གཅན་བཟོད་རྒྱམ
༡
འགྲོ་རན་པའི་མི་ཞིག་ལ་སྨན་ཁང་ནི་སྨན་པའི་ཡུལ་ཞིག་ཡིན་ནམ
ཁྱོད་སྨན་ཁང་ལ་མི་དགའ་དོན་ངས་ལོས་ཤེས
༢
རང་ཁྱིམ་ནས་ལོ་མི་དོན་དགུ་འདས་ཟིན་པས
ཁྱོད་འགྲོ་ཁར་ཡང་རང་ཁྱིམ་གྱི་མལ་ཁྲིའི་དྲོད་ཁོལ་ལ་གླན་ན་ལོས་འདོད
དེ་ལས་མང་བ་། “ཚེ་སྲོག (བཞུད་ཟིན་པའི་བགྲེས་སོང་ལགས།)གཉིས་པ།” »
ཀླུ་སྨྱོན། ལོ་ངོ་མང་པོ་ཞིག་གི་ཡར་སྔོན་དུ། ངས་རང་ཉིད་ཀྱི་ཤེས་རབ་ཀྱི་མེ་སྟག་ཆུང་ཆུང་དེ་དང་། ལྷ་ཡི་བྱིན་རླབས་རྒྱང་ཐག་རིང་བ་དེ་གཉིས་ཀྱི་རམ་འདེགས་ལ་བརྟེན་ནས། འཇིག་རྟེན་འདི་རུ་ཆེས་མཛེས་སྡུག་ལྡན་པའི་སྙན་ངག་ཅིག་འབྲི་ཨེ་ཐུབ་བལྟས་པ་ཡིན་ལ། དེ་ཡང་ལོ་ལོན་ཚོས་སྐྱག་པ་བཙུར་སྟངས་ཁོ་ན་ལ་ལད་མོ་བྱས་ཏེ། ཀ་རྩོམ་དང་ཀ་རྩོམ་རེ་རེ་བཞིན་བཙུར་ནས་བྲིས་པ་ཡིན་ལ། སྐྱག་པ་བཞིན་བཙུར་པའི་སྙན་ངག་རེ་འཁྱོངས་དུས། ང་རང་བཙོན་མ་ཞིག་བཙོན་ཁང་ནས་ཐར་བ་ཇི་བཞིན་ལྷོད་ཤིག་གེར་འགྲོ་མྱོང་། ཡིན་ན་ཡང་ད་ལྟ། ལོ་ངོ་དུ་མ་ཞིག་འདས་ཟིན་པའི་དེ་རིང་། ངས་རང་ཉིད་ཀྱིས་མྱངས་ཟིན་པའི་དགའ་སྐྱོ་ཆགས་སྡང་གི་ཚོར་བ་འདི་ཚོ་མ་རྩར་བཞག་སྟེ། གསར་མོ་ཚོས་གཅིན་པ་གཏོང་སྟངས་ཀྱི་དམིགས་རྣམ་སྐྱོང་བཞིན། སེམས་ཚོར་གློ་བུར་བ་རེ་གློག་ལྟར་མྱུར་བའི་སོར་རྩེ་རུ་དྲངས་ནས། ཀློག་མཁན་དག་གི་དགའ་བསུ་ཐོབ་པའི་སྙན་ངག་རེ་ཟུང་འབྲི་བཞིན་ཡོད་ལ།…
བསམ་གླིང་་ཚེ་རིང་ལྷ་མོ།
རང་བྱུང་ཟླ་བའི་བསིལ་བསིལ་འོད་ཀྱིས་འཇིག་རྟེན་མུན་པ་ཕ་མཐར་བསྐྲད།།
ཞི་བསིལ་ཕན་བདེའི་བཀའ་སློབ་ཟབ་མོས་འཛམ་གླིང་རྒྱ་ཆེན་བདེ་ལ་སྦྱར།།
ཞབས་སེན་འོད་ཆགས་སྒྱུར་བ་ཙམ་གྱིས་ས་ཕྱོགས་ཀུན་ཏུ་བདེ་ལེགས་སྦྱིན།།
