བསོད་ནམས་རྒྱལ།
——–
ཆར་དུས་སུ་ངའི་མིག་ཟུང་སྒེའུ་ཁུང་ཁ་ན་ཡོད།
ཆར་དུས་སུ་ངའི་སེམས་པ་ལོ་མའི་སྟེང་དུ་ཡོད།——-ཁ་བྱང་གི་འགྲེལ།
ཆར་བ་བབས།། སེམས་པ་སྐྱོ།། ལོ་མ་བྲན།། ངོ་གདུང་བརླན།།
རླུང་བུ་ལྡིང་།། སྐྲ་ལོ་གཡོས།། ཆར་སྒྲར་བླགས།། གླུ་མ་གོ།
སྨུག་པ་འཐིབས།། མིག་རྒྱ་བསྒྲིབས།། རྒྱང་མི་མཐོང་།། གམ་མ་གསལ།།
འོད་ཟེར་དྲན།། རྒྱང་རིང་དྲན།། སང་ཉིན་དྲན དགོད་སྒྲ་དྲན།།
ཀླུ་སྨྱོན།
སེམས་འདི་དང་པོ་གང་ནས་བྱུང་། །
སེམས་འདི་ཆོས་ཀྱི་དབྱིངས་ལས་བྱུང་། །
ཆོས་དབྱིངས་འདུས་མ་བྱས་ལས་བྱུང་། །
ནམ་མཁའི་ཁམས་ཀྱི་མཐའ་དབུས་ནས། །
ལས་ཀྱི་རླུང་བུ་འཇམ་པོ་ལྡང་། །
དེ་ལ་འོད་ཀྱི་ཐིག་ལེ་འཚེར། །
ཁ་དོག་སྣ་ལྔའི་ཕྲ་ཚོམ་བརྒྱན། །
ཆོས་ཉིད་སྐུད་པར་ལན་གཅིག་བརྒྱུས། །
རེབ་ཐོག་མདའ
མེ་ཏོག་སྣ་བརྒྱ་འཛུམ་པའི་རྩྭ་ཐང་སྟེང་ནས།།
སྦྲང་དཀར་རྩྭམ་པ་སྣུམ་པོ་ལྷོད་ཀྱིས་བརྫི་བཞིན།།
ཞོ་དང་འོ་མ་བཏུང་བའི་འཚོ་བའི་ཁྲོད་ནས།།
སྡེབ་སྦྱོར་ཚིག་གིས་ཕྱུག་པའི་སྙན་ངག་བྲིས་ན།།
ལྗང་མདོག་གདན་དུ་བྱས་ཏེ་ངལ་ཞིག་གསོ་བཞིན།།
ན་ཆུང་བུ་མོའི་སྙིང་གཏམ་་ངག་ལ་ཉན་ཏེ།
ཐུལ་དཀར་འབྲུ་མོ་འཚོ་བའི་གཏམ་རྒྱུད་རིང་མོ།།
སྨྱུ་གུ་ལག་ཏུ་བཟུང་ནས་འབྲི་རྒྱུ་བྱུང་ན།།
དེ་ལས་མང་བ་། “ཁ་སང་དེ་རིང་་་་་་་་བདག་གིས་ད་དུང་ཡང་འདི་ལྟར་འདོད།” »
(ཞང་སྣང་གིས་ཁྱུང་པོ་སྤུང་སད་ཟུ་རྩེར་བླངས་པའི་མགུར་ལན་ཅིག་བཀླགས་རྗེས། མགུར་འདི་འདྲ་ཞིག་རྩོམ་འདོད་འདུན་པ་ཤུགས་དྲག་ཏུ་སྐྱེས་སྟབས། ཤར་མར་ཐལ་ལོ།།)
རྒྱལ་ཁབ་ཎི་དགྲ་བོས་འཕྲོག།།
གཞིས་བྱེས་ནི་གཉིས་སུ་གྱེས།།
བོད་འབངས་ནི་གདུང་བས་མནར།།
ཀླ་ཀློས་ནི་བྲོ་གར་འཁྲབ།།
ས་མཐའ་ནི་མྱ་ངམ་ཐང་།།
སྤུན་ཟླ་ཎི་སྐོམ་པས་གདུངས།།
རེ་སྒུག་ནི་ལོ་ཟླར་སྦྲེལ།།
སྐྱོ་གདུང་ནི་མགུར་གླུར་གྱེར།།
སེར་ཤུལ་རིན་ཆེན་དོན་གྲུབ།
