གངས་དཀར་སེམས།
དེ་རིང་ཐན་བྱ་ཟུག་ཐེངས་གཅིག་གིས།
སྐད་ངན་ཞིག་ངོ་དེབ་བརྒྱུད་འཁྱེར་འདུག
བོད་ཀྱི་ཆབ་སྲིད་བཙོན་མ་ཞིག
དུས་རབས་ཕྱེད་ལྷག་གི་རྗེས་སུ།
བཙན་བྱོལ་ཡུལ་གྱི་ལྟེ་གནས་སུ་འདས་གྲོངས་སུ་གྱུར།
ངའི་སེམས་ལ་དྲི་དོགས་གཅིག་རང་བྱུང་སྟེ།
ཁྱེད་མ་ཕེབས་པའི་སྔོན་ཙམ་ལ།
སྔོན་མ་མཇལ་མྱོང་བའི་དུས་དང་མཚུངས་པར།
ཕྱག་གཉིས་སྙིང་ཁར་ཟུམ་ནས་
སྙིང་གི་བུ་མོ་བཞིན་བཟང་མ།
ཆང་སྐྱེས།
སྙིང་གི་མི་དེ་རྒྱང་རིང་ཡུལ་ན་ཡོད།།
བརྩེ་བ་ཟབ་མོ་གངས་དཀར་སེམས་ན་ཡོད།།
ལོ་དང་ཟླ་བ་རིང་མོའི་ཧྲག་བར་ནས།།
བདག་གིས་ད་དུང་སྔར་བཞིན་སྒུག་ནས་ཡོད།།
ལེ་བར་ཁྲི་མ་འབུམ་གྱི་ཕ་རོལ་ན།།
ཁྱོད་ཞལ་འཛུམ་པའི་ཟླ་བ་དཀར་པོ་དེ།།
མཚན་མོ་རྨི་ལམ་ཞིང་གི་མཁའ་མཐའ་ནས།།
ཡིད་འོང་སྟོང་གིས་བདག་གི་སེམས་ལ་ལྷུང་།།
ས་སྲོད་དེའི་མིག་ལམ་དུ།
ཁྲོ་གཏུམ།
མིག་གིས་རྒྱང་ལ་ཅེར་ཅེར་བའི་ས་སྲོལ་ལ
ཤོག་སྟེང་གི་ཡི་གེ་མི་མཐོང་བའི་ས་སྲོལ་ཅིག་ལ
གོམ་སྒྲ་ཇེ་གསལ་དང་མཐོང་ལམ་ཇེ་དམར་རུ་གྱུར
ཉི་མ་ཤིང་རྟ་བདུན་གྱིས་འདྲུལ་གྱིན་པའི་ཕ་མའི་གནའ་གཏམ
ཡིད་ཀྱི་ལུང་པར་བཞུར་བའི་གཙང་བོའི་འབྱུང་ཁུངས
ལོ་རྒྱུས་ཀྱི་བང་སོར་བཏབ་པའི་ཡིག་འབྲུ་དེའི་གསེབ་ལ་བཙལ
ངའི་བརྩེ་བ་ལ་འགྱུར་བ་མེད།
ཆང་སྐྱེས།
རིན་ཆེན་སྣ་ཚོགས་རྒྱན་གྱིས་མ་སྤྲས་ཤིང་།།
དཀར་དམར་མཚོན་གྱིས་ངོ་གདོང་མ་བྲིས་ཀྱང་།།
ཡིད་འཕྲོག་ལྷ་མོའི་ལང་ཚོ་འཇོ་སྒེག་ཅན།།
སེམས་ཀྱི་བུ་མོ་སྙིང་ལ་ལྷག་ཏུ་སྡུག།
བཅུ་དྲུག་ལང་ཚོ་སྒེག་པའི་ན་ཆུང་མའི།།
གོམ་པའི་འདེཊ་འཇོག་དལ་མོའི་ཧྲག་བར་ནས།།
འཛུམ་པའི་སོ་ཕྲེང་དཀར་མོ་འོད་དུ་འཚེར།།
