འོས་སྦྱོར་ཞུ་མཁན། རེ་མདོ་སེངྒེ།
 
ཕྱི་ལོ་ ༢༠༡༨ ལོའི་ཟླ་ ༦ ཚེས་ ༣༠ ཉིན།
༄༅།། དམིགས་བསལ་སྐུ་མགྲོན་བཀའ་ཟུར་སྐུ་ངོ་ཐུབ་བསྟན་ལུང་རིགས་མཆོག་དང༌། གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་གཙོ་རྣམ་པ། སྤྱི་འཐུས་ལས་ཐོག་དང་སྤྱི་ཟུར་རྣམ་པ། མདོ་སྨད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་དང་རྒྱུན་ལས་རྣམ་པ། ས་གནས་ཁག་གི་སྐུ་ཚབ་འཐུས་མི་རྣམ་པ། གཞན་ཡང་ཚོགས་འདུ་ལ་དངོས་སུ་ཕེབས་པའི་ཚོགས་ཞུགས་པ་རྣམ་པ་ཡོངས་ལ་ཐོག་དང་པོར་འཚམས་འདྲི་བཀྲ་ཤིས་བདེ་ལེགས་ཞུ་རྒྱུ་ཡིན།

དེ་རིང་གི་ཚོགས་འདུ་འདི་བརྒྱུད་ནས་གཞིས་བཞུགས་བོད་ནང་གི་མདོ་སྨད་རྒྱ་ཆེ་མང་ཚོགས་ལ་འཚམས་འདྲི་བཀྲ་ཤིས་བདེ་ལེགས་ཞུ་རྒྱུ་ཡིན།

དེ་ལས་མང་བ་། “ྋསྐྱབས་མགོན་ཀིརྟི་རིན་པོ་ཆེ་མཆོག་གིས་བོད་ལྗོངས་མདོ་སྨད་ཆོལ་ཁའི་དབུས་རྒྱུན་སྐབས་བཅུ་དྲུག་པའི་མཐའ་མའི་ཚོགས་འདུ་ཆེན་མོའི་ཐོག་བསྩལ་པའི་ལམ་སྟོན་གསུང་བཤད།” »

བསྟན་འཛིན།
 
དེང་སང་བོད་རྒྱུད་ནང་བསྟན་པ་མང་པོས་ཚན་རིག་དང་ནང་ཆོས་ཤ་གཉེན་རེད་ཟེར་བ་དང་། ནང་ཆོས་དང་ཚན་རིག་ཕ་དང་མ་འདྲ་ཟེར་མཁན་མང་། སྐབས་རེ་སྟེས་དབང་གིས་ཕྱི་ནས་བལྟས་ན་དེ་ལྟར་ཡོང་སྲིད། འོན་ཀྱང་སྟེས་དབང་དེ་དངོས་སུ་རྒྱུ་འབྲས་ལ་འབྲེལ་དགོས་ན། ཚོད་ལྟ་རིམ་པར་བྱས་པའི་རྗེས་ལ་མཐུན་ཕྱོགས་དེའི་མཇུག་འབྲས་བརྒྱ་ཆ་མཐོན་པོར་བསླེབས་དགོས་པ་དེ་ཚན་རིག་པའི་ལམ་ལུགས་རེད།་ཚན་རིག་པའི་ལམ་ལུགས་ཀྱི་ཁྱད་ཆོས་གཙོ་བོ་གཅིག་ནི། ཆ་རྐྱེན་དང་ཁོར་ཡུག་གཅིག་གི་འོག་ལ་འབྲས་བུ་ཡང་གཅིག་པ་ཡོང་དགོས། དེ་ལ་བསོད་ནམས་ཀྱི་ཚོགས་དང་ཁམས་དང་མོས་པ་ཅེས་ཤོད་ཡུལ་མེད།

དེ་ལས་མང་བ་། “རྨོ་བོ་ལགས། ཚན་རིག་ངོ་མ་སྦྱོང་འདོད་ན་སྔོན་ལ་ནང་ཆོས་སྤོངས་དགོས། ངས་དེ་ལྟར་བྱེད་མ་ཐུབ།” »

