རྨེ་སྲིབ་ནོར་བུ།
འགལ་ཟླའི་ཚོགས་པ་དང་འདུ་ཤེས།
༡༽དོལ་ཚོགས་ནི། བོད་རྒྱ་ཆེའི་སྲི་ཞུ་བ་ཞིག་ཡིན་ཕྱིན། ༧གོང་ས་མཆོག་གིས་དོལ་རྒྱལ་གསོལ་མཆོད་མི་རུང་བའི་རེ་སྐུལ་དང་བསླབ་བྱ་གནང་སྐབས། ལོག་སྨྲ་འགའ་ཞིག་གིས་ཟིང་འཁྲུག་བསླངས་ཏེ། བོད་གཞུང་དང་འགལ་ཟླའི་ཚོགས་པ་ཞིག་ཏུ་གྱུར་པ་རེད། སྟོང་ལོ་བརྒྱད་པར་བོད་ནང་དམར་གསོད་ཁྲག་སྦྱོར་གྱི་དོན་རྐྱེན་བྱུང་སྐབས། དོལ་ཚོགས་ཀྱིས་ཤ་ཁྲག་རྒྱུད་གཅིག་གི་བརྩེ་འདང་རྨང་མེད་ཐོག་རྒྱ་ཕྱོགས་བཟུང་སྟེ། མི་རིགས་དམེ་གསོད་ཀྱི་བསམ་བློའི་འོག་ཚུར་རྒོལ་བྱས་ཡོད་པ་རེད།
༢༽རྩ་རླུང་ཆོས་འཁོར་ཚོགས་པ་ནི། རྒྱ་ནག་དམར་གཞུང་གིས་དྲག་སྤྱོད་ཀྱིས་རྩ་མེད་གཏོར་བཅོམ་བཏང་རྐྱེན། ཕྱི་བྱོལ་དུ་ཚོགས་པའི་ངོ་བོར་གནས་ཤིང༌། རྒྱ་གཞུང་ལ་ངོ་རྒོལ་བསྟུད་མར་བྱེད་བཞིན་ཡོད། འོན་ཀྱང༌། རྒྱལ་སྤྱིའི་རྩེ་འགྲན་རུ་ཁག་དང་འབྲེལ་བའི་མང་གཙོའི་ལྟ་སྤྱོད་ཀྱི་ལམ་དུ། རྒྱ་རིགས་རྣམས་གདོན་འདྲེར་འགྱུར་ཉེན་ཆེ་སྐབས། ཆོས་ཚོགས་འདིའི་འགལ་ཟླ་ནི་རྒྱ་རིགས་ནང་ཁུལ་གྱི་གནད་དོན་ཞིག་ཏུ་བརྩིས་ཏེ། མི་རིགས་རིང་ལུགས་ཀྱི་བསམ་བློའི་འོག རྒྱ་གཞུང་ལ་ངོ་རྒོལ་ཟིང་སློང་གང་ཡང་མ་བྱས་པར་ལྷིང་འཇགས་སུ་གནས་པ་རེད། རྒྱ་བོད་གཞུང་སོ་སོའི་འགལ་ཟླའི་ཚོགས་པ་འདི་གཉིས་ཀྱི། སོ་སོའི་མི་རིགས་སུ་བསམ་བློའི་འཛིན་སྟངས་གཉིས་ལྟ་སྡུར་ཞིག་བྱོས་དང༌། ང་ཚོའི་མི་རིགས་ཀྱི་དོན་གནད་གང་ཡིན་རུང༌། བསམ་གཞིགས་ཀྱིས་འདུ་ཤེས་བསྐྱེད་སྲིང་མི་བྱེད་པར། ཚོར་སྣང་གིས་དབང་བསྒྱུར་འོག་ནས་རང་གཞན་གཉིས་ཕུང་གི་ལས་རིམ་སྤེལ་བ། ནང་ཁུལ་གྱི་འགལ་ཟླའི་རྒྱབ་རྟེན་ཕྱི་དགྲ་ལ་བཅོལ་ནས་རྒྱལ་ཁབ་ཀྱི་བླ་སྲོག་ཁྱུར་མིད་བྱེད་པ་སོགས་ཀྱི་ཉེས་སྐྱོན་ལོ་རྒྱུས་ཀྱི་ཐོག་མཐའ་བར་གསུམ་དུ་ཁེངས་ཡོད།
༧གོང་ས་མཆོག་ལ་དེ་རིང་BBC ཡིས་བཅར་འདྲི།
༧རྒྱལ་བ་རིན་པོ་ཆེ་ཡིས་དེ་རིང་ BBC ལ་ཁོང་གིས་རྒྱ་ནག་ལ་ཡིད་ཆེས་བྱེད་རྒྱུ་ཆུང་ནས་ཆུང་དུ་འགྲོ་བཞིན་ཡོད་པའི་སྐོར་གསུངས་འདུག་པ་འབྲེལ་ཐག་འདིར་བསྣུན་ཏེ་གཟིགས་རོགས་ཞུ། http://news.bbc.co.uk/2/hi/south_asia/7699987.stm
ཁ་སང་དེ་རིང༌། ངས་ཁ་བཙུམ་ནས་སྙན་ངག་འབྲི་བཞིན་ཡོད།
ཁ་སང་དེ་རིང༌། ངས་ཁ་བཙུམ་ནས་སྙན་ངག་འབྲི་བཞིན་ཡོད།
ཁ་བཙུམ་ནས་སྙན་ངག་འབྲི་བ་ནི་
རང་ཉིད་ལ་མཚོན་ན་གཞན་གྱི་རྐང་འོག་ནས་
དུང་མདོག་གི་རང་སེམས་རང་གིས་གསོ་ཐབས་ཤིག་ཡིན།
ཁ་བྱང་གི་གསང་བ།
ཀ
ཁ་སང་དེ་རིང༌། ངས་ཁ་བཙུམ་ནས་སྙན་ངག་འབྲི་བཞིན་ཡོད།
ཁ་སང་དེ་རིང་གི་སྙན་ངག གཞན་གྱི་རྐང་འོག་གི་ལོ་ཟླའི་ཁ་དོག་ཡིན།
ཚོན་ཁྲ་ཅན་གྱི་ངོ་གདོང་མང་པོ།
ངའི་རྨི་ལམ་དཀྲོགས་པའི་མེས་པོ་ཚོའི་རྣམ་ཤེས་ཀྱི་ངུ་འབོད་བཞིན།
གཡས་གཡོན་དང་རྒྱབ་མདུན་ན་འཚང་ཁ་ཤིག་ཤིག
དེ་ལས་མང་བ་། “ཁ་སང་དེ་རིང༌། ངས་ཁ་བཙུམ་ནས་སྙན་ངག་འབྲི་བཞིན་ཡོད།” »
དབུ་མའི་ལམ་ལ་ཐུགས་རེ་མེད་དམ།
