བྱ་མདོ་སྐལ་རྒྱམ།
དེ་རིང་ང་ཁྱོད་ཀྱི་གྱ་སྟོན་ན་ཡོད
བོད་པའི་ལྷ་མི་གཉིས་ནས་ཁྱོད་ལ་བརྟན་བཞུགས་ཕུལ་ཞིང
འཛམ་གླིང་ཆེ་རྒུ་དུ་མས་ཁྱོད་ལ་ཁ་གཡང་བསྒྲགས་བྱུང
ལོ་ཟླས་ཅི་ལྟར་སྒྲོག་མོད་ཀྱང
མི་ཚོགས་འདིའི་སེམས་སུ
ཁྱོད་ཉིད་གྲིབ་ཡོར་དང་འཕེལ་འགྲིབ་མེད་པའི་འོད་གོར་ཞིག་ཡིན
འཇམ་གཅེས།
རིགས་དྲུག་འགྲོ་བ་ཡོངས་ཀྱི་སེམས་ཁོང་གི་ནོར་བུ།།
ས་ཆེན་གོ་ལའི་སྟེང་གི་ལམ་སྟོན་གྱི་སྒྲོན་མེ།།
མགོ་ནག་བོད་པ་ཚང་གི་འདི་ཕྱི་ཡི་སྐྱབས་གནས།།
དགུང་གྲངས་བརྒྱད་ཅུར་ཕེབས་པའི་རྗེས་དྲན་འདི་རྨད་དོ།།
__ཨ དོན་ཉི།
ཞབས་ཐང་དྷ་སར་བསྒྱུར་བའི་༧གོང་ས་མཆོག །
འགྲོ་ལ་ཕན་བདེ་བསྐྲུན་པའི་དགེ་སྦྱོང་ཞིག །
ཙི་ནས་ས་མཐར་སྤྱུགས་པའི་༧གོང་ས་མཆོག །
འོད་ཀྱི་གཤོག་ཟུང་ལྡན་པའི་སྐྱེས་ཆེན་ཞིག །
དགྲ་ལ་མཛའ་ཞིང་བརྩེ་བའི་༧གོང་ས་མཆོག །
རྔ་བཟའ་བདེ་པོ་འཚོ།
སྙིང་རྗེའི་བདག་ཉིད་འཕགས་མཆོག་སྤྱན་རས་གཟིགས།།
འགྲོ་ཁམས་རྒྱ་མཚོའི་མགོན་པོ་སངས་རྒྱས་དངོས།།
བླང་དོར་མུན་སེལ་དུས་མཐའི་སྟོན་པ་རུ།།
བྱོན་པའི་སེམས་དཔའ་ཆེ་ལ་སྙིང་ནས་འདུད།།
འཛམ་གླིང་མཁས་བཙུན་སྐར་ཚོགས་བྱེ་བའི་ཁྲོད།།
དགེ་བཤེས་དགེ་འདུན་ཆོས་འཕེལ།
ཚན་ཆོས་ཟུང་འབྲེལ་རྟེན་འབྱུང་གནས་ལུགས་དང་།།
ཆོས་དང་མ་འབྲེལ་ཀུན་ཁྱབ་ལྟ་གྲུབ་སྲོལ།།
གླིང་འདིར་གསར་དུ་ཤིང་རྟའི་སྲོལ་འབྱེད་པོ།།
སྟོན་པ་ཆེན་པོ་ཏཱ་ལའི་བླ་མར་འདུད།།
ས་འོག་འབུ་སྲིན་ས་སྟེང་རྒྱལ་བའི་སྐུར།།
དེ་ལས་མང་བ་། “སྐུའི་གྱ་སྟོན་ལ་ཕུལ་བའི་བཀའ་དྲིན་གྱི་མ་ཎི་རྡོ་འབུམ།” »
སྙན་བཟང་གཡུང་དྲུང་ཚེ་རིང་།
