བོད ཤ་ཁྲག་རུས་གསུམ།
་་་་་་ས་ཡོམ་ཁྲོད་འདས་ཤུལ་དུ་ལུས་པའི་སྤུན་ཟླ་ཚོར།
མིག་ཀོང་མཆི་མ་ཆུ་བོ་བཞུར་བཞུར་རེད།།
རང་གི་གཉེན་ཚད་གྲོངས་པའི་ཤུལ་ལས་པ།།
རྗེས་སུ་ལུས་པའི་ཉམ་ཐག་སྐྱེ་བོ་ཚོ།།
ཡུལ་གྱར་སྤུན་ཟླའི་གདུང་སེམས་མཉམ་བསྐྱེད་ཡོད།།
སེམས་དང་བསམ་པ་ང་ཚོ་འདྲིས་ནས་ཡོད།།
རིགས་དང་རུས་པ་ང་ཚོ་གཅིག་པ་ཡིན།།
ཕྱི་ནང་གང་སར་གནས་པའི་སྤུན་ཟླ་ཚོས།།
སེམས་ཀྱི་ཆུ་མའི་ཞལ་འདེབས་ཤག་ཤག་རེད།།
ཤ་ཀླན་འཇམ་དབྱངས་གྲགས་པ།
ཁྱེད་བཞུད་དགོས།
འཇིག་རྟེན་ན་ཁྱེད་ལ་བདེན་ཁ་སྟེར་མཁན་མེད་པས།
ང་ལ་བརྩེ་དུང་མི་འདུག་ཅེས་ལེ་བདའ་མ་བྱེད་ཅིག
ཁྱེད་སྦྲུམ་པའི་གོ་རིམ་དེ་དང་། ཁྱེད་བཙས་པའི་ན་ཟུག་དེ།
ངས་རང་གི་ལས་དབང་ཞིག་ཏུ་སེམས་ཆོག་ལ།
ཁྱེད་སྔོ་ལྷོག་ལྷོག་གི་དུ་བར་ཐིམས་ནས་བར་སྣང་དུ་
བཞུད་པའི་ ངང་ཚུལ་དེ།
ངས་གཏན་དུ་དྲན་ཆོག
བོད ལྷ་ཀླུ་གཉན་གསུམ།
རྒྱབ་ནས་བལྟས་དུས་མྱི་གཟུགས་གསོན་པོ་ཞིག།
ཁོག་དུ་འཛུལ་དུས་གསོན་འདྲེ་ཡར་བླངས་ཞིག།
ཉིན་མོའི་དུས་སུ་ཞི་ཞིང་དུལ་བར་འགྲོ།
མཚན་མོའི་དུས་སུ་ཆགས་པའི་འཚུག་བཞིན་འཚོ།།
ལུས་ཀྱི་ཕྱི་ནང་ཁ་ཁར་སོང་བ་ཡིས།།
མི་ཡུ་ཡུལ་དུ་གཟུགས་རིས་སྐམ་པོ་ཞིག།
སྲུང་དེ་ཡིན་འདོག་བྱས་ནས་བགྲོད་པ་འདི།།
བསམ་ཞིང་བསམ་དུས་སྙིང་བོ་མཐོང་མ་སོང་།།
བྱ་སྨྱོན་པས།
༡
མུན་ནག་གི་རྔམ་ཁ་ཇི་ལྟར་མཐུག་ནའང༌། ཅེ་སྤྱང་གིས་སྐད་ངན་ཇི་ལྟར་ཆེ་ནའང༌།
ང་ཚོ་ལག་གདང་སྤྲེལ་ནས་མཉམ་དུ་འགྲོ།
ང་ཚོས་དམར་བོ་མེ་དཔུང་གི་དྲོད་ཁོལ་ཁུར་ནས་མཉམ་དུ་འགྲོ། གནས་ལུགས་འཚོལ་བཞིན།
བདེན་པ་བརྡར་བཞིན། མཉམ་དུ་འགྲོ།
