ལྷོ་ཕྱོགས་ཉི་ཟླ།
མཛངས་མ་དག་ནི་མཛེས་མ་མ་ཡིན་ཀྱང་།།
ཕོ་གསར་ཁ་ཤས་སེམས་ལ་རིན་ཐང་ཡོད།།
རང་དབང་ཡོད་པའི་ས་མཐའི་ཡུལ་ལུང་འདིར།།
བུད་མེད་ཐམས་ཅད་མཛངས་མར་མཆིས་ན་འདོད།།
མཛངས་མའི་རིགས་ལ་བདག་པོ་མང་བས་ན།།
མཛེས་མའི་རིན་ཐང་སྟོང་ལ་ཉེ་བའི་ཁད།།
སྤྱི་ཚོགས་མགོ་སྟོང་འདི་ཡི་གྲུ་ཟུར་ན།།
ཕོ་མོའི་རིན་ཐང་འགྲན་རྩོད་ཆེ་བར་འོང།།
རིག་འཛིན།
གཞན་ཡུལ་འགྲིམ་པའི་སྤུན་ཟླ།།
ཁ་བའི་ལྗོངས་ལ་ལོག་འགྲོ།།
གཞིས་བཞུགས་བོད་རིགས་སྤུན་ཟླས།།
གཡུལ་སའི་ཁྲོད་ལ་སྒུག་ཡོད།།
རང་ཡུལ་བྲལ་བའི་བོད་ཕྲུག།།
རང་ཡུལ་ཕྱོགས་ལ་ལོག་འགྲོ།།
མདོ་དབུས་ཁམས་གསུམ་སྤུན་ཟླས།།
ང་ཚོ་དྲན་ནས་སྒུག་ཡོད།།
གཙང་བུ།
རང་དབང་ཆེད་དུ་རང་ནུས་ཡོད་ཚོད་སྤྱོད། །
རང་བཙན་ཆེད་དུ་རང་སྲོག་གཏར་མར་བཞག །
རང་སྣང་བསྟུན་ནས་རང་རྩོམ་སྣ་ཚོགས་སྤེལ། །
རང་གི་ཐོབ་ཐང་སྤྱོད་པའི་བཀྲ་རྒྱལ་ལགས། །
རང་གཞན་བརྗེ་བར་ནུས་པའི་བྱང་སེམས་མིན། །
རང་བདེ་གཅིག་པུར་འཁོར་བའི་ཀླད་མེད་མིན། །
རང་གི་དོན་དུ་གང་ཡང་བྱེད་ནུས་པའི། །
རང་ཅག་བོད་མའི་ནང་གི་ཕོ་རྒོད་ཅིག །
ཀླུ་སྨྱོན།
སྲིད་ཞིའི་མཛེས་སྡུག་དྭངས་མའི་སྲོག་གི་མཁར། །
གངས་ཅན་རི་བོའི་འདབས་སུ་བཞེངས་པའི་གྲོགས། །
དབྱངས་ཅན་དགའ་མ་མདང་གི་རྨི་ལམ་ནང་། །
མཇལ་བའི་གཏམ་དེ་སྙིང་སྡུག་ཁྱེད་ལ་སྦྲོན། །
ཟ་ཟིའི་རིག་པ་ལུ་གུ་རྒྱུད་ཀྱི་ཀློང་། །
བག་ཆགས་འོ་མའི་མཚོ་ཆེན་འཕྱུར་བའི་རླབས། །
སྲིད་པའི་ལྷ་ཆེན་གང་གི་ཁང་བཟང་རྩེར། །
གསེར་འོད་འབར་བའི་ཏོག་གི་རྗེས་སུ་བསྙེགས། །
འཇའ་འོད་མེ་ཏོག་གདན་དུ་བཏིངས་པའི་གཞིར། །
རབ་དཀར་ཟླ་བ་གཞོན་ནུའི་མལ་སྟན་སྟེང་། །
ལང་ཚོའི་མཛེས་སྡུག་ལྷོད་ཀྱིས་འཁྱིལ་བ་སྟེ། །
འདི་ཀོ་འཕགས་མ་ཁྱེད་ཀྱི་སྐུ་ལུས་སོ། །
ལྷོ་ཕྱོགས་ཉི་ཟླ།
