ཁྲོ་གཏུམ།

—ཞོགས་གཉིད་དོར་བའི་དེ་རིང་གི་ཞོགས་ཇ་ཁམ་བཀང་།

དབྱར་ཁའི་ཉི་མར་བདག་པོ་མེད།།
དགུན་ཁའི་ཉི་མར་བདག་པོ་ཡོད།།

གནམ་གཤིས་ཀྱི་ཀླན་གས་དྲོས་འཁྱགས་བྱུང་བའི་དུས་ཀྱི་སོ་ཁ་ན
ཉི་ཐིག་གི་ཟེར་བརྒྱ་སེམས་ཀྱིས་འཛིན་ལ

དེ་ལས་མང་བ་། “ཉི་མའི་གྲོང་ན་དགུན་ཁ་མེད།” »

རྡོ་རྗེ་རིན་ཆེན།(སྐྱ་རེངས)

ཐོས་བྱུང་། ངས་མཚམས་མེད་པར་ཐོས་བྱུང་།
རྒྱ་མཚོའི་ཕ་རོལ་ནས་འཕྱོ་འོངས་པའི་རླབས་སྒྲ་ཞིག་ཐོས་བྱུང་།
དེ་ནི། སུན་སྣང་གིས་དཀྲུགས་པའི་ངའི་ཡ་ཆུང་ལ་ཟུག་ཅིང་།
ཁེར་རྐྱང་གིས་གདུང་བའི་ངའི་བྲང་གཞུང་ལ་འདྲེས།

དངུལ་ཆུ་བཞིན། འོད་ཁྲིག་ཁྲིག་གི་རྒྱ་མཚོ།
ཟིལ་ཐིགས་ལྟར། གྲང་བསིལ་བསིལ་གྱི་མཚོ་རླུང་།

དེ་ལས་མང་བ་། “འོད་ཁྲིག་ཁྲིག་གི་རྒྱ་མཚོ། གྲང་བསིལ་བསིལ་གྱི་མཚོ་རླུང་།” »

ཨེ་མ་ཧོ།

ན་མོ་གུ་རུ་ཀ་མ་ཤཱི་ལ་ཡེ།
ཀ་དག་སྤྲོས་བྲལ་གཉུག་མའི་བོན་དབྱིངས་སྐུ།།
ཁ་སྦྱོར་རིག་པ་རང་བྱན་བྱང་ཆུབ་པའི།།
ག་བུར་གདངས་འཛིན་བོན་སྲས་རྒྱུད་པ་བཅས།།
ང་ཡི་ཡབ་མེས་དམ་པས་དགེ་ལེགས་སྩོལ།།
ཅ་ཅོའི་སྨྲ་བསམ་བརྗོད་པའི་ཡུལ་ལས་འདས།།
ཆ་ལུགས་གདོད་མའི་གནས་ལུགས་དཔལ་ལ་སྤྱོད།།

དེ་ལས་མང་བ་། “གཡུང་དྲུང་བོན་གྱི་བསྟན་རྒྱས་སྨོན་ལམ་ཀ་མ་ལ་ཤཱི་ལ།” »

དྲེད་པོ་ཧོར།

རྩེད་ཐང་དཀྱིལ་གྱི་རྡུལ་འཚུབ་ཡོ་ལང་ཁྲོད།།
འགྲན་ཟླ་ཕན་ཚུན་འཐབ་པའི་བྲེལ་ཟིང་བར།།
ལུས་སེམས་རྣལ་དུ་ཕབས་ནས་དྲྭ་སྒོའི་ནང་།།
ལྒང་ལུ་ཆུང་ཆུང་སྤོ་ལོར་ཤུགས་ཀྱིས་གཞུས།།

སྟབས་ལེགས་ལམ་འགྲོ་ལྷ་རྒྱུགས་བྱུང་བའམ།
རྐང་ཆུང་གཞིར་བབས་སྐྱེན་པ་ཇི་ལྟར་ཡང་།།

དེ་ལས་མང་བ་། “རྐང་སྤོལ།” »