རྫ་ཚེ་རིང་བཀྲ་ཤིས།
 

༡༽ གླེང་མོལ་གྱི་དོན་སྙིང་།

འཕགས་པ་སྤྱན་རས་གཟིགས་ལ་ཕྱག་འཚལ་ལོ། །

ལར་ང་ནི་ཤེས་རབ་ཅན་ཞིག་མིན་ལ། རྩོད་པར་མོས་ཞེན་ཡོད་པ་ཞིག་དེ་བས་ཀྱང་མིན། དེ་ལྟར་ཡང་། མཁས་པའི་སྐད་ཆ་ཡིན་ཡང་ཅུང་ཟད་རེད་མི་འདུག་སྙམ་པ་དེ་འདྲ་ཁ་ཤས་ལ་འཕྲལ་འཕྲལ་དཔྱད་ལན་རེ་ཕུལ་བ་ཡིན། དཔྱད་བརྗོད་ཐན་ཐུན་དེ་འདྲ་ད་དུང་ཡང་འབྲི་སྲིད།

དེ་ལས་མང་བ་། “མཁར་རྨེའུ་དང་ལྡོང་ཆུ་ཤེལ་ལ་སྤྲིངས་པའི་གཏམ།” »

ཨ་འདུས་སྐལ་བཟང་རྒྱ་མཚོ།
 

——གྷན་དྷིའི་བང་སོར་མཇལ་བའི་ཟིན་ཐོ།

ཉེ་ལམ་ལས་དོན་ཅིག་གི་རྐྱེན་པས་ཉིན་འགར་རྒྱ་གར་གྱི་རྒྱལ་ས་ལྡི་ལིར་སྡོད་དགོས་བྱུང་། ཉིན་ཐ་མ་དེར་ང་དང་གྲོགས་པོ་གཉིས་འཛམ་གླིང་ན་མིང་དུ་གྲགས་པའི་རླབས་ཆེན་གྱི་སྐྱེས་བུ། བདག་ཉིད་ཆེན་པོ་གྷན་དྷི་མཆོག་གི་སྐུ་ཕུང་ཞུགས་འབུལ་བྱེད་ས་དེར་སོང་བ་ཡིན། མ་ཧཱ་གྷན་དྷི་མཆོག་ནི། ནང་བསྟན་པ་ཞིག་གི་ངོས་ནས་བལྟས་ན་ཕྱི་རོལ་པའི་གྲུབ་མཐའ་སྨྲ་བ་ཞིག་ཡིན་ནའང་། ཁོང་གི་མི་ཚེའི་ལོ་རྒྱུས་བཀླགས་ཐེངས་རེར་དགའ་གུས་དང་། ཡི་རངས་ཀྱི་གནས་ཚུལ་མང་པོ་ཞིག་ངམ་ངམ་ཤུགས་ཤུགས་ཀྱིས་ཡོང་གི་ཡོད། ཁོང་ནི་རྒྱ་གར་གྱི་རང་དབང་འཐབ་རྩོད་པ་དག་གི་ཁྲོད་འཚེ་མེད་ཞི་བའི་ཐབས་ལམ་ལ་སྣེ་ཁྲིད་ཀྱི་ནུས་པ་དམིགས་བསལ་འདོན་མྱོང་མཁན་ཞིག་ཡིན་པས།

དེ་ལས་མང་བ་། “བདག་ཉིད་ཆེན་པོ་གྷན་དྷི་དྲན་པ། ” »

རེ་མདོ་སེངྒེས་འོས་སྦྱོར་བྱས།

༄༅།། བརྟན་བཞུགས་ཀྱི་སྔོན་དུ་ཚིག་ཁ་ཤས་ཤིག་བཤད་འདོད་བྱུང༌། འབྲེལ་ཡོད་དགོན་པ་ཁག་གི་སྐུ་ཚབ་རྣམ་པ་དང་དེ་རིང་འདིར་དངོས་སུ་ཕེབས་པའི་འབྲེལ་ཡོད་རྣམ་པ། ལྷག་པར་དུ་བོད་ཕྱི་ནང་གི་དད་པ་དང་དམ་ཚིག་གཙང་མ་དང་བརྩེ་ཞེན་ཆེ་བའི་སེར་སྐྱ་ཡོངས་རྫོགས་ལ་ཐེངས་དང་པོར་ཚིག་འགའ་ཤས་ཞུ་རྒྱུར། ངས་ང་རང་གི་ལུས་སེམས་གཉིས་ལ་བདག་པོ་ཇི་བཞིན་བྱེད་མ་ཐུབ་པའི་དབང་གིས་བར་སྐབས་ཤིག་ལ་ན་ཚ་ཛ་དྲག་བྱུང་བའི་རྐྱེན་གྱིས་མི་མང་པོ་ཞིག་ལ་སེམས་མ་སྐྱིད་པ་དང་མ་བདེ་བ་ཆེན་པོ་བཟོས་སོང་བས། ངའི་ངོས་ནས་རྣམ་པ་ཚོ་ཡོངས་རྫོགས་ལ་དགོངས་དག་ཅེས་ཞུ་འདོད་བྱུང༌།

