ཁྲོ་གཏུམ།
སྐུའི་གྱ་སྟོན་ལ་རོལ་བའི་སེམས་འགྱུ་ཞིག
ང་ལ་ཉི་འོད་ར་འཕྲོད་བྱུང
ང་ལ་མུན་པའི་མཚང་བརྟོལ་སོང
དུས་རབས་གྱོན་པར་དགའ་བ་དག་གིས་ཁྱེད་ལ་ཉན་ཅིང
མི་རབས་གསར་བའི་འཚོལ་བསྙེགས་སུ་ཡང་ཁྱེད་རང་བཀླག་ཞོར
༅༅།། གྲུབ་པའི་སྐྱེས་མཆོག་བྱ་བྲལ་སངས་རྒྱས་རྡོ་རྗེ་མཆོག་གི༧ཞབས་དྲུང་དུ་ཕུལ་བ་མཆོག་ཐུན་དངོས་གྲུབ་འདྲེན་པའི་ཕོ་ཉ་ཞེས་བྱ་བ།།
རྔ་བ་རྒྱལ་ཁམས་པ།
མཚོ་སྐྱེས་བླ་མའི་གསང་གསུམ་བཀོད་པ་ལས།།
གྲུབ་གཉིས་ལང་ཚོ་དཔྱིད་དུ་རྫོགས་པའི་ཞིང་།།
ཡོལ་མོ་ཞེས་བྱ་དཔལ་གྱི་རི་བོའི་མགུལ།།
མཁྱེན་བརྩེའི་བདག་ཉིད་སངས་རྒྱས་རྡོར་རྗེ་བཞུགས།།
བརྗེད་ལ་ཉེ་བའི་སེམས་ནང་གི་དཔའ་མོ།
ཅོག་མྱི།
བརྗེད་ལ་ཉེ་བའི་སེམས་ནང་གི་དཔའ་མོ།༼རྒྱ་མོ་ལྦང་ཆེན་ཡོན་དྲན་པ།༽
དུང་ཕྱུར་སྐྱེ་བོའི་ཚིག་གི་མཚོན་ཆའི་མདུན་ནས།
ཁྱེད་ནི་འཇམ་མཉན་མེ་ཏོག་ལན་ཏུ་ཕུལ་བའི་དཔའ་མོ།
བརྒྱ་ཕྲག་རང་ལུས་མེ་ལ་སྲེག་པའི་སྨག་རུམ་གྱི་མཐོ་སྒང་གི་གྲང་ངར་གྱི་མཚན་མོར།
ཁྱེད་ནི་གསར་ཏུ་སྤར་བའི་མཆོད་མེ་རྐང་གཅིག
བྱ་བྲལ་སངས་རྒྱས་རྡོ་རྗེའི་འཁྲུངས་སྐར་ལ་ཕུལ་བ།
ཨེ་མ་ཧོ།
༸སྐྱབས་མགོན་དམ་པ་བྱ་བྲལ་སངས་རྒྱས་རྡོ་རྗེའི་འཁྲུངས་སྐར་ལ་ཕུལ་བའི་མེ་ཏོག་པདྨ་དཀར་པོའི་དོ་ཤལ།
ན་མོ་གུ་རུ་བུདྡྷ་བཛྲ་ཡེ།
ཀ་དག་སྤྲོས་པ་བྲལ་བའི་སངས་རྒྱས་ཀྱི་ཞིང་ན།།
ཁ་སྦྱོར་ཡོན་ཏན་ཀུན་རྫོགས་རིགས་ལྔ་ཡི་རྒྱལ་པོ།།
ག་བུར་དབང་ལྟར་དྲི་མེད་རྡོ་རྗེ་ཡི་འཆང་ཆེན།།
ང་ཡི་བྱ་བྲལ་དམ་པའི་རང་བཞིན་ལ་འདུད་དོ།།
དེ་ལས་མང་བ་། “བྱ་བྲལ་སངས་རྒྱས་རྡོ་རྗེའི་འཁྲུངས་སྐར་ལ་ཕུལ་བ།” »
ཨ་ལ་ཐ་ལ་བརྒྱད་ཅུའི་གྱ་སྟོན་འཐེན།
– རྟ་དབྱངས།
ཨ་ལ་ལ་མོ་དགའ་བའི་གླུ་དབྱངས་ལེན།།
ཐ་ལ་ལ་མོ་སྐྱིད་པའི་བྲོ་གར་རྩེད།
ས་དང་ས་ངོ་ཁྱོད་ཀྱིས་མ་ཤེས་ན།།
ས་འདི་རྡ་ས་འཕགས་པའི་ཞིང་ཁམས་རེད།
སྐུ་དང་སྐུ་ངོ་ཁྱོད་ཀྱིས་མ་ཤེས་ན།།
འཕཊ་མཆོག་སྤྱན་རས་གཟིཊ་དབང་འཁྲུལ་མེད་རེད།།
