འོས་སྦྱོར་བ། རེ་མདོ་སེངྒེ།
ཕྱི་ལོ་ ༢༠༢༢ ལོའི་ཟླ་ ༦ ཚེས་ ༡༥ ཉིན།
༄༅།། ཀུན་མཁྱེན་དོལ་པོ་པ་ཤེས་རབ་རྒྱལ་མཚན་སྐུ་ཞི་བར་གཤེགས་ནས་ལོ་ངོ་ ༦༦༠ འཁོར་བའི་རྗེས་དྲན་མཛད་སྒོ་དང། རིས་མེད་དུས་འཁོར་བགྲོ་གླེང་ཆེན་མོ་ལ་ཕེབས་པའི་མཁས་པ་རྣམ་པ་ལྷན་རྒྱས་ལ་ཐོག་དང་པོ་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན།
འདི་གའི་བགྲོ་གླེང་ཆེན་མོའི་ཉིན་གཉིས་པའི་བགྲོ་གླེང་ཚོགས་འདུའི་སྐུ་མགྲོན་ལ་ཡོང་རོགས་ཞེས་མགྲོན་ཤོག་འབྱོར་བྱུང། མགྲོན་འབོད་ཀྱི་ཡི་གེ་འབྱོར་བའི་སྐབས་བགྲོ་གླེང་དང་འབྲེལ་བའི་གནད་དོན་ཐོག་ང་ལ་དམིགས་བསལ་ཕན་ཐོགས་ཡོད་པ་ཞུ་རྒྱུ་གང་ཡང་མེད། ཡིན་ནའང་རྣམ་པ་ཚོའི་བགྲོ་གླེང་ཡག་པོ་ཡོང་བ་དང། དེང་སང་ཇོ་ནང་བའི་བསྟན་པ་ཉམས་དམའ་བོ་ཡོད་པའི་སྐབས་ལ་རྒྱབ་སྐྱོར་གྱི་ཚུལ་དུ་ང་ཡོང་གི་ཡིན་ཅེས་ཞུས་པ་ཡིན། རྣམ་པ་ཚོར་མཐུན་རྐྱེན་མང་པོ་ཞིག་འཛོམས་ཐུབ་ཀྱི་ཡོད་མེད་ཀྱི་སྐུ་ངལ་ལ་མ་ལྟོས་པར་བགྲོ་གླེང་ཆེན་མོ་འདི་འདྲ་ཞིག་གོ་སྒྲིག་གནང་ཐུབ་པ་དེ་ཤིན་ཏུ་ཡག་པོ་རེད། མ་འོངས་པར་ཡང་འདི་ལས་ལྷག་པའི་བགྲོ་གླེང་ཡག་པོ་དེ་འདྲ་གོ་སྒྲིག་གནང་ཐུབ་པའི་རེ་བ་ཞུ་ཡི་ཡོད།
འབྲུག་ཏུ་དགེ་སློང་མ་བསྒྲུབ་འཆར་ཐད་ཀྱི་བསམ་ཚུལ་ཁ་ཐུག་མ།
རྫ་ཚེ་རིང་བཀྲ་ཤིས།
ཐམས་ཅད་མཁྱེན་པ་ལ་ཕྱག་འཚལ་ལོ། །
(གསལ་བཤད། གུས་པ་ནི་རང་གི་བསམ་ཚུལ་དང་ལྟ་ཚུལ་བརྗོད་རྒྱུར་སྤྲོ་སྣང་ཡོད་པ་ཞིག་ཡིན་ལ། ཁྱད་པར་དུ་བསྟན་པའི་དོན་ཆེན་འདི་ལྟ་བུ་ཞིག་ལ་བསམ་ཚུལ་ཙམ་ཡང་འདོན་མཁན་མ་བྱུང་ན་དེ་ནི་བྱུང་རབས་ལོ་རྒྱུས་ཀྱི་ངོས་ནས་འགན་མ་ཁུར་བ་ཞིག་ཏུ་འགྱུར་གྱི་ཡོད་པ་རེད་སྙམ་པའི་ལྟ་ཚུལ་ཡོད། དངོས་གནས་བྱས་ན། འདིའི་ཕྱོགས་ལ་གནས་བརྟན་འདུལ་བ་འཛིན་པ་རྣམས་ཀྱིས་ཐུགས་ཁུར་ཆེར་བཞེས་མཛད་དགོས་མོད། མ་གཟིགས་པའམ་རྒྱུ་མཚན་གང་ཡིན་ཆ་འཚལ་མོད། གང་ལྟར་འདིའི་ཕྱོགས་ལ་དགོངས་ཚུལ་ཙམ་ཡང་གསུང་མཁན་མ་མཇལ། དེས་ན་རང་ཉིད་བསམ་ཚུལ་འདི་བྲིས་པ་ཡིན། སྔར་དྲ་དབང་སྐུར་ཆོག་མིན་དང་འབྲེལ་བའི་ཐོག་ནས་༧གོང་ས་མཆོག་གི་མཚན་གནས་དང་འབྲེལ་བའི་སྐུ་སྒེར་ཡིག་ཚང་དང་བོད་མིའི་སྒྲིག་འཛུགས་ཀྱི་གནང་ཕྱོགས་ལའང་ཤོག་ལྷེ་ལྔ་བཅུར་ཉེ་བའི་བསམ་ཚུལ་གྱི་ཡི་གེ་བྲིས་པ་བོད་ཕྱི་ནང་གཉིས་ཆར་ཡོངས་ཁྱབ་ཏུ་བཀྲམ་ཡོད།
དེ་ལས་མང་བ་། “འབྲུག་ཏུ་དགེ་སློང་མ་བསྒྲུབ་འཆར་ཐད་ཀྱི་བསམ་ཚུལ་ཁ་ཐུག་མ།” »
བྱིས་པའི་རྒྱུན་ཤེས་བང་མཛོད་བཀླགས་པའི་འཆར་སྣང་།
ནམ་མཁའ།
