བློ་བཟང་རིན་ཆེན།
གནམ་ལ་ཉི་ཟླ་སྐར་གསུམ་མངོན་པར་བཀྲ །
ས་ལ་སེ་འབྲས་དགའ་གསུམ་མངོན་པར་འཕགས།།
མཁས་དབང་སྐར་ཚོགས་ཁྲོད་ཀྱི་ཟླ་བ་ནི།།
ང་ཡི་བཤེས་གཉེན་ཟླ་བ་ཚེ་རིང་ཉིད།།
དཀར་དམར་ཚོན་གྱིས་ཞལ་མདངས་མ་ཕབ་ལ།།
བཅོས་མའི་ཉམས་ཀྱིས་གཞན་སེམས་མི་སླུ་ཞིང་།།
ཞི་དུལ་བག་ཕེབས་སྤྱོད་ལམ་བཟང་པོ་ཡིས།།
སློབ་བུ་སྟོང་ཕྲག་མང་པོའི་ཡིད་དབང་བཀུག །
གཡོ་དང་རྫུན་གྱི་ལྷད་པ་མ་འདྲེས་ཤིང་།།
གཏམ་དང་སྙན་གྲགས་ཆེད་དུ་མི་དམིགས་པར།།
གཞུང་ལུགས་རྣལ་མ་བཤད་ལ་མཁས་པའི་མཆོག །
མཁས་བརྒྱའི་ཁྲོད་ཀྱི་མཁས་པའི་དབང་པོ་ཉིད།།
རྭ་འཕྲིན ༼ ཨ་རི ༽
ཉིས་སྟོང་ཉི་ཤུ་ལོའི་རྙོག་འཛིང་ཅན་གྱི་ཨ་རིའི་སྲིད་འཛིན་འདེམས་རྩོད་བྱུང་བ་ནས་བཟུང་། ད་ལྟའི་བར་དུ་ཨ་རི་དང་རྒྱ་ནག་གི་གཙོས་འཛམ་གླིང་གི་ཆབ་སྲིད་ཀྱི་གནས་བབ་ལ་གནམ་ས་བླ་འོག་ལྟ་བུའི་འགྱུར་བ་བྱུང་དང་འབྱུང་བཞིན་པ་ཀུན་གྱིས་མཁྱེན་གསལ་རེད། དེས་ན་ཁོ་བོས་ཀྱང་རང་ཉིད་བོད་པ་ཞིག་ཡིན་པའི་ཆ་ནས་འཛམ་གླིང་གི་འགྱུར་ལྡོག་མྱུར་མོ་འདིའི་ཁྲོད་དུ་བོད་མི་རིགས་ཀྱི་ཆབ་སྲིད་གནས་སྟངས་དང་། ང་ཚོས་མ་འོངས་པར་ཁ་ཕྱོགས་ཅི་འདྲ་ཞིག་བསྙེག་ན་ད་གཟོད་ཁེ་ཕན་ཡོད་མེད་ཀྱི་ཕྱོགས་ལ་བསམ་ཚུལ་ཅུང་ཙམ་ཞིག་ཞུ་འདོད་བྱུང་།
དེ་ལས་མང་བ་། “ཨ་བོད་རྒྱ་གསུམ་གྱི་ཆབ་སྲིད་དང་གནས་བབ་ལས་འཕྲོས་པའི་བསམ་ཚུལ།” »
རྔ་བ་ཀུན་བཟང་།
ཀློག་པ་པོས་ཁྱེད་ཀྱི་བརྩམས་ཆོས་ལ་འདི་ལྟར་གདེང་འཇོག་བྱས་པ་ནི་ཁུངས་མེད་འུར་གཏམ་ཞིག་གཏན་ནས་མིན། གང་ལགས་ཤེ་ན། ཁྱེད་ཀྱིས་ཕྱི་ལོ་༢༠༢༢ལོར་དཔར་དུ་བསྐྲུན་པའི་བརྩམས་ཆོས་གསར་བ“ང་ཚོའི་ལུས་པོས་སའི་གོ་ལའི་རྒྱ་ཁྱོན་འཇལ”(We Measure the earth with our Bodies) ཞེས་པའི་རྟོག་སྒྲུང་འདི་ལུང་པ་མེད་པའི་མི་རིགས་སྣ་ཚོགས་པའི་སྤྱི་ཚོགས་འཕེལ་རིམ་དང་། འཚོ་བའི་འགྱུར་ལྡོག དམངས་ཀྱི་བདེ་སྡུག་སོགས་ལ་བསམ་གཞིག་ལེགས་པར་བྱས་པས། ཀློག་པ་པོ་མང་པོས་དགའ་མོས་བྱེད་པ་ནི་དོན་ལ་གནས་པའི་དྲང་གཏམ་ཞིག་རེད།
འདན་ཀུན་དགའ།
