སྦྲ་ནག་ཚང་གི་སྨྱི་ནག

ཀྭ་ཡེ་གསོན་དང་སྙིང་གི་དབང་མོ་ལགས།།
ཁ་ཞིག་སྐྱེལ་ནས་བརྩེ་བའི་སྒོ་མོ་འབྱེད།།
ག་ལེར་འཁྲིག་པའི་དུང་བ་འུ་གཉིས་ཟབ།།
ང་ལ་འཛོམས་པ་ཁྱོད་ཀྱིས་ཆགས་རྩལ་ཡིན།།
ཅ་ཅོར་ཆེ་བའི་འཆལ་གཏམ་རྒོད་ན་ཡང་།།
ཆ་ལ་མ་ཉལ་ཞག་གཅིག་བཟོད་ཐབས་བྲལ།།

དེ་ལས་མང་བ་། “ཀ་འཕྲེང་ཆགས་གཏམ་མ།” »

དོལ་སྨྱོན།

སྙིང་སྡུག་མཚམས་གཅོད་སྒྲོལ་མ་རྒྱང་ལ་བཞུད་ཐལ།།
གྲངས་མེད་རི་ལུང་མང་པོས་བར་མཚམས་བཅད་ཐལ།།
དྲན་པའི་ཟུག་རྔུས་སེམས་ལ་རྨ་ཁ་བཟོས་ཐལ།།
སྐྱོ་བའི་མིག་ཆུས་མཁུར་ཚོས་མཆི་མས་བརླན་ཐལ།།

ལྷོ་བགྲོད་སྤྲིན་པ་དཀར་པོ་སེམས་ཀྱི་སྐྱོ་རོགས།།
ནུབ་ཁའི་མཚམས་སྤྲིན་དམར་པོ་ཡིད་ཀྱི་བརྟེན་ས།།

དེ་ལས་མང་བ་། “དུས་ཀྱི་ཆད་པ་ཕོག་སོང་།” »

དོལ་སྨྱོན།

རྒན་མོ་ཚོའི་རྨོངས་སྤུ་རབ་ཏུ་འཛིངས་པ་
ལྟ་བུའི་བལ་ཡུལ།

མཛེས་མ་ཚོའི་ཟླ་མཚན་ས་ལ་བྱེར་བ་
ལྟ་བུའི་བལ་ཡུལ།

སྟག་ཤར་ཚོའི་ཁུ་བ་གནམ་ལ་འཐོར་བ་
ལྟ་བུའི་བལ་ཡུལ།

དེ་ལས་མང་བ་། “བལ་ཡུལ།” »

བསེ་རུ།

མི་ཚེ་འདི་ས་མཐའ་ནས་རྫོགས་ན།
ལས་དབང་འདི་ལྡོག་ཐབས་ཤིག་མེད་ན།
ཕུགས་རེ་འདི་འགྲུབ་ཐབས་ཤིག་མེད་ན།
མི་ཚེ་འདི་མེད་མུག་གིས་རྫོགས་ཀྱང་ཆོག

མི་ཚེ་འདི་ཆུ་ཕྲན་དེ་ཡིན་ན།
མི་ཚེ་འདི་ན་བུན་དེ་ཡིན་ན།

དེ་ལས་མང་བ་། “ཆོག” »

དོལ་སྨྱོན།

སྟེང་དུ་བཀུར་བའི་ལྷ་ཞིག་ང་ལ་མེད།།
འོག་ཏུ་གནོན་པའི་འདྲེ་ཞིག་ང་ལ་མེད།།
བར་དུ་མཆོད་པའི་བཙན་ཞིག་ང་ལ་མེད།།
འཇིག་རྟེན་སྟེང་གི་སྤྲང་ཤོས་ང་རང་ཡིན།།

སྡོམ་པ་དམ་ཚིག་ཟེར་བའི་ལྕགས་ཐག་མེད།།
ལས་དང་རྒྱུ་འབྲས་ཟེར་བའི་དོགས་ཟོན་མེད།།

དེ་ལས་མང་བ་། “འཇིག་རྟེན་སྟེང་གི་སྤྲང་ཤོས་ང་རང་ཡིན།” »