སྲེད་པའི་མྱོས་བུམ་གཉི་ག་ལྡེམ་ལྡེམ་གཡོ།།
༄༅།། འཁྲུངས་སྐར་བསུ་བའི་སྙན་རྩོམ་ཏི་སེའི་གཟི་འོད།
ཀླུ་སྨྱོན་ཧེ་རུ་ཀ
རྒྱལ་ཀུན་གསང་གསུམ་ནམ་མཁའི་ཀློང་དུ་ཐབས་ཤེས་རྡོར་དྲིལ་ཉི་ཟླའི་ཕྱག་རྒྱ་གཟུང་འཛིན་མུན་པའི་གཤེད་དུ་སྤྲོས།།
དག་པའི་སྣང་བར་སྒྱུ་འཕྲུལ་ཟློས་གར་གངྒྰའི་འགྲམ་དུ་ཅིར་ཡང་འཕྲུལ་པ་མཁས་གྲུབ་ནྰ་རོ་མཻ་ཏྲི་སོགས།།
རང་སྣང་དབང་སྡུད་གཞན་སྣང་ཟིལ་གནོན་སྒྲ་སྒྱུར་ཆེན་པོ་མར་པ་མི་ལ་སྒམ་པོ་པ་སོགས་སྒྲུབ་བརྒྱུད་ཆེ།།
གངས་རིའི་ལྗོངས་ན་མཁས་དང་གྲུབ་པའི་འཁོར་སྒྱུར་
དེ་ལས་མང་བ་། “༄༅།། འཁྲུངས་སྐར་བསུ་བའི་སྙན་རྩོམ་ཏི་སེའི་གཟི་འོད།” »
འབྲི་གུང་ཆེ་ཚང་རིན་པོ་ཆེའི་མཛད་པ།
སྐྱོ་བྲག་དགའ་དབང་།
ཚོགས་བསགས་སྒྲིབ་པ་སྦྱངས་པའི་ལག་རྗེས་སུ། །
མཆོག་གི་དངོས་གྲུབ་ཚེ་འདིར་ཐོབ་གྱུར་ཅིང་། །
མ་འདྲིས་འགྲོ་བའི་མཛའ་བཤེས་ཆེན་པོ་བ། །
བཀའ་བརྒྱུད་གྲུབ་པའི་ཚོགས་ལ་གུས་པས་འདུད། །
སྔོན་གྱི་ཐུགས་བསྐྱེད་སྨོན་ལམ་དང་། །
རྟེན་འབྲེལ་འཛོམས་པའི་ཟབ་གནད་ཀྱིས། །
ཁྱོད་ཀྱི་མཚན་དཔེའི་མེ་ཏོག་ནི། །
གངས་རིའི་ལྗོངས་
མི་ཚེ་རྩེད་འཇོར་འཐིམ་པའི་བྱུང་བ།
བློ་བཟང་རིན་ཆེན།
ཞོགས་པའི་སྐྱ་རེངས་དམར་སེར་ཤར་མ་ཐག།
གམ་གྱི་གྲོགས་པོ་བཀྲ་ཤིས་གཉིད་ལས་སད།།
ཅི་ཞིག་བརླག་པ་ལྟ་བུའི་རྣམ་འགྱུར་ཁྲོད།།
སྔས་ཀྱི་ཁ་པར་དེ་ལ་འཕྲལ་དུ་བསྙབས།།
ཁ་པར་ངོགས་ལ་ཅུང་ཙམ་ཅེར་བས་ན།།
རང་ལ་རྒྱལ་ཁ་ཐོབ་པའི་ངང་ཚུལ་ལྟར།།
ང་རང་དགའ་སའི་ཚོགས་པ་རྒྱལ་སོང་ཞེས།།
ལག་གཉིས་ཁུ་ཚུར་བསྡམས་ནས་གནམ་ལ་བསྒྲེངས།།
༧རྒྱལ་མཆོག་སྐུ་ཕྲེང་རིམ་བྱོན་གྱི་མཛད་འཕྲིན་རྒྱ་མཚོའི་ཆུ་ཐིགས།