སྐར་ཆེན་གྱིས་བསྒྱུར།
ཨ་མས་རང་དབང་ཞེས་པ་ཅི་ཞིག་ཡིན་པ་ང་ལ་བརྗོད་མ་མྱོང་།
ངས་ཁྱིམ་མཚེས་རྣམས་ལ་སྐད་ཆ་དྲིས།
ཁྱིམ་མཚེས་རྣམས་ནི་དེའི་ཕྱོགས་ལ་གོ་རྟོགས་བྲལ།
ཁོང་ཚོས་རང་གི་སྒོ་ཕྱུགས་དང་ས་ཞིང་གླེང་ནས་དུས་འདའ།
ཁོང་ཚོས་རང་གི་ས་ཞིང་དང་དེའི་ལོ་རེའི་ཡོང་འབབ་ལ་ཆོག་ཤེས་བསྟེན།
ཁོང་ཚོའི་འཚོ་རྟེན་ནི་ཧ་ཅང་ཆུང་ཆུང་ཞིག་རེད།
ཨ་མས་ང་ཚོ་བོད་པ་མ་རེད་བསམ་འདུག
རྒྱུ་མཚན། ཨ་མ་ལྷ་སར་འགྲོ་མྱོང་མེད།
ཨ་མས་རྒྱལ་བ་རིན་པོ་ཆེར་མཇལ་མྱོང་ཡང་མེད།
ཨ་མའི་སེམས་ན་བོད་ཤོར་བའི་དུས་ཚོད་དེ་གསལ་བོ་ཞིག་མི་འདུག
ཟླ་བ་གཞོན་ནུ།
རིན་ཆེན་སྣང་བས་འཕྲོག་པར་མི་བྱེད་ཉི་མའི་འོད་ཀྱིས་མི་བཟློག་པ།།
ལང་ཚོ་ལས་བྱུང་ན་ཆུང་གི་ནི་མུན་པས་ལྟ་བ་འགོག་བྱེད་ཅེས།།
གསུངས་པ་འདི་ལས་མད་པའི་གཏམ་ཞིག་བུ་ཆུང་སྒྲ་འཛིན་བུ་གར་སྟོང༌།།
བདེན་པའི་ཐ་ཚིག་རིང་ནས་བསྒྲགས་ཀྱང་མངོན་སུམ་འབྲས་བུ་དེ་རིང་མཐོང༌།།
(ཁ་བར་སྤྲོ་བའི་ལྗོངས་རྒྱུ་པར་གླེང་བའི་སེམས་ཚོར།)
འགར་ཚེ་རྒྱལ།
ས་སྒང་མཐོ་ས་ན་ཁ་བས་གཡོགས་ནས་ཡོད་པའི་རི་གྲོང་མཚར་པོ་དེ་ངའི་ཕ་ཡུལ་རེད།
དུས་རྒྱུན་ནས་ཁ་བ་འབབ་ཀྱིན་ཡོད་ལ།
འབབ་ཀྱིན་པའི་ཁ་བའི་ཆེ་ཆུང་ན་བྱ་རྒོད་ཀྱི་གཤོག་པ་ལྟ་བུ་ཡོད།
ས་དོག་མོ་ཆགས་དུས་ནས་ཁ་བའི་གོས་དཀར་གྱོན་པར་དགའ་ལ།
རི་མཐོན་པོ་འབུར་དུས་ནས་ཁ་བའི་དབུ་ཐོད་མནབས་པར་སྤྲོ།
ཕ་ཡུལ་གྱི་མི་ཚོས་ཁ་བའི་མཐུག་ཚད་འཇལ་ཞོར་ཁ་བར་སེམས་ཤ་གླན་ཡོད།
ཁ་བ་དང་ཁོ་ཚོ་སྐྱེས་དུས་ནས་རི་ལུང་དེའི་ཁ་མཐུན་ཞེ་མཐུན་ཡིན།
