ཚེ་རིང་།
ཞི་བའི་ཞལ་རས་འཛུམ་པའི་ཟིལ་བ་ཐ་དད་འགྲོ་བའི་སྙིང་ལ་ཟིམ།།
ཤེས་རབ་འོད་ཀྱི་ཟེགས་མ་རྣོན་པོས་ངུར་སྨྲིག་གོས་ཀྱི་རིན་ཐང་བསླངས།།
ཕྱག་ཟུང་ཐལ་མོ་སྦྱར་བའི་ཉམས་ཀྱིས་བདེན་པའི་ལོ་རྒྱུས་གསལ་མཛད་པའི།།
གངས་རིས་མུ་ཁྱུད་བསྐོར་བའི་ཡུལ་དུ་ལས་སྨོན་ཤུགས་ཀྱིས་སྦྲེལ་བའི་མགོན།།
ལོ་ཟླའི་བགྲོད་པ་གསལ་བའི་གྲངས་འདི་དགའ་སྤྲོ་ཚོར་བས་བགྲང་ན་ཡང་།།
ལས་དབང་སྐྱ་མོའི་ངོ་གདོང་དྲན་ཚེ་སེམས་ལ་འཇིགས་སྐྲག་ངང་གིས་འབྱུང་།།
རོང་པོ་དགེ་འདུན་ལྷུན་འགྲུབ།
ཅ་ཅོའི་ངག་གི་རོལ་བ་ཡོངས་བཏང་དབྱངས་ཀྱི་ཟིལ་བ་ཉེར་ཆགས་པའི།།
མཚར་སྡུག་ལང་ཚོར་རྒྱལ་རྣམས་སྲེད་པའི་ཧྲཱིཾ་ཡིག་སྙིང་བོའི་མངལ་འཛིན་མཁན།།
རྣམ་དག་སྨོན་པའི་འཕྲིན་ལས་ཀྱིས་བཏེགས་ཟགས་པ་མེད་པ་རྒྱལ་བའི་ཡུམ།།
ལས་ཅན་ལུས་ངག་ཡིད་ཀྱི་མུན་པ་དྲུངས་ནས་འབྱིན་ལ་སྣང་བ་སྩོལ།།
འབའ་སྲས།
སྐོམ་པའི་དུས་སུ་བཀླག་ན་རྫ་ཆུ་བསིལ་མ།།
ལྟོགས་པའི་དུས་སུ་བཀླག་ན་སྦྲང་དཀར་རྩམ་པ།།
ན་བའི་དུས་སུ་བཀླག་ན་འཆི་མེད་བདུད་རྩི།།
ང་ཡི་འདོད་པའི་སྙན་ངག་རེ་བ་ཀུན་སྐོང་།།
ཁེར་རྐྱང་ཁེར་མོར་བཀླག་ན་སེམས་ཀྱི་སྐྱོ་རོགས།།
ས་མཐའི་ཡུལ་ནས་བཀླག་ན་དྲན་པའི་གདུང་དབྱངས།།
ནམ་མཁའ།
རིང་ནས་འདྲིས་བའི་སྙིང་རྗེ་ཆབ་རོལ་གྱིས།།
རང་བདེ་དོན་གཉེར་ཡིད་ཀྱི་མེ་དཔུང་བཅོམ།།
ཟབ་མོ་རྟེན་འབྱུང་གཟིགས་པས་ཤེས་རབ་ཀྱིས།།
སེམས་ཀྱི་རྟོག་པའི་སྤྲོས་བའི་དྲ་བ་བཅད།།
ཟས་གཙང་སྲས་ཀྱི་གདུལ་བྱ་མ་གྱུར་བའི།།
མངོན་གྱུར་རྟགས་ལས་ལྐོག་གྱུར་མི་འདོད་ཡང་།།
འབའ་སྲས།
ཨ་སྔོན་དབྱིངས་སུ་བསྐྱོད་པའི་སྤྲིན་དཀར་གྱི་འདབ་མ།།
