བློ་གྲོས་རབ་བརྟན།
ང་ཚོའི་སྲིད་སྐྱོང་འདི་ང་ཚོའི་སྐད་ཡིག་གི་གཤེད་མ་ཡིན་ནམ། ངས་བལྟས་ན་ཕར་ཆེར་ཁོ་གཤེད་མ་རེད་ཅེས་བཤད་ཐུབ། འདི་ནས་སྲིད་སྐྱོང་ལ་བོད་ཀྱི་སྐད་ཡིག་གི་དང་རིག་གཞུང་གི་ཤེས་ཚད་མེད་པ་དེ་གནད་འགག་མ་རེད། གནད་འགག་ནི་ཁོའི་བོད་ཀྱི་སྐད་ཡིག་ལ་འཛིན་པའི་རྣམ་འགྱུར་དེ་རེད། ལྔ་དང་ལྔ་བཅུའི་ཚོགས་འདུ་འདི་ནི་སྲིད་སྐྱོང་གིས་གཉེར་བའི་ཚོགས་འདུ་ཞིག་ཡིན་དུས།
བོད་ཀྱིས་སྐད་ཡིག་རིག་གཞུང་གིས་གནས་བབ་ལ་དཔྱད་པའི་ཀ་བཤད།
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས།
ཀ་ཁའི་འོག་ཏུ་འཚོ་བའི་བོད་རིགས་སྤུན།།
ཁ་ནས་གླེང་རྒྱུ་སྐད་ཡིག་རིག་གཞུང་རེད།།
ག་པར་ཡིན་ཀྱང་ཕྱི་སྐད་གླེང་མཁན་རེད།།
ང་ཚོ་བོད་མིའི་ལས་དབང་འདི་ལ་ལྟོས།།
ཅ་ཅོ་མ་མང་རང་ལུགས་སྲུངས་ན་དགའ།།
ཆ་ལུགས་བཟང་བའི་ཕ་མེས་རིག་གཞུང་ལ།།
དེ་ལས་མང་བ་། “བོད་ཀྱིས་སྐད་ཡིག་རིག་གཞུང་གིས་གནས་བབ་ལ་དཔྱད་པའི་ཀ་བཤད།” »
གླང་ཆེན་ཞིག་བསད་པ།
རྗོར་རྗི་ ཨོར་ཝེལ།
རྩམ་པ་རྒྱལ་གྱིས་བསྒྱུར།
འབར་མའི་སྨད་ཕྱོགས་ མོལ་མེན་ དུ། ངའི་སྟེང་ལ་སྙིང་ནད་ཡོད་མཁན་གྱི་མི་ཧ་ཅང་མང་པོ་རེད། ངའི་མི་ཚེ་འདིར། ང་རང་དེ་ལྟའི་ཁོང་ཁྲོ་ལངས་རིན་ཡོད་ས་གལ་ཆེན་ཞིག་ཏུ་གྱུར་བའི་དུས་སྐབས་གཅིག་པུ་དེ་རེད། ང་གྲོང་རྡལ་དེའི་ཉེན་རྟོག་ལས་ཁུངས་ཀྱི་མགོ་བ་ཡིན། དམིགས་ཡུལ་དང་ཉེན་ཁ་ཆེན་པོ་མེད་རུང་། དེ་རུ་ཡུ་རོབ་པ་ཚོར་སྡང་བའི་སེམས་ཚོར་ནི་ཧ་ཅང་གནག་པོ་རེད། མི་སུ་ལའང་ངོ་ལོག་གི་རུ་སྣ་འདྲེན་རྒྱུའི་བློ་ཁོག་མེད་ཀྱང་། ཡུ་རོབ་པ་བུད་མེད་ཅིག་ཁྲོམ་དེ་རུ་ཁེར་མོ་འགྲོ་གིན་ཡོད་ཚེ་ཕལ་ཆེར་མི་ཞིག་གིས་མོའི་གྱོན་གོས་ཀྱི་སྟེང་ལ་ཁ་མུར་ལོ་མའི་[1]མཆིལ་མ་གཡུག་ཡོད། ཉེན་རྟོག་ལས་བྱེད་ཅིག་ཡིན་པའི་ཆ་ནས་ང་ནི་དམིགས་འབེན་གསལ་ཤོས་ཤིག་ཡིན། ག་དུས་སྟབས་བདེ་ན་དེ་དུས་ཐུབ་ཚོད་དང་ཁྱད་གསོད་བྱེད་པ་ནི་རྒྱུན་ལྡན་རེད། རྐང་རྩེད་སྤོ་ལོའི་ཐང་དེ་རུ་རྩེད་འགྲན་དཔང་མི་དེ་ཁ་ཕར་འཁོར་ནས་ཡོད་སྐབས་ (ཁོའང་འབར་མ་ཞིག་ཡིན།) འབར་མའི་རྐང་སྤོལ་རྩེས་མཁན་འཁྱུག་རྩལ་ཅན་ཞིག་གིས་རྩེད་ཐང་གི་སྣེ་གཞན་པ་དེ་ནས་ང་ཉྭ་དཀྲིས་ལ་བླངས་ནས་རྫོག་པ་དང་། ལྟད་མོ་ལྟ་མཁན་དག་གིས་རྒྱལ་ཁའི་ཀི་ལྡིར་བྱེད་ཡོང་།
གྲོང་ཁྱེར། བློ་བཟང་ཉི་མ།
རང་བཙན་གྱི་བདེན་དཔང་ནི་ཐུན་མོང་གི་གཞི་རྟེན་ཞིག་ཡིན།
རས་པ།
མི་མང་པོ་ཞིག་གིས་དེང་སྐབས་བོད་དོན་དང་འབྲེལ་བའི་རྩོམ་ཡིག་འབྲི་རྒྱུར་འཛེམ་ཟོན་མི་བྱེད་ཐབས་མེད་དུ་གྱུར་དོན་ཅི་ཡིན་ནམ། སྤྱི་ཚོགས་ཀྱི་གླེང་སློང་འཕེལ་ཕྱོགས་ཤིག་གིས་ཐ་ན་ཁ་གྲགས་རྒྱུའང་དཀའ་བའི་དུས་ཚོད་ཅིག་ཏུ་སླེབས་ཡོད། དེ་ནི་ཕལ་ཆེར་རིམ་བསྟུན་དུ་བྱུང་བའི་བཙན་བྱོལ་སྤྱི་ཚོགས་ཀྱི་ལོག་ལམ་ཞིག་དང་འབྲེལ་བ་ཡོད་པ་རེད། ལོ་ངོ་བཅུ་མ་ཟིན་ཙམ་གྱི་གོང་ངམ་སྐུ་ཞབས་ཚེ་དབང་རིག་འཛིན་གཞོན་ལྷན་ཚོགས་གཙོ་ཡིན་པའི་སྐབས་སུ་གཞོན་ནུ་ལྷན་ཚོགས་ལ་ནང་འགལ་གྱི་རྙོག་དྲ་བྱུང་ཞིང་། འགལ་བའི་སྒུལ་སྣེ་ནི་རང་བཙན་དང་དབུ་མའི་ལམ་གྱི་ལངས་ཕྱོགས་སྟེང་དཀྱོག་ཟིན་པ་རེད། སྔར་ནས་རང་བཙན་དང་དབུ་མའི་ལམ་གྱི་ལངས་ཕྱོགས་ནི་མི་སྒེར་ཕན་ཚུན་དབར་གྱི་འདོད་མོས་དང་།
དེ་ལས་མང་བ་། “རང་བཙན་གྱི་བདེན་དཔང་ནི་ཐུན་མོང་གི་གཞི་རྟེན་ཞིག་ཡིན། ” »
བོད་ཀྱི་ཡིག་ཟམ་འདོན་ཐེངས་དྲུག་པའི་རྩོམ་སྒྲིག་པའི་གཏམ།
བོན་རྒྱ་བསྟན་འཛིན་རབ་རྒྱས་ཀྱིས་འོས་སྦྱོར་བྱས།
