རྫ་ཚེ་རིང་བཀྲ་ཤིས།
 

༡༽ ང་ལ་གསལ་བཤད་ཀྱི་འོས་འགན་ཡོད།

ཁར་རྩང་ངས་༧སྐྱབས་རྗེ་རྫོང་སར་མཁྱེན་བརྩེ་རིན་པོ་ཆེས་དྲ་ལམ་ནས་རྒྱལ་སྤྱིའི་ཁྱོན་གྱི་སློབ་མ་ཚོར་གནང་བའི་དྲིས་ལན་ཕྲན་གྱིས་བོད་སྒྱུར་ཞུས་པ་དེ་ལ་ལོ་རྒྱུས་སྨྲ་བ་ཐུབ་བསྟན་ཕུན་ཚོགས་ཀྱིས་དོགས་སློང་བྱས་པ་ཞིག་མཐོང་བྱུང་། མཁྱེན་བརྩེ་རིན་པོ་ཆེ་དང་ཁོང་གི་གསུང་ལ་རྒྱུས་མེད་པ་དང་། བཀའ་སློབ་ཀྱི་མ་དཔེ་ལ་ཞིབ་དཔྱོད་ཀྱི་ཆ་རྐྱེན་མི་ལྡན་མཁན་ཚོའི་ཆེད་དུ་འདིར་གསལ་བཤད་ཅིག་བྱེད་རྒྱུ་ཡིན། རང་ཉིད་རྩོམ་དེ་སྒྱུར་མཁན་ཡིན་པའི་ཆ་ནས་སྐད་ཆ་ཉུང་ཉུང་ཞིག་བཤད་རྒྱུའི་འོས་འགན་ཡང་ཡོད་པ་རེད་ལ། སྤྱི་ཚོགས་དང་ཀུན་སྤྱོད་ལ་འགན་མི་ཁུར་བའི་མིའི་སྐད་ཆ་ལ་ཐེར་འདོན་བྱེད་པ་ནི་དགེ་བ་ཞིག་རེད།

དེ་ལས་མང་བ་། “ཐུབ་ཕུན་གྱི་ལོག་བཤད་ལ་ལན་དུ་སྤྲིངས་པ།” »

ཆབ་མདོ་ངག་ཕུན།
 

སྔོན་གླེང་།

གུས་པའི་ལག་ཏུ་ཕྱག་དཔེ་སྣ་རིང་གསུམ་རག་སོང་ཞིང་། མགོ་ནས་མཇུག་བར་ཐེངས་གཅིག་བཀླགས་པ་དང་། ཕྱག་དཔེ་དཀོན་རིགས་རེད་འདུག་སྙམ་པ་དང་། མ་ཟད་གཟུངས་སྔགས་ཀློག་འདོན་བྱ་ཚུལ་འདི་ཉིད་གཟུངས་སྔགས་ཀློག་འདོན་ལ་སྦྱང་གོམས་མེད་པའི་གང་ཟག་ལས་དང་པོ་བ་རྣམས་ལ་ཤིན་ཏུ་ནས་མཁོ་བ་ཞིག་ཏུ་མཐོང་ལ། འདི་དག་ཀམ་པུ་ཊ་ནང་འཇུག་འགོད་ཀྱི་དེབ་གཟུགས་ཐོག་པར་འགྲེམས་ཐུབ་ཚེ་ཧ་ཅང་ཕན་ཐོགས་ཆེ་བར་མངོན། མཛད་པ་པོའི་རྣམ་ཐར་ཁག་གཅིག་དུང་དཀར་ཚིག་མཛོད་ལ་གཞི་བཞག་ནས་ཀློག་པ་པོར་

དེ་ལས་མང་བ་། “ཕྱག་དཔེ་སྣ་རིང་གསུམ་མཚམས་སྦྱོར་ཞུ་བ།” »