དེ་རིང་གི་གསར་འགྱུར་ཁྲོད་དུ་༧རྒྱལ་བ་རིན་པོ་ཆེ་ཁ་སང་བོད་ཁྱིམ་སློབ་གྲྭའི་མཛད་སྒོའི་སྟེང་ཕེབས་ནས་མི་མང་ལ་བཀའ་སློབ་གནང་སྐབས། དབུ་མའི་ལམ་ལ་ཐུགས་རེ་ཇེ་ཆུང་ལ་འགྲོ་བཞིན་པ་དང་། དེ་བཞིན་མ་འོངས་བྱེད་ཕྱོགས་ཀྱང་བོད་མི་མང་ལ་ཇི་འགབ་ཞུ་གི་ཡིན་གསུངས་འདུག བོད་ཡིག་གི་གསར་ལམ་དག་ན་འདིའི་སྐོར་ལ་གནས་ཚུལ་མང་ཐག་ཆོད་ཡོད་ངེས། ཡང་རྒྱལ་བ་རིན་པོ་ཆེས་གསུངས་དོན་ལ་ཁོང་གིས་དབུ་མའི་ལམ་ལ་རེ་བ་རྒྱག་མཚམས་བཞག་པ་ཡིན་ཟེར་བ་དང་། ངས་སྔོན་མ་སི་ཊར་སི་སྦག་གི་གསུང་བཤད་སྐབས་སུ་ཡང་མཐའ་མའི་ཐག་གཅོད་དེ་བོད་མི་མང་གིས་བྱེད་ཀྱི་རེད་ཅེས་བཤད་ཡོད་ཅེས་གསུངས་ལུགས་བཀོད་པ་སོགས་ཐོན་འདུག
བོད་ནང་གི་རི་མ་བ་ཚོས་ཁ་བསྒྲགས་འདུག
ཁྱེད་ཀྱིས་གཤམ་གྱི་རི་མོ་རྣམས་གཟིགས་དུས་འཚོར་བ་ཅི་ཤར། ཁྱེད་ཀྱིས་འཚོར་བ་དེ་ཚོའི་འཁྲོད་ད་ལྟ་བཙན་འོག་ཏུ་གནས་པའི་བོད་ཀྱི་རི་མོ་བ་ཚོས། རང་གི་སྒྱུར་རྩལ་གྱི་སྟོབས་ཤུགས་ལ་བརྟེན་ནས། བདེན་པའི་གནས་ལུགས་ཤིག་བསྟོན་གྱི་ཡོད་པ་འཚོར་ཨེ་ཐུབ། རི་མོ་འདི་དག་ནི་ད་ལྟ་པེ་ཅིང་ལ་འགྲེམ་སྟོན་བྱེད་བཞིན་ཡོད་པ་དང་། རི་མོ་བ་མང་ཆེ་བ་ལྷ་ས་ནས་རེད། http://www.redgategallery.com/a01.php
འཇུ་སྐལ་བཟང་གི་གཏམ་བཤད།
བོད་ཀྱི་ཤེས་ལྡན་པའི་སྡེ་རུ་མཚན་སྙན་བླ་ན་འབར་བའི་སྙན་ངག་པ་དང་དཔྱད་བརྗོད་པ་གྲགས་ཅན་མགོ་ལོག་པ་འཇུ་སྐལ་བཟང་གི་རིག་གཞུང་བརྡ་སྤྲོད་སྐོར་གྱི་གཏམ་བཤད་ལ་ཉན་འདོད་ན་འདིར་རྡེག་གནོན་དང་ཡང་ན་དྲ་མིང་སྐྱར་པཤུས་ཀྱིས་ཀླད་ཀྱི་དྲ་མིག་ཏུ་བླུགས་ནས་ཉན་ཆོག http://www.tudou.com/programs/view/bwSq6aypIRo/
རྒྱ་ནག་གཞུང་གིས་དགོན་པ་ཆེན་པོ་ཞིག་བཞེངས་རྒྱུ་རེད་འདུག
སྤོབས་པ་མཐའ་ཡས།
ཁྱོད་ཚོས་འདིའི་སྐོར་ཤེས་ཡོད་རྒྱུ་རེད་དེ་ཚེས་བཅོ་བརྒྱད་ཉིན་རྒྱ་ནག་གི་ཤིན་ཧྭ་གསར་ཁང་གིས་བོད་ལྗོངས་ལྷ་ས་ཆུ་ཤུལ་རྫོང་སྙེ་ཐང་དུ་ནང་བསྟན་སློབ་གླིང་ཞིག་འཛུགས་རྒྱུ་དང་དེའི་རྨིངས་རྡོ་བཏིངས་བའི་མཛད་སྒོའི་པར་དང་ལས་གཞིའི་འདྲ་རིས་དང་བཅས་པ་བསྟན་འདུག མཛད་སྒོའི་པར་དེའི་ནང་དུ་དུ་གྲྭ་བ་དང་བོད་ཆས་གྱོན་མཁན་འདྲ་མི་འདུག བོད་ལྗོངས་ཉེན་རྟོག་པའི་མགོ་གཙོ་བློ་བཟང་རྒྱལ་མཚན་ཟེར་བ་དེས་འདི་ནི་ཚད་མཐོ་ཞིང་ཆ་ཚང་བའི་བོད་བརྒྱུད་ནང་བསྟན་གྱི་སློབ་གླིང་ཐོག་མ་དེ་ཆགས་རྒྱུ་ཡིན་ཚུལ་དང་རྒྱལ་གཅེས་ཆོས་གཅེས་ཀྱི་རྩ་དོན་གཞིར་བཟུང་ནས་ཕྱི་ཕྱོགས་ཀྱི་སློབ་མ་རྣམས་ལ་ཡང་ནང་ཆོས་ཀྱི་སློབ་སྦྱོང་སྤྲོད་རྒྱུ་ཡིན་སྐོར་བརྗོད་འདུག འདིའི་འགྲོ་སོང་ལ་རྒྱ་ནག་གི་ཡེན་སྒོར་ས་ཡ་བརྒྱད་ཅུ་དབུས་གཞུང་གི་ལོ་འཁོར་སྔོན་རྩིས་ཀྱི་ཁོངས་ནས་བཏང་ཚུལ་འདུག ད་སྐབས་བོད་དུ་དགོན་པ་༡༧༠༠ དང་གྲྭ་བ་༤༦༠༠༠ ཡོད་ཚུལ་དང་༡༩༨༠ ལོ་ནས་ད་བར་དུ་ཡེན་སྒོར་ས་ཡ་བདུན་བརྒྱ་ཉམས་གསོ་རྒྱུན་འཛིན་གྱི་ཆེད་དུ་བཏང་ཚུལ་སོགས་ཀྱང་འཁོད་འདུག
ང་རང་ཉིད་ཀྱི་བསམ་ཚུལ་ལ་རྒྱ་ནག་གཞུང་གི་ངོས་ནས་བོད་ཀྱི་དགོན་སྡེ་གསར་བཞེངས་མི་ཆོག་པའི་ཐོག་དགོན་རྙིང་སླར་གསོ་ལ་ཡང་གཞུང་གི་ཆོག་མཆན་ངེས་པར་དགོས་པ་དང་ལྷ་ལྡན་སྨོན་ལམ་སོགས་ཆོས་ཀྱི་མཛད་སྒོ་བཀག་སྡོམ་དང་དགོན་སྡེ་ཚང་མའི་གྲྭ་བའི་གྲངས་འབོར་ཚད་བཀག་སོགས་ཆོས་ལུགས་དར་སྤེལ་ལ་འགོག་རྐྱེན་བཟོ་བཞིན་ཡོད་ཀྱང་ད་ཐེངས་རྒྱ་གཞུང་རང་ཉིད་ཀྱི་སྣེ་ཁྲིད་དེ་དགོན་པ་ཆེན་པོ་ཞིག་གསར་རྒྱག་བྱེད