གཞུང་པ་ཚེ་དབང་བསོད་ནམས་།

༄༅།།   ཀེ་ལ་ཤ་དང་གངས་དཀར་ཏི་སེ་ཆུ་ཤེལ་གངས་ཅན་མགོན་པོར་འདུད།།
ཁ་བས་གཡོགས་པའི་མདོ་སྨད་སྐུ་འབུམ་སྟག་འཚེར་ཡུལ་དུ་གཟུགས་སྐུ་བལྟམས།།
ག་ས་ག་ལ་ཁྱེད་ཀྱིས་འཁྲུངས་སྐར་བསུ་བའི་ཉི་མ་འབུམ་དུ་མངར།།
ང་ཚོ་བོད་རིགས་འཚོ་བའི་རྒྱབ་བསྟེན་མགོན་པོ་གང་གིས་སྐུ་ཚེར་རག །

ཅ་ཅོ་མང་བའི་དུས་ངན་སྙིགས་མར་ཕྱི་དང་ནང་གི་འགལ་རྐྱེན་མང་།།
ཆ་མེད་ཡུལ་དུ་ཁྱེད་ཀྱིས་ལམ་སྟོན་མང་གཙོ་ཁྲིམས་ཀྱིས་དབང་བསྒྱུར་བཙུགས།།
ཇ་ཆང་ལོངས་སྤྱོད་བདེ་སྐྱིད་འཚོ་བ་རང་ཡུལ་ལས་ལྷག་ཁྱེད་ཀྱི་སྦྱིན།།

དེ་ལས་མང་བ་། “༸གོང་ས་མཆོག་དགུང་གྲངས་ ༨༦ ཐོག་ཕེབས་པའི་སྐུའི་འཁྲུངས་སྐར་ལ་ཕུལ་བའི་ཀ་བཤད།” »

ཨོ་གླིང་།     འདྲེ་གླེན་པ།

ངོ་མི་ཤེས་ཀྱང་དྲྭ་ལམ་ནས་ཕན་ཚུན་གྲོགས་སུ་གྱུར་བའི་གྲོགས་པོ་སྙན་ངག་པ་མང་པོ་འཛམ་གླིང་གི་ས་ཕྱོགས་གང་སར་ཡོད།  ང་ཚོས་རྒྱུན་སྙན་ངག་བྲིས།   ནུབ་ཕྱོགས་ཀྱི་འཚོ་བ་དང་ཕ་ཡུལ།   ཕུགས་བསམ།  བརྩེ་དུང་།   དགའ་སྐྱོ།   རང་དབང་། ཆགས་སྡང་སོགས་འཛམ་གླིང་གི་ཟུར་ངོས་འདྲ་མིན་དང་སྦྱར་ཏེ་སྙན་ངག་བྲིས་པ་རྣམས་ང་ཚོས་ཕན་ཚུན་བཀླགས་པའི་བརྒྱུད་རིམ་ཁྲོད་

དེ་ལས་མང་བ་། “མཐའ་མེད་པའི་བརྩེ་དུང་དང་མཛའ་བརྩེ་བསྩལ་བར་བྱིན་རླབས་གནང་བྱུང་།” »

ཁྲོ་གཏུམ།

རླུང་བུ་གཡུགས་སྟངས་བརྗེས་པའི་ལམ་ཕྱོགས་སུ།།
ནད་ཀྱི་དམག་འཁྲུགས་འཐིབས་པའི་ཡོ་ལངས་སུ།།
ལས་དབང་སྐྱོ་བའི་མིག་ཆུའི་རླབས་ངོས་སུ།།
དྲན་པ་འགུལ་བའི་ལོ་མ་རླུང་ལ་སྤུར།།

རང་སྐད་ཉུང་ཉུང་གྲགས་པའི་ཁང་སྐད་ལ།།
གཞན་སྐད་བྲག་ཅར་འཁོར་བའི་སྒྲ་གཅིག་པུ།།
རྣ་བའི་བུ་ག་གཏོར་བའི་འོན་ལྐུག་ཅིག།

དེ་ལས་མང་བ་། “བསྡད་ས་དེའི་གཡས་གཡོན་དུ།” »

ཁྲོ་གཏུམ།

རི་གྲོང་ལ་ལུད་པའི་ན་བུན་དེ་དག
ལུག་ཁྱུ་དང་འགྲོགས
ནོར་ནག་དང་འགྲོགས
རྟ་མཆོག་དང་འགྲོགས
ལུག་རྫི་བུ་དང་བུ་མོ་རྣམས་སུ་འགྲོགས
རྫི་གླུའི་དབྱངས་འགྲོས་དང་འགྲོགས

