kangpu tsenga
—————
སྤྱིར་ བཤད་ན་ཆང་ས་རྒྱག་པ་ནི་མི་ཚེའི་བརྒྱུད་རིམ་ཁྲོད་ཀྱི་དོན་དག་བཟང་བོ་ཞིག་རེད། ང་ཚོའི་ཕ་མེས་ཡང་མེས་སུ་ཡིན་རུང་ལ་དོན་དག་འདི་ལ་གཡོལ་མ་ཐུབ་ཅིང་། ཚ་བོ་ཚ་མོ་དག་ཀྱང་ལམ་བུ་འདིར་མི་ཞུགས་པའི་དུས་ཤིག་ཡོང་མི་སྲིད། འདི་ནི་ང་ཚོ་གཡོལ་ས་མེད་པའི་མི་ཚེ་དོན་དག་གཅིག་པུ་དེ་རེད།
པདྨ་ཚེ་དབང་ཤཱསྟྲི།
ཉེ་ཆར་ཁ་བརྡ་དྲྭ་རྒྱའི་ནང་དུ་ཐོན་པའི་འཇམ་དབྱངས་སྐྱིད་ལཊ་ཀྱི་མནར་གཅོད་ཀྱི་གོ་རིམ་ཞིག་ཅེས་འགོ་བརྗོད་དུ་འཁོད་པ། ཁོ་མོ་རྒྱ་ནག་གཞུང་གི་ཉེན་རྟོག་པས་གློ་བུར་ཐོག་རྒྱག་ཏུ་འཛིན་བཟུང་གིས་ཉིན་ཉི་ཤུའི་རིང་བཀག་ཉར་དང༌། དྲི་བརྩད་ཀྱིས་བསམ་ཡུལ་ལས་འདས་པའི་མནར་གཅོད་མྱངས་པའི་སྐོར་ཞིག་བཀླགས་རྗེས། དེ་སྔ་ནཱཛིའི་བཙན་འོག་ཏུ་འཇིའུ་མི་རིགས་ཀྱིས་མནར་གཅོད་སྡུག་སྦྱོང་ཇི་ལྟར་མྱངས་སྐོར་གྱི་གློག་བརྙན་ཞིག་སྐྱར་བལྟ་བྱས་པ་ནང་བཞིན་སེམས་ནང་དུ་འགྲེལ་བརྗོད་བྱེད་མི་ཤེས་པའི་འཇིགས་སྣང་སྐྱི་གཡའ་བ་ཞིག་སྐྱེས།
ཅི་སྟེ་འཇམ་དབྱངས་སྐྱིད་ལྟ་བུའི་ཤེས་ཡོན་ཅན་གྱི་གླུ་མ་དང༌། རྒྱ་གཞུང་གི་བརྙན་འཕྲིན་ཁང་དུ་གསར་འགྱུར་དང་འབྲེལ་བའི་ཕྱག་ལས་གནང་བཞིན་པའི་མི་སྣ་གྲགས་ཅན་དེ་འདྲ་ཞིག་ལ། རྒྱ་ནག་གཞུང་གིས་མ་ཉེས་ཁ་གཡོག་གིས་ཨ་རིར་ཕྱིར་བསྐྱོད་བྱས་པ་དང༌། ཕྱི་སྡོད་བོད་རིགས་ཁ་ཤས་དང༌། བཙན་བྱོལ་བོད་གཞུང་གི་ལས་བྱེད་དང་འབྲེལ་འདྲིས་བྱས་པ། གཞན་ལ་འཕྲིན་ཐུང་བསྐུར་བ་སོགས་ལ་བསྙད་དེ། ཧ་ལམ་ཉིན་མཚན་བསྟུད་མར་ལས་ཁུངས་དང༌། མགྲོན་ཁང༌། བཀག་ཉར་ཁང་བཅས་སུ་བཀག་བསྐྱིལ་དོ་དམ་གྱི་འོག་ཏུ་དྲི་བརྩད་ཀྱིས་སྡིག་ར་བསྐུལ་སྟངས་དང༌། ཀ་བ་ལ་བསྐོར་ཏེ་མདུང་མར་བརྡ་སྤྲོད་སྟངས་སོགས་ལ་གཞིགས་ན། སྤྱི་ཚོགས་ཀྱི་ནང་དུ་སྙན་གྲགས་མེད་པ་དང༌། རྒྱ་གཞུང་གི་ལས་བྱེད་མིན་པ། ཤེས་ཡོན་མེད་པའི་བོད་མི་དཀྱུས་མ་ཁྲི་ཕྲག་དུ་མར་རྒྱ་གཞུང་གིས་མནར་གཅོད་ཇི་ལྟར་བཏང་དང་གཏོང་བཞིན་ཡོད་པ་ནི་ཚོད་དཔག་ཀྱང་བྱེད་དཀའ་བར་མངོན།
དེ་ལས་མང་བ་། “མནར་གཅོད་ཀྱི་གོ་རིམ་བཀླགས་རྗེས་ཀྱི་ཚོར་སྣང༌།” »
ཟླ་བ་གཞོན་ནུ
