ཡར་འབྲོག་རྡོ་རྗེ།    འཕགས་ཡུལ་སྨན་རྩིས་མཐོ་སློབ་ཁང་།

གླེང་གཞི།

དུས་རབས་ཉེར་གཅིག་ནི་ཚན་རྩལ་རིག་པས་ཁ་ལོར་གྱུར་བའི་བར་སྐབས་ཞིག་ཡིན་པས་གནས་ལུགས་ཅི་འདྲ་ཞིག་ཡིན་རུང་ལམ་ཁ་འདིའི་ཐོགས་ནས་ཐག་བཅོད་མི་ཐུབ་པ་མེད་ཅེས་བརྗོད་བཞིན་ཡོད།   འོན་ཀྱང་གནས་ལུགས་འགའ་ཞིག་ནི་རིག་གསར་དངོས་གཙོ་བོ་སྨྲ་བའི་གསར་བུ་ཚོས་ཐབས་ལམ་འདྲ་མིན་སྤྱད་ཀྱང་ཁ་གསལ་གཏིང་ཟབ་ཀྱི་ངོས་འཛིན་ཐུབ་ཀྱི་མེད།  གནས་ལུགས་དེ་དག་ལ་རིག་རྙིང་སེམས་གཙོ་བོ་སྨྲ་བའི་རྒན་པོ་ཚོས་ཉམས་ལེན་ཐོགས་ནས་འཐུས་སྒོ་ཚང་བའི་འགྲེལ་བརྗོད་རེ་བྱེད་བཞིན་ཡོད།   དཔེར་ན་དེང་དུས་གླེང་བཞིན་པའི་སེམས་ཁམས་ཀྱི་རྣམ་གཞག་དང་།  སྐྱེ་བ་སྔ་ཕྱི་ཡོད་མེད་།  ལས་འབྲས་ཀྱི་རྣམ་གཞག་སོགས་མི་ཉུང་བ་ཞིག་ཡོད། འདིར་ཁོ་བོས་བརྗོད་པར་བྱ་བ་དེ་ཡང་མིའི་ལུས་ཁམས་

དེ་ལས་མང་བ་། “དབུ་རྐྱང་རོ་གསུམ་གྱི་ཐོག་མའི་ཤེས་བྱ།” »

བཀྲས་ཁང་པ་སངས།

ཡང་ནེའུ་ཡོག་ཏུ་མི་མང་གིས་བདེན་རྒྱབ་རྟིང་གནོན་གྱི་ལས་འགུལ་སྤེལ་འདུག ལས་འགུལ་དེ་ནི་བཀའ་ཤག་གིས་མངགས་པའི་དབུ་དཀར་ཚང་སྐལ་བཟང་རྡོ་རྗེ་དང་སྲིད་སྐྱོང་གི་ལྐོག་ལས་སམ། ཕྱི་གསལ་ནང་གསལ་མེད་པའི་སྤྱི་དོན་ཁ་འཁྱེར་གྱི་ལས་དོན་ཁག་གི་ཁྲོད་ནས། བོད་ཀྱི་ཐེབས་རྩ་དང་འབྲེལ་བའི་ཨ་སྒོར་ས་ཡ་གཅིག་གི་གན་རྒྱས་རྫུན་རྐུབ་བརྡོལ་བའི་གཏམ་རྒྱུད་འགེབས་སྲུང་བྱེད་པ་ལ་ཐེར་འདོན་བྱེད་ཆེད་སྤེལ་བ་ཡིན་འདུག

བོད་ཀྱི་ཐེབས་རྩ་ཡང་དེ་སྔ་ནས་དོན་ཟུར་སྐལ་རྡོར་དང་སྲིད་སྐྱོང་བློ་སེང་གི་གནང་སྟངས་ལ་དོགས་པ་ཡོད་སྟབས། གན་རྒྱའི་ནང་དུ་ཕྱོགས་གཉིས་ཀྱི་ཁེ་ཕན་སྲུང་བརྩི་དང་ཡིན་ལུགས་ཚུལ་མཐུན་གྱི་ཕྱག་ལས་གནང་བ་ཡིན་ན། དུས་ཚོད་རན་པ་ཞིག་ལ་བུ་ལོན་རོགས་དངུལ་དུ་ཁ་བསྒྱུར་ཞུ་རྒྱུ་ཡིན་པའི་ཉེན་བརྡའི་རང་བཞིན་ཅན་གྱི་གན་རྒྱ་བཞག་ཡོད་པ་རེད།