ང་ན་བུན་ཁྲོད་དུ་ལྷག་མྱོང

དེ་ལས་མང་བ་། “ན་བུན་སྐྱ་བོ།” »

ཆང་སྐྱེས།

ཀ་ཚང་གིས་སྒྲ་ལོག་རྐྱང་རྐྱང་བཤད།།
ཁ་ཚང་གིས་སྐོར་ལོག་ཏག་ཏག་ལས།།
ག་ཚང་གིས་རྙོག་གྲ་རྐྱང་རྐྱང་ལངས།།
ང་ཚང་གིས་ངོ་ཚ་རྒྱབ་ལ་གཡུགས།།

ཅ་ཚང་གིས་གྲུབ་མཐའི་ཁྱད་པར་གླེང་།།
ཆ་ཚང་གིས་ཆོལ་ཁའི་དབྱེ་མཚམས་ཕྱེས།།
ཇ་ཚང་གིས་ཕྱི་ནང་ཡང་ཡང་དཀྲུགས།།

དེ་ལས་མང་བ་། “ཐོལ་བྱུང་ངག་གི་འགྱུར་ཁུགས།” »

སོ་རུ་ཚེ་རིང་།

ཁྲོ་ཞིང་ནག་པའི་མཁའ་དབྱིངས
གཡོ་ཞིང་འགུལ་བའི་ས་འཛིན
བརྗིད་ཅིང་འདར་བའི་ལྷུན་པོ
འཕྱོ་ཞིང་རྒྱུགས་པའི་གཙང་པོ

ཀྱེ་མ
དེ་ལས་ཀྱང་འཇིགས་སུ་རུང་བ་ནི
མིག་ཟུང་འབུམ་ཕྲག་གི་མདུན་ངོགས་ན
ལམ་ལམ་དུ་མཆེད་པའི་མེ་ལྕེ་རེད

དེ་ལས་མང་བ་། “མེ་ལྕེའི་བཀྲག་མདངས།” »

ཁྲོ་གཏུམ།

ཤོག་བུ་གློའུ་ལྡིང་འགའ་ཀློག་ཞོར
བསམ་གཞིགས་ཀྱི་སྣེ་མོ་ནམ་མཁར་བཏེགས་པའི་སྐྱེས་བུ
མཐོང་རྒྱ་མཐེ་མོང་ཀེར་ས
ཐོས་རྒྱ་རང་སྟོད་བྱེད་ས
དེ་ལྟ་བུའི་གཡང་གཟར་ན་ལྷོད་ལ་བབས་པའི་ཕུག་འདུན་དག
རླུང་ཆེན་གཡུགས་སྟངས
དྲག་ཆར་འབབ་སྟངས་སུ
ནམ་ཡང་གར་འགྲོ་མེད་པའི་མཛོ་མོ་བལ་དཀར་ཞིག

དེ་ལས་མང་བ་། “ཤོག་བུ་གློའུ་ལྡིང་འགའ།” »

གཡུ་སྒང་དགེ་འདུན།

རང་སྣང་དག་པ་ལྷ་ཡི་ཞིང་ཁམས་བཟུང་།།
རང་བྱས་སྡིག་ཉེས་དགེ་བའི་ལས་སུ་བསམ།།
རང་ངོའི་སྐྱོན་གྱི་གཡག་རོ་རེ་ལྡེས་བཀབ།།
རང་སྐྱོན་གཞན་ལ་གཡོག་པའི་འདྲེ་ཚོགས་བདོ།།

ལེགས་བྱས་ལོག་པར་ལྟ་བའི་སྲིན་བྱ་རྣམས།།
ཞེན་ཁོག་དུག་གིས་བཟི་བའི་སྤྱོད་ཚུལ་དེས།།
བདེན་དོན་རྡུལ་དུ་བརླག་པའི་བསམ་སྦྱོར་ལ།།

དེ་ལས་མང་བ་། “ཨུ་ཚུགས་ཀྱི་གདོང་འབག” »

གཡུ་སྒང་དགེ་འདུན།

ཞལ་ཁྱིམ་སྟོན་ཟླའི་དཔལ་ལ་སྐྱེངས་སྟེར་མ།།
སྤྱན་ཟུར་ཟླ་དཀྱིལ་རི་བོང་གཡོ་ལྡན་མ།།
ཚེམས་ཕྲེང་ཟླ་འོད་སྟོང་གི་མདངས་འཛིན་མ།།
ཟླ་བའི་མ་མ་ལས་བྱུང་ཡིད་འཕྲོག་མ།།