ཁྱེད་ཉིད་ཀྱི་གྱ་སྟོན་ཡང་ཡང་ནུབ་མི་སྲིད།
གངས་བཙན་པོ།
བུང་བུའི་བཅུད་བཟང་གྲོགས་སུ་བཀུགས་ཏེ་ལས་དང་སྨོན་ལམ་ལྷན་ཅིག་སྦྱར།།
མི་ཚེའི་དམ་བཅའ་རི་ལྟར་སྤུངས་ཏེ་སྐྱེ་འགྲོ་ཡོངས་ཀྱི་སྡུག་བསྔལ་ཞུས།།
ནང་སེམས་རྣམ་རྟོག་རླུང་བུས་གཏོར་ཏེ་ལམ་ཐག་རིང་པོ་ཤུགས་ཀྱི་འཐེན།།
བདེན་པའི་རང་ཚུགས་བོད་ལ་གཏད་དེ་སྲོལ་བཟང་གྱ་སྟོན་ལེགས་འགྲུབ་བྱུང་།།
ཀྱེ་མ་ངང་ཚུལ་འདི་འདྲ་བསམ་ན་ངེད་ཅག་བསོད་ནམས་ངང་གིས་འཁོར།།
ས་ཡ་དྲུག་གི་བླ་སྲོག་གི་བསྡུས་གཟུགས།
རྨ་དུག་ལྕེ།
དད་འདུན་གྲངས་མེད་ཀློང་ན་བྱིན་རླབས་ཀྱི་གོང་བུ།།
དྲན་གདུང་འབུམ་ཕྲག་ཁྲོད་ན་ན་ཟུག་གི་བསྡུས་གཟུཊ།
གཞིས་བྱེས་ས་ཡ་དྲུག་གི་སྲ་མཁྲེགས་ཀྱི་ཕྲེང་ཐག།
ང་ཡི་སློབ་དཔོན་ལྷ་མོ་དོན་གྲུབ་ལ་འདུད་དོ།།
དབྱིན་ཇའི་བླ་མ་མ་ཆོས་ལ་ཕུལ་བའི་བདེན་དར་དཀར་པོ།
ཨེ་མ་ཧོ།
མཁྱེན་རབ་ཐོགས་མེད་ཤེས་བྱའི་ནམ་མཁའ་འཇལ།།
བརྩེ་ཆེན་མཚུངས་མེད་བྱམས་སེམས་ཉི་མའི་གཉེན།།
ཟུང་འཇུག་བདེ་ཆེན་རབ་གསལ་ཟླ་བའི་འོད།།
སྙིང་གི་མུན་སེལ་བླ་མས་དུས་ཀུན་སྐྱོང་།།
འཇིག་རྟེན་ཆོས་བརྒྱད་ཞེན་པས་མ་འཆིང་བར།།
མཁྱེན་བརྩེ་ནུས་ལྡན་བླ་མའི་བཀའ་བཞིན་སྒྲུབ།།
སྲིད་ལས་ངེས་པར་འབྱུང་བའི་དགེ་སློང་ཆེ།།
དེ་ལས་མང་བ་། “དབྱིན་ཇའི་བླ་མ་མ་ཆོས་ལ་ཕུལ་བའི་བདེན་དར་དཀར་པོ།” »
༧སྐུའི་འཁྲུངས་སྐར་གྱི་སྨོན་ལམ་དོན་གྱི་ལོ་ཏོག
དྲི་མེད་ལྷག་བསམ།
རྒྱལ་བ་ཚེ་མཐའ་ཡས་ལ་ཕྱག་འཚལ་ལོ།།
ཞི་བདེའི་དེད་དཔོན་ལོ་བརྒྱར་ཞབས་བརྟན་ཤོག །
འཕགས་པ་སྤྱན་རས་གཟིགས་ལ་ཕྱག་འཚལ་ལོ།།
བྱམས་དང་སྙིང་རྗེའི་བདག་རྒྱུད་ཕྱུག་པར་ཤོག །
དེ་ལས་མང་བ་། “༧སྐུའི་འཁྲུངས་སྐར་གྱི་སྨོན་ལམ་དོན་གྱི་ལོ་ཏོག” »
སྐྱེས་ཆེན་ཁྱེད་གཅིག་ང་ཡི་ཕྱག་བྱའི་ཡུལ།།
རྒྱང་མིག
————སྐུའི་གྱ་སྟོན་ལ་ཕུལ།
སྟེང་ཕྱོགས་ལྷ་ལ་མཆོད་བཀུར་མི་བྱེད་ཅིང་།།
བར་འདུས་སྲུང་མར་བློ་བཅོལ་མི་བྱེད་ལ།།
འོག་གནས་ཀླུ་སོགས་གྲོགས་སུ་མི་རེ་ཡང་།།
