—–སྟག་ཤར་གཞོན་པ།
སྲིད་སྐྱོང་བློ་བཟང་སེང་གེ།
ཁྲོས་ཏེ་བཞེངས་ནས་ཕེབས་སོང་།།
མར་ལ་ཕེབས་རྒྱུ་སླ་ཡང་།།
ཡར་ལ་ཅི་ལྟར་ཡོང་ངམ།།
ཁྲིམས་བཟོའི་ལས་དོན་སྐབས་སུ།།
རྒྱུ་མཚན་གསུངས་ན་མ་གཏོགས།།
ནུབ་གླིང་ནས་ལྷགས་པའི་འཇབ་རྒོལ་ཡ་མེད་ཅིག
རྩེཿམུན་སེལ།
ཨེ་ཙི། ནུབ་གླིང་བའི་ཚིམ་མེད་ཀྱི་འཁྲིག་སྤྱོད་དང་། འཛེམ་པ་དོགས་བྲལ་གྱི་ཉེས་གསེབ་ནས་སྐྱེས་ཤིང་། སྐྱེ་འགྲོའི་ཚེ་སྲོག་དུམ་བུར་གཅོད་པ་ལ་ཐབས་ཀྱིས་འཇབ་ཅིང་། རྔམ་པས་མཆོང་བའི་དགྲ་བོ་ངོ་མ་ཞིག
ཨེ་ཙི། རྣམ་པ་ཉམ་ཐག་པས་སྤོབས་སེམས་འཕར་རུང་། གནའ་རབས་ཀྱི་བོད་བརྡ་ལ་མ་གྲཊ་པས་དོ་སྣང་མི་འབྱུང་བ་བདེན་ཡང་། ངེས་པ་བྲལ་བའི་ཁ་ཁུག་དུ་མ་ནས་ཁུ་སིམ་མེར་རྒོལ་ལ། གཏོར་བརླགས་ཀྱི་མཇུག་འབྲས་དེ་དང་དེས།
རྒྱལ་གཅེས་དཔའ་བོས་རྒྱ་གཞུང་ལ་ངོ་རྒོལ། བློ་བཟང་སེང་གེས་གྲོས་ཚོགས་ལ་ངོ་རྒོལ།
—-ཚུལ་ཁྲིམས་དཔལ་ལྡན།
སྤྱི་ལོ་ ༢༠༡༧ ཟླ་ ༣ ཚེས་ ༡༨ ཉིན་བོད་ནང་ནས་རྒྱལ་གཅེས་དཔའ་བོ་པདྨ་རྒྱལ་མཚན་མཆོག་གིས་་རང་ལུས་མེར་སྲེག་གི་ལས་འགུལ་སྤེལ་ནས་རྒྱ་ནག་གཞུང་ལ་ངོ་རྒོལ་བྱས་ཡོད། བཙན་བྱོལ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་བོད་མི་མང་སྤྱི་འཐུས་ལྷན་ཚོགས་ལ་ངོ་རྒོལ་བྱས་ནས་གྲོས་ཚོགས་ར་བ་ནས་ཕྱི་ལ་ཐོན་ཡོད།
དེ་ལས་མང་བ་། “རྒྱལ་གཅེས་དཔའ་བོས་རྒྱ་གཞུང་ལ་ངོ་རྒོལ། བློ་བཟང་སེང་གེས་གྲོས་ཚོགས་ལ་ངོ་རྒོལ།” »
