དགའ་བ་མཇེ་ཕྲུག
རིག་ན་དགའ་བ་སྟོང་གིས་སེམས་པ་བརྟས།།
རེག་ན་སྤྲོ་བ་འབུམ་གྱིས་ལུས་པོ་རྒྱས།།
ཁ་མངར་ཟས་ཀྱི་གཤིས་དང་ཡོངས་འདྲ་བའི།།
སྐྱེས་གཟུགས་མཛེས་པའི་སྨིན་ལེགས་བུ་མོ་སྒེག །
རིང་བའི་ས་ནས་ཁྱོད་ཉིད་མཐོང་ན་འདོད།།
ཉེ་བའི་གམ་ནས་ཁྱོད་དང་མཉམ་ན་བསམ།།
བི་ཀྲ་མ་ལ་ཤཱི་ལའི་གཙུག་ལག་ཁང།
རེ་མདོ་སེངྒེ་།
༄༅།།བི་ཀྲ་མ་ལ་ཤཱི་ལ་ཞེས་པ་ནི་བོད་སྐད་དུ་ཚུལ་ཁྲིམས་ཀྱི་དྲི་ངད་ལྡང་བ་ཞེས་པའི་དོན་ཡིན་པ་དབྱངས་ཅན་དགའ་བློས་གསུངས་ཤིང། མཁྱེན་བརྩེ་ལོ་ཙཱ་བས། བི་ཀྲ་མ་ཤཱི་ལ་ཞེས་པ་རྣམ་པར་གནོན་པའི་ངང་ཚུལ་དུ་བསྒྱུར་དགོས་པ་ཡང་ གསུངས། དགོན་གནས་འདི་ཐོག་མར་པཱ་ལའི་རྒྱལ་རྒྱུད་ཀྱི་ཆོས་རྒྱལ་ངྷརྨ་པཱ་ལའི་སྐུ་དུས་སུ་བཞེངས་པ་ཞིག་ཡིན་ལ། རྒྱལ་པོ་འདིས་རྒྱལ་སྲིད་ལོ་དྲུག་ཅུ་རྩ་བཞིར་བསྐྱངས་པའི་རིང་ཀཱ་མ་རཱུ་པ་དང། ཏི་རཱ་ཧུ་ཏི་དང། གཽ་ཌ་ལ་སོགས་པ་ཡང་དབང་དུ་བསྡུས་པས་མངའ་ཐང་ཤར་དུ་རྒྱ་མཚོ་ལ་ཐུག་པའི་བར་དང། ནུབ་ཏུ་ཌི་ལི་ཚུན་ཆད། བྱང་དུ་ཛཱ་ལན་ངྷ་ར་མན་ཆད། ལྷོ་འབིགས་བྱེད་ཀྱི་ཁོངས་ཚུན་ཆད་ལ་དབང་བསྒྱུར་བས་མངའ་ཐང་ཤིན་ཏུ་ཆེ་བའི་རྒྱལ་པོ་སྙན་གྲགས་ཅན་ཞིག་ཡིན། ཆོས་རྒྱལ་ངྷརྨ་པཱ་ལས་སློབ་དཔོན་སེངྒེ་བཟང་པོ་དང།
སེམས་གཏིང་གི་འཚམས་ཕྲིན།
རྫ་ཚེ་རིང་བཀྲ་ཤིས།
བླ་མ་ལ་ཕྱག་འཚལ་ལོ། །
བརྩེ་བའི་སྤུན་ཟླ་དགེ་རྩེ་སྐལ་བཟང་རྡོ་རྗེ་དང་། དགེ་རྩེ་རྒྱ་མཚོ་ཁྱེད་ཐེངས་རང་རེ་དཔལ་ངེས་གསང་སྔ་འགྱུར་རྙིང་མའི་དབུ་འཛིན་༧སྐྱབས་རྗེ་དགེ་རྩེ་རིན་པོ་ཆེ་ཟླ་འདིའི་བོད་ཚེས་༡༡ དང་སྤྱི་ཚེས་བཅོ་བརྒྱད་ཉིན་གློ་བུར་སྐུ་གཤེགས་པའི་རྐྱེན་ཆག་འདི་སྤྱིར་གསང་སྔགས་སྔ་འགྱུར་བའི་བསྟན་པའི་གོད་ཆག་ཡིན་པ་ཙམ་མ་ཟད། ཁྱད་པར་དུ་ཁྱེད་བུ་སྤུན་ནང་མི་ཚོའི་ངོས་ནས་ཀྱང་སེམས་ལ་དཀའ་ངལ་དང་གདུང་བ་ཆེན་པོ་དམིགས་བསལ་ཞིག་གིས་ནོན་བཞིན་ཡོད་པ་ངས་ཚོར་ཐུབ་ཀྱི་འདུག ཁར་རྩང་གནས་ཚུལ་རགས་རིམ་ཙམ་གོ་བྱུང་ལ། དེ་རིང་ཁྱེད་ཀྱི་རྒྱབ་ལྗོངས་སུ་བཞག་པའི་གཞུང་ཕྱོགས་གསལ་བསྒྲགས་ལས་ཡོངས་སུ་གསལ་པོ་ཆགས་སོང་།