རྩིས་འཕྲུལ་སྒྲོམ་སྟེགས་ཀྱི་མདུན་དུ་ཙོག་ཏེ་དྲ་གྲོགས་དུ་མའི་ལྷན་དུ་ཁ་བརྡ་བྱེད་ཀྱིན་ཡོད་ལ་ངས་གཏགས་ཀྱིན་པའི་ཡིག་འབྲུ་མཐའ་དག་དབྱིན་ཡིག་ཡིན་ལ་ཁོ་ཚོའང་དེ་བཞིན་རེད། མཚམས་ལན་རེེར་”ང་ཚོ་བོད་མི”་ཡིན་ཟེར་མཁན་ཁ་ཤས་འདུག་མོད། ཁོང་ཚོ་ལ་ངོ་རྟགས་དང་བདེན་དཔང་ཅི་ཡང་སྟོན་རྒྱུ་མེད་པས་རྐྱེན་དང་མིའི་སྤྱི་ཚོགས་སུ་དེང་སང་ཨེ་ཤ་ཡ་དང་ཡོ་རོབ། ཧྥེ་གླིང་བཅས་མི་རིགས་ཆེན་པོ་གསུམ་མ་གཏོགས་མེད་ལ། ཁོང་ཚོའི་ཐུན་མོང་གི་ཡི་གེའང་དབྱིན་ཡིག་ལས་མ་འདས་མོད། གླིང་ཆེན་ཁོངས་སོ་སོའི་ས་ཁུལ་རེ་ན་ད་དུང་སྐད་ཡིག་དུ་མའི་ཚེ་སྲོག་གསོན་གནས་བྱས་ཡོད་པར་ཐོས།
གསལ་ལེ་རྒྱལ།
༼ ལྷ་མོ་དབྱངས་ཅན་མར་བྲིས་པའི་བརྩེ་འཕྲིན་རྡོ་རྗེ་མདུད་པ༽
ཀ་ཡེ་རིང་ནས་འདྲིས་པ་ཡི།།
ཁ་སེམས་གཉིས་མེད་གཅིག་གནས་མ།།
ག་དུས་བོས་ན་ཕེབས་པ་ཡི།།
ང་ཡི་ལྷ་མོ་བདེ་ལགས་སམ།།
ལོ་དང་ནམ་ཚས་དེད་པ་འམ།།
གསར་བུའི་སྣང་བ་ཉམས་པ་ཡིས།།
ལོ་ཟླས་ཟོས་པའི་སྐྲ་ལོ་བཞིན།།
རིག་པ་རིག་བྱེད་ཚིག་གིས་སྟོང་།།
ཁྲོ་གཏུམ།
ཤིང་ལོ་མའི་ལྗང་ལོ་ཉི་མར་ལྡེ་དུས
བྱ་བྱེའུའི་མགྲིན་གླུས་གཉིད་ལ་ཡུར་བའི་ཁོར་ཡུག་གི་ལྷིང་འཇགས་དཀྲོགས
ང་རང་གཉིད་ལས་སད་དོན
མིག་འབྲས་མུ་ཏིག་ཡིན་པས་ཕྱོགས་བཞིར་བལྟས་ཏེ
བསམ་བློའི་གཤོག་པས་ནམ་འཕང་གཅོད་ཚུལ་མཐོང་འདོད
གཉིད་སད་འདོད་པའི་རང་ཉིད་ནི
ཉེ་འཁོར་གྱི་འཕྲུལ་ཆས་སྣ་ཚོགས་ཀྱི་ཆོམ་སྒྲའི་ཁྲོད
གནས་གང་ཞིག་ལ་འགྲོ་བའམ
ཡང་ན གནས་གང་ཞིག་ཏུ་ངལ་གསོ་དགོས་པའི་འདུན་པ་དག་འཐུ་ཞོར
ལམ་ལ་ཆས་པའི་རྐང་རྗེས་མདུན་ནས་མདུན་དུ་དཔར
དབང་འདུས་ཀྱིས་སྦྱར།
ཨོཾ་ཨ་ཐཱ། གངས་རིའི་ཁྲོད་ཀྱི་རླབས་ཆེན་གྱི་སྨན་པའི་རྒྱལ་པོ་ཆེན་པོ་རྗེ་བཙུན་གཡུ་ཐོག་ཡོན་ཏན་མགོན་པོའི་ཞབས་ཀྱི་པདྨོ་དྲི་མ་མེད་པ་ལ་སྒོ་གསུམ་གུས་པ་ཆེན་པོས་ཕྱག་འཚལ་ཞིང་སྐྱབས་སུ་མཆིའོ། །སྐྱེ་བ་དང་ཚེ་རབས་ཐམས་ཅད་དུ་བདག་རྗེས་སུ་བཟུང་བར་མཛད་དུ་གསོལ།
གསོ་བའི་ལྷ་ལམ་ཕ་མཐའ་བྲལ་དབྱིངས་གཞུང་དོན་སྤྲིན་ཚོགས་དཀྲིགས་པ་ལས། །
ལུང་དང་རིག་པའི་དབྱར་རྔ་ལྡིར་ཞིང་ཟབ་རྒྱས་མན་ངག་སྦྲང་ཆར་འབེབས། །
འགྲོ་མཆོག་སྲོག་གི་མྱུ་གུར་ནད་མེད་ཡུན་འཚོའི་འབྲས་བུ་སྨིན་མཛད་པའི། །
སྔོན་བྱོན་གསོ་རིག་བརྒྱུད་པའི་ཚོགས་ལ་སྙིང་ནས་རབ་གུས་དང་བས་འདུད། །
ངག་དབང་ཕུན་ཚོགས།
སྔོན་གླེང་།
