སྲས།
རི་ཆུས་ལག་རྡང་སྦྲེལ་བའི་བྱང་གི་མཐའ།།
ཁ་བའི་བྱེའུ་ཚོགས་འཕུར་བའི་རྒྱལ་ཁམས་ན།།
ཡིག་དྲུག་མགུར་ལ་འཐེན་པའི་ཚོ་ཁག་དེ།།
འབྲོག་ཕྲུག་རྨས་མ་ཞིག་གི་སྲོག་དབུགས་ཡིན།།
སྨན་ཏོག་རྩི་ཤིང་སྐྲ་ལོ་ཤམ་པའི་གོས།།
དར་ལྕོག་རལ་བ་ཉིལ་བའི་རི་གཤམ་ན།།
སྙན་ངག་པའི་ནུབ་མོ།
བདེ་པོ་འཚོས།
དོ་ནུབ་ཡ་དོ་ནུབ།
སྙན་ངག་པའི་མཚན་མོ།
དོན་དམ་པའི་སྙན་ངག་པ།
འུ་ཅག་ཚང་མ་ཁང་ཆུང་གྲུ་བཞི་འདིར་འཛོམས་ཏེ།
མཉམ་དུ་སྙན་ངག་འབྲི་ཞིང་སྙན་ངག་གླེང་།
སྙན་ངག་གྱེར་བཞིན་སྙན་ངག་གི་འཚོ་བ་དངོས་ལ་རོལ།
རེད་ཡ།
སེམས་དང་སེམས་པ་འོ་ཆུ་ལྟར་འདྲེས་ནས་སྙན་ངག་འབྲི།
འདས་ལོག
ཀླུ་སྨྱོན་ཧེ་རུ་ཀ
སྐར་མ་རྡོག་གཅིག་ས་རུ་ལྷུང་བ་འམ། །
ཆུ་རྡུལ་ཕྲ་མོ་གནམ་དུ་འཕུར་བ་བཞིན། །
རྣམ་ཤེས་ཁེར་རྐྱང་སྨུག་པའི་ཞོགས་ལྗོངས་སུ། །
སྟོན་ལོ་སེར་པོ་ཞིག་གི་ཁུག་ཏུ་སྐྱེས། །
འབུ་སྲིན་གཅིག་ལ་གཅིག་བཟའི་ཟློས་གར་གྱིས། །
མི་ཚེའི་གོ་རིམ་གཏམ་རྒྱུད་བཞིན་དུ་བྲིས། །
ལམ་ཞུགས་མགྲོན་པོའི་སྐད་ཆ་རྫོགས་མེད་ཀྱིས། །
འཆར་ཡན་གཡོ་སྒྱུའི་ངོ་འབག་གྱོན་སྟངས་སྦྱངས། །
ཉི་ནུབ་དང་བགྲེས་སོང་།
སྲས།
ནག་པོ་ནས་མག་མོག་དང
མག་མོག་ནས་ཡོངས་སུ་དཀར་པོར་གྱུར་ཟིན་པའི་སྐྲ་ལོ
ཐོབ་ཤོར་དང་དཀའ་སྡུག་གི་བཤུལ་ལམ་མཚོན་པའི་རྒས་གཉེར་གྱི་གཤམ་ན
དུང་དུ་ལྷུང་བའི་རྣམ་ཤེས་ཀྱི་སྒེའུ་ཁུང་ཟུང
ད་དུང མཆུ་ཡི་སྒོ་མོ་ན་གྲལ་རྡང་འཐོར་བའི་དུང་སོ་ལྷག་མ་འགའ་དང
ལོ་ཟླ་དང་ཕྲེང་གོག་གིས་ཟོས་ནས་ཚར་བའི་མཐེབ་སེན་གྱི་ཉག་ག
ནུ་མོར་སྤྲིངས་པའི་སེམས།
སྲས།
རེ་ཡུལ་ཁ་པར་འཕྲུལ་གྱི་བྱ་མ་རྟས།།