ཁ་བའི་རྣམ་ཤེས།
ཕྱག་ན་པདྨོ་སྐུ་ཕྲེང་རིམ་བྱོན་གྱི།།
མི་ཟད་རྣམ་ཐར་རྒྱ་མཚོ་ཆེན་མོ་ལས།།
ཆུ་ཐིགས་ཙམ་ཞིག་གླུ་རུ་ལེན་འདོད་ན།།
སྨྲ་བའི་རམ་འདེགས་མཛོད་ཅིག་ལྷ་ཡི་ཚོགས།།
བཀྲ་ཤིས་དཔལ་གྱིས་མཛེས་པའི་ལྷུན་པོ་རུ།།
ཟུང་འཇུག་མངོན་གྱུར་བློ་བཟང་ཆོས་རྒྱན་སོགས།།
དགེ་འདུན་མཁས་གྲུབ་འདུས་པ་རྒྱ་མཚོ་ལས།།
ཐོས་བསམ་སྒོམ་པའི་རླབས་ཕྲེང་ཆི་ལི་ལི།།
དེ་ལས་མང་བ་། “༧རྒྱལ་མཆོག་སྐུ་ཕྲེང་རིམ་བྱོན་གྱི་མཛད་འཕྲིན་རྒྱ་མཚོའི་ཆུ་ཐིགས།” »
ལོ་ཟླས་མ་ཁྱེར་བའི་བརྩེ་བ།
གཅན་ཚ་སྒྲོལ་མ་གཡང་སྐྱིད།
ལོ་ཟླས་མ་ཁྱེར་བའི་བརྩེ་བ།
ཁྱོད་འཛུམ་ཙམ་བྱས་པའི་ཞལ་རས་དེ་དྲན་ན།
ང་རང་ཁྱོད་ཀྱི་སྒོ་དྲུང་ན་སྐྱེས་པའི་ལྕང་སྡོང་དེ་ཡིན་ན་འདོད་ཀི།
ཡུན་རིང་ཆ་མེད་ལྟར་འགྲོགས་རྗེས།
ག་ལེར་ཕན་ཚུན་གྱི་སྙིང་ལ་མེ་ཏོག་བཏབ།
ཁྱོད་གློ་བུར་དུ་འགྲོ་རན་དུས།
ངས་ཐ་ན་སྐྱེལ་མ་ཞིག་ཀྱང་བྱེད་མ་ཐུབ།
སེམས་ཀྱི་མེ་ཏོག་རྐང་གཅིག
ཆང་སྐྱེས།
དེ་རིང་བདག་སེམས་སྙི་མོ་རླུང་གིས་སྒུལ།།
ཞེན་ཆཊ་ལྕི་མོའི་ཕྱིར་མིག་རྒྱང་ལ་ཤོར།།
རྨ་ཆུ་གཙང་ཆབ་སྔོན་མོའི་འགྲམ་ངོཊ་ན།།
ཁྱོད་ཞལ་མེ་ཏོག་བདག་གི་སྙིང་ལ་བཞད།།
ཐ་མག་ཚེ་སྲོག་རྔུབ་པའི་ཧྲག་བར་ནས།།
བསམ་བློ་བཞི་གསུམ་བཅུ་གཉིས་ཡང་ཡང་བཏང་།།
མགོ་དཀྲི་གློ་དམར་འོག་གི་ཁྲ་ཆུང་མིག།
རྨི་ལམ་ཞིང་ན་འཚེར་བའི་སྐར་ཆེན་ཞིག།
ཁྱོད་ནི་ངའི་ཚེ་སྲོག་གི་རིན་ཐང་།
ཆང་སྐྱེས།
མཐོན་མཐིང་ཨ་སྔོན་དགུང་གི་རྒྱུ་སྐར་གྱི་དབུས་ནས།།
དཀར་གསལ་བཅོ་ལྔའི་ཟླ་བ་ཡིད་འོང་གིས་འཛུམ་དུས།།
བརྩེ་སེམས་ཁྱོད་ལ་ཞོགས་པའི་བདག་སེམས་ཀྱི་རྟ་ཕོས།།