ཁྲོ་གཏུམ།

—དབང་ལྔའི་ཁོར་ཡུག་ཏུ་འབྲི་འདོད་ཀྱི་སེམས་པ་དབྱུངས་སྟངས་ཤིག

ཡ་ཁོག་ཏུ་འཚང་བའི་རླུང་གིས་ཁུར་ན
རྐང་བའི་སྣེ་མོར་དཀྱོགས་མཚམས་ཤིག་ཡོད་ས་མ་རེད

ཟས་བཅུད་སྒུལ་ཤུགས་སུ་ཡན་པའི་སེམས་པའི་གསེབ་ཏུ
དྲག་འབར་ཚོར་རླུང་འགས་འཕྱ་སྨོད་ཇི་ལྟར་བྱས་ཀྱང

དེ་ལས་མང་བ་། “གྲོད་ཁོག་ལ་ཁེན་པའི་མི།” »

ཀླུ་སྨྱོན།
་་་ ་་་ དགུན་ཟླ་རིང་མོ་ཞིག་བསུ་རྩོམ།
བཞི་བརྒྱ་རྩ་བཞིའི་ནད་ཀྱིས་ཟིན་ཀྱང་སྨན་རིགས་ཟོས་ན་གསོན་པར་བཤད། །
ནམ་གུང་གདོན་འདྲེ་ངུ་བ་ཐོས་ཀྱང་གསོལ་བ་བཏབ་ན་ཕན་ལུགས་ཐོས། །
ཆུ་ཟླའི་རི་མོ་རབ་རིབ་གསལ་དུས་སྙན་ངག་བྲིས་ན་ཡག་རབས་བརྗོད། །
འདི་དག་ཚང་མ་འཇིག་རྟེན་ཞིག་གིས་རང་མགོ་གཡོག་པའི་ཟློས་གར་ཉིད། །
ཆུ་ཚོད་སྐར་མ་ལོ་དང་ཟླ་བ་མི་ཚེ་འཚེམ་པའི་ཁབ་སྐུད་དེ། །
ལྷན་པ་རལ་ཞིང་རྐང་བ་མཐོང་ཀྱང་ད་དུང་ཨ་ཀྱོག་པ་ཀྱོག་ཉིད། །
ཆུ་ཁར་ཐོན་དུས་རྟ་ཁ་འཐེན་ན་ཨེན་ཙམ་མིན་པར་རང་སྲོག་འཆོར། །
དུས་ངན་འདི་ལ་སྨྱུག་མ་འབོལ་ཀྱང་ཆང་རག་ཐིགས་པ་གཅིག་མི་ལྡུད། །

དེ་ལས་མང་བ་། “བདེ་བའི་ངོགས་སུ་འཚེར་བའི་སྡུག་བསྔལ་གྱི་འོད།” »

ཨོ་རྒྱན་ཉི་མ།

 
མཚོ་ངོགས་ཀྱི་དུང་ཟླ་ལ་ཕུལ་བའི་སྙན་དབྱངས།
་་་་་་་་་་་་་་་་་་ཨོ་རྒྱན་ཉི་མའི་འཁྲུལ་སྣང་།

སྲིད་འདིའི་མཛེས་སྡུག་ཆ་ཤས་ཀུན་སྤུངས་ཟླ་ཞུན་ས་ལ་འཕོས་པ་བཞིན།།
སྙན་ངག་མཁན་པོའི་གདུང་བ་བསལ་ཕྱིར་མཚོ་བྱུང་ལྷ་མོ་གཤེགས་པ་བཞིན།།
འཇིག་རྟེན་མཛེས་མའི་ཉམས་འགྱུར་ཁྲོད་དུ་མཛངས་མའི་ཁྱུ་མཆོག་འགྱིང་བ་བཞིན།།
འདུས་པ་སྟོང་གི་གཟི་བརྗིད་ནོན་པའི་སྙིང་གི་དུང་ཟླ་ཁྱེད་ལ་བསྟོད།།