བོད་ཀྱི་སྒྲ་བསྒྱུར་ཉམས་ཞིབ་ཁང་གིས་བོད་བསྒྱུར་གནང་བའི་བྱིས་པའི་རྒྱུན་ཤེས་བང་མཛོད་ནང་དུ། མི་རྒན་ཕྲན་གྱིས་བསམ་བློས་དོགས་དཔྱོད་ཀྱི་ལམ་ནས་འགྲུལ་བཞུད་བྱས་ཤིང་། བསམ་བློས་འགྲུལ་བཞུད་བྱེད་ཡུལ་ནི། དངོས་ཁམས་རིག་པ་ཚོས་བཤད་པའི་འཐེན་ཤུགས་དང་མཁའ་དབྱིངས་ཀྱི་སྐར་མའི་གྲོང་ཁྱེར་ཆེན་པོ་ཞིག་རེད། སྐར་མའི་གྲོང་ཁྱེར་དེ་ཡང་ཉི་མའི་ཁྱིམ་རྒྱུད་ཀྱི་དགུ་ཚིགས་སྐྱ་མོའི་གྲོང་ཁྱེར་ཡིན་མོད། འོན་ཀྱང་ཚན་རིག་ལ་རྒྱུས་མེད་པའི་མི་རྒན་ཞིག་གིས་བྱིས་པའི་རྒྱུན་ཤེས་བང་མཛོད་ནང་དུ་དོགས་དཔྱོད་བསམ་བློས་འགྲུལ་བཞུད་བྱས་པ་ནི་གད་མོ་ཤོར་བའི་ཡུལ་ཡིན་སྲིད། ལྷག་པར་དུ་ཡང་གུང་ཁྲན་ཏང་གིས་རང་ཉིད་ཀྱི་ཀླད་པ་ཁྲུས་ཟིན་པ་ཡང་ངོས་མི་ཟིན་པའི་མིག་ཤེལ་དམར་པོ་གྱོན་མཁན་ཚོས། ས་གཞི་ཐམས་ཅད་དམར་པོ་སྣང་སྟེ་རང་གི་རིག་གཞུང་རྗེས་ལུས་སུ་མཐོང་བའི་གཞི་བྱེས་བོད་མི་འགའ་ཞིག་གི་མིག་ལམ་དུ། ཕྲན་ལྟ་བུ་ཚན་རིག་ལ་རྒྱུས་མེད་ཞིག་གིས་དོགས་འདྲི་བྱས་པ་རྣམས་ལ་འཕྱ་དམོད་བྱ་ཡུལ་ཡིན་སྲིད།
དེ་ལས་མང་བ་། “བྱིས་པའི་རྒྱུན་ཤེས་བང་མཛོད་བཀླགས་པའི་འཆར་སྣང་།” »
འབྲུག་པ་ཞིག་གིས་དཀར་ཟས་སྐོར་དྲིས་པའི་༧བཀའ་ལན།
རྫ་ཚེ་རིང་བཀྲིས་ཀྱིས་བསྒྱུར།
དྲི་བ། ངའི་མིང་ལ་ཀུན་བཟང་ཕྲིན་ལས་ཟེར། ང་འབྲུག་ཡུལ་ནས་ཡིན། ངས་དྲི་བ་བ་མ་དྲིས་པའི་སྔོན་དུ་༧གོང་ས་མཆོག་ཉིད་སྐུ་ཚེ་ཡུན་རིང་དུ་བརྟན་པའི་གསོལ་འདེབས་ཞུ་རྒྱུ་ཡིན།
ངའི་དྲི་བ་ནི། ང་རང་ཉིད་ནང་པའི་རྗེས་འཇུག་ཅིག་ཡིན་པའི་ཆ་ནས་ནམ་རྒྱུན་ཁ་ཆེ་དང་། ཡེ་ཤུའི་ཆོས་ལུགས་ཀྱི་རྗེས་འབྲངས་ཀྱི་གྲོགས་པོ་ཚོར་ནང་པའི་ཆོས་ཀྱི་རྩ་བ་བྱམས་སྙིང་རྗེ་དང་སྲོག་མི་གཅོད་པ་དང་མི་འཚེ་བ་སོགས་གལ་ཆེ་ཚུལ་ཤོད་སྐབས། ཁོང་ཚོས་ང་ལ། ཁྱེད་ཚོ་ནང་པ་ཚོས་འཚེ་བ་བྱེད་མི་རུང་བ་སོགས་མང་པོ་བཤད་ཀྱི་འདུག་སྟེ། ནང་པ་མང་པོ་ཞིག་གིས་ཤ་ཟ་གིན་འདུག །ཟ་མཁན་མེད་ན་གསོད་མཁན་དང་བཙོང་མཁན་ཡོང་གི་མ་རེད། ཁྱེད་རང་ནང་པ་ཚོས་ཤ་མང་པོ་ཟ་གིན་ཡོད་ཙང་ཁ་ཆེ་བ་སོགས་གཞན་པ་ཚོས་སྲོག་ཆགས་དེ་འདྲ་མང་པོ་བསད་ནས་ཤ་བཙོང་གིན་ཡོད་པ་རེད་ཟེར་གྱི་འདུག །ང་ཚོ་ནམ་རྒྱུན་དེ་དག་གི་ཐོག་རྩོད་མང་པོ་ཤོར་གྱི་ཡོད། ངའི་ཚོར་སྣང་ལ། འབྲུག་པ་ཡིན་ན་འདྲ། གང་ལྟར་ནང་པ་ཚོས་ཤ་མང་པོ་ཟ་གིན་ཡོད་པ་དངོས་ཡོད་རེད་འདུག །ང་ཚོ་ནང་པ་ཞིག་ཡིན་པའི་ཆ་ནས་ག་རེ་བྱས་ནས་ཤ་དེ་འདྲ་མང་པོ་ཟ་གིན་ཡོད་རེད། དེའི་རྒྱུ་མཚན་གང་ཡིན་ནམ།