དེ་ལས་མང་བ་། “ྋསྐྱབས་མགོན་ཀིརྟི་རིན་པོ་ཆེ་མཆོག་ལ་ཀིརྟི་ཚང་གི་གཞིས་བྱེས་དགོན་གྲོང་ཐུན་མོང་ནས་བརྟན་བཞུགས་བསྟར་འབུལ་ཞུས་པའི་སྐབས་གནང་བའི་གསུང་བཤད།” »

བསྟན་འཛིན།
 
བཙན་བྱོལ་ནང་ལ་མིའི་ནུས་ཤུགས་ཆེ་ཤོས་དེ་དག་གདན་ས་ཁག་གི་ནང་ལ་ཡོད། འོན་ཀྱང་ཚང་མས་དཔེ་ཆ་བལྟ་གི་མེད་ལ། དགེ་བཤེས་ཀྱང་གཏོང་གི་མེད།་ དེར་བརྟེན། དགོན་པས་སྤྱི་ཚོགས་ལ་ཞབས་ཞུ་འཕར་མ་ཞིག་བསྒྲུབ་ཐུབ་པ་ནི། ལུས་རྩལ་གོང་འཕེལ་གཏོང་བ་དང་། བོད་པའི་སྤྱི་ཚོགས་ནང་ལ་ལུས་རྩལ་གྱི་འཚོ་བ་འཁྲུག་ཆ་འདོད་དུ་གཏོང་བ་དེ་རེད།

དེ་ལས་མང་བ་། “གདན་ས་ཁག་ལ་རྐང་སྤོལ་རུ་ཁག་འཛུགས་ཐུབ་ན་ཕན་པ་ཆེ།” »

རྔ་བ་རྒྱལ་ཁམས་པ།
“ཀརྨ་ཐེག་གསུམ་ཆོས་ཀྱི་འཁོར་ལོའམ”། “ཀརྨ་ཐེག་གསུམ་ཆོས་གླིང”ཞེས་པའི་མཚན་འདི༧རྒྱལ་དབང་ཀརྨ་པ་སྐུ་གོང་མ་རིག་པའི་རྡོ་རྗེ་མཆོག་གིས་ཁོང་གིས་བཏབ་གནང་བའི་ཆོས་ཚོགས་ཁག་ལ་སྤྱི་ཐོག་ནས་སྩལ་གནང་བའི་མཚན་དོན་ཤིན་ཏུ་ལྗིག་ཁོག་ཆེ་བ་ཞིག་རེད། མཚན་གནས་འདིར༧རྒྱལ་དབང་ཀརྨ་པའི་དུས་གསུམ་གྱི་ཐུགས་བསྐྱེད་དང་སྨོན་ལམ།

དེ་ལས་མང་བ་། “༅༅།། ཀརྨ་ཐེག་གསུམ་ཆོས་གླིང་།” »

ཐེ་བོ་སངས་རྒྱས།
 
བོད་ཀྱི་བླ་མ་དག་གིས་ཡེ་ཤུ་བའི་བླ་ཆེན་པོབ་ཀྱི་གོས་བེར་ཀོ་ལཱོ་འདྲ་དང་། རྒྱ་ནག་དང་མན་ཇུའི་རྒྱལ་མོའི་ཞྭ་མོ་འདྲ་བ། གྷི་རི་སེའི་དམག་དཔོན་གྱི་ཞྭ་མོ་འདྲ་བ་དག་གྱོན། དེ་དག་ལ་ཐོབ་དང་གོ་སའི་མཚོན་དོན་གལ་བོ་ཆེ་རེ་ཡོད་པས་ཡིན་ནམ། ཞྭ་མོ་རེ་ལ་རྩོད་གཞི་ཛ་དྲག་ཅན་ལྷགས་པའང་གདའ། བླ་མ་རྣམ་པའི་ཆོས་ཀྱི་དབྱངས་རྟ་ལ་སེམས་ཆུང་