དྲན་གདུང་ལྕགས་སྒྲོག་གཅོད་ལ་ཐེ་ཚོམ་ཞིག་མི་འདུག།
མེ་ཏོག་སྤང་ལ་བཞད་པ་དུས་ཚིགས་ཀྱི་ལང་ཚོ།།
སྤྲིན་པ་རླུང་གིས་འཁུར་བ་སྐྱོ་གདུང་གི་ན་ཟུག།
སྣང་བ་ཆང་གིས་མྱོས་པའི་འཆར་ཡན་གྱི་ཀློང་ནས།།
ཁྱོད་ཞལ་པད་མོ་བདག་གི་སྙིང་ག་རུ་བཞད་སོང་།།
ཨ་མ་བཀའ་དྲིན་ཅན་གྱི་ངང་ཚུལ་ངེས་པར་བརྗོད་པའི་གཏམ།
རྩོམ་པ་པོ། རྫ་ཚེ་རིང་བཀྲ་ཤིས།
——འགྲན་ཟླ་མེད་པའི་མ་སེམས་ཞེས་བྱ་བ།
སྤྱན་རས་གཟིགས་གར་གྱི་དབང་ཕྱུག་ཐུགས་རྗེ་ཅན་ལ་གུས་པས་ཕྱག་འཚལ་ལོ། །
ཀྱེ་ཀྱེ་རྒྱལ་བའི་འཕྲིན་ལས་མ། །གདུང་བ་ཀུན་སེལ་ཏཱ་རེ་ཡུམ། །
བཀའ་དྲིན་ཅན་གྱི་ཨ་མ་ལ། །ཐུགས་རྗེའི་དཔུང་གཉེན་མཛད་དུ་གསོལ། །
རྒྱལ་པོའི་ཆད་པས་བཅད་པ་ཡི། །བུ་ངའི་སེམས་ལ་ཨ་མ་འཁྲེང༌། །
དེ་ལས་མང་བ་། “ཨ་མ་བཀའ་དྲིན་ཅན་གྱི་ངང་ཚུལ་ངེས་པར་བརྗོད་པའི་གཏམ།” »
འབྱུང་བ་བཞི།
བློ་བཟང་རིན་ཆེན།
མཁས་དབང་དངུལ་ཆུ་དྷརྨ་བྷ་དྲ་ཡིས།།
ཀུ་ཤའི་རྩེ་མོས་བླངས་པའི་ཆུ་ཐིགས་ལས།།
ཁོ་བོས་པིར་གྱིས་བླངས་པའི་ཆུ་རྡུལ་གྱིས།།
མངོན་བརྗོད་ལྷ་མོའི་བཞིན་རས་འབྲི་བར་བྱ།།
འོག་ཕྱོཊ་ལྷ་མོས་འཁོན་སེམས་མ་བཅངས་ཀྱང་།།
ནོར་འཛིན་བུ་མོས་ཉམ་ཐག་གཙེས་པ་ཡིས།།
གཞུང་ལུགས་ཀུན་ཏུ་བསྟོད་བསྔགས་བྱེད་པའི་གཞི།།
སུམ་རྩེན་ལྷ་ཡི་ཞིང་ཁམས་དྲན་དུ་བཅུག།
ལག་པའི་ཕྱི་ནང་ཚང་གིས་༧སྐུའི་འཁྲུངས་སྐར་གྱ་ལྔ་བར་ཕུལ་བའི་མཉམ་བྲིས་སྙན་ངག
རྩོམ་འབྲི་བ། རྫ་ཚེ་རིང་བཀྲ་ཤིས། ལྷ་ཆབ་སྦྱིན་པ། ཞོ་ར་བསྟན་པ་དར་རྒྱས། འདྲེ་གླེན་པ། ནགས་ཤོད་ཅོང་བརྡ། མགལ་དུམ།
༧སྐུའི་འཁྲུངས་སྐར་གྱ་ལྔ་བར་ཕུལ་བའི་ཤིས་ཚིག
རྫ་ཚེ་རིང་བཀྲ་ཤིས།
ཞི་བ་རྒྱ་མཚོའི་རླབས་ཀྱི་རྩེ་དགའ་ལ། །