མཚན་ཙམ་ཐོས་པས་འགྲོ་བའི་ཡིད་ལ་སྣུམ་པའི་བདེ་བ་མཛད་མེད་འཕེལ།།
ཀླུ་སྨྱོན།
འཆི་བ་ནི་ཁྱེད་ཀྱི་སྒེའུ་ཁུང་ཕྱི་ལོགས་སུ་འབབ་བཞིན་པའི་དབྱར་གཞུང་གི་ཆར་བ་དེ་དང་འདྲ་བས།
དེས་ཁྱེད་ཀྱི་སྐྱིད་ལ་སྡུག་པའི་མི་ཚེའི་ལོ་མ་ལྗང་ཁུ་དེ་ཚོ་གཙང་མར་བཀྲུ་ལ།
དེས་ཁྱེད་ཀྱི་བྱ་བ་གང་ཞིག་མ་འགྲུབ་པའི་སུན་སྣང་ཁྲོད་ཀྱི་ས་རྡུལ་དག་ཀྱང་སེལ་བར་བྱེད།
འཆི་བ་ནི་ཁྱེད་ཀྱི་རྐང་འོག་གི་ལམ་ཕྲན་གྱ་གྱུ་མ་དེ་དང་འདྲ་བས།
དེའི་གཡས་གཡོན་དུ་ཆེས་མཛེས་པའི་མེ་ཏོག་གི་སྐྱེལ་ཚལ་དང་དེ་ལས་འཐུལ་བའི་བསུང་ཞིམ་ཡོད་ལ།
དེའི་མཐའ་སྣེ་རུ་ཧ་ཅང་ལྷིང་འཇགས་ཡིན་པའི་གནའ་བོའི་གྲོང་གསེབ་སྐྱིད་པོ་ཞིག་ཀྱང་ཡོད།
འཆི་བ་ནི་ཁྱེད་ཀྱི་མགོ་ཐོག་གི་ནམ་མཁའ་སྔོན་པོ་དེ་དང་འདྲ་བས།
དེའི་དཀྱིལ་འཁོར་དུ་བྱེ་བ་ཕྲག་བརྒྱའི་འཇིག་རྟེན་སྣ་ཚོགས་ཀྱི་ངོ་མཚར་བྱུར་བུར་སྤུངས་ཡོད་ལ།
དེའི་དབྱིངས་རུམ་དུ་གྲངས་མེད་པའི་རྣམ་ཤེས་ཀྱི་ཁ་བ་བུ་ཡུག་ཀྱང་འཚུབ་བཞིན་ཡོད།
ཆུ་སྐྱེས་སྒྲོལ་མས།
འཛམ་གླིང་སྲིད་པའི་རྩེ་མོ་གངས་ལྗོངས་ཀྱི།།
ཆབ་དཔལ་རིག་གསུམ་གཏེར་བཞིན་བརྡོལ་བའི་ཞིང༌།།
དབུས་འགྱུར་ཉི་མ་ལྷ་སའི་གྲོང་ཁྱེར་ཏེ།།
སྔོན་ཚེ་ངམ་ཤོད་འམ་འོད་འོམ་འོད་ཅེས།།
མིང་བརྡའི་ཐ་སྙད་འབོད་པ་དེ་ལྟར་ཡང༌།།
ས་ཡི་ཚངས་དབང་སྲོང་བཙན་ཞབས་སྐྱེས་རྡུལ།།
འདི་ནས་འཕྱུར་བའི་མཛད་འཕྲིན་ཉི་འོད་ཀྱིས།།
ལྷ་ཡི་ཕུན་ཚོགས་འཇིག་རྟེན་མི་ཡུལ་ནས།།
རོལ་བའི་རྫོགས་ལྡན་བསྐྲུན་པས་ལྷ་སར་ཐོགས།།
བོད ལྷ་ཀླུ་གཉན་གསུམ།
ལྷག་རླུང་དྲགས་པོ་ཞིག་གི་ལྟགས་རྒྱབ་དུ།།
ཆུ་འཁྱག་གྲང་མོ་ཞིག་གི་ཕོར་ཁ་ནས།།
མི་གཤིས་གསེར་དུ་རློམ་པའི་སྔ་གཞུག་ན།།
