ཀླུ་སྨྱོན།
དྲ་ངོས་ནས་སེམས་གཏམ་བརྗོད་པ་དེས་ངའི་བླ་སྲོག་འཕྲོགས་སོང་བས།
ཡུན་རིང་ཞིག་ལ་ང་རང་གཤིན་པོ་ཞིག་གི་ཚུལ་དུ་གློག་ཀླད་ཀྱི་ཁ་གཏད་དུ་འགྱེལ་ནས་བསྡད་པ་ཡིན།
ཁྱེད་རང་རྡ་རམ་ས་ལ་རུ་ལང་ཚོ་དང་སྙན་ངག་གིས་སྐད་གྲགས་ཆེ་དུས་ཤིག་ལ།
ངས་རང་ལ་དབང་བའི་བརྩམས་ཆོས་དེབ་ཧྲུལ་འགའ་ཁྱེར་ནས་ནུབ་ཕྱོགས་སུ་སྤོས་ཤིང་།
དེ་དུས་ཁྱེད་ཀྱིས་ང་ལ་བཞག་པའི་བག་ཆགས་ནི་ཧ་ཅང་རབ་རིབ་ཅིག་ཡིན།
རྗེས་སུ་ཁྱེད་རང་ཡང་ནུབ་ཕྱོགས་སུ་བསྐྱོད་པའི་སྐོར་གྱི་གཏམ་ཡན་རེ་ཟུང་ཐོས་ན་ཡང་།
ང་རང་ས་འདིའི་ཡོད་ཚད་ལ་གསར་བ་གསར་རྐྱང་ཡིན་པ་ཙམ་ལས།
ངས་ང་དང་རྒྱང་ཐག་རིང་པའི་ཁྱེད་ལ་དོ་སྣང་ཅི་ཡང་བྱེད་མ་མྱོང་།
མུན་ཁྲོད་ཀྱི་མཆོད་མེ་བཞིན་འབར་བཞིན་པའི་དྲ་ངོས་ཤིག་ལས།