དེ་རིང་གུས་པས་རྟོག་སྒྲུང་ཐུང་ངུ་ཞིག་བྲིས་ཡོད་ཅིང་། དམིགས་ཡུལ་ནི་བོད་ཀྱི་སྐད་ཡིག་འབྲི་ཀློག་ཡར་རྒྱས་ཡོང་བར་དམིགས་ཡུལ་འཛིན་ནས་བྲིས་པ་ཞིག་ཡིན། དེང་སྐབས་བོད་གཞིས་བྱེས་གཉིས་སུ་གནས་དགོས་པའི་ལོ་རྒྱུས་ཀྱི་ཀྱོག་མཚམས་འདི་འདྲའི་སྐབས་སུ་རང་རེའི་སྐད་ཡིག་འདི་ཉིད་ཉིན་རེ་ཉམས་ཆག་འགྱུར་བཞིན་ཡོད་པ་དང་། དེ་དག་མཐོང་དུས་སེམས་མ་བདེ་བ་ཡོང་གི་ཡོད་མོད་བྱ་ཐབས་བྲལ། དེང་སྐབས་རང་རེའི་སློབ་གྲྭ་ཁག་ནས་ཐོན་ཡོང་བའི་བུ་ཕྲུག་དེ་དག་གི་བོད་ཡིག་འབྲི་ཀློག་མཐོང་དུས་དེ་ལས་སེམས་སྐྱོ་དགོས་པ་ཞིག་རེད། ཡིན་ནའང་ཁོ་ཚོ་ལའང་ཐུགས་ཁག་མི་འདུག་སྙམ། བོད་ཡིག་བསྐོལ་སྤྱོད་བྱ་ས་མེད་པའི་ཁོར་ཡུག་དེ་འདྲ་ཞིག་གི་ནང་དུ་སྐྱེས་ཤིང་འཚར་ལོངས་བྱུང་བ་ཡིན་དུས། རང་བཞིན་མེད་པའི་གཞན་གྱི་སྐད་ཡིག་ལ་མ་བརྩོན་རང་བརྩོན་གྱི་གནད་དོན་ཞིག་ལ་ཐུག་འདུག་སྙམ།
ཐེ་བོ་སངས་རྒྱས།
༡ འཛམ་གླིང་ཞི་བདེའི་དེད་དཔོན་གཟིམ་ཆུང་ཡོད།།
མིག་ནས་མཆི་མ་མི་འཁྲིགས་མཇལ་བ་མེད།།
ཆོས་ཀྱི་སྒྲ་དབྱངས་རྟག་པར་ཐོས་རྒྱུ་ཡོད།།
གྲུ་འཛིན་གཉིས་པ་མ་རེད་ཟེར་མཁན་མེད།།
༢ ལེགས་པའི་ཕྱོགས་རྣམས་མི་གླེང་བཞག་འདོད་ཡོད།།
ཆེད་དུ་སུ་ལ་དམིགས་ནས་འབྲི་འདོད་མེད།།
དེ་ཕྱིར་སུ་ལའང་མི་ཕོག་རེ་བ་ཡོད།།
རྟོག་བཏགས་ཁོ་ན་ཡིན་པའི་ངེས་པ་མེད།།
ནག་ཀྱཱ་བ་ཤ་བོ་ཚེ་རིང་།
ཉི་མ་ནུབ་རིའི་རྩེ་རུ་ཁད་ཀྱིས་བཞུད་པ་དང་། མཚམས་སྤྲིན་གསར་བའི་ཐུ་འོག་ཏུ་ལུས་པའི་གནའ་བོའི་མཁར་གྲོང་འདི་ཀོའི་བྱ་ཚོགས་ཀྱི་གཤོག་སྣེ་མཉེན་མོ་རྒྱང་དུ་གཏད་ཅིང་བྲེལ་ཟིང་གིས་བགྲོད་པའི་མི་ཚོགས་ཀྱི་གོམ་སྟབས། མྱུར་མགྱོགས་ཀྱིས་བཞུད་པའི་རླངས་འཁོར་གྱི་རྔམ་ཁ། འུར་སྒྲ་ཡིས་ཁེངས་པའི་ཁོར་ཡུག་གི་གྲུ་ཟུར་རེ་རེ་རིམ་གྱིས་ལྷོད་ཅག་གེར་གྱུར་བ་དང་། ས་སྲོད་ཀྱི་མུན་པ་ཟབ་མོ་དལ་བ་དལ་བུར་ས་གཞིའི་ཕང་བར་སླེབས་བྱུང་།
ཁེར་རྐྱང་གི་གོམ་པ་ཕྱི་རོལ་དུ་བསྟར་བའི་ལྗིད་ཏིག་ཏིག་གི་རྡོག་འགྲོས་ཁྲོད། ནག་ཡོར་ཡོར་དུ་འདར་བའི་གྲིབ་གཟུགས་དང་ལྷན་དུ་མི་མངོན་པར་བསྐྱོད་པའི་ངའི་སེམས་འགྱུ་ཟབ་མོ། ཐར་ཐོར་གྱི་མི་ཚོགས་ཀྱི་གྲས་ནས་སྐར་མདའ་བཞིན་རྒྱང་རིང་དུ་འཐེན་པ་དང་། གཞུང་ལམ་གཡས་གཡོན་གྱི་སྒྲོན་འོད་མོག་པོ་མུན་པའི་འཚུབ་ཁ་དང་བསྟུན་ནས་ཇེ་གསལ་ནས་ཇེ་གསལ་དུ་གྱུར་བས། ཨ་སྔོན་གྱི་སྐར་ཚོགས་དང་གློག་ཞུན་གྱི་འོད་སྣང་ཁྲོད། ང་རང་གཞི་ནས་འཆམ་འཆམ་དུ་བསྐྱོད་པ་ཡིན།
ནག་ཀྱཱ་བ་ཤ་བོ་ཚེ་རིང་།