དེ་ལས་མང་བ་། “༄༅།། ཁུངས་རྩ་ནས་འཁྱོལ་མེད་པའི་སེང་གེའི་བཀའ་ཤག” »

ཚེ་འབར།

ཕྱི་ཕྱོགས་སུ་ཡོད་པའི་བོད་ཀྱི་སྐྱིད་སྡུག་ཚོགས་པ་ཆུང་ཆུང་དེ་ཚོ། མིང་ཆེན་པོ་རི་འདྲ་རེ་བཏགས་ནས་དོན་ལ་མི་སྒེར་གྱི་སྦ་ཁུག་འགེངས་བྱེད་དང་ཁེ་ཕན་སྒྲུབ་བྱེད་ཀྱི་ལག་ཆ་རུ་བསྒྱུར་གྱིན་ཡོད་པ་དེ་ནི་མ་འོངས་བོད་ཀྱི་འཐབ་རྩོད་ལ་འཇིགས་སུ་རུང་བའི་ཉེན་ཁ་ཞིག་ཡིན་པ་མ་ཟད།སྤྱི་ཚོགས་རུལ་སུངས་སུ་འགྱུར་རྒྱུའི་སྔ་ལྟས་ཀྱང་རེད་ལ། རྩ་དོན་ལ་འགན་མ་ཁུར་པའི་ཆེས་བློ་ཕམ་པའི་གནས་ཤིག་ཀྱང་རེད། ད་ཐེངས་ཁོན་སི་ལེན་ཊི་བོད་རིགས་མཐུན་ཚོགས་ཀྱི་དོན་རྐྱེན་གཙོ་བོ་ཡང་དེ་ལ་ཐུག་ཡོད། སྤྱི་ལོ་༢༠༡༧ ཟླ་༩ ཚེས་ ༢ ཁོན་སི་ལེན་ཊི་བོད་རིགས་མཐུན་ཚོགས་ཀྱི་ཚོགས་ཆེན་ཐེངས་དང་པོའི་སྐབས་སུ་གཏན་ལ་ཕབས་པའི་ཁོན་སི་ལེན་ཊི་བོད་རིགས་མཐུན་ཚོགས་ཀྱི་རྩ་བའི་རྩ་དོན་བཞི་ཟེར་བ་ཞིག་བཞག་ཡོད། དེ་ནི་ཁོན་སི་ལེན་ཊི་བོད་རིགས་མཐུན་ཚོགས་ཀྱི་འདས་པའི་ལོ་རྒྱུས་ཀྱི་དཀའ་ངལ་དང་ཁོན་སི་ལེན་ཊི་བོད་རིགས་མཐུན་ཚོགས་

དེ་ལས་མང་བ་། “གཅིག་རྒྱབ་གཅིག་ལངས་ཀྱི་ཚོགས་འདུ་ལ་ང་ཞུགས་ཀི་མིན། (སྐྱིད་སྡུག་ཚོགས་པ་ཞིག་ཡིན་ན་མི་སྒེར་གྱི་ལག་ཆ་རུ་འགྱུར་མི་རུང་།)” »

སྐྱོ་བྲག་དགའ་དབང་།

     ངས་དྲུང་གོ་ཤྲི་རྒྱལ་ཚབ་པ་མཆོག་ལ། ང་ཚོ་སྒྲུབ་གནས་སུ་འགྲོ་བའི་མཉམ་པོར་ཀོ་ཀོ་ཏཱ་རའང་འགྲོ་དགོས་ཟེར་ཞིང་གདའ་ཞུས་པ་ན། མོ་རི་ཁྲོད་ལ་མོས་པ་ཆེན་པོ་ཡོད་རེད། མི་ལ་རས་པའི་སྒྲུབ་གནས་ལ་ཉམས་ལེན་བྱེད་པ་བྱུང་ན་དཔེ་ཡག་པོ་རེད། མོ་སྐྱུར་མ་ཤོག་པར་ཁྲིད་ནས་སོངས་གསུང་གི་གདའ་བས། ལགས་སོ། ། ཞུས་པ་ཡིན།

