ཅོ་རི་ཉི་མ།
ནགས་ཙན་དན་སྟུག་པའི་ཚང་ཚིང་ན།།
སྟག་དམར་ཡག་འཚོ་སའི་སྐྱིད་ཅིག་རེད།།
འབངས་འཇོན་པོ་ཡོད་པའི་ཡུལ་ལུང་ནང་།།
ཕོ་རྒོད་པོ་ལངས་སའི་སྐྱིད་ཅིག་རེད།།
ནགས་ཙན་དན་མེད་པའི་བྱེ་ཐང་དུ།།
ཨོ་གླིང་སིད་ནི་བོད་ཡིག་སློབ་གྲྭ་གླེང་བའི་གཏམ་རེ་བའི་མེ་སོན་ཞེས་བྱ་བ།
རྫ་ཚེ་རིང་བཀྲ་ཤིས།
འཛམ་གླིང་རྒྱལ་ཁབ་ཨང་ལྔ་བ།
སངས་རྒྱས་ལ་ཕྱག་འཚལ་ལོ།། དེ་ཡང་། ཨོ་སི་ཐྲི་ལི་ཡ་ནི་ལུང་པ་ཡག་པོ་ཞིག་རེད། འཛམ་གླིང་ཚང་མས་ཡིན་སྨོན་བྱེད་ས་ཞིག་ཡིན། ས་ཆ་འདིར་འབགས་བཙོག་གི་ཚད་གཞི་ཧ་ཅང་དམའ། འགྲོ་བ་མི་དང་རང་བྱུང་སྐྱེ་ཁམས་འཆམ་མཐུན་ངང་གནས་ཡོད། མི་རྣམས་ལ་བག་ཕེབས་དང་ཞི་བདེ་ཡག་ཐག་ཆོད་འདུག རྒྱལ་ཁབ་ཀྱི་བདེ་འཇགས་དང་སྤུས་ཚད་འཛམ་བུ་གླིང་གི་ཨང་ལྔ་པའི་གོ་གནས་ཟིན། གསལ་ལ་མཚེར་བའི་ཉི་འོད་དང་། མཛེས་སྡུག་ལྡན་པའི་ཁོར་ཡུག་གིས་མི་ཚོའི་ཡིད་དབང་འཕྲོག
དེ་ལས་མང་བ་། “ཨོ་གླིང་སིད་ནི་བོད་ཡིག་སློབ་གྲྭ་གླེང་བའི་གཏམ་རེ་བའི་མེ་སོན་ཞེས་བྱ་བ།” »
ཉེའུ་ཞིག་གི་ལས་དབང་།
ཚེ་རིང་ལེགས་བཤད།
_______________
ཉེའུ་ཞིག་གཙང་པོ་ཞིག་ཏུ་འཚོ་བ་རོལ་བཞིན་ཡོད། གཙང་པོ་ཞིག་འཁྱིལ་ཏེ་བསྐོར་བའི་གྲུ་ཞིག་ཏུ་འཚོ་བ་རོལ་བཞིན་ཡོད། ཁོ་ལ་གསེར་མདོག་གི་མདངས་ལྡན་ཞིང་། རྐྱལ་རྩལ་རིམ་གྱིས་རྒྱས་པར་གྱུར། ང་ཚོས་ཁོང་གི་མིང་ལ་ཉེའུ་བཀྲ་ཤིས་ཟེར། ཉེའུ་བཀྲ་ཤིས་ལ་གྲོགས་པོ་གསེར་ཉ་གཞན་ཞིག་དང་དངུལ་ཉ་ཞིག་ཡོད། ཁོང་ཚོ་ལྷན་དུ་ཡང་ཡང་ཆུའི་བཞུར་རྒྱུན་མི་བཙན་པའི་ཁུག་དེར་རྩེད་འཇོ་ལ་རོལ། སྐབས་རེར་ཁོང་ཚོ་མཉམ་དུ་མཆོངས་རྩལ་ངོམ་ཞིང་། ཁོང་ཚོ་སྐར་ཆའི་འགའི་ཡུན་ལ་མཐོ་ཚད་འདོམ་གང་ཙམ་རེ་མཆོངས་ནུས།