སྟོང་གསུམ་འཇིག་རྟེན་ཁམས་ཀྱི་རྒྱལ་བ་རྒྱ་མཚོའི་ཐུགས་བསྐྱེད་ལེགས་པར་བསྲུབས་པའི་རོལ་བ་འབུམ་ལས་སྤྱན་རས་གཟིགས་དབང་ཕྱག་སྟོང་སྤྱན་སྟོང་མདོ་སྨད་ཙོང་ཁའི་ཞིང་དུ་འཁྲུངས་པས་གངས་རིའི་ལྗོངས་སུ་དགེ་ལེགས་ཟེགས་མ་ཕྱོགས་སུ་འཐོར་བའི་སྣང་བ་དཀར་པོ་གདོང་དམར་སྐྱོང་བའི་གཉེན་དུ་བབས། །
ཤར་ཕྱོགས་ཁུག་རྟ།
————གྱ་སྟོན་ལ་ཕུལ།
དགའ་བ་ཅི་ལ་མི་དགའ།།
ད་དུང་གཞོན་ཤ་རྒྱས་འདུག །
སྐྱོ་བ་ནོན་ཐབས་མ་བྱུང་།།
ལོ་རྒན་བརྒྱད་ཅུ་ཟིན་འདུག །
སྤྱི་ཚིས་སྲབ་སྲབ་ཤོག་བུ།།
རང་དོན་ཕག་པའི་ཚིལ་ལུ།།
ཨེ་མ་ཧོ།
སྐུ་འགྱུར་མེད་བསྐལ་བརྒྱར་ཞབས་བརྟན་ཅིང་།།
གསུང་འགགས་མེད་དམ་ཆོས་རྟག་ཏུ་སྒྲོག །
ཐུགས་མཚུངས་མེད་ཡིད་བཞིན་ནོར་བུ་ཉིད།།
ཚེ་གྲངས་མེད་བཞུགས་པའི་སྨོན་ལམ་འདེབས།།
འབའ་སྲས།
—————–སྐུའི་གྱ་སྟོན་ལ་ཕུལ།
སྐུ་ལ་རས་རྐྱང་ཧྲལ་ཧྲུལ་གྱོན་ཡང་སྐུ་ལུས་རིན་ཆེན་བརྫུས་པ་མེད།།
གསུང་ལ་གུས་ཚིག་ཁོ་ན་ལྡན་ཡང་གསུང་བཤད་བདུད་རྩི་དཔག་ཏུ་མེད།།
ཐུགས་སུ་སྙིང་རྗེ་གཅིག་པུ་མངའ་ཡང་འགྲོ་བ་སྐྱོབ་པའི་ཐབས་ཤེས་ཟབ།།
ང་ཡི་སྐྱབས་གཅིག་རྒྱལ་བ་ཡིད་བཞིན་སྐུ་གསུང་ཐུགས་ལ་ལན་བརྒྱར་འདུད།།
ས་འཛིན་དཀར་པོ།
དུས་གསུམ་སངས་རྒྱས་གཅིག་བསྡུས་སྤྲུལ་པའི་སྐུ།།
རིས་མེད་རྒྱལ་བསྟན་ཡོངས་རྫོགས་གཙུག་གི་ནོར།།
བྱམས་བརྩེ་ནོར་གྱིས་ཕྱུག་པའི་འཕགས་མཆོག་རྗེ།།
མི་འཇིག་བསྐལ་བརྒྱར་འཚོ་བའི་རྟག་བརྟན་ཤོག།
ཆོལ་གསུམ་བློ་གཏད་འཇོག་སའི་ཡིད་བཞིན་ནོར།།
འགྲོ་རྣམས་འཚེ་མེད་ལམ་སྟོན་མཁས་མཆོག་ཉིད།།
བྱ་མདོ་སྐལ་རྒྱམ།
———–གྱ་སྟོན་ལ་ཕུལ་བ།
མི་ལོ་བརྒྱད་བཅུ་ནི། ཞེ་སྨྲེང་བའི་གཏམ་རྒྱུད་ཅིག་གི་ལེའུ་བརྒྱད་བཅུ་ཡིན།