དགོང་ཟས་ཟོས་རྗེས། ནམ་རྒྱུན་ང་རང་སྒོ་ཕྱིར་འཆམ་འཆམ་དུ་འགྲོ་བར་གོམས་ཡོད། ད་ལོའི་ལོ་སར་གྱི་དུས་སུ་བྲེལ་ཟིང་ཇི་འདྲ་ཆེ་ན་ཡང་། ཕྱི་རུ་འཆམ་འཆམ་དུ་དུས་ལྟར་འགྲོ་བ་ནི་རང་གི་འཚོ་བའི་གྲུབ་ཆ་ལྟ་བུར་གྱུར་ཡོད།འཆམ་འཆམ་དུ་འགྲོ་ཐེངས་རེར་ལྭ་བ་དྲོན་མོ་གྱོན་ནས་རོང་བོ་གྲོང་རྡལ་གྱི་གཞུང་ལམ་བརྒྱུད་དེ་ཧ་ལམ་དུས་ཚོད་གཅིག་ལྷག་གི་རིང་དུ་རྐང་ཐང་ལ་ཅུང་མྱུར་མོས་བསྐྱོད་པ་ཡིན།འདི་ལྟར་འཆམ་འཆམ་དུ་འགྲོ་ཐེངས་རེར་ས་རུབ་ནས་རྒྱང་མིག་ཆད་ཡོད་པས། དགུན་ཁར་གཞུང་ལམ་གཡས་གཡོན་གྱི་གློག་སྒྲོན་དཀར་ལམ་མེར་འོད་དུ་འཚེར་བ་དང་ང་རང་གི་སེམས་པ། ད་རུང་རྡོག་འགྲོས་རེ་རེ་ཡང་འོད་ལྟར་འཚེར་བཞིན་བསྐྱོད་པས། ངའི་སེམས་སྟེང་གི་ངལ་བ་དང་སྡུག་བསྔལ་ཡོད་ཚད་ཕྱི་རུ་སྤྱུགས་ནས་གོམ་པ་རེ་རེ་འདི་ནས་སྤོས།བར་མི་ཆད་པའི་རླངས་འཁོར་དང་ལམ་འགྲོ་བ་མང་པོའི་ཕར་འགྲོ་ཚུར་འོང་གི་ཁྲོད། རྒྱུན་པར་ངས་རང་སེམས་ལྷོད་ལ་བབས་ནས་གོམ་པ་རེ་རེའི་གསེབ་ཏུ་སེམས་པ་རེ་རེ་གཏོར་བ་ཡིན། ཞི་འཇགས་ཀྱི་མཁའ་རླུང་གཙང་མ་དང་ལྷན་དུ། ང་རང་འདི་ལྟར་ཀྱག་ཀྱོག་གི་སྲང་ལམ་བརྒྱུད་དེ་འཆམ་འཆམ་དུ་སོང་།ལན་རེར་གྲང་རླུང་གིས་གདོང་ལ་ཤེད་ཀྱིས་བྲན་ཚེ། ན་ཟུག་དང་གྲང་ངར་ཤས་མི་བཟོད་པ་སྟེར་ལ། ལན་རེར་ཁ་བའི་འདབ་མས་སྐྲ་རྐང་གི་ཉག་མ་རེ་རེར་ཧྲིལ་གྱིས་གཡོགས་ཚེ། དགའ་སྤྲོ་དང་སྐྱོ་སྡུག་གྲངས་ཀྱིས་མི་ཟིན་པ་སྩོལ་ལ། ལན་རེར་རྡུལ་འཚུབ་ཀྱིས་མཐོང་ལམ་གོ་མཚམས་མེད་
རྔ་བ་ཀུན་བཟང་།
དེ་རིང་ཉིན་རྒྱབ་དུས་ཚོད་དྲུག་པ་ཙམ་ལ། ང་རང་མེ་འཁོར་འབབ་ཚུགས་ནས་ཨ་མ་བདག་མེད་ཅིག་ལ་ཐུག སྐབས་དེ་དུས་ང་ཧ་ཅང་ཐང་ཆད་ནས་ལམ་ཟུར་ལ་བསྡད་ཡོད། གློ་བུར་དུ་རྒྱབ་ནས་སྐད་བཏང་སོང་། དེ་མ་ཐག་ཁོག་སོབ་ཅན་གྱི་ཨ་མ་རྒན་མོ་ཞིག་ཁོག་སྟོད་སྨད་གཉིས་ལ་ལྭ་བ་ཤམ་ཤམ་ཞིག་གྱོན་ནས། ལག་གཡས་པ་ལ་མཁར་རྒྱུག་ཅིག་དང་ལག་པ་གཡོན་པ་ལ་ཁུག་སྟོང་དཀར་པོ་ཞིག་འཁུར་བ་དང་། རྐང་མགོ་ལ་བསིལ་ལྷམ་རྙིང་པ་ཞིག་གོན་ནས་རྐང་པའི་མཐེ་བོང་ཐོག་ལ་རྨ་བཟོས་པས་རྨ་རས་ཀྱག་ཀྱོག་ཅིག་གིས་བཏུམས་འདུག རྨ་རས་ལ་བལྟས་ན་སྨན་ཁང་ནས་མིན་པ་ཐག་གིས་ཆོད། སྐབས་དེ་འདྲ་ཞིག་ལ་ང་སྐས་འཛེག་ཐོག་ནས་མར་འབབ་ཡ་ལ་རོགས་པ་བྱེད་ཟེར། དེ་མ་ཐག་ང་ཡར་ལངས་ནས་ཨ་མ་དེར་རོགས་པ་བྱེད་ཞོར་ལ། “ཁྱོད་གང་ནས་ཡོང་བ་ཡིན། མཚན་འདི་འདྲ་ཞིག་ལ་གང་དུ་འགྲོ་ཡ་ཡིན། ནང་གང་ན་ཡོད་” ཅེས་དྲི་བ་འགའ་སྐུར་ཤོར་སོང་། ཨ་མས་བཤད་ན་“ང་ལ་ནང་མེད། གར་འགྲོ་མེད། ཟ་མ་ཞིག་ཟ་འདོད་གིས། ”ཞེས་ང་ལ་བཤད་སོང་། དེ་ནས་ངས་མོ་རང་སྐས་འཛེག་ལས་མར་འབབ་ཚར་ནས། མོ་རང་ལམ་ཟུར་ལ་སྡོད་དུ་བཅུགས་ནས་ང་རང་སྲང་ལམ་གྱི་ཟ་མ་ཞིག་ཉོ་སར་སོང་། ལམ་འཁྲིས་སུ་རྒྱ་གར་གྱི་ཟ་ཁང་ཆུང་ཆུང་ཞིག་འདུག སྦྱིན་བདག་ལ་