ཐུགས་བརྩེ་འོ་མའི་མཚོ་ལས་བྱུང་འདྲ་མ།།
འོ་འཛིན་དུང་གིས་སྐྱེ་འགྲོ་འགུག་བྱེད་མ།།
ལུས་ཅན་བློ་ལ་ཤེས་བྱའི་དཔལ་སྟེར་མ།།

དེ་ལས་མང་བ་། “ལྷ་མོ་དབྱངས་ཅན་མ་ལ་བསྟོད་པ་མེ་ཏོག་ཕྲེང་བ།” »

ཨོ་གླིང་།   འདྲེ་གླེན་པ། 

སྐྱ་རེངས་མ་ཤར་པས་རྨི་ལམ་གྱི་གཤོག་པ་ཆད་མེད།།
རྦ་རླབས་མ་འཕྱུར་བས་མིག་ཆུ་ཡི་གཏམ་རྒྱུད་རྫོགས་མེད།།
ཟླ་འོད་མ་ཚེས་པས་ཞལ་ཁྱིམ་གྱི་མཛེས་པ་ཤར་མེད། ། 
གླུ་སྐད་མ་གྲག་པས་རི་གྲོང་གི་དགོད་སྒྲ་བོར་མེད།  
ཁྱེད་རང་སྐྱེས་པ་ཡང་ཚེ་སྲོག་ཅིག་མ་རེད།།    རྨི་ལམ་ཞིག་རེད་དོ།།   

ཐང་ཆེན་མ་བརྒྱབ་པས་རྟ་མཆོག་གི་གོམ་སྒྲ་རྙེད་མེད།། 
ལ་ཆེན་མ་བརྒལ་བས་འབྲོང་རྒོད་ཀྱི་རྭ་རྩེ་མཐོང་མེད།། 

དེ་ལས་མང་བ་། “ཚེ་སྲོག་རེད་དམ་རྨི་ལམ་རེད།” »

རིག་འཛིན་རྡོ་རྗེ།

ཀ་བ་བཞིན་དུ་གཞུང་དྲང་གཏན་མིན་ཞིག །
ཁ་བའི་ཕྱི་རོལ་བཙན་བྱོལ་སྒྲིག་འཛུགས་ཀྱི།།
ག་ཤེད་སྟེས་ཀྱིས་དཔོན་མིང་ཐོབ་ན་ཡང་།།
ང་སྙམ་འཁྲུལ་སྣང་ཆེ་བས་རང་མདོག་བསྟན།།
ཅ་ཅོ་འདུ་འཛིའི་ལས་བསྟེན་ཆེ་ཉམས་འཛིན།།
ཆ་མེད་བོད་ཐད་ཨ་མཚར་འགྲེལ་ལོག་བསྐྱོན།།
ཇ་ལན་ཆུ་ཡིས་འཇལ་དང་རྟག་འདྲིས་མཐུས།།
ཉ་ཉོག་གཏམ་ནང་མི་མཐུན་འགལ་ཚིག་མང་།།

དེ་ལས་མང་བ་། “ཕེབས་སྐྱེལ་ཀ་རྩོམ་ཐོལ་བྱུང་མ།” »

གཡུ་སྒང་དགེ་འདུན།

(༢༠༢༡།༠༥།༢༧ སྲིད་སྐྱོང་གསར་པའི་དམ་འབུལ་ལ་ཕུལ།)

༡༽ལྷག་བསམ་ཁ་བའི་འདབ་མ་རེ་རེ་དམངས་སེམས་འཛིན་མའི་ཟུངས་སུ་སིམ།།
འདྲེ་དགུའི་ལག་པ་གྲངས་མེད་བསྐྱངས་ཀྱང་བདེན་པའི་རྒྱལ་ཁའི་དར་ཆ་བསྒྲེངས།།
དྲང་བདེན་ལས་ཀྱི་རིན་ཆེན་དང་པོའི་གཟི་འོད་ནམ་མཁའི་དབྱིངས་སུ་འཕྲོས།།
མདོ་སྨད་སྣང་རའི་སྤེན་པ་ཚེ་རིང་སྲིད་སྐྱོང་གསེར་གྱི་ཁྲི་ལ་འགྱིངས།།

༢༽རང་གཞན་ཕྱོགས་རིས་དྲི་མས་མ་གོས་སྤྱི་སྙོམས་དྲང་བདེན་གཙུག་ཏུ་བཟུང་།།

དེ་ལས་མང་བ་། “དབུ་མའི་ལམ་གྱི་རྒྱལ་སྲས་སྲིད་སྐྱོང་སྤེན་པ་ཚེ་རིང་།” »