སིལ་སིལ་སྙན་པའི་གདངས་ཀྱིས་རྒྱང་ནས་འབོད།།
དྲོད་འཁྱིལ་གཞིས་ནས་སླེབས་པའི་གསུང་འཕྲིན་ཞིག།
ཤག་ཤག་ཆུ་མོའི་ཟོལ་གྱིས་སེམས་ལ་བཞུར།།
ཡབ་ཡུམ་བརྩེ་བ་སྣུམ་པོའི་ཉེ་ངོགས་སུ།།
སུམ་ཐབ་གྲོགས་སུ་བདམས་པའི་སྲིང་ཆུང་མ།།
ཕ་རྗེ་བཙུན་གཡག་རྭས་བུ་རྗེ་བཙུན་མཆོག་རབ་ལ་སྤྲིངས་པའི་འཕྲིན།
རྗེ་བཙུན་གཡག་རྭ། ༼ཨོ་སི་ཁྲི་ལི་ཡ།༽
༡༽ རྗེ་བཙུན་བླ་མ་མཆོག་གསུམ་སྣང་བའི་དཔལ།།
བསྟན་འཛིན་རྒྱ་མཚོའི་སྡེ་ལ་ཕྱག་འཚལ་ལོ།།
མཆོག་རབ་མིང་གིས་མཛེས་པའི་སྙིང་གི་བུ།།
ཨ་ཕའི་སེམས་ཀྱི་སྙིང་གཏམ་འདི་ལ་ཉོན།།
༢༽ ཁྱོད་ཀྱི་ཨ་མ་རྗེ་བཙུན་དཔལ་སྒྲོན་དང་།།
ཨ་ཕ་ང་ནི་རྗེ་བཙུན་གཡག་རྭ་ཡིན།།
བུ་ཆུང་ཁྱོད་ནི་རྗེ་བཙུན་མཆོག་རབ་རེད།།
ཁྱི་ཆུང་མིང་ལ་རྗེ་བཙུན་ཆེབ་ཧྥུར་འབོད།།
དེ་ལས་མང་བ་། “ཕ་རྗེ་བཙུན་གཡག་རྭས་བུ་རྗེ་བཙུན་མཆོག་རབ་ལ་སྤྲིངས་པའི་འཕྲིན།” »
མི་ཚེ་ཡིད་བཞིན་ནོར་བུ་ཡིན།
ཨེ་མ་ཧོ།
ན་མོ་གུ་རུ་རཏྣ་ཡེ།
མི་ཚེ་ཡིད་བཞིན་ནོར་བུ་ཡིན།།
སྙིང་པོ་དམ་པའི་གྲུ་ཆུང་འདི།།
དལ་བརྒྱད་འབྱོར་བཅུ་ངོས་ཟིན་ན།།
སངས་རྒྱས་ཐོབ་པའི་སྒྱུ་འཕྲུལ་ཡིན།།
མི་ཚེ་དཔག་བསམ་སྡོང་པོ་ཡིན།།
གང་འདོད་འབྱུང་བའི་རྟེན་འབྲེལ་འདི།།
མི་ཚེ་འདི་ནི་ཅི་ཞིག་ཡིན། །
ཀླུ་སྨྱོན།
མི་ཚེ་འདི་ནི་ཅི་ཞིག་ཡིན། །
འདི་ནི་འོ་མ་ཕོར་གང་ཡིན། །
ཞག་གཅིག་བྲོ་བ་མངར་སིང་སིང་། །
དེ་ནས་རུལ་ཏེ་རང་མདོག་སྟོན། །
མི་ཚེ་འདི་ནི་ཅི་ཞིག་ཡིན། །
འདི་ནི་མཛེས་མའི་ཟུར་མིག་ཡིན། །
ཉིན་གཅིག་སྙིང་ལ་དགའ་ལྷང་ལྷང་། །
དེ་ནས་གཟིར་ཏེ་ངེས་འབྱུང་བསྐྱེད། །