མི་ལོ་བརྒྱད་བཅུ་ནི། འཕྲོ་མཐུད་པའི་ལོ་རྒྱུས་ཤིག་གི་གླེགས་བམ་བརྒྱད་བཅུ་ཡིན།
མི་ལོ་བརྒྱད་བཅུ་ནི། གླེང་རིན་ཡོད་པའི་རྣམ་ཐར་ཞིག་གི་ལེའུ་བརྒྱད་བཅུ་ཡིན།
མི་ལོ་བརྒྱད་བཅུ་ནི། འཛམ་གླིང་ཞབས་ཀྱིས་བཅགས་པའི་ཡིད་འོང་གི་རྐང་རྗེས་བརྒྱད་བཅུ་ཡིན།
རྨེ་བ་འཇམ་དཔལ་ནོར་བུ།
དཔྱིད་ཀྱི་ཆར་བ་ང་ཡི་སེམས་ལ་ལྷུང་།།
སེམས་ཀྱི་ཞིང་སར་དབྱར་གྱི་སྣང་བ་འདྲེན།།
སྣང་བའི་སྣེ་མོ་སྟོང་བའི་དབྱིངས་ལ་བཏེགས།།
སྟོང་བའི་ཁམས་སུ་རྟེན་འབྲེལ་མེ་ཏོག་བཞད།།
སེམས་ཀྱི་མེ་ཏོག་གངས་རིའི་ཞོལ་ལ་འཁྲུངས།།
གངས་རིའི་མཛེས་སྡུག་ལྷ་ཡི་ཚལ་དུ་བཞག།
ག་ལེར་བརྟགས་ན་ཤིན་ཏུ་ངོ་མཚར་གཏམ།།
ནམ་མཁའ།
གངས་ཅན་རྒྱུད་ལ་འཁྲུངས་པའི་མི་ཡི་གཟུགས།།
བྱིས་པའི་དུས་ནས་ཚེ་ཡི་ཐ་མའི་བར།།
གངས་ཅན་སྐྱིད་ལ་འཇོག་པའི་སེམས་པ་འདིས།།
འཛམ་གླིང་ཡོངས་སུ་ཉམ་ཆུང་འཛུམ་གྱིས་བསྐོར།།
སྤྱན་ཕྱག་སྟོང་གི་ཟློས་གར་མི་ཡི་གཟུགས།།
བྱིས་པའི་སེམས་པ་རྩེད་འཇོ་རོལ་དགོས་ཀྱང་།།
ས་དབང་དབང་རྩོད་འཁྲུགས་པའི་རྦ་རླབས་ཀྱིས།།
རྫ་ཚེ་རིང་བཀྲ་ཤིས།
ཕལ་ཆེར་ཁྱེད་ནི་ཁ་དོག་མེད་པ་ཞིག །
ཡང་ན་ཁ་དོག་ཚང་མ་བཅོས་མ་ཉིད།།
མེ་ཏོག་བཏུས་དང་མེ་ཏོག་འཛེར་བ་ཡི།།
བྱ་བ་མཐའ་དག་ཡུལ་ལ་མེད་པ་ལགས།།
བྲག་ཆར་འཁོར་བའི་སྒྲ་དང་སྒྲ་ལན་བཞིན།།
ཡོད་ཚད་རྩ་བ་མེད་པའི་རྩེ་མོ་སྟེ།།
རྟོག་འགྱུའི་སྒྲིབ་པ་རྣམ་པར་སེལ་བ་དེར།།
ཚིག མུ་ལ།
ཀ་ཡ་ཆ་ལུགས་ལྔ་ལྡན་བཞུགས་པའི་ངང་།།
ཁ་སངས་སྙན་མོས་འཆད་པའི་མི་སྡུམ་དེས།།
ག་ཤ་འབུམ་གྱིས་ཕྱུག་པོའི་བུ་སློབ་རྣམས།།
ང་གསུམ་བཅོ་ལྔའི་ཟླ་བཞིན་ཏི་ཤན་རྒྱས།།
ཅ་ཏ་སྟེང་གི་དཔོན་གསས་བླ་མ་ཡིས། །
