བདག
འདྲ་པར་མི་དགོས་ན་ཟུག་མི་མཁོ་མ་འཇོག་ཁྱོད་ཀྱིས་མཉམ་དུ་ཁྱེར།།
དྲན་པའི་ཚེ་ན་སྐྱོ་འདོད་མི་འདུག་དྲན་ཤིང་ཞེས་པ་དགོས་དོན་མེད།།
ལས་དབང་ཞེས་པ་འདི་འདྲ་ཡིན་ན་དཀོན་མཆོག་ཅེས་པར་མི་དད་ལ།།
བརྩེ་དུང་འབོད་པ་དེ་འདྲ་ཡིན་ན་དགའ་ལོ་མ་ཞིག་མི་ཉག་གོ །
བརྩེ་བ་ཟེར་བར་ཀ་ར་འདྲེས་པ་ཐོག་མའི་ས་བོན་མ་བཏབ་གོང་།།
འཁོར་བ་ཟློ་བར་རླུང་འཚུབ་རྒོད་པ་ཨ་ཉོག་རེ་གཉིས་བཙས་པའི་རྗེས།།
སེར་ཤུལ་རིན་ཆེན་དོན་གྲུབ།
འདོད་ཆགས་ཞེ་སྡང་ངོས་འཛིན་མི་ཤེས་པའི།།
སྐྱེ་བོ་འགའ་ཞིག་རྨོངས་པས་གཞན་དབང་གིས།།
འདི་དག་སྤང་བྱ་མིན་པར་བསྒྲུབས་སོ་ལོ།།
མཐོང་བས་ཁུང་འཛུམ་ཤོར་བ་སུས་མ་ལྡོག །
འདོད་པ་མེད་ན་རང་དོན་མི་བསྒྲུབ་ཀྱང་།།
འདོད་པ་ཡོད་ཚད་ཆགས་པ་མ་ཡིན་པས།།
དེ་ལས་མང་བ་། “༧དཔལ་ལྡན་ཁམས་སྟོད་འཇམ་དབྱངས་གྲགས་པ་གསེར་ཁྲི་མངའ་གསོལ་ལ་ཕུལ་བ་བདེན་པ་རིན་པོ་ཆེ།།” »
འབའ་སྲས།
འདོད་ཆགས་ཞེ་སྡང་སྤང་བར་བྱ་འོ་ཞེས།།
གནའ་ནས་དེ་རིང་བར་དུ་བཤད་ན་ཡང་།།
སུ་དང་གང་གིས་མ་སྤངས་རང་རྒྱུད་དུ།།
དམ་དུ་བསྲུངས་པ་འདི་ཡང་རིགས་ཤིང་འོས།།
འདོད་པ་མེད་ན་རང་དོན་ཇི་ལྟར་བསྒྲུབ།།
ཆགས་པ་སྤངས་ཚེ་རྗེས་སུ་ཅི་ཞིག་འཛིན།།
ཞེ་སྡང་བོར་ན་དགྲ་ལ་ཇི་ལྟར་རྒོལ།།
བཀྲ་ཤིས་དོན་འགྲུབ།
ནུབ་ཁའི་ཉི་མ་དམར་པོ་ལ།།
སྐྱོ་བའི་མདངས་ཤིག་ཆགས་ནས་ཡོད།།
དེ་ལ་སྣང་བ་མ་གཏོད་ཅིག།
དུད་ཞགས་གླིང་ལ་འཁྱིལ་ཡོང་ངོ་།།
བྱང་འགྲོ་རླུང་བུའི་ཕྱག་ཟུང་གིས།།
གཟན་སྣེ་དམར་པོ་བསྐྱོད་ཙམ་བྱེད།།
བར་ཕུ་ཕུན་ཚོགས།
ཕ་སེམས་རྒྱུད་དྲང་པོས་གསོས་དང་གཅིག།
མ་བྱང་སེམས་ཅན་གྱིས་བསྐྱངས་དང་གཉིས།།
ནང་མཐུན་སྒྲིལ་ཆེ་བས་སྐྱིད་དང་གསུམ།།
དེ་ཞི་བདེ་ཡོད་པའི་ཁྱིམ་ཚང་ཡིན།།
ལོ་ཆུང་དུས་ངན་ཡང་རྒྱབ་ཏུ་འཁྱེར།།
བུ་ངུ་ལ་དགའ་ཡང་བསུན་སྣང་མེད།།
