ཨེ་མ་ཧོ།
ན་མོ་གུ་རུ་པདྨ་མུ་དྲ་ཡེ།
དགའ་བ་བཅུ་དྲུག་གིས་བདེ་ཆེན་སྟེར་ཞིང་།།
སྟོང་པ་བཅུ་དྲུག་གི་རྟེན་འབྲེལ་མངོན་པའི།།
བདེ་སྟོང་ཕྱག་རྒྱ་ཡི་སོ་གཉིས་མཚན་བཟང་།།
རིགས་བརྒྱའི་དཀྱིལ་འཁོར་ལ་ག་ན་ཙཀྲ།།
སྙིང་བརྩེ་དུང་མ་འདི་ཁྱེད་ལ་ཕྱོགས་ནས།།
ཉེར་གཅིག་སྒྲོལ་མ་ཡི་བྱིན་རླབས་གཅིག་འདུས།།
ཆང་སྐྱེས།
ཆང་ཁང་གྲུ་བཞི་འཇའ་ཚོན་གུར་གྱིས་འཁྱིལ།།
གློག་སྒྲོན་དཀར་དམར་སྐར་མའི་འོད་དུ་འཚེར།།
ས་སིའི་རོལ་དབྱངས་ཁུ་བྱུག་གདངས་ཀྱིས་འཕུར།།
རྒུན་ཆང་དམར་བོའི་མངར་ཁ་ཞོ་ལྟར་ཆགས།།
སྐྲ་སེར་བུ་མོའི་འཛུམ་མདངས་ཕྱོགས་སུ་བཞད།།
ཟུར་མིག་དྲག་པོ་ནམ་མཁའི་གློག་བཞིན་འཁྱུག །
དཔལ་གློ་བོ་རྒྱལ།
ཐུགས་མཆོག་འགྱུར་མེད་རྟག་བརྟན་ཇི་ལྟ་དང་།།
གསུང་མཆོག་འགག་མེད་ཇི་སྙེད་ལོངས་སྤྱོད་རྫོགས།།
དམར་གསེར་མདོག་ཅན་ཟློས་གར་སྤྲུལ་པའི་གཟུགས།།
སྐུ་གསུམ་གཅིག་འདུས་འཇམ་དཔལ་མགོན་པོར་འདུད།།
མི་ཤེས་དབང་གིས་འཁོར་བར་འཕྱན་པ་ན།།
བདག་ལ་སྐྱབས་ནས་གཞན་དུ་མེད་པས་ན།།
ཨེ་མ་ཧོ།
ན་མོ་གུ་རུ་ཏཱ་ལའི་ར་ཛ་ཡེ།
ཁྲི་གདུགས་ཉི་མའི་འོད་བཞིན་ཀུན་ལ་གསལ་བའི།།
བོད་རྒྱལ་སྲིད་འཛིན་སེངྒེའི་བོད་འབངས་ཡོངས་དང།།
ཀུན་མུད་གཉེན་བཞིན་རུལ་གསེང་ཚ་བརླབ་སེལ་བའི།།
རྒྱ་ནག་རྒྱལ་པོ་ཞི་ཆེན་ཕན་གྱི་སྡེ་འབངས།།
ལམ་མཆོག་དབུ་མའི་གཉིས་ཕན་ཞི་བདེའི་ཉི་མ།།
དགའ་དགའ།
གནམ་གྱི་འོག་དང་ས་ཡི་ཡང་སྟེང་དེ་ན།།
ལུས་པོ་རྗེན་ནེ་སེམས་པ་ཡད་ཡུད་བྱེད་ཅིང་།།
མིག་ཟུང་ཅེར་བའི་རྟོག་འགྱུ་སྐྱ་བོ་དེ་ཡང་།།
གཏད་སོ་མེད་པ་སྟོང་པའི་དབྱིངས་སུ་ཐིམ་འདྲ།།