ཀླུ་སྨྱོན།

བྲག་རི་དག་གི་སྐད་ཆ་སྟེ།།
བསྐལ་པ་འཇིག་པའི་གློག་འོད་ཀྱིས།།
གཡུ་རྡོ་དག་ཀྱང་སིལ་བུར་བྱས།།
དེ་ནི་ཉི་མའི་རྣམ་ཤེས་སོ།།
མཛེས་མའི་རྣ་བ་བརྒྱན་ནམ་ཅི།།
ཆུ་མོའི་ངོགས་སུ་བཞད་དམ་ཅི།།
རླུང་གིས་བསྐྱོད་པའི་རྩྭ་ལོ་ཡང་།།
གཡུ་ཡི་རྡོག་པོའི་གསེབ་ཏུ་སྐྱེས།།
བར་སྣང་ཧྲིལ་བོའི་རྡུལ་སྙེད་ཀྱིས།།
ཕྱུར་བུར་བྲིས་པའི་སྙན་ངག་སྟེ།།

དེ་ལས་མང་བ་། “གཡུ་ཡི་གཏམ་རྒྱུད།” »

ཁང་སྨིན་གྲོལ་རྒྱ་མཚོ།

རྣམ་དཀར་ཕྲེང་བའི་རྐང་ལམ་བརྒྱུད་ནས།།
ངུ་སྐད་ཐོག་མ་བྲག་ཆར་འདེབས་དུས།།
ལྟེ་ཁྲག་དམར་པོ་འཕྱུར་ཐེངས་ཤིག་གིས།།
ཨ་མའི་གདོང་ན་འཛུམ་རིས་བརྐོས་སོང༌།།

ལོ་བརྒྱད་བྱིས་པའི་ན་ཚོད་སྟེང་ནས།།
ཀ་ཁའི་དབྱངས་རྟ་སྐྱོར་བར་ཆས་རུང༌།།
རྣམ་གཡེང་མཛའ་མོའི་བསླུ་བྲིད་འཇམ་པོས།།
མུན་པའི་དོང་དུ་ཤར་མར་འཕངས་བྱུང༌།།

དེ་ལས་མང་བ་། “ཡུལ་གྱར་བའི་གདུང་དབྱངས་ཐུན་ཅིག” »

གཉན་ཆེན།

བསྟན་པའི་འཇུག་སྒོ་སྐྱབས་འགྲོའི་ཨུཏྤལ་རང་སེམས་སྐྱེད་མོའི་ཚལ་དུ་བཞད།།
ཐར་བའི་འཇུག་སྒོ་ངེས་འབྱུང་དྲི་བསུང་དགེ་སེམས་འདབ་མའི་སྤུབས་སུ་འཐུལ།།
བསླབ་སྡོམ་ཁྲིམས་གཙང་ཚུལ་བཞིན་སྲུང་བའི་སེའུ་འབྲུའི་བཅུད་ཀྱིས་ཡོངས་སུ་གཏམས།།
སེམས་ཀྱི་བུང་བ་དགའ་བའི་སྤྲོ་བཞིན་དེ་རིང་མགྲིན་པའི་བསྟོད་གླུ་ལེན།།

རིག་པ་སྟོང་གི་སྒོ་གླགས་འབྱེད་པའི་བསྡུས་གྲྭའི་རིགས་ལམ་ཐོག་མར་སྦྱངས།།
ཡོད་མེད་རྩོད་པའི་དགག་སྒྲུབ་པར་ནས་བློ་སེམས་དོག་མོའི་ར་བ་གཏོར།།

དེ་ལས་མང་བ་། “ཤིས་བརྗོད་མཆོད་པའི་མེ་ཏོག” »

ཀླུ་སྨྱོན།
་་་་་་་་་་་་་་་་་་་་་་་་་་་་་རང་ལ་བྲིས་པ།

༡

སྤྲིན་ནག་དང་གློག་ཞགས་འདྲེས་མས་རྫ་ཆེན་གྱི་སྐྲ་གསེབ་དང་བྲང་གཞུང་། ད་དུང་བརླ་སྒང་གི་དྲོད་ཁོལ་མྱོང་དུས། འགྲུལ་བཞུད་ཀྱི་གཏམ་རྒྱུད་རབ་རིབ་ཅིག་གི་བརྗོད་བྱ་སྟེ། ཁྱོད་རང་ཟླ་དགུ་ཞག་བཅུའི་ཉེས་ཆད་ལས་ཐར་བའི་བཙོན་མ་ཉམ་ཐག་ཅིག མི་ཡུལ་འདིར་ཆེས་ཐོག་མར་གྱེར་བ་ནི་ཞི་འཇམ་གྱི་ངུ་སྐད་ཡིན་པས། ཁྱོད་ཀྱི་མི་ཚེའི་འགྲུལ་བཞུད་རིང་མོར་དགོད་སྒྲ་འབུས་སམ། སྨྲེ་སྔགས་བཞད།

དེ་ལས་མང་བ་། “འགྲུལ་བཞུད་ཀྱིས་རྫོགས་པའི་མི་ཚེ།” »