དེ་ལས་མང་བ་། “མཚོ་ངོགས་ཀྱི་དུང་ཟླ་ལ་ཕུལ་བའི་སྙན་དབྱངས།” »

གླིང་གཟི་མིག

 
རང་སྣང་སྐྱིད་པོ་དགུང་ལ་མཉམ་པའི་བྱིས་དུས་ཞིག་ལ།།
ང་ཡི་ལང་ཚོ་དབྱར་ཁའི་མེ་ཏོག་མཉམ་དུ་སྨིན་སོང་།།
ལོ་ཟླའི་གྲངས་ཀ་རྡོ་བཙག་རྩེ་རའི་ཁྲོད་ནས་ལྷག་སོང་།།
འདས་པའི་བྱིས་ལོ་ཐུན་གཅིག་རྨི་ལམ་འདྲ་བ་སྐྱིད་སོང་།།

རིག་པ་སྦྱང་ལ་རན་པའི་སྣབས་བླུག་བྱིས་པ་ང་རང་།།
སྤང་ཁའི་མེ་ཏོག་འཐུ་བཞིན་སློབ་གྲྭའི་སྒོ་ནང་འཛུལ་ཚེ།།

དེ་ལས་མང་བ་། “ངའི་སེམས་པ།” »

རྫ་ཚེ་རིང་བཀྲ་ཤིས།

ལམ་ཆེན་སྣེ་མོ་ཤར་གྱི་མཐའ་ལ་བསྐྱངས།།
སྒར་བའི་མི་ཚེ་སྐྱ་མོའི་ལམ་ནས་ཟད།།
དགུང་མ་རེ་རེ་བཞིན་ཟླ་བ་སྔས་ལ་བཏགས།།
འདི་དུས་ཁོ་བོས་ཁྱེད་རང་དྲན་བཞིན་མཆིས།།

བྱེ་མའི་ཐང་ལ་རྔ་མོང་གོམ་ཁ་བརྟན།།
མི་མེད་ལུང་བར་རྟ་ཕོ་ཕྱི་ཐག་རིང་།།
བྲོ་ཁ་ཆད་ན་ལམ་རོགས་འཚིག་པ་ཟ།།
འདི་དག་ཡོད་ཚད་ང་ལ་ཆ་ཡོད་ཡིན།།

དེ་ལས་མང་བ་། “ཤར་འདུལ་དམག་དཔོན་འབྲོམ་སེང་གེ་དཔལ་གྱིས་ནང་མི་དང་འཛོམས་དུས་བྱེད་པ།” »

ཆོས་རྗེ་ཚང་ཡོན་ཏན་རྒྱ་མཚོ།

 
ཨ་མ་བཟང་མོའི་བྱམས་བརྩེའི་ཐུ་འོག་ནས།།
འཛུམ་ཆུང་རྒྱས་པའི་བུ་མོ་མེ་ཏོག་ཁྱོད།།
དེ་རིང་ཟླ་བཅུ་ལོངས་པའི་ཉིན་མོ་འདིར།།
ཨ་ཕས་ཚིག་འགའ་བཤད་ལ་བུ་མོས་ཉོན།།

རེ་དོགས་མ་མང་ཕུགས་འདུན་ཡོད་པ་བྱོས།།
དགའ་སྐྱོ་མ་མང་རང་ཚུགས་བརྟན་པ་བྱོས།།

དེ་ལས་མང་བ་། “ཨ་ཕས་བུ་མོར་བཤད་པའི་སྙིང་གཏམ་ཚིག་གསུམ་མ།” »