སྤྲིན་པ་ངམ་ནག་ཅིག་གིས་རྒྱབ་ནས་དེད་ཀྱང་།།
བྱ་ཚོགས་ལང་ལོང་དགུང་དུ་ཤུགས་ཀྱིས་འཕུར་སོང་།།
ཨེ་མ་ཧོ།
ན་མོ་གུ་རུ་དྷརྨཱ་པ་ལ་ཡེ།
ཆོས་དགེ་བ་བཅུ་ཡི་ཕན་ཡོན་གྱིས།།
སྡིག་མི་དགེ་བཅུ་ལས་ངེས་པར་བཟློག།
ཆོས་བདེན་པ་བཞི་ཡི་ཉམས་ལེན་གྱིས།།
བློ་ཐར་བ་ངེས་པར་དགྲ་བཅོམ་འགྱུར།།
ཆོས་ཕ་རོལ་ཕྱིན་བཅུའི་ལྟ་སྤྱོད་ལས།།
ལམ་ས་བཅུའི་འབྲས་བུ་མངོན་དུ་འགྱུར།།
ཆང་སྐྱེས།
ཉི་མ་ནུབ་ཁ་ཞིག་ལ་རི་ལ་བྲོས།།
རུ་གྲོང་ཆ་མེད་ཅིག་ནས་གྲོ་ཞིག་བསླངས།།
ལམ་ཁ་དོག་ས་ཞིག་ནས་ངལ་ཅིག་གསོས།།
འགྲམ་པ་ལག་པས་སྐྱོར་སྟེ་འདང་ཤིགབརྒྱབ།།
རྩམ་སྐྱ་ཆུ་རྐྱང་བསྲེས་ནས་ཟས་ཤིག་བསྐོལ།།
རས་རྐྱང་སྟན་་མལ་ཁུགས་ནས་གླུ་ཞིག་བླངས།།
ཨེ་མ་ཧོ།
ན་མོ་གུ་རུ་སཾ་བྷོ་ཏྲ་ཡེ། ཨི་ལྡན་དབྱངས་གསལ་སྙན་པའི་ངག། ཨུ་དུམ་ཝ་རའི་ཕྲེང་བ་འདི།། ཨེ་ཝྃ་རིག་པའི་མགུལ་དུ་འབུལ།། ཨོ་རྒྱན་པདྨས་རྟག་ཏུ་སྐྱོབས།། ཀ་དག་རྟོགས་པའི་རྣལ་འབྱོར་དང་།། ཁ་ཁོག་མི་མཉམ་རྟོག་གེ་གཉིས།། ག་ས་གང་ནས་མི་མཚུངས་པས།། ང་ཚོས་མི་ནོར་ཤིན་ཏུ་གཅེས།། ཅ་ཅོ་མང་བའི་ཟློས་གར་དང་།། ཆ་ལུགས་ཀུན་བཟང་རྣམ་ཐར་གཉིས།། ཇ་ཆང་མཆོད་སའི་ལྷ་སྲུང་དང་།། ཉ་ཉོག་གཏམ་འཆལ་མ་ནོར་གཅེས།། ཏ་ཐྰ་ག་ཏའི་བསྟན་པ་དང་།། ཐ་ཆད་འཇིག་རྟེན་འཁྲུལ་སྣང་གཉིས།། ད་འདས་མ་འོང་མི་འདྲ་ཕྱིར།། ན་ནོག་མི་བསྲེལ་ཤིན་ཏུ་གཅེས།།
འབའ་སྲས།
ཅིའི་ཕྱིར་སྐྱེས་པ་ཕ་མས་མ་གསུངས་ལ།།
ཅི་ལྟར་སྐྱེས་པ་རང་གིས་མ་ཤེས་པར།།
སྨྲ་ཤེས་དོན་གོ་མི་ཡི་གཟུགས་ཅན་ང་།།
འཇིག་རྟེན་འདི་ན་ཡོད་པ་སྔ་ན་ཤེས།།
བཟའ་བཏུང་ཆེད་དུ་ཟེར་ན་དེ་མ་རེད།།