ངས་དེ་རིང་སྤྱིར་བཏང་
རྨི་ལམ་ནག་པོའི་བརྡ་ཡིག
ཀྱེ་མ་ཧོ།
ནམ་གསལ་ཆའི་ཐོ་རངས་དང་པོ་ལ།།
མཚན་རྨི་ལམ་ནག་པོ་འདི་ལྟར་བྱུང་།།
བུ་ཡིད་ཆེས་འཁན་ལ་བརྡ་ཞིག་བསྟན།།
རྐྱེན་བར་ཆད་མེད་པའི་སྨོན་ལམ་ཡོད།།
༼༡༽
གངས་དཀར་པོ་ཁྲག་ནག་ཆར་པས་གཡོགས།།
གནམ་ཉི་ཟླ་གཟའ་ཡིས་བཟུང་བ་རྨིས།།
རྗེ་ས་སྐྱ་བདག་ཆེན་རིན་པོ་ཆེ་མཆོག་གི་ཞབས་དྲུང་དུ་མི་ལོ་བཅུ་གསུམ་བསྡད་པའི་བརྗེད་ཐོ།
ཀླུ་སྨྱོན་ཧེ་རུ་ཀ
ཟླ་ལྔ་པའི་ཚེས་བདུན། དེ་རིང་ནི་རྗེ་ས་སྐྱ་པ་ཆེན་པོ་བདག་ཆེན་འཇིགས་བྲལ་རྡོ་རྗེ་འཆང་མཆོག་འོད་གསལ་ཆོས་སྐུའི་དབྱིངས་སུ་ཞི་བར་གཟིམས་ནས་ལོ་གཉིས་ཏག་ཏག་འཁོར་བའི་ཉིན་མོ་རེད།
དཔལ་ས་སྐྱ་པ་ཆེན་པོ་བདག་ཆེན་རིན་པོ་ཆེ་འཇིགས་བྲལ་ངག་དབང་ཀུན་དགའ་བསོད་ནམས་ནི་གུས་པའི་རྩ་བའི་བླ་མ་རྣམ་པའི་གྲས་ནས་ཆོས་དང་ཟང་ཟིང་གཉིས་ཐད་ནས་བཀའ་དྲིན་བསམ་ཡུལ་ལས་འདས་པ་ཞིག་ལགས། གུས་པ་ཨ་རིར་མ་བསླེབས་སྔོན་ཁྲ་རིག་དགོན་པའི་འདུ་ཁང་གི་ཡང་ཐོག་ཏུ་ལན་གཅིག་ཕྱག་དབང་ཞུས་པ་མ་གཏོགས་དེ་སྔོན་མཇལ་མ་མྱོང་། བོད་དུ་ཡོད་དུས་ཨ་ལགས་དུང་དཀར་བློ་བཟང་འཕྲིན་ལས་ཀྱིས་མཛད་པའི་དེབ་དམར་མཆན་འགྲེལ་ལས་ས་སྐྱའི་བདག་ཆེན་ངག་དབང་ཀུན་དགའ་བསོད་ནམས་ཨ་རིར་བཞུགས་པ་ཞེས་པ་ཙམ་ཞིག་མཇལ་བ་མ་གཏོགས། ས་སྐྱའི་གོང་མ་རྣམ་ལྔ་ཡོངས་གྲགས་ཡིན་པ་ལས་གཞན་བདག་ཆེན་ཨ་མེས་མཛད་པའི་ས་སྐྱའི་གདུང་རབས་རིན་ཆེན་བང་མཛོད་ལོ་མང་སྔོན་མཇལ་བ་དང་། བལ་ཡུལ་དུ་ཡོད་དུས་ས་སྐྱའི་ཆོས་བརྒྱུད་ངོ་སྤྲོད་ཀྱི་དེབ་ཅིག་རྩོམ་སྐབས་བདག་ཆེན་པོ་ཆེ་དང་ཁོང་གི་གདུང་སྲས་རྣམ་པ་ཨ་རིར་བཞུགས་པའི་སྐོར་ཕྲན་བུ་དེབ་དེའི་ནང་འབྲི་རྒྱུ་བྱུང་། ཡིན་ན་ཡང་སྐབས་དེར་ཨ་རིར་བདག་ཆེན་རིན་པོ་ཆེར་མཇལ་བའི་སྐལ་བ་ལྡན་པ་ཞིག་རྨི་ལམ་དུ་ཡང་འཁོར་མ་མྱོང་།
