཞིག་འཚོལ་བཞིན་པ་དང་འདྲ། ཡིན་ནའང་ཕན་ཚུན་ལ་ཧ་ཅང་འུ་ཐུག་ཐབས་ཟད་ཀྱི་མིག་བརྡ་རེ་བསྟན་ནས་བྲེལ་བྲེལ་འཚུབ་འཚུབ་ངང་ཕན་ཚུན་ལ་ཅེར།

དེ་ལས་མང་བ་། “བྲ་ཁྱོམ་དཔལ་བཟང་གི་བྱེ་འགོག་ལམ་བུ།” »