རང་ལ་སེར་ཁ་ཞུགས་པའི་ཚུལ་འདི་མཐོང་།།
ཕྱི་ནས་མཐོང་དུས་ལྷད་མེད་བརྩེ་བ་ཅན།།
ནང་དུ་བལྟས་དུས་ཆགས་སྲེད་དམར་པོ་མེ།།
ཕར་ལ་འཐམ་ན་ཚུར་ལ་བསྲེག་ནས་འོང་།།
དེ་ཡིས་ལུས་ཀྱི་ཕྱི་ནང་གཡོག་དུ་བཀོལ།།
འབའ་སྲས།
རི་ཚོགས་སྟོང་གིས་མཐོང་བ་བཅད་པའི་རྒྱང་ཐག་རིང་བའི་ཡུལ་ཞིག་ན།།
གཡོ་མེད་དམ་བཅའ་རྡོ་ལ་བརྐོས་པའི་ཁོ་བོའི་སྙིང་གི་མཛའ་ན་མོ།།
བདག་གི་མིང་གི་འཛིན་པ་མ་དོར་སེམས་ཀྱི་བརྩེ་དྲོད་མ་ཉམས་པར།།
དྲན་གདུང་མིག་གི་སྐྱོ་བའི་མཆི་མས་བྲང་ཁ་བརླན་བཞིན་གནས་བཅོས་ཡོད།།
བོད ལྷ་ཀླུ་གཉན་གསུམ།
སྙིང་ནས་བརྩེ་བའི་གྲོགས་ཤིག་ལ་སེམས་གསོའི་ཚུལ་དུ་ཐད་ཀར་དུ་བཏགས་པ།
གློ་བུར་གློ་བུར་གྱི་སྐད་ཆ།།
རྒྱང་རིང་རྒྱང་རིང་གི་ཡུལ་ནས།།
གཅེས་པའི་སེམས་གཏིང་གི་གྲོགས་པོས།།
མྱུར་བའི་གློག་འཕྲིན་དུ་སྐུར་འདུག།
མ་འབྱོར་ཡུན་རིང་གི་འཕྲིན་པ།།
མཐོང་བས་སེམས་པ་རང་དགའ་ནས།།
ཡིག་འབྲི་རེ་རེ་བཞིན་ཀློག་དུས།།
ཚིག་གི་ངར་ཤུགས་ཀྱིས་རྨས་སོང་།།
དོལ་སྨྱོན།
བུ་ག་མང་བའི་སེམས་པ་འདི་ཉིད་འཁྱགས་རོམ་གཏིང་གི་ཆུ་ལས་གྲང་། །
བསམ་གཞིག་སྐྱེན་པའི་ཚོར་བ་འདི་ཉིད་ཉམ་ཐག་ནད་ཀྱི་ཟུག་ལས་ལྕི། །
བདེ་དྲོད་བྲལ་བའི་ལོ་ཟླ་འདི་ཉིད་ངམ་གནག་རྒྱ་མཚོའི་གཏིང་ལས་རིང་། །
ཡོད་ཚད་ཁྱོད་ལ་ཤོར་བའི་ཉིན་ནས་ང་ཡི་འཇིག་རྟེན་གྲང་ཤུར་ཤུར། །
གཅན་བཟོད་རྒྱམ།
རྣོ་ཞིང་ངར་བའི་བཙག་ལྡོམ་དེ་གཉིད་ལ་ཡུར་སོང
གསེར་མདོག་གི་ཉི་མ
རྡོ་ལ་རྡར་(༡)རི་རྩེར་བབས་སོང
བགྲེས་སོང་ཁོང་མཐོང་རྒྱུ་མི་འདུག
གནམ་ས་བཙག་གིས་བསྡམས་དུས
བགྲེས་སོང་ཁོང་གང་ལ་བུད་སོང་ངམ
ཡང་ན་གང་དུ་འགྲོ་དགོས་སམ