་པ་དེ་བློ་ཡུལ་མི་ཤོང་བ་ལྟ་བུར་གྱུར་སོང་། བོད་ལ་སེ་འབྲས་དགེ་གསུམ་གཙོ་བོར་གྱུར་པའི་ཆོས་ཀྱི་སློབ་སྦྱོང་སྤྲོད་ས་དེ་སྙེད་ཅིག་ཡོད་པ་དེ་ཚོ་སླར་གསོ་ཡག་པོ་ཞིག་ཡོང་ན་དེ་ཀས་འཐུས་པ་ལས་ད་ཆ་རྒྱ་ནག་རང་ཉིད་ཀྱིས་སྣེ་ཁྲིད་པའི་དགོན་ཆེན་ཞིག་བཞེངས་པ་དེར་དམིགས་བསལ་གསལ་གྱི་ཕན་ནུས་དང་དགོས་པ་གང་ཡང་མེད། ཡང་མིན་ན་བོད་ཀྱི་གྲྭ་བཙུན་གཙོས་པའི་དད་ལྡན་པ་ཚོས་རྒྱ་ནག་ལ་ངོ་རྒོལ་མང་པོ་ཡོང་བ་ཉེན་ཁར་མཐོང་སྟེ་དེའི་ཁ་གཏད་ལྟ་བུར་མཐུན་རྐྱེན་དང་གོ་གནས་ཐོབ་ཐང་གི་མཐུན་རྐྱེན་གང་དགོས་སྤྲད་དེ་རྒྱ་གཞུང་ལ་དད་ཞེན་བྱེད་མཁན་གྱི་ཆོས་ལུགས་མི་སྣའི་དཔུང་ཁག་ཅིག་གསོ་སྐྱོང་བྱས་ནས་བླ་མས་བླ་མ་འདུལ་བ་དང་སྲུང་མས་སྲུང་མ་གཅུན་རྒྱུའི་ཐབས་ལམ་དེ་དམག་མི་དང་མེ་མདའ་ལས་ཤུགས་ཆེ་བར་མཐོང་བ་ཞིག་ཀྱང་ཡིན་སྲིད།
དེ་ལས་མང་བ་། “རྒྱ་ནག་གཞུང་གིས་དགོན་པ་ཆེན་པོ་ཞིག་བཞེངས་རྒྱུ་རེད་འདུག” »
རྒྱ་བོད་ལས་བྱེད་པའི་འཁྲུགས་འཛིང་།
སྤོབས་པ་མཐའ་ཡས། དེ་རིང་ཞོགས་པར་ཕ་ཡུལ་དྲྭ་རྒྱའི་སྟེང་ཀན་ལྷོའི་གཙོས་གྲོང་བརྡལ་ནས་བོད་རིགས་ལས་བྱེད་ཁ་ཤས་ཤིག་དང་རྒྱ་གཞུང་གི་ཉེན་རྟོག་དམག་མིའི་བར་འཁྲུགས་པ་ཤོར་ནས་དམག་མི་གཅིག་དང་བདེ་སྲུང་འགོ་བ་གཅིག་རྨས་རྐྱེན་བོད་མི་བཅོ་བརྒྱད་བཟུངས་ཚུལ་ཞིག་བཀོད་འདུག ཁ་གསལ་པོ་ངོ་མ་ཞིག་མི་འདུག ཁྱེད་ཚོས་དེའི་སྐོར་ཁ་གསལ་པོ་རེ་གོ་བྱུང་ངམ། བོད་མི་ལས་བྱེད་པ་ཚོ་བཙོན་ཁང་དུ་ཚུད་ཀྱང་གློད་ཚར་ཚུལ་ཞིག་ཀྱང་བརྗོད་འདུག
ཡིག་སྣོད་ནང་གི་ཕུགས་བསམ།
བོད་ཀྱི་བུ་ནས། གྲོགས་པོ་ཚོ། ང་ནི་ཁ་བརྡའི་དྲ་རྒྱའི་མགྲོན་པོ་གསར་བ་ཞིག་ཡིན། ང་རང་སྟེང་ནས་ཁ་བརྡ་དམིགས་བསལ་མེད། ཡིན་ན་ཡང༌། ངས་མི་གཞན་ཞིག་གི་ཁ་བརྡ་ཁ་ཤས་ཁྱེད་ཚོར་བཤད་ན་འདོད། དེ་ནི། ཉེ་ཆར་བོད་ཀྱི་རྒྱལ་ཡོངས་མང་གཙོ་ཚོགས་པའི་ཚོགས་ཆེན་ཐེངས་ལྔ་པའི་སྟེང་གི་ཚོགས་གཙོའི་གསུང་འཕྲིན་ནང་འདི་འདྲ་ཞིག་འདུག རྣ་བ་བླགས་ནས་ཉོན་ཨང༌། ༼བོད་རྒྱལ་ཡོངས་མང་གཙོ་ཚོགས་པ་འདི་བཞིན་ཕྱི་ལོ་ ༡༩༩༤ ལོར་དབུ་བརྙེས་ནས་ད་བར་ལོ་ངོ་ཧྲིལ་བོ་ ༡༤ ཕྱིན་པ་དང།༽ ༼མི་ཐོག་སྔ་རབས་པ་ཚོས་ཚོགས་པ་འདི་ལྟ་བུ་ཞིག་འཛུགས་ཐུབ་པ་ནི་བོད་ཁ་བ་རི་པའི་ལ་རྒྱ་དང་སྤོབས་པ་ཡིན༽ ༼ཡང་ང་ཚོས་ཉེ་རབས་ལོ་རྒྱུས་ནང་གི་སྲིད་དོན་ཚོགས་པ་ཁག་བརྒྱུད་པའི་ཉམས་མྱོང་ལ་རོབ་ཙམ་བལྟས་ན། རྒྱ་ནག་དམར་ཤོག་ཚོགས་པ་བཙུགས་ནས་ལོ་ངོ་ཉི་ཤུ་ལྷག་ཅིག་གི་རིང་ལ་གོ་མིན་ཏང་གཞུང་མགོ་གཏིང་སློག་ནས་སྲིད་དབང་སྒེར་གཅོད་ཀྱི་གཞུང་ཞིག་བཙུགས་པ་དང༌། བལ་ཡུལ་གྱི་མའོ་རིང་ལུགས་ཚོགས་པ་བཙུགས་ནས་ལོ་བཅུ་ལྷག་ནང་དཔལ་ལྔ་ལྡན་གྱི་རྒྱལ་གཞུང་གནམ་ནས་ས་ལ་ཕབ་ཐུབ་ཡོད། དེ་ག་ནང་བཞིན་འབྲུག་རྒྱལ་ཡོངས་མང་གཙོ་ཚོགས་པ་བཙུགས་ནས་ལོ་ངོ་བདུན་བརྒྱད་ཙམ་ཞིག་གི་ནང་གནམ་བསྐོས་གོང་མའི་རྒྱལ་ཁབ་དེ་སྤྱི་མཐུན་མི་སེར་གཞུང་ཞིག་ལ་བསྒྱུར་འདུག ངེད་ཅག་རྒྱལ་ཡོངས་མང་གཙོ་ཚོགས་པ་བཙུགས་ནས་མི་ལོ་ཧྲིལ་བོ་ ༡༤ འཁོར་བའི་རིང་ལ། ཚོགས་པའི་ཕུགས་བསམ་གྱི་རྨི་ལམ་རྣམས་ད་དུང་ཡིག་སྣོད་ནང་གཟིམས་ཁུག་ནས་བསྡད་ཡོད་ཙང༌། འདི་ནི་ང་ཚོ་ད་ཡོད་ཀྱི་དབུས་རྒྱུན་ལས་ཐོག་རྣམ་པ་དང༌། ད་ཐེངས་འདེམས་བསྒོ་བྱ་རྒྱུའི་དབུས་རྒྱུན་གསར་པ་རྣམས་ཀྱིས་བསམ་གཞིགས་བྱེད་ས་གལ་ཆེན་ཞིག་རེད།བྱབྱ བྱབྱངས་རང་དོན་རང་གཅེས་ངང་ཕེབས་པའི་ཚོགས་མི་ཡོངས་ལ་བབ་ལྷིང་བརྟན་གསུམ་སྒོ་ནས་ལས་རིམ་ཆ་ཤས་ལེན་ཐུབ་པའི་རེ་སྐུལ་ཤུ་རྒྱུ་ཡིན༽ ༼ཡང་ལོ་རྗེས་མར་བོད་ས་ཡོངས་རྫོགས་རྒྱ་ལག་ལ་ཤོར་བ་དང༌། ྋགོང་ས་མཆོག་གི་གསེར་ཁྲི་མཐའ་ཅན་དུ་གྱུར་ནས་ལོ་ངོ་ ༥༠ འཁོར་བའི་དུས་དྲན་་་་་་༽ ༼དུས་དྲན་དེ་དང་བསྟུན་རང་རེའི་ཚོགས་པ་བཙུགས་ནས་ལོ་བཅོ་ལྔ་འཁོར་བའི་དུས་དྲན་བཅས་དཀྱུས་གཅིག་ཏུ་ཚོགས་གྱུར་ལས་གཞི་ཞིག་འགྲོ་བསྡད་ཡོདབྱབྱ བྱབྱམཐའ་དོན་ྋགོས་ས་མཆོག་གིས་རྒྱལ་ཡོངས་མང་གཙོ་ཚོགས་པ་དབུ་འཛུགས་ཀྱི་སྐབས་སུ་མ་འོངས་པར་བོད་འདི་དངོས་འབྲེལ་མང་གཙོ་མཚན་ཉིད་ཚང་ཞིང་ཡག་པོ་ཞིག་ཡོང་བའི་དོན་དུ་སྲིད་དོན་གྱི་ཚོགས་པ་འདྲ་མིན་དགོས་ཤིང༌། དེ་གལ་ཆེན་པོ་ཆགས་ཀྱི་ཡོད་པ་རེད་ཅེས་ཤིས་ཚིག་བསྩལ་་་་་་༽ དེས་ན། དང་པོ། ཕྱི་ལོ་ ༡༩༩༤ སྐབས་ཀྱི་མི་དེ་དག་མི་རབས་གང་དུ་བརྩིའམ། གཉིས་པ། ཡིག་སྣོད་ནང་གཟིམས་ཁུག་ནས་བསྡད་ཡོད་པའི་བོད་རྒྱལ་ཡོངས་མང་གཙོ་ཚོགས་པའི་ཕུགས་བསམ་གྱི་རྨི་ལམ་དེ་གང་ཡིན་ནམ། གསུམ་པ། ཁོང་ཚོའི་ཚོགས་མི་ཚང་མ་རང་དོན་རང་གཅེས་བྱེད་མཁན་རྐྱང་རྐྱང་ཡིན་ནམ། བཞི་པ། ྋགོང་ས་མཆོག་གི་གསེར་ཁྲི་མཐའ་ཅན་དུ་གྱུར་ཟེར་བ་ཅི་ལ་གོ་དགོས་སམ། ལྔ་པ། ཚོགས་གཙོས་དྲངས་པའི་ྋགོང་ས་མཆོག་གི་གསུང་འཕྲིན་དེ་ཤིས་ཚིག་ཅིག་རེད་དམ། ཚང་མར་བཀྲ་ཤིས་བདེ་ལེགས།
གྲྭ་འཇིགས་མེད་གློད་འདུག
དུས་བབ་ཀྱི་གསར་འགྱུར་ལས་བཤུས། འཇིགས་མེད་རྒྱ་མཚོའམ་མགོ་ལོག་འཇིགས་མེད་ལགས་ཕྱི་ཚེས་ ༡༥ ཉིན་ཀ་ཆུའི་བཙོནཁང་ནས་གློད་དེ་ད་ཆར་ཕྱིར་བླ་བྲང་བཀྲ་ཤིས་འཁྱིལ་དགོན་པར་ཕེབས་ཡོད་པ་རེད། ཁུངས་ལྡན་གནས་ཚུལ་ལྟར་ན། རང་ལོ་ ༣༩ ལ་ཕེབས་པའི་མགོ་ལོག་འཇིགས་མེད་ད་ལོར་ཁོང་གི་ཕྱག་རོགས་གློར་བརྙན་པར་ལེན་པ་དོན་འགྲུབ་དབང་ཆེན་གཉིས་ལོ་འདིའི་ཕྱི་ཟླ་ ༣ པའི་འཛིན་བཟུང་བྱས་ཡོད་ལ། ཉིན་ཤས་སྔོན་འཇིགས་མེད་རྒྱ་མཚོ་ལགས་གློད་འདུག་ལ། བོད་ནང་གི་གནས་ཚུལ་འབྱུང་ཁུངས་ཀྱིས་གྲྭ་འཇིགས་མེད་རྒྱ་མཚོ་ལགས་ཀྱི་ཉེས་པ་དག་ནས་གློད་ཡོད་མེད་ཤེས་རྟོགས་ཐུབ་མེད་ཀྱང་། རྒྱ་ནག་གི་དཔོན་རིགས་ཚོས་ཁོང་ལ་གཟབ་ནན་གྱིས་ལྟ་རྟོགས་བྱེད་རྒྱུ་ཡིན་ཚུལ་དང་། ལོ་གཅིག་གི་རིང་ཆོག་མཆན་མེད་པར་འགྲོ་འདུག་གི་རང་དབང་མེད་སྐོར་བརྗོད་ཡོད་འདུག འཇིགས་མེད་རྒྱ་མཚོ་ལགས་ནས་གནས་ཚུལ་ཡོང་ཁུངས་ལ་བཤད་པ་ལྟར་ན། ཕྱི་ཟླ་ ༣ པའི་ནང་འཇུས་རྗེས་ཁོང་ལ་ཐེངས་འགར་མནར་གཅོད་བཏང་ཡོད་པ་དང་། འདྲི་རྩད་པ་དག་གིས་ཁོང་གི་རྐང་པ་གཉིས་བསྡམ་ནས་གནམ་ལ་བཏེགས་ཏེ་ཆུ་ཚོད་ཁ་ཤས་རིང་འཇོག་པ་དང་། འདྲི་བརྩད་བྱེད་སའི་རྐུབ་སྟེང་བསྡམས་ནས་ཉིན་ཤས་རིང་བཞག་ཚུལ་དང་། ཁོང་ལ་ཉེས་རྡུང་བཏང་བའི་དབང་གིས་ཐེངས་འགའ་ཤས་ལ་དྲན་པ་བརྒྱལ་ཚུལ་བཅས་འགྲེལ་བརྗོད་གནང་ཡོད་འདུག འོན་ཀྱང་། ཕྱི་ཟླ་ ༤ པའི་ནང་གི་སི་ཁྲོན་ས་ཡོམ་བརྒྱབས་པའི་རྗེས་ནས་ཉེས་རྡུང་མཚམས་འཇོག་བྱས་པ་དང་། ཕྱི་ཟླ་ ༨ པའི་ཚེས་ ༡༡ གི་རྗེས་ནས་ཡར་རྒྱས་བྱུང་ཚུལ་ཡང་བརྗོད་ཡོད་པ་རེད། ཕྱི་ཚེས་ ༡༥ ཉིན་ཁོང་ཕྱིར་བླ་བྲང་བཀྲ་ཤིས་འཁྱིལ་དགོན་པར་ཕེབས་སྐབས་དགོན་པའི་དགེ་འདུན་པ་དང་མང་ཚོགས་བཅས་ནས་ཁོང་ལ་ཕེབས་བསུ་དང་ཁོང་ཉིད་ནས་འཇིགས་བྲལ་ཅེས་པའི་གློག་བརྙན་དེ་བཟོས་པར་རྗེས་སུ་ཡི་རངས་ཞུལ་ཚུལ་སོགས་གནས་ཚུལ་ཡོང་ཁུངས་ནས་བརྗོད་ཡོད་པ་རེད། དོན་འགྲུབ་དབང་ཆེན་ལགས་མུ་མཐུད་དུ་བཙོན་ཁང་ནས་བཅུག་ཡོད་པ་དང་། ཁོང་ལ་ཁྲིམས་ཐག་ཅི་བཅད་ཀྱི་སྐོར་ཤེས་རྟོགས་ཐུབ་མེད་པ་རེད། གྲྭ་འཇིགས་མེད་རྒྱ་མཚོ་གློད་གྲོལ་སྐབས་སུ་བླ་བྲང་དགོན་པའི་དགེ་འདུན་པ་བསྟན་འཛིན་ཀློ་ཤོད་ཞུ་བ་ཞིག་ཀྱང་ཀ་ཆུ་བཙོན་ཁང་ནས་གློད་ཡོད་འདུག འོན་ཀྱང་ཁོང་ཉིད་འཇུས་དོན་ནི་འཇིགས་བྲལ་ཅེས་པའི་གློད་བརྙན་དེར་འབྲེལ་བ་ཡོད་མི་འདུག
ཁ་བརྡ་དྲ་དེབ།
གཤམ་གསལ་ནི་ཁ་བརྡ་དྲ་དེབ་སྟེང་བདུན་གཅིག་རིང་ཞུགས་མཁན་བྱུང་བའི་རིམ་པ་མཚོན་པའི་རི་མོ་ཡིན། རིམ་གྱིས་ང་ཚོས་འདི་དག་མི་ཚང་མས་གཟིགས་ཐུབ་པ་ཞིག་ཞུ་འཆར་ཡོད།
དོན་གྱི་བདག་པོ་སྨན་ཁང་ནས་ཕྱིར་ཕེབས་པ།
རྒྱལ་བ་རིན་པོ་ཆེ་ཚང་ ཁ་སང་གཟའ་པ་སངས་ཚེས་ ༡༦ ཉིན་ སྨན་ཁང་ནས་ཞལ་གྱེས་ཏེ་ལྡི་ལིར་ཡོད་པའི་བོད་ཀྱི་གཞོན་ནུའི་སྡོད་ཁང་ཞེས་པར་ཞབས་སོར་འཁོད་སྐབས་ཀྱི་སྐུ་པར་རེད། གོང་ས་ཆེན་པོ་བཞུགས་སྒར་དུ་ཆིབས་བསྒྱུར་མ་གནང་གོང་དུ་འདིར་ཉིན་ཤས་རིང་བཞུགས་རྒྱུ་རེད་འདུག ༼གོང་གསལ་གྱི་པར་འདི་ཡང་ཕ་ཡུལ་དྲ་རྒྱ་ནས་བཤུས་པ་ཡིན། པར་པ་འཇིགས་མེད་ཚེ་རིང་རེད། གཤམ་གསལ་ནི་དུས་བབ་ལས་བཤུས།༽ ་ཚེས་ ༡༥ ཉིན་རྒྱལ་བ་རིན་པོ་ཆེ་མཆོག་རྒྱ་གར་གྱི་སྨན་ཁང་ནས་ཆིབས་ཐོན་གྱིས་ལྡི་ལི་ གཞོན་ནུའི་ཁྱིམ་སྡེ་རུ་ཉིན་ཤས་རིང་བཞུགས་རྒྱུ་ཡིན་པ་དང་། ཟླ་འདིའི་ཟླ་མཇུག་ཏུ་རྒྱལ་བ་རིན་པོ་ཆེ་མཆོག་ཉི་ཧོང་ལ་ཕེབས་རྒྱུ་ཡིན་འདུག སྐུ་སྒེར་དུྲང་ཆེ་བསྟན་འཛིན་སྟག་ལྷ་ལགས་ཀྱིས་གསར་ལམ་ཁག་ཏུ་འགྲེལ་བརྗོད་གནང་བ་ལྟར་ན། རྒྱལ་བ་རིན་པོ་ཆེ་མཆོག་གི་སྐུའི་མཁྲིས་རྡོར་གཤག་བཅོས་གྲུབ་སྟེ་ཉིན་ ༦ འགོར་མཚམས་ཁོང་གི་སྐུ་གཟུགས་བདེ་ཐང་དུ་ཕེབས་ཡོད་པར་བརྟེན། ཕྱི་ཚེས་ ༡༥ ཉིན་རྒྱལ་བ་རིན་པོ་ཆེ་མཆོག་སྨན་ཁང་ནས་ཕྱིར་ཆིབས་ཐོན་གྱིས་ཉིན་ཤས་རིང་ལྡི་ལིར་ཡོད་པའི་གཞོན་ནུའི་ཁྱིམ་ཚང་དུ་བཞུགས་རྒྱུ་ཡིན་འདུག་ལ། ཟླ་འདིའི་ཟླ་མཇུག་ནས་ཁོང་ཉིད་ཉི་ཧོང་ནང་ཆིབས་བསྒྱུར་སྐྱང་རྒྱུ་དང་། ཕྱི་ཟླ་ ༡༡ པ་དང་ ༡༢ པའི་ནང་དུ་ཡུ་རོབ་རྒྱལ་ཁབ་ བྷེལ་རྗེམ་དང་ཅེག་སྤྱི་མཐུན་རྒྱལ་ཁབ་ལ་ཆིབས་སྒྱུར་གནང་འཆར་ཡོད་པ་རེད། སང་ཉིན་སྟེ། ཕྱི་ཚེས་ ༡༧ ཉིན་ནི་ཨ་རིའི་གཞུང་གིས་རྒྱལ་བ་རིན་པོ་ཆེ་མཆོག་ལ་གསེར་གྱི་གཟེངས་རྟགས་ཕུལ་ཏེ་ལོ་གཅིག་འཁོར་བའི་དུས་དྲན་ཉིན་མོ་ཡིན་ཡང་། བཞུགས་སྒར་དུ་གཞུང་འབྲེལ་མཛད་སྒོ་སོགས་མེད་ལ། གཞིས་སྒར་ཁག་ཏུའང་དུས་དྲན་གྱི་མཛད་སྒོ་འདྲ་མེད་ཚུལ་འདུག ཉིན་ཤས་རིང་འདིར་བཞུགས་སྒར་གྱི་མང་ཚོགས་དང་དེ་བཞིན་ལྷོ་ཕྱོགས་ཀོ་ལི་གྷལ་བོད་མིའི་གཞིས་སྒར་བཅས་སུ་རྒྱལ་བ་རིན་པོ་ཆེ་མཆོག་གི་སྐུ་གཟུགས་མྱུར་ཏུ་དྲག་སྐྱེད་ཡོང་བའི་ཆེད་དུ་གསོལ་འདེབས་སྨོན་ལམ་སོགས་གནང་གི་ཡོད་པ་རེད།