ཕྱི་རོལ་གྱི་ཁ་བ་མེད་ས་འདིར་ཉིན་མཚན་མེད་པར་ཉི་མ་མེ་རུ་གྱུར་འདུག་པས།
སེམས་པ་འདི་ག་དུས་ཡིན་ན་ཙད་པས་སྐམས།
ཤ་ཀླན་འཇམ་དབྱངས་གྲགས་པ།
ང་གྲང་འདར་གྱིས་ཁེངས་སོང༌།
ནམ་དུས་འདི་ལྟར་གྲང་སོང་བ་བདེན་ལ།
སྒལ་རྒྱབ་ཀྱི་སློག་པ་སྲབ་སོང་བའང་བདེན་པ་རེད།
ཡིན་ཡང་ང་འདར་བྱེད་འདི་དག་གཏན་ནས་མ་རེད།
ཨ་ཕས་རང་སྐད་དུ་ཕྱི་ཚིག་བསྲེས་ནས་སྨྲ་དུས།
ང་འཁྱུག་འདར་ཞིག་ཤོར།
བུས་རང་སྐད་དང་ཕྱི་སྐད་བསྡེབས་ཏེ་བཤད་ཚེ།
ང་སྔངས་འདར་ཞིག་ཤོར།
ཚ་བོས་ཕྱི་སྐད་རྐྱང་རྐྱང་གིས་ཁ་བརྡ་བྱེད་དུས།
ང་གྲང་འདར་གྱིས་ཁེངས་སོང༌།
བོད ལྷ་ཀླུ་གཉན་གསུམ།
ཕོ་རྒོད་དར་མའི་རང་གཟུགས་ཡུན་གྱིས་ཉམས།།
སྐྲ་ལོ་དུང་གི་ཁ་དོག་རིམ་གྱིས་སྐྱེ།།
སྐྱེ་རྒ་ན་འཆི་འཁོར་བའི་ངང་ཚུལ་འདིས།།
ཚེ་འདི་ཡུན་ཐུང་ཡིན་པ་ངོ་སྤྲོད་བྱུང་།།
དྲན་གཤིས་རྟ་རྒོད་འདྲ་བོ་བརྗེད་ཀྱིས་འཁྱེར།།
བརྩེ་བ་དངས་མའི་སྙིང་ཁམས་སད་ཀྱིས་བཅོམ།།
སྐྱེ་གཟུགས་མདའ་མོ་འདྲ་བོ་གཞི་ལྟར་འཁྱོག།
ཕར་བཤད་ཚིག་གི་རིན་ཐང་བྲག་ཆའི་སྤུན།།
དེ་ལས་མང་བ་། “རྒས་པའི་ཉམས་འགྱུར།(ལོ་ན་གྱ་གཅིག་ལ་སླེབས་པའི་ཨ་མྱེ་དང་ཁ་བརྡ་བྱས་རྗེས།)” »
་བྱ་སྨྱོན་པས།
ཁོར་ཡུག་གི་དབང་གིས། སེམས་ཁམས་ལ་ལྷིང་འཇགས་ཀྱི་རྣམ་པ་མི་ཤར་ལ།
ཡིད་སེམས་ལ་འཇམ་ཤ་ལྷོད་པའི་ཚིག་འབྲུ་གཅིག་ཀྱང་ཡོང་དཀའ། ཁོར་ཡུག་གི་དབང་གིས།
མི་ཚང་མ་བྲེལ་འཚུབ་ཀྱིས་ཕར་འགྲོ་ཞིང༌། བྲེལ་འཚུབ་ཀྱིས་ཚུར་ལ་འོང༌།
དེ་ནི་དཔལ་འབྱོར་གྱི་ཐལ་འཚུབ་ལངས་བའི་འཐབ་ར་ཞིག་ཏུ་འགྲེངས་ཡོད་པས་རེད།
བོད ལྷ་ཀླུ་གཉན་གསུམ།
ཁ་དང་ཁོག་པའི་བར་གྱི་གསང་བ་འདིས།།