ཁ་བའི་འབྲོག་མོ།
ཡོད་པའི་མཐའ་ལ་དཔྱངས་པའི་རྩེད་རྡོ་ཞིག །
འཇིག་མེད་དངོས་པོའི་སྐྱེས་སུ་ག་ལ་འགྱུར།།
སོམ་ཉིའི་སྐུད་པ་བཏབ་པའི་སྙིང་ཁམས་ན།།
སྤྲིན་གྱི་གཟུགས་རིས་འཛིན་པའི་གདེང་ཞིག་ཡོད།།
དེ་རིང་མ་སྐྱེས་སང་ཡང་མི་སྐྱེ་བའི།།
སེམས་ཀྱི་མེ་ཏོག་བསྐལ་བའི་བར་དུ་བཏབ།།
དོན་འགྲུབ་བཀྲ་ཤིས།
སྐྱེ་རྒུ་མདོ ད་དུང་ཡང་ང་ཚོའི་སེམས་ཁོང་ན་ཡོམ་ཡོམ་འདར་བའི་སྐྱོ་བ་ཞིག ཤ་རུས་ཀྱི་ཁྲག་རྒྱུན་བཞུར་བའི ཕྱི་མའི་འཕྲེང་ལམ་དུ འཆི་བདག་གིས་བཙན་དབང་ཐེབས་པའི ཉམ་ཆུང་གི་ཚེ་སྲོག་དམར་བོ སྐྱི་གཡའ་བའི་ནངས་མོ་དེར་རེ་རེ་བཞིན་འཁྱེར་སོང ས་བདག་གི་མཛུབ་མོ་འགུལ་ཐེངས་གཅིག་གིས ངའི་སྤུན་ཟླ་གྲངས་མེད་ཀྱི་ཚེ་སྲོག་གཞབ་སོང རང་བྱུང་ཁམས་ལ་སྙིང་རྗེ་བྲལ་བ་ཡིན་ནམ
དེ་ལས་མང་བ་། “སྐྱེ་རྒུ་མདོ ད་དུང་ཡང་ང་ཚོའི་སེམས་ཁོང་ན་ཡོམ་ཡོམ་འདར་བའི་སྐྱོ་བ་ཞིག” »
བཀྲ་ཤིས་དོན་འགྲུབ།
བྱང་གི་རླུང་བུ་ལྷོ་ཡི་ལམ་དུ་ཕྱོགས།།
སྤྲིན་པ་ནག་པོས་ཁྲོ་ཞལ་ལན་དུ་སྟོན།།
ཆར་ཐིགས་ཆུ་མོའི་པང་དུ་ལོག་པ་ན།།
མཚོ་མོའི་འཛུམ་གྱིས་སྤྲོ་སྣང་མངར་མོ་བསུ།།
མུན་པས་ཡིད་ཀྱི་སྣང་བ་འཕྲོག་པའི་དུས།།
ཟླ་བའི་ཞལ་རས་འོད་ཀྱི་གསེང་ནས་ཕེབས།།
—-འབའ་སྲས་ཀྱིས་འབའ་སྲས་མོར་བྲིས།
ཁྱེད་དང་ངེད་གཉིས་ཕ་ཡུལ་གཅིག་པ་ལས།།
གཤིས་ཤིང་མཛའ་བའི་འབྲེལ་བ་ཅི་ཡང་མེད།།
འོན་ཀྱང་སྒྲུབ་བཞིན་བྱ་བ་རླབས་པོ་ཆེས།།
ཁོ་ཡི་སྙིང་གི་ས་ལ་ཉི་འོད་སྦྱིན།།
ཁྱེད་ཀྱི་ཞལ་རས་མཛེས་པའི་ཉི་ཟེར་གྱིས།།
བདག་ཡིད་མཚན་སྐྱེས་མེ་ཏོག་གད་པ་མིན།།
དོན་འགྲུབ་བཀྲ་ཤིས།
དགུ་ཉིས་བཅོ་བརྒྱད་ལང་ཚོའི་བཞིན་མདངས་དམར་པོ།།
མི་ཚེའི་ནོར་འཛིན་ཕྱུག་མོའི་དུས་གསར་ཕོ་ཉ།།
ནོར་བཞིའི་ཞབས་རྗེས་སྙེགས་པའི་སྲིད་པའི་བློ་སྙིང་།།