སྤྱི་ཚོགས་ནི་འགལ་འདུའི་རྣམ་པ་ཅན་དང་། འཐབ་རྩོད་ཀྱི་རང་བཞིན་ཅན་ཞིག་ཡིན་པས། ནམ་དུའང་འགལ་འདུ་དང་འཐབ་རྩོད་ལ་རྒྱུན་ཆད་པ་མེད། མུ་འབྲེལ་གྱི་འགལ་འདུ་དང་འཐབ་རྩོད་བརྒྱུད་མི་རིགས་དང་རྒྱལ་ཁབ་ཚུགས་ཀྱིན་ཡོད་ལ། མི་རིགས་དང་རྒྱལ་ཁབ་འཐོར་གྱིན་ཡང་ཡོད། ལྷག་པར་རྒྱལ་དོན་དང་འབྲེལ་བའི་འགལ་འདུའི་བསམ་བློ་དང་འཁྲུག་ཆ་ཆེ་བའི་སྤྱོད་པ།
དེ་ལས་མང་བ་། “བོད་ཀྱི་ཡིག་ཟམ་འདོན་ཐེངས་དྲུག་པའི་རྩོམ་སྒྲིག་པའི་གཏམ།” »
ཤྲཱིཿཨེ་མ་ཧོའི་ཞེ་བློ་བདེ་མགུར།།
ཨེ་མ་ཧོ།
ཆུང་ནས་བླ་མ་དམ་པས་རྗེས་སུ་བཟུང་།།
དར་ནས་ཐོས་བསམ་སྒོམ་པས་ལང་ཚོ་རྒྱས།།
ཆེ་ནས་དམ་པའི་ཆོས་ཀྱི་ཕྲིན་ལས་སྤེལ།།
མི་ངན་རུལ་བ་ཟེར་ཀྱང་ཞེ་བློ་བདེ།།
ངེས་འབྱུང་ཚུལ་ཁྲིམས་ས་གཞི་བཀྲ་ཤིས་ཤིང་།།
བྱང་སེམས་ཏིང་འཛིན་ལྗོན་བཟང་བདེ་ལེགས་འཕེལ།།
བྱ་རུང་ཁ་ཤོར། མེ་ལོང་མའི་འགྲོས།
ཨཙཱརྱ་ཨག་ལོ་ཡིས།
སུམ་རྩེན་གནས་དེ་དག་པའི་ཞིང་ལ་བྱས། །
བྱ་རུང་ཁ་ཤོར་བལ་པོའི་ཡུལ་དུ་བཞེངས། །
མདོར་ན་གནས་ཀྱི་ཁྱད་པར་ཙམ་ཞིག་ལས། །
འབྱེད་ཆོས་གཞན་ནི་རི་བོང་རྭ་ལ་བསྒྲུན། །
བྱ་རུང་ཁ་ཡི་གྲགས་པའི་རྒྱལ་མཚན་ལ། །
རྒྱ་གར་གསེར་གྱི་མཆོད་རྟེན་སྙེམས་མི་ཉེན། །
དགེ་སློང་བསམ་གཏན་ལ་གདམས་ངག་ཡེ་ཤེས་མེ་ལོང་།
ཨེ་མ་ཧོ།
ན་མོ་གུ་རུ་བུདྡྷ་ཛྙཱ་ན་ཡེ།
སྐྱབས་གནས་རྒྱ་མཚོའི་སྤྱི་གཟུགས་བླ་མ་རྗེ།།
འདི་ཕྱི་བར་དོར་མི་ཕྱེད་དད་གུས་བཅས།།
སྙིང་ནས་རྩེ་གཅིག་ཡིད་ཀྱིས་གསོལ་བ་འདེབས།།
གདམས་པའི་གཏམ་འདི་གཞན་ལ་སྨིན་གྱུར་ཅིག།
དལ་འབྱོར་མི་ལུས་རིན་ཆེན་ཐོབ་པའི་ཚེ།།
འཇིག་རྟེན་འཁོར་བ་མི་རྟག་ལེགས་ཤེས་ནས།།
ཨ་གསར།
འདྲེ་གླེན་པས།
དཀྲོགས་གཏམ་རླུང་ཁར་གཟན་པའི་ཡུགས་མོ་ཡི་གཤིས་ལ།།
ཕོ་ལུས་མོ་སྙིང་ཅན་མའི་རྣམ་ཤེས་ཤིག་འཁོར་བ།།
ཨ་གསར་ཁྱི་མོ་འཁྱམས་མོའི་ཟུག་སྐད་ལ་བརྒྱུས་པའི།།
མགོ་བདེ་དྲན་འཕྲུལ་ཅན་གྱི་མི་ཚོགས་འདིར་སྐྱོ་བ།།