ཆར་ཅི་ཐ་ཙོ་གྲངས་མེད་གདུལ་བྱ་རྣམས། །
གངས་སྨྱུག (བོད།)
མགོ་ནག་མི་ཡི་སེམས་ཀྱི་སྒྲོན་མེ་གངས་ཅན་པ་ཡི་རྒྱན་གཅིག་བུ།།
འཛམ་གླིང་ཞི་བདེའི་དེད་དཔོན་ཆེན་མོ་ལུས་ཅན་ཀུན་གྱི་ལམ་སྟོན་མཆོག །
ཉི་མའི་གཉེན་གྱི་སྲས་སུ་གྱུར་པ་ཤཱཀྱའི་དགེ་སློང་དམ་པ་གང་།།
མཆོག་དམན་བར་མའི་སྐྱེས་བུ་ཀུན་གྱི་དཔྲལ་བའི་མིག་དང་ཁོག་པའི་སྙིང་།།
མཁྱེན་དཔྱོད་ཉི་མའི་འོད་ཐིགས་རེ་རེས་ལོག་རྟོག་མུན་པའི་སྙིང་རྩ་འགེམས།།
རྔ་བ་རྒྱལ་ཁམས་པ།
བདེན་རྒྱབ་རྫུན་གྱིས་བཀབ་པའི་རྒྱ་ནག་དང་།།
ཧམ་སེམས་གནམ་འོག་ཁྱབ་པའི་ཨ་རི་གཉིས།།
རང་རང་ཁེ་ཕན་རྩོད་པའི་གཡུལ་ངོ་ན།།
བོད་ནི་རང་ཁེ་སྲུང་བའི་ལྕགས་རི་ཞིག།
དམར་བོའི་རུ་ལ་འཇིགས་པའི་རྒྱ་གར་དང་།།
ས་འཛིན་དཀར་པོ།
འཇིག་རྟེན་སྲིད་རྩེར་ཆགས་པའི་གངས་ཅན་ཡུལ།།
ཡབ་མེས་སྲོང་བཙན་བརྒྱུད་པའི་སྙིང་སྟོབས་ཡོད།།
དུས་རབས་གསར་རྙིང་འགྱུར་བའི་ཁུག་ཟུར་ཁྲོད།།
གངས་རིའི་སྲིད་དབང་ལས་འཛིན་ཁྱོད་ལྷག་མེད།།
མ་འོངས་གངས་ཅན་མཁར་རྫོང་གསོན་པའི་ཆེད།།
མི་འདོད་ལས་དབང་བཙན་པོས་གནོན་ཀྱང་རུང་།།
ཨེ་མ་ཧོ།
ན་མོ་གུ་རུ་པདྨ་ཀ་ར་ཡེ།།
ལྷག་པའི་བསླབ་པ་ཚུལ་ཁྲིམས་གངས་ལྟར་དཀར།།
ལྷག་པའི་བསླབ་པ་ཏིང་འཛིན་ཟླ་ལྟར་དཀར།།
ལྷག་པའི་བསླབ་པ་ཤེས་རབ་འོད་སྣང་དཀར།།
ལྷག་དཀར་བཟང་པོ་གསུམ་འཛོམས་ཡོངས་སུ་བསུ།།
ལྷག་དཀར་སྲོལ་རྒྱུན་བཟངཔོའི་གོས་དཀར་གྱོན།།
རས་པ།
གྱེས་སེམས།
སྔུར་བ་ཟ་ཟིར་ཞིག་གི་སྣ་ཐག་ལ་འཇུས་ནས
གངས་རིར་བརྒལ་བའི་གཡག་རྒོད་ཀྱི་བཟོ་འདྲ་བའི
ཧ་ཅང་ཉམ་ཆུང་ཡིན་པའི་ནང་སེམས་ཀྱི་འཇིགས་པ་ཅན
ཆབ་སྲིད་ཀྱི་འཕྲུལ་འཁོར་གྱིས་རྩྭ་སྐྱ་བཞིན་འཐགས་ཤིང