སྟོན་དུས་ཀྱི་གླིང་ག (སྙན་ངག་ཚན་པ་གཉིས།)
སྙན་བཟང་གཡུང་དྲུང་ཚེ་རིང་།
དེ་རིང་བདག་ལ་གློ་བུར་ཉིད་དུ་སྐྱོ་གདུང་དྲག་པོས་རབ་ཏུ་མནར་བ་ཡིད་ཀྱིས་མ་བཟོད་གླིང་ག་ཞིག་ཏུ་དབུགས་རིང་འབྱིན་པར་ཕྱིན་པའི་ཚེ། །
སྟོན་གྱི་རླུང་བུས་ཆེར་སྐྱེས་ལྗོན་པའི་ཡལ་གར་མཛེས་པའི་དམར་སེར་མདངས་ལྡན་ལོ་མའི་ཕུང་པོ་དལ་བུར་སྤྲུགས་པས་ཉིལ་ཉིལ་ས་ལ་ཟགས་པར་རྩོམ། །
ཆུ་ཡི་ངོགས་སུ་དལ་བུར་གཤེགས་པའི་ངང་མོའི་རྗེས་སུ་གཤོག་རྩལ་གཉོམ་པའི་ངང་ཕྲུག་དག་ནི་ཕྲེང་བར་བསྒྲིག་ནས་རྩོལ་བ་ཆེན་པོས་དལ་གྱིས་བགྲོད། །
ལྡེམ་མྱུར་ཆེ་བའི་ཐང་ལི་འགའ་ཡིས་ས་ལ་ལྷུང་བའི་ཤིང་འབྲས་འཁུར་བཞིན་སྐྲག་པའི་ཉམས་ཀྱི་འཇིགས་པ་དང་བཅས་མིག་གཉིས་ཧྲིག་ཧྲིག་གཡོ་བ་མཐོང་། །
༄༅།། སྦྲ་རིགས་ཡོངས་ལ་གདམས་པའི་སྙིང་གཏམ་མ་ཎི་ཀ།
དཔལ་དགྱེས་པ་རྡོ་རྗེ
ན་མོ་གུ་རུ་བུདྡྷ་ཛྙཱ་ན་པདྨ་ཀ་ར་ཡེ།།
སྙིང་དབུས་གཉུག་མའི་དོན་གྱི་དཀྱིལ་འཁོར་གྱི་དབུས་ནས།།
ངེས་དོན་འཇམ་དཔལ་དཔའ་བོའི་ཡེ་ཤེས་ཀྱི་རང་གཟུགས།།
བརྒྱུད་གསུམ་གསང་ཆེན་བསྟན་པའི་ཁྱབ་བདག་རྗེ་མཁྱེན་ནོ།།
སྒོ་གསུམ་མི་ཕྱེད་དད་པས་བླ་མ་ལ་ཕྱག་འཚལ།།
དེ་ལས་མང་བ་། “༄༅།། སྦྲ་རིགས་ཡོངས་ལ་གདམས་པའི་སྙིང་གཏམ་མ་ཎི་ཀ།” »
སེམས་གཏམ།
ལྡོང་ཆུ་ཤེལ། (འོས་སྦྱོར།)
རིག་གནས་ནང་འདྲེན་བྱེད་པ་ནི། རབ་དང་མཆོག་དང་གྱ་ནོམ་པ་ཡིན་ནོ།།
རིག་གནས་ཕྱིར་གཏོང་བྱེད་པ་ནི། ངོ་ཚ་མེད་པ་དང་། ཁྲེལ་མེད་པ་དང་། ཀླད་མེད་དག་གི་ལས་ཡིན་ནོ།།