སྐད་དང་ཡི་གེ་སྲུང་སྐྱོབ་ང་ཚོ་དགོས།།
བོད་སྐད་གཙང་མ་བཤད་དགོས་རང་ཉིད་འགན།།
རང་གི་སྐད་ཡིག་རང་གིས་ཆེ་འཇོག་དགོས།།
འདི་དག་ཐུགས་ལ་འཛིན་དགོས་བོད་པ་ཚང་།།
བོད་མི་རང་གི་ཆ་ལུགས་གོམ་གཤིས་སོགས།།
གཞན་དུ་མ་བསྒྱུར་མགོ་ནག་བོད་པ་ཚོ།།
ང་དང་ཁྱེད་ཀྱི་བར་གྱི་འགྲན་སེམས་མིན།།
འདི་དག་ཐུགས་ལ་འཛིན་དགོས་བོད་པ་ཚང་།།
མིག་གསུམ་པ།
ཁེར་ རྐྱང་ གི་ སེམས་ པ་ དང་ འགྲོགས་ སྟེ
དྲན་ གདུང་ གི་ རྟ་ ཁ་ གློད་ དུས
སྐྲ་ ལོ་ རླུང་ ལ་ བསྐྱོད་ པའི་ དོ་ ནུབ་ ཀྱི་ ཟླ་ འོག་ ཏུ
ང་ རང་ ཁོ་ ན་ མ་ ཡིན་ པའི་ ངེས་ ཤེས་ རོབ་ ཙམ་ རྙེད
བདག་ གི་ མདུན་ ལྗོངས་ ཀྱི་ སྤང་ ཁུགས་ འདི་ ནས
མེ་ ཏོག་ གི་ མིག་ ཟུང་ ལས་ བརྩེ་ བ་ བཞུར་ ཚུལ་ དེ
འདས་ ཟིན་ གྱི་ ལོ་ རྒྱུས་ ཤིག དྲན་ གདུང་ གི་ ན་ ཟུག་ ཅིག
རས་པ།
དང་པོ། འདོད་པ།
ཆུ་འཛིན་ལང་ལོང་འཁྲིགས་པའི་དབྱར་གྱི་ཆར།།
རྐང་ཐུང་ཟིལ་ཐིགས་ཤམ་པའི་རི་ཡི་རྩེར།།
ལ་ལ་ལ་གཞས་གཏོང་བའི་གཞོན་ནུ་ཟུང་།།
འཁྲིག་འདོད་གཏམ་གྱི་སྨྲ་བ་ཕྱི་རུ་བཏོན།།
དཀར་འཇམ་ལུས་ལ་བརྒྱན་པའི་དྲི་མེད་གོས།།
བསིལ་རླུང་ཡན་པོར་རྒྱ་བར་ཁ་གཡར་ཏེ།།
ལྷུག་ལྷུག་ས་ལ་ཟགས་པའི་སྐབས་དང་བསྟུན།།
ངོ་ཚའི་ཉམས་འགྱུར་ཟླ་བོའི་མདུན་དུ་བཤམས།།
དོལ་སྨྱོན།
༡༽
གངས་རི་དཀར་པོའི་རང་མདངས་དེ་སྨུག་པས་བཏུམས་སོང་།
ཆུ་མཛིན་ཕུན་པོའི་མཛེས་སྡུག་དེ་སེར་བུས་གཏོར་སོང་།
ཤུལ་དུ་ལུས་པ་ནི་མུན་ནག་གི་འཇིག་རྟེན་དང་།
སྟོང་སང་སང་གི་ནམ་མཁའ་ཁོ་ན་ཡིན་པས།
ངས་དོ་དགོང་ཅི་ཡང་མི་འདོད།
བསམ་གླིང་ཚེ་རིང་ལྷ་མོ།
ལྗང་ལྗང་ལོ་འདབ་ཀྱི་ནགས་ཚལ།།
ཁོ་ར་ཁོར་ཡུག་ཀུན་བསྐོར་ཞིང།།
རི་ཚོགས་དུ་མ་ཡི་དབུས་སུ།།
གནས་མཆོག་མ་རི་དེ་མཛེས་བྱུང།།
ཆུང་ཆུང་བྱིས་པ་ཚོའི་ཅ་ཅོ།།
རྣར་སྙན་བདུད་རྩི་ཡི་རོལ་དབྱངས།།
