རྩོམ་པ་པོ། འོད། (ཨུ་རུ་སུ།)
 

མཇལ་འཕྲད་ཀྱི་སྐོར། 

ད་ལྟའི་འཛིན་སྐྱོང་བཀའ་ཤག་གི་ངོས་ནས་བོད་སྤྱིའི་ལས་དོན་མང་བོ་ཞིག་འཐུས་ཤོར་དུ་སོང་འདུག ཨ་རི་གཞུང་གི་ངོས་ནས་བོད་དོན་རྒྱབ་སྐྱོར་རྟག་ཏུ་གནང་གིན་ཡོད་ལ། དེ་ཡང་གོང་ས་མཆོག་གི་སྙན་གྲགས་དང་མཚན་གནས་དང་འབྲེལ་བའི་ཐོག་ནས་བོད་མིའི་དཀའ་སྡུག་སེལ་ཐབས་སུ་འབད་ཀྱི་ཡོད། དེ་བཞིན་ཡོ་རོབ་ཁག་ནང་ལའང་གཅིག་མཚུངས་རེད། ལོ་ལྟར་ཨ་རིའི་སྲིད་འཛིན་དག་དང་༧གོང་མཆོག་མཇལ་འཕྲད་གནང་ནས་བོད་དོན་ཐོག་གྲོས་མོལ་གནང་གིན་ཡོད། 

དེ་ལས་མང་བ་། “རྩོད་རྙོག་གི་རྒྱབ་ལྗོངས་ལ་བསམ་གཞིགས་ཁག་ཅིག 
” »

གསལ་ལེ་རྒྱལ།
 
སྐྱོན་ཆ་ལ་མཛུབ་མོ་བཙུག་པ་དེས་ཁྱོད་ཀྱི་སེམས་ཤུགས་མ་ཆགས། ཁྱོད་ལ་སྐྱོན་ཡོད་པ་བདེན་ནའང་ནོར་འཁྲུལ་གཅིག་གིས་ཁྱོད་ཀྱི་ཡོན་ཏན་དང་བྱས་རྗེས་ཚང་མ་གསུབ་མི་ཐུབ། ཡིན་ནའང་ནོར་འཁྲུལ་གཅིག་ཐེངས་གཉིས་ལ་ཤོར་ཚེ་དེས་མི་མང་གི་ཡིད་ཆེས་བརླག་པའི་ཉེན་ཁ་ཡོད། མི་མང་གི་ཡིད་ཆེས་ནི་རང་ཉིད་སྐྱོབ་བྱེད་ཀྱི་མདའ་གྲི་མདུང་གསུམ་ཡིན།

དེ་ལས་མང་བ་། “ཐག་ཉེ་ནས་ཐག་ཉེར་བཏང་བའི་འཕྲིན།” »

མིང་-དཀོན་ཅོག། འཛིན་རིམ་-༨ རང་ལོ་-༡༤
 
རྟ་བདུན་པོ་མངོན་པར་འཕགས་མ་ཐག་བོད་དགེ་མཆོག་ཉལ་ཁང་ནང་སླེབས་ཏེ་འཛིན་རིམ་བརྒྱད་པའི་སློབ་ཕྲུག་ལ་རྩོམ་འབྲི་ཆེད་དུ་མགོ་བརྗོད་གསུམ་སྤྲད་སོང་། ངའི་རྩོམ་གྱི་མགོ་བརྗོད་གསུམ་ལ་བསམ་བློ་རིམ་བཞིན་བཏང་དུས་ངའི་བསམ་བློ་ནང་ལ་ང་དང་ངའི་གྲོགས་པོ་ཞེས་པའི་མགོ་བརྗོད་དེ་སླེབས་སོང་། ཡིན་ནའང་། རྩོམ་འབྲི་ཡ་ནི་ལས་སླ་པོ་ཞིག་མ་ཡིན་པ་དང་བུ་ང་ལ་མཚོན་ན་རྩོམ་ཡིག་ལ་བསམ་བློ་མང་པོ་གཏོང་དགོས་ཡོད་པ་དང་།

དེ་ལས་མང་བ་། “ངདང་ངའི་གྲོགས་པོ།” »