ཁ་ཆེའི་བུ་མོ་མ་ལ་ལ་ལ་ཡི་རང་ཞི་བདེའི་ཕོ་ཉ་ཞེས་བྱ་བ།
ཨེ་མ་ཧོ།
ཨ་ལ་ལ་ཧོ་བུ་མོ་ཆུང་ཆུང་།།
ཧ་ཅང་བཟང་པོའི་ལས་ལ་ཡི་རང་།།
ས་སྟེང་མི་ལུས་ཐོབ་པའི་དོན་འབྲས།།
ཤ་ཞེན་སློབ་སྦྱོང་སྐུལ་མཛད་རྒྱལ་ལོ།།
ལ་རྒྱའི་ཞི་བདེ་འདྲ་མཉམ་ལྟ་བ།།
ར་རུ་འི་སྡུག་པའི་ཁ་ཆེའི་སྡོམ་པ།།
ཡ་རབས་བཟང་ཕྱོགས་ཤིང་རྟ་གསར་པ།།
འ་ཅག་མི་རིགས་ཀུན་ལ་མཁོའོ།།
དེ་ལས་མང་བ་། “ཁ་ཆེའི་བུ་མོ་མ་ལ་ལ་ལ་ཡི་རང་ཞི་བདེའི་ཕོ་ཉ་ཞེས་བྱ་བ།” »
ཞི་བདེའི་རྒྱ་མཚོའི་འགྲམ་གྱི་སྙན་ངག
བྱ་མདོ་སྐལ་རྒྱམ།
དེ་རིང་ཡང
ང་རླུང་གིས་དེད་དེ་ཁྱོད་ཀྱི་འགྲམ་དུ་སླེབས་ཡོད
ཁྱོད་དང་གྱེས་ནས་མི་ལོ་དུ་མ་ཞིག་འདས་ཀྱང
དེ་རིང་སླར་ཡང་མཐོང་དུས
ཁྱོད་ལ་ད་དུང་འགྱུར་བ་ཅི་ཡང་མེད་པར
ཧ་ཅང་བརྟན་བརླིང་གིས་འཁྱིལ་འདུག
འགྱུར་བ་མེད་པའི་ཁྱོད་ཀྱི་རང་གཤིས་འདིས
གླུ་བ་རིག་དགའ་ལ་སེམས་གསོ་ནོར་བུ་བསམ་འཕེལ།
ཨེ་མ་ཧོ།
སྙན་འཇེབས་མགུར་གླུ་དགའ་བའི་གླིང་གི་བུ།།
བདུད་ཡུལ་མུན་པའི་རླུང་གིས་མ་གནོད་པར།།
རིག་འཛིན་དགའ་བའི་ཟློ་གར་ཡང་ཡང་དུ།།
གསེར་ལྡན་ཕྱུག་མོའི་དཔལ་དུ་མཛེས་པར་སྨོན།།
གངས་རིར་ཁྲག་གིས་བཀབ་པས་མནོལ་སྒྲིབ་ཀྱིས།།
གངས་སེང་གཡུ་རལ་གཅིན་འདམ་ཁྲོད་དུ་གཟེད།།
ཕོ་རྒོད་རིག་དགའ།
རྭ གངས། (བསྟན་འཇམ་གྱིས་འོས་སྦྱོར་བྱས།)
——-ནམ་ཡང་ཁྱེད་རང་ལ་རྒྱབ་སྐྱོར་ཡོད།
འཛམ་གླིང་ས་མཐོའི་རྒྱལ་ཁབ་བོད་ཡུལ་གྱི།།
མདོ་སྨད་གསེར་མོ་ལྗོངས་ཀྱི་ཞིང་ཁམས་སུ།།
མཚན་དཔེའི་མེ་ཏོག་བཞད་པའི་ཕོ་རྒོད་ཅིག།
རིགས་ཞེན་གླུ་བ་རིག་དགའ་ཨེ་མ་རྨད།།
སྐུ་གཟུགས་མཛེས་པས་མོ་བརྒྱའི་ཡིད་སེམས་ཕྲོགས།།