གཡས་གཡོན་རྒྱབ་མདུན་ནས་བསྐོར་ཏེ།།
ལག་ཟུང་གིས་འཐམས་དུས་དགའ་བ།།
རིག་འཛིན།
ལྷ་ལྡན་བོད་ཡུལ་ཆོས་ཀྱི་ཞིང་སར།།
དམ་ཆོས་བདུད་རྩིའི་ཆོས་ཆར་མ་འབབ།།
གདོང་དམར་བུ་ཕྲུག་ཐན་པས་རྡུང་དུས།།
ཡབ་མེས་བཙན་པོའི་མངའ་ཐང་དྲན་བྱུང་།།
གངས་ཅན་ལྗོངས་ཀྱི་ཕ་ས་དྲོད་མོར།།
ཡ་རབས་བཟང་པོའི་ནོར་བུའི་བང་མཛོད།།
མ་རབས་ཇག་པས་ཉིན་བཞིན་བཅོམ་དུས།།
ཡབ་མེས་བཙན་པོའི་གཟི་བརྗིད་དྲན་བྱུང་།།
རྩོམ་པ་པོ་རྒྱ་བཀྲ་དོན།
དུས་རླུང་ཤུགས་ཀྱིས་ལྡིང་བའི་སྔ་ནུབ་ཏུ
ཉི་མ་ཤར་སྟངས་ལས་ནད་ཡམས་ཤིག་གང་སར་ཁྱབ
མིའི་སེམས་སུ་ཕོག་སོང་ལ ཁ་ལྕེ་ལའང་ཕོག་སོང་
ཡིན་ནའང མི་འདི་དག་གིས་རང་སེམས་རང་གིས་གསོས་ཏེ
ཁ་ལྕེ་ལྐུགས་མེད་ཚུལ་གྱི་གནས་ལུགས་རེ་ཟུང་བགྲང་ཁུལ་བྱས
འཆི་མེད (རེབ་གོང)
སེམས་ངལ་དང་བསམ་གཞིག་གིས་བསྙལ་བའི་དགུན་ལྗོངས་ཧྲིལ་བོ་ཞིག
འདི་ལྟར་ནན་གྱིས་བསྐྱལ
ད་ནི་སུན་སྣང་དང་སྐྱོ་གདུང་རུམ་པའི
ད་ནི་དྲན་གདུང་དང་རེ་ལྟོས་སྦྲུམ་པའི དཔྱིད་ཟླ་ཐར་མར
ཡང་སྙིང སུ་ཞིག་ཇི་ལྟར་དྲན་འོས
འཆར་ཡན་གྱིས་བཏེགས་ཤིང་ཕངས་སེམས་ལ་ཐིམ་པའི་སེམས་འགྱུ་རེ་རེ
རྨི་ལམ་གྱིས་སྒོམ་ཞིང་དངོས་ཡོད་ཀྱིས་གཙེས་པའི་འདས་དོན་རེ་རེ
དེ་ལྟར ཉི་ནུབ་ཀྱི་གོ་རིམ་བཞིན གཙང་ཆབ་ཀྱི་བཞུར་རྒྱུན་ལྟར
རྒྱང་ནས་རྒྱང་དུ་བཞུད སུ་ལའང་དབང་ཆོག་པའི་དགུན་ལྗོངས་དེའི
བོད། ལྷ་ཀླུ་གཉན་གསུམ།
དོན་འགྲུབ་ལྷ་དར།
སྤྱི་དོན་ཆེད་དུ་སྲོག་གི་དམ་བཅའ་བཞག།
འགྲུབ་པའི་ལས་ཤིགས་བསམ་ནས་ལྟོགས་སྐོམ་མྱོང་།།
ལྷ་ཡི་བཀའ་ལུང་ཕེབས་ཀྱང་ལྡོག་མ་ནུས།།
དར་བའི་སྙིང་དེས་བོད་མི་ཀུན་ལ་བོས།།
དེ་ལས་མང་བ་། “འཆི་གསོན་གྱི་མཚམས་སུ་སླེབས་པའི་རྒྱལ་གཅེས་པ་གསུམ་ལགས།” »
རྩོམ་པ་པོ་རྒྱ་བཀྲ་དོན།
གློ་བུར་དུ གློ་བུར་དུ ཁྱི་རྒན་ཞིག་ཟུག་སོང
