རླུང་དམར།

དེ་རིང་། ངས་འདི་ལྟར་སྐུ་ངོ་སྤེན་པ་ཚེ་རིང་གི་རྩ་དོན་བདེན་སྲུང་གི་བསམ་བློའི་སྙིང་སྟོབས་གླེང་གིན་ཡོད། ང་ཚོ་བཙན་བྱོལ་གྱི་བོད་མི་ཆེ་ཆུང་བར་གསུམ་སུ་ཞིག་ཡིན་ཡང་འུ་ཚོས་ད་ལྟའི་བོད་ཀྱི་བཙན་བྱོལ་གནས་བབ་ལ་བལྟས་ཏེ་མནོ་བསམ་རེ་བཏང་ན། བཙན་བྱོལ་སྒྲིག་འཛུགས་ཀྱི་སྲིད་སྐྱོང་བློ་བཟང་སངས་རྒྱས་ཀྱི་ཆབ་སྲིད་བསྒྲུབ་སྟངས་ནི་ཆེས་མུན་ནག་གི་སྤྱོད་ཚུལ་ཞིག་རེད། ཉེ་ཆར་བཙན་བྱོལ་བོད་མིའི་བཀའ་ཤག་དང་སྲིད་སྐྱོང་གིས་རང་རེའི་ལྷག་བསམ་སྙིང་སྟོབས་ཅན་གྱི་སྐུ་ངོ་སྤེན་པ་ཚེ་རིང་མཆོག་ཨ་རིའི་དོན་གཅོད་ནས་ལས་མཚམས་བཞག་ཏུ་བཅུག དོན་མེད་དུ་ནག་ཉེས་མེད་པའི་“ཉེན་བརྡ་མཐའ་མ་“ཟེར་བའང་བཏང་།

དེ་ལས་མང་བ་། “རྩ་དོན་སྙིང་བཅངས་ཀྱི་བདག་པོ། བདེན་པ་རང་སྲུང་གི་དཔའ་བོ།” »

དགེ་འདུན་རབ་གསལ་གྱིས།

(པར་དང་བཅས་པའི་རྩོམ་ཡིག་འདིའི་མ་ཡིག་ PDF ཐོག་གཟིགས་ན་འདིར་ཡོད། Gould’s report in tibetan final)

ཁ་བྱང་། ལྷར་བཅས་སྲིད་ཞིའི་གཙུག་རྒྱན་༧གོང་ས་རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་ངོས་འཛིན་ཞུ་ཚུལ་དང་།  གསེར་ཁྲིར་མངའ་གསོལ་སོགས་མདོ་ཙམ་བཀོད་པ་བཞུགས་སོ།།  ལོ་ཙ་བ།  ར་ཎི་ཆོས་ཉིད་རྡོ་རྗེ་དང་། ལྕང་ལོ་ཅན་བསོད་ནམས་རྒྱལ་པོ།  པར་མ།  ལྷ་སའི་ཤིང་སྤར།  ཤོག་གྲངས་ ༢༩། ༼བོད་ཀྱི་ནང་བསྟན་དཔེ་ཚོགས་ལྟེ་གནས་ཀྱི་དྲ་ཐག་  https://www.tbrc.org/#!rid=W1KG12176༽

མ་ཡིག་གི་ཁ་བྱང་། Report on the Discovery, Recognition and Installation of the Fourteenth Dalai Lama རྩོམ་པ་པོ། དབྱིན་གཞུང་འབྲས་སྤྱི་བློན་ཆེན་སར་ འབི་སིལ་ འགུ་ལོ་ཊ། པར་མ་དང་པར་ལོ། རྒྱ་གར་གཞུང་གིས་ ༡༩༤༡ ལོར་པར་སྐྲུན་བྱས་པ། ཤོག་གྲངས་ ༢༥།

དེ་ལས་མང་བ་། “བོད་ཀྱི་ཤིང་སྤར་དུ་བརྐོས་པའི་ཨིན་ཇིའི་སྙན་ཐོ།” »

བོད་འབྱོར། ༼གངས་ལྷ།༽

མིག་སྔའི་སྲིད་སྐྱོང་དང་སྐུ་ཚབ་ཟུར་པའི་གནད་དོན་དེ་གཙང་མ་བཟོ་བར། ང་ཚོར་མི་༼སྤྱི་༽འཐུས་ལྷག་བསམ་ཅན་དང་། ཁྲིམས་ཞིབ་པ་དྲང་པོ་ཞིག་དགོས་འདུག བདེན་པ་དག་འཐེར་བྱ་ཡུལ་གྱི་ཁྲིམས་ཁང་ཞིག་ཀྱང་དགོས་འདུག ཁྲིམས་ཞིབ་པ་དང་ཁྲིམས་ཁང་དེ་ལ་མི་མང་གི་ཡིད་ཆེས་དགོས་འདུག དེ་ལྟར་བྱུང་ན། ང་ཚོས་དཀའ་ངལ་དེ་སེལ་ཐུབ། ང་ཚོར་ཆ་རྐྱེན་འདི་ཡོད་དམ། ད་བར་ཁྲིམས་ཞིབ་ལྷན་ཚོགས་ཀྱིས་བར་དུམ་མི་བྱེད་པའི་རྒྱུ་མཚན་ཅི། སྤྱི་འཐུས་རྣམ་པས་བར་དུམ་དང་། གཟུ་བོར་གནས་པའི་སྐད་ཆ་མི་ཤོད་པ་དེ་སེམས་སྐྱོ་དགོས་པའི་ཡུལ་རེད།  སྤྱི་ཚོགས་ཟང་ཟིང་དང་། མི་དམངས་ཁ་འཐོར་འགྲོ་བའི་གཉན་འཕྲང་གི་གནས་སྟངས་འདིའི་ནང་ལ། ད་བར་བོད་མིར་ཤ་ཚ་ཡོད་པའི་སློབ་སྟོན་བྱེད་མཁན་གཉིས་ལས་བྱུང་མ་སོང་།