བཀའ་ལན། དངོས་གནས་བྱས་ན་སངས་རྒྱས་པའི་རབ་ཏུ་བྱུང་བ་དག་ལ་སྒེར་གྱི་ཐབ་ཚང་ཡོད་མི་ཆོག་པ་རེད། འཚོ་བ་གསོད་སྙོམས་ལ་རྟེན་དགོས་ཀྱི་ཡོད་པ་རེད། སོ་སོས་ཟོག་འཇོག་བྱས་པའི་ཟས་གསོལ་ཆོག་གི་མེད་པ་རེད། ཁོང་ཚོས་རང་ཉིད་ཀྱིས་ལྷུང་ཟེད་ཕྱག་ཏུ་ཐོགས་ནས་བསོད་སྙོམས་ལ་ཕེབས་དགོས་པ་རེད། དེ་འདྲའི་སྐབས་སུ་གསོད་སྙོམས་སློང་ཡུལ་དེར་དཀར་ཟས་སྦྱིན་རྒྱུ་མེད་པར་དམར་ཟས་ཞིག་སྤྲད་པ་ཡིན་ན། དེ་ཀ་རང་བླངས་ནས་གང་ཕུལ་བ་དེ་གསོལ་དགོས། དེ་བཞིན་སྦྱིན་བདག་དེ་དཀར་ཟས་པ་ཞིག་ཡིན་ན་ཡང་དེ་ནང་བཞིན་རེད། ཕར་ཕྱོགས་ཀྱིས་གང་ཕུལ་བ་དེ་གསོལ་དགོས་པ་ལས་གསོད་སྙོམས་སློང་ཡུལ་དེར་ང་ལ་ཤ་ཟས་དགོས་ཞེས་ཆ་རྐྱེན་འདོན་རྒྱུའི་ཐོབ་ཐང་མེད་པ་རེད།
དེ་ལས་མང་བ་། “འབྲུག་པ་ཞིག་གིས་དཀར་ཟས་སྐོར་དྲིས་པའི་༧བཀའ་ལན།” »
བཙན་པོའི་བུ་སྡུག
ཧ་ཆེ་ཕ་ལུས།
གཞི་རིམ་སློབ་གཉེར་གནས་སྐབས་ནས་རྒན་བདག་དང་། སློབ་མ་རྩེ་ཕུད་ཀྱི་གཟིངས་རྟགས། རྒྱལ་གར་རྒྱལ་ཡོངས་འཛིན་རིམ་བཅུ་གཉིས་ཀྱི་རྒྱུགས་སྤྲོད་ཆེན་མོའི་སྐབས་བོད་པའི་སློབ་མ་ཡོངས་རྫོགས་ནང་རྒྱུགས་འབྲས་ཨང་དང་པོ་བླངས་པ། རང་བདེན་ཚོགས་ཆུང་དང་། བོད་རིགས་སློབ་ཕྲུག་ཐུས་ཚོགས་གསར་འཛུགས་དང་འགན་ཁུར་གྱིས་ལས་དོན་མང་དག་བསྒྲུབས་པ་བཅས་སློབ་མ་འདྲ་འདྲའི་ནང་ནས་མི་འདྲ་བས། སློབ་བུ་བཙན་པོའི་བུ་སྡུག
ཕ་མ་གཉིས་ཀྱི་དྲིན་ལན་དང་ནང་མིའི་འཚོ་གོས་ལ་བསམས་ཏེ་ཡར་རྒྱུག་མར་རྒྱུག་གིས་གངས་སེང་ཟ་ཁང་དང་། གྲུམ་གདན་བཟོ་གྲྭ་གཉེར་སྐྱོང་གི་ཚོང་ལས་བྱས། སྐབས་དེར། ཉིན་ཞིག་ལ‘མི་གསོད་ལག་དམར’ཞེས་པའི་ཐ་སྙད་ཅིག་གློ་བུར་དུ་ཁྱོད་ཀྱི་རྐང་པ་ལ་འདོགས་ཡོང་གི་ཡོད་པ་ཁྱོད་ཀྱིས་ཅི་ལ་ཤེས།
བརྟན་བཞུགས་ལས་འཕྲོས་པའི་དད་གུས་བདེན་པའི་སྒྲ་དབྱངས།
ཆབ་མདོ་ངག་ཕུན།
དེ་རིང་ནི་ཕྱི་ལོ་ ༢༠༢༢ ཟླ་ ༥ ཚེས་ ༢༥ རེས་གཟའ་ལྷག་དཀར་རེད། ཞོགས་པ་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་བོད་མི་རིགས་ལ་བཀའ་དྲིན་བླ་མེད་ཆེ་བའི་སྤྱི་ནོར་༸གོང་ས་ལྷ་མིའི་རྣམ་འདྲེན་༸སྐྱབས་མགོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དབུ་བཞུགས་ཐོག དཔལ་ལྡན་སྐྱ་སའི་ལྷ་སྡེ་མི་སྡེ་ཐུན་མོང་ནས་བརྟན་བཞུགས་འདེགས་འབུལ་ཞུས་ཤིང་། དེ་ཉིན་གསུང་ཆོས་ར་བ་ནང་དུ་སྐྱ་སེར་ཧ་ཅང་མང་པོ་འཛོམས་ཡོད་པ་དང་།