དེ་ལས་མང་བ་། “རྗེ་ས་སྐྱ་བདག་ཆེན་རིན་པོ་ཆེ་མཆོག་གི་ཞབས་དྲུང་དུ་མི་ལོ་བཅུ་གསུམ་བསྡད་པའི་བརྗེད་ཐོ།” »
ཁ་བས་གཡོགས་པའི་གཞུང་ལམ།
(རྩོམ་ཡིག་འདི་ནི་ཕ་ཡུལ་གྱི་ མང་ཆུ་ ཞེས་པའི་ལོ་དེབ་སྟེང་བཀོད་པའི་རྩོམ་ཡིག་ཅིག་ཡིན།)
ཀླུ་སྨྱོན་ཧེ་རུ་ཀ
གངས་སྨུག་སྟུག་པོ་ཞིག་གིས་ཨ་མྱེས་གླང་ཆེན་གྱི་རི་རྒྱུད་ཡོངས་སུ་བཏུམས་ཤིང་། ཉིན་གསུམ་རིང་མུ་མཐུད་དུ་བབས་པའི་ཁ་བའི་ཀློང་དུ་འཐེན་པའི་གཞུང་ལམ་ཞིག་མདོ་རྩེ་ཉག་ག་ནས་མཐོང་ཙམ་ཡལ་ཙམ་བྱེད། ས་འདི་ནས་མི་སེམས་འགུལ་བའི་གཏམ་རྒྱུད་ཅིག་མགོ་བརྩམས་བྱུང་ཨང་།
“རེམ་མ་ལོངས། རེམ་མ་ལོངས། དོན་དག་ཅིག་བྱུང་འདུག” སྡེ་དཔོན་ཚངས་དབྱངས་ཀྱིས་གཉིད་མཐུག་པོའི་ཀློང་དུ་ཡོད་པའི་རང་གི་བུ་ཟླ་བཟང་གི་དགུན་སློག་མཐུག་པོ་དེའི་གོང་ཁ་ནས་འཐེན་སྤྲུག་བྱེད་ཞོར་དེ་ལྟར་བརྗོད་པ་ན། ཟླ་བཟང་གིས་ཐོལ་གྱིས་ཁོག་སྟོད་དགྱེ་སྟེ། “ཨ་ཕ། ཡང་དོན་དག་ཅི་ཞིག་བྱུང་སོང་།” ཞེས་ཟེར་ཞོར་ཡར་ལངས་ནས་སློག་པའི་ཐུ་པ་ཟུང་གཡས་དཀྲི་གཡོན་དཀྲི་བྱས་པའི་སྟེང་དུ་མེ་ལྕེ་འབར་འདྲའི་སྐེ་རགས་ཤིག་བཅིངས།
ད་སོ་མ་མདོ་རྩེ་ཉག་ཁ་ནས་ཟི་ལིང་ལ་འགྲོ་བའི་སྤྱི་སྤྱོད་རླངས་འཁོར་ཞིག་གངས་འཁྱག་སྟེང་འགྲེད་བརྡར་ཤོར་ཏེ་ལམ་ཟུར་གྱི་གཡང་ལ་ལྷུང་འདུག་ཟེར། ཁྱོད་ཀྱིས་རེམ་མ་སྡེ་བའི་གསར་བུ་གསར་མོ་ཚོར་བརྡ་རྒྱོབས། ངས་རྫོང་ཉེན་རྟོག་ཁང་དང་སྨན་ཁང་ལ་གནས་ཚུལ་ཡར་ཞུ་བྱེད། ཟེར་ཞོར་སྡེ་དཔོན་སྐྱ་རེངས་ཀྱི་འོད་མདངས་མག་མོག་ཅིག་གི་ཀློང་དུ་ཡལ་སོང་།
དེབ་ཐེར་ནག་པོ་འདི་ནས་ཕབ་ལེན་གནང་རོགས།
ཉེ་ཆར་དྲ་ལམ་དག་ན་གུས་པས་བསྒྱུར་པའི་དེབ་ཐེར་ནག་པོའི་སྐོར་གླེང་སློང་བསྐྱར་མ་ཞིག་ཡོང་བཞིན་འདུག་ཅིང་། དེ་ལ་བརྟེན་ནས་འབར་ཞུན་ལགས་ཀྱིས་༢༠༡༨ ལོར་འཕྲུལ་དེབ་ཏུ་བཟོས་པའི་མ་ཡིག་དེ་ཕབ་ལེན་བྱེད་སའི་སྦྲེལ་ཐག་ཁ་བརྡ་དྲ་བར་འཇོག་འདོད་བྱུང་། འཕྲུལ་དེབ་འདི་བཞིན་སེར་བྱེས་རིག་མཛོད་ཆེན་མོའི་དྲ་ཐོག་ན་ཡོད་པའི་འབྲེལ་ཐག་འདི་ཡིན།