དེ་ལས་མང་བ་། “བོད་པའི་ཆིག་སྒྲིལ་གསོ་བར། སྲིད་སྐྱོང་དང་སྐུ་ཚབ་ཟུར་པ་སྤེན་ཚེའི་ཤོག་ཁག་དབར་ལ་བར་དུམ་པ་དགོས་འདུག་” »

རྡོ་སྦིས་ཀླུ་རྒྱལ་དོན་གྲུབ།

ང་ནི་ཡོ་རོབ་སུད་སི་རྒྱལ་ཁབ་ན་ཡོད་པའི་བོད་མི་བཙན་བྱོལ་བ་ཞིག་ཡིན། ཛུ་རིག་བོད་ས་གནས་ཚོགས་ཆུང་གི་འཐུས་མི་ཞིག་ཡིན།  ང་ནི་བོད་ཤར་ཕྱོགས་རྡོ་སྦིས་ཡུལ་དུ་སྐྱེས་པ་དང་། ངའི་ཆུང་མ་ནི་བོད་དབུས་ཀྱི་ཕྱོགས་ནས་སྐྱེས་མཁན་ཞིག་ཡིན།      སྤྱིར་བཏང་ང་ནི་སློབ་སྦྱོང་དང་དཔལ་འབྱོར་གང་གི་ཐད་ནས་དམིགས་བསལ་དང་བྱས་རྗེས་ཆེན་པོ་ཡོད་པ་དེ་འདྲ་གང་ཡང་མིན། ཡིནའང་རང་ཉིད་བོད་པ་ཞིག་ཡིན་སྙམ་པའི་སེམས་པ་ཏན་ཏན་ཡོད་མཁན་ཞིག་དང་། ནམ་རྒྱུན་ཁ་བཤད་ཙམ་མིན་པར་བོད་པ་སྤྱིའི་ལས་དོན་དང་མ་འོངས་པར་བསམ་བློ་གཏོང་མཁན་ཞིག་ཡིན་པ་ལས་ཁམས་པ་དང་ཨ་མདོ་ཟེར་པའི་ས་གནས་རིང་ལུགས་དང་བྲན་གཡོག་ལམ་ལུགས་ཀྱི་བསམ་བློ་གཏོང་མཁན་ཞིག་མིན།

དེ་ལས་མང་བ་། “ངས་སྲིད་སྐྱོང་བློ་བཟང་སེང་གེ་ལ་གུས་བརྩི་བྱེད་དོན།” »

དཔལ་འབྲུག་མོ།

ཐེངས་འདིའི་བྱང་ཨ་རིའི་སྐུ་ཚབ་དོན་གཅོད་འཕོ་འགྱུར་གྱི་གནད་དོན་གྱི་ཐོག་ལ་བོད་པ་འདུས་སྡོད་ས་ཁུལ་གང་སར་མི་འདོད་པའི་རྣམ་འགྱུར་སྟོན་མཁན་དང་། དེ་འགྲིག་མི་འདུག དྲང་བདེན་མ་རེད་ཅེས་བཤད་མཁན་གྲངས་ལས་འདས་མོད། མངོན་གསལ་དོད་པོའི་སྒོ་ནས་ཤོག་སྨྱུག་ལས་བརྒལ་ནས་མདུན་ལ་ཐོན་ཏེ་ངོ་རྒོལ་བྱེད་མཁན་དེ་ཙམ་མི་མང་། ཕྱི་རྒྱལ་ཡུལ་གྲུ་ཁག་གི་བོད་ཀྱི་གཞོན་ནུ་ཚོགས་པ་སོགས་མི་སྒེར་ལ་འདིའི་ཐད་ལབ་གླེང་བརྒྱུད་དུས་ཁོང་ཚོས་ཀྱང་སྲིད་སྐྱོང་གི་བྱེད་ཕྱོགས་ལ་མི་འདོད་པའི་རྣམ་འགྱུར་སྟོན་གྱིན་འདུག   ཡིན་ནའང་ལས་འགུལ་ནང་མཉམ་ཞུགས་བྱས་མ་སོང་། སྤྱིར་ཕྱི་རྒྱལ་ནས་འཚར་བའི་བོད་པ་ཞིག་ཡིན་ན་ནམ་རྒྱུན་ཡང་དག་པ་དང་བདེན་པའི་གནས་ལ་ཕྱོགས་རྒྱུར་དགའ་མོས་བྱེད་མཁན་ཡིན་ཟེར་མོད། ད་ཐེངས་གི་སྤྱོད་སྟངས་ལ་གཞིགས་ན་ཁ་བཤད་དང་ལག་ལེན་མི་མཚུངས་པ་གང་མང་