ཁྱི་ཕྲུག་དེ་དག་གིས་ཀྱང་རྣམ་འགྱུར་གཞན་ཞིག་བཟུང་སྟེ
ཁ་ཟས་ཀྱི་ཆེད་དུ རང་ཉིད་ལ་དབང་བའི་ཚེ་སྲོག་ཕྲ་མོ་དེའང་ཕུལ་ངེས་ཡིན་ཟེར
འདི་ནི ཁྱི་ཚོགས་ནང་ཁུལ་གྱི་ལྟ་སྟངས་ཤིག
སྲང་ལམ་གང་སར་དུ་ལྟོ་ཆས་འཚོལ་མཁན་གྱི་ཁྱི་ཕྲུག་དེ་དག
ནམ་རྒྱུན མྱི་སྐད་གོ་དུས་སྐྲག་སྣང་གིས་འབྲོ་ནའང
དེ་རིང་གི་ཁྱི་ཚོགས་ཁྲོད་དུ
དཔའ་ཉམས་ཀྱི་གཟུགས་བརྙན་ཁུར་ཏེ་འགྱིང་སྟབས་ཀྱིས
མྱི་ཚོགས་ལ་སྐྲག་དོན་མེད་པའི་ཟུག་ངུ་འཐེན
བསམ་གླིང་ཚེ་རིང་ལྷ་མོ།
ཕ་ཡུལ་གངས་ལྗོངས་རྒྱ་ནག་དམར་པོས་བཟུང།།
བོད་འབངས་ཚེ་སྲོག་གཅོད་པར་ཡ་ང་མེད།།
གང་ཞིག་བདེན་པའི་ལམ་ལ་ཞུགས་ན་ཡང།།
དྲག་པོའི་མཚོན་ཆར་ཁ་གཏད་མ་གཅོག་རོགས།།
ཕོ་བྲང་དམར་པོ་རྒྱ་སྒོར་གསོག་སར་གྱུར།།
རྒྱ་ཡི་དར་ཆ་ཕོ་བྲང་སྟེང་དུ་བཙུགས།།
གང་ཞིག་སྐད་ཅིག་བཟོད་ཐབས་མེད་ན་ཡང།།
གཅེས་སྲོག་རྒྱ་ཡི་རྩེད་ཆས་བྱས་ན་ཕངས།།
རྩ་བའི་བླ་མའི་གདན་ས་ཧམ་འཕྲོག་བྱས།།
གསེར་དངུལ་སྐུ་གསུང་ཐུགས་རྟེན་བཅག་ནའང།།
བདེན་དོན་རྒྱུས་མངའ་མེད་པའི་རྒྱ་དམར་ལ།།
ཨུ་ཚུགས་བྱེད་པ་ཚེ་སྲོག་བརླག་པའི་རྒྱུ།།
( རྒད་པོ་ཟ་ལེ་རྒྱལ་ལགས་སུ་བརྩེ་ལན་དུ་སྤྲིངས། )
ཤར་ཕྱོགས་ཁུག་རྟ།
ཨ་པ་ཟ་ལེ་ཡི་བླ་མ་ཀུན་མཁྱེན་དང་།།
ཅང་མེད་བདག་མེད་ཀྱི་ཤར་ཕྱོགས་ཁུག་རྟ་གཉིས།།
ལྟོ་དང་གཏམ་གྲགས་ལ་ཁྱད་པར་ཡོད་ན་ལས།།
ཞི་མོ་གཡབ་པ་འདི་ཨ་ན་མ་ན་ཡིན།།
འཛམ་གླིང་ཀུན་པོ་ལ་གྲགས་པའི་ཀརྨ་དང་།།
རྡ་སའི་རི་ཁུགས་སུ་མ་གྲགས་ཁུག་རྟ་གཉིས།།
གཞུང་ལུགས་ཆེན་པོ་ལ་ཁྱད་པར་ཡོད་ན་ལས།།
བཅད་མ་བྲིས་དང་ན་ཨ་ན་མ་ན་ཡིན།།
བསྟན་དར།
མཚོ་ཁར་སྡོད་པས་ངའི་ལུས་སེམས་ལ་ཞི་བསིལ་སྟེར།
ཅི་ཕྱིར་ན་ངའི་ཡབ་མེས་ཀྱི་རྣམ་ཤེས་དེ་རུ་གནས།
ཧི་མ་ལ་ཡའི་རི་ཕུང་མིག་ཆུའི་གང་གཱར་བཞུར་བས།
མེས་པོའི་རྣམ་ཤེས་ཀྱང་ས་མཐར་མྱུལ་ནས་རྒྱ་མཚོར་འཁྱིལ།
