མི་ཉག་དུང་བརྡ།
ས་ཆེན་གྱི་གྲུ་ཟུར་ཞིག་ན།
མཐོ་སྒང་གི་རྩིབ་རུས་ཤིག་་ན།
རང་དབང་གི་པད་འདབ་ཅིག་ལ་བརྫུན་ཏེ་འཁྲུངས་པའི།
ཐེའུ་གསར་ཞིག་གམ།
ཡང་ན། ཁྱེའུ་ཞིག་གི་འཁྲུངས་སྐར་བསུ་རུ་འགྲོ །
ཞོགས་ཆར་ཁྲོད་ཀྱི་དེ་རིང་གི་སའི་གོ་ལ།
གསོལ་འདེབས་རྟ་ཐོག་མ།
དགེ་འདུན་རྒྱ་མཚོ།
སོར་བཅུའི་འདབ་མ་སྙིང་ཀར་བསྣོལ་ཏེ་གང་ལ་དམིགས་པའི་ལྷའི་དཀྱིལ་འཁོར།།
ཁྱབ་བདག་དང་པོའི་མགོན་པོ་མཆོག་ཉིད་མི་ཡི་གར་དུ་བསྒྱུར་བའི་སྲོལ།།
སེམས་འཛིན་སྲོག་གི་ཐིག་ལེ་ལ་ཞུགས་གདེངས་ཀའི་སྦུབས་རྒྱ་ཀུན་བྲལ་ཏེ།།
ལོག་ལྟའི་མགོ་བོ་ས་ལ་བསྙིལ་དེས་མི་ཕྱེད་དད་པས་ལན་བརྒྱར་འདུད།།
གངས་རིའི་མགོན་པོར་འདུད།
ས་འཛིན་དཀར་པོ།
རྒྱལ་བསྟན་བསྟན་པའི་སྒྲོན་མེ་འཕགས་མཆོག་རྗེ།།
འགྲོ་ཀུན་ཀུན་མཁྱེན་བྱམས་ལྡན་མགོན་པོ་མཆོག །
རྗེ་བཙུན་བཙུན་པ་འཕཊ་མཆོག་སྤྱན་རས་གཟིཊ།།
མ་བཅོས་བཅོས་མིན་གངས་ཅན་མགོན་པོར་འདུད།།
༧མགོན་དེའི་འཁྲུངས་སྐར་བསུ།
འཁྱམས་པོ།
བདུན།༧།
ནོར་བུ་འཁོར་ལོ་ཐབས་མཆོག་བློན་པོ་དང་།།
དམག་དཔོན་རྟ་དང་ཁྱུ་མཆོག་གླང་བོ་སྟེ།།
ཡིད་འོང་མཛེས་པའི་བཙུན་མོ་རིན་ཆེན་སོགས།།
རྒྱལ་སྲིད་བདུན་གྱིས་༧མགོན་དེའི་འཁྲུངས་སྐར་བསུ།།
ངའི་རྒྱབ་རི།
ཐེ་བོ་ཤེས་རྒྱ་མཚོ།
༧གོང་ས་མཆོག་དགུང་ལོ་༧༨ ལ་ཕེབས་པའི་སྐུའི་འཁྲུངས་སྐར་ལ་བསུ་བ་ཞུ།
མི་ཡི་ཉི་མ་ཁྱོད་སེམས་ལ་ཤར་བས།།
སྡུག་བསྔལ་ལོ་ཟླ་དག་སྐྱིད་ཀྱིས་བསྐྱལ་ཡོད།།
རྒྱབ་རི་བཀན་མོ་ཁྱོད་བརྟན་སེ་ལངས་པས།།
ང་ཡང་ས་མཐའ་ན་འབྲོང་བཞིན་འགྱིང་ཡོད།།
འཁྲུངས་སྐར་ལ་བཏེགས་པའི་སེམས་ཀྱི་མཆོད་ཆང་།།
འཆི་བདག་སྐྱབས།