ཆུ་གློག་ས་ཚུགས་ ༧༥༠
འོས་ཟེར་གྱི་དྲ་རྒྱའི་ཐོག་བཀོད་པ་ལྟར་ན། རྒྱ་གཞུང་གིས་བོད་རང་སྐྱོང་ལྗོངས་ནང་ཆུ་གློག་ས་ཚུགས་་དང་ཆུ་རགས་ ༧༥༠ གསར་རྒྱག་བྱེད་རྒྱུའི་འཆར་གཞི་ཡོད་འདུག དེའི་ནང་ ཨེ་ཤི་ཡའི་ནང་མི་གྲངས་དུང་ཕྱུར་བཅུ་གྲངས་ཁ་ཤས་ཤིག་བོད་ནང་ནས་ཡོང་བའི་ཆུ་ཤུགས་ལ་བརྟེན་ཡོད་པ་རེད། རྒྱ་ནག་ལ་འདས་པའི་དུས་བོད་ནང་ཆུ་ཤུགས་གློག་འདོན་ཐད་རྠོད་གཞི་ཡང་ཡང་བྱུང་། དེའི་རྒྱུ་མཚན་ནི་ཁོར་ཡུག་དང་གཞིས་མི། གཙང་ཆུའི་སྨད་རྒྱུད་ཀྱི་མི་སེར་ཚོར་གནོད་སྐྱོན་ཆེན་པོ་ཡོང་གི་ཡོད་པས་ཡིན་ཞེས་སོགས་དང་། ཡིན་ན་ཡང་ལྷ་སའི་མགོ་ཁྲིད་ཚོའི་བསམ་ཚུལ་ལྟར་ན། ཆུ་རགས་འདི་དག་ནི་འབྱུང་འགྱུར་ཆེས་ཁོར་ཡུག་ལ་གནོད་པ་མེད་པ་མ་ཟད། གློག་ཤུགས་འདོན་ཐུབ་པ་དང་མི་མང་གི་འཚོ་བའི་རྣམ་པ་ཡར་རྒྱས་ཡོང་རྒྱུ་ཡིན་སྐོར་དང་། ཆུ་ཤུགས་ནི་རྡོ་སོལ་དང་རྡོ་སྣུམ་གྷ་སི་བཅས་ལས་གཙང་མ་ཡིན་པ་སོགས་འགྲེལ་བཤད་སྙན་པོ་མང་པོ་བྱས་འདུག
ཡིག་གཟུགས་གསར་པ་རིན་མེད་ལ་ལེན་ཐུབ་ཀྱི་འདུག་གོ
གྲོགས་པོ་ཚོར་ཞུ་རྒྱུར། ཕ་ཡུལ་ཡུན་ནན་བདེ་ཆེན་ས་ཁུལ་ནས་ཡིན་པའི་བོད་རིགས་གློག་ཀླད་མཁས་པ་སྐུ་ཞབས་བཀྲ་ཤིས་ཚེ་རིང་ལགས་ཀྱིས། བོད་ཡིག་གི་ཡིག་གཟུགས་གསར་པ་བཞི་བཟོས་ནས་པེ་ཅིང་བོད་རིག་པ་ཟེར་བའི་དྲ་རྒྱའི་ཐོག་ནས་རིན་མེད་ལ་ལེན་ཐུབ་ཀྱི་འདུག ཡིག་གཟུགས་དེ་དག་unicode ཟེར་བའི་གཅིག་འགྱུར་གྱི་ཨང་རྟགས་ལ་བརྟེན་ནས་བཟོས་པ་དང་། དེ་ཚོའི་ནང་འབྲུ་ཚ་དང་། ཚུགས་མ་ཁྱུག དེ་བཞིན་ཨུ་ཆེན་དང་དཔེ་ཚུགས་སོགས་འདུག སྐུ་ཞབས་བཀྲིས་ཚེ་རིང་མཆོག་ནི་ཨ་རིའི་ནང་ཡོད་པའི་ཀུན་ཕན་ཐེབས་རྩ་ཚོགས་པས་སྦྱིན་བདག་བགྱིས་ནས་ལོ་གཉིས་ཀྱི་རིང་ཨ་རིའི་སློབ་གྲ་ཆེན་མོ་སྟེ་ཝ་ཇི་ནི་ཡའི་སློབ་གྲྭ་ཆེན་མོ། (University of Virginia)ལ་གློག་ཀླད་ཤེས་རྩལ་གྱི་ཞིབ་འཇུག་སློབ་མའི་ལག་ཁྱེར་ཐོབ་པ་དང་། ཁོང་གིས་བོད་ཡིག་གི་སྐོར་ལ་གློག་ཀླད་ཐོག་ཐབས་ཤེས་གསར་པ་དང་འཕྲུལ་ཆས་གསར་པ་མི་ཉུང་བ་ཞིག་བཟོས་ཡོད། ཁོང་ནི་དེ་སྔོན་མེ་ཁོར་སོབ་ཀྲི་ཟེར་བའི་ཚོང་ཤག་ ༼Microsoft ༽དེས་གདན་འདྲེན་ཞུས་ནས་ཧི་མ་ལ་ཡའི་ཡིག་གཟུགས་བཟོ་རྒྱུར་བློ་འདྲི་ཡུལ་གྱི་མི་སྣར་གཙོ་བོར་འགྱུར་ཡོད། ཁྱེད་ཀྱིས་གཤམ་གསལ་གྱི་དྲ་རྒྱར་ཕེབས་ནས་དྲ་ཤོག་དེའི་ཞོགས་གཡས་ངོས་སུ། “སྤྱི་བསྒྲགས།”ཅེས་བཀོད་ཡོད་པའི་འོག་གི་ཡིག་འཕྲེང་དེར་དྲ་སྨྱུག་བཙུགས་ན་དེ་ནས་ཡིག་གཟུགས་དེ་དབབ་ཐུག་ཀྱི་འདུག་གོ། http://219.239.12.27/index.aspx གྲོགས་པོ་ཚོ་བཀྲ་ཤིས་བདེ་ལེགས།
"༢༠༠༨ལོའི་པེ་ཅིང་གི་བོད་རིག་པའི་དཔྱད་གླེང་གྲོས་ཚོགས་" ཟེར་བ་འཚོགས་འདུག
༢༠༠༨ ལོའི་པེ་ཅིང་གི་བོད་རིག་པའི་དཔྱད་གླེང་གྲོས་ཚོགས་ཟེར་བ་འཚོགས་པའི་སྐད་ཆ་བཀྲམས་འདུག པར་རིས་ལ་གཅིག་བལྟས་པ་ཡིན། གངས་ཅན་བླ་མ་ཟེར་བ་དེ་འདྲ་བོ་ཞིག་འདུག ཁོ་ཤི་ཚར་པ་མ་རེད་དམ། གནས་ཚུལ་ཞིབ་གསལ་གཤམ་གྱི་འབྲེལ་ཐག་ན་འདུག http://tb.tibet.cn/news/xz_news/tpxw/200810/t20081015_432610.htm
“༢༠༠༨ལོའི་པེ་ཅིང་གི་བོད་རིག་པའི་དཔྱད་གླེང་གྲོས་ཚོགས་” ཟེར་བ་འཚོགས་འདུག