འཇམ་དཔལ་ཚེ་རིང་།
བོད་ཀྱི་གེ་སར་ཞིབ་འཇུག་པ་དང་མི་རིགས་སློབ་གསོ་བ་ཆེན་མོ་ནག་ཀྱཱ་བ་ཤ་བོ་ཚེ་རིང་ལགས་སྐུ་འདའ་ཁའི་ཞལ་ཆེམས་ཇི་བཞིན་ཁོང་གི་མ་དངུལ་ཁྲི་ཕྲག་བཅོ་བརྒྱད་རེབ་གོང་གྲོང་ཁྱེར་གྱི་སློབ་གསོའི་ཐེབས་རྩར་ཞལ་འདེབས་སུ་ཕུལ་བ།
1973ལོར་མདོ་སྨད་རེབ་གོང་གི་སྨད་པ་ནག་ཀྱཱ་སྡེ་བར་སྐྱེས། 1995ལོའི་ཟླ7པར་མཚོ་སྔོན་མི་རིགས་སློབ་གྲྭ་ཆེན་མོའི་གྲངས་ཉུང་མི་རིགས་སྡེ་ཁག་ནས་སློབ་མཐར་ཕྱིན། 1998ལོའི་ཟླ7པར་ཀྲུང་གོའི་སྤྱི་ཚོགས་ཚན་རིག་ཞིབ་འཇུག་སློབ་མའི་སློབ་གླིང་གི་གེ་སར་སྒྲུང་དང་བོད་ཀྱི་རྩོམ་རིག་ཞིབ་འཇུག་སློབ་མའི་འཛིན་གྲྭ་ནས་མཐར་ཕྱིན། 2012ལོའི་ཟླ1པར་ཕྱི་རྒྱལ་དུ་སློབ་འགྲིམས་སུ་བསྐྱོད། དབྱིན་ཇིའི་རཱེ་ཇེན་སློབ་གྲྭ་ཆེན་མོ་ནས་དབྱིན་ཇིའི་སློབ་གསོ་ལ་ཉམས་ཞིབ་མཛད། ཁོང་གིས་རྒྱལ་ཁབ་དང་ཞིང་ཆེན་རིམ་པའི་ཀྲུང་གོ་བོད་ཀྱི་ཤེས་རིག་དང་བོད་ལྗོངས་ཞིབ་འཇུག་སོགས་དུས་དེབ་སྣ་ཚོགས་ཀྱི་སྟེང་དཔྱད་རྩོམ་ལྔ་བཅུ་ལྷག་སྤེལ་མྱོང་། 2011ལོར་བོད་ཀྱི་ཤེས་རིག་དཔྱད་འབྲས་སུ་ཕུལ་བའི་གེ་སར་སྒྲུང་དང་གནའ་བོའི་བོད་ཀྱི་དམངས་སྲོལ་ཞེས་པའི་ཆེད་རྩོམ་ཡིག་འབྲུ་ཁྲི35ལྷག་བརྒལ་བ་མི་རིགས་དཔེ་སྐྲུན་ཁང་ནས་པར་སྐྲུན་བྱས། རེབ་གོང་རྫོང་དབྱི་ཧྥུ་མི་རིགས་སློབ་འབྲིང་སོགས་སུ་སློབ་མ་མང་དུ་བསྐྱངས་པར་མ་ཟད། རེབ་གོང་གྲོང་ཁྱེར་སློབ་དཔྱོད་ཁང་དུ་སློབ་གསོའི་བྱ་བཞག་ལ་ཤ་ཐང་དུ་འབད་འབུངས་གནངས་པ་དང་མདོ་སྟོད་སྨད་གཙོས་ས་ཁུལ་གང་མང་དུ་སློབ་གསོའི་འཆད་ཁྲིད་དང་ཚོགས་འདུ་རབ་དང་རིམ་པར་གཏམ་བཤད་མང་དུ་སྤེལ་བ་སོགས་རྗེས་སུ་ཡི་རངས་བྱ་དགོས་པའི་དོན་ཆེན་མང་པོར་དཀའ་ངལ་གདོང་གིས་བསུས་དང་བསུ་བའི་མོད་ལ་རྐྱེན་ངན་བར་ཆད་ནད་ཀྱིས་ལོ་ཤས་བསྙུངས་ནས་མཐར་2022ལོའི་ཟླ་12པའི་ཚེས་21ཉིན་སྐུའི་འཕེན་པ་རྫོགས།
དེ་ལས་མང་བ་། “རྒན་ནག་ཀྱཱ་བའི་ཞལ་ཆེམས་ལྟར་ཁྲི18རེབ་གོང་སློབ་གསོའི་ཐེབས་རྩར་ཕུལ།” »
རག་རྡོ་བློ་བཟང་བསྟན་འཛིན།