བོད་ཡིག་ཐོག་ནས་ཞུས་ན་སྐར་མ་ས་ལ་འབབ་པ།
 
བསྟན་འཛིན་ཀུན་བཟང།(ཀ)     རང་ལོ།-༡༣  འཛིན་གྲྭ།-༨  དཔེ་སྟོན་སློབ་གྲྭ།
 
༡)གློག་བརྙན་-Tare zameen par ནི་རྒྱ་གར་གྱི་སློབ་གསོ་གློག་བརྙན་ཞིག་ཡིན།
གློག་བརྙན་དེ་ན་རྒྱ་གར་ད་ལྟའི་སྤྱི་ཚོགས་ཀྱ་ལམ་བུ་དང་སློབ་སྦྱོང་གང་འདྲ་སྦྱངས་ཀྱི་ཡོད་མེད་ཀྱི་སྐོར་ཡིན།
༢)མི་སྣ་-བུ་Ishanཞེས་པ་དང་ཁོ་རང་ཕ་མ་གཉིས་   ཅོ་ཅོ་  རི་མོ་རྒན་ལགས་རྣམས་ཡིན།
༣)དུས་ཡུན་-དུས་ཚོད་༢:༤༧

དེ་རིང་ཞོགས་པ་ཚོགས་ཐེངས་གསུམ་པར་བོད་དགེ་མཆོག་གིས་སང་ཉིན་ང་ཚོ་ལ་གློག་བརྙན་ལྟོན་དགོས་གསུངས་བྱུང། 

དེ་ལས་མང་བ་། “Tare zameen par ཞེས་པའི་གློག་བརྙན་ལྟ་བའི་མྱོང་ཚོར།” »

སོག་ཚང་སྨོན་ལམ།
 
སེང་གེས་འཕངས་པའི་མདའ་དེས།
རྨ་ཁ་མི་མང་གི་སེམས་པ་ལ་བཟོས་པ།

་་་་་་་སྒྲོལ་མ་ཉེར་གཅིག

གླེང་གཞི།

བོད་མི་ལ་སྙིང་རྗེ་ཨེ་ཡོད་ཟེར་ན་ཡོད། སྐུ་ངོ་སྤེན་ཚེ་ལ་སྙིང་རྗེ་ཞེས་པའི་ཚིག་འདིས་ཕངས་སེམས་དང་རྒྱབ་སྐྱོར་གནང་གི་འདུག མི་གཞན་ཞིག་ལ་དངོས་སུ་དཀའ་ངལ་ཞིག་འཕྲད་ཡོད་པ་གོ་རིག་ཚོར་གསུམ་བྱུང་ནས་མི་མང་གི་ཁ་ནས་སྙིང་རྗེ་ཞེས་པའི་ཚིག་འདི་ཐོན་ཡོང་གི་ཡོད་དུས་དོན་དག་ཚབ་ཆེན་ཞིག་བྱུང་ཟིན་པའི་རྟགས་རེད།

དེ་ལས་མང་བ་། “བློ་སེང་གླེང་དུས་སྤེན་ཚེ་དྲན་ཡོང་།” »

སྐྱོ་བྲག་དགའ་དབང་།
 
ཁོ་བོ་རྒྱ་བལ་དུ་འགྲུལ་བཞུད་བྱ་བའི་སྐབས་འདིར། རྗེ་བཙུན་མི་ལ་རས་པའི་སྒྲུབ་གནས་ཀྱི་རྒྱལ་པོ། འབྲོག་ལ་ཕྱི་གངས་ཀྱི་ར་བ་མཇལ་སྐོར་ཞིག་བྱུང་ན་ཅི་མ་རུང་སྙམ་པའི་རེ་བས། ལ་ཕྱིའི་ཡུལ་དུས་ལ་རྒྱུས་ལོན་ཡོང་ཆེད། འབྲི་གུང་པའི་ལྷ་དང་བཅས་པས་ལ་ཕྱིའི་རྡོར་འཛིན་དུ་མངའ་གསོལ་ཏེ་བཞུགས་ཡུན་ཆེས་རིང་བས་ན། དིང་གི་དུས་སུ་ལ་ཕྱིའི་གནས་མ་ལག་དང་བཅས་པ་ལ་རྒྱུས་མངའ་ཆེ་ཤོས་ཡིན་པ། ནགས་ཤོད་པ་དོན་གྲུབ་དཔལ་ལྡན་ལགས། སྟོད་སྨན་སྡོང་གི་བླ་མ་བསྟན་རྣམ་ངེད་གཉིས་ཀྱིས་བཙལ་བསྡད་པ་ན།

དེ་ལས་མང་བ་། “འབྲོག་ལ་ཕྱིའི་རྡོར་འཛིན་དང་མཇལ་མོལ།” »

གེ་སེར་ཚང་ཡ་མ་བུ་འཁྲིད་ཀྱིས།

༡། བཀའ་ཤག་གིས་ཁྲིམས་སྒྲིག་གི་ཆ་རྐྱེན་གང་གི་འོག་ནས་ཨ་རི་དོན་གཅོད་འཕོ་འགྱུར་བཏང་བ་ཡིན་ནམ།