ཨ་རིའི་ཁེད་ཉེར་གཅིག་མ།
1. What is easy to get into, but hard to get out of?
ནང་དུ་འཛུལ་སླ་མོད་ཕྱིར་ཐོན་དཀའ་བ་དེ་ཅི་ཁེད།
2. What jumps higher than a building?
ཁང་པ་ལས་མཐོ་བར་མཆོངས་མཁན་དེ་ཅི་ཁེད།
3. I start with the letter e, I end with the letter e. I contain only one letter, Yet I am not the letter e! What am I?
སྐབས་༡༦ པའི་གྲོས་ཚོགས་ཚོགས་དུས་གསུམ་པའི་ཉིན་ལྔ་བ།
དུས་ཀྱི་སྒྲོན་མེ།
འདྲེན་བཀོད་པ་ཀླུ་སྨྱོན།
–དོགས་སེལ་རྨོངས་སྤྲུགས། དགེ་སློབ་གཉིས་འཕེལ།
ཞོགས་པའི་དུས་ཚོད་བརྒྱད་དང་ཕྱེད་ཀའི་སྟེང་དུ། དགའ་སྤྲོའི་ཐལ་སྒྲ་ཞིག་གི་དགའ་བསུའི་ཁྲོད་དུ། མཁན་པོ་བསོད་དར་རྒྱས་མཆོག་ཧྭ་ཀྲུང་དགེ་འོས་སློབ་ཆེན་གྱི་མཚན་ཉིད་རིག་པའི་སློབ་དཔྱོད་ཁང་དུ་ཕེབས་བྱུང་། དེའི་རྒྱུ་མཚན་ནི། ཟླ་དྲུག་པའི་ཚེས་བཅུ་ཉིན་གྱི་དགོང་མོར་གནང་བའི་དུས་རབས་གསར་བ་ལ་མཁོ་བ་ནི་བསམ་པའི་སློབ་གསོ་ཡིན། ཞེས་པའི་འཆད་ཁྲིད་ངོ་མཚར་ཅན་གྱིས་སློབ་གྲོགས་ཚང་མ་ལ་བག་ཆགས་བཟང་པོ་བཞག་པས།
སྨན་ཁང་ལ་ཕྱིན་པའི་ལེའུ།
དོལ་སྨྱོན།
ཁ་རྩང་བདག་ལ་ནད་ཅིག་ཕོག་སོང་སྨྲས་ན་ངོ་ཚ་ཉོ་བྱེད་རེད།།
ཉིན་ཤས་བར་དུ་བཙན་གྱིས་བསྡད་ཡིན་ད་དུང་སྔར་ལས་ཇེ་སྡུག་རེད།།
ད་ནི་ཅི་བྱེད་འདི་བྱེད་མེད་པར་སྨན་ཁང་ཕྱོགས་སུ་ཤར་གྱིས་བསྐྱོད།།
ཁྲེལ་དང་ངོ་ཚའི་གདོང་པགས་དེ་ཡང་ཟུར་གྱི་གད་སྙིགས་ནང་དུ་གཡུགས།།
སྨན་པས་ནད་ཀྱི་ནད་ངོ་མ་ཆོད་ཁྲག་དང་གཅིན་ལ་བརྟག་དཔྱད་བྱས།།
འཁོར་ལོ་ཅན་གྱི་ཉལ་ཁྲིའི་སྟེང་དུ་ང་རང་ཛ་དྲག་ཚུལ་དུ་བསྙལ།།
སྐབས་༡༦ པའི་གྲོས་ཚོགས་ཚོགས་དུས་གསུམ་པའི་ཉིན་བཞི་བ།
ཚོར་བ་རྨས་མ།
ཚོར་བ་རྨས་མ།༼ཉིན་ཐོ༽