བརྙན་འཕྲིན་ལམ་ནས་༸རྒྱལ་བ་རིན་པོ་ཆེའི་ཞལ་རས་མཇལ་བ་དང་མི་ཚོགས་ཀྱི་དགའ་དད་སྤྲོ་གསུམ་གྱི་ངང་ནས་སྨོན་ལམ་འདེབས་བཞིན་མཆིས། དེ་ཉིན་ནི་གནམ་གཤིས་ཧ་ཅང་ཚ་དྲོད་སྙོམ་ལ། མཁའ་དབྱིངས་ལ་ཆུ་འཛིན་ལྕང་ལོ་ཙམ་ཡང་མེད་པ་ཧ་ཅང་དྭངས་མ་ཞིག་ཏུ་གྱུར། ཆོས་སྒྲས་ཀློང་ནས་མི་རྣམས་ལག་གཉིས་ཐལ་མོ་སྙིང་ཁར་སྦྱར་བཞིན་གསོལ་བ་སྨོན་ལམ་འདེབས་བཞིན་མཆིས།
དེ་ལས་མང་བ་། “བརྟན་བཞུགས་ལས་འཕྲོས་པའི་དད་གུས་བདེན་པའི་སྒྲ་དབྱངས།” »
ཌལ་ཧོར་ཕུན་ཚོགས་གླིང་བོད་མིའི་གཞིས་ཆགས་ཀྱི་རྒན་གཞོན་བརྒྱད་ཅུ་ལྷག་༸སྐྱབས་མགོན་ཀིརྟི་རིན་པོ་ཆེ་མཆོག་གི་མཇལ་ཁར་བཅར་སྐབས་གནང་བའི་གསུང་བཤད། (ཕྱི་ལོ་ ༢༠༢༢ ལོའི་ཟླ་ ༥ ཚེས་ ༢༦)
འོས་སྦྱོར་བ། རེ་མདོ་སེངྒེ།
༄༅།། ང་ད་ལོ་ལོ་བརྒྱད་ཅུ་གྱ་གཅིག་ཡིན། རྣམ་པ་ཚོའི་ནང་དུ་དགུང་ལོ་བརྒྱད་ཅུ་དང་བདུན་ཅུ་ནང་ཅན་མང་པོ་འདུག།ང་ཚོ་མང་ཆེ་བ་ན་མཉམ་ལྟ་བུ་ཡིན་དུས་ཁྱེད་ཚོ་དེ་རིང་ཆེད་དུ་ང་ལ་ཐུག་པར་ཡོང་བར་དགའ་བོ་བྱུང་བས་ཐུགས་རྗེ་ཆེ་ཞུ་རྒྱུ་ཡིན། ཕྱི་ལོ་ ༡༩༦༢ ལོ་ནས་ཕྱི་ལོ་ ༡༩༦༤ ལོའི་བར་ང་ཌ་ལ་ཧོ་སི་ལ་བསྡད་པ་ཡིན་དུས་ང་ཚོ་ཕ་ཡུལ་གཅིག་པ་ལྟ་བུར་གྱུར་ཡོད། སྐབས་དེར་ཌ་ལ་ཧོ་སིར་གདན་ས་སེར་འབྲས་དགེ་གསུམ་གྱི་དགེ་བཤེས་མང་པོ་ཞིག་དང། རྒྱུད་གྲྭ་སྟོད་སྨད་ཀྱི་དགེ་འདུན་པ་མང་པོ་བཞུགས་ཡོད། དེ་བཞིན་དུ་བཟོ་གྲྭ་དང་། རྒས་གསོ་ཁང། སློབ་གྲྭ་གཉིས་སོགས་བོད་མི་གང་འཚམས་མང་པོ་ཡོད་དུས། ཌ་ལ་ཧོ་སི་ཟེར་བའི་སྐབས་ས་གནས་གཞན་དག་དང་མ་འདྲ་བར་བོད་ཀྱི་ཆོས་སྡེ་ཆེན་པོ་ཡོད་ས་དང། བོད་པའི་མང་ཚོགས་ཤིན་ཏུ་མང་པོ་ཡོད་ས་ཞིག་ཏུ་གྱུར་ཡོད་ནའང་། ཕྱིས་སུ་རིམ་པས་བོད་མི་མང་པོ་ཞིག་ཡར་མར་དུ་གཞིས་སྤོས་བྱས་པ་རེད།
རྗེ་བཙུན་བླ་མ་གསེར་གྱི་ལྷུན་པོའི་མཆོད་པ་དད་དམ་རླབས་ཀྱི་མེ་ཏོག་ངག་རིག་དྲི་བསུང་ཡོམ་པའི་སྐྱེད་ཚལ།
བླ་མ་ཚང་ལྷ་ལུང་རྒྱལ།
མཁའ་ཁྱབ་ལུས་ཅན་སྙིང་རྗེའི་ཁོར་མོའི་ཡུག། ཕ་མ་གཉེན་ཉེར་རྩིས་ཀྱི་ཕྱག་རྒྱས་ཟིན།།
འགྲོ་བའི་འདྲེན་པ་བསྟན་འཛིན་རྒྱ་མཚོའི་ཞབས།། རྒྱ་མཚོའི་བྱེ་མ་སྙེད་ཀྱི་ཕྱག་གིས་བསྟོད།།
མདོ་རྒྱུད་གཞུང་བཟང་ཟམ་མི་ཆད་པའི་རྒྱུན།། སྤོབས་གདེང་གདོང་ལྔས་སྲིད་པའི་གངས་ཀྱི་རྩེར།།
ཁྲུང་ཁྲུང་སྐེ་ནག།
རྩོམ་པ་པོ– རྔ་བ་ཀུན་བཟང་།
དེ་རིང་ང་ཕུགས་འདུན་གྱི་གཤོག་པ་རིང་དུ་བརྐྱང་སའི་རི་མགོ་ཞིག་ན་ཡོད། རི་མགོ་གན་ནས་མར་བལྟས་ན། ཆུའི་ཕར་ཁ་ན་བྱ་རྒོད་གཤོག་པ་ཅན་རྫོགས་མེད་ཞིག་མཐོང་། དེའི་གཡས་ཕྱོགས་ན་སེམས་ཀྱི་སྲོག་ཤིང་ཁྱོད་ལྟ་བུར་བྱ་ཁྲུང་ཁྲུང་སྐེ་ནག་ཞིག་གཉིད་ལ་ཤོར། ཟར་མའི་མེ་ཏོག་འདྲ་བའི་མིག་གཉིས་ཀྱིས་སུ་ལ་ལྟ་བཞིན་ཡོད་དམ།