འདྲེ་གླེན་པ། ༼ཨོ་གླིང་།༽

དབུས་ཇ་མངར་མོ་ལ་སྐོལ་སྟངས་མི་འདྲ་བ་བརྒྱ་ཡོད།།
མངའ་རིས་སྒྲ་སྙན་ལ་དཀྲོལ་སྟངས་མི་གཅིག་པ་བརྒྱ་ཡོད།།
ཨ་མདོའི་བག་ལེབ་ལ་སྙལ་སྟངས་མི་འདྲ་བ་གཉིས་ཡོད།།
ཁམས་པའི་རལ་གྲི་ལ་གཡུགས་སྟངས་མི་འདྲ་བ་གཅིག་རེད།།

ཨ་མདོའི་མོག་མོག་གི་ཁ་ཆུ་ཐུར་དྲུད་མ་ལངས་སྟངས།།
དབུས་གཙང་མོག་མོག་གི་སེན་ཁ་བརྒྱ་འགྲོས་མ་ཉལ་སྟངས།།
ཁམས་པའི་མོག་མོག་མོག་གི་གཡག་ཤ་ཚོན་པོ་མ་འགྱིངས་སྟངས།།

དེ་ལས་མང་བ་། “བོད་ཆོལ་ཁ་གསུམ་ལ་འཐེན་ཐུག་གསུམ་དང་མོག་མོག་གསུམ།” »

ཨོ་གླིང་།   འདྲེ་གླེན་པ། 

མཚན་མོ་གཅིག 
ཁ་བ་འབབ་རྗེས་ཤིག 
རི་དྭགས་ཤིག་དང་འདྲ་བར 
མི་ཀུན་གཡོལ་ནས་འགྲོ་སྐབས་ཤིག
ཁྱེད་རང་གཅིག་པུ་ང་ཡི་འགྲམ་དུ་བཅར
ད་ནི་མི་ལོ་བཅུ   ཕུགས་བསམ་བོར   བརྩེ་དུང་བོར    
དྲན་གདུང་གཅིག་པུ་མིག་ཆུ་དང་འདྲ    

དེ་ལས་མང་བ་། “མི་ལོ་བཅུ” »

བསྟན་འཛིན་ཆོས་སྐྱོང་ནས།

དུས་འགྱུར་རླུང་གིས་སྒྲིབ་པ་གངས་ཀྱི་མདངས།།
གསལ་མཛད་བསིལ་ལྗོངས་མགོན་གཅིག་མི་ཕམ་པའི།།
ཡང་དག་ལམ་གྱི་བདེན་སྟོབས་གནང་སྐྱེས་ཀྱིས།།
འགོག་མེད་འཁྲུངས་པ་སྤེན་པ་ཚེ་རིང་ཅན།།
སྲིད་ཀྱི་ཁྲི་འཕང་བཞེས་པའི་སྟ་གོན་མཛད།།

དེ་ལས་མང་བ་། “མང་བཀུར་སྲིད་སྐྱོང་སྤེན་པ་ཚེ་རིང་མཆོག་གི་མཛད་རྗེས་ཉུང་ཙམ་བརྗོད་པ་ཨུ་དུམ་ཝ་རའི་མེ་ཏོག་ཞེས་བྱ་བ།” »

བསྟན་འཛིན་རབ་དགའ།

བདེན་པའི་གད་རྒྱངས་བསྐལ་པའི་མེ་དཔུང་གིས།།
ངན་རྟོག་བྱེ་མའི་མཁར་རྫོང་སྟོང་ཕྲག་སྲེག།
ཁྲེལ་གཞུང་འགྱེལ་བའི་འཐེང་པོི་ཁྱུ་དང་ཁྱུ།།
ཁྲོམ་ལ་གཅེར་བུར་དེད་པའི་ལྟད་མོ་ལ།།
གུས་བསྟོད་མཐེ་བོང་རི་བོ་ནམ་མཁར་བརྩེགས།།
སྲིད་སྐྱོང་ཁྲི་ལ་འཁོད་པར་རྟེན་འབྲེལ་ཞུ།།

དེ་ལས་མང་བ་། “དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ལ་འཚམས་འདྲིའི་ཤིས་ཚིག་བསོད་ནམས་རྒྱན་གྱི་མེ་ཏོག་ཅེས་བྱ་བ།” »