དབྱིག་འཛིན་དགའ་མར་བཟུང་བའི་ལེགས་སྐྱེས་དེས་ཅི་བྱ།།
སྦྲང་ཆར་ཟིལ་མའི་ཐིགས་པ་སྙན་ངག་ལ་སྤྲུལ་ཏེ།།
ཁོ་ཡི་ཡིད་ཀྱི་ཞིང་སར་ཤག་ཤག་ཏུ་འབབ་རོགས།།
སྟུག་པོའི་ཚལ་ན་བསྒྲོགས་པའི་གཞན་གསོས་ཀྱི་བུ་མོ།།
ལྕང་ལྕུག་ཡལ་གར་འཁྲེང་བའི་སེམས་པ་དེས་ཅི་བྱ།།
སེར་ཤུལ་རིན་ཆེན་དོན་གྲུབ།
བདག་ལ་བཀའ་དྲིན་མཚུངས་ཟླ་མེད་པ་ཡོངས་ཀྱི་དགེ་བའི་བཤེས་གཉེན་ཆེན་པོ་སེར་བྱེས་མཁན་ཟུར་རྗེ་བཙུན་བློ་བཟང་ཚེ་རིང་མཆོག་གི་དགོངས་རྫོགས་ལ་ཕུལ།
བདེ་ནས་བདེ་བར་གཤེགས་པའི་ལམ་བཟང་ལས།།
སྐྱེ་ནས་སྐྱེ་བར་ཕེབས་པའི་སྐལ་བཟང་ལ།།
དུས་ནས་དུས་སུ་འགྲོ་བའི་མཛད་པ་ཅན།།
དུང་ནས་དུང་བའི་གདུང་ཤུགས་རླབས་ཀྱིས་མཆོད།།
ཚེ་རིང་།
ལྷང་མི་འཇག་པའི་དུས་སྐབས་རེར
ཁྱེད་ཀྱིས་ནམ་རྒྱུན
རང་ཉིད་དགའ་བའི་སྙན་ངག་དེ་ལྷོད་ཀྱིས་སྐྱོར
དབྱངས་རྟ་དེས་
ཁྱེད་རང་ལ་འཇིག་རྟེན་གཞན་ཞིག་བསྐྲུན་པ་འདྲ
ཉམས་སྣང་ཞིག་ལ
ཁྱོད་ལ་ཅི་ཡང་མཛོམས་ཤིང་ཅི་ཡང་མེད
སྐྱ་རེངས།
བརྩེ་བ་དེ་མེ་བཞིན། ངའི་བྲང་གཞུང་ནས་འབར།
དུངས་པ་དེ་ཆུ་བཞིན། ངའི་ཡ་ཆུང་ནས་བཞུར།
སེམས་པ་འདི། རླུང་བུ་ཞིག་ཏུ་སྤྲུལ་ནུས་ན།
གཏན་དུ་ང་། ཁྱེད་ཀྱི་ལང་ཚོའི་སྦུབས་སུ་ཉུལ་ཡོང་།
“ཀྱེ། འབར་གྱིན་པ་དེ་མེ་མ་ལགས། དེ་ནི་སེམས་པ་ཞིག་ལགས།”
“བཞུར་གྱིན་པ་དེ་ཆུ་མ་ལགས། དེ་ནི་མིག་ཆུ་ཞིག་ལགས།”
ཨེ་མ་ཧོ།
ན་མོ་གུ་རུ་པདྨ་ཀ་ར་ཡེ།
གངས་ལྗོངས་བསོད་ནམས་བསྟན་སྲིད་རྨད་བྱུང་ཕུལ།།
འཛམ་གླིང་འཛིན་མའི་སྙིང་ནོར་བཅུ་ཕྲག་མཛོད།།
ཐེག་དགུ་བདེན་པའི་ལམ་བཟང་ཞི་བདེའི་དཔལ།།
ཡབ་མེས་ཡིད་བཞིན་ནོར་བུ་ཨེ་མ་ཧོ།།
གངས་རིའི་བདེ་སྐྱིད་སོ་ཀའི་ནམ་ཟླ་བཞིན།།