ཕྱི་ལོ་ ༢༠༡༧ ཟླ་ ༡༡ ཚེས་ ༩ ཉིན་སྲིད་ཚབ་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་གིས་བྱང་ཨ་རིའི་སྐུ་ཚབ་དོན་གཅོད་འཕོ་འགྱུར་བཏང་བའི་ཁྲིམས་སྒྲིག་གི་ཆ་རྐྱེན་འགྲེལ་བརྗོད་གནང་སྐབས། བཙན་བྱོལ་བོད་མིའི་བཅའ་ཁྲིམས་ཀྱི་དོན་ཚན་དང་། དེའི་ལག་བསྟར་བརྒྱུད་རིམ་གང་གི་འོག་ནས། ཐོག་མར་ཡར་སྐུ་ཚབ་དོན་གཅོད་དུ་བསྐོ་གཞག་བྱས་ཡོད་པ་དེ་བཞིན་དུ། སྐུ་ཚབ་དོན་གཅོད་ཀྱི་ལས་འགན་ནས་འཕོ་འགྱུར་གཏོང་རྒྱུའི་ཐག་གཅོད་ཀྱང་བཅའ་ཁྲིམས་ཀྱི་དོན་ཚན་དང་ལག་བསྟར་བརྒྱུད་རིམ་དེ་དག་རང་གི་འོག་ནས་བྱས་ཡོད་པ་ཞིག་ཡིན་ཞེས་གསུངས་ཡོད་པ་དང་། བཀའ་ཤག་གིས། ཕྱི་ལོ་ ༢༠༡༧ ཟླ་ ༡༡ ཚེས་ ༡༨ ཉིན་གསལ་བཤད་དོན་ཚན་བཅུ་ཅན་གྱི་འགྲེམས་བསྒྲགས་གནང་བ་དེའི་དོན་ཚན་ ༡༠ ནང་། ད་ཡོད་ཨ་རི་དོན་གཅོད་སྤེན་པ་ཚེ་རིང་ལགས་འཕོ་འགྱུར་གཏོང་རྒྱུར་བཀའ་ཤག་ནས་སྤྱི་མོས་ཐག་གཅོད་གནང་བ་ཞིག་ཡིན། དེ་ཡང་བཙན་བྱོལ་བོད་མིའི་སྒྲིག་འཛུགས་ཀྱི་བཅའ་ཁྲིམས་ལེའུ་དང་པོའི་དོན་ཚན་ ༡ པོའི་ནང་གསེས་ ༣ ནང་གསལ་ལྟར་འཕོ་འགྱུར་བཏང་ཡོད་ཅེས་བྲིས་འདུག

དེ་ལས་མང་བ་། “མདའ་མོ་འཕེན་འདོད་རེད་དམ། གཞུ་མོ་གཅོག་འདོད་རེད། ཨཱ།” »

རྡོ་རྗེ་རིན་ཆེན་ནས།
 
སྤྱི་ཚོགས་ཐོག་གི་དོན་གང་ཞིག་ཡིན་རུང་མི་མང་ནང་གླེང་སློང་མང་པོ་བྱེད་པ་དེ་ནི་དོན་དག་དགའ་ཞིག་རེད། དེས་ཅི་ཞིག་མཚོན་གྱིན་ཡོད་པ་རེད་ཟེར་ན། མི་མང་གིས་གང་དེའི་དོན་དག་དེ་ལ་དོ་སྣང་དང་འགན་ཁུར་གྱིན་ཡོད་པའི་རྟགས་མཚན་ཞིག་རེད། ང་ཚོས་ཐད་ཀར་དུ་ལྟོས་པ་ཡིན་ན། ཅུང་མ་འགྲིག་པ་དང་མི་ལེགས་པའི་རྣམ་པ་ཞིག་ཏུ་མཐོང་གི་རེད། ཡིན་ནའང་། སྤྱི་ཚོགས་ཤིག་གི་འཕེལ་རྒྱས་དང་མདུན་སྐྱོད་ཀྱིས་ངོས་ནས་གཟིགས་པ་ཡིན་ན། དེ་ནི་དོན་བཟང་ཞིག་རེད་ལ། དེའི་མཇུག་འབྲས་ནི་བདེན་པ་དང་

དེ་ལས་མང་བ་། “ཆོལ་ཁ་དང་ཆོས་ལུགས་བར་གྱི་རྩོད་སྙོག་དེ་དག་མུ་མཐུད་དུ་བོད་མིའི་སྤྱི་ཚོགས་ནང་གནས་ཐུབ་པ་ཞིག་གཏན་ནས་མ་རེད།” »