དེ་ལས་མང་བ་། “བྱང་ཨ་རིའི་དོན་གཅོད་འཕོ་འགྱུར་ལ་མི་འདོད་པའི་ལས་འགུལ་ལས་འཕྲོས་པའི་གཏམ།” »

རྨ་དུག་ལྕེ།

དཔལ་ལྡན་སྲིད་སྐྱོང་མཆོག་ཉེ་ཆར་ཁེ་ན་ཌ་དང་ཨ་རི། ཡོ་རོབ་ཀྱི་རྒྱལ་ཁབ་འགར་གཟིགས་སྐོར་གནང་སྐབས་ཁོང་གི་ཕྱོགས་གཏོགས་དག་གིས་སྲིད་སྐྱོང་མཆོག་གི་ཐེངས་འདིའི་གཟིགས་སྐོར་དེ་ལོ་རྒྱུས་ཐོག་བསུབ་ཐབས་བྲལ་བའི་ནག་ཉེས་ཀྱི་ཀྱི་ངོ་བོར་བསྒྱུར་བ་ནི་ཅི་འདྲའི་བློ་ཕམ་ཞིག་རེད་ཨང་།

དམངས་གཙོའི་ཡུལ་ལུང་ནང་དབུ་ཁྲིད་ལ་ངོ་རྒོལ་ཡོད་པ་ནི་བྱིས་པ་ལོ་གསུམ་གྱིས་ཀྱང་ཤེས་པས་ངས་གསལ་བཤད་ག་ལ་དགོས། འོན་ཀྱང་སྲིད་སྐྱོང་གི་རྒྱབ་སྐྱོར་བ་ཚོས་དཔལ་ལྡན་སྲིད་སྐྱོང་མཆོག་ཁྲིད་ནས་གནམ་ཐང་གི་ལྟག་སྒོ་ནས་ཡིབ་བྲོས་བྱས་པ་དང་གཅིག
མེ་འཁོར་འབབས་ཚུགས་སོགས་ནས་ཞི་བའི་ངོ་རྒོལ་བ་དག་མི་མཐོང་ཆེད་སྲིད་སྐྱོང་གི་མཐའ་བསྐོར་ནས་ཅེ་སྤྱང་བཞིན་ཀི་ཧོས་གནམ་ས་བཀང་ནས་གཡོལ་ཐབས་བྱས་པ་དང་གཉིས།

དེ་ལས་མང་བ་། “སྲིད་སྐྱོང་གཟིགས་སྐོར་དང་སྲིད་སྲུང་བའི་ནག་ཉེས།” »

བློ་གྲོས་རབ་བརྟན།

ད་ནི་བསྡད་ཀྱིན་བསྡད་ཀྱིན་བློ་བཟང་སེང་གེ་ཇེ་བཙོག་ནས་ཇེ་བཙོག་རེད། བློ་སེང་སྲིད་སྐྱོང་གིས་ཁྲི་ལ་བསྡད་ནས་བཟུང་བོད་པའི་སྤྱི་ཚོགས་དཀྲུགས་སོང་། ད་དུང་བློ་སེང་རྒྱག་མི་འདུག་ཅིང་། མུ་མཐུད་དེ་དཀྲུགས་ཀྱིན་འདུག དེ་རིང་དང་ཁ་སང་ཡུ་རོབ་ནས་སྟོན་པའི་བོད་པའི་ངོ་གདོང་ལ་ཅིག་ལྟོས་དང་། ག་འདྲ་འདུག བློ་སེང་ཡུ་ཡོབ་ལ་བོད་པའི་སྤྱི་ཚོགས་དཀྲུགས་པར་བསླེབས་པ་རེད། ཡག་ཐག་ཆོད་དཀྲུགས་འདུག ང་ཚོ་ལ་དགོས་པ་དེ་རེད་དམ། བློ་སེང་གི་ལས་ཀ་དེ་རེད་དམ། བློ་སེང་གིས་ང་ཚོ་ཆོལ་ཁ་གསུམ་པོ་སྐྱིད་མཉམ་སྡུག་མཉམ་གྱི་མི་འཇོག་ཁོ་ཐག་རེད།

ང་ཚོ་བོད་ཆོལ་ཁ་གསུམ་པོ་གནས་སྟངས་སྐྱོ་བོ་ཞིག་གི་འོག་ནས། ༧གོང་ས་མཆོག་གི་ཐུགས་བརྩེ་བའི་བྱམས་སྐྱོང་འོག་ནས་གནས་ལུགས་ཤིག་ངོ་སྤྲད་ཅིང་།

དེ་ལས་མང་བ་། “བློ་སེང་ལགས། སྤྱི་ཚོགས་མ་དཀྲུགས་རོགས།” »