     ཡིན་ནའང་། སེམས་ཁྲལ་མེད་པ་ག་ལ་ཡིན། ཀོ་ཀོ་ཏཱ་ར་ནི། རྒྱ་མཚོའི་གླིང་ཕྲན་ཧོང་ཀོང་དུ་སྐྱེས་ཚར་བྱུང་ཞིང་། མྱི་ཚེ་སྐྱིད་ཉམས་ལ་རྫོགས་པ་ཞིག་ཡིན་ཕྱིར། རི་བོ་ཧི་མ་ལ་ཡའི་གངས་ཁྲོད་དུ་རྒྱུ་འགྲུལ་བྱེད་པ་ན། ས་ཆུ་མ་འཕྲོད་པ་དང་། ཟས་གོས་

དེ་ལས་མང་བ་། “ཀུ་ཐང་ཕུག་རོན་ཕུག་མཇལ་བ། ༢༽” »

བཀྲས་ཁང་པ་སངས།

དེང་སང་གངས་ཅན་སྐྱིད་གཤོངས་ཀྱི་གཏམ་དཔེ་གསར་པ་ཞིག་སྟེ། ‘’གང་དུ་པར་ཆས་ཡོད་ན།། དེ་རུ་སྲིད་སྐྱོང་ཡོད།།’’ ཟེར། གཏམ་དཔེ་འདི་ནི་གཞུང་ཞབས་རྣམ་པ་དང་སྤྱི་འཐུས་རྒྱུན་ལས་ཚོས་བཟོས་པའི་གངས་སྐྱིད་ཀྱི་གཏམ་དཔེ་ཞིག་རེད། གཏམ་དཔེ་འདི་ཏན་ཏན་སྲིད་སྐྱོང་གིས་གསན་ཡོད་ཤག འོན་ཏང་། སྲིད་སྐྱོང་ནི་གང་དུ་སྐྱོན་བརྗོད་ཡོད་ན།། དེ་ལ་གཡོལ་ཐབས་བྱེད་མཁན་ཞིག་ཡིན་པས། གཏམ་དཔེ་འདི་མ་གོ་མདོག་མདོག་གནང་རྒྱུ་ནི་ཚང་མས་ཚོད་དཔག་ཐུབ་པ་ཞིག་རེད།

པར་ཆས་ཀྱི་ནང་དུ་ཐོན་རྒྱུ་མང་དྲག་པས། བྱ་སྤུ་གནོན་ཕར་ཟད། ལྷན་ཁང་ཁག་གི་གང་བྱས་པའི་ངོ་སོ་ཚང་མ་སྲིད་སྐྱོང་ལ་ཐོབ་དགོས་པ་དང་། ལས་དོན་ཡག་པོ་རེ་སྒྲོག་དགོས་ཚེ་མདུན་དུ་སྲིད་སྐྱོང་ཐོན་དགོས་པ་ཆགས་པས། ལས་བྱེད་དཀྱུས་མ་ཞིག་གིས་ཀྱང་སྲིད་སྐྱོང་ལ་ལྗིད་ཁོག་ག་ཚོད་ཡོད་མེད་དང་། གཟི་བརྗིད་ག་ཚོད་ཡོད་མེད་ཧ་གོ་དོན་

དེ་ལས་མང་བ་། “༄༅།། བྱ་སྤུ་གནོན་མེད་པ་བཟོ་མཁན་ཡང་སྙིང་སུ་རེད།” »