(༧གོང་ས་རྒྱལ་བ་རིན་པོ་ཆེ་མཆོག་གི་འཛམ་གླིང་ཞི་བདེའི་གཟིངས་རྟགས་ཀྱི་ཉིན་མོ་ཕུལ་བ་ལེགས།།)
ཇིང་སྲས་མིག་གསུམ་པ
རྩ་གསུམ་ལྷ་ཡི་ཐུགས་སྲས་ཡིད་བཞིན་ནོར་བུ།།
མ་གྱུུར་འགྲོ་བའི་སྐྱབས་མགོན་ཡིད་བཞིན་ནོར་བུ།།
བུ་ངའི་སྙིང་གི་བླ་མ་ཡིད་བཞིན་ནོར་བུ།།
ཞི་བདེའི་དེད་དཔོན་ཆེན་པོ་ཡིད་བཞིན་ནོར་བུ།།
སང་ཉིན་ཞི་བདེའི་ཉིན་མོ་རེད།
—–ཕ་ཡུལ་ལ་སྐད་བསྐུར་བ།
ལོ་ལེགས་བྱུང་ན་ང་ལ་ཅིག་བསྐུར་རོགས་ཞུ་སྟེ
ང་ནི་རྒྱ་གར་གྱི་བྱང་མཐའི་རི་ཁྲོད་འདི་ན་ཁང་བ་གླས་མ་ཞིག་ཏུ་ཡོད
མི་ལོ་ཉེར་གཅིག་གི་གཟེངས་རྟགས་ཤིག་གཟི་བརྗིད་དང་ལྡན་པར་ཡོད་ནའང
ཁྱོད་ཚོར་བསྐུར་ཆོག་པའི་སྦྲགས་ཁང་བཙལ་ཡང་མི་རྙེད་ཅིང
ཁྱོད་ཚོས་ཉར་ཆོག་པའི་རེ་བ་ཅི་ཡང་ཤར་རྒྱུ་མི་འདུག་ལགས
བྲག་འགོ་དཀོན་མཆོག་དར་རྒྱས་ནས
༧ གོང་ས་མཆོག་གི་སྐུ་བརྙན་འདི་མཇལ་རྗེས་སུ་བྲིས།
༧ གོང་ས་མཆོག
ངེས་དོན་གྱི་སེམས་དཔའ་ཆེན་པོ།
ཁྱེད་ཉིད་གཞན་ཡུལ་འདིར་བཞུགས་རྒྱུན་རིང་བའི་་་ལོ་ཟླའི་ནང་།
འཚེ་མེད་ཞི་བདེའི་ལྟ་གྲུབ་དང་་་་་དྲང་བདེན་གྱི་བོད་དོན་གླེང་བཞིན་སྐུ་ངལ་སོལ་མེད་་་་
༧་གོང་ས་མཆོག་་
ཁྱེད་ཀྱི་བགྲེས་སོང་གི་སྐུ་བརྙན་འདི་མཇལ་དུས་་་་ ཁོ་བོའི་སེམས་ཁུངས་སུ་བཟོད་མི་ཐུབ་པའི་སྐྱོ་སྣང་དང་་་
་་མིག་མཐའ་མཆི་མས་བཀང་སྟེ་་་་་མགྲིན་པ་གནོང་སོང་།
༧ གོང་ས་མཆོག
ཁྱེད་ས་མཐའ་ཁོ་ནར་ མི་ལོ་ལྔ་བཅུ་རིང་བཞུགས་ཏེ་ མཐོ་སྒང་གི་མ་ཡུམ་ལ་་་་རྒྱང་གཟིགས་མཛད་ཅིང་ མི་རིགས་འདིས་ཆེད་དུ་ དྲན་གདུང་གི་ཐུགས་ལ་སྐྱོ་སྣང་མང་སོང་།