མཁས་དབང་པད་མ་འབུམ་གྱིས་ལ་རྩེའི་དུས་དེབ་དུ་ལ་རྩེའི་སྐོར་ལ་རང་གི་རིགས་པ་བཏང་སྟེ་དེའི་དག་ཆ་ལ་རྩེ་ཡིན་པར་གསུངས་ཡོད་ཀྱང་། ང་རང་ཡང་འདི་ལ་མི་འཐད་དེ། འདིའི་སྐོར་ལ་ང་ལའང་རྨོངས་འཆར་ཞིག་བཤད་རྒྱུ་ཡོད་པ་གཤམ་གསལ་ལྟར ཁོང་གིས་ལ་རྩེ་དེ་རིའི་རྩེ་མོར་སྟོད་ཀྱིན་ཡོད་ཚུལ་དང་ལ་རྩེའི་དག་ཆ་ལ་རྩེ་ཡིན་དགོས་ཚུལ་གསུངས་པ་དག་ནི་ང་རང་གིས་ཕ་ཡུལ་དུ་དངོས་སུ་མཐོང་བའི་ལ་རྩེ་དང་མི་འདྲ་བས་ཏེ། དགུ་རོང་མཐིལ་རྒྱུད་ནས་འགྲོ་དུས་ཀྱང་ལ་སྟེང་ཞིག་ཏུ་ལ་བཙེ་ཁ་ཤས་གོང་འོག་བང་བསྒྲིགས་ནས་བསྟད་ཡོད་པ་དང་། ད་དུང་ས་ཆ་གཞན་དག་སོགས་སུ་ཉག་ག་ཕ་ཕྱོགས་ཚུ་ཕྱོགས་སུ་བསྟད་ཡོད་པ་སོགས་ཀྱང་གང་མང་མཐོང་རྒྱུ་ཡོད་ པས་ལ་བཙེ་རིའི་རྩེ་མོར་སྟོད་པར་བཤད་ན་ཅུང་དངོས་ཡོད་དང་མི་མཐུན་པར་སྙམ།
ཨ་མ་ལགས་ང་མྱུར་དུ་གཏོང་རོགས། བོད་རིགས་དང་རྒྱ་རིགས་ཕ་མ་གཅིག་གི་བུ་དང་བུ་མོ་རེད། ཨ་མའི་མིང་ལ་ཀྲུང་གོ་ཟེར། གླུ་ཚིག་འདི་གོ་ཐེངས་རེ གླུ་སྒྲ་འདི་ཐོས་ཐེངས་རེ ཨ་མ་ནི་ཇི་འདྲའི་བྱམས་བརྩེ་ཆེ་ཞིང ཨ་མ་ནི་ཇི་འདྲའི་དུང་བ་ཟབ་པའི་ཚོར་སྣང་ཞིག་སྦྱིན་འོངས ཨ་མ་ལགས་མ་གཡར ཨ་མ་ལགས་མ་ཚབ བུ་ཆུང་ཉོམ་ལག་རྒྱས་ཟིན་པའི རང་ཉིད་ལའང་རང་གི་འདོད་པ་ཡོད་ཅིང་ རང་ཉིད་ལའང་རང་གི་བསམ་ཚུལ་ཡོད་ངེས་བས ང་རང་མྱུར་དུ་གཏོང་རོགས བོད་ནས་ལྷ་མོ་སྒྲོལ་མས
ཁ་སང་དེ་རིང་དྲ་རྒྱ་ཁག་ན་འབྱུང་འགྱུར་བཀའ་བློན་ཁྲི་པ་ཞེས་རྩལ་དུ་བཏོན་ནས་བསམ་འཆར་གླེང་གིན་འདུག ངས་ཀྱང་བསམ་བློ་ཞིག་གཏོང་ཁུལ་བྱས། བཀའ་བློན་ཁྲི་པ་ཞེས་པའི་ད་ལྟའི་གོ་གནས་འདི་བཙན་བྱོལ་བོད་ཀྱི་སྤྱི་ཚོགས་དང་བོད་ཀྱི་འཐབ་་རྩོད་ལ་ཅི་ཙམ་གྱིས་གལ་ཆེན་པོ་ཡིན་པ་དེ་ད་ལྟའང་བཤད་དཀའ་བ་ཞིག་འདུག ད་ལྟའི་བཀའ་བློན་ཁྲི་པ་ཁྲི་ལ་ཕེབས་ནས་དཔལ་འབྱོར་ལས་ཁུངས་ཀྱི་ཚོང་འབྲེལ་བྱེད་ཕྱོགས་ལ་འགྱུར་བ་ཞིག་བཏང་། དེ་ནས་ཤེས་ཡོན་སྲིད་བྱུས་ཤིག་བཟོས། དེ་མིན་གྱི་འགྱུར་བ་ཆེན་པོ་ཞིག་ངས་མཐོང་མ་བྱུང་། ཆབ་སྲིད་ཀྱི་ཆ་ནས། བཀའ་བློན་ཁྲི་པ་ཐོག་མར་བཀའ་ཁྲིར་ཕེབས་དུས། “བོད་རྒྱ་ཞི་མོལ།”ཟེར་བ་འདི་ཡང་དུས་བཅད་ཀྱིས་འདི་ཡན་ལ་བྱུང་ན་རབ་དང་མ་བྱུང་ན་ང་ཚོའི་ལངས་ཕྱོགས་ལ་འགྱུར་བ་འགྲོ་གི་ཡིན་ཞེས་པའི་འདུན་པ་ཆེན་པོ་ཞིག་ཐུགས་ལ་བཅངས་ནས་ཕེབས། འོན