སྙིང་རྗེ་འོད་ཟེར་ཕྲེང་བ་འབུམ་བརྡལ་བའི། །
སྤྱན་རས་གཟིགས་དབང་བསྟན་འཛིན་རྒྱ་མཚོའི་དཔལ། །
གསང་གསུམ་གངས་རིར་བཞད་པའི་དུས་ཆེན་བསུ། །
དེ་ལས་མང་བ་། “ལག་པའི་ཕྱི་ནང་ཚང་གིས་༧སྐུའི་འཁྲུངས་སྐར་གྱ་ལྔ་བར་ཕུལ་བའི་མཉམ་བྲིས་སྙན་ངག” »
འཁྲུངས་སྟོན་བསྟོད་པ་ཁྱད་འཕགས་མ།
ཨ་འདུས་པས།
བསླུ་མེད་ལུང་གིས་ཟིན་པའི་བྱིས་པ་ཞིག །
མདོ་སྨད་ས་ཡི་བཅུད་དུ་འཁྲུངས་པ་ན། །
གངས་རིའི་ལྷ་མི་དགའ་བའི་དགོད་སྒྲ་ཡིས། །
རི་བོ་ཧི་མ་ལ་ཡ་འདར་བར་བྱས། །
པོ་ཏ་ལ་རུ་འཕགས་པ་སྤྱན་མི་འཛུམ། །
མཛད་འཕྲིན་བརྗོད་མཐའ་བྲལ་བའི་འཛམ་གླིང་གི་དགོས་འདོད་ཀུན་འབྱུང་།
གཡུ་སྒང་དགེ་འདུན།
(ཕྱི་ལོའི་དགུང་གྲངས་ ༨༥ ཕེབས་པའི་སྐུའི་འཁྲུངས་སྐར་ལ་ཕུལ།)
༡༽དྲི་མེད་རྒྱལ་བསྟན་ཉི་ཟླའི་དཀྱིལ་འཁོར་ས་སྟེང་སྐྱེ་འགྲོའི་མགོན་དུ་སྩལ།།
ལོག་སྨྲའི་སྲིན་བྱ་ལོང་བར་མི་བྱེད་ལེགས་ལམ་འཇིག་རྟེན་གཟིགས་མོར་འགྲེམས།།
གསེར་མངལ་ཅན་དང་མིག་སྟོང་ལྡན་སོགས་འཇིག་རྟེན་དྲེགས་པའི་ཚོགས་ཀྱིས་ཀྱང་།།
སྤྱི་བོར་བཀུར་ཞིང་སྤྱན་རས་གཟིགས་ཀྱི་མགྲོན་གཉེར་མཛད་གང་སྲིད་ན་མཐོ།།
༢༽གང་གི་ཞབས་ཟུང་རྩིབས་སྟོང་ལྡན་པས་སྟོབས་ལྡན་རྒྱལ་ཁབ་གྲངས་མེད་བསྐོར།།
རྒྱལ་སྤྱིའི་དཀའ་རྙོག་དུག་མཚོ་ཁོལ་མ་ཞི་བྱེད་ཆོས་ཀྱི་ལམ་ཆེན་བསྟན།།
དེ་ལས་མང་བ་། “མཛད་འཕྲིན་བརྗོད་མཐའ་བྲལ་བའི་འཛམ་གླིང་གི་དགོས་འདོད་ཀུན་འབྱུང་།” »
བཀའ་དྲིན་རྗེས་དྲན།
བདེ་སྐྱིད་དབང་མོ། དཔེ་སྟོན་སློབ་གྲྭ། འཛིན་གྲྭ་༦ཀ རང་ལོ་༡༡
མདོ་སྨད་ས་ཡི་ཐིག་ལི།།
ཙོང་ཁའི་ཡུལ་ལུང་ཕྱུག་མོར།།
མཚན་དཔེ་མེ་ཏོག་མཛད་པའི།།
༸རྒྱལ་བ་ཡིད་བཞིན་ནོར་བུ།།