གནས་མེད།

 
ཉེ་ཆར་༧གོང་ས་མཆོག་གིས་རྒྱ་གར་རྡོ་རྗེ་གདན་དུ་གནང་བའི་དུས་དབང་ཐེངས་སོ་བཞི་བ་དེར་ང་རང་བཅར་རྒྱུ་མ་བྱུང་ཡང་། ཕྱི་ལོ་༢༠༠༦ ལོར་དུས་འཁོར་དབང་ཆེན་ཐེངས་སུམ་ཅུ་བ་གནང་ཡུལ་རྒྱ་གར་ལྷོ་ཕྱོགས་ཀྱི་ཨ་མར་ཝ་ཏི་ཞེས་པར་ང་རང་ཡང་བསྐྱོད་ཐུབ་ཡོད་ཅིང་། དེར་༧གོང་ས་སྐྱབས་མགོན་ཆེན་པོ་མཆོག་གི་ཞལ་མཇལ་གསུང་ཐོས་ཀྱི་སྐལ་བཟང་མི་དམན་པ་ཞིག་ཐོབ་པར་གྱུར། ས་གནས་དེར་རྒྱལ་ཁབ་མི་འདྲ་བ་ཁག་བདུན་ཅུ་ཙམ་ནས་ཆོས་ཞུ་བ་ཕེབས་འཛོམས་བྱུང་ཡོད་སྐད་འདུག་པ་དང་། མི་ཚོགས་ཀྱི་གྲངས་འབོར་ཐད་ནས་འགའ་ཞིག་གིས་འབུམ་ཕྲག་གཉིས་ལྷག་དང་། ཡང་ཁག་ཅིག་གིས་མི་འབོར་འབུམ་ཕྲག་གསུམ་ལྷག་ཡོད་ཚུལ་བརྗོད།

དེ་ལས་མང་བ་། “དུས་འཁོར་དབང་ཆེན་གྱི་སྐབས་ལས་འཕྲོས་པའི་གཏམ་རྙོག་ཐུང་ངུ་།” »

ཧི་མ་ལ་ཡའི་རྒྱལ་སྲས། (མེ་ལོང་ཡེ་ཤེས་དྲ་བ་ནས་དྲངས།)
 
༄༅། སྤྱིར་བཏང་མཁས་པ་རྣམས་ཀྱིས་ “བོད་མི་དམངས་ཀྱིས་ནམ་ཟླ་དང་བསྟུན་ནས་ནོར་ལུག་འཚོ་སྐྱོང་དང་རུ་སྤོར་བ། ཞིང་འདེབས་པ། སྟོན་བསྡུ་བ་སོགས་ཀྱི་ལས་ལ་འབད་ཀྱིན་ཡོད་པས། ལོ་སར་གྱི་དུས་ཚོད་གཅིག་མཐུན་མིན།” ཞེས་གསུངས་པ་ལྟར། བོད་ཀྱི་ལོ་གསར་ལ་བརྩི་སྟངས་མང་དག་ཅིག་ཡོད་མོད། ཡོངས་གྲགས་དེང་ཧོར་ཟླ་ཞེས་པའི་ཟླ་བ་དང་པོའི་ཚེས་གཅིག་ལ་ངོས་འཛིན་པ་གཅིག་དང་། ཡང་ཧོར་ཟླ་ཞེས་པའི་ཟླ་བཅུ་གཉིས་པའི་ཚེས་གཅིག་ལ་ངོས་འཛིན་པ་གཉིས་དེ་ཁྱབ་ཆེ།

 
འདིའི་འདོད་ཚུལ་སྔ་མ་ཧོར་ཟླ་ཞེས་པ་གཞིར་བཞག་ནས་ལོ་གསར་ཚུལ་

དེ་ལས་མང་བ་། “ཞང་བོད་ལོ་གསར་གྱི་གཏན་ཚིགས་འཚོལ་བ།” »

—ཤར་ཕྱོགས་ཁུག་རྟ།
 
༄༅། ། ཕྱི་སྲིད་མགྲིན་ཚབ་པ་ཝང་ཡིས་ལགས་ལ།

ད་ལྟ་རང་བོད་ཀྱི་དུས་བབ་གསར་ཁང་གི་དྲྭ་རྒྱའི་ནང་། ༼ཁ་སང་རྒྱ་ནག་གི་ཕྱི་འབྲེལ་བློན་ཆེན་ཝང་ཡེ་(Wang Yi) ཡིས་སོག་ཡུལ་གྱི་ཕྱི་སྲིད་བློན་ཆེན་མུན་ཀ་ཨོར་གྷེལ་ (Tsend Munkh-Orgil) ལགས་སུ་ཁ་པར་བཏང་སྟེ། ཏཱ་ལའི་བླ་མ་གསང་བའི་སྒོ་ནས་སོག་ཡུལ་དུ་ཕེབས་བཅུག་པ་དེས་

དེ་ལས་མང་བ་། “ལན་འདེབས།” »