གདོང་ལྔའི་དབང་པོ།
 
༄༅།། བྱང་ཨ་རིའི་སྐུ་ཚབ་དོན་གཅོད་འཕོ་འགྱུར་དང་འབྲེལ་བའི་བཀའ་ཤག་གི་ཐག་གཅོད་འདི་ལ་གསང་བའི་རྒྱབ་ལྗོངས་གཏིང་གནད་ཅན་ཞིག་ཡོད་ཤག་བྱས་ཏེ། སྲིད་སྐྱོང་བློ་བཟང་སེངྒེས་དབུ་ཁྲིད་པའི་བཀའ་ཤག་ལ་ཡིད་ཆེས་བརྒྱ་ཆ་བྱས་པ་ཡིན། འོན་ཀྱང་བཀའ་ཤག་གིས་གསལ་བཤད་གནང་རེས་བཞིན་སྤེན་པ་ཚེ་རིང་ལ་ཚབས་ཆེའི་ནག་ཉེས་གང་ཡང་མེད་པ་ཇེ་གསལ་དུ་འགྲོ་བཞིན་པར་མ་ཟད། མང་ཚོགས་བཀའ་ཤག་གི་ཐག་གཅོད་འདི་ལ་བློ་དོགས་ཆེ་རུ་འགྲོ་བ་དང་མཉམ་དུ། བཀའ་ཤག་གི་ཚབས་ཆེའི་

དེ་ལས་མང་བ་། “ད་ལྟའི་བཀའ་ཤག་གིས་བོད་ཀྱི་རྩ་དོན་སྒྲུབ་སྟངས་འདི་འདྲ་ཡིན་ནམ།” »

བསྟན་དཔལ།
 
༡ ཀུན་དགས་༼ རྩོམ་རིག་ནི་སྐད་ཡིག་ལ་བརྟེན་ནས་སྤྱི་ཚོགས་འཚོ་བ་མཚོན་པའི་སྒྱུ་རྩལ་གྱི་རིགས་ཤིག་ལ་བྱའོ།༽ཞེས་གསུངས་པ་དང་། ༢ བོད་ཡིག་རྩོམ་འབྲིའི་གཞུང་ལུགས་ནང་༼ རྩོམ་རིག་ནི་སྤྱི་ཚོགས་ཀྱི་འདུ་ཤེས་འཛིན་སྟངས་ཀྱི་གྲས་ཤིག་ཡིན་ཞིང་། དེའང་སྐད་ཡིག་ལ་བརྟེན་ནས་གཟུགས་བརྙན་གསར་བསྐྲུན་བྱས་ཏེ་སྤྱི་ཚོགས་ཀྱི་འཚོ་བ་མཚོན་པ་དང་། རྩོམ་པ་པོའི་བསམ་བློའི་ཚོར་འདུ་མཚོན་པའི་སྒྱུ་རྩལ་ཞིག་ཡིན།༽ ཞེས་འཁོད་པ་ལྟར། མདོར་ན་རྩོམ་རིག་ནི་སྤྱི་ཚོགས་ཀྱི་འཚོ་བ་དང་། དེས་རྩོམ་པ་པོའི་སེམས་ལ་

དེ་ལས་མང་བ་། “རྩོམ་རིག་གཞུང་ལུགས་ཀྱི་སྤུ་གྲིས་གཞོན་ནུ་ཟླ་མེད་ཀྱི་བརྩམས་སྒྲུང་ལ་གཤག་བཅོས་བྱས་པ།” »

རྣོ།
 
ངས་དེ་རིང་བར་དུ་འདིའི་སྐོར་ལ་སྐད་ཆ་ཅི་གང་མ་བཤད་པར་ངག་བསྡམས་པ་ཡིན། དེ་ནི་བཀའ་ཤག་གི་གསལ་བཤད་དང་ཡང་དགོས་གསལ་བཤད་གཉིས་པ་ཡིས་སྤེན་ཚེ་ནི་ནག་ཉེས་ཆེན་པོ་ཞིག་གིས་རྦབ་ཏུ་བཅུག་སྟེ་ལངས་ཡ་མེད་པ་ཞིག་བཟོ་ངེས་རེད་བསམ་བྱུང་། དེ་ནི་བློ་སེང་གིས་ནོར་ལྦེ་རུ་བཤད་པའི་སྐད་ཆ་སྤོམ་པོ་དེ་ལ་གཞི་བཅོལ་བ་ཡིན་ཡང་། གསལ་བཤད་གཉིས་པའང་སྔར་བཞིན་ལྗིད་ཁོག་ཅི་གང་མེད་པའི་རླུང་བུའི་ནང་གི་སྐད་ཆ་རིན་མེད་ཅིག་རེད། ད་ནི་སྤེན་ཚེ་ཡི་ལན་འདེབས་གསལ་

དེ་ལས་མང་བ་། “གནས་དབྱུང་གཏོང་དགོས་པའི་མི་དེ་བློ་སེང་ཡིན་ནམ་སྤེན་ཚེ་ཡིན།” »