སྐུ་གཟུགས་ཉིན་བྱེད་དབང་པོ་མདོ་སྨད་དུ་འཆར་ཡང་།།
འཚེ་བས་འཁྱགས་སུ་སྦྲུམ་པའི་འཛམ་གླིང་གི་སྐྱེ་འགྲོར།།
ཞི་བདེའི་དྲོད་རླབས་འཕྱུར་བའི་བཀའ་དྲིན་ལ་དམིགས་ནས།།
སྐལ་བཟང་འཁྲུངས་སྐར་ཉིན་མོར་གྲངས་མེད་ཀྱི་འཚམས་འདྲི།།
ཉི་མ་ལགས།
རིགས་གྲོལ།
སང་ཉིན་འཛམ་གླིང་ཉི་མའི་འཁུངས་སྐར་རེད། བདག་གིས་ཁོང་སྐུ་ཚེ་བསྐལ་བརྒྱར་བརྟན་པའི་སྨོན་ལམ་ཞུ།
ས་གཞི་མཐའ་དག་འཁྱག་གིས་བསྡམས་དུས
ཁྱོད་ཀྱི་བྱམས་བརྩེ་ཡིས་དྲོད་འཁོལ་སྦྱིན
འཇིག་རྟེན་གོར་མོ་སྨག་གིས་བཀླུབས་དུས
ཁྱོད་ཀྱི་ཟེར་འོད་ཀྱིས་མུན་པ་སེལ
དུས་ཆད།
ཀླུ་སྨྱོན།
ཁ་སང་། ངས་མི་ཞིག་ལ་དུས་ཆད་བཏབ་ཡོད།
དེ་ནི་སྒྲ་འཇུག་ཁང་གི་མི་དེ་ཡིན།
ངའི་འོད་སྡེར་སྔོན་མ་གཉིས་ཀྱང་ཁོས་སྒྲ་འཇུག་བྱས་པ་ཡིན།
འོད་སྡེར་གསུམ་པ་འདི།
གཟུངས་སྔགས་སྣ་ཚོགས་སྒྲ་འཇུག་བྱེད་དགོས།
ས་གསུམ་འཛིན་མའི་སྤྱན།
འབའ་སྲས།
གཡོ་བའི་རི་ཆེན་རྗེས་བརྩེ་ཞགས་པས་བསྡམས།།
འཕྱོ་བའི་རྒྱ་མཚོ་འཛུམ་དཀར་འོད་ཀྱིས་བཀག །
གཡང་དུ་ལྟུང་ལ་འཆེལ་བའི་ལག་པ་བསྲིངས།།
འཐེང་བོར་འགྲོ་ལ་སྐྱོར་མའི་འཁར་བ་བྱིན།།
གསོལ་འདེབས།
རས་པ།
སེམས་ཀྱི་རི་བོར་སྐྱོ་སྣང་སྨུག་པ་མཚམས་རེར་འཐིབས་ཤིང་ལན་རེར་ཡལ།།
ཚེ་ཡི་ངོས་འཛིན་སྤང་ཁའི་མེ་ཏོག་ལན་རེར་བཞད་ཅིང་མཚམས་རེར་སྐམ།།
དུས་དེར་སྐྱོ་བ་སྐྱོབ་པའི་སྨན་ཞིག་མ་བཙལ་རྣ་ལ་ཐོས་པ་ནི།།
མགོན་ཁྱེད་ལེགས་གསུང་བདེན་པ་བཞི་ཡིས་དཔུང་དང་བཅས་ཏེ་འོངས་པ་འདི།།
ྋགོང་ས་མཆོག་ལ་བསྟོད་པ་མི་ཕྱེད་དད་པའི་རང་སྒྲ།
སྐུའི་འཁྲུངས་སྐར་དུས་ཆེན་ཐེངས་ ༧༨ ལ་འཚམས་འདྲིའི་བཀྲ་ཤིས་བདེ་ལེགས་ཞུ།
