གཅན་བཟོད་རྒྱམ་པས་གུས་པས་ཕུལ།
—————————-
༡༽སྐུ་འཁྲུངས་པ།
འཛམ་གླིང་ཤར་ནུབ་དམག་འཁྲུག་བཙན་པོས་སེམས་ལྡན་དུཿ་ཁའི་ཀློང་དུ་ལྷུང་།།
བོད་དང་ཙི་ནའི་ལས་དབང་བཙན་པོས་གཅིག་ཁ་གཅིག་གིས་གནོན་པའི་དུས།།
ཨ་ཀ་མ་ཡི་ཡུལ་ཆེན་དེ་ནས་ཨ་མ་ཆེན་མོའི་སྲས་སུ་འཁྲུངས།།
ངོ་མཚར་རྟགས་དང་རྟེན་འབྲེལ་ཞིག་གིས་སྒང་བ་བོད་ཀྱི་མིག་ཏུ་གྱུར།།
༢༽ཁྲི་འདོན་གནང་བ།
པོ་ཏཱ་ལ་ཡི་སྒེའུ་ཁུང་རེ་ལ་ཁྱོད་ཀྱི་བྱིས་དུས་རྐང་རྗེས་རེ།།
བྱིས་པའི་མིག་ཟུང་ཕྱི་རོལ་ཡུལ་ན་རྩེད་འཇོར་གཡེང་བའི་བྱིས་པར་ཤོར།།
བྱིས་དུས་རྩེད་འཇོ་བྱིས་པར་མ་དབང་ཆེན་པོ་རྣམས་ཀྱིས་སྒམ་ཚིག་བསླབས།།
ཡབ་རྗེའི་གསེར་གྱི་ཁྲི་འཕང་མཐོན་པོར་བྱིས་ཁྱོད་མེས་པོ་སྲོང་བཙན་ཡིན།།