སྐྱེས་ཆེན་ཁྱེད་གཅིག་ང་ཡི་ཕྱག་བྱའི་ཡུལ།།
གྱ་སྟོན་ལ་ཕུལ་བའི་གཡུང་དྲུང་ལྷ་བསང་།
བྱ་འཕུར་ལྷུན་གྲུབ་རྒྱ་མཚོ། (ཨ་རི། རྒྱལ་གཤེན་ཞང་བོད་རིག་སློབ་ཁང་།)
ཨ་ལ་ཨེ་མ་ཧོ། །
བཀྲ་ཤིས་ཉི་མ་ཤར། །
བདེ་ལེགས་འོད་སྟོང་རྒྱས། །
ཕུན་ཚོགས་བཀྲ་མདངས་འབར། །
བརྒྱད་ཅུའི་འཁྲུངས་སྐར་ཚེས། །
ཕྱོགས་བཅུའི་འཇིག་རྟེན་བྲེལ། །
ལྷ་བསང་དགུང་ལ་འཐུལ། །
ཀི་སྒྲས་ས་གཞི་འདར། །
བསྭོ་སྒྲས་བར་སྣང་ཁེངས། །
རླུང་རྟ་མཁའ་ལ་འཕུར། །
མངའ་ཐང་མཚོ་མོ་འཁྱིལ། །
བཀའ་དྲིན་རྗེས་དྲན་གྱི་རྒྱང་གླུ་སེམས་ཀྱི་ཚོར་རླབས།
རྐྱང་ཕྲུག་གྲགས་པ་རྒྱ་མཚོ།
གངས་ཅན་ས་ལའི་སྨན་ལྗོངས།།
མདོ་སྨད་ས་ཡི་ཐིག་ལེར།།
མཚན་དཔེའི་འདབས་སྟོང་བཞེད་པའི།།
ཨ་མདོ་ལྷ་མོ་དོན་འགྲུབ།།
དབུས་གཙང་དག་པའི་ཞིང་ནས།།
མི་འཇིགས་གདོང་ལྔས་བཏེགས་པའི།།
གསེར་ཁྲིར་མངའ་གསོལ་མཛད་པ།།
རྒྱལ་དབང་བསྟན་འཛིན་རྒྱ་མཚོ།།
དེ་ལས་མང་བ་། “བཀའ་དྲིན་རྗེས་དྲན་གྱི་རྒྱང་གླུ་སེམས་ཀྱི་ཚོར་རླབས།” »
ལྷར་བཅས་སྲིད་ཞིའི་གཙུག་རྒྱན་༸གོང་ས་༸སྐྱབས་མགོན་ཆེན་པོ་མཆོག་གི་གསང་གསུམ་མཛད་པ་ལ་བསྟོད་པའི་སྙན་ཚིག་ཏམ་བུ་རའི་སྒྲ་དབྱངས།
ཆུང་ཚེ་རིང་།
༸གོ༵ང་ས༵་སྣང་བྱེད་ཟླ་བ་སྟེ།།
རྒྱུ་སྐར་དབུས་སུ་མངོན་པར་འཕགས།།
ཕྱི་ནང་སྨག་ཆེན་མཐའ་རུ་བསྐྲད།།
མཁྱེ༷ན་པའི་སྣང་བས་ས་ཆེན་ཁྱབ།།
༸སྐྱབ༵ས་མགོ༵ན་ཉི་མ་གཞོན་ནུ་སྟེ།།
དུས་ལས་མ་ཡོལ་དགུང་དུ་ཤར།།
འཛམ་གླིང་གི་སྟོན་པ། —གོང་ས་ཏཱ་ལའི་བླ་མ།
འབྲས་སྒོ་མང་དགེ་བཤེས་བསྟན་འཛིན་རྒྱ་མཚོ།
སྐུ་ཡིས་འཛམ་གླིང་ཟླུམ་པོར་ཞབས་ཀྱིས་བཅགས། །
གསུང་གིས་ཆོས་སྲིད་འཁོར་འདས་ལེགས་ལམ་སྟོན། །
མཁྱེན་པས་རྟེན་འབྱུང་ཆོས་རྣམས་མངོན་གཟིགས་པའི། །
བརྩེ་ཆེན་བྱམས་པས་འགྲོ་འདུལ་རྒྱལ་གྱུར་ཅིག །
སྐུའི་གྱ་སྟོན་ལ་ཞུགས་པ།
བྱ་མདོ་སྐལ་རྒྱམ།
དེ་རིང་ང་ཁྱོད་ཀྱི་གྱ་སྟོན་ན་ཡོད
བོད་པའི་ལྷ་མི་གཉིས་ནས་ཁྱོད་ལ་བརྟན་བཞུགས་ཕུལ་ཞིང
འཛམ་གླིང་ཆེ་རྒུ་དུ་མས་ཁྱོད་ལ་ཁ་གཡང་བསྒྲགས་བྱུང