གཞན་དོན་ལྷུར་ལེན་བྱ་བ་ངས་མི་ཐུབ།།
ཆང་སྐྱེས།
ལྷགས་རླུང་ང་རོ་རྒོད་པའི་དུས་ཚིགས་ཤིག་སྟེ།།
འཇག་མས་ཤུགས་གླུ་འཐེན་པའི་མྱ་ངན་ཀློང་ན།།
ཅེ་སྤྱང་སོ་བ་མཐོན་པོ་སྒང་ནས་བུད་དེ།།
རི་དྭགས་མ་བུ་ཚོགས་ཀྱི་ལྷིང་འཇགས་དཀྲོགས་སོང་།།
སྨག་རུམ་མུན་པ་སྟུག་པའི་ས་སྲོད་ཅིག་སྟེ།།
ཁྱི་ཚོགས་ཟུག་སྐད་འཕུར་བའི་སྐྱོ་དབྱངས་ཁྲོད་ན།།
ཨེ་མ་ཧོ།
ན་མོ་གུ་རུ་བྷོ་དྷི་ཙིཏྟ་ཡེ། སངས་རྒྱས་ཆོས་དང་དགེ་འདུན་ལ།། མི་ཕྱེད་དད་པས་སྐྱབས་འགྲོ་ཞིང་།། བྱང་ཆུབ་སྨོན་དང་འཇུག་པའི་སེམས།། ནམ་ཡང་མི་ཉམས་རྟག་ཏུ་སྲུང་།། བྱམས་སེམས་སྤྱི་ཕན་རང་བཞིན་ཅན།། སྙིང་རྗེ་གཞན་དོན་རྩ་བ་ཅན།། ཀུན་ལ་མཉམ་པའི་དགའ་བདེ་ཅན།། བཏང་སྙོམས་ཆེན་པོ་རྟག་ཏུ་གཉེར།། སྣང་བ་སེམས་ཀྱི་རང་འོད་ཅན།། རྣམ་རྟོག་ཆོས་ཉིད་རོལ་པ་ཅན།། ཉོན་མོངས་ཡེ་ཤེས་གསལ་འདེབས་ཅན།། འདོད་ཡོན་ཉམས་རྟོགས་རྟག་ཏུ་བསྟེན།། ན་ཚ་སྡུག་བསྔལ་དགེ་བའི་བཤེས།། དགྲ་བགེགས་ཆོས་ཉིད་བསྐུལ་བའི་གཉེན།།
ཁྲོ་གཏུམ།
ཉི་འོད་བཅག་པའི་ལམ་མཐིལ་རྐང་པའི་མཐིལ་ལ་བར་མེད་སྡང
ལོ་ཟླའི་རླུང་གཡབ་ཚ་ཐབ་དམར་བོས་ཉལ་སར་འཕངས་བཞག་ཡོད་པ་འདིས
བྲག་རི་ཉིལ་བའི་ས་རྡུལ་འཕྱུར་ས་རེ་རེ་ལ
བློ་གཤོག་སྙིགས་རོ་རུལ་བས་བཏུམས་པར་གྱུར་བ་ཉིད་ཅིག་ལས
ངམ་ནག་སེམས་ཀྱི་སོ་བ་བྱེད་སྟངས་མི་འདུག་ཅིང
དུས་ཀྱི་རིག་པས་གནམ་ལྕག་ཐོག་གི་བློ་བ་གསད
ཨེ་མ་ཧོ།