རང་ཉིད་བྲན་དུ་བཀོལ་བ་ཉུང་ཉུང་མིན།།
ཁ་ལ་ཉན་ན་བདེན་པའི་གཏམ་མང་ཡང་།།
ཁོག་ལ་བལྟས་དུས་རུལ་དྲི་མང་བོ་འཐུལ།།
མི་ཡི་རིག་སར་ལྷ་ཡི་ཚུལ་སྟོན་པ།།
མ་རིག་མ་མཐོང་ས་ནས་གཞན་སྲོག་བསྡུ།།
བྱེད་སྟངས་འདི་ཡི་འཐག་པའི་ལུས་པོ་འདི།།
སྲུང་ནས་མི་ཚེ་བསྐྱེལ་བ་ཐང་རེ་ཆད།།
ཚེ་རིང་སྐྱིད།
ཉི་འོད་འཇམ་པོ་་འཕྲོས་པའི་ཕར་ངོགས་སུ།།
རླུང་བུ་གྲང་གྲང་ཞིག་ཀྱང་ལྡིང་ནས་ཡོང་།།
དྲོད་གྲང་མཉམ་དུ་སྟེར་བའི་གནམ་ཟླ་འདིས།།
ཨ་མའི་གམ་གྱི་ལོ་ཟླ་དྲན་པར་བྱོས།།
ཟླ་ཟེར། རྡེ་ར་རྡུན།
སྐྱ་རེངས་གཞོན་ནུས་འགྲོན་བརྡ་ཞིག་གིས་འོད་ཆེན་སྐར་ཚོགས་མཐའ་ནས་སྡུད། །
འཇམ་རླུང་བསིལ་མོ་དལ་གྱིས་གཡོ་སྟེ་དབྱིག་འཛིན་རྒན་མོའི་གཞིན་རས་ཕྱིས། །
ལྷུན་པོའི་གངས་ལས་གསེར་འོད་འཚེར་ཞིང་མཚམས་སྤྲིན་དམར་སེར་གདུགས་སུ་འཁྱིར། །
སྤྲིན་གྱི་རི་མོ་མཁར་ནས་འཐེན་ཏེ་ལྷུན་སྟུག་རི་བོའི་མགུལ་དུ་འཁྲིལ། །
སྣང་བ་གསར་པའི་མིག་ཟུང་ཕྱིས་ཤིང་དྲོད་ལྡན་མལ་ལས་ཧར་གྱིས་བཞེངས། །
གདོང་དང་ལག་སོགས་ལེགས་པར་ཁྲུས་ཏེ་གཟབ་མཆོར་གཙང་མས་ཡོངས་སུ་བརྒྱན། །
སྤོས་དང་མཆོད་པ་ལུགས་བཞིན་བཤམས་ཏེ་ཤིས་པའི་ཚིག་གི་ཁ་གཡང་སྒྲོག །
བསངས་དུད་འཁྱུག་འགྲོས་རླུང་གིས་བསྐུལ་ཏེ་ཕང་ཕུང་ལྷོ་སྤྲིན་ཁྱུ་དང་སྡེབས། །
ཤ་ཀླན་འཇམ་དབྱངས་གྲགས་པ།
(2009ལོའི་དགེ་རྒན་དུས་ཆེན་ལ་ཕུལ། )
འཛུམ་ཞལ་ཁྲ་ལམ་མེར་མེ་ཏོག་བཞིན་བཞད་པའི་ཕྲུ་གུ་ཚོར།
སུ་ཞིག་གིས་རྩིང་བཙོག་གི་ལག་པས་རེག་པར་ནུས།
སང་ཉིན་གྱི་ང་ཚོའི་ཡོད་ཚད་ཀྱང་ཁོ་ཚོ་ཡིན་པར་བསམ་ན། དགེ་རྒན།