དུས་རབས་བརྡ་འཕྲིན་འདྲེས་པའི་ཤེས་བྱའི་ཕྱོགས་སུ།།
བརྩོན་སེམས་ཆུ་རྒྱུན་དྲག་པའི་རྦ་རླབས་འཕྱོ་བཞིན།།
ལང་ཚོའི་སེར་ཆེན་དུས་འདི་དམ་གྱིས་བཟུང་ནས།།
འབའ་སྲས།
ཁ་སང་བདེ་ལ་སྐྱིད་པའི་རང་ཁྱིམ་ནས།།
ཕ་མ་ལྷན་དུ་འཛོམས་པའི་དགོད་སྒྲ་མཆིས།།
དེ་རིང་འཇིགས་ཤིང་སྐྱོ་བའི་འཇིག་རྟེན་ཞིག །
གློ་བུར་ཉིད་དུ་སྲོག་གི་གཤེད་མར་གདེངས།།
འཆི་བ་མི་རྟག་ཡིན་པས་མི་འཆི་བ།།
སུ་དང་གང་གིས་བཟློག་པར་མི་འགྱུར་ཀྱང་།།
ཚེ་རིང་།
ན་ཚོད་ཀྱི་མགོ་བོ་ཡུན་གྱིས་འདེགས་དུས
ཉི་མ་ནི་ངའི་ཚེ་སྲོག་བཞིན
ཏག་ཏག་ནམ་མཁའི་དཀྱིལ་ལ་སླེབས་འདུག
ཨུ་ཚུགས་ཀྱིས་འཚོ་བའི་གོ་རིམ་འགྲིམ་སྐབས
བར་སྟོངས་ནི་ནམ་ཡང་བར་སྟོངས་དེ་
ཁ་གསེབ་མེད་པ་ནི་དུས་ཚོད་ཀྱི་གྱོང་གུན་ཁོ་ན་རེད
ཨ དོན་ཉི།
བག་ཆགས་དེའི་རྐྱེན་གྱིས། ངས་མགྲིན་པ་སྐྲང་བཞིན་དུ་གླུ་བླངས། རྐང་བ་འཐེང་བཞིན་དུ་བྲོ་ལྡིང་།
མུ་མཐུད་དུ་ཅི་ཞིག་བཤད་རྩིས་བྱས་ན་ཡང་། མར་རྩམ་ལྟ་བུའི་སྐད་ཆ་དེ་ད་དུང་ཤོད་མེད་པ་འདྲ།
ཆུང་འདྲིས་མིན་པའི་བག་ཆགས་དེའི་དབང་གིས། ང་ལ་སྨ་ར་སྐྱེས་ཤིང་། ངའི་ཕོ་ཚོད་བཏུལ།
གློ་བུར་བའི་རྨི་ལམ་གྱི་དབུས་སུ། ཁྱེད་ལ་ཕྲད་ཅིང་ཁྱེད་ལ་གྱེས་དུས།
དོན་འགྲུབ་བཀྲ་ཤིས།
གངས་དང་གངས་ཆུའི་མཛེས་ལྗོངས་བདག་གིར་བྱས།།
ཚེ་དང་སྲོག་གིས་ཆོས་དང་རིག་གནས་བསྐྲུན།།
བྱམས་དང་བརྩེ་བས་བཞེངས་པའི་འཇིག་རྟེན་འདི།།
ང་ཡི་མེས་པོ་དམ་པའི་ཞབས་རྗེས་ཤིག།
དམར་ཡག་སྟག་དང་འདྲ་བའི་དཔའ་རྩལ་གྱིས།།
གནམ་བསྐོས་གོང་མའི་སྙིང་གི་རྩ་བསྐུལ་ཏེ།།
ཚེ་རིང་།
འཇིག་རྟེན་ནི་ནམ་མཁའ་དང་འདྲ་སྟེ
ནམ་མཁའ་དང་འདྲ་བའི་འཇིག་རྟེན་ནས
དགོས་དམིགས་དང་འདོད་འདུན་གང་རུང
རླུང་བུ་བཞིན་གང་སར་ལྡིང་ཞིང
རྒྱ་རྙི་ལྟར་ཕྱོགས་སུ་བཀྲམ་
དེའི་དབང་གིས