ཨ་འདུས་སྐལ་བཟང་རྒྱ་མཚོ།
་་་་་་་་མཁས་དབང་དགེ་འདུན་ཆོས་འཕེལ་རྗེས་སུ་དྲན་པ།

ལས་རླུང་རྩུབ་མོའི་ལྡང་ཕྱོགས་ཤིག་གིས་ཁྱེད་ཞལ་དངོས་སུ་མ་མཇལ་ཡང༌།།
བསུབ་པར་དཀའ་བའི་གྲགས་སྙན་རིང་མོ་ད་དུང་གླིང་འདིའི་ཟུར་ན་མཆེད།།
སྐུ་དྲག་གཏུམ་པོའི་ཧམ་སྤྱོད་མིན་ན་ཁྱོད་དང་འུ་གཉིས་ཕྲད་ངེས་མོད།།
ཐོལ་བྱུང་གཤེགས་པའི་གཏམ་རྒྱུད་སྐྱུར་མོས་གདུང་བས་སྙིང་ཡང་རལ་བར་བྱེད།།

དེ་རིང་སློབ་གྲྭའི་དཔེ་ཁང་ནང་ནས་ཁྱོད་ཀྱི་གསུང་འབུམ་དེབ་གསུམ་མཇལ།།
ག་ལེར་ཁོ་བོའི་ཡིད་ཀྱི་ཅང་ཤེས་གསེར་གྱི་ཐང་མར་ཉུལ་བའི་ཚེ།།

དེ་ལས་མང་བ་། “ཟླ་གཞོན་ལགས། ཁྱེད་རང་བཞུད་སྔ་སོང༌།” »

ལོ་མ་རྒྱལ།

དབྱར་ལྗོངས་ལ་ཡོད་ཚད་ཆབ་རོམ་འཁྱགས་ཏེ་མཁྲེགས་གཟུགས་ཀྱིས་རེངས་བ་འདི་མཐོང་ན།
ཁྱོད་ཀྱི་ལྗང་མདོག་དང་སྐྱེས་སྟོབས་ལ་ནམ་ཡང་དར་ཆགས་མི་རུང་།
སྐབས་དེར། ཁྱོད་ཀྱིས་ཨ་ཕའི་ཁ་ཆེམས་ཡང་ཡང་སེམས་སུ་དྲན་དགོས།
སྐབས་དེར། ཁྱོད་ཀྱིས་ཨ་མའི་རེ་སྒུག་དེ་ཡང་གཏན་ནས་བརྗེད་མི་ཉན།
མཚམས་མཚམས་སུ། ནམ་མཁའ་ལ་སྤྲིན་ནག་འཐིབས་ཏེ་དྲག་ཆར་འབབ་ན་ཡང་།
མཚམས་མཚམས་སུ། རླུང་དམར་གཡུགས་ནས་ཁྱོད་ཀྱི་སྐྲ་ལོ་བསྣོགས་ན་ཡང་།

དེ་ལས་མང་བ་། “ཕ་ཡུལ་གྱི་བསླབ་བྱ།” »

ཀླུ་སྨྱོན།

སྣག་ཚ་བུམ་པ་གང་མི་རིགས་ཤིག་གི་ཟུངས་ཁྲག་དང་བསྲེས་ཏེ།
ལོ་རྒྱུས་ཀྱི་ལྡེབས་རིས་ཆེན་པོ་ཞིག་བཞེང་དུས།
བཙན་པོའི་དུས་ཀྱི་རྟ་དམག་གི་རྨིག་རྡུལ་ཡང་སྐྱར་འཐིབས་བྱུང་ལ།
མཐའ་བཞིའི་རྒྱལ་ཕྲན་ཚོར་སྤྲིངས་པའི་བཀའ་ཤོག་གི་གཟི་བརྗིད་ཀྱང་ཡང་སྐྱར་འབར་བྱུང་།
བཙན་པོའི་རྒྱལ་རབས་ཀྱི་དེབ་ཐེར་མཐུག་པོ་དེའི་བམ་ཁ་སྔོགས་དུས།
སུམ་གཉིས་ས་ལ་སླར་ཡང་དམག་དར་དང་རལ་གྲི་གཡུགས་སོང་།

དེ་ལས་མང་བ་། “སྙན་ངག་དང་འདྲེས་པའི་ལོ་རྒྱུས།” »