རི་མཐོ་ས་གཙང་གངས་རིས་བརྗིད། །ཆུ་ཀླུང་མ་ལུས་འབྱུང་བའི་གཞི། །
ཤར་ཕྱོགས་ཟ་འོག་འཐག་ས་ནས། །ནུབ་ཀྱི་ཏ་ཟིག་ནོར་རྒྱལ་བར། །
རླངས་ཚང་བསོད་ནམས་རྡོ་རྗེ།
སྤྱི་ལོ་༢༠༠༧ལོའི་ཟླ་དང་པོའི་ནང་མི་རིགས་སློབ་ཆེན་དུ་དགེ་རྒན་ཟབ་སྦྱོང་ཞིག་ལ་ཆས་ཏེ། རེབ་གོང་རླངས་འཁོར་ས་ཚིགས་སུ་རེས་འཁོར་ལ་སྒུག་ནས་འདུག་སྐབས། ངོ་ཤེས་མི་ཤེས་ཀྱི་རེབ་གོང་གི་དགེ་རྒན་འགའ་ཡང་རླངས་འཁོར་དུ་བསྡད་སོང་། ངོ་ཤེས་གྲོགས་པོ་ཞིག་གིས་གསལ་བཤད་བྱས་པ་ལྟར་ཁོང་ཚོ་ཡང་ཟབ་སྦྱོང་དེར་ཞུགས་མཁན་རེད་འདུག་ལ། ང་རང་མཚོ་ཤར་ཡ་རྫི་བོད་ཡིག་སློབ་འབྲིང་གི་དགེ་རྒན་ཡིན་པས་དེར་ཞུགས་དགོས་བྱུང་བ་རེད། ཞལ་རས་ལ་བརྩེ་འཛུམ་གྱིས་ཁེངས་ཤིང་གོན་པ་སྟབས་བདེ་གྲལ་དག་མོ་ཞིག་གྱོན་ཡོད་མཁན་ཁོང་ནག་ཀྱཱ་བ་ཤ་བོ་ཚེ་རིང་ཡིན་པའང་ཤེས་སོང་། རེབ་དེར་དབྱིན་དགེའི་ཟབ་སྦྱོང་ལ་ཞུགས་ནས་ང་ཚོ་ལྷན་དུ་མཚོ་སྔོན་མི་རིགས་སློབ་ཆེན་གྱི་ཕྱི་འགྲིམས་སློབ་མའི་མལ་ཤག་ཏུ་ཟླ་ངོ་གཅིག་ལྷག་རིང་བསྡད་ཅིང་། འཛིན་གྲྭ་རིམ་པ་གཉིས་སུ་བཀར་འདུག་པས་ངེད་གཉིས་འཛིན་གྲྭ་མི་གཅིག་ནའང་སློབ་ཐུན་བར་གསེང་དང་དགོང་ཞོགས་ནམ་ཐུག་གི་དུས་སུ་ཁ་བརྡ་རྫོགས་རྒྱུ་མེད་པ་ལྟ་བུར་ཆགས་པས་གྲོགས་པོ་ནང་མར་གྱུར། ངེད་གཉིས་ནི་དགའ་ཕྱོགས་གཅིག་པའི་གྲོགས་པོ་ཡིན་པས་འདྲ་འདྲའི་ནང་གི་མི་འདྲ་བ་ཞིག་ཡིན།
དེ་ལས་མང་བ་། “གྲོགས་པོ་ནག་ཀྱཱ་བ་ཤ་བོ་ཚེ་རིང་སྐུ་གཤེགས་པ་ཐོས་འཕྲལ།” »
བོད་འབྱོར།
1973ལོར་མདོ་སྨད་རེབ་གོང་གི་སྨད་པ་ནག་ཀྱཱ་སྡེ་བར་སྐྱེས། 1995ལོའི་ཟླ7པར་མཚོ་སྔོན་མི་རིགས་སློབ་གྲྭ་ཆེན་མོའི་གྲངས་ཉུང་མི་རིགས་སྡེ་ཁག་ནས་སློབ་མཐར་ཕྱིན། 1998ལོའི་ཟླ7པར་ཀྲུང་གོའི་སྤྱི་ཚོགས་ཚན་རིག་ཞིབ་འཇུག་གླིང་གི་གེ་སར་སྒྲུང་དང་བོད་ཀྱི་རྩོམ་རིག་ཞིབ་འཇུག་སློབ་མའི་འཛིན་གྲྭ་ནས་མཐར་ཕྱིན། 2012ལོའི་ཟླ1པར་དབྱིན་ཇིར་སློབ་འགྲིམས་སུ་བསྐྱོད་ཅིང་རཱེ་ཇེན་སློབ་གྲྭ་ཆེན་མོ་ནས་དབྱིན་ཇིའི་སློབ་གསོ་ལ་ཉམས་ཞིབ་མཛད།