ཆུ་སྐྱེས་སྒྲོལ་མས།
བདེན་པའི་རྒྱ་མའི་སྟེང་ནས་ཟགས་འགྲོ་བའི།།
འཛེར་སྐད་རྒྱག་པར་ཁྲེལ་གཞུང་མེད་པ་དང་།།
སྐབས་༡༦ པའི་གྲོས་ཚོགས་ཚོགས་དུས་གསུམ་པའི་ཉིན་གསུམ་པ།
ཨ་ཚོགས་ཀླུ་མཁར་བྱམས་ཀྱང་ལོ་བརྒྱ་དང་བཅུ་གསུམ་ལ་བཞུགས་དགོས།
ཨོ་རྒྱན་ཉི་མ།
ཆོས་དང་འཇིག་རྟེན་ཏེ། ལུགས་གཉིས་གང་ལ་བསམ་བློ་གཏོང་ན་ཡང་། ཨ་ཚོགས་ཀླུ་མཁར་བྱམས་ལ་རྫིག་རྫིག་བྱས། བསྡིགས་ར་བཏང་། ངན་དམོད་བྱེད་པ་ནི་མྱི་ལ་རང་གཤིས་དང་། བྱམས་སྙིང་རྗེ། གནའ་དེང་གི་ཤེས་ཡོན་གཏན་ནས་མེད་པའི་རྟགས་རེད། རྒྱུ་མཚན་ནི་ཀླུ་མཁར་བྱམས་ནི་གསར་འབྱོར་བ་ཞིག་དང་། རང་གི་ཆུང་མ་དང་། ཕྲུ་གུ་སྟེ། བཟའ་ཚང་གི་འགྲོ་གྲོན་ལའང་དཀའ་ངལ་ཡོད་མཁན་ཞིག་རེད། དེ་ཕྱིར་མགོན་མེད་གོང་ལ་སྡར་མ་ངར། བླུན་པོའི་ཁྲོད་དུ་གླེན་པ་མཐོ་ཟེར་བ་ལས་མ་འདས་སོ། །
དེ་ལས་མང་བ་། “ཨ་ཚོགས་ཀླུ་མཁར་བྱམས་ཀྱང་ལོ་བརྒྱ་དང་བཅུ་གསུམ་ལ་བཞུགས་དགོས།” »
མཐོང་ཚུལ་ཞིག་འབྲི་ཨ།
རས་པ།
ལོ་ཤས་ནས་བཙན་བྱོལ་བོད་མིའི་སྤྱི་འཐུས་གྲོས་ཚོགས་ཀྱི་ལས་རིམ་ལ་མི་མང་གིས་བསམ་ཚུལ་གང་ཡོད་བརྒྱུད་ལམ་ཁག་ཏུ་སྤེལ་བཞིན་ཡོད། བསམ་ཚུལ་ནང་དུ་བོད་རང་གིས་ཡིད་ཆེས་དང་མཐར་ཐུག་ཏུ་བརྩི་བའི་ཐ་སྙད་ཁག་གཅིག་ཡོད་ཀྱང་། གོ་དོན་རྦད་དེ་འགྱུར་ཡོད། དཔེར་ན། འཐུས་མི་གང་རུང་གིས་ “ཧ་ཅང་དྲང་བདེན་གྱིས་བཤད་སོང་”ཟེར་བ་དང་། “ཧ་ཅང་བདེན་གཏམ་བཤད་སོང་”ཟེར་བ་ལྟ་བུ་རེད། སྐད་ཆ་དེའི་རྒྱབ་ལྗོངས་ནི་རང་ཉིད་ཆོལ་ཁ་གང་ཡིན་པ་དང་། སུ་དང་སུའི་ཕྱོགས་ལ་དགའ་བ་མཚོན་པ་ཙམ་རེད། ཕལ་ཆེ་བ་དེ་འདྲ་རེད།
ཕོ་བྲང་པོ་ཏ་ལ། འདི་ཅི་རེད།
—བློ་གྲོས་རབ་བརྟན།
—-(འདྲ་པར་ཞིག་ལ་བལྟས་ཏེ་བྲིས་པའི་ཚོར་བའི་སྙན་ངག་ཅིག)
ཕོ་བྲང་པོ་ཏ་ལ།