གཞན་གྱི་ཡང་དག་པའི་རིག་གནས་ནང་འདྲེན་བྱས་ཏེ་བོད་ཡིག་ཏུ་བསྒྱུར་བ་ནི། བོད་ཀྱི་ཆོས་དང་རིག་གནས་ལ་ཟུངས་བཅུད་སྣོན་པ་དང་མཚུངས་ཏེ། དཔེར་ན། སྔོན་བྱོན་ལོ་ཙཱ་བ་བཀའ་དྲིན་ཅན་རྣམས་ཀྱི་བྱས་འབྲས་ལ་གཟིགས་རོགས།
མ་ཡུམ་དུས་ཆེན།
ཁང་སར་ཚེ་དབང་རིག་འཛིན།
གཅིག
“ད་ལོའི་མ་ཡུམ་དུས་ཆེན་ནམ་ཞིག་རེད་ཨེ་ཤེས་ཐལ།” རིག་པོས་གྲོགས་པོ་ཞིག་ལ་ཁ་པར་བཏང་ནས་སྐད་ཆ་དེ་དྲིས། ཕ་རོལ་བོས་ཀྱང་མགོ་ལ་ཕྲུག་ཕྲུག་ཅིག་བྱས་ཏེ་འདང་ཞིག་རྒྱག་ཁུལ་བྱས་མོད་ཀླད་པའི་ནང་དུ་སྟོང་བ་ལས་ཅི་ཡང་མེད་པས། “ཨོ་ཤེས་མ་སོང་ཡ།” ཞེས་བཤད་བྱུང་། སྤྱིར་རིག་པོས་མ་ཡུམ་དུས་ཆེན་ཞེས་པ་ཞིག་ཡོད་པ་ཕོ་ལོ་སུམ་ཅུར་བུད་རག་བར་ཤེས་མ་མྱོང་ལ། དེ་ཡང་རྒྱ་མི་སོགས་ལས་ཁུངས་ཀྱི་མི་འགས་ཉིན་དེར་གཞུང་ལས་ཁང་དུ་རང་གི་ཨ་མ་ལ་བརྡ་འཕྲིན་དང་ཁ་པར་བཏང་སྟེ། རྟེན་འབྲེལ་ཞུ་བཞིན་ཡོད་པ་ཙམ་གྱིས་ཤེས་པ་རེད།
ལྟ་མགུར་དུས་ཀྱི་ཕོ་ཉ།
ཨེ་མ་ཧོ།
ན་མོ་གུ་རུ་བུདྡྷ་ཛྙྰ་ན་ཡེ།
༡) སྟེང་གནམ་དྭངས་མའི་གཟའ་སྐར་ཁྲོད།།
འོད་སྣ་ཚོགས་འཛོམས་པའི་ཟློས་གར་ལས།།
ཕྱི་སྣོད་བཅུད་གསལ་བའི་སྣང་གསལ་ཉིད།།
སེམས་གསལ་རིག་འདི་ལས་གཞན་ན་མེད།།
༢) གནས་གོ་ལ་ཟླུམ་པོའི་ཡང་སྟེང་ན།།
མང་གཙོའི་སྐོར།
སེང་ཕྲུག་བརྟན་པ།
གངས་ལྗོངས་བོད་ཀྱི་བསྟན་སྲིད་ཆེས་སྲུང་སླད།
ཡང་དག་མང་གཙོའི་ལུགས་བཟང་སྲོལ་གཏོད་མཛད།
རྟག་ཏུ་གཞན་ཕན་ཁོ་ནར་ཆེད་གཞོལ་བའི།
སྙིང་རྗེའི་རང་གཟུགས་ཕྱག་ན་པདྨོར་བསྟོད
སྥྱིར་མང་གཙོ་ཞེས་པ་དེ་རྒྱལ་པོ་དང་། སྐུ་དྲག འབྱོར་ལྡན་ས་བདག་སོགས་