སེར་བྱེས་རིག་མཛོད་ཆེན་མོར་བཀོད་པའི་འཕྲུལ་དེབ། འདི་ལ་བསྣུན་ནས་བཞེས་རོགས་གནང་།
ཕྲན་གྱིས་ PDF ཐོག་བཟོས་པའི་འབྲེལ་ཐག་གཤམ་གསལ་ལྟར་ཡིན། འདིར་འདྲ་པར་རིགས་ཀྱང་ལྷན་སྦྱར་གྱིས་བཀོད་ཡོད།
BLACK ANNALS- Goldstein & The Negation Of Tibetan History(all)
གུས་པས་ཅིའི་ཕྱིར་འགྱུར་བཅོས་བྱས་པའི་གནས་ལུགས་སྐོར་གཤམ་གྱི་འགྱུར་བྱང་འདི་ན་གསལ་ཡོད།
བོད་བརྒྱུད་ནང་བསྟན་ཆོས་ལུགས་དབུ་འཁྲིད་རྣམས་ལ།
བསྟན་པའི་རྒྱལ་མཚན་ནས།
དེང་འཛམ་གླིང་ནང་དུ་བོད་བརྒྱུད་ནང་བསྟན་འདི་བཞིན་བསྟན་པ་མདོ་སྔགས་ཟུང་འབྲེལ་ཆ་ཚང་ཞིང་སྤུས་དག་ཡིན་པ་བློ་སྤོབས་བྱེད་བཞིན་པ་གང་ལེགས་ལ། འོན་ཀྱང་བོད་བརྒྱུད་ནང་བསྟན་ནང་གི་འགོ་ཆོས་བརྒྱུད་ཀྱི་དབུ་འཁྲིད་རྣམས་ནས་བླ་སྤྲུལ་མཁན་པོ་དགེ་བཤེས་གྲྭ་བཙུན་སྔགས་པ་སོགས་མང་པོ་ཡོད་པ་ཚང་མ་ལ་སྤྱི་དང་སྒེར་གྱི་འགན་ཆེན་པོ་ཡོད་པར་བརྟེན་དུས་རབས་ཉེར་གཅིག་པ་དང་མཚུངས་པའི་ནང་པ་ཡིན་རྒྱུ་གལ་ཆེ་བར་སོང་གཤམ་གྱི་འབོད་བསྐུལ་དོན་གནད་རྣམས་ལ་དགོངས་པ་རྒྱ་ཆེན་པོ་བཞེས་རོགས་ཞུ།
༼དང་པོ་༽ བླ་མའི་ཡང་སྲིད་ངོས་འཛིན་བྱེད་ལུགས་འདི་བཞིན་རིང་མིན་མཚམས་
དེ་ལས་མང་བ་། “བོད་བརྒྱུད་ནང་བསྟན་ཆོས་ལུགས་དབུ་འཁྲིད་རྣམས་ལ།” »
ཨོ་ཏནྟ་པཱུ་རིའི་གཙུག་ལག་ཁང།
རེ་མདོ་སེངྒེ་།
༄༅།། ཨོ་ཏནྟ་པུ་རི་ཞེས་པ་ནི་བོད་སྐད་དུ་འཕུར་བྱེད་ཀྱི་གྲོང་ཁྱེར་ཡིན་པ་དབྱངས་ཅན་དགའ་བློས་གསུངས་པས། དགོན་པ་དང་འདམས་འབྲེལ་དུ་ཡོད་པའི་གྲོང་ཁྱེར་དེ་ནི་འཕུར་བྱེད་ཀྱི་གྲོང་ཁྱེར་ཞེས་པ་ཡིན་ནམ་སྙམ་པ་ཞིག་རང་བཞིན་གྱིས་བྱུང། སྤྱིར་དགོན་གནས་འདི་ཕྱི་ལོ་དུས་རབས་བརྒྱད་པ་སྟེ་སློབ་དཔོན་སེང་བཟང་གི་སྦྱིན་བདག་ཆོས་རྒྱལ་ངྷརྨ་པ་ལའི་རྒྱལ་རབས་གཅིག་ཙམ་གྱི་སྔོན་དུ་བཞེངས་པར་གྲགས་པས།
༧གོང་ས་ཡིད་བཞིན་ནོར་བུ་མཆོག་དང་འཛམ་གླིང་གི་ཚན་རིག་པ།
རླུང་དམར།