ཁྱོད་དང་ང ད་དུང་ཁོ་ཚོ
ཆུ་ཐིགས་ཁུར་བའི་སྤྲིན་པ་ལྟར
ཐང . བདེ་མོ།
—–བཅར་འདྲི་དེ་བཀླགས་རྗེས། བཀུར་འོས་རྩོམ་པ་པོ་ཧོར་གཙང་འཇིགས་མེད་ལ་ཕུལ་བ།
ཁྱེད་ཀྱི་སེམས་ལ་ནག་ཐིགས་ཤིག་ཕོག
ནག་ཐིགས་འདི ལག་པ་འཆང་མ་ཕོད་པར་ཡུན་རིང་འཇོག་དགོས་བྱུང་སྟབས
ད་ལྟ་ཁྲག་དང་རྣག་གིས་ཟིན་ནས་སྐྲངས་འབུར་ཉེན་ཁ་ཅན་ཞིག་ཏུ་གྱུར་ཡོད
ནག་ཐིགས་དེས་ལུས་སེམས་གཉིས་ཀྱི་འཕྲོད་བསྟེན་ལ་ཕོག་ཐུག་ཅི་ཙམ་བཏང་སོང་ཨང
ཆེས་ཐོག་མར ཁྱེད་ཀྱིས་འཛམ་གླིང་ཉི་མའི་གསེར་ཞལ་སྙིང་ལ་བཅངས་ནས
ཁ་བ་རི་བའི་བདེ་སྡུག་རྒྱབ་ཏུ་ཁུར་ནས
ཁ་བའི་འབྲོག་མོ།
མ་ཐུག་འདུན་མས་ཅེར་གྱིས་བལྟས་པའི་ཚེ།།
རྒྱང་རིང་སྤྲིན་ཕུང་གསེང་ན་ཡིད་འོང་ཞིག །
དེ་ཡི་ཕྱོགས་སུ་བཅར་བའི་སྤྲོ་བ་དེ།།
མི་མངོན་རབ་རིབ་འཕྲུལ་གྱིས་བཀོད་པ་ཉིད།།
ཁྲུང་ཁྲུང་དཀར་བོ་བྱང་དུ་བསྐྱོད་པའི་དུས།།
རྐང་དྲུག་གཞོན་ནུའི་ངག་གི་འགྱུར་ཁུགས་མཛེས།།
པད་རྒྱམ།
——སྤོ་བོ་འདས་ཏེ་ལོ་གཅིག་འཁོར་བར་བྲིས་པ།
ཚེ་ལོ་རྫོགས་པའི་ཆོས་ཉིད་དེ་ནི་བསྒྱུར་དུ་མེད་པའི་གཤིས་ཡིན་ཕྱིར།།
སྐྱེ་འགྲོའི་རྒྱུད་དུ་སྨིན་དང་མ་སྨིན་རང་རང་སོ་སོའི་ལས་ཡིན་ཞེས།།
ཐུབ་དགོངས་ཉི་མའི་རང་གསལ་འོད་ལ་ཉེ་བར་བསྙེན་པའི་འཇའ་ཚོན་བཞིན།།
ས་ཆེན་སྙིང་ལ་ཕུར་བ་དང་ནི་བསྐལ་པའི་མཐའ་ལ་མངོན་པར་རྒྱུག །
ན་ནིང་ལོ་ཡི་དེ་རིང་ཉིན་མོར་དོ་རུ་དཔལ་གྱི་རི་བོ་ན།།
མྱ་ངན་གྲངས་མེད་སེམས་སུ་ལྷུང་བ་བདག་གི་གཉེན་དང་ཉེ་དུ་ཚོས།།
བསམ་གླིང་ཚེ་རིང་ལྷ་མོ།
ཞོགས་པ་མལ་ལས་ལྡང་དུས།།
བྱ་བྱིའུ་གསུང་སྙན་གྲགས་བྱུང་།།
ནགས་ཚལ་འཇོལ་མོས་ཁེངས་ནས།།
གྲེ་འགྱུར་ངོམ་གྱིན་བསྡད་འདུག །
རི་རྩེའི་སངས་ཀྱི་དུད་པ།།
ཁར་ཐུག་མཁའ་ལ་ཟུག་འདུག །
དྲོ་འཇམ་རྟ་བདུན་དབང་པོར།།
བསུ་བ་ཞུས་པ་མིན་ནམ།།