ཁྱེད་ནི་དོན་གྱིས་“ཀུན་དགའ་ར་བ”ཞིག་ཡིན།
དུར་བྱང་།
—-(ཕྲན་གྱི་གྲོགས་པོ་ཕུལ་དང་མཆོག་སྟེ་བྱེས་ཀྱི་གླུ་བ་འཇམ་དབྱངས་བཀྲ་ཤིས་ལ་བྲིས་པ་ཡིན།)
“བློ་ངན་གཟུགས་ཀྱིས་ཕོངས་པའང་རུང༌།། རིགས་ངན་ནོར་དང་བྲལ་ཡང་བླ།། རོལ་མོའི་ཆ་ལ་མཁས་གྱུར་ན།། ཚོགས་ཀྱི་ནང་ན་རྒྱན་ལྟར་མཛེས།། གང་ན་ཐོད་དང་སྐྲ་གསར་དང༌།། གར་དང་རོལ་མོའི་སྒྲ་ཡོད་པ།། དེ་ན་མྱ་ངན་ཡོད་མིན་པས།། དེས་ན་རོལ་མོ་བསྔགས་པ་ཡིན།། འགའ་ཞིག་འགའ་ལ་མི་མཛེས་ཤིང༌།། ལ་ལ་གཞན་ལ་མཛེས་མ་ཡིན།། མཁས་རྨོངས་སྐྱེས་པ་བུད་མེད་སོགས།། ཀུན་ལ་མཛེས་པ་རོལ་མོ་ཡིན།།” [1]
ཁྱེད་ལ་རོལ་མོ་མ་ཡིན་པའི་རོལ་མོ་དྭངས་ལ་གསལ་བ་ཞིག་ཡོད།
ཕ་སྐད་ཤི་རོ་རེད་དམ་གསོན་པོ་ཡིན།
གྱེར་ཚིག࿒ ས་ཉལ་ཨེ་ལོག།
གྱེར་མཁན࿒ མགོ་ལོག་བྱུར་ཞུན།
བཀའ་བསྟན་གྱི་གླེགས་བམ་བར་ན་ཚུལ་འཆོས་དང་རྫུ་བག་གིས་ཉལ་ཏེ
གཞན་སྐད་ཀྱི་ལྕགས་སྒྲོག་བར་ན་ཁེ་ཚུགས་དང་སྤོབས་པ་ཞ་བའི
སུས་ཀྱང་བཤད་མི་འདོད་ལ་ཉན་མི་སྤྲོ་བའི
མི་རིགས་ཤིག་གི་སྲོག་རྩ་འདི
ཤི་རོ་རེད་དམ་གསོན་པོ་ཡིན
མི་རིགས་ཕོ་མོའི་འདྲ་མཉམ་ཐོབ་ཐང་ལས་འཕྲོས་པའི་གཏམ།
རྩེཿ མུན་སེལ།
མི་རིགས་ཕོ་མོའི་འདྲ་མཉམ་ཐོབ་ཐང་ལས་འཕྲོས་པའི་གཏམ་དྲང་སྲོང་རྒན་པོའི་བསམ་ཚུལ་ཞེས་བྱ་བ།
ཆོས་དབྱིངས་མཐའ་དབུས་བྲལ་བའི་ངང་ཉིད་ལས།།
སྣ་ཚོགས་གཟུགས་སྐུའི་རོལ་པ་འབུམ་ཕྲག་གིས།།
སྐྱེ་དགུའི་གདུང་བ་མ་ལུས་འཕྲོག་པའི་ལྷ།།
ཌཱ་ཀྐིའི་གཙོ་མོ་གང་དེས་ཁྱེད་ལ་སྲུངས།།
དེ་ལས་མང་བ་། “མི་རིགས་ཕོ་མོའི་འདྲ་མཉམ་ཐོབ་ཐང་ལས་འཕྲོས་པའི་གཏམ།” »