རེད་མོད། ནགས་ལུང་དེའི་ནང་ལ་སུ་ཡོད་མེད་དང་། ས་བདག་སུ་དང་སུ་ཞིག་ཡིན་མིན་ངས་གནམ་དཀར་ཚད་བསམ་བློ་གཏོང་ཡང་ཡིད་ལ་མི་འཁོར། མ་གཉིད་རྨི་ལམ་གྱི་སྐད་ཆ་ཞིག་བཤད་ན། ལུང་བ་འདི་སྒོམ་གྲུབ་པ་ཞིག་དང་ཡང་མིན་ན་བླ་མ་ཞིག་འཚམས་ཁང་ཡིན་ན་སྐྱིད་ག། འཛུམ་མདངས་སོ་དཀར་བསྟན་ནས་ཚེ་གཅིག་ཁྲུང་ཁྲུང་སྐེ་ནག་ཡོད་སའི་མཁར་སྐོར་ནས་གཉིད་ལ་ཤོར་ཡང་། རྒྱབ་ཀྱི་ཀླུ་བདུད་བཙན་པོ་དང་མདུན་གྱི་བྲག་དང་རླུང་པོ་བསྡེབས་ཡོང་བའི་འཇིགས་སྣང་མེད།
ལོང་ཡིག་བབས་པ།
ཁྲོ་གཏུམ།
མིག་རབ་རིབ
སེམས་པ་རབ་རིབ
གནམ་ས་རབ་རིབ་
ཡིད་བརྙན་རབ་རིབ
འདོད་པའི་རྩེ་མ་གང་བའི་དུས་སུ
རྩམ་རྡོག་ཅིག་གིས་མིད་པ་འགག་ཞོར
ཡི་ག་ལ་སྒོ་ཕྱེ་སོང
དྲན་ཉམས་ནད་གསར་ལ་དཔྱད་པ།
སྡིག་པ་ར་ཛ།
དེ་རིང་ཨ་རིའི་རླུང་འཕྲིན་ཁང་གིས་བཀྲ་ཤིས་དབང་ཕྱུག་དང་། འབུམ་རམས་པ་བསྟན་འཛིན་རྣམ་གྲོལ། བློ་གླིང་དགེ་བཤེས་དགེ་ལེགས་གསུམ་གྱིས་རྒན་འཁོགས་རྣམས་ཀྱི་(alzheimer)དྲན་པ་ཉམ་པའི་རྒྱུ་མཚན་སྐོར་བགྲོ་གླེང་ཆུ་ཚོད་ཕྱེད་ཀ་ལྷག་བྱས་སོང་། དེ་ལ་(Dimentia)ཡང་ཟེར་བ་རེད། སྨན་པ་ཚོས་ན་ཚ་འདི་གཉིས་སྤྱི་དང་བྱེ་བྲག་གི་དབྱེ་ཚུལ་མི་གཅིག་པ་དང་། མིང་འདྲ་མིན་མང་པོ་བཏགས་ཡོད། ཁོང་གསུམ་གྱིས་སྐད་ཆའི་ནང་ཆོས་ཀྱི་ཉམས་ལེན་དང་། འཁོར་ཡུག སྤྱོད་པ་བཟང་ངན། ཟས་སྤྱོད་ལ་རག་ལས་ཚུལ་ལས་བརྩམས་ཏེ་མང་པོ་གསུང་སོང་།
ངས་འདིའི་སྐོར་ལ་ལོ་གསུམ་ལ་ལས་ཀ་ལས་བཞིན་ཞིབ་འཇུག་བྱས་པ་ཡིན། ངས་ཞིབ་འཇུག་དེ་ཁྱོད་ཚོ་ནང་བཞིན་དེབ་བཀླགས། མཐོ་རིམ་སློབ་གྲྭའི་དགེ་རྒན་དེ་ཚོའི་མཉམ་དུ་ཁ་བརྡར་ནས་ཤེས་རྟོགས་བྱུང་བ་གང་ཡང་མ་རེད། ངས་དྲན་པ་ཉམས་པ་དང་། ཀླད་པ་རྨས་མ། ཨ་རག་ལང་ཤོར། མྱོས་སྨན་ལང་ཤོར་འདི་ཚོ་དང་མཉམ་དུ་ཉིན་མཚན་གཉིས་ཀར་བསྡད་དེ། དགེ་རྒན་བརྟེན་ཏེ་སློབ་སྦྱོང་ཡང་ཅུང་ཙམ་བྱས་པ་ཡིན། དེབ་ཀྱང་བཀླགས་པ་ཡིན། འདིའི་སྐོར་དེབ་ཅིག་འབྲི་འདོད་ཡོད་དེ། ཏོག་དབྱིབས་རྫུན་མའི་སྨན་ཁབ་རྒྱག་དགོས་ཞེས་གཞུང་གིས་བཙན་བཀའ་ཕེབས་པ་ན། ལས་ཀ་དེ་ལས་ཐོན་ཏེ་ལས་སྣེ་གཞན་ཞིག་ལ་བྲེལ་ཏེ་དེ་རིང་བར་བརྗེད་ཚར་འདུག དེ་མ་ཡིན་ན་རྒས་གསོ་ཁང་གི་བྱ་བ་ཆེ་ཆུང་མཐའ་དག་ཞིབ་ཚག་གིས་དེབ་ཅིག་འབྲི་ཐུབ་ཡོད་ས་རེད། ལས་རོགས་འགའ་ཞིག་ལ་དེབ་འབྲི་བའི་སྐོར་སྐད་ཆ་ཡང་བཤད་པ་ཡིན།
ཨ་མའི་ཉིན་མོ།
ཆབ་ངོམས་ཨ་ཚོགས།
དྲིན་ཅན་ཨ་མ་ལགས།
ཁྱེད་ནི་ངའི་སྙིང་དབུས་ནས་ནམ་ཡང་བྲལ་ཐབས་མེད་པའི་སྐྱེད་མ་ཞིག་ཡིན།