ཀོ་ལི་གྷ་གཞིས་ཆགས་གཞུང་པ་ཚེ་དབང་བསོད་ནམས།

ཀ་ལས་མང་པོ་མྱང་པའི་སྤྲེལ་སྲིན་རིགས།།
ཁ་བ་ཅན་དེ་ང་ཚོའི་ཕ་ཡུལ་རེད།།
ག་རེ་བྱས་ནས་རྒྱ་ལ་ཤོར་བ་རེད།།
ང་ཚོ་མི་ཡུལ་ཡོང་དོན་གང་ཡིན་ནམ།།
ཅ་ཅོ་མང་བའི་རྒྱལ་སྤྱིའི་ཆབ་སྲིད་མདུན།།
ཆ་རྒྱུས་མེད་པའི་བོད་མིའི་འཐབ་རྩོད་དེ།།

དེ་ལས་མང་བ་། “ཕ་ཡུལ་དྲན་པའི་ཀ་བཤད་ཁ་བརྡ་མ།” »

འབའ་སྲས།

སྙན་ངག་ཤོག་དཀར་ངོས་ནས་མིན།།
སྙན་ངག་སྙུ་གུའི་རྩེ་ནས་མིན།།
སྙན་ངག་དཔེ་དེབ་ངོ་ན་མེད།།
སྙན་ངག་ཡི་གེའི་ཚོགས་ན་མེད།།

རི་དང་རྒྱ་མཚོ་སྙན་ངག་ཀློང་།།
ཁྱིམ་དང་གྲོང་ཁྱེར་སྙན་ངག་མཛོད།།

དེ་ལས་མང་བ་། “སྙན་ངག་གང་ནས་འབྲི། ཇི་ལྟར་འབྲི། ༼ཞར་བཀོད་གཅིག༽” »

འབའ་སྲས།

ཡ་ཁ་སྤུ་ཡི་སྐྱེས་རྒྱ་སྟུག་པོའི་ཁ།།
མ་ཁ་འཇིབ་ན་ཞིམ་ཞིང་མངར་བའི་ཁ།།
ཆང་དྲི་དུ་དྲི་གཏན་ནས་མི་བྲོ་ཁ།།
ང་ཡི་ཁ་འདི་གཞན་དང་མི་མཚུངས་ཁ།།

ཡི་གེ་བཀླག་ན་མེ་ལྕེ་འབར་བའི་ཁ།།
སྙན་ངག་འཆད་ན་གློག་དམར་འཁྱུག་པའི་ཁ།།

དེ་ལས་མང་བ་། “ངའི་ཁ།” »

སྲས།

མཚན་མོ་རྔམས་ཀྱིན་སླར་ཡང་འཁྲིས་ལ་སླེབས།།
མི་རྣམས་མུན་པར་འཁྱུད་ནས་ནས་རྨི་ལམ་རྩོམ།།
ཁོ་བོས་གཉིད་དང་ལོ་ཟླ་བོར་རྗེས་སུ།།
དྲན་པས་གཤེར་བའི་གཞས་དེ་སུ་ལ་ལེན།།

འགྲམ་པ་བསྐྱོར་ཏེ་ངག་སྒོ་ཡང་ཡང་བསལ།།
མགྲིན་པ་རྣོང་གིན་གནའ་བོའི་གཞས་ཚིག་བཀླགས།།

དེ་ལས་མང་བ་། “གཞས་དང་མཚན་མོ།” »

ཤར་ཕྱོགས་ཁུག་རྟ།

སྟོང་དང་བྱམས་ཆེན་བརྗོད་པའི་མཁྱེན་རྩལ་དང།།
འཇིག་རྟེན་མངོན་སུམ་ལས་ལ་ཕན་ཐོགས་ཀྱི།།
དོན་དམ་མཁས་དང་ཉམས་ལེན་དབྱེར་མེད་པ།།
དཔལ་ལྡན་བླ་མའི་ཞབས་རྡུལ་སྤྱི་བོས་མཆོད།།