སྐད་ངག་སྙན་པ་ཁུ་བྱུག་སྔོན་མོའི་ཟླ།།
ཉི་འོག་གི་ངྷ་ས།
མོ་རྡེའུ།
དེ་རིང་གི་ཉི་འོག་ཏུ་འགྱིང་བའི་ངྷ་ས
ངའི་པར་ཆས་ཀྱི་མཆུ་ལམ་ནས་དྲུད་ཡོང་བའི་ཁྱོིད་ཀྱི་ཕྱི་གཟུགས་གསོན་པོ
མགོ་གངས་དང་བར་ནགས
འདབས་སྤང་གིས་རྒྱན་པའི་ཡུལ་སྲོལ་ཞིག་གི་ཁྱད་ཆོས་ཁྱོད་ལ་མངའ
ཁྱོད་རང་ཐོག་མར་ངོ་ཤེས་བྱེདམཁན་དེས
ཁྱོད་ཀྱི་ཟུང་བཅུད་ཞིམ་པ་འོ་མ་ལ་བསྡུར་མྱོང་འདུག
ཨེ་མ་ཧོའི་ཟློས་གར་སྒྱུ་མའི་རོལ་མོ།
ཨེ་མ་ཧོ།
ན་མོ་གུ་རུ་པདྨ་བཛྲ་ཡེ།
གཉུག་མའི་ཡེ་ཤེས་བླ་མ་པདྨ་སྐྱེས།།
ལྷན་སྐྱེས་འཇམ་དཔལ་གཞོན་ནུ་རྡོ་རྗེའི་སྐུ།།
ངེས་གསང་སྙིང་ཏིག་རིག་པའི་རོལ་རྩེད་ལས།།
འཁོར་འདས་སྒྱུ་འཕྲུལ་ཟློས་གར་ཨེ་མ་ཧོ།།
རྨི་ལམ་འོད་གསལ་ཕྱག་རྒྱའི་སྤྲོ་བསྡུ་ལས།།
རིག་འཛིན་མཁའ་འགྲོ་བྱེ་བའི་ཚོགས་གྲལ་ཉུལ།།
ཉི་མ་དམར་བོའི་སྙན་ངག
བྱ་མདོ་སྐལ་རྒྱམ།
ནམ་རྒྱུན་ཉི་མ་ནུབ་ཁའི་དམར་མདངས་དེ
ངའི་སྒེའུ་ཁུང་གི་ཤེལ་ངོས་སུ་ཕོག་ཐེངས་རེ་རེར
ངས་ནགས་ཚལ་ཁྲོད་ལྷུང་བཞིན་པའི་ཉི་མ
རྟག་ཏུ་རྒྱང་སྐྱེལ་བྱེད་ཀྱིན་ཡོད
འདི་ནི་མི་ལོ་དུ་མ་ཞིག་གི
ངའི་འཚོ་བའི་མྱོང་གོམས་གལ་ཆེན་ཞིག་ཡིན་ལ
སྙན་ངག་ལྟ་བུའི་སྙན་ངག་འདི་དག་གི་བཞུར་སའང་ཡིན
སྦྲིད་སྨན་འཐུང་བ།
ཀླུ་སྨྱོན།
་་་་་་་རྨི་ལམ་ནང་དུག་འཐེན་པའི་ཚོར་བ་དངོས་བྲིས།
ཉི་མ་སྐྲག་སྣང་ཆེན་པོས་ནུབ་རིར་བྲོས། །
ཟླ་བ་ངོ་ཚ་མེད་པར་གཅེར་བུར་རྒྱུ། །
མུན་པའི་གྲོང་ཁྱེར་ཆེན་མོའི་ཐུ་འོག་ནས། །
སྦྲིད་སྨན་ཚོང་ཁང་སྒོ་མོ་ཆེ་ཆེར་ཕྱེས། །
སྤྲང་པོས་གསེར་གྱི་སྒོར་མོ་རྩི་བ་དང་། །