མཁོ་གཏོང་བ། འཇམ་དབྱངས་སྦྱིན་པ།

 
ཉེ་སྔོན་ཨ་ཁུ་འཇིགས་མེད་ལགས་བཙོན་ནས་གློད་དེ་ཟླ་གཅིག་ཏག་ཏག་འཁོར་བའི་མཚམས་སུ། ཁ་ཡིག་ལ་༼སྲོག་གི་ཉེན་ཁ་ལས་སླར་ཡང་གསོན་པ་༽ཞེས་བྲིས་གནང་བའི་ཡི་གེ་ཐུང་ཐུང་ཞིག་ཁོང་དང་ཐག་ཉེའི་མི་ཞིག་བརྒྱུད་ནས་འདི་གར་ལག་འབྱོར་བྱུང་། ཡི་གེའི་ནང་དོན་ཐད་ལག་སྙོབ་ཙམ་བྱས་ན། འདས་ཟིན་པའི་ལོ་ཟླ་དེ་གའི་ནང་ཁོང་གི་ལུས་སེམས་གཉིས་ཀའི་ཐོག་རྒྱ་དམར་གྱིས་ཞི་དྲག་ཅི་རིགས་ཀྱི་སྒོ་ནས་སྡུག་ལས་བྱས་པའི་དངོས་མྱོང་གཞི་ལ་བཞག་སྟེ། སེམས་ཚོར་ཆེན་པོས་ཁོ་བ་ཚོའི་སྐྱུགས་བྲོ་བའི་ལས་ངན་དང་། དེ་ཚོས་ཅི་བྱས་ཀྱང་བསྒྱུར་དུ་མི་བཏུབ་པའི་ཁོང་གི་སྙིང་སྟོབས་དང་ཆོད་སེམས།

དེ་ལས་མང་བ་། “བླ་བྲང་ཨ་ཁུ་འཇིགས་མེད་ཀྱི་ལག་བྲིས་ཡི་གེ་ཞིག” »

—ནམ་མཁས་འོས་སྦྱོར་བྱས།

 
མཚོ་སྔོན་བོད་སྨན་ཁང་གི་ཕོ་རྒྱུ་ཚན་ཁག་གི་སྨན་པ་ཆེད་མཁས་གནམ་ལྷ་མཁར་ནི་དུ་སྤྲིན་མེད་པའི་གཡུལ་སའི་སྟེང་གི་ནད་གདོན་ལ་འཐབ་མཁན་གྱི་དཔའ་བོ་དང་། སྡུག་བསྔལ་གྱི་འདམ་ལ་ལྷུང་བའི་ཚེ་སྲོག་མང་པོར་རེ་བའི་འོད་སྣང་སྦྱིན་མཁན་ཞིག་ཡིན།

དེ་ལས་མང་བ་། “མཚོ་སྔོན་བོད་སྨན་ཁང་གི་ཆེད་མཁས་པ་གནམ་ལྷ་མཁར་གྱི་གནས་ཚུལ་རགས་བཀོད་པ།” »

—-རེ་མདོ་སེངྒེ་།
 
༄༅།།མི་རྒན་ཤེས་རྒྱ་ཅན་རྣམས་རེ་རེ་བཞིན་ནུབ་རིའི་ཕག་ཏུ་ཡོ་འགྲོ་བ་འདི་བསམ་བློའི་ནང་བཟོད་ཐབས་དཀའ་བའི་སྐྱོ་སྣང་ཞིག་ཡིན་ཡང༌། འདུ་བྱས་མི་རྟག་པའི་ཆོས་ཉིད་ལ་ལྡོག་ཐབས་བྲལ་བས་དང་ལེན་ཞུ་རྒྱུ་ལས་ཐབས་གཞན་ཅང་མ་མཆིས། ངས་འདིར་མཚམས་སྦྱོར་བྱེད་འདོད་པ་ནི་ཉེ་ལམ་འདས་གྲོངས་སུ་ཕྱིན་པའི་སྐལ་བཟང་སྐྱབས་སམ་ཡོངས་གྲགས་སུ་རེ་མདོའི་ཨ་སྐལ་ཞེས་པ་ཡིན།

དེ་ལས་མང་བ་། “མི་རྒན་ཤེས་རྒྱ་ཅན་ཞིག་འདས་གྲོངས་སུ་ཕྱིན་པའི་གཏམ་ཐོས་རྗེས་མཚམས་སྦྱོར་གྱི་ཚུལ་དུ་བྲིས།” »