ཁྱོད་ནི་མི་རིགས་ཤིག་གི་བླ་སྲོག་ཡིན་ལ།
དཔལ་ཡོན་ཞིག་གི་མཚོན་རྟགས་ཡིན།
ལོ་རྒྱུས་ཤིག་གི་དཔང་པོ་ཡིན།
གྲོས་ཚོགས་ལ་གྲོས་མོལ་ཞིག་བྱས་ཡོད།
བེ་རི་རིག་པའི་རྡོ་རྗེ།
གླེང་སློང་།
དེང་སྐབས་འཛམ་གླིང་ཐོག་བོད་དང་ཐེའུ་ཝན་གཉིས་ཕུད་པའི་རྒྱལ་ཁབ་ ༡༩༦ ཡོད་པའི་ནང་གི་རྒྱལ་ཁབ་མང་ཆེ་བ་དམངས་གཙོ་ཡིན་ཞིང་། དམངས་གཙོ་མིན་པའི་རྒྱལ་ཁབ་ཁག་ནི་ཆེས་ཐ་ཤལ་དུ་ངོས་འཛིན་བྱེད་བཞིན་ཡོད་མོད། འོན་ཀྱང་། དམངས་གཙོའི་རིན་ཐང་མི་ཤེས་པའི་སྤྱི་ཚོགས་དང་། ཁྲིམས་ལུགས་དང་དྲང་བདེན་ལ་རྒྱབ་གཏོད་པའི་སྲིད་གཞུང་ཞིག་ཡིན་ན། དེ་དམངས་གཙོ་ཡིན་ཀྱང་དགོས་པ་ཆུང་།
སྐབས་༡༦ པའི་གྲོས་ཚོགས་ཚོགས་དུས་གསུམ་པའི་ཉིན་གཉིས་པ།
ལོ་ ༡༡༣ ཞེས་པའི་གྲངས་ཀའི་འོག་གི་འཁྲབ་སྟོན་ཆེན་མོ།
མི་ཉག་ཀུན་དགའ་བཀྲ་ཤིས།
ངོ་སྤྲོད།
ཆབ་སྲིད་བཙོན་ཟུར་དང་༢༠༡༦ ལོའི་སྲིད་སྐྱོང་འོས་མི་ཀླུ་མཁར་བྱམས་ཀྱིས་ཨེ་ལིའོ་སུ་པ་ལིང་ Elliot Sperling ་རྗེས་དྲན་གྱི་དོན་དུ་ཁ་བྱང་དུ་” ལོ་༡༡༣ ལ་བཞུགས་དགོས་པའི་མི་དེ་ཁྱེད་ཡིན་” ཞེས་པའི་རྩོམ་ཞིག་བྲིས་པ་དེའི་སྔ་ཕྱི་བར་གསུམ་དུ་༧གོང་ས་མཆོག་གི་མཚན་ཙམ་བརྗོད་མེད་ན་ཡང་། མགོ་བདེ་དྲན་འཕྲུལ་ཅན་རེ་འགས་རྩོམ་དེ་རྣོ་ངར་ཅན་གྱི་ལག་ཆ་ཞིག་ལ་མཐོང་བ་དང་། དེ་ནི་༧སྐུ་མདུན་ལ་ཟུར་ཟ་ཞུས་པ་ཡིན་པའི་དཀྲོག་གཏམ་རྫིག་པོ་རེ་དང་། འགྲེལ་བཤད་སྙིང་རྗེ་མོ་རེ་བརྒྱབ་པའི་རྐྱེན་གྱིས།
དེ་ལས་མང་བ་། “ལོ་ ༡༡༣ ཞེས་པའི་གྲངས་ཀའི་འོག་གི་འཁྲབ་སྟོན་ཆེན་མོ།” »
དད་པ་གཙང་མིན་སྤྱོད་པས་ཤེས།
ས་འཛིན་དཀར་པོས།
ཏཱ་ལའི་བླ་མར་དད་པ་གཙང་མདོག་འགས།།
ལྷ་འདྲེ་བར་ལ་དད་པས་ནང་དམེ་འཁྲུགས།།
དབུ་མའི་ལམ་ལ་རེ་བ་གཙང་མདོག་འགས།།