དེ་ལས་མང་བ་། “ཐང་ཧྲུའུ་རྩོམ་པ་པོའི་པོད་ཁུག་ལས།” »

དོན་འགྲུབ་བཀྲ་ཤིས། དབང་འདུས་ཚེ་རིང་གིས་འོས་སྦྱོར་བྱས།

ཉེ་ལམ་ཟླ་གཅིག་དང་ཕྱེད་ཙམ་རིང་ང་བལ་ཡུལ་གྱི་ས་ཁུལ་ཁག་བཞི་ལ་སྐོར་སྐྱོད་བྱས་པ་ཡིན། ས་ཁུལ་དེ་དག་ནི་བལ་ཡུལ་ལྷོ་ཕྱོགས་ཝ་ལུང་དང་། ཤར་ཕྱོགས་ཤར་ཁུམ་བུ། བྱང་ཤར་ར་སུ་ཝ། དེ་བཞིན། བལ་ཡུལ་རྒྱལ་ས་ཀ་ཐ་མན་ཌི་ཁུལ་བཅས་རེད། བོད་མི་མང་སྤྱི་འཐུས་སྐབས་རེ་ལ་ས་གནས་མི་མང་དང་ཐད་ཀར་འབྲེལ་བ་ཡོད་པའི་ལས་དོན་གལ་ཆེན་གཉིས་ཡོད། དང་པོ། སྤྱི་འཐུས་སྐབས་གསར་པ་རེ་ཕེབས་སྐབས་མི་མང་ལ་འཚམས་འདྲིར་སྐྱོད་དགོས་པ་དང་། གཉིས་པ། ས་གནས་ཁག་ཏུ་ལས་དོན་ཕྱོགས་སྐྱོད་དུ་ལོ་གཉིས་ལ་ཐེངས་གཉིས་འགྲོ་དགོས།

དེ་ལས་མང་བ་། “དྷ་རམ་ས་ལ་དང་ས་ཐག་རིང་ཡང་སེམས་ཐག་ཉེ།” »

གཅན་ཚ་སྒྲོལ་མ་གཡང་སྐྱིད།
 
ཡུལ་གྱར་བ་ལ་ལས་ཕ་ཡུལ་ནི་མི་ཚེའི་འཚོལ་སྙེག་གམ་མི་ཡུལ་གྱི་དག་ཞིང་དང་ཆེས་མཐའ་མཇུག་གི་གནས་མལ་དྲོན་མོ་དེ་ཡིན་ཟེར། ང་ལ་མཚོན་ན་ཕ་ཡུལ་ནི་སེམས་སུ་ན་ཟུག་སློང་སྤྱད་ཅིག་རེད། ཉིན་ཤས་སྔོན་གྲོགས་པོས་ཁ་པར་སླེབས་སོང་། ང་ལས་ཀ་གྲོལ་ནས་རང་ཁྱིམ་དུ་ལོག་བཞིན་ཡོད། མ་གཞི་ང་ཚོ་ས་མཐའ་ནས་སྡེ་མཐའ་མྱུལ་ནས་ཡོད་པའི་གྲོགས་པོ་ཚོར་མཚོན་ན་ཁ་ཐག་རིང་ཡང་ཕན་ཚུན་སེམས་ཐག་ཧ་ཅང་ཉེ་བོ་ཡོད་པས། ཁོམ་སྐབས་རེ་ཡོད་དུས་ཕན་ཚུན་ལ་ཁ་པར་རེ་བཏང་ནས་འཚམས་འདྲི་བྱེད་པ་ནི་རྒྱུན་ལྡན་ཞིག་ཡིན། ཁོས་“ཨ་རོ་མདང་དགོང་ངའི་ཨ་མ་གློ་བུར་དུ་མེད་སོང་”ཟེར། གཏམ་ངན་དེ་གོ་མ་ཐག་ངས་ཁ་ཐུག་ཅི་ཞིག་བཤད་

དེ་ལས་མང་བ་། “ཕ་ཡུལ་ནི་སེམས་སུ་ན་ཟུག་སློང་སྤྱད་ཅིག་རེད།” »