ཁྱེད་ཉིད་ཀྱི་མཛད་པ་དེ་ལ་སུས་འགྲན་པར་ནུས། མ་ཟད།
ཁྱེད་ཉིད་ལ་འཛུམ་མདངས་མོད་པའི་ངོ་གདོང་དེ་དག་ལས་ཅི་ཞིག་དགོས།
མི་ཆོས་ཀྱི་དྲི་མས་མ་གོས་པའི་མེ་ཏོག་དེ་དག་ལས་ཅི་ཞིག་མཁོ།
ཤ་ཀླན་འཇམ་དབྱངས་གྲགས་པ།
ཀཱ་ལི་བྱུ་རུ་བསྟར་ལ་བརྒྱུས་འདྲའི་ཁ་སེམས་མཐུན་པའི་གཏམ་སྦྱོར་འདི༎
ག་ལེར་རི་མོའི་གཟུགས་སུ་བགྱིས་ཏེ་ང་ནས་ལེ་བར་སྟོང་གི་སར༎
ཅ་ཅོའི་གཏམ་ཉོག་ཡོངས་སུ་བསྐྱུར་ཏེ་ཆ་ལུགས་མཐུན་པར་སྟོབ་ལགས་ན༎
ཇ་ཆུའི་རིན་དང་མཐོང་ལས་མེད་ཀྱང་ཉ་ཉོག་འབའ་ཞིག་མ་ཡིནསྙམ༎
ཏ་ལ་དང་ནི་བེ་ཏའི་ཡུལ་དེར་ཐ་ཆད་བདག་ཀྱང་དོང་མྱོང་མོད༎
པོད ལྷ་ཀླུ་གཉན་གསུམ།
ཕར་ལ་དེད་ཀྱང་ཚུར་ལ་འཁོར་ནས་འོང་།།
ཚུར་ལ་འཁོར་བ་དེ་ཡི་ཁ་མི་གྲགས་པ།།
ཚོར་བའི་སྣང་བརྙན་འདི་ཡི་སྔ་གཞུག་དུ།།
རང་ཉིད་བོད་པ་ཡིན་པ་ཡང་ཡང་དྲན།།
དྲན་པ་གོར་མོ་རི་མགོའི་དར་ལྕོག་བཞིན།།
རླུང་འཚུབ་དྲག་པོས་ཡང་ཡང་བསྐྱོད་ཐེངས་ཤིག།
འགྲོ་འདུག་བསྐྱོད་གསུམ་གསུབ་ན་བཞུར་བ་འདིས།།
རང་གི་སྐྱི་འབག་འདི་ལ་ཤེད་ཅིག་སྩལ།།
དཀར་པོ་དུང་ལ་བརྒྱུས་པའི་བསམ་གཞིགས་དང་།།
དམར་པོ་མེ་ཡི་བསྲེག་པའི་ཞེན་རྩ་དང་།།
ལྷོག་ལྷོག་ཁོང་ནས་བརྡོལ་བའི་སྙིང་ཆུང་གིས།།
རིགས་ཞེན་དྲི་མ་མེད་པའི་ཚུལ་ཞིག་མངོན།།
གཅན་བཟོད་རྒྱམ།
——
ང་༡༩༩༧ ལོའི་དགུན་ཁར་རྒྱ་གར་དུ་ཐོག་མར་སྐྱབས་བཅོལ་དུ་འབྱོར་བ་ཡིན་ལ། ༡༩༩༨ ལོ་ནི་བཙན་བྱོལ་བོད་ཀྱི་ལོ་རྒྱུས་ཐོག་གི་གསུམ་བཅུའི་དུས་དྲན་ཛ་དྲག་ཤོས་དང་སྐད་གྲགས་ཆེ་ཤོས་དེ་ཡིན་ལ།