འགྲམ་ནས་དགོད་ཙམ་བྱེད་པའི་ངོ་གདོང་གི་འཛུམ་དཀར།།
བསླུ་བྲིད་རྒྱ་མོ་འཕྱོན་མའི་འགྲན་ཟླ་རུ་བསློངས་བ།།
༅༅།། རྡོ་གྲུབ་ཆེན་རིན་པོ་ཆེ། ཚེ་དང་སྒྲུབ་པ་མཉམ་པའི་ལོ་རྒྱུས་ཀྱི་བླ་ཆེན་ཞིག།
རྔ་བ་རྒྱལ་ཁམས་པ།
རྡོ་གྲུབ་ཆེན་ཞེས་པའི་མཚན་གྱི་དོན་ནི། རྡོ་ཞེས་པ་རྡོ་གྲུབ་སྐུ་ཕྲེང་དང་བོ་འཇིགས་མེད་འཕྲིན་ལས་འོད་ཟེར་གྱི་འཁྲུངས་ས་མགོ་ལོག་རྡོ་ཡུལ་ཡིན་པས་རྡོ་དང་། གྲུབ་ཆེན་ཞེས་པ་ནི་བླ་མ་འདིས་སྟོད་ཧོར་གྱི་དམག་བཟློག་པས། དགའ་ལྡན་ཕོ་བྲང་བས་ཆེ་བསྟོད་དུ་སྩལ་བའི་མཚན་ཞིག་ཡིན་འདུག་པས། དོན་དངོས་ཐོག་རྡོ་གྲུབ་ཆེན་ཞེས་པའི་མཚན་དེ་བླ་མའི་འཁྲུངས་ཡུལ་དང་། རྒྱལ་བོའི་ཆེ་བསྟོད་གཉིས་ལས་གྲུབ་པའི་ལོ་རྒྱུས་ཀྱི་མཚན་གནས་དམིགས་བསལ་བ་ཞིག་རེད།
དེ་ལས་མང་བ་། “༅༅།། རྡོ་གྲུབ་ཆེན་རིན་པོ་ཆེ། ཚེ་དང་སྒྲུབ་པ་མཉམ་པའི་ལོ་རྒྱུས་ཀྱི་བླ་ཆེན་ཞིག།” »
སྐྲན་གྱི་དེབ་གསར་མཚམས་སྦྱོར།
ཁྲོ་གཏུམ།
རྩོམ་པ་པོ་ཁོང་གི་དངོས་མིང་ལ་རྡོ་རྗེ་ཚེ་རིང་དང་། མིང་གཞན། ཐོར་རྒོད་པ་སྤྱན་ཆབ། སྐྲན། ཚངས་སྲས་བཞད་པའི་རྡོ་རྗེ་སོགས་འབོད།
དུས་རབས་ཉི་ཤུ་པའི་ལོ་རབས་བརྒྱད་ཅུ་པར་བོད་དུ་སྐྱེས་ཏེ་ཆུང་དུས་ནས་སློབ་གྲྭར་འགྲོ་བའི་གོ་སྐབས་ཐོབ། གཙོ་ཆེར་མདོ་སྨད་ཀྱི་ཆོས་སྡེ་ཆེན་པོ་བླ་བྲང་བཀྲ་ཤིས་འཁྱིལ་དུ་བོད་ཀྱི་རིག་གནས་ཆེ་ཆུང་ལ་བག་ཆགས་བཞག
ཕྱི་ལོ་ ༢༠༠༣ ལོ་ནས་རྩོམ་འབྲིའི་ལས་ལ་ཞུགས་
རོ་ཐང་།
རས་པ།
རོ་ཐང་དུ།
ངས་རང་ཉིད་རླུང་དང་སྤྲིན་པའི་གཤོག་པར་བཏགས།
སྨུག་པའི་གསེང་གི་གངས་རི།
གནའ་བོའི་གླུ་སྐད་ཀྱི་མཛེས་པར་བསྙེས་ཤིང་།
སྤང་ཐང་གི་ང་རྒྱལ་འཁྱེར་བའི་སེར་ཆེན་འདི་དག
སུ་ཞིག་གི་བསླུ་བྲིད་དང་འགྲོགས་ནས་རྒྱ་གར་དུ་ཡོང་ངམ།
ལོ་ངོ་བཅུ་ཕྲག་སྔོན་དུ།
རང་གི་བུ་ལ་གདམས་པ།