༡ ཚོགས་གི་འཁོར་ལོ་ཆེན་པོ་ལ་ཡུམ་གསུམ་ཡོད་རེད། བུ་རྣལ་འབྱོར་པ་གཉིས་དང་ཕ་རྣལ་འབྱོར་པ་གཉིས་འདུག རྣལ་འབྱོར་པ་སོ་སོར་ཡུམ་ཡོད་རེད། འདི་ག་རེ་རེད། ༢ བཟོ་མཁན་ལ་འདོད་པ་ཡོད་མ་རེད། ཉོ་མཁན་ལ་དགོས་པ་ཡོད་མ་རེད། དགོས་མཁན་གྱིས་ཧ་གོ་གི་ཡོད་མ་རེད། འདི་ག་རེ་རེད། ༣ རི་ཡོད་ན་ཡང་རྡོ་ཡོད་མ་རེད། རྒྱ་མཚོ་ཡོད་ན་ཡང་ཆུ་ཡོད་མ་རེད། ས་ཡོད་ན་ཡང་ཤིང་ཡོད་མ་རེད། འདི་ག་རེ་རེད།…
གཅན་བཟོད་རྒྱམ།
ཙོང་ཁ་པ
གྲྭ་རྐྱང་གཟན་རྐྱང་ཞིག
ཙོང་ཆུའི་འགྲམ་རྒྱུད་ནས་ཧམ་སེམས་ཞིག་གིས
རེ་བའི་གོམ་ཁ་ནུབ་ཏུ་བསྒྱུར
ལྷ་ལྡན་ཞིང་ཁམས་ནི་རྨི་ལམ་གྱི་གྲོང་ཁྱེར་སྒོམ
ཙོང་ཁ་པ
གྲྭ་རྐྱང་གཟན་རྐྱང་ཞིག
ཀྱ་ཙི་སྲབ་མཐག་རན་པོར་ཤིགས་ཀྱིས་ཁུར་ཏེ་གོམ་པ་རེ་རེ་ནུབ་ཏུ་བསྣུར
བཙག་རླུང་དང་ཁ་ཆར་གྱིས་གཙེས་ཀྱང
འཁྱག་ལྟོགས་དང་བཀྲེས་སྐོམ་གྱིས་གདུང་ཡང
གོམ་པ་རེ་རེ་བཞིན་ནུབ་ཏུ་བསྣུར
ཨེ་མ་ཧོ། ། མཁྱེན་པའི་དཀྱིལ་འཁོར་ཆོས་དབྱིངས་ཀ་དག་ལས། ། བརྩེ་བའི་ཁྱབ་བདག་རྗེ་བཙུན་བློ་བཟང་གྲགས། ། ནུས་པའི་ཕྱག་རྒྱ་བཤད་སྒྲུབ་སྤེལ་བའི་མགོན། ། ཀུན་འདུས་བླ་མ་དམ་པ་རྒྱལ་གྱུར་ཅིག ། དང་པོ་བསམ་བཞིན་བསྟན་འགྲོའི་དཔལ་དུ་བྱོན། ། བར་དུ་དོན་ཆེན་སྙིགས་འགྲོའི་རྨོངས་མུན་བསལ། ། ཐ་མར་འོད་གསལ་སྦུག་ཏུ་དགོངས་པ་གཤེགས། ། དགའ་ལྡན་ལྔ་མཆོད་ཆེན་མོར་སླར་ཡང་དྲན། ། ནམ་མཁར་སྤྲིན་དཀར་བླ་བྲེའི་འཇའ་འོད་ཤར། ། ས་གཞི་གངས་དཀར་ཕུང་པོས་ཡོངས་སུ་གཏམས། ། མཚོ་འུ་དར་དཀར་སྲབ་མོས་གཡོགས་པའི་ཚེ། ། གངས་ཅན་གཉིས་པའི་ས་ནས་ཁྱེད་ཉིད་དྲན། ། ཤར་ཕྱོགས་ཝ་ཡེལ་རི་བོའི་མཛེས་སྡུག་དང་། ། ལྷོ་ཀློང་ནགས་ཚལ་ཆུ་ཆེན་རྒྱས་མཐོང་ཡང་། ། བྱང་ཕྱོགས་ཁ་བའི་དེད་དཔོན་ཙང་ཁ་པར། ། ནུབ་མཐའ་འདི་ནས་དྲན་དབང་ཁྱེད་ལ་ཤོར། །