གླང་ཆེན་སྟོང་ཕྲག་གིས་ནུས་ཤུགས་ངོམ་གྱུར་ཅིང་།།
གཅན་གཟན་གཏུམ་པོ་ཡིས་མཆེ་སྡེར་བགྲད་སོང་ཡང་།།
འཇིགས་པའི་ངར་སྐད་ཀྱིས་ས་གཞི་གང་གྱུར་ཀྱང་།།
བདག་སྙིང་འཇིགས་སྐྲག་གི་བྲེལ་བ་ཅི་ཡང་མེད།།
རྡུལ་མཚོན་ནུས་ཤུགས་ཀྱིས་བང་རིང་བསྒྲིགས་ཀྱང་རུང་།།
དྲག་པོའི་རུ་དཔུང་གིས་མཚོ་ཆེན་བརྡོལ་ཡང་ཆོག །
སྟོང་གསུམ་བླ་འོག་གི་འགུལ་སྐྱོད་བྱེད་གྱུར་ཅིང་།།
བདག་ལ་འཇིགས་སྣང་གི་ཚོར་བ་སྐྱེས་མ་གྱུར།།
རང་སེམས་རང་གིས་གསོ་གིན་ལོ་ཟླ་འདས།།
གཞན་ཡུལ་གཞན་བསྟུན་འཚོ་བའི་འགལ་རྐྱེན་མང་།།
བོད་དོན་བོད་ཡུལ་བསམ་གྱིན་ལུས་པོ་བསྒུར།།
མི་ཚེ་མི་ཡུལ་འདི་ནས་རྫོགས་མཁན་མང་།།
གཞིས་ཀྱི་རེ་བའི་རྣམ་ཤེས་བྱེས་སུ་འབྱོར།།
བྱེས་ཀྱི་ལང་ཚོའི་མཛེས་སྡུག་གཞིས་སུ་བཅོལ།།
བསམ་གླིང་ཚེ་རིང་ལྷ་མོ།
མཚན་མོར་འཛུམ་པའི་མེ་ཏོག་ནི།།
ཀུ་མུད་གཅིག་པོ་ག་ལ་ཡིན།།
ཟླ་བའི་མཛེས་པ་ཁོ་ན་ཡིས།།
སྐྱེངས་ནས་ཡིབ་སྟེ་བཞད་པ་མང་།།
འཛུམ་པ་རྒྱས་པའི་ཟླ་འོད་ནི།།
ཆུ་འཛིན་སེང་ནས་ལྐོག་ཏུ་བཞད།།
མཛའ་གཅུགས་ཟབ་པའི་ཀུ་མུད་ཀྱིས།།
ཚེམས་ཕྲེང་གེ་སར་ཡང་ཡང་ངོམ།།
སེར་ཤུལ་རིན་ཆེན་དོན་གྲུབ།
དེ་རིང་ཁྲག་གི་ལོ་རྒྱུས་རྫོགས་ཏེ་བདེན་པའི་དར་ཆ་བླ་ན་བསྒྲེངས།།
དེ་རིང་ཞི་བས་རྒྱལ་ས་བཟུང་ནས་ལོ་རྒྱུས་རྡོ་རིང་གྱེན་དུ་བསླངས།།
དེ་རིང་མནར་གཅོད་སྒོ་མོ་བཀག་སྟེ་རང་དབང་དམ་པའི་ཉི་འོད་ཤར།།
འདི་ནི་རིགས་ཀྱི་བདེན་དོན་རྩོད་པའི་ཡང་དག་ལོ་རྒྱུས་རྡོ་རིང་ཞིག།།
ཞི་བའི་སྟོབས་ཤུགས་རྒྱུན་འཁྱོངས་གོམ་པས་བཙན་རྒྱལ་སྒེར་སེམས་ཤུགས་ཀྱིས་རྡུང་།།
བདེན་པའི་སྙིང་པོ་ཉམས་སུ་བསྟར་བས་འོད་ཀྱི་ཁྲི་ལ་གཟི་མདངས་མཆེད།།
ཆིག་སྒྲིལ་ནུས་སྟོབས་གཅིག་ཏུ་བཟླུམ་པས་རང་དབང་ལྷ་མོའི་འཛུམ་ཞལ་བསྟན།།
འདི་ནི་ལོ་རྒྱུས་ཟིན་ཐོའི་ཁྲོད་ཀྱི་ཞི་བ་རྒྱལ་བའི་དངོས་དཔང་ཡིན།།