དཔའ་བོ་ཐུབ་བསྟན་དངོས་གྲུབ་ལགས་ཀྱིས་རང་ལུས་མེར་བསྲེགས་བཏང་བའི་ལོ་དེ་ཡང་རེད། སྐབས་དེར་ནི་དྷ་སའི་གསུམ་དུས་སྐབས་སྐད་འབོད་བྱས་དྲག་ནས་དྲན་པ་ཐོར་བས་སྨན་ཁང་དུ་བསྐྱལ་བ་དང་མགོ་ཐོག་ཏུ་ཆུ་ལྡུག་པ་སོགས་གསུམ་བཅུའི་དུས་དྲན་ནི་ཧ་ཅང་ཟང་ཟིང་ལང་ལོང་དང་། མི་ཚོའང་ཧ་ཅང་ངར་ཤུགས་ལྡན་པ། མི་འདི་ནི་ཁ་སང་གི་མི་དེ་ཨེ་ཡིན་ནམ་སྙམ་པའི་ངར་ཤིགས་ཤིག་ཀུན་པོར་འདུག
བོད ལྷ་ཀླུ་གཉན་གསུམ།
མཚན་མོ་རེ་རེ
ངོ་གདོང་གཞན་ཞིག་གི་འོག་དུ་སྐོང་ནས
དུས་གསུམ་ལ་ངོ་ལོག་བྱེད་དུས་སུ
བརྩིགས་ངོས་ཀྱི་སྐུ་དཔར་དེ་ཡིས་ཁ་གྲགས་ན
ང་ནི་བཅོས་མའི་བུ་ལོ་ཞིག་ཡིན་པ་གསལ་བོ་ཤེས་སྲིད
སྟོང་ཕྱུག་འོ་མའི་མར་ལོ། རྩོམ་པ་པོ། མདའ་ཚན་བླ་མ་སྐྱབས། ཐོད་སྐོགས་འདྲ་བའི་བྲག་གསེང་གི་ཕུག་པ་དེར པགས་པས་པགས་པ་གཙབས གཤེར་ཁུས་གཤེར་ཁུ་བསྲུབས མེ་སྟག གློག་ཞགས ཀི་བསོ བྲག་ཆ ཐིག་ལེ་དང་ཁམས་དམར དམར་ཟས་ལ་དུང་བའི་ཤ་ཁྲག་གི་ཕུང་པོ་དང་འདུ་ཤེས་ཀྱི་ཁྱུ བྲག་ཕུག་དེར གཅན་གཟན་གཉིས་ཀྱིས ཤེས་རིག་ཅིག་གི་དར་རྒུད་བསྐྲུན…
ཚེ་རིང་སྐྱིད
ཨ་མས་བརྗོད་ན་ང་སྐྱེས་དུས་ནས་ང་ལ་ཨ་མྱེས་མེད་ཟེར།
ངས་བྱིས་དུས་སུ་ཨ་མྱེས་ནི་ང་ལ་དགའ་བོ་མེད་པས་གང་ཞིག་ལ་བུད་སོང་བར་བསམ།
ངས་བྱིས་དུས་སུ་ཨ་མྱེས་ཀྱིས་བཤད་པའི་གཏམ་རྒྱུད་གཅིག་ཀྱང་གོ་མ་མྱོང་བས།
ཨ་མྱེས་ནི་གཏམ་རྒྱུད་མེད་པའི་གནའ་མི་ཞིག་ཏུ་འདོད་མྱོང༌།
མཚར་ལོངས་ཀྱི་གོ་རིམ་ཁྲོད་དུ
ང་དང་འདྲ་བའི་ན་མཉམ་མང་པོ་ཞིག་ལ་ཡང་ཨ་མྱེས་མི་འདུག
ཁོང་ཚོས་བཤད་ན་ཁོང་ཚོའི་ཨ་མྱེས་རྒྱང་རིང་ནས་ལམ་ལ་ཆས་ཏེ་ཡོང་གི་ཡོད་ཟེར།
ང་ཚོས་ཨ་མྱེས་མང་པོ་ཞིག་རི་འདབས་ནས་མངོན་པར་ལོ་ཟླ་རེ་རེ་ལ་སྒུག