དམར་པོ་ཏང་གི་ཀུན་སྤྱོད་ནང་ལོག་བསྟན།།
ཤི་བོའི་ཁ་ཆེམས་ཡིད་ལ་ཡོད་མདོག་འགས།།
མེས་པོའི་ལོ་རྒྱུས་ནུབ་པའི་ཐབས་ལ་འབད།།
སྐབས་༡༦ པའི་གྲོས་ཚོགས་ཚོགས་དུས་གསུམ་པའི་ཉིན་དང་པོ།
རི་བོ་བྱ་རྐང་གསར་དུ་བརྙེད་པ།
རྩིས་ཆེ་ལེགས་མཐོང་།
དེ་ཡང་ཐེག་པ་ཆེན་པོའི་ཤིང་རྟ་ཆེན་པོ་གཉིས་ལས་གཅིག་སྟེ་འཕགས་པ་ཐོགས་མེད་ནི་དགུང་ལོ་ཆུང་དུས་ནས་སངས་རྒྱས་ཀྱི་གསུང་རབ་ཀུན་ལ་མཁས་པར་གྱུར་ཀྱང་ཚིག་མང་ལ་དོན་ཟབ་པའི་ཤེར་ཕྱིན་གྱི་མདོ་སྡེའི་སྦས་དོན་རྣམས་ཚུལ་བཞིན་དུ་མ་རྟོགས་པས་དགའ་ལྡན་གྱི་གནས་སུ་བཞུགས་པའི་རྒྱལ་ཚབ་བྱམས་པ་མགོན་པོ་སྒྲུབ་པའི་དོན་དུ་རི་བོ་བྱ་རྐང་ཞེས་གྲགས་པའི་གནས་སུ་ཕེབས་ནས་རྩེ་གཅིག་ཏུ་སྒྲུབ་པ་མཛད། རྟགས་དང་མཚན་མ་གང་ཡང་མ་བྱུང་བས་ཐུགས་ཆད་ནས་ཐེངས་གསུམ་རི་ལས་འབབ་པར་བརྩམས་པ་ན་བྱ་སྒྲོ་དང་ཆུ་ཐིགས་ཀྱིས་བྲག་ཟད་པར་བྱས་པ་དང་། རས་བལ་གྱིས་ལྕགས་བརྡར་ནས་ཁབ་མང་དུ་བཟོ་བའི་རྒད་པོ་ཞིག་གིས།
གཡོ་ཇུས། (བརྩམས་སྒྲུང་།)
གངས་ལྷ་མོ།
དང་པོ།
སྟོན་མཇུག་གི་དུས་འདིར་མི་ཚོས་རི་གྲོང་སྡེ་སྤྱིའི་འགོ་བྱེད་ཚན་པའི་ནང་མི་གྲངས་བཅུ་བརྗེ་བསྒྱུར་རམ་གསར་འདེམས་བྱ་བརྩིས་ཀྱི་སྟ་གོན་རྩོམ་བཞིན་ཡོད། ཡར་ལོ་ཚང་གི་བུ་ཆེ་བའམ། ཕོ་ལོ་ང་བཞིར་སླེབས་པའི་ཚེ་རིང་མགོན་པོའམ་ཚེ་མགོན་ནི་དེ་སྔོན་རི་གྲོང་གི་འགོ་བྱེད་ཚན་པའི་འགན་གཙོ་ཡུན་རིང་བྱས་མྱོང་མཁན་ཞིག་རེད། ཚེ་མགོན་ཁོ་རང་ཆུང་དུས་ཕ་མའི་བཀའ་དྲིན་ལ་བརྟེན་ཡི་གེ་འབྲི་ཀློག་སྦྱངས་ནས་རང་མགོ་ཐོན་ཙམ་ཡོད། ཆེན་པོར་ཆགས་རྗེས་དབང་ཆ་བཟུང་བར་འདོད་མོས་ཡོད་མཁན་ཞིག་ཡིན་རུང་སྒེར་ལ་མདུན་ནས་དཔོན་ཆེན་གྱི་སྣེ་འདྲེན་དང་རྒྱབ་ཏུ་སྤུངས་ཤུགས་ཆེར་མེད་པའི་རྐྱེན་གྱིས་