ད་ལྟའི་དུས་རབས་གསར་བའི་གླིང་འདིར་༧སྤྱི་ནོར་༧གོང་ས་སྐྱབས་མགོན་རིན་པོ་ཆེ་མཆོག་ནི་འཛམ་གླིང་ཞི་བདེའི་གསེར་གྱི་དར་ཆེན་བླ་མེད་དེ་ཡིན་ལ། གོ་ལ་ཧྲིལ་བོའི་སྟེང་གི་མི་མང་གིས་ཆེས་དགའ་མོས་བྱེད་སའི་བྱང་ཆུབ་སེམས་དཔའ་ཞིག་རེད། ཁོང་གིས་འཇིག་རྟེན་སྐྱེ་འགྲོའི་ཀུན་ཁྱབ་རིན་ཐང་དང་། རྒྱལ་སྤྱིའི་ཁོར་ཡུག་ལ་དོ་ཁུར། མི་རིགས་དབྱེར་མེད། ཆོས་ལུགས་མཐུན་སྒྲིལ། ཞི་བདེ་མཉམ་གནས། ཐོབ་ཐང་འདྲ་མཉམ། ཕན་བདེའི་བཀའ་སློབ་སོགས་གསུངས་བཞིན་དེང་གི་ཚན་རིག་པའི་མཉམ་དུ་བགྲོ་གླེང་གནང་གིན་ཡོད་པ་ནི་ཆེས་ངོ་མཚར་བའི་སྙིང་རྗེའི་བདག་ཉིད་ཆེན་པོའི་མཛད་འཕྲིན་ཞིག་རེད་འདུག དེའང་།
དེ་ལས་མང་བ་། “༧གོང་ས་ཡིད་བཞིན་ནོར་བུ་མཆོག་དང་འཛམ་གླིང་གི་ཚན་རིག་པ། ” »
༼བཀག་སྡོམ་དང་དབྱེ་འབྱེད་འོག་གི་བོད་ཀྱི་རྩོམ་རིག ཞིབ་འཇུག་སྙན་ཐོ།༽ ཡིག་ནོར་བཟོ་བཅོས་ཀྱི་འབོད་སྐུལ།
བསྟན་འཛིན་མཁྱེན་བརྩེ། ༼རྡ་ས༽
ཟླ་བཅུ་གཅིག་པའི་ཚེས་བཅོ་ལྔ་ཉིན། བོད་ཀྱི་རྩོམ་པ་པོའི་མཐུན་ཚོགས་དང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གཉིས་མཉམ་འབྲེལ་གྱིས་༼བཙན་འོག་གི་རྩོམ་པ་པོའི་ཉིན་མོ་སྲུང་བརྩི་༽ཞུས་སོང་། ཚོགས་འདུ་དེའི་སྟེང་དེ་ནས་༼བཀག་སྡོམ་དང་དབྱེ་འབྱེད་འོག་གི་བོད་ཀྱི་རྩོམ་རིག༽ཅེས་པའི་ཞིབ་འཇུག་སྙན་ཐོའི་དེབ་ཅིག་ཀྱང་བཀྲམས་སོང་། ང་རང་ཉིད་ཀྱང་ཚོགས་འདུར་དངོས་སུ་བཅར་བའི་སྐལ་བ་བྱུང་། མི་གྲངས་བཞི་བཅུ་ལྷག་འཛོམས་འདུག ཚོགས་འདུ་ཚོགས་ཤིང་སྙན་ཐོ་བཏོན་པ་འདི་གནང་སྟངས་ཧ་ཅང་ཡག་པོ་རེད། སྙན་ཐོ་བཏོན་ནས་
བོད་ཀྱི་སྤྱི་སྐད་དང་ཡུལ་སྐད་ཤི་ན་མཉམ་ཤི། གསོན་ན་མཉམ་གསོན་ཐོག་དུར་ཁྲོད་ལ་འགྲོ་མཁན་རེད་འདུག
བསྟན་འཛིན།
དུས་རབས་འདིར། བོད་ལ་ཉེན་ཁ་ཆེ་ཤོས་དེ་བོད་སྐད་འཇིགས་ནས། རྒྱ་སྐད་དང་དབྱིན་སྐད་དེ་དག་བོད་པ་མང་ཆེ་བའི་བཀོལ་སྤྱོད་སྐད་ཡིག་ལ་འགྱུར་འགྲོ་བཞིན་ཡོད། དེ་ལྟར་ཕྱིའི་རྐྱེན་མང་པོ་ཞིག་གིས་སྐད་ཡིག་ཉམས་པའི་རྒྱུ་བྱེད་པ་བདེན་མོད། འོན་ཀྱང་ནང་གི་རྐྱེན་དུ་མ་ཞིག་ལ་ང་ཚོས་ནམ་ཡང་གདོང་ལེན་བྱེད་ཐུབ་མེད།