མདོ་སྨད་དབུས་རྒྱུན་ཚོགས་ཟུར་བསྟན་པའི་དངོས་སྒྲུབ་ཀྱིས།

བསྟོད་པས་དགའ་བར་མི་འགྱུར་རང་ཉིད་རང་གིས་ཤེས་པའི་མི།།
སྨད་པས་སྡང་བར་མི་འགྱུར་བསམ་ཤེས་གུ་ཡངས་མཉམ་པར་འཛིན།། 
ལྟ་བའི་མིག་དང་ཁོག་པའི་སྙིང་ཞེས་མགོ་ནག་བོད་མིའི་སྐྱབས་གཅིག་བུ།།
སྒྲུབ་པའི་མཆོད་པས་མཉེས་པར་བྱེད་མཁས་མི་རྗེ་ཁྱེད་ཉིད་གཙུག་ཏུ་བཀུར།།

དེ་ལས་མང་བ་། “མི་རྗེ་སྐུ་ངོ་སྤེན་པ་ཚེ་རིང་མཆོག་བོད་མིའི་སྒྲིག་འཛུགས་ཀྱི་སྲིད་སྐྱོང་དུ་འོས་བསྡུའི་ལམ་ནས་རྒྱལ་ཁ་ཆེན་པོ་ཐོབ་པར་བཀྲ་ཤིས་བདེ་ལེགས་གྲངས་མེད་ཞུ།” »

གསལ་ལེ་རྒྱལ།

ལོ་རེའི་སྣ་ཡི་ཁ་ཡག་ལན་གཅིག་དེར་ཉན་ནས།།
ཁ་སང་བསྟོད་པ་སྟོང་གི་ལས་མཚམས་ལ་བཞུགས་རྗེས།།
ད་ནིང་སྔ་སེ་ལོངས་ཞེས་ཁ་སང་གི་ལས་ཀ།
ནམ་ལང་ཉི་མས་དེད་པའི་ཨ་མ་ལགས་བདེ་འམ།།   

དྲ་རྒྱའི་རྒྱུད་ལམ་ཚང་མ་འགུལ་སྟངས་ལ་བལྟས་ན།།
ཁ་སང་ཁེར་མོར་ཁ་སྐྱིད་ཡ་མཚན་ཞིག་བརྒྱབ་འདུག།
རྒྱས་ཟ་རྒྱས་འཐུང་བྱེད་ལ་མ་གོམས་པའི་ཨ་མར།།
རྒྱགས་གཟེར་ལྟོགས་གཟེར་གཉིས་ལ་ཁྱད་པར་འདྲ་འདུག་གམ།།

དེ་ལས་མང་བ་། “ཨ་མའི་དུས་ཆེན་གྱི་ཕྱིར་ཉིན།   ” »

འོད་ཟེར།

ཨ་མ་མེད་ན་གནམ་འོག་སྟོང་པ་ཡིན།།
མི་རུ་སྐྱེས་ནས་མི་ཚེ་མ་ཟད་བར།།
མི་ཡི་ཡུལ་ན་བློ་ཡིས་མི་ཐོང་པ།།
མི་ཆོས་དམ་ཆོས་གང་ནས་བསམས་ཀྱང་རུང།།
མི་ལུས་གཅིག་ལ་བཀའ་དྲིན་གསབ་དཀའ་མ།།
གང་ཁྱོད་དྲན་ནས་མི་ལ་རུས་པ་ངུས།།
གང་དེའི་ཆེད་དུ་རྒྱལ་བ་ལྷ་ཡུལ་འགྲིམས།།
གང་གིས་ཤངས་ཁྲག་རང་སྐུ་མ་ལ་བཞེངས།།

དེ་ལས་མང་བ་། “ཨ་མ།” »

རིག་བྱེད་པ་ཚེ་རིང་། (རྡ་ས།)

སྤྱི་པའི་སྒྲིག་འཛུགས་གཟི་བརྗིད་འོད་མདངས་ཅན།།
སྒེར་གྱི་སྙན་གྲགས་སྐམ་པོ་རྒྱས་བྱེད་དུ།།
བེད་ལོག་སྤྱོད་མཁན་བློ་བཟང་སེང་གེ་དང་།།
ཨབ་ཕྲུག་མང་པོའི་པགས་པ་དམར་པོ་བཤུས།།

སྤྱི་སེམས་བོར་བའི་གཏམ་བཤད་ཡན་པོ་དང་།།
ཤ་ཚ་བྲལ་བའི་བྱ་སྤྱོད་ནག་པོ་ཡིས།།
ཆིག་སྒྲིལ་དུམ་བུར་བཏང་བའི་ཉེས་པ་རྣམས།།
མངོན་མངོན་རྗེན་པར་ཕྱུངས་པའི་སྨྲ་བ་མཐོ།།

དེ་ལས་མང་བ་། “དྲང་བདེན་པ་ཐུབ་བསྟན་ཐོགས་མེད་ལ་བསྟོད་པ།” »