མ་སྨིན་སོ་ནམས་གསར་བ་སྤྲིན་པས་སྒྲིབ།།
སྐྱ་རེངས།
ཉི་མ་བཞུད་ཤུལ། ས་གཞི་མུན་པས་རུམ་པར་གྱུར།
བདག་གསོམ་ཤིང་ཁེར་སྐྱེས་ཤིག་དང་འགྲེང་ནས་ལྟ་དུས།
ཁོ་མོའི་མགུལ་གྱི་རིན་ཆེན་ཕྲེང་རྒྱུད་ཉིད་ས་རུ་ཐོར་བ་ལྟར།
རི་ཞོལ་གྱི་གྲོང་རྡལ་དག འོད་ཆེམ་ཆེམ་དུ་གྱུར་ནས་གདའ།
བདག་གྲོང་གསེབ་ཀྱི་ལམ་ཕྲན་དེ་བརྒྱུད་ནས་འགྲོ་སྐབས།
ཟླ་བ་ནི་ནམ་མཁའ་ནག་པོ་དེའི་བྲང་སྐྱེས་དོ་ཤལ་བཞིན་གསལ་ཞིང་།
རྫ་ཚེ་རིང་བཀྲ་ཤིས།
ཁར་རྩང་རྫོང་སར་བཤད་གྲྭའི་གུང་གསེང་ཉིན། །
སྔར་འདྲིས་ཉེ་བའི་གྲོགས་པོ་འགའ་བོས་ནས།།
གློ་བུར་ལྷག་ཀྱང་གཉུག་མར་གནས་པ་ལྟར།།
ང་དང་ཁོང་ཚོ་མཉམ་དུ་ཆུ་ཁར་ཕྱིན།།
ལོ་ངོ་བཞི་ལྔའི་སྔོན་གྱི་གྲོགས་པོ་རྣམས།།
ད་ལྟ་མང་ཞིག་ཕེབས་ནས་མི་བཞུགས་ཀྱང་།།
མྱི་ལྟིག
ཆང་འདི་བཙན་པོ་བཙན་པོ།།
སེམས་འདི་གཉོམ་པོ་གཉོམ་པོ།།
བཙན་པོ་གཉོམ་པོ་གཉི་ཀ །།
རྒྱ་བཟའ་ཁབ་ལ་བསུས་འདྲ།།
གྲོགས་འདི་གྲིམ་པོ་གྲིམ་པོ།།
ང་འདི་ལད་པོ་ལད་པོ།།
འབའ་སྲས།
སྙན་ངག་ཤོག་དཀར་ངོས་ནས་མིན།།
སྙན་ངག་སྙུ་གུའི་རྩེ་ནས་མིན།།
སྙན་ངག་དཔེ་དེབ་ངོ་ན་མེད།།
སྙན་ངག་ཡི་གེའི་ཚོགས་ན་མེད།།
རི་དང་རྒྱ་མཚོ་སྙན་ངག་ཀློང་།།
ཁྱིམ་དང་གྲོང་ཁྱེར་སྙན་ངག་མཛོད།།
ཚེ་རིང་།
—- དེང་གི་སྲིན་འབུ་མེ་ཁྱེར་གྱི་ཚོགས་ལ་སྤྲིངས་པ།
རྨིག་བཞིའི་རྟ་མཆོག་འཕུར་བའི་དཔུང་ཚོགས་ཀྱིས།།
སུམ་གཉིས་ས་ལ་དབང་བའི་སྲིད་ཀྱི་ཁྲིར།།
ཕུན་ཚོགས་གཡང་འཁྱིལ་རྒྱལ་ཁྲིམས་དུང་གི་སྒྲས།།
སྡེ་བཞི་མགྲོན་དུ་འབོད་པའི་རྒྱལ་བློན་དྲན།།
སྤྱི་མཐུན་ལས་ཀྱི་མར་ཁུ་ཟད་པ་ན།།
བདེ་སྐྱིད་སྣང་བ་རིམ་གྱིས་རིམ་གྱིས་ཡལ།།
སྤྱན་ཆེན་པོ།