བོད་ཀྱི་ཟློས་གར་རིག་གནས་སྐོར་གྱི་སྤྱི་བཤད།
འབྲིང་བ་འཇིགས་མེད་ཀྱིས།
༄༅། །སྤྱིར་ཟློས་གར་གྱི་རིག་གནས་ནི། སྙན་ངག་མེ་ལོང་ལས། གང་ཡང་མཚམས་སྦྱོར་ཡན་ལག་དང་། །འཇུག་པའི་ཡན་ལག་མཚན་ཉིད་སོགས། །ལུང་གཞན་དག་ཏུ་བརྗོད་འདི་ཡང་། །རྒྱན་ཉིད་དུ་ནི་བདག་ཅག་འདོད། །ཅེས་གསུངས་པ་ལྟར་སྙན་ངག་གི་ཁོངས་སུའང་གཏོགས་མོད་ཀྱི། འོན་ཀྱང་ཟློས་གར་གྱི་རིགས་པའི་གཞུང་ལུགས་དང་། ཟློས་གར་གྱི་འཁྲབ་གཞུང་། དེ་ལྟ་བུའི་ཟློས་གར་གྱི་རིག་པ་ཇི་ལྟར་བྱུང་བའི་ལོ་རྒྱུས་བཅས་ཆ་ལག་ཡོངས་སུ་ཚང་བའི་རིག་གནས་རང་རྐང་བ་ཞིག་ཡིན་པས། རིག་གནས་ཆུང་བ་ལྔའི་ཡ་གྱལ་དུ་གྲགས་ཤིང་གྲུབ།
སྙན་ངག་གི་བཞེད་མཚམས་སྐོར་གྱི་སྤྱི་བཤད།
འབྲིང་བ་འཇིགས་མེད་ཀྱིས།
༄༅།། སྙན་ངག་མེ་ལོང་བོད་དུ་འགྱུར་བ་ནས་བཟུང་དེ་ཉིད་བོད་ཀྱི་སྙན་ངག་གི་སློབ་དེབ་གཙོ་བོར་གྱུར་ཅིང་། དེ་ལ་བོད་ཀྱི་མཁས་པ་དག་གིས་འགྲེལ་པ་དང་། བསྡུས་དོན། སྤྱི་དོན། ཟིན་བྲིས། སྡོམ་ཚིག དོགས་གཅོད། དཔེར་བརྗོད་སོགས་མཛད་པ་ཤིན་ཏུ་མང་། མཁས་པ་སོ་སོའི་རྣམ་དཔྱོད་ཀྱི་རྩལ་མི་འདྲ་བ་ལས་ཐོན་པའི་འགྲེལ་ཚུལ་མི་འདྲ་བའང་མང་། སྙན་ངག་མེ་ལོང་སློབ་ཁྲིད་བྱེད་མཁན་དང་ཡང་ན་སྙན་ངག་མེ་ལོང་ལ་སློབ་སྦྱོང་བྱེད་མཁན་དང་ཞིབ་འཇུག་བྱེད་མཁན་ཞིག་ཡིན་ཚེ། སྙན་ངག་མེ་ལོང་གི་རྩ་ཚིག་སོ་སོའི་ཐད་ཀྱི་མཁས་པའི་འགྲེལ་ཚུལ་མི་འདྲ་བ་རྣམས་ཁོང་དུ་ཆུད་པའི་ཐབས་ལ་འབད་དགོས་པ་ཤིན་ཏུ་གལ་ཆེ།
ཕ་ཡུལ་དྲན་གཏམ།
ཆབ་ངོམས་ཨ་ཚོགས།
གནས་དྷ་སའི་རི་བོ་རྩེ་མོའི་སྟེང་།།
གངས་དཀར་པོའི་རི་བོ་མཛེས་སྡུག་བསྐྲུན།།
ཤིང་ལྗོན་པ་ལྡེམ་ལྡེམ་ལྕུག་ལྕུག་བྱེད།།
དེ་མཐོང་བ་ཉིད་ལ་ངོམས་ཡུལ་དྲན།།
གནས་གཙུག་ལག་ཁང་གི་སྐོར་ལམ་ནས།།
མི་བགྲེས་པོ་སྐོར་ལམ་དལ་གྱིས་བསྐྱོད།།