ངའི་ཨ་མ་ལགས་ནི་ཉིན་གཅིག་སློབ་གྲྭར་འགྲོ་མྱོང་མེད་ལ།
སྦྱོང་བའི་སློབ་སྦྱོང་ཟེར་བ་ཅི་མེད་མོད།
རང་བཞིན་གྱིས་བརྩེ་སེམས་ཟབ་མོ་ཞིག་ཡོད།
ཨ་མས་བུ་ཕྲུག་ལག་པ་ནས་འཇུས་ཤིང་།
རྟག་ཏུ་བྱམས་བརྩེས་སྐྱོང་བ་མཛད།
ཨ་མ་ནི་བྱམས་བརྩེའི་བདག་ཉིད་ཅན་གྱི་སྟོན་པ་དེ་ཁོ་ནའོ།
དྲིན་ཅན་གྱི་ཨ་མ་ལགས།
ལུས་ལ་བོད་ཆས་གཙང་མ་གྱོན་ཞིང་།
ངག་ནས་བོད་སྐད་གཙང་མ་སྨྲ།
མི་ཚེའི་ནང་དུ་རྒྱ་ཆས་གྱོན་པ་གཏན་ནས་མཐོང་མྱོང་་མེད།
དེ་འདྲའི་གཟི་བརྗིད་ཅན་གྱི་ཨ་མ་ཞིག་མ་རེད་དམ།
དྲན་པའི་ནང་གི་ཆུ་ལོག
ཁྲོ་གཏུམ།
- གྲོགས་སྙན་ངག་པ་ལྷ་ཆབ་ཀྱི་སྙན་ངག་ཅིག་ཀློག་ཞོར་སེམས་པའི་ཟབ་ས་ནས་ལྷུང་བའི་ཚིག་གི་མར་ལོ་ཁ་ཤས།
བལྟས་ཚེ་བྲལ་བའི་ཡུལ་དེའི་ཚེར་ས་མི་མཐོང་།།
བསམ་ཚེ་བྲལ་བའི་དུས་ཀྱི་སྣང་བ་གཅིག་པུ།།
ལོ་ཟླའི་ས་མཐའ་འདི་ཡི་སྣང་བ་སྡོམ་པོ།།
ཡུལ་ལ་ཕྱོགས་པའི་རྟ་རྒོད་སྲབ་ཀྱིས་མི་བཏུབ།།
གཉོམ་ལག་རྒྱས་པའི་སྐབས་ཀྱི་དུས་ཐུང་གཅིག་པུ།།
ཕ་མའི་བྲང་ཁར་རླན་པའི་ཚོར་བ་དྲོན་མོ།།
གྱ་ཙེ་གོམ་ཙེ་བསླབས་པའི་ཤེས་བྱ་ཐོག་མ།།
དྲིན་ཆེན་གཉིས་ཀྱིས་ངག་གི་གཉོམ་ཤས་བསྐྱངས་པ།།
སྨན་རྫས་སྒ་སེར་རམ་ཡུང་བའི་ཕན་ཡོན་ཕྱོགས་བསྡུས།
སྨན་རམས་པ་བསྟན་འཛིན་མཐའ་ཡས།
དང་པོ། བོད་ཀྱི་གསོ་བ་རིག་པ་ལས།
རོ། ཚ་ལ་ཁ་བ། ཞུ་རྗེས། བསིལ་བ།
ནུས་པ། རྒྱུད་བཞི་ལས། ཡུང་བས་དུག་སེལ་རུལ་གཅོད་གཉན་ནད་འཇོམས། །ཞེས་གསུངས་པ་བཞིན་ལུས་ཀྱི་ཟུངས་ཁྲག་གསོ་ཞིང་གཙང་མ་བཟོ་བ་དང་། གཅིན་སྙིའི་ནད། ཁ་ཟས་མ་འཕྲོད་པ་དང་སྨན་རྫས་སོགས་ཀྱི་དུག་བཅས་ལ་ཕན་ཞིང་། པགས་པའི་ཟ་འཕྲུག་དང་། རྨ་གསོ། རྨ་རྙིང་གི་རུལ་མྱག་གཅོད་པ། གཉན་འཇོམས་ཀྱི་ནུས་པ་ཆེ་བས་སོ་རྙིལ་དང་། ཕོ་ནད། གཞང་འབྲུམ། དྲེག་གྲུམ་རུས་ཚིགས་
དེ་ལས་མང་བ་། “སྨན་རྫས་སྒ་སེར་རམ་ཡུང་བའི་ཕན་ཡོན་ཕྱོགས་བསྡུས།” »
རྡོ་བཀད་ནས་སྐྱེས་པའི་གངས་ལྷ་མེ་ཏོག་ཅིག་མེར་བསྲེགས་རྗེས།
བོན་རྒྱ་བསྟན་འཛིན་རབ་རྒྱས།
གཅིག སྔོན་འགྲོའི་ངུ་ངག
རྣམ་དཔྱོད་དང་སྐྱེས་སྦྱངས་ཤེས་རབ་ཀྱིས་ན་མཉམ་གྱི་རྒྱ་ནག་པ་ཚོ་རྗེས་སུ་བསྐྱུར་ནས་གྲག་ཡོང་གིན་པ་ཚོར། ངས་”རྡོ་བཀད་ནས་སྐྱེ་བཞིན་པའི་གངས་ལྷ་མེ་ཏོག་”ཅེས་འབོད་ཀྱི་ཡོད། ཁོ་ཚོ་མཐོང་ཐེངས་རེར་༼ཤུག་སོན་ཕ་བོང་༽ཞེས་པའི་སློབ་ཚན་དང་དེའི་འདྲ་པར་མིག་ལ་མངོན་ཡོང་གི་འདུག