༢༠༠༨ ལོའི་པེ་ཅིང་གི་བོད་རིག་པའི་དཔྱད་གླེང་གྲོས་ཚོགས་ཟེར་བ་འཚོགས་པའི་སྐད་ཆ་བཀྲམས་འདུག པར་རིས་ལ་གཅིག་བལྟས་པ་ཡིན། གངས་ཅན་བླ་མ་ཟེར་བ་དེ་འདྲ་བོ་ཞིག་འདུག ཁོ་ཤི་ཚར་པ་མ་རེད་དམ། གནས་ཚུལ་ཞིབ་གསལ་གཤམ་གྱི་འབྲེལ་ཐག་ན་འདུག http://tb.tibet.cn/news/xz_news/tpxw/200810/t20081015_432610.htm
ཨ་མདོའི་གསར་བུ་འགྲན་བསྡུར། དེ་ནས་གྲྭ་པ་འགྲན་བསྡུར།
ཨ་རོགས་ཆོ། གསར་མོ་གླེང་ནས་ཁ་གདངས་མྱིག་ཅེར་དང་ཁབ་གཙག་འབིག་གཙག་བྱེད་པ་ལས་བསམ་བློ་གཞན་པ་ཞིག་གཏོང་རན་ཡིན་པ་སྟེ། རྡ་ས་ན་ཨ་མདོའི་གསར་རྒོད་གཡག་རྒོད་འདྲ་བ་གང་མང་ཞིག་མགོ་སྐྲ་ནག་ཟིང་ངེ་ཁ་ངོ་སྐྱ་ཐག་གེར་མུ་གེས་མནར་བཞིན་ཡོད་པ་རེད། ང་ཚོ་ཕྱི་རྒྱལ་ན་ཡོད་པ་ཚོས་ཁོ་ཚོའི་ཆེད་དུ་མ་དངུལ་རེ་བསྡུས་ནས་ཨ་མདོའི་གསར་བུ་འགྲན་བསྡུར་གྱི་ལས་རིམ་ཞིག་མགོ་འཛུག་བྱས་ཏེ། གསར་བུ་ཨང་དང་པོ་ལ་ཨ་སྒོར་སུམ་བརྒྱ་དང་ཨང་གཉིས་པར་ཉིས་བརྒྱ། ཨང་གསུམ་པར་བརྒྱ་ཐམ་པ་རེ་སྤྲད་ན་ཡང་བྱ་དགའ་ཐོབ་མཁན་གསར་བུ་ཁོ་རང་ལ་ད་ལོས་ཡིན། དེའི་གྲོགས་པོ་ལྔ་དྲུག་ཅིག་གི་མུ་གེ་ཡང་ཞར་དང་ཞོར་ནས་སེལ་ཐུབ་ཀི་ཡོད་པ་རེད། གལ་སྲིད་མོས་མཐུན་ཡོད་ན་བོད་ཀྱི་དུས་བབ་གསར་ཁང་ལྟ་བུ་ཀུན་གྱིས་ཡིད་ཆེས་བློ་གཏད་ཐུབ་པའི་ལས་ཁུངས་ཤིག་གིས་ལས་ཀ་འདི་མགོ་འཛུག་གི་རྒྱབ་སྐྱོར་བྱེད་པའི་རེ་བ་ཡོད། སྤྱིར་རྡ་ས་ན་གསར་བུ་མང་མོད་མང་ཤོས་ཨ་མདོ་བ་ཡིན་པའི་ཆ་ནས་ཨ་མདོའི་གསར་བུ་འགྲན་བསྡུར་ཞིག་མགོ་འཛུག་གི་གླེང་སློང་བྱེད་བཞིན་ཡོད། དེ་ནས་རིམ་པ་བཞིན་གྲྭ་ས་ཁག་ནས་ཀྱང་གྲྭ་པའི་སྤྱོད་ལམ་འགྲན་བསྡུར་ཞེས་པ། གྲྭ་པ་ལོ་ན་བཅུ་དྲུག་ནས་སུམ་ཅུ་བར་གྱིས་གྲྭ་ཆས་སྤུས་དག་མནབས་ཏེ་ཕྱག་ཏུ་ལྷུང་བཟེད་དང་མཁར་གསིལ་བསྣམས། འོག་ཏུ་གདིངས་པ་བཏིངས་ཏེ་ཆོས་འདུལ་བའི་སྤྱོད་ལམ་དང་མཐུན་པའི་མིག་དཔེ་འགྲན་བསྡུར་ཞིག་ཀྱང་སྤེལ་ཨེ་ཐུབ་བལྟ་རྒྱུ་ཡིན། དེ་ལྟར་བྱས་ན་གྲྭ་རྐྱང་འགའ་རེའི་ལྟོགས་སྡུག་སེལ་ཐུབ་པ་དང་དེ་འབྲེལ་གྲྭ་མང་ལ་ཡང་ཆོས་འདུལ་བའི་སྤྱོད་ལམ་གྱི་མིག་དཔེ་རེ་སྟོན་ཐུབ་ཀྱི་རེད་སྙམ།
རྒྱ་ནག་དམངས་གཙོ།
ད་ལྟོས་དང་། ཁ་བརྡ་དྲ་ཁང་གི་ལུང་ཁུག་སྐམ་པོ་འདིའི་ནང་སེར་དམག་བླུགས་འདུག ད་ཁྱེད་ཚོས་ཡེ་ཤེས་དང་མཉམ་པོ་ཁྱི་འཛིངས་རྒྱབ་བསྡད་ནས་དུས་ཚོད་འཕྲོ་བརླག་ལ་མ་གཏོང་། དེ་བས་ཕ་ཡུལ་ནང་ལ་གཅིག་ལྟོས་དང་། ༢༠༢༠ ལོར་རྒྱ་ནག་དམངས་གཙོ་ཆགས་རྒྱུ་ཡིན་པའི་སྐོར་ཞིག་བྲིས་འདུག དེ་བརྗོད་མཁན་ཡང་། རྒྱ་གཞུང་དབུས་དམར་ཤོག་གི་སློབ་སྟོན་པ་ཀྲའོ་ཐེན་ཡོང་ཟེར་བ་ཞིག་རེད། ད་དེ་ཨེ་བདེན་ན། རྒྱ་ནག་འདིས་རྫུན་མ་བྱས་བྱས་ནས་ད་རུང་ཡིད་ཆེས་ལ་མ་ཆེས་ཞིག་རེད།
བོད་ཀྱི་མཛངས་མ།
ལོ་བཅོ་བརྒྱད་ལ་སོན་པའི་བུ་མོ་བསོད་ནམས་ཆོས་སྒྲོན་ལོ་འདིའི་བོད་ཀྱི་མཛངས་མ་རེད་ཅེས་གསར་འགྱུར་ཐོན་འདུག བུ་མོ་འདི་ཁམས་ལི་ཐང་ནས་ཡིན་པ་དང་། ༢༠༠༧ ལོར་བཙན་བྱོལ་ལ་ཡོང་བ་རེད་ལ། རྒྱ་སྐད་བོད་སྐད་ཆུ་རྒྱུགས་རྒྱུགས་རེད་ཟེར། ༼གསར་འགྱུར་འདིའི་ཡོང་ཁུངས་ནི་ཕ་ཡུལ་དྲ་རྒྱ་ཡིན།༽
ཧ་གོ་རྒྱུ་ཡོད་མ་རེད།