རྡོར་གདན་སྐོར་ལམ་གྱི་དྲན་རྟོག་རབ་རིབ།
རེ་མདོ་སེངྒེ་།
༄༅།། རྒྱ་གར་རྡོ་རྗེ་གདན་ནི་ནང་པའི་རྗེས་འཇུག་པ་རྣམས་ཀྱིས་ཐུན་མོང་གིས་དད་པ་ཞུ་ཡུལ་གྱི་གནས་ཆེན་ཁྱད་པར་བ་ཞིག་ཡིན་ལ། ཨེ་ཤ་ཡའི་ཡུལ་གྲུ་སྣ་ཚོགས་ཀྱི་དད་ལྡན་གནས་སྐོར་བ་བརྒྱ་སྟོང་མང་པོ་དང། ནུབ་ཕྱོགས་ཡུལ་ལུང་ཁག་གི་ཤེས་ཡོན་ལྗོངས་རྒྱུ་བ་བཅས། བསམ་བློའི་མོས་པ་དང་ཕྱི་ཚུལ་གྱི་ཆ་ལུགས་མ་འདྲ་བ་ཤིན་ཏུ་མང་པོ་འདུས་སྡོད་ཞུ་སའི་ས་གནས་ཤིག་ཏུ་ཆགས་ཡོད། ཆག་ལོ་ཙཱ་བའི་གནས་ཡིག་དང། ཀུན་མཁྱེན་ཏཱ་ར་ན་ཐའི་རྒྱ་གར་ཆོས་འབྱུང། བཙན་པོ་སྤྲུལ་སྐུའི་འཛམ་གླིང་རྒྱས་བཤད། དགེ་འདུན་ཆོས་འཕེལ་གྱི་གནས་ཡིག་སོགས་སུ་རྡོ་རྗེ་གདན་གྱིས་མཚོན་པའི་རྒྱ་གར་གྱི་ནང་པའི་གནས་ཆེན་ཁག་གི་གནས་ཚུལ་གང་འཚམས་
བོད་ཀྱི་མདུད་པ་ངོ་སྤྲོད་ཀྱི་འཆད་འཁྲིད། “ཁྱེད་ཀྱིས་མདུད་པ་རྒྱག་ཨེ་ཤེས། བོད་ཀྱི་མདུད་པའི་རིག་གཞུང་ཨེ་ཤེས།”
བོད་ལ་མདུད་པའི་རིག་གཞུང་ཕུན་སུམ་ཚོགས་པ་ཡོད་ཅིང་། དེ་དག་ལ་སོ་སོའི་ཁྱད་ཆོས་མི་འདྲ་བའི་མིང་དང་། ལོ་རྒྱུས། བཟོ་དབྱིབས་སོགས་ཤིན་དུ་མཛེས།
ད་རེས་ལ་རྩེའི་གོ་སྒྲིག་འོག བོད་ཀྱི་དམངས་ཁྲོད་རིག་གཞུང་མཁས་དབང་ཚུལ་ཁྲིམས་ལགས་ཕ་ཡུལ་ནས་ཨ་རིར་གདན་འདྲེན་ཞུས་ནས། བོད་ཀྱི་མདུད་པའི་སྐོར་ལ་ངོ་སྤྲོད་དང་མདུད་པ་རྒྱག་སྟངས་ཀྱི་སྦྱོང་བརྡར་འཆད་འཁྲིད་གཅིག་ནེའུ་ཡོག་ལ་འཚོགས་རྒྱུ་ཡིན་པས། ཚང་མས་དོ་སྣང་ཡོད་པ་ཞུ། འཆད་འཁྲིད་འདི་རིན་མེད་ཡིན་པས་ཚང་མས་རྒྱུད་སྤེལ་གནང་རོགས།
འཚོགས་ཡུལ་ས་གནས། ལ་རྩེ་དཔེ་མཛོད་ཁང་། 132 Perry Street, Suite2b, New York, NY 10014
དུས་ཚོད། གཟའ་ཕུར་བུ། ཟླ་བ་11ཚེས་15
ཆུ་ཚོད། 6-8བར།
བོད་ཀྱི་ལོ་རྒྱུས་ནང་སློབ་གྲྭ་ཞེས་པའི་མིང་ནམ་ཞིག་ལ་བྱུང་བ།
རེ་མདོ་སེངྒེ།