རྒྱང་རིང་ནས་གོམ་སྒྲ་ཞིག་གྲགས་སོང
དེ་ནི་རྣ་ལམ་ལ་སྙན་པའི་གོམ་སྒྲ་ཞིག་རེད
ལག་པས་མིག་ཟུང་ལ་ཕུར་ཕུར་འགའ་བྱས་ནས
རྣ་བས་ཀྲོག་ཀྲོག་ངང་ཡང་བསྐྱར་གོམ་སྒྲ་ལ་ཉན་དུས
དེ་ནི་རླུང་གིས་དེད་པའི་ཕུང་བོ་ཞིག་དང
འོད་ལ་སྦྲུམ་པའི་རྣམ་ཤེས་ཤིག་རེད
འབའ་སྲས།
ཁ་སྒང་སྡེ་དཔོན་གནའ་ནས་འདས་པར་གྱུར།།
ཁ་ཡ་ན་ཟླ་ཚང་མ་རྒས་ནས་འདུག །
ཁ་འདྲིས་ཞེ་བཟང་གྱུར་བའི་གྲོགས་མོ་ཚོ།།
ཁ་སྒང་སྡེ་བའི་ནང་དུ་གཅིག་ཀྱང་མེད།།
ཞིང་ཁ་གྲུ་བཞི་མང་ཤོས་ས་སྟོང་ལྷག །
གྱང་ཁ་མཐོན་པོ་ཚང་མ་དམའ་རུ་བཏང་།།
སྡོང་ར་ཚང་མ་སྔོ་ཚལ་ར་བར་བསྒྱུར།།
ལམ་ཁ་དོག་མོ་རྒྱ་ཆེ་ཡངས་པར་བཟོས།།
རེབ་ཐོག་མདའ།
ང་ལ་ཨ་མས་བསླབ་པའི་གདངས་ཅིག་ཡོད།།
ང་ལ་ཨ་ཕས་གནང་བའི་ངག་ཅིག་ཡོད།།
དེ་ལ་དབྱངས་གསལ་གཉིས་ཀྱི་སྲོག་ཞུགས་ཡོད།།
དེ་ལ་སུམ་རྟགས་གཉིས་ཀྱིས་གྲོགས་མཛད་ཡོད།།
ང་ལ་བཙན་པོ་ཞིག་གི་དཔའ་དེ་མངའ།།
ང་ལ་མཁས་པ་ཞིག་གི་བློ་དེ་ལྡན།།
ཚེ་རིང་།
མུན་པ་ནི་ཁྱོད་ཀྱི་ཉེ་ས་ན་ཡོད་པས
ཉི་འོད་ཡལ་རྗེས
ངེས་པར་ཏུ་དོགས་གཟོན་བྱེད་རོགས
འཁྲུལ་ངོ་ན་སྲོད་ཁའི་མུན་པ་དེ
རྒྱང་ནས་འཐིབ་ཀྱིན་པ་ལྟ་བུར་སྣང་ཡང
ཁོ་ལ་ཉེ་རིང་ཅི་ཡང་མེད་པར
གླགས་རྙེད་པའི་སྐབས་སུ
འཇིགས་མེད་ནུབ་པ།
༡)
སྐྲ་དང་ཁ་སྤུ་མཉམ་དུ་བསྣོལ།།
རྒས་པའི་མིག་ཟུང་རྒྱང་ལ་ཕྱོགས།།
ཚེ་རིང་།
བྲག་སྣེ་དེ
ཁྱོད་རང་མཐོང་ཐུབ་པའི་བྲག་སྣ་དེ་ནས
ངས་གྱེས་བརྡ་མཚོན་པའི་ཕྱི་མིག་མ་འཕངས
སྐད་ཅིག་མའི་མཐོང་སྣང་དེས
གཅིག་བྱས་ན བསྐལ་བ་སྟོང་གི་དྲན་ཤིང་འཇོག་སྲིད
མིག་ཟུང་ཨུ་ཚུགས་ཀྱིས་བཙུམ་དུས
རྒྱབ་ལོགས་སུ ཤིང་ལོ་རླུང་གིས་དཀྲོགས་པའི་ཤག་སྒྲ་དེ