བརྩེ་གྲོགས་མ་ལྷ་སྒྲོལ་དང་གཡང་སྐྱིད་གཉིས་ཀྱིས་རྨང་བཏིང་ཞིང་རང་རིགས་མ་ཡུམ་དག་གི་ཚབ་ཏུ་བྲིས་པ།
ཐོར་རྒོད་པ་སྤྱན་ཆབ།
མུན་ནག་ལས་ཁྱོད་ཀྱི་འཁུན་སྒྲ་ཁོ་ནས་ང་ལ་ཅི་ཡང་མི་རག་པས
མུན་ནག་ལས་ཁྱོད་ཀྱི་རྡེབ་གསིག་གཅིག་པུས་ང་རང་ཅི་ཡང་མི་ཚིམ་པས
ངས་ཁྱོད་ཀྱི་བྱད་བཞིན་གྱི་ཆགས་ཉམས་དེར་ཡང་ཡང་བལྟ་དགོས
སྙིང་ཉེ་ལགས ང་ལ་གློག་སྒྲོན་སྤར་རོགས།
མཆུ་སྦྱོར་དང་འཐམ་འཁྱུད་ཀྱི་གཡོ་འགུལ་སེམས་སུ་ཟུག་ནའང
འཕུར་མཉེད་དང་འདར་གསིག་གི་ལྕེ་རྩེ་གང་སར་ཉུག་ནའང
ང་ཡིས་ཁྱོད་ཀྱི་མིག་མདངས་ཀྱི་དྭངས་མ་དེ་མཐོང་དགོས་ཡོད
སྙིང་ཉེ་ལགས ང་ལ་ཁྱོད་ཀྱི་སྤྱན་ཟུང་གི་གློག་སྒྲོན་སྤར་རོགས།
ན་མ་ཤྲྰི་བཛྲ་དྷརྨྰ་པ་ལ་ཡེ། །
ལས་ཀྱི་མེ་ཏོག་ཕོག་པའི་དམ་ཚིག་མཆེད་ལྕམ། །
བརྩེ་གདུང་རྒྱུན་ཆད་མེད་པའི་རྡོ་རྗེའི་མཆེད་པོ། །
གང་ཤར་སྙན་ངག་འབྲི་བའི་ཁྲག་འཐུང་དཔའ་བོ། །
གནས་ཡུལ་ཞིང་ཁམས་ངེས་མེད་གང་དུ་ཕེབས་སོང་། །
སྨྱོན་པའི་འཇིག་རྟེན་དེ་ཡང་སྟོང་པར་གྱུར་འདུག །
བདེན་པའི་སྙན་ངག་དེ་ཡང་གོ་ཚོར་མི་འདུག །
བྱམས་བརྩེའི་གོམས་བགྲོད་འོག་ནས་འདས་པ་མིན་ན། །
ཁ་བརྡ་བྱིས་པའི་གྲོ་རར་ལན་ཅིག་ཕེབས་ཤོག །
དེ་ལས་མང་བ་། “ཀླུ་སྨྱོན་ཧེ་རུ་ཀ་ལ་གླུ་བསྐུལ་རྡོ་རྗེའི་ཐོལ་གླུ་ཞེས་བྱ་བ། །” »
དོལ་སྨྱོན།
དྭངས་གཙང་གི་སེམས་པ་དེ་རྨས་ཚར་དུས། རྣམ་དག་གི་བརྩེ་དུང་དེ་བསྲེགས་ཚར་དུས།
ངས་སུ་ཞིག་ལ་འཁང་ར་བྱེད། དེ་རིང་།
ངས་སློབ་གླིང་གི་གྲུ་ཟུར་ཞིག་ནས། རང་ཉིད་ཀྱི་ལས་དབང་དང་།
མི་རིགས་ཀྱི་གོད་ཆགས་ལ་བསམ་གཞིགས་བྱེད་ཐུབ་ནའང་།
ང་ཡི་སེམས་པ་འདི། སྔར་བཞིན།
གྲང་ཤུར་ཤུར། སྐྱོ་ལྷང་ལྷང་།
དོན་ངོ་མར་ངས་ད་དུང་ཡང་ཁྱོད་དྲན་བཞིན་ཡོད།
དེ་ལས་མང་བ་། “ད་དུང་ཡང་ངས། སློབ་གླིང་གི་གྲུ་ཁ་ནས་ཁྱོད་དྲན་བཞིན་ཡོད།” »