དུར་བྱང་གིས་བརྩམས།
སྐྱེས་ནས་འཆི་བར་མངོན་དུ་ཕྱོགས།།
དུས་བཞིའི་ངོ་བོ་ཉིད་དང་མཚུངས།།
རྨི་ལམ་ལྟ་བུའི་ཁང་བཟང་ལས།།
རྟག་པར་སྡོད་པ་འཁྲུལ་བའི་གཞི།།
འོན་ཀྱང་འཚོ་བའི་གནས་སྐབས་སུ།།
མེས་པོའི་གཤིས་ལ་འབད་པར་གྱིས།།
ཤེས་བྱའི་སྦྲང་རྩིའི་བཅུད་འཐུང་ནས།།
དྲི་མེད་སེམས་ཀྱི་མཆོད་པ།
མི་ཉག་ཀུན་དགའ་བཀྲ་ཤིས།
ཡ་གིའི་རི་བོ་མཐོན་པོ།།
ཉིལ་ནས་ལེབ་མོར་གྱུར་ཀྱང་།།
སེམས་ཀྱི་མུ་ཁྱུད་ཅན་འདི།།
སྔར་བཞིན་བརྗིད་ནས་གནས་ཡོད།།
ཕ་གིའི་ཡངས་པའི་རྒྱ་མཚོ།།
བསྐམ་ནས་སྟོང་པར་གྱུར་ཀྱང་།།
མུ་མེད་སེམས་ཀྱི་ཆུ་གཏེར།།
ངའི་ལང་ཚོ།
ཨཱཙཱརྱ་ཨག་ལོ་ཡིས།
༼ངའི།༽
ཡོད་ཚད་ལ་དཔྱིད་དཔལ་རྒྱས་ཤིང་ཐམས་ཅད་ལ་ཚེ་སྲོག་འཕར་མ་ཞིག་སྦྱིན་པའི་ནམ་ཟླ་དེར། ཁོ་བོས་ཨ་མའི་ནུ་ཞོ་ལྡུད་མཚམས་བཞག་སྟེ་རྒྱབ་ཏུ་དཔེ་ཁུག་ཆུང་ཆུང་ཞིག་འཁྱེར་ནས་སློབ་གླིང་གི་སྒོ་གླེགས་ཐོག་མར་བརྡུངས། དེ་དུས་ཁོ་བོ་ནི་རིག་པའི་མདའ་རྩེ་རྣོ་ལ་དྲན་པའི་གཞུ་མོ་ཡང་ཤིན་ཏུ་སྐྱེན། ཁྱད་པར་ལྷག་བསམ་གྱི་རང་མདངས་གངས་རིར་འདྲེས་ཤིང་སེམས་རྒྱུད་བལ་སྐུད་ལས་མཆེད་པའི་བྱིས་པ་སྣབས་ལུད་པ་ཞིག་ཡིན། ཕ་མ་དང་དགེ་རྒན་སོགས་ཀྱིས་བསྔགས་བརྗོད་ཀྱི་མེ་ཏོག་
མིག་ཆུས་བཀྲུས་པའི་མུ་ཏིག (གླེང་རྩོམ)
རྫ་ཚེ་རིང་བཀྲ་ཤིས།
རྫ་དྲེལ་དཀར་དགོན་གྱི་མཆོག་སྤྲུལ་རིན་པོ་ཆེ་ཕྲིན་ལས་རྣམ་རྒྱལ་སྐུ་གཤེགས་པའི་རྗེས་དྲན་དུ་ཕུལ་བའི་གླེང་རྩོམ་རིང་མོ།
(ཞུས་དག་ཡག་པོ་བྱེད་མ་ཁོམ་པས་ཡིག་ནོར་བཏགས་ནོར་ཡོད་ངེས། མཆན)
བླ་མ་ལ་ཕྱག་འཚལ་ལོ། །
ཁར་རྩང་རེས་གཟའ་ཉི་མའི་ཉིན་དྲ་སྒོ་ཕྱེས་ནས་ལྟ་སྐབས་སྤུན་མཆེད་བཙན་ལྷ་ནས་སྤྲུལ་སྐུའི་འདས་མཆོད་ཟིན་གྲབ་ཡོད་པས་རྗེས་དྲན་གྱི་རྩོམ་ཡིག་ཅིག་ཕྲིས་ཤོག་ཅེས་འཕྲིན་ཐུང་ཞིག་བཏང་འདུག