རོང་པོ་སྒང་ནེ་ཡེ་ཤེས་འཇིགས་མེད།
ལྷ་གཅིག་ཕྱག་ན་པདྨོ་ངུར་སྨྲིག་འཛིན།། སྐྱབས་གཅིག་འཛམ་གླིང་ཞི་བདེའི་དེད་དཔོན་ཆེ།། རྩེ་གཅིག་ཞབས་པད་བསྐལ་བརྒྱར་བརྟན་པ་ཡི།། ཁ་ཙམ་མིན་པར་སྙིང་ནས་སྨོན་ལམ་འདེབས།།
བསྟོད་པ་པདྨ་དཀར་པོ།
འཛམ་གླིང་ཞི་བདེའི་དེད་དཔོན་༧གོང་ས་༧སྐྱབས་མགོན་ཡིན་བཞིན་ནོར་བུ་མཆོག་ལ་བསྟོད་པ་པདྨ་དཀར་པོ།
—–སྐུའི་འཁྲུངས་སྐར་ལ་ཕུལ།
སྣ་ཚོགས་རང་གྲོལ།
ཀུན་ཉོན་འཁོར་བའི་རྩ་བ་གཏོར་ཏེ་སྲིད་ཞི་གཉིས་ཀྱི་མཐའ་ལས་འདས།།
འཚེ་བ་མེད་པའི་དམ་ཆོས་ཉི་མའི་འོད་ཟེར་གདུལ་བྱའི་ཁམས་སུ་སྤྲོ།།
དོན་གཉིས་མཐར་སོན་ཤཱཀྱའི་རིགས་འཁྲུངས་ཀུན་མཁྱེན་ཉི་མའི་གཉེན་གྱི་ལྷར།།
སོར་བཅུའི་འདབ་མ་སྙིང་གར་སྦྱར་ཏེ་གསོལ་བ་འདེབས་སོ་བྱིན་གྱིས་རློབས།།
རླུང་རྟ་སྤུར་བའི་སྙན་ངག
བཀྲ་ཤིས་དོན་འགྲུབ།
—–རི་བོ་བྷེེ་ཊ་པུར་དུ་འཛམ་གླིང་སྤྱི་བསང་ལ་ཆས་སྐབས།
རི་བོ་མཐོན་པོ་གནམ་ལ་ཟུག་ས་ནས།།
རི་རྩེ་རྣོན་པོ་སྨུག་པས་འཐུམ་ས་ནས།།
རླུང་རྟ་རླུང་ལ་སྤུར་བའི་ཉམས་འུར་འདི།།
སེམས་ཀྱི་སྙན་ངག་གྱེར་བའི་ལམ་སྲོལ་རེད།།
ས་སྐྱིད་པོ།
བསམ་གླིང་ཚེ་རིང་ལྷ་མོ།
རི་བོར་འཛེགས་བཞིན་འཛེགས་བཞིན།།
སྣང་བ་སྐྱིད་དུ་སྐྱིད་དུ།།
མཐོང་རྒྱ་ཆེ་རུ་ཆེ་རུ།།
མཁའ་དབུགས་གཙང་དུ་གཙང་དུ།།
བསྟོད་པ་དྲི་མེད་སེམས་ཀྱི་མཆོད་སྤྲིན།
༧འཛམ་གླིང་ཞི་བདེའི་དེད་དཔོན་༧གངས་ཅན་འགྲོ་བའི་མགོན་པོ་སྲིད་གསུམ་དབང་བསྒྱུར་མཚུངས་པ་མེད་པའི་སྡེ་༧གོང་ས་ལྷ་མིའི་རྣམ་འདྲེན་རྒྱལ་བའི་དབང་པོ་བསྟན་འཛིན་རྒྱ་མཚོ་མཆོག་ལ་བསྟོད་པ་དྲི་མེད་སེམས་ཀྱི་མཆོད་སྤྲིན།