ཚེ་རིང་ཤཱཀྱ། དེང་སང་རྒྱ་ནག་གི་སྤྱི་ཚོགས་ལ་འགྱུར་བ་ཆེན་པོ་ཞིག་འགྲོ་གི་ཡོད་པ་རེད། འགྱུར་བ་དེ་གང་འདྲ་སེ་འགྲོ་གི་ཡོད་དམ། འགྱུར་བ་ཕྱིན་པར་བརྟེན་ནས་ང་ཚོ་བོད་ཀྱི་རང་སྐྱོང་ལམ་ལུགས་དང་། བོད་མིའི་དབང་ཆའམ། ཐོབ་ཐང་སོགས་ལ་ཕན་གནོད་འབྲེལ་བ་གང་འདྲ་ཡོང་གི་ཡོད་དམ། དེ་ཚོའི་སྐོར་ལ་བསམ་བློ་གཏོང་རྒྱུ་གལ་ཆེན་པོ་རེད། སྤྱིར་བཏང་ནུབ་ཕྱོགས་པའི་མཁས་པ་དང་། བོད་དོན་རྒྱབ་སྐྱོར་བ་ཚོས་རྒྱ་ནག་མང་གཙོར་གྱུར་ན་བོད་རང་བཙན་རྩོད་ལེན་བྱེད་པར་རེ་བ་ཆེ་བ་ཡོད་པ་དང་། ཡང་ཁ་ཤས་ཀྱིས་ཁག་ཏུ་འགྲོ་གི་རེད་ཅེས་ཤོད་མཁན་སྣ་ཚོགས་ཡོད་པ་རེད། རྒྱ་ནག་མང་གཙོར་གྱུར་ནས་ང་ཚོར་རང་དབང་འཐོབ་རྒྱུ་ལས་སླ་བ་ཡོད་དམ་ཞེ་ན། ཧ་གོ་རྒྱུ་ཡོད་པ་མ་རེད། གཅིག་བྱས་ན་ཁག་ཏུ་འགྲོ་གི་རེད། དཔེར་ན། རྒྱ་གར་ནང་གི་སྲིད་དོན་ཚོགས་པ་གཅིག་གིས་ཀ་ཤི་སྨིར་པ་ཀི་སི་ཐན་ལ་སྤྲོད་དགོས་རེད་ཅེས་བཤད་ན། སྲིད་དོན་ཚོགས་པ་དེར་རྒྱལ་ཁ་ཐོབ་ཀྱི་མ་རེད། འོས་ཤོག་བླུག་མཁན་མ་རག་ན་རྒྱལ་ཁ་ཐོབ་ཀྱི་མ་རེད་པ། དེ་བཞིན་དུ་ཡང་གལ་སྲིད་རྒྱ་ནག་ནང་ཚོགས་པ་གཅིག་གིས་བོད་ལ་རང་བཙན་སྤྲོད་དགོས་རེད་ཅེས་བཤད་ནའང་། རྒྱ་མི་སུ་གཅིག་གིས་ཀྱང་ཚོགས་པ་དེར་འོས་ཤོག་མ་བླུགས་ན་ང་ཚོས་ག་རེ་བྱེད་དགོས་རེད། གཅིག་བྱས་ན་དེ་དུས་བོད་མི་ཚོ་འདོད་པ་ཡོངས་སུ་ཁེངས་ཏེ་རང་བཙན་བྱེད་ཀྱི་ཡིན་ཞེས་ཤོད་མདོག་ཁ་པོ་མ་རེད། ང་ཚོ་འདིའི་ནང་ལ་བསྡད་ན་སྐྱིད་པོ་འདུག་ཅེས་ཤོད་མདོག་ཁ་པོ་རེད། དེ་དུས་ང་ཚོས་རྩོད་ལེན་བྱེད་པའི་གནད་དོན་འདི་ངོ་བོ་གསར་བ་ཞིག་ཏུ་གྱུར་ཟིན་པ་རེད། དངོས་གནས་བྱས་ན།ད་ལྟའི་རྒྱ་ནག་གཞུང་གི་ཕྱོགས་ནས་བོད་ཀྱི་གནད་དོན་སེལ་རྒྱུ་ལས་སླ་པོ་རེད་བསམ། གང་ཡིན་ཞེ་ན། བོད་ཀྱི་ས་ཆའི་ཐོག་རྒྱ་ནག་མི་མང་གི་ཚོར་བ་དེ་རྒྱ་གར་མི་མང་གིས་ཀ་ཤི་སྨིར་ལ་བཅངས་པའི་ཚོར་བ་ནང་བཞིན་རྩ་ནས་ཡོད་པ་མ་རེད། བོད་རྒྱ་ནག་གི་མངའ་ཁོངས་རེད། རྒྱ་ནག་ནས་ཁ་བྲལ་ཐབས་མེད་ཅེས་བརྗོད་པ་དེ་ནི་རྒྱ་ནག་གུང་ཁྲན་ཏང་གིས་ཉེ་དུས་བཟོས་པའི་བསམ་བློ་གསར་བ་ཞིག་རེད་མ་གཏོགས། མི་རབས་ནས་མི་རབས་བརྒྱུད་དེ་རྒྱ་མིས་དེ་འདྲ་བསམ་བློ་གཏོང་གི་ཡོད་པའི་གནས་ཚུལ་ཞིག་རྩ་ནས་མ་རེད། དཔེར་ན། རྒྱ་མིའི་སྙན་ངག་དང་། གཞས་ཚིག་ནང་དུ་ལྷོ་རྒྱ་མཚོའི་མཐའ་ནས་ནུབ་ཧི་མ་ལ་ཡའི་རི་རྒྱུད་བར་ང་ཚོའི་ཕ་ཡུལ་ཡིན་ཞེས་བྲིས་མྱོང་མཁན་གཅིག་ཀྱང་བྱུང་ཡོད་མ་རེད། དེ་འདྲ་བསམ་བློའི་ནང་འཁོར་མྱོང་ཡང་ཡོད་མ་རེད། གལ་སྲིད་རྒྱ་ནག་གཞུང་གིས་ཐག་བཅད་དེ་བོད་སྤྲད་པ་ཡིན་ན། མི་ཁ་ཤས་ཤིག་གིས་ངོ་རྒོལ་བྱས་ན་མ་གཏོགས། རྒྱ་མི་མང་ཆེ་བས་ངོ་རྒོལ་བྱེད་ཀྱི་མ་རེད། བོད་འདི་རྒྱ་ནག་གི་ཁ་བྲལ་ཐབས་མེད་པའི་གཅིག་གྱུར་གྱི་གོང་བུ་ཡིན་ཟེར་བ་དེ་ནི་རྒྱ་ནག་གཞུང་གིས་གསར་དུ་བཟོས་པའི་སྐད་ཞིག་རེད་མ་གཏོགས། དེ་ཤ་རུས་པའི་གཏིང་ན་ཡོད་པའི་བསམ་ཚུལ་ཞིག་རྩ་བ་ནས་མ་རེད་བསམ། (འདི་ནི་ཚེ་རིང་ཤཱཀྱ་ལགས་ཀྱིས་ ༢༠༠༥ ལོར་རྒྱ་གར་རྡ་རམ་ས་ལར་རྒྱ་ནག་གི་མི་རིགས་ས་གནས་རང་སྐྱོང་གི་ཁྲིམས་སྲོལ་དང་བོད་ཀྱི་དངོས་ཡོད་གནས་སྟངས་སྐོར་གྱི་བགྲོ་གླེང་ཚོགས་འདུའི་ཐོག་གསུངས་པའི་གཏམ་བཤད་ལས་ཉུང་སྡུས་ཤིག་ཟུར་འདོན་ཞུས་པ་ལགས)