ཁོང་ཚོའི་སྐད་གྲགས་ནི་རྒྱ་གཞུང་གི་རྣམ་གྲངས་ཀྱིས་བཟོས་པའི་སྐད་གྲགས་མ་རེད་ལ། རྒྱ་གཞུང་གིས་ཆེད་མངགས་ལག་ཆར་བཟོས་པའི་སྐད་གྲགས་ཀྱང་མ་རེད། དེ་དག་ནི་རྒྱལ་མཆོག་ཐམས་ཅད་མཁྱེན་པའི་གཟི་བྱིན་དང་བོད་ཀྱི་ཉམ་ངའི་གནས་བབ་ལ་དམིགས་པའི་སྙིང་རྗེས་གནང་བའི་སྐད་གྲགས་ཀྱང་མ་རེད། ཁོང་ཚོ་མི་བུ་རང་རང་གི་ཤེས་རབ་དང་རྣམ་དཔྱོད། འབད་བརྩོན་གྱི་རྔུལ་ཆུར་བརྟེན་ཏེ་ཡར་ལངས་ཤིང་། ལྗིད་ལ་རྩུབ་པའི་རྡོ་ཕ་བོང་གིས་མནན་ཡང་མ་ནོན་པར་རྡོ་བཀད་
དེ་ལས་མང་བ་། “རྡོ་བཀད་ནས་སྐྱེས་པའི་གངས་ལྷ་མེ་ཏོག་ཅིག་མེར་བསྲེགས་རྗེས།” »
ནང་ཕན་ཚུན་མ་རྩོད་མཐུན་སྒྲིལ་གྱིས།
འཇིགས་དབང་གིས།
མདོ་སྟོད་སྨད་དབུས་གཙང་ཆོལ་གསུམ་གྱི་སྤུན་ཟླ།།
རང་སྡོད་སའི་ཡུལ་ལུང་གཅིག་པ་ཞིག་མིན་ཡང་།།
བོད་མེས་པོས་གདུང་རྒྱུད་གཅིག་པ་རང་ཡིན་གཤིས།།
ནང་ཕན་ཚུན་མ་རྩོད་མཐུན་སྒྲིལ་ཞིག་གནང་དགོས།།
སྦས་ཡུལ་ཡོལ་མོ་གངས་རྭའི་གནས་དང་བླ་མ་རྩ་གསུམ་ལྷ་ཚོགས་ལ་གསོལ་བ་འདེབས་པ་འདོད་འབྱུང་དབང་གི་ནོར་བུ་ཞེས་བྱ་བ་བཞུགས་སོ།།
རྫ་ཚེ་རིང་བཀྲ་ཤིས།
ཡོལ་མོ་གངས་ར་མདོ་སྡེ་ཕལ་ཆེན་ལས།། རྒྱལ་བས་ལུང་བསྟན་སིང་ག་ལ་ཡི་ཚལ།། སྟོན་པ་ཤཱཀྱ་ཐུབ་པར་གསོལ་བ་འདེབས།། སངས་རྒྱས་བསྟན་པ་རྒྱས་པར་བྱིན་གྱིས་རློབས།།
ཨོ་རྒྱན་ཆེན་པོས་སྦས་གནས་བྱིན་གྱིས་བརླབས།། པདྨའི་ཚལ་ཞེས་ཆོས་གཏེར་རྒྱ་མཚོས་བསྐངས།། སློབ་དཔོན་པདྨ་འབྱུང་གནས་གསོལ་བ་འདེབས།། ཉིན་མཚན་དུས་དྲུག་ཀུན་ཏུ་ཐུགས་རྗེས་ཟུངས།།
དེང་སྐབས་མི་མང་གི་གླུ་གཞས།
ཆབ་མདོ་ངག་ཕུན་གྱིས་ཕུལ།
རྒྱ་ནག་དམར་པོའི་སྲིད་གཞུང་།། ཆོས་ལྡན་བོད་ཀྱི་ཞིང་ལ།།
དྲག་པོའི་བཙན་འཛུལ་བྱས་ནས།། བོད་མི་འབུམ་ཕྲག་བསད་སོང་།།
རིས་མེད་ཆོས་སྡེ་ཆེན་པོ།། དྲུག་སྟོང་ལྷག་ཙམ་གཏོར་སོང་།།
ཆོས་ལྡན་བོད་ཀྱི་ཞིང་ལ།། སྡུག་གི་མུན་པ་རུབ་སོང་།།
ནང་བཅུད་ཕུན་སུམ་ཚོགས་ཤིང་། །ཕྱི་ཡི་བཀོད་ལེགས་ལྡན་པར།།
ཡར་རྒྱས་ཁ་དབྱངས་སྒྲོག་ནས།། ཐལ་རྡུལ་ཉིད་དུ་སྒྱུར་སོང་།།
དྲི་བ་དང་གོ་བ།
སྒང་པ་དགེ་ལེགས།
ང་ཚོའི་སྤྱི་ཚོགས་ཆུང་ཆུང་འདིར་མང་གཙོའི་ཁེ་དབང་ཇེ་ཆེར་སོང་བ་ནས་མི་རེ་རེའི་སྤུ་མདོག་གི་ཁྱད་པར་ཇེ་ཆེར་སོང་ཞིང་། སྤུ་མདོག་རེ་རེའི་ཕག་ན་ཀླད་རྒྱ་ཆེ་ཆུང་དང་རྣ་བའི་སྲབ་མཐུག བསམ་པའི་དཀར་ནག་དང་མིག་གི་ཆུམ་ཚད་སོགས་ཕྱོགས་མང་པོ་ཞིག་ནས་མི་འདྲ་བའི་བར་ཁྱད་ཀྱི་རྒྱང་ཐག་མངོན་གསལ་ཇེ་ཆེར་ཕྱིན། མཐོ་ས་ནས་ཁྲིམས་བཟོ་ལྷན་ཁང་གི་ཁྲིམས་བཟོ་བའི་ཁྲོད་ཀྱི་རྒྱལ་ཁབ་དང་སྒྲིག་འཛུགས་ཀྱི་ འཆིང་ཐག་དང་ཀ་བ་ལྟ་བུའི་ཁྲིམས་ལ་རྨོངས་བ་དང་ཁྲིམས་ལ་མི་བརྩི་བའི་གཏུམ་སྤྱོད། དམའ་ས་ནས་ཐབ་ཚང་དང་གསང་སྤྱོད་གཙང་བཟོའི་ཆེད་ལས་པ་ཚོའི་ཁྲོད་ཀྱི་སྤྱི་བའི་སྟོབས་ཤུགས་ཀྱི་གཞི་རྩ་ལ་ཅི་མི་སྙམ་པར། ཞེན་ཁོག་ཡན་གར་བའི་ཆེད་དུ་ཤེས་བཞིན་དུག་འཐུང་གིས་གཏམ་ཡན་གྱི་རྗེས་སུ་འུར་ཞོགས་དང་ཟིང་སློང་གི་རྩིང་སྤྱོད་ལ་ཤ་ཐང་རུས་ཐང་དུ་འབད་པའི་སྨྱོ་སྤྱོད་སོགས། རང་ཉིད་རྨོངས་པའམ་ཡང་ན་ཁེ་ཕན་བྱེ་བྲག་པའི་ཆེད་དུ་གོང་བུའི་ནུས་པ་ལ་གས་ཁ་གཏོད་ཅི་ཐུབ་བྱེད་པའི་བྱ་སྤྱོད་ཀྱིས། གནས་ལུགས་འདི་འདྲ་ཞིག་ཀྱང་གསལ་འདེབས་བྱེད་བཞིན་མེད་དམ་སྙམ་སྟེ། མང་གཙོའི་ལམ་ལུགས་འདི་དོར་མ་ཞིག་ཡིན་པའི་དབང་དུ་བཏང་ན་ང་ཚོ་ལ་རིང་དྲགས་ཏེ་གོམ་པ་སྤོ་མི་ཐུབ་ཅིང་། གོམ་པ་སྤོས་ན་ཐང་ལ་འགྱེལ་ནས་ཁ་ཆག་སྣ་རལ་དུ་འགྱུར་འགྲོ་བ་དང་། ཞྭ་མོ་ཞིག་ཡིན་པའི་དབང་དུ་བཏང་ན་ང་ཚོ་ལ་ཆེ་དྲགས་ཏེ་ཡ་ཐོད་བཀབ་ནས་མིག་མདུན་མཐོང་མི་ཐུབ་ཅིང་། མདུན་དུ་བསྐྱོད་ན་གཡང་ལ་ལྷུང་ནས་ཤ་ཉོག་རུས་ཉོག་ཏུ་གཏོང་སྲིད་པ་ནི་གཏན་ཚིགས་མང་པོ་མི་དགོས་པར་ད་ལྟའི་མཐོང་སྣང་འདི་ཁོ་ནས་ཀྱང་བདེན་དཔང་བྱེད་ཐུབ།
པ་ཀི་སི་ཐན་གྱི་ངར་ལྕགས་སྲས་མོ།
གཟི་མིག
“ངས་འཇིག་རྟེན་འདིར་སེམས་དཔའ་ཆེན་མོ་ཞིག་མ་རྙེད་པས་ངས་རང་ཉིད་སེམས་དཔའ་ཆེན་མོ་ཞིག་ཏུ་འགྱུར་ཐབས་བྱེད་ཀྱིན་ཡོད།” དེ་ནི་འོབས་དོང་དུ་ལྷུང་བའི་མི་མོ་ཞིག་གི་ཁེར་རྐྱང་གི་འབོད་སྒྲ་ཡིན་ལ། དེ་ནི་སྤྱི་ཚོགས་ཀྱི་ཆེས་དམའ་སར་སྙེག་པའི་བུད་མེད་རྣམ་དག་ཅིག་གི་འུ་ཐུག་པའི་ངུ་སྐད་ཡིན།
འདས་པའི་ལོ་ཤས་ནང་བྲིན་རྒྱུག་ཆེ་བའི་ཡུ་ཊུ་ཕུ་སྤྱི་ཚོགས་དྲ་ལམ་སོགས་སུ་འཁོར་ལྡན་རྐུབ་བཀྱག་ཐོག་བསྡད་པའི་བུད་མེད་གཞོན་ནུ་མ་ཞིག་གི་གཏམ་བཤད་ཅིག་ལ་མི་གྲངས་ས་ཡ་ ༢༠ ལྷག་གིས་ལྟ་ཉན་བྱས་འདུག བུད་མེད་དེ་ནི་ཨེ་ཤི་ཡའི་ལྷོ་ཕྱོགས་རྒྱལ་ཁབ་པ་ཀི་སི་ཐན་ནས་ཡིན་ཞིང་། མིང་ལ་མུ་ན་བྷ་མི་ཛ་རི་ (Muniba Mazari ) ཟེར་གྱི་ཡོད་འདུག བུད་མེད་དེས་སྐྱོ་གདུང་དང་ན་ཟུག་གིས་ཁེངས་བའི་ལོ་ཟླ་མང་པོར་ཁ་གཏད་དུ་ལངས་ཏེ། རང་ཉིད་ཀྱིས་བཅོས་མིན་གྱི་བརྩེ་འདང་དང་འཚོལ་སྙེག་གི་ལམ་དུ་ཞུགས་པའི་མི་ཚེ་དེར་ཀུན་གྱི་ཡིད་དབང་ཅིག་ཅར་དུ་འཕྲོག་ཡོད་པ་མ་ཟད། བྲན་གཡོག་གི་ལས་སུ་བཀོལ་བའི་ཡུལ་ལུང་དེ་དང་དེའི་རིགས་འདྲིས་སུ་གྱུར་བའི་རྒྱལ་ཁབ་ཁག་གི་བུད་མེད་ས་ཡ་མང་པོས་མུ་ན་བྷ་མི་ཛ་རི་ལགས་ལ་“པ་ཀི་སི་ཐན་གྱི་ངར་ལྕགས་སྲས་མོ་”ཞེས་ངར་ལྕགས་ཀྱི་གཤིས་སུ་གྲུབ་པའི་བུད་མེད་དེར་བསྟོད་པའི་མཐེ་བོ་སྒྲེང་ནས་ཡིད་སྨོན་འཆོར་བཞིན་འདུག