གསར་མོ་སྣང་མཐོ་ཚོ།
མཚོ་བྱུང་ལྷ་མོ།
རང་ལམ་བོར་ནས་གཞན་ཁ་མ་འཚོལ།།
རང་སྐད་འབོར་བཞིན་གཞན་སྨོན་མ་བྱེད།།
གཞན་གཡོག་མ་བྱེད་རང་དོན་ཤེས་དགོས།།
རྒྱང་རིང་ཕ་མའི་རེ་འདུན་འཚོལ་དགོས།།
ངོ་ཚོ་གླེང་བཞིན་ཟུར་ནས་ཤོར་བ།།
བཤེས་གཉེན་བསྔགས་པའི་ཆུན་པོ།
ཚེར་མ།
ཀུན་དང་མཚུངས་མེད་བཤེས་གཉེན་དམ་པ་ཡིས།།
རྗེས་བཟུང་སློབ་མ་ཀུན་ལ་བརྩེ་གཟིགས་ནས།།
མ་འོངས་མདུན་ལམ་མ་ལུས་གསལ་བ་ཡི།།
སློབ་གསོ་སྣང་བ་བསྩལ་བའི་བཀའ་དྲིན་ལྕི།།
རྟག་པར་འཛིན་ཁང་གཙང་མའི་དབུས་ཁྲིད་དུ།།
འབྲོག་མོའི་སེམས་ཀྱི་རང་གཏམ།
ལྷ་ཐོག་འཆི་པོ་རྒྱལ།
ང་རང་ཡིན་པ་འབྲོག་པའི་བུ་མོ་ཡིན།།
སྦྲ་ནག་གྲུ་བཞི་ང་ཡི་ཁྱིམ་གཞི་ཡིན།།
རྟ་ནོར་ལུག་གསུམ་ང་ཡི་གཅེས་ནོར་ཡིན།།
འབྲོག་པའི་འཚོ་བ་ང་ཡི་ཚེ་སྲོག་ཡིན།།
བྱིས་པའི་གཉོམ་ལག་ཨ་མའི་པང་ལ་རྒྱས།།
ཧམ་པ་ཅན་གྱི་མི་དང་། ཉམ་ཆུང་བའི་དུད་འགྲོ
རྩེཿ མུན་སེལ།
ཡུལ་འཛམ་བུ་གླིང་ལས་མཐོ་སྒང་གི་ཡང་རྩེ།།
མཐའ་གངས་རི་དཀར་པོའི་མུ་འཁྱུད་ཀྱིས་མཛེས་པ།།
ལྷ་ཕྱག་ན་པདྨོའི་གདུལ་ཞིང་དང་ལོ་རྒྱུས།།
དེ་ཐོས་པས་མི་ཀུན་དད་པ་ཡིས་དྲངས་འགྲོ །
ལྗོངས་དེ་རུ་འཚོ་བ་ཆོལ་གསུམ་གྱི་མི་རིགས།།
ཇོ་གུར་བསྟན་པའི་རྒྱལ་མཚན་འཛུགས།
དཔལ་དགྱེས་པ་རྡོ་རྗེ།
ན་མོ་གུ་རུ་དྷརྨཱ་མ་ཎི་ར་ཛ་ཡེ།
༡༽ ཀུན་བཟང་བརྒྱུད་གསུམ་བླ་མ་རིན་པོ་ཆེ།།
ཀུན་བཟང་བཀའ་བརྒྱད་ཡི་དམ་རིན་པོ་ཆེ།།
ཀུན་བཟང་རྒྱལ་ཡུམ་མཁའ་འགྲོ་རིན་པོ་ཆེ།།
ཀུན་བཟང་ཀུན་འདུས་ཆོས་སྐྱོང་རིན་ཆེན་རྒྱལ།།
༢༽ ཀུན་བཟང་ནགས་ཚལ་ཀུན་དགའི་གེ་སར་རུ།།