ལོ་ཟླས་ཅི་ལྟར་སྒྲོག་མོད་ཀྱང
མི་ཚོགས་འདིའི་སེམས་སུ
ཁྱོད་ཉིད་གྲིབ་ཡོར་དང་འཕེལ་འགྲིབ་མེད་པའི་འོད་གོར་ཞིག་ཡིན
བསྟོད་ཚིག་སེམས་ཀྱི་ནོར་བུ།
འཇམ་གཅེས།
རིགས་དྲུག་འགྲོ་བ་ཡོངས་ཀྱི་སེམས་ཁོང་གི་ནོར་བུ།།
ས་ཆེན་གོ་ལའི་སྟེང་གི་ལམ་སྟོན་གྱི་སྒྲོན་མེ།།
མགོ་ནག་བོད་པ་ཚང་གི་འདི་ཕྱི་ཡི་སྐྱབས་གནས།།
དགུང་གྲངས་བརྒྱད་ཅུར་ཕེབས་པའི་རྗེས་དྲན་འདི་རྨད་དོ།།
༧གོང་ས་མཆོག
__ཨ དོན་ཉི།
ཞབས་ཐང་དྷ་སར་བསྒྱུར་བའི་༧གོང་ས་མཆོག །
འགྲོ་ལ་ཕན་བདེ་བསྐྲུན་པའི་དགེ་སྦྱོང་ཞིག །
ཙི་ནས་ས་མཐར་སྤྱུགས་པའི་༧གོང་ས་མཆོག །
འོད་ཀྱི་གཤོག་ཟུང་ལྡན་པའི་སྐྱེས་ཆེན་ཞིག །
དགྲ་ལ་མཛའ་ཞིང་བརྩེ་བའི་༧གོང་ས་མཆོག །
མཁྱེན་པའི་རྒྱ་མཚོ།
རྔ་བཟའ་བདེ་པོ་འཚོ།
སྙིང་རྗེའི་བདག་ཉིད་འཕགས་མཆོག་སྤྱན་རས་གཟིགས།།
འགྲོ་ཁམས་རྒྱ་མཚོའི་མགོན་པོ་སངས་རྒྱས་དངོས།།
བླང་དོར་མུན་སེལ་དུས་མཐའི་སྟོན་པ་རུ།།
བྱོན་པའི་སེམས་དཔའ་ཆེ་ལ་སྙིང་ནས་འདུད།།
འཛམ་གླིང་མཁས་བཙུན་སྐར་ཚོགས་བྱེ་བའི་ཁྲོད།།
སྐུའི་གྱ་སྟོན་ལ་ཕུལ་བའི་བཀའ་དྲིན་གྱི་མ་ཎི་རྡོ་འབུམ།
དགེ་བཤེས་དགེ་འདུན་ཆོས་འཕེལ།
ཚན་ཆོས་ཟུང་འབྲེལ་རྟེན་འབྱུང་གནས་ལུགས་དང་།།
ཆོས་དང་མ་འབྲེལ་ཀུན་ཁྱབ་ལྟ་གྲུབ་སྲོལ།།
གླིང་འདིར་གསར་དུ་ཤིང་རྟའི་སྲོལ་འབྱེད་པོ།།
སྟོན་པ་ཆེན་པོ་ཏཱ་ལའི་བླ་མར་འདུད།།
ས་འོག་འབུ་སྲིན་ས་སྟེང་རྒྱལ་བའི་སྐུར།།
དེ་ལས་མང་བ་། “སྐུའི་གྱ་སྟོན་ལ་ཕུལ་བའི་བཀའ་དྲིན་གྱི་མ་ཎི་རྡོ་འབུམ།” »
སྐུའི་གྱ་སྟོན་ལ་ཕུལ་བའི་སྙན་ངག
སྙན་བཟང་གཡུང་དྲུང་ཚེ་རིང་།
སྟོང་གསུམ་འཇིག་རྟེན་ཁམས་ཀྱི་རྒྱལ་བ་རྒྱ་མཚོའི་ཐུགས་བསྐྱེད་ལེགས་པར་བསྲུབས་པའི་རོལ་བ་འབུམ་ལས་སྤྱན་རས་གཟིགས་དབང་ཕྱག་སྟོང་སྤྱན་སྟོང་མདོ་སྨད་ཙོང་ཁའི་ཞིང་དུ་འཁྲུངས་པས་གངས་རིའི་ལྗོངས་སུ་དགེ་ལེགས་ཟེགས་མ་ཕྱོགས་སུ་འཐོར་བའི་སྣང་བ་དཀར་པོ་གདོང་དམར་སྐྱོང་བའི་གཉེན་དུ་བབས། །