མི་ཉག་གི་ལོ་རྒྱུས་ཚིགས་སུ་བཅད་པ་མི་ཉག་གངས་དཀར་རི་བོའི་རང་མདངས།
མི་ཉག་སྐལ་བཟང་།
སེ་རྨུ་ལྡོང་སྟོང་རུས་ཆེན་བཞི།།
ནང་གསེས་སྡེ་ཚན་ལྡོང་གི་རྒྱུད།།
རྒྱ་བོད་ཧོར་ཀྱི་ས་མཚམས་སུ།།
མི་ཉག་ཅེས་པ་བྱུང་བ་གྲགས།།
མི་ཉག་མིང་གི་རྣམ་གྲངས་སུ།།
ལྡོང་དང་ལྡོང་པ་ལྡོང་བྱང་ངོ་།།
དེ་ལས་མང་བ་། “མི་ཉག་གི་ལོ་རྒྱུས་ཚིགས་སུ་བཅད་པ་མི་ཉག་གངས་དཀར་རི་བོའི་རང་མདངས།” »
གསོལ་འདེབས།
༄༅།། བཀུར་འོས་དགའ་ལྡན་ཕོ་བྲང་བའི་དྲུང་ཆེ་སོགས་དབུ་ལས་ལྷན་རྒྱས་ཀྱི་དྲུང་དུ།
ལྷར་བཅས་འགྲོ་བའི་མགོན་དཔུང་མཚུངས་ཟླ་མ་མཆིས་པ་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་ཞལ་སྔ་ནས་ཀྱིས་དགུང་གྲངས་བཅུ་དྲུག་ཐོག་ནས་བཟུང་དེ་རིང་གི་བར་དུ་བོད་མི་རིགས་རིག་གནས་དང་བཅས་པའི་ཆེད་དུ། ཀུན་མཁྱེན་དོལ་པོ་སངས་རྒྱས་ཀྱིས། གལ་ཏེ་གཞན་ལ་ཕན་གྱུར་ན།། རང་གི་དོན་ལ་ལྟོས་མེད་པར།། ངན་སོང་གསུམ་གྱི་སྡུག་བསྔལ་ཡང་།། གཞན་གྱི་དོན་དུ་བཟོད་པར་ཤོག། ཅེས་གསུངས་པ་ལྟར།དུས་ཚོད་སྐར་ཆ་གཅིག་ཙམ་ཡང་ངལ་གསོ་མེད་པར་སྐུ་ངལ་བསྐྱོན་གནང་མཛད་པ་ཡིན་མོད། སྐབས་འཚོལ་བ་རྣམས་ཀྱིས་བཀའ་དྲིན་བསམ་ཤེས་བྱེད་རྒྱུ་ལྟ་ཅི། རང་དོན་འབའ་ཞིག་བསྒྲུབ་ཆེད་༧གོང་ས་ཡིད་བཞིན་ནོར་བུ་བཀོལ་སྤྱོད་བྱེད་རྒྱུ་མང་དྲགས་པས།
པདྨ་འབུམ་དང་གླེང་མོལ།
སྐྱོ་བྲག་དགའ་དབང་།
ཨ་རིའི་གྲོང་ཁྱེར་ནེའུ་ཡོཀ་ནས། ཨ་མདོ་བ་པདྨ་འབུམ་མཇལ་བྱུང་། ཁོང་གིས་བདག་གཉེར་བྱས་པའི་ཁ་བརྡ་དྲ་བར་རང་རོགས་ཀྱི་རྩོམ་དུམ་ཆོ་ཡོད་ལ་མེད་མང་པོ་ཞིག་འགོད་སྤེལ་བྱ་མྱོང་ཡོད་པས། ངས། ཁོང་ལ། བཀའ་དྲིན་ཆེ། ཞེས་ཞུས་པ་ཡིན། ཁོང་ནི་བོད་པའི་སྤྱི་ཚོགས་ནང་ནས་ཤེས་ལྡན་མི་སྣའི་གྲས་རེད། ངེད་གཉིས་ཤེས་ཡོན་གྱི་ཐད་ནས་ལབ་གླེང་མང་དག་བྱས་པ་ཡིན།