བསྟན་འཛིན།

བཀའ་བློན་ཁྲི་པ་བློ་བཟང་སེང་གེ་མཆོག་དང་། ཨ་རིའི་སྐུ་ཚབ་ཟུར་པ་སྤེན་པ་ཚེ་རིང་མཆོག་གི་གནད་དོན་དེས་བོད་ནང་གི་མི་མང་པོ་ཞིག་ལ་ད་ལྟའི་བཀའ་ཤག་ལ་གཟིགས་སྟངས་ཡག་པོ་མིན་འདུག སྐད་འཕྲིན་དང་། མཛེས་པར། འཕྲིན་ཕྲན། དེ་བཞིན་རྒྱུད་ལམ་ཁག་ནས་མཐོང་བའི་གནས་ཚུལ་ལ་ལྟར་ན། བོད་ནང་གི་རྣམ་འགྱུར་ནི་གསལ་པོ་འདུག དེ་ནི་ད་ལྟའི་བཀའ་ཤག་གི་སྐོར་འབྲི་སྐབས། མང་ཆེ་བས་མཆན་གྱི་ནང་ལ། ད་ལྟའི་བཀའ་ཤག་དེ། “སྲིད་དབང་སྒེར་འཛིན་པ།” “རྒྱ་ཁ་གཅིག་གཅོད་བྱེད་མཁན།” “ཕ་ཡུལ་གྱི་ཕྱོགས་ཞེན་པ།” “བསམ་བློ་དོག་པོ།” “མི་རིགས་ཀྱི་ཕུགས་བསམ་མེད་པ།” “སྒེར་དོན་ཨང་དང་པོ་འཇོག་མཁན།” “མི་རིགས་ཀྱི་འདུན་པ་ཆུ་ལ་སྐྱུར་མཁན།”ལ་སོགས་ཀྱི་ཐ་སྙད་ཤ་སྟག་ལས། རྒྱབ་སྐྱོར་བྱེད་མཁན་ཤིན་དུ་ཉུང་།

ད་ལྟའི་བཀའ་ཤག་འདི་ལ་སྤྱིར་བཏང་བོད་ནང་གི་བསམ་ཚུལ་

དེ་ལས་མང་བ་། “བོད་ནང་གི་བོད་མི་མང་པོ་ཞིག་ད་ལྟའི་བཀའ་ཤག་གི་ཕྱག་ལས་གནང་སྟངས་ལ་བློ་ཕམ་བྱུང་འདུག” »

སྤྱི་འཐུས་བློ་བཟང་ཆོས་འབྱོར།

ཐོག་མར་ངས་མི་མང་ལ་དགོངས་དག་ཞུ་རྒྱུ་ཡིན། ད་ལྟ་ང་ལ་སྤྱི་འཐུས་ཀྱི་མཚན་གནས་ཤིག་ཡོད་ཀྱང་། བཅའ་ཁྲིམས་དང་སྒྲིག་གཞིའི་དགོངས་དོན་ལྟར་རང་འགན་སྒྲུབ་ཐུབ་ཀྱི་མེད་པའི་གནས་སྟངས་འདིར་དགོངས་དག་ཞུ་རྒྱུ་ཡིན། དབུས་བོད་མིའི་སྒྲིག་འཛུགས་འདི་བཞིན་ཁྲིམས་ཀྱི་དབང་བསྒྱུར་ཚད་ལྡན་དུ་༸གོང་ས་མཆོག་དང་སློབ་དཔོན་ཟམ་གདོང་རིན་པོ་ཆེས་སྲོག་ཤིང་གནང་བའི་དབུ་ཁྲིད་གོང་མ་རྣམས་ཀྱིས་བསྒྱུར་ཡོད་པ་མ་ཟད། ཀ་བ་གསུམ་དང་སྒོས་སུ་གྲོས་ཚོགས་དང་བཀའ་ཤག་གཉིས་ཀའི་འགན་དབང་ས་མཚམས་དང་། བཀའ་ཤག་གིས་གྲོས་ཚོགས་ལ་ལན་འདེབས། སྙན་ཞུ། གསལ་བཤད་ཀྱིས་མཚོན་ཐུགས་འགན་ཅི་ལྟར་བཞེས་དགོས་མིན་དང་། དེ་བཞིན་གྲོས་ཚོགས་ནས་ཀྱང་བཀའ་ཤག་ལ་ལམ་སྟོན། སྟངས་འཛིན། དྲི་འདེད་ཅི་ལྟར་གནང་དགོས་མིན་བཅས་བཅའ་ཁྲིམས་རིན་པོ་ཆེ་དང་།

དེ་ལས་མང་བ་། “༄༅།། བཀའ་ཤག་གི་བཟང་སྤྱོད་སྲུང་སྐྱོབ་ཞུ་དགོས།” »