སྤྲུལ་སྐུ་དབང་ཆེན། ཀ༽་མད་སུམ་ཅུའི་གླུ་དབྱངས་ཁ༽་ལ་གྱེར་ནས་ག༽་དུས་ཡིན་ཡང་ང༽་ཚོའི་བོད་སྐད་གཙང་མ་ཤོད། ཅ༽་ཅོ་རིགས་ངན་མདོ་མེད་ཆ༽་ལུགས་བཅོས་ནས་ཇ༽་འོ་ཇི་བཞིན་ཉ༽་རྒྱས་རིག་གཞུང་དམ་པ་སྤེལ། ཏ༽་ལའི་འདབ་མ་རླུང་ཁྱེར་ཐ༽་མལ་སྒྱུ་ལུས་ད༽་ལྟ་་ངེས་མེད་ན༽་རྒ་སྐྱེ་འཇིག་སྙིང་པོ་ལོངས། པ༽་ཏྲ་རྡོ་བརྐོས་རི་མོ་ཕ༽་མེས་རིག་གཞུང་བ༽་མཆོག་འོ་ལྟར་མ༽་ལུས་རང་རྐང་རིག་གཅིག་སྐྱོངས། ཙ༽་ཀའི་ཞིང་བཀོད་ཉོན་མོངས་ཚ༽་གདུང་སྐྱོབས་ཕྱིར་ཛ༽་ཡའི་གསུང་ལྟར་ཝ༽་ལེར་ཡིད་ལ་ཡང་ཡང་སྒོམས། ཞྭ༽་བཞིན་དམ་པ་རྣམས་ལ་ཟ༽་ལྟོའི་ཆེད་མིན་འ༽་ཅག་ཀུན་གྱིས་ཡ༽་རབས་བཟང་པོའི་སྒོ་ནས་བཀུར། ར༽་ཛའི་སྤྱོད་ངན་གོམས་པའི་ལྭ༽་དམར་བླ་དཔོན་ཤ༽་ཚ་མེད་པས་ས༽་སྟོང་མི་མགོ་བསྐོར་རྣམས་རྒོལ། ཧ༽་ཧོའི་ཀུ་རེ་བརྩེས་མིན་ཨ༽་ཇོ་བོད་འབངས་ཧ༽་བཟང་བུ་རྣམས་ཨ༽་ལན་སློགས་ནས་རང་བཙན་རྩོད། །
རེབ་ཐོག་མདའ།
སྲོལ་རྒྱུན་མཐུག་པོའི་མིག་ཟུང་རྒྱང་ལ་འཕེན་བཞིན།།
དེང་རབས་གསར་པའི་རྗེས་སུ་བསྙེག་རྒྱུ་བྱུང་ན།།
རྗེས་ལུས་བོད་པ་ཚང་གི་མི་རབས་ཚ་རྒྱུད།།
ཟླ་བའི་གོ་ལར་བསྐྱོད་པའི་གཏམ་རྒྱུད་འབྱུང་ཟེར།།
ལོ་རྒྱུས་གླེགས་བམ་གདོང་གི་རྡུལ་དེ་སྤྲུགས་ནས།།
ལྷ་སྲོལ་ཀླུ་སྲོལ་གོམས་པའི་གཤིས་དེ་བསྒྱུར་ནས།།
རྟ་དང་བོང་བུའི་རྗེས་ཀྱི་ཚ་བོ་ཚ་མོ།།
དཔེ་ཁུག་རྒྱབ་ལ་འཁུར་རྒྱུ་བྱུང་ན་སྐྱིད་ལ།།
རེབ་ཐོག་མདའ།
ལོ་དང་ཟླ་བ་དལ་གྱིས་རྫོགས་ནས་ཐལ།།
གཉེར་རིས་མཐུག་པའི་རྒས་ཉམས་མངོན་ནས་ཐལ།།
ཉི་ཤུ་ཡོལ་དེ་སུམ་ཅུ་སླེབས་དུས་སུ།།
སྙིང་སྡུག་བུ་མོ་ཞིག་ལ་སེམས་འདི་ཐོག།
སྐྲ་ལོའི་ཁ་དོག་ཅུང་ཙམ་སེར་ན་སེར།།
སྐྱེས་གཟུགས་དྲང་མོ་མདའ་ལྟར་མིན་ན་མིན།།
ལང་ཚོ་མེ་ཏོག་བཞད་པའི་རྩྭ་ཐང་གི།།
འབྲོག་མོའི་གཤིས་ཀ་ཡོད་ན་དེ་གས་ཆོག།།
རིན་ཆེན་སྒྲོལ་མ།
གཙང་པོ་དང་རླབས་ཕྲེང་གིས