ན་མོ་གུ་རུ་ཤྲཱི་སེངྷ་ཡེ། གང་ཞིག་བསྟེན་ན་ཉེས་པའི་ཚོགས།། མ་ལུས་བསལ་མཛད་ཐུགས་རྗེ་ཅན།། ཀུན་མཁྱེན་བརྒྱུད་པའི་བླ་མ་ལ།། ལས་སྨོན་རྟེན་འབྲེལ་འཛོམས་པ་བཟང་།། གང་དུ་གནས་ན་ཉམས་རྟོགས་ཚོགས།། ཡར་ངོའི་ཟླ་བཞིན་འཕེལ་བའི་ཡུལ།། དབེན་ཞིང་བདེ་དགའི་བྱིན་ཆགས་པའི།། བཤད་སྒྲུབ་དགོན་པར་བཞུགས་ན་བཟང་།། གང་དང་འགྲོག་ན་རྣམ་དཔྱོད་དཔལ།། གོང་ནས་གོང་དུ་སྤེལ་བའི་མཆེད།། ལྟ་སྒོམ་སྤྱོད་ལམ་ཀུན་མཐུན་པའི།། བློ་ཐུབ་གྲོགས་པོ་མང་ན་བཟང་།། གང་གིས་འཚོ་བའི་གནས་མལ་རིགས།། མཐའ་གཉིས་མ་སློང་ཆོག་ཤེས་ཅན།།
དེ་ལས་མང་བ་། “རྟེན་འབྲེལ་དགེ་བའི་གདམས་བཟང་མ་ལ་ཡ་ཡི་དྲི་བཟང་།” »
བདེ་པོ་འཚོ།
སྨན་ལྗོངས་ཕྱུག་མོའི་ཡུལ་ལ།།
གངས་རི་དཀར་པོ་མཐོ་ཡང་།།
གངས་སེང་གཡུ་རལ་མེད་ན།།
གངས་རིའི་གཟི་དཔལ་མི་འདུག།
ཁ་བ་གངས་ཅན་ལྗོངས་སུ།།
ཆོལ་གསུམ་སྤུན་ཟླ་འཛོམས་ཀྱང་།།
ཐང་ང་ལྷ་མོ།
ཆུ་འགོ་གངས་ལས་མཆེད་དེ།།
ཆུ་རྔ་མཚོ་ལ་ཟུག་པས།།
མཐའ་ཡས་རྒྱ་མཚོ་འདི་ནི།།
འཛམ་གླིང་སྐྱེ་འགྲོའི་རྒྱན་རེད།།
རྫ་རི་སྨུག་མདངས་ཅན་པོ།།
གཏེར་སྣའི་བང་མཛོད་ཡིན་ལ།།
བདེ་པོ་འཚོ།
དེ་རིང་ང་དགའ་སོང་ལ དེ་རིང་ང་སྐྱོ་ཡང་སོང
རྒྱུ་མཚན་ནི ལོ་ཟླ་རིང་མོའི་འཕྲེང་བ་ལུ་གུ་རྒྱུད་དུ་འདས་པའི་རིང
ཨ་མའི་ཞལ་རས་དྲོན་མོ་ལན་གཅིག་མཇལ་བའི་སྐལ་བ་དང་བྲལ་བས
དོ་དགོང ཉིད་ཀྱི་གཉོམ་ཞིང་འཇམ་པའི་སྐད་ངག་གི་ཚིག་འབྲུ་རེ་རེ
ངའི་སྒྲ་འཛིན་གྱི་བུ་ག་རེ་རེ་ནས་འཛུལ་ཡོང་དུས
བུ་མོ་ངའི་སེམས་པ་དགའ་སྐྱོ་འདྲེས་མས་ཡོངས་སུ་བསྐྱོམས
རྣམ་གྲོལ་གླིང་། དགའ་དགའ།
མཚན་སྨག་གོས་སུ་གྱོན་ནས་ལྡིང་བ་དང་།།
ས་གཞི་རྐང་པས་བརྫིས་ཏེ་སྐྱོད་བཞིན་དུ།།
སེམས་ཀྱི་སྙན་ངག་ཁ་ནས་གྱེར་སྟངས་དེ།།
ང་རང་སྲིད་པའི་གླིང་དུ་ཐིམ་ཚུལ་ཡིན།།