དེ་ལས་མང་བ་། “དགའ་ལྡན་ལྔ་མཆོད་ལ་ཕུལ་བའི་ཀུན་བཟང་མཆོད་སྤྲིན།” »
ཨེ་མ་ཧོ། །
གསལ་བྱེད་བྱང་ཆུབ་སེམས་དཔའ། །
དབྱངས་ཡིག་བྱང་ཆུབ་སེམས་མ། །
ཐབས་ཤེས་ཟུང་དུ་འཇུག་པས། །
བརྡ་སྤྲོད་དགོངས་པ་རྟོགས་སོང་། །
ཀ་ཁ་ག་ང་ཤེས་ན། །
ཀ་བ་ཁ་དོག་ཡོད་མེད། །
ག་ས་གང་ནས་རྙེད་ཚུལ། །
ང་ཚོས་བལྟས་ན་ཤེས་ཡོང་། །
ཅ་ཆ་ཇ་ཉ་ཤེས་ན། །
ཅ་ལག་ཆ་རྒྱུས་ཡོད་མེད། །
ཇ་ཁང་ཉ་བ་གར་ཡོད། །
ཉ་ཉོག་མི་དགོས་ཤེས་ཡོང་། །
བོད། ལྷ་ཀླུ་གཉན་གསུམ།
བོད་གནའ་བོའི་རི་གྲོང་དེ་ནས
སུ་ཞིག་བོར་སོང་བ་རེད
སུས་ཀྱང་མ་ཤེས་ཟེར
གང་ལྟར ངས་བོད་པ་མཐོང་མ་མྱོང་ཟེར
བོད་མི་གནས་ཡུལ་དུ་བོད་པ་མི་འདུག
གང་ཡིན དཔེ་མི་སྲིད་ཅེས་ངས་ཁོ་ལ་དྲིས
སྐྲ་སེར་བོ་བོད་སྐད་ཆུ་བཞུར་བཞུར་དུ་བཤད་མཁན་དེས
ཇོ་བོ་རིན་པོ ངས་སྐྱག་རྫུན་བཤད་ནས་གང་བྱེད
ངས་རིག་རིག་ལ བོད་སྐད་བཤད་ཀྱང་
ཚང་མས་ང་ལ་མགོ་བོ་ཐད་དུ་གཡུགས
བོད ལྷ་ཀླུ་གཉན་གསུམ།
ཕྱི་ནས་བལྟས་དུས་མི་ཞིག་ཡིན་པ་འདྲ།།
ནང་ ལ་འཛུལ་ནས་ཞིབ་དུ་བལྟས་དུས་སུ།།
མི་ཡི་ནང་ནས་འདྲེ་ཡི་སེམས་ཞུགས་པའི།།
ངོ་ ལྐོག་སྣ་དགུ་བྱང་བའི་ང་ཞིག་རེད།།
རས་པ།
སྙན་ངག་འདྲ་བའི་ཡིག་ཚོགས་འདི་དག
སླར་ཡང
ཁྱེད་ལ་སྤྱན་འབུལ་ཞུ་འདོད་དེ
བདག་ཉིད་རིང་དུ་གྱེས་པའི་ལོ་ཟླ་ནི་སད་སེར་གྲང་རླུང་དང
མ་བུའི་བརྩེ་བ་ལ་བྲིས་པའི་རྩོམ་བྱང་དེ་རུའང་འདྲ་ཨང
གྱེས་བྲལ་གྱི་ལོ་ཟླ་ནི་ཁང་ཁྱིམ་ཆུང་བུར་གསར་དུ་ཐོན་པའི
དཔེ་དེབ་ཀྱི་བརྩེགས་མར་ཡང་སེ་མཚུངས་པར་ཚོར་བས
ན་ཚོད་ཀྱིས
ལོ་ཟླའི་རྒྱུད་སྐུད་ལ་འཐམས་པའི་ཤེད་ཤུགས་ཅི་ཙམ་ཡོད་དམ