2011ལོར་བོད་ཀྱི་ཤེས་རིག་དཔྱད་འབྲས་སུ་ཕུལ་བའི༼གེ་སར་སྒྲུང་དང་གནའ་བོའི་བོད་ཀྱི་དམངས་སྲོལ༽ཞེས་པ་ཡིག་འབྲུ་སུམ་འབུམ་ལྔ་ཁྲི་ལྷག་བརྒལ་བའི་ཆེད་དེབ་དེ་མི་རིགས་དཔེ་སྐྲུན་ཁང་ནས་ཕུལ་བྱུང་བརྩམས་ཆོས་ཀྱི་གྲས་སུ་བདམས་ཏེ་པར་བསྐྲུན་འགྲེམ་སྤེལ་བྱས། ཁོང་གིས་སྔ་རྗེས་སུ་ཀྲུང་གོ་བོད་རིག་པ་དང་བོད་ལྗོངས་ཞིབ་འཇུག་སོགས་རྒྱལ་ཁབ་དང་ཞིང་ཆེན་རིམ་པའི་དུས་དེབ་སྣ་ཚོགས་ཀྱི་སྟེང་དཔྱད་རྩོམ་བཞི་བཅུ་ལྷག་སྤེལ་མྱོང་། 2012ལོར་མཚོ་སྔོན་ཞིང་ཆེན་རྩོམ་མཐུན་དང་གེ་སར་ཞིབ་འཇུག་སའོ་གཉིས་ཀྱིས་གཙོ་སྒྲུབ་བྱས་པའི་ཞིང་ཆེན་ཡོངས་ཀྱི་བགྲོ་གླེང་སྐབས་དང་པོའི་གེ་སར་རིག་གཞུང་ཞིབ་འཇུག་ཆེད་རྩོམ་ལས་ཨང་གཉིས་པ་དང་བོད་ཡིག་ལས་ཨང་དང་པོའི་བྱ་དགའ་ཐོབ། 2012ལོར་མཚོ་སྔོན་ཞིང་ཆེན་
དེ་ལས་མང་བ་། “སློབ་གསོ་བ་ནག་ཀྱཱ་བ་ཤ་བོ་ཚེ་རིང་ལགས་སྐུ་གཤེགས་པར་མྱ་ངན་ཞུ།” »
སྤྱི་ཟླ12པའི་ཚེས22ཉིན། བོད་ཀྱི་སློབ་གསོ་ལ་མཛད་རྗེས་ཆེ་བའི་དགེ་རྒན་ནག་ཀྱཱ་བ་ཤ་བོ་ཚེ་རིང་ལགས་སྙུང་གཞིའི་རྐྱེན་གྱིས་དགུང་ལོ་ང་བཅུའི་སྟེང་སྐུ་གཤེགས་པར་གདུང་སེམས་དྲག་པོས་མྱ་ངན་ཞུ།
ནག་ཀྱཱ་བ་ཤ་བོ་ཚེ་རིང་། (1973-2022)
༡༩༧༣ལོའི་ཟླ༡༢བའི་ཚེས༡ཉིན་མདོ་སྨད་རེབ་གོང་སྨད་པ་ནག་ཀྱཱ་སྡེ་བ་སྐྱེས་ཤིང་། ༡༩༩༠ལོའི་ཟླ༩ནས་མཚོ་སྔོན་མི་རིགས་སློབ་གྲྭ་ཆེན་མོའི་གྲངས་ཉུང་མི་རིགས་སྡེ་ཁག་ཏུ་བོད་ཀྱི་རྩོམ་རིག་དང་ལོ་རྒྱུས། མཚན་ཉིད། སྐར་རྩིས་སོགས་ལ་སློབ་གཉེར་བྱས། ༧པར་དངོས་གཞི་སློབ་གྲྭ་ཆེན་མོའི་ཆེད་རྩོམ་དམ་བཅའ་འཇོག་སྐབས། «རོ་སྒྲུང་དང་ཏུང་ཧོང་ལས་ཐོན་པའི་གནས་བོའི་བོད་ཀྱི་དམངས་ཁྲོད་གཏམ་རྒྱུད་ཁག་གཅིག་གི་འབྲེལ་བའི་སྐོར་ཐོག་མར་གླེང་བ»ཞེས་པ་དེ་འཛིན་གྲྭ་ཡོངས་ནས་ཕུལ་བྱུང་དཔྱད་རྩོམ་གྱི་གྲས་སུ་བདམས་ཐོན་བྱུང་བ་དང་། རྒྱལ་ཁབ་རིམ་པའི་དུས་དེབ«ཀྲུང་གོ་བོད་ཀྱི་ཤེས་རིག»སྟེང་བཀོད་པར་མ་ཟད། ཕྱིས་སུ་ནུབ་བྱང་མི་རིགས་སློབ་ཆེན་གྱིས་གཙོ་སྒྲིག་མཛད་པའི་བོད་ཁམས་རང་བཞིན་གྱི་ཕུལ་བྱུང་དཔྱད་རྩོམ་ཕྱོགས་བསྒྲིགས«བོད་ཀྱི་གནའ་བོའི་ཡིག་རྙིང་ཞིབ་འཇུག»ཏུ་བདམས་ལ། ཆེད་རྩོམ་གྱི་ལྟ་གྲུབ་རྣམས་འཇར་ཕན་གྱི་ཡི་གེར་ཡང་བསྒྱུར་ཡོད།
དེ་ལས་མང་བ་། “བོད་ཀྱི་སློབ་གསོ་བ་གྲགས་ཅན་ནག་ཀྱཱ་བ་ཤ་བོ་ཚེ་རིང་ལགས་སྐུ་གཤེགས།” »
གདོང་མཁན་པས།
ཁྱེད་གསོན་པའི་སྐབས་ལ་དགག་སྒྲུབ་བྱེད་མ་མྱོང་ལ་་་་་
འུར་འགྲོས་ཀྱིས་བསྟོད་ཚིག་ཆེད་གཏད་དེ་ལས་བྱེད་མ་མྱོང་་་་
ངས་་་་་ཁྱེད་ངོ་ཤེས་པ་ནི་་་་་་་
མི་རིགས་དང་རིག་གཞུང་ལ་ཕུགས་མདུན་ཆེད་་་
ཀ་ཁའི་དབྱངས་རྟ་ལ་ཞེན་ཆགས་ཟབ་མོ་དང་་་་་་་་