ཁྱེད་ཀྱི་གཏམ་རྒྱུད་ཡང་ཡང་བཀྲུས་པས
གངས་རིའི་མཛེས་སྡུག་གི་དྭངས་མ
ལང་ཚོའི་དཔལ་དང་ གཤིས་སྤྱོད་ཀྱི་གཏིང་སར་ཐིམ
ཚངས་པའི་སྲས་མོ ང་ལ
བརྩེ་འདང་གི་འོད་གོར རོལ་དབྱངས་ཀྱི་རྨུ་ཐག་འཐེན་རོགས
མགོན་པོ་ཕྱག་གཉིས་པ།
ཕྱག་འཚལ་ཆོས་དབྱིངས་མྱུར་མ་དཔའ་མོ།།
ཞབས་གཉིས་གཡས་བསྣོལ་གཡོན་བསྣོལ་བྱས་ཏེ།།
འཁྱག་འཁྱོག་བྱ་གག་འགྲོས་དང་འདྲ་བར།།
ཀུན་ནས་བསྐོར་རྒྱུག་བྱས་ན་མགྱོགས་མ།།
ཕྱག་འཚལ་པགས་རྩག་ཡུལ་དུ་ལུས་མ།།
ནུ་ཁེབས་མ་གཏོགས་སྟོད་གཡོགས་མེད་མ།།
འདོམས་རས་མ་གཏོགས་སྨད་ཤམ་མེད་མ།།
ཀུན་ནས་བསྐོར་དགའ་གཅེར་རུར་བརྒྱུགས་མ།།
དེ་ལས་མང་བ་། “ཨོྃ་ལུས་རྩལ་བ་ཆོས་དབྱིངས་སྐྱིད་ལ་ཕྱག་འཚལ་ལོ།” »
བསམ་གླིང་ཚེ་རིང་ལྷ་མོ།
ཞལ་གྱི་དཀྱིལ་འཁོར་བྱམས་པའི་འཛུམ་གྱིས་བསུས།།
དབུ་སྐྲའི་ཐོར་ཅོག་མཐོན་ཐིང་ནམ་མཁར་འདྲེས།།
ཡེ་ཤེས་དཔག་ཡས་འཕགས་མ་རྗེ་བཙུན་མ།།
མི་ཕྱེད་དད་པའི་གླུ་འདིར་ཡུད་ཙམ་དགོངས།།
དྲི་མེད་གངས་རི་དཀར་པོས་རབ་བརྒྱན་ཅིང་།།
འགྲོ་བ་ཉམ་ཆུང་དད་ལྡན་བསོད་ནམས་ཅན།།
སོས་དལ་བག་ཕེབས་ང་ཅག་བོད་ཡུལ་འདིར།།
ད་ཆ་དམར་པོའི་དཔུང་གིས་ཡོངས་བཅོམ་ཞིང་།།
རེབ་ཐོག་མདའ།
སྦྲང་དཀར་རྩམ་པ་ཡིས་གསོས་པའི།།
གཡང་དཀར་ལུག་ཁྱུ་ཡི་རྫི་བོ།།
སྦྲ་ནག་གྲུ་བཞི་ཡི་བདག་མོ།།
བོད་མོ་ཆོས་དབྱིངས་ནི་སྒྲོལ་མ།།
གངས་རིའི་ལས་དབང་དེ་འཁུར་ནས།།
འཛམ་གླིང་རྩལ་འགྲན་དུ་ཆས་སོང་།།
འདུར་རྒྱུགས་འགྲན་བསྡུར་དེའི་ཁྲོད་ནས།།
ལོ་རྒྱུས་རི་མོ་ཞིག་བྲིས་སོང་།།
བོན་རྒྱ་བསྟན་འཛིན་རབ་རྒྱས།
བོད་ཀྱིས་ཅི་བྱས་ལས་སུ་མ་སོང་བོད་འབངས་སྡུག་གི་རྒྱ་མཚོར་ལྷུང་ཞིང་། །
ཆོད་སེམས་ཆེ་བའི་དཔའ་བོ་རེ་རེས་གློ་སྙིང་བདེན་པའི་མེ་ལྕེར་བསྲེགས་ཤིང་། །
ཐ་ན་ཅང་མེད་བསྟན་རབ་པས་ཀྱང་ཚོར་བའི་ལོ་མ་སྡུག་གིས་སྦངས་དུས། །
ཡ་གླིང་དུས་ཀྱི་དུང་ཟླ་དཀར་པོ་རྨ་རྒྱལ་སྦོམ་རའི་ཕྲག་ནས་འཛུམ་བྱུང་། །