དེང་དུས་ཆེ་ཕྲ་ཕལ་རྣམས་རགས་པ་རེ།།
གོ་རིག་མྱོང་བས་ཚད་དུ་གདའ་ནའང།།

དེ་ལས་མང་བ་། “བློ་སྦྱོང་རང་སྐྱོབ་མ།” »

འབའ་སྲས།

གངས་ཅན་ཡུལ་ནས་སྡོད་སྐལ་མ་བྱུང་བས།།
མི་ཡུལ་ས་མཐའི་སྐྱོ་བ་འཁུར་དགོས་ཀྱང་།།
བཙན་གྱིས་དབང་བསྒྱུར་རང་དབང་འཕྲོག་པ་ཡི།།
གཞན་བསྟུན་དཀའ་ངལ་མེད་པས་སྐྱིད་པོ་རེད།།

སྤུན་དང་གཉེན་ཉེ་དཔུང་རོགས་མེད་པའི་ཡུལ།།
ལྟ་བ་རིག་གཞུང་མི་མཐུན་ཕྱི་གླིང་ནས།།

དེ་ལས་མང་བ་། “སྐྱིད་པོ་རེད།” »

ཀོ་ལི་གྷ་གཞིས་ཆགས་གཞུང་པ་ཚེ་དབང་བསོད་ནམས།

དེང་དུས་ཚན་རིག་ཀླད་རྩ་རྣོ་བའི་སྐབས།།
མི་རྣམས་རང་མཁེ་རང་མིང་གྲགས་ལ་བརྩོན།།
འཇིག་རྟེན་ས་ཡི་ལོ་ཚད་མ་རྫོགས་གོང་།།
ཚན་རྩལ་རིག་པས་ཉེན་མཁའི་ནང་དུ་བཞག།
ཚན་རྩལ་རིག་པའི་ལག་རྩལ་མཐོ་པོའི་འོག།
འཇིག་རྟེན་མི་རྣམས་དངོས་པོའི་འདོད་པས་བཟི།།

དེ་ལས་མང་བ་། “ཚན་རིག་པ་ཚོས་འཇིག་རྟེན་ས་གཞི་ལ་འགན་སྲུང་དགོས་པའི་ཁ་བརྡ།” »

ཨེ་མ་ཧོ།

སརྦ་ལོ་ཀ་བྷོ་ཊ་བི་ཛ་ཡེ།
བོད་རྒྱལ་བཙན་པོའི་བདེན་དྲང་ལོ་རྒྱུས་བརྗེད།།
རང་དབང་ཟེར་ནས་བྲན་གཡོག་ལམ་ལུགས་སྤེལ།།
ཤེས་ལྡན་མི་ལ་ཉེས་མེད་རྫུན་ཞྭ་གཡོགས།།
བདེན་པའི་རྒྱལ་ཁ་རི་བོང་རྭ་དང་མཚུངས།།

དེ་ལས་མང་བ་། “བོད་ལུགས་བརླག་སྲུང་གི་སྨྱོན་ཚིག་དྲི་ཟའི་པི་ཝཾ།” »

རྒྱང་མིག

སེམས་ཚོར་ཞིག་གིས་གོམ་འགྲོས་ཡར་ལ་བསྒྱུར།།
འགྲོ་ཕྱོགས་ཤིག་གིས་གོམ་སྣེ་གཞུང་ལམ་དྲངས།།
ལྟ་སྟངས་ཤིག་གིས་ཚིག་ཇ་ཚོང་ཁང་མཐོང༌།།
ཡིད་འགྱུར་ཞིག་གིས་ཇ་ཞིག་འཐུང་འདོད་སྐྱེས།།

ཇ་ཁང་ནང་དུ་སླེབས་མཚམས་མིག་བསྐོར་བརྒྱབ།།
ཇ་ཁང་ནང་དུ་མི་ཚོགས་གང་འཚམས་འདུག །

དེ་ལས་མང་བ་། “ཚིག་ཇ་ཚོང་ཁང་དང་རླུང་རྟ།” »