བྱམས་དང་བརྩེ་བ་སྣུམ་པོས།།
ཐུགས་རྒྱུད་ཡོངས་སུ་བརླན་པས།།
རིས་མེད་འགྲོ་བའི་སྙིང་ལ།།
ཆོས་ཀྱི་བདུད་རྩི་ཕབ་བྱུང།།
སྐུ་ཡི་འཁྲུངས་སྐར་ལ་ཕུལ།
བསྟན་འཛིན་ནོར་འཛིན། དཔེ་སྟོན་སློབ་གྲྭ། འཛིན་རིམ་༦ཁ རང་ལོ་༡༡
སྐྱབས་མགོན་ཡིད་བཞིན་ནོར་བུ།།
གངས་ཅན་བོད་ཀྱི་བླ་མ།།
འཛམ་གླིང་ཞི་བདེའི་དེད་དཔོན།།
སྐུ་ཚེ་སྐལ་བརྒྱར་བརྟན་ཤོག།
ཁྱེད་ཞལ་མཁའ་ཡི་ཟླ་གཞོན།།
སྐུ་ནི་གངས་རི་ལྷུན་པོ།།
གསུང་ནི་རིན་ཆེན་གདམ་ངག།
ཐུགས་ནི་སྙིང་རྗེའི་རང་གཤིས།།
༸བཀའ་དྲིན་ཉི་མའི་འོད་ཟེར།
བཀྲ་ཤིས་ལྡིང་བཟང། དཔེ་སྟོན་སློབ་གྲྭ། འཛིན་གྲྭ་༦ཀ རང་ལོ། ༡༢
སྤྱི་ལོ་སོ་ལྔར་འཁྲུངས་པའི་༸གོང་ས་མཆོག།
ཡོད་ཚད་བློས་བཏང་ཆོས་སྲིད་འགན་འཁྲི་བཞེས།།
ཉམས་ཆུང་བོད་མི་རྣམས་ལ་བདེ་སྐྱིད་བསྐྲུན།།
ཉིན་མཚན་གང་བོར་གཞན་ཆེད་སྐུ་ལས་བསྐྱོན།།
ཆ་རྒྱུས་མེད་པའི་རྒྱ་གར་འཕགས་པའི་ཡུལ།།
བོད་མི་སྟོང་ཕྲག་མང་པོ་སྐྱབས་བཅོལ་གནས།།
རྒྱལ་བའི་དྲིན་གིས་ཟས་གོས་སྡོད་གསུམ་ཐོབ།།
ཤེས་ཡོན་སྦྱོང་རྒྱུའི་གོ་སྐབས་གསར་དུ་བསྐྲུན།།
༸གོང་ས་མཆོག་ལ་བཀའ་དྲིན་རྗེས་དྲན་ཞུ་ཚིག
བསྟན་འཛིན་ནོར་འཛོམས། དཔེ་སྟོན་སློབ་གྲྭ། འཛིན་གྲྭ། ༦ཁ རང་ལོ་༡༢
གོང་དུ་མེད་པ་ཞི་བདེའི་དེད་དཔོན་མཆོག།
ས་ཕྱོགས་ཀུན་ལ་བྱམས་བརྩེའི་གཟིགས་པ་བསྐྱངས།།
སྐྱབས་མགོན་གསུང་གི་བདུད་རྩི་ཐོས་པ་དགའ།།
མགོན་པོ་མཆོག་གིས་སྐྱེ་རྒུའི་གདུང་སེལ་ཐུབ།།
སྙིང་རྗེ་རྒྱ་མཚོ་བཞིན་དུ་དཔག་མེད་པ།།
འཕགས་མཆོག་སྤྱན་རས་གཟིགས་ཀྱི་རྣམ་སྤྲུལ་མཆོག།
གང་གི་མཛད་འཕྲིན་ཉི་འོད་བཞིན་དུ་ཁྱབ།།
ངོ་མཚར་ཅན་ལ་བདག་གིས་ཕྱག་འཚལ་ལོ།།