ཕྱུག་པོས་གད་སྙིགས་འཐུ་བའི་ཁུག་ཀྱོག་ཏུ། །
རང་ལ་མེད་ཀྱང་གཞན་ལས་བརྐུས་པ་ཡི། །
སྦྲིད་སྨན་འཐུང་བའི་མི་ཚོགས་སྐོར་ཞིག་འདུས། །
འདུ་ཤེས་དམར་བོ།
བསོད་ནམས།
སེམས་པ་དམར་པོ་རྒྱང་རིང་ཞིག་ལ་འཁྲེང་། །
དབུགས་ཀྱི་རྒྱུ་བ་ཁོག་པའི་ནང་ན་འཚང། །
རེ་བའི་མེ་ཏོག་མུན་ཁུང་ནང་དུ་འགྱེལ། །
ཁྲ་ཆུང་མིག་གཉིས་སུ་ཡི་ཕྱོཊ་ལ་གྱེས། །
ཡར་ཐོད་རི་མོ་ཉིན་རེ་བཞིན་དུ་རྒྱས། །
ཆུ་བུར་མིག་གཉིས་རིམ་གྱིས་སྣུབ་ལ་ཁད། །
ཨ་མའི་བརྩེ་དུང་དང་དྲིན་ལན་ཞུས་ཚུལ་བདེན་པ་རིན་པོ་ཆེ།
ཨེ་མ་ཧོ།
ན་མོ་གུ་རུ་པྲ་ཛྙྰ་པ་ར་མི་ཏ་ཡེ།
རྒྱལ་ཀུན་ཡུམ་ཆེན་འཕགས་བཞི་བསྐྱེད་པའི་མ།།
མ་ལུས་འགྲོ་བ་བརྩེ་བའི་རྗེ་བཙུན་མ།།
མ་མས་གསང་གསུམ་བྱམས་པའི་དྲིན་ཆེན་མ།།
མ་རིག་གཉིད་ལས་སངས་མཛད་མཆོག་ཀུན་རྒྱལ།།
གང་འགྲོ་དབང་མེད་བར་དོ་འཁྱམས་པའི་ཚེ།།
དཀར་དམར་ཁང་ཁྱིམ་གནང་བའི་དྲིན་ཆེན་མ།།
དེ་ལས་མང་བ་། “ཨ་མའི་བརྩེ་དུང་དང་དྲིན་ལན་ཞུས་ཚུལ་བདེན་པ་རིན་པོ་ཆེ།” »
སྟོན་མཇུག་དང་མི་ཚེ།
བྱ་མདོ་སྐལ་རྒྱམ།
འབྲས་བུ་སེར་བོ་ཞིག་གི་སྟོན་འབྲས་མ་སྨིན་གོང་དུ
བཟའ་ཤིང་གི་ལྗང་ལོ་རྣམས
སེར་ཐིག་གིས་མཐའ་ནས་ཟོས་སོང
གྲོགས་པོ་ཚོས་བཤད་ན
ངའི་མགོ་རུ་ཡང
སྟོན་མཇུག་གི་སེར་ཐིག་ལྟ་བུའི་དུས་ཆད་ཕོག་འདུག་ཟེར
ལས་སྐལ།
སྤྱན་ཆེན་པོ།
ཉི་འོད་དག་རི་བོའི་གསེབ་ཏུ་ཐོར་རྗེས
གར་ཡོང་མི་ཤེས་པའི་རྐང་རྗེས་འགའ
ངའི་ལག་མཐིལ་དུ་བབས
མེ་ལོང་ལ་གཙང་སྦྲ་ཞིག་བྱས་ཏེ
ལག་མཐིལ་གྱི་རྐང་རྗེས་དག་ལ་བལྟ་བསམ་དུས
གློ་བུར་དུ་ལྡང་འོང་བའི་ལྷགས་རླུང་ལྡོམ་པོས
ངའི་མཐོང་ཡུལ་ནས་ཕྱི་རོལ་ཏུ་ཁུར་སོང