དགུན་རླུང་གྲང་མོས་མཁའ་ནས་འུར་སྒྲ་དང་།།
ལྗོན་པའི་གསེབ་ནས་སྲོག་ཆགས་སྔུར་སྒྲ་ཞིག །
ཨེ་མ་ཧོ།
ན་མོ་གུ་རུ་བུདྡྷ་ཛྙྰ་ན་ཡེ། ཉན་རང་ཆོས་ལ་བློ་ཕུག་གཏད།།རྟེན་འབྲེལ་བཅུ་གཉིས་ལུགས་ལྡོག་སྒོམ།།རྒྱུ་འབྲས་ཆོས་ལ་ཡིད་ཆེས་པ།།དབང་པོ་ཐ་མའི་ཡང་དག་ལྟ།།བྱང་ཆུབ་སེམས་ལ་སྨོན་འདུན་བྱས།།ཕྱིན་དྲུག་སྤྱོད་པས་གཞན་དོན་སྒྲུབ།།ཆོས་ཀུན་སྣང་སྟོང་ཟུང་འཇུག་རྟོགས།།དབང་པོ་འབྲིང་གི་ཡང་དག་ལྟ།།སྣོད་བཅུད་ཡུལ་ལ་གཟུང་འཛིན་ཆོས།།བལྟ་བྱ་ལྟ་བྱེད་བལྟས་པ་གསུམ།།དབྱེར་མེད་དབུ་མ་ཉིད་དུ་རྟོགས།།དབང་པོ་རབ་ཀྱི་ཡང་དག་ལྟ།།སྣང་སྲིད་རྣམ་དག་ལྷ་སྐུ་ལ།།གཟུང་འཛིན་བྲལ་བའི་ངང་ནས་སྒོམ།།དག་པ་རབ་འབྱམས་ལོངས་སུ་སྤྱོད།།
དེ་ལས་མང་བ་། “ཡང་དག་ལྟ་བའི་མེ་ལོང་ཡེ་ཤེས་འོད་སྣང་ཞེས་བྱ་བ།” »
རྣམ་གྲོལ་གླིང་། དགའ་དགའ།
ལྷིང་འཇགས་མཚར་སྡུག་ཅན་གྱི་ས་སྲོད་དེ་ནས།།
སྤྲིན་དཀར་འདབ་མ་ལྷུང་སའི་ཆུ་བོའི་ངོགས་སུ།།
ཆུ་ཡི་རླབས་རིས་བཞིན་དུ་སྒེག་ཉམས་འཕྱོ་བའི།།
ཁྱད་འཕཊ་གཟུགས་ཀྱི་ལྷ་མོ་མངོན་སུམ་མཐོང་བྱུང་།།
གོས་དཀར་སྲབ་མོའི་ཐུ་མཐའ་རྒྱབ་ཏུ་སྐྱོད་ཅིང་།།
ལུས་ཀྱི་གར་དང་ཚོར་བ་ཟུང་དུ་འབྲེལ་བའི།།
འཇམ་གཅེས།
བླ་སྤྲུལ་མཚན་འཛིན་འབྱོར་མེད་གྲྭ་རྐྱང་ཁྱེད་གསོན་དང་།།
གཞོན་ནུ་ཉིད་ནས་དབུ་ལོ་དཀར་པོ་ཡི་བར་དུ།།
ཕྱག་ན་པདྨོའི་དབུ་འོག་དཔུང་འདེགས་དེ་ཞུས་དུས།།
ཐུགས་སེམས་སྤྲོ་པོ་འདུག་གམ་ཟམ་གདོང་གི་པཎ་ཆེན།།
ནག་པོ་རྒྱ་དང་ཆེན་པོ་ཧོར་སོགས་ཀྱི་ཡུལ་ནས།།
ཆེན་པོའི་མིང་དང་ཞྭ་མོ་ཆོ་ལོ་སོགས་མེད་རུང་།།