ཨོ་རྒྱན་ཉི་མ།
མཚན་དཔེའི་ལང་ཚོ་འབུམ་གྱིས་རབ་མཛེས་མཐོང་ན་མི་མཐུན་མེད་པའི་སྐུ།།
གསུང་དབྱངས་ཡན་ལག་དྲུག་ཅུའི་སྒྲ་དབྱངས་སྐལ་ལྡན་སྐྱེ་བོའི་རྣ་བར་འཇེབས།།
དུས་གསུམ་སྒྲིབ་མེད་མཁྱེན་པའི་སྟོབས་བཅུས་གདུལ་བྱའི་རྒྱུད་ཚོད་སྣ་ཚོཊ་གཟིཊ།།
ས་གསུམ་འདི་ན་མཚུངས་ཟླ་བྲལ་བ་དོན་ཀུན་གྲུབ་པས་དགེ་ལེགས་སྩོལ།།
བསྐྱར་གསོན་གྱི་ང་།
རྡོ་མེ་འབུད།
མུ་ཏིག་གི་ཕྲེང་སྐོར་ཞིག
ག་ལེར་འཐོར་སོང་བའི་ཤུལ་ན།
ཆུ་མིག་ཅིག་ལྷོག་ལྷོག་ངང་གདུ།
དེ་ནི་སུ་ཞིག་གི་ཟུངས་ཁྲག་དང་འབྲེལ་ཡོད་ངེས།
སྲོད་ཁ་ཞིག་སྟེ།
སྐར་མ་ཡང་ཤར་མེད་པའི་སྔ་རོལ་དེར།
ཚེ་རབས་གཏན་གྱི་བླ་མ། ༼སྐུའི་འཁྲུངས་སྐར་ལ་ཕུལ༽
རེབ་ཐོག་མདའ།
ལྷ་ལྡན་ཞིང་གི་དབང་ཕྱོགས་ནོར་
དགེ་བཅུའི་དབུ་འཕང་དགུང་ལ་སྙེག་
ས་ཡ་དྲུག་གི་སྨོན་ལམ་ཟེགས་མ་འོ
བདག་གི་བླ་མ་ཡིད་བཞིན་ནོར་བུའི་
སེམས་ཀྱི་ཆོ་ངེ་འདོན་པའི་ཕྱི་ཚུལ།
ཚུལ་ཁྲིམས་ཟླ་བ།
སྐར་ཚོགས་དགུ་ཚིགས་བཀྲ་བའི་གནམ་འོག་ན།།
མུན་པས་ས་ཆེན་གཡོག་པའི་དཀྱིལ་མ་ན།།
སྒྱུ་རྩལ་གནམ་ལ་ངོམ་པའི་སྟང་སྟབས་འདི།།
དམར་ཆུང་སྙིང་རྩ་འཕར་བའི་ཡོ་ལང་རེད།།
ད་ལྟ་ཡང་ད་དུང་།
འཁྱམས་པོ།
དགའ་སྐྱོའི་ན་བུན་འཁྲིགས་པའི་ལ་ཁ་ན།།
བདེ་སྡུག་རླུང་གིས་སྤུར་པས་དར་ལྕོག་ལ།།
ལོ་རྒྱུས་གླེགས་བམ་རུམ་པའི་གཡག་མགོ་ཞིག །
མེས་པོའི་དཔུང་ཤེད་གླེང་བཞིན་བརྟན་པོར་འགྲེང་།།
སྣང་སྲིད་གླུ་རུ་བཀུག་པའི་སྙན་ངག
བཀྲ་ཤིས་དོན་འགྲུབ།
རྣ་བ་ཕར་ལ་མ་གཏད་ཀྱང་།།
འུར་སྒྲ་ཚུར་ལ་འཁོར་བ་འདི།།
འཇིག་རྟེན་རླུང་གིས་གཡོ་ས་ནས།།
ལྷིང་འཇགས་ཟད་པའི་སུན་སྣང་ཡིན།།