ཕ་ཡུལ་གྱི་ཁྱད་ཆོས་བརྗོད་པའི་ཚིགས་བཅད་ལྔ།
སེང་ཕྲུག་བརྟན་པ།
༡) གནམ་དྭངས་མ་ཕ་ཡུལ་གནམ་འདྲ་མེད།
སྔོ་བསངས་བསངས་གཡུ་ཡི་ཐོག་ཁེབས་ཅན།
དབུས་ཉི་ཟླ་ཕྱོགས་ཀུན་སྐར་ཚོགས་མཛེས།
ཨ་ཙི་ཙི་མཁའ་འགྲོ་འཇའ་ངོར་ཕེབས།
༢) ས་སྐྱིད་པོ་ཕ་ཡུལ་ས་འདྲ་མེད།
བཤེས་གཉེན་བསྟེན་ཚུལ་མ་ལོག་པར་གདམས་པ་མྱོང་མཛོད་ཀྱི་ཉིང་ཁུ།
སེང་ཕྲུག་བརྟན་པ།
བཤེས་གཉེན་བསྟེན་ཚུལ་ལོག་ན་འདི་ཕྱི་གཉིས།།
འདོད་དོན་གྲུབ་པ་ལྟ་ཞོག་ཉེས་དམིགས་སུ།།
བློ་ཇ་ཚགས་བཞིན་ཇི་ཙམ་བླུགས་ཀྱང་སྟོང་།།
གང་ཤེས་བརྗེད་ངས་རྟག་ཏུ་བཙན་འཕྲོག་བྱེད།།
འབྲས་བཟང་དུས་སུ་སྨིན་པའི་ཡོན་ཏན་ཡང་།།
རང་གཞན་གང་ལའང་ཕན་པ་ངས་མ་མཐོང་།།
དེ་ལས་མང་བ་། “བཤེས་གཉེན་བསྟེན་ཚུལ་མ་ལོག་པར་གདམས་པ་མྱོང་མཛོད་ཀྱི་ཉིང་ཁུ།” »
དཔལ་ས་སྐྱ་གོང་མ་རིན་པོ་ཆེ་མཆོག་གི་འཁྲུངས་སྐར་ལ་ཕུལ་བའི་མེ་ཏོག་ཚོམ་བུ།
ཁྲི་གཡུང་དྲུང་།
དཔལ་ས་སྐྱའི་ཁྲི་འཛིན་ཞེ་གཅིག་པ་སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་དགུང་གྲངས་དོན་གཉིས་བཞེས་པའི་འཁྲུངས་སྐར་ལ་ཕུལ་བའི་མེ་ཏོག་ཚོམ་བུ།
ལྷ་ཡི་ལྷ་མཆོག་འཇམ་དབྱངས་དངོས་བྱོན་དཔལ་ལྡན་ས་སྐྱ་པཎྚི་ཏ། །
ལོ་རྒྱུས་གླེགས་བམ་བང་རིམ་མཛོད་ལ་སྐད་དུ་གྲགས་པའི་སྙན་པ་ཅན། །
སུམ་གཉིས་ས་ལ་མངའ་དབང་མཛད་པ་གང་གི་ཁྲི་འཛིན་གོང་མ་རྗེ། །
ཁྱེད་ཀྱི་འཁྲུངས་སྐར་དུས་བཟང་ཚེས་ལ་སྒོ་གསུམ་གུས་འདུད་བླ་མེད་ཞུ། །
དེ་ལས་མང་བ་། “དཔལ་ས་སྐྱ་གོང་མ་རིན་པོ་ཆེ་མཆོག་གི་འཁྲུངས་སྐར་ལ་ཕུལ་བའི་མེ་ཏོག་ཚོམ་བུ།” »