གསལ་བའི་རྣམ་རིག་བུད་ཤིང་བྱས་ཏེ་བདེན་པ་རྩོད་རྣམས་དགོངས་དག་མཛོད་ཅིག །
དུད་ཁྲོད་ཚལ་དུ་ཕྱིར་མིག་གཟིགས་པའི་རྣམ་ཤེས་ཚོགས་ལ་བཟོད་གསོལ་ཞུ་འོ། །
འབེལ་རྩོམ་རིགས་པའི་འགྲོས་ལ་སྡེབ་པའི་སྲིད་པའི་གླུ་ཆེན་ངག་ལ་བཀུགས་སྟེ། །
དེ་རིང་བདག་གི་ཀི་བསོའི་གླུ་སྒྲས་འཇིག་རྟེན་ཆེན་པོ་འུར་ལ་སྐུར་ངེས། །
སྤྲུལ་དབང་ཆེན།
སྐྱ་རེངས་བུ་མོས་སྤྲིན་དཀར་གཡབ་ཏེ།
ཞོགས་པའི་ཉི་གཞོན་མགྲོན་དུ་བསུས་ཞིང་།
འཛུམ་ཞལ་འོད་ཀྱིས་སྒེའུ་ཁུང་ཕྱེས་ནས།
གདོང་ལ་དྲོད་འཇམ་ཕྱག་གིས་བྱུགས་བྱུང་། །
འདུ་འཛིའི་འདུ་ལོང་ཆེ་བས་འུར་ཟིང་།
ཚོང་ཟོག་ཡར་མར་སྐྱེད་འདྲེན་རླུང་འཁོར།
གཅིག་ལས་གཅིག་མཁས་རང་ལྟོའི་ཆེད་དུ།
དབུལ་ཕྱུག་གཉིས་ཀ་བྲེལ་ལ་ཕྱོགས་སོང་། །
སྐྱོ་བྲག་དགའ་དབང་།
དུས་ཡུན་རིང་འགྲོགས་པའི་ཆོས་ཀྱི་མཆེད། །
ཁ་བྲལ་བའི་ལོ་ཟླ་མང་པོའི་མཐར། །
གློག་དྲ་བའི་བརྒྱུད་ནས་གླེང་མོལ་བྱུང་། །
སེམས་དགའ་སྐྱོའི་ཆང་གིས་མྱོས་ནས་ཐལ། །
དུས་ཁར་རྩང་མཚན་མོའི་ནམ་ཕྱེད་ལ། །
བྱ་རྒྱ་ཁྲ་ཧོར་བ་བསླེབས་འདུག་ཟེར། །
ཚིག་བདེན་སྨྲའི་ལྷ་རྩེའི་ཁུ་བྱུག་གི། །
སྤུ་མཁའ་ལ་འཐོར་བའི་དངངས་སྐྲག་བྱུང་། །
ལུང་རྟོགས་རྒྱལ་མཚན།
༡༽བོད་ལ་ཡོད།
བྱམས་བརྩེ་ལྡན་པའི་ཆོས་ལུགས་བོད་ལ་ཡོད།།
གཟི་བརྗིད་ལྡན་པའི་ལོ་རྒྱུས་བོད་ལ་ཡོད།།
རིན་ཐང་ལྡན་པའི་རིག་གཞུང་བོད་ལ་ཡོད།།
དཔའ་མཛངས་ལྡན་པའི་རྒྱལ་བློན་བོད་ལ་ཡོད།།
གངས་ཅན་བོད་ཀྱི་རིགས་རྒྱུད་ཕ་བཟང་བུ།།
ཕ་མེས་བཟང་པོའི་ཞབས་འདྲེན་མ་ཞུ་ཨང་།།
རེབ་ཐོག་མདའ།
སྙན་ངག་གི་བཟི་ཁ
ཆང་འཐུང་ཐེངས་རེར་སྙན་ངག་དྲན་ཡོང་ལ
སྙན་ངག་འབྲི་ཐེངས་རེར་ཆང་འཐུང་ན་འདོད
སྙན་ངག་ཆང་དང་སྡེབ་ནས་བཏུང་ཐེངས་རེར
ངས་མཛའ་མོ་དེའི་སྙིང་གཏམ་དྲན་འོངས་ལ
དྲན་ཐེངས་རེ་རེར
རང་ཉིད་སྙན་ངག་གིས་ཐེངས་ཤིག་བཟི་ན་འདོད་ཨང