གསོ་རིག་གི་སྨན་ཁུག་ནས་དྲི་བསུང་འཐུལ་བ་དེ་རེད་་་་་
དེ་རིང་ཁྱེད་ང་ཚོ་དང་རྒྱང་རིང་དུ་གྱེས་སོང་བ་ཐོས་འཕྲལ་་་་་
མྱ་ངན་དང་འཁྲེན་སེམས་འཐུམས་པས་ན་ཟུག་དང་་་་་་་
གདུང་བས་མནར་བའི་མིག་ཆུས་བརླན་ཞིང་་་་་
རྫ་ཚེ་རིང་བཀྲིས།
ཁ་སང་ནི་དགའ་ལྡན་ལྔ་མཆོད་དེ་རྗེ་ཙོང་ཁ་པ་བློ་བཟང་གྲགས་པའི་དཔལ་གྱི་འདས་མཆོད་རེད། གུས་པས་ཀྱང་རོང་ཟོམ་བརྙན་འཕྲིན་གཙོ་སྐྱོང་བའི་མིང་ཐོག་ནས་སྔ་ཕྱིར་སེར་བྱེས་ལྷ་རམས་པ་ཐུབ་བསྟན་ནོར་བུ་དང་། མཁས་དབང་ཆབ་མདོ་བློ་བཟང་ཤེས་རབ་གཉིས་གདན་ཞུས་ཀྱིས་རྗེ་བདག་ཉིད་ཆེན་པོའི་མཛད་པ་རྣམ་ཐར་དང་ལྔ་མཆོད་ཀྱི་སྐོར་ལ་གླེང་མོལ་རེ་ཞུས། དེ་ནི་རང་ངོས་ནས་མཁས་གྲུབ་འཇམ་དབྱངས་རྣམ་གསུམ་གྱི་ཡ་གྱལ་དུ་བཞུགས་པའི་གངས་ལྗོངས་ཀྱི་སྐྱེས་ཆེན་དམ་པ་ཁོང་གི་མཛད་རྣམ་ལ་རྗེས་དྲན་ཞུ་སྟངས་ཤིག་ཡིན།
དེ་ནས་འཛམ་གླིང་གསེར་གྱི་བུམ་པའི་མཐའ་མཇུག་གི་འགྲན་བསྡུར་ཆེན་མོ་ནི་ཁ་སང་གི་ཉིན་འདིར་འཛམ་གླིང་འདིའི་མི་རྣམས་ཀྱིས་ཤིན་ཏུ་དོ་སྣང་བྱ་ཡུལ་ཉག་གཅིག་ཏུ་གྱུར་ཡོད། རྩེད་མོ་འདི་བརྒྱུད་ནས་འགྲོ་བ་མིའི་རིགས་ལ་ཁྱིམ་ཚང་གཅིག་གི་འདུ་ཤེས་བསྐྲུན་པ་དང་། ཞི་བདེ་དང་མཉམ་གནས་སོགས་བཟང་ཕྱོགས་ཀྱི་ཤུགས་རྐྱེན་མང་པོ་འདྲེན་གྱི་ཡོད། དེའི་དབང་གིས་རྩེད་མོ་འདི་ནི་འཛམ་བུ་གླིང་གི་ད་ལྟའི་གནས་བབས་སྤྱིའི་ངོས་ན་བཤད་ན། མི་རྣམས་ཀྱི་སེམས་པ་གུ་ཡངས་དང་སྤྲོ་སྣང་གི་ཕྱོགས་སུ་འདྲེན་པའི་ངལ་སྟེགས་ཤིག་ཡིན་པས་རྩེད་མོ་དེའི་རིན་ཐང་ཤིན་ཏུ་ནས་ཀྱང་རྟོགས་མོད། རང་ཉིད་ལ་རྩེད་འགྲན་ལ་ལྟ་བའི་གོམས་གཤིས་ཡེ་མེད་པས་རྒྱལ་ཕམ་དང་འབྲེལ་བའི་ཚོར་བ་གང་ཡང་མ་བྱུང་ངོ་། །
གཡང་འབུམ་རྒྱལ་ནས།
ཕྱི་ལོ་ ༢༠༢༢ ཟླ་ ༡༢ ཚེས་ ༡༧ དགོང་མོར་དབྱངས་དགའ་ལགས་ཚེ་ཡི་འདུ་བྱེད་མཐའ་མར་གྱུར་སོང་། ཁོང་གཤེགས་ཉིན་གྱི་ཕྱི་ཉིན་ནི་དགའ་ལྡན་ལྔ་མཆོད་ཡིན་ལ། འཛམ་གླིང་རྐང་རྩེད་སྤོ་ལོའི་གསེར་གྱི་བུམ་པའི་རྟིང་རྩོད་འགྲན་བསྡུར་གྱི་ཉིན་མོ་ཡང་ཡིན། རྐང་རྩེད་སྤོ་ལོའི་རྩེད་འགྲན་དེ་འཛམ་གླིང་མི་དམངས་ཡོངས་ཀྱི་སྐབས་དོན་བརྗོད་གཞི་གཙོ་བོར་གྱུར་ཡོད་ནའང་། ངའི་སེམས་ནི་གྲོགས་དབྱངས་དགའ་ལགས་ཚེ་འདས་སུ་གྱུར་བས་བོད་ཀྱི་གསོ་བ་རིག་པའི་བདུད་རྩི་བུམ་པ་ཞིག་འགྱེལ་སོང་སྙམ་བཞིན་སེམས་ལ་གནོན་ཤུགས་ཤིག་དང་སྐྱོ་སྣང་གིས་བཟུང་།