ས་འཛིན་དཀར་པོ།

གཟུགས་སྐུ་ལང་ཚོ་ཨ་མདོ་ཡུལ་ལ་བལྟམས།།
མཚན་སྙན་བ་དན་རྒྱལ་ཁམས་ཀུན་ལ་གཡོ།།
གངས་རིའི་ལྷ་མོ་དོན་གྲུབ་བྱམས་བརྩེ་ཡིས།།
གོ་ལའི་ཞི་བདེ་དེད་དཔོན་མཚན་སྙན་ཐོབ།།

མཐོ་སྒང་ཡུལ་ནས་གྱེས་པའི་བགྲེས་པོ་ཞིག།
ཁ་བའི་བདེན་དོན་ཆེད་དུ་ཉིན་མཚན་གཞོལ།།

དེ་ལས་མང་བ་། “དད་པའི་མཆོད་སྤྲིན་མེ་ཏོག” »

སེར་ཤུལ་རིན་ཆེན་དོན་གྲུབ།
༼༸གོང་ས་མཆོག་གིས་ནོ་བྷེལ་ཞི་བདེའི་གཟེངས་རྟགས་བཞེས་ནས་མི་ལོ་ཉེར་བཞི་འཁོར་བའི་དུས་དྲན་ལ་ཕུལ།༽

སྤྱི་སྙོམས་མཛད་པའི་རླབས་ཆེན་ཕྱག་རྗེས་ཤར་ནུབ་རིག་པའི་འོད་དུ་བཞུར།།
དྲང་ཚུགས་སྒམ་བརླིང་མི་གཤིས་བཟང་པོས་དཔྱོད་ལྡན་སྙིང་ལ་བསིལ་བ་སྦྱིན།།
ལེགས་འབྱེད་གུ་ཡངས་ཤེས་རབ་མཚོན་གྱིས་རིས་གཅོད་ལྟ་བར་ཟུག་རྔུ་བསླངས།།
ཆོས་ཉིད་རིགས་པའི་དཔྱད་ཞིབ་ངོས་ན་ཁྱེད་ནི་མཆོག་གི་འོད་རིས་ཤིག །

དེ་ལས་མང་བ་། “ཞི་བདེའི་སྐྱེས་མཆོག” »

ཁང་སྨིན་གྲོལ་རྒྱ་མཚོ།
་་་་་་་་་ངོས་ཀྱི་ཡུལ་དང་ངོས་ཀྱི་མི་མང་ཞེས་པའི་བཀའ་རྩོམ་བཀླགས་རྗེས།

སྙན་འཇེབས་གསུང་གི་འགྱུར་ཁུག་རེ་ན་ལེགས་བཤད་གསེར་གྱི་འོད་ཕྲེང་རེ།།
རབ་དཀར་ཞལ་གྱི་འཛུམ་དམུལ་རེ་ན་སྐྱོ་གདུང་གཤགས་པའི་བྱམས་བརྩེ་རེ།།
ཡིད་འོང་མཉེན་ལྕུག་ཕྱག་རྒྱ་རེ་ན་དད་འདུན་འགུག་པའི་སྒྱུ་འཕྲུལ་རེ།།
བསམ་ཡས་རིག་པའི་འཁྱུག་ཤེད་རེ་ན་འགྲོ་དྲུག་སྐྱོང་བའི་ཟློས་གར་རེ།།

ཁྱོད་ནི་ཚན་རྩལ་རིག་པ་མིན་ཡང་སླད་མར་ཕན་པའི་སྨན་ཕུང་ཞིག།
ཁྱོད་ནི་དཔག་བསམ་ལྗོན་པ་མིན་ཡང་ཅི་དགོས་སྟེར་བའི་ནོར་བུ་ཞིག།

དེ་ལས་མང་བ་། “ལྷ་མོ་དོན་གྲུབ། ངས་ཁྱོད་འདི་ལྟར་མཐོང༌།” »

བསམ་གླིང་ཚེ་རིང་ལྷ་མོ།

བཀྲ་ཤིས་ཞི་བདེའི་སྣང་བ་འཛམ་གླིང་དུ།།
འཆར་བའི་ཉིན་མོ་སྐལ་བཟང་གླུ་རུ་ལེན།།
དེ་རིང་བཀྲིས་ཉིན་མོར་སྐལ་ལྡན་རྣམས།།
དགའ་བའི་གླུ་དབྱངས་ཅི་གར་མི་ལེན་གང་།།

རྐང་དམག་མཚོ་དམག་གནམ་དམག་མི་ལྡན་ཞིང་།།
མཚོན་ཆ་ཁབ་སྐུད་ཙམ་དང་བྲལ་ན་ཡང་།།

དེ་ལས་མང་བ་། “སྐྱབས་མགོན་མཆོག་ལ་བསྟོད་དབྱངས།” »