༄༅།། སློབ་གྲྭ་ཞེས་པའི་ཐ་སྙད་འདི་ཉེ་རབས་བོད་ཀྱི་སྤྱི་ཚོགས་ཁྲོད་བེད་སྤྱོད་ཆེ་ཤོས་ཀྱི་མིང་ཞིག་ཏུ་གྱུར་ཡོད་ཀྱང། ཐ་སྙད་འདིའི་བྱུང་རིམ་གྱི་ལོ་རྒྱུས་ལ་གཏིང་ཕྱིན་པར་ཞིབ་འཇུག་བགྱིས་པའི་དཔྱད་རྩོམ་ཚད་ལྡན་ཞིག་དེ་སྔོན་མཐོང་མ་མྱོང། ང་རང་གི་ཐོག་མའི་བསམ་ཚོད་ལ་ཐ་སྙད་འདི་དེ་སྔའི་བོད་ཀྱི་བསྟན་བཅོས་དང་མང་ཚོགས་ཀྱི་སྐད་ངག་གཉིས་ཀའི་ནང་བེད་སྤྱོད་མ་བྱས་པའི་ཐ་སྙད་གསར་པ་ཞིག་དང། དེ་ཡང་དུས་འགྱུར་རྗེས་སུ་རྒྱ་ཡིག་ནས་བོད་སྐད་ལ་འགྱུར་བའི་ཐ་སྙད་གསར་པ་ཞིག་ཡིན་ནམ་སྙམ་པའི་རྣམ་རྟོག་ཅིག་རྒྱུན་པར་ཡོད། འདི་ནི་ངའི་བསམ་ཚོད་ཙམ་མ་གཏོགས་ལུང་རིགས་ཀྱི་སྒྲུབ་བྱེད་གང་ཡང་འཚོལ་ཞིབ་བྱེད་ཐུབ་མེད། ང་དང་འདྲ་བའི་མི་མང་པོ་ཞིག་ལ་ཡང་ཐ་སྙད་འདི་རྒྱ་འགྱུར་གྱི་བརྡ་ཆད་གསར་པ་ཞིག་ཡིན་པའི་རྣམ་རྟོག་ཡོད་སྲིད།
དེ་ལས་མང་བ་། “བོད་ཀྱི་ལོ་རྒྱུས་ནང་སློབ་གྲྭ་ཞེས་པའི་མིང་ནམ་ཞིག་ལ་བྱུང་བ།” »
སྣང་བ་བན་བུན།
དགའ་བ་མཇེ་ཕྲུག་ནས།
རི་ནགས་གནས་རི་བསྐོར་ནས་རྐང་ཆུང་ན་རོགས་ཙམ་རེད།།
ཆོས་མཇལ་ཆོས་འདོན་མང་ན་ང་རྒྱལ་རྒྱས་པའི་རྒྱུ་རེད།།
སོ་སོའི་སེམས་པ་གཅིག་དེ་སོ་སོས་བདག་གཅེས་ཤེས་ན།།
ཆོས་དང་འཇིག་རྟེན་གཉིས་ཀྱི་སྙིང་པོ་དོན་གྱི་ནོར་རེད།།
རང་གི་སེམས་པ་གཅིག་དེ་དུལ་བའི་ནུས་ཤིག་མེད་དུས།།
གཞན་སེམས་བརྒྱ་སྟོང་འདུལ་བའི་ཆོས་པ་སུ་ཞིག་ཡོད་རེད།།
རིག་གནས་ཆེ་བ་ལྔའི་ཡ་གྱལ་སྒྲ་རིག་པ།
འབྲིང་བ་འཇིགས་མེད།
༡༽ སྒྲ་རིག་པ་ནི་བརྡ་སྤྲོད་རིག་པ་སྟེ། ཚིག་གི་འཁྲུལ་པ་ཚར་གཅོད་བྱེད་སྒྲ་རིག་པ་ཞེས་གྲགས་ལ། རང་རེའི་སུམ་རྟགས་དག་གསུམ་སོགས་ནི་རང་རེའི་སྒྲ་རིག་པ་ཡིན་ནའང་། བོད་དུ་དར་བའི་རིག་གནས་ཆེ་བ་ལྔའི་ཡ་གྱལ་གྱི་སྒྲ་རིག་པ་ནི་གཙོ་བོར་རྒྱ་གར་ལེགས་སྦྱར་སྐད་ཀྱི་བརྡ་སྤྲོད་རིག་པ་ལ་གོ་ཞིང་། རང་བཞིན་རྐྱེན་དང་རྣམ་འགྱུར་གསུམ། །བརྡ་སྤྲོད་གཞུང་གི་བརྗོད་བྱ་ཡིན། །ཞེས་གསུངས་(དཔང་ལོ་ཆེན་པོའི་གསུང་ཡིན་པ་འདྲ།)པའང་ལེགས་སྦྱར་གྱི་སྒྲ་རིག་པའི་དབང་དུ་བྱས་པ་སྟེ། སྤྱིར་བརྡ་སྤྲོད་རིག་པའི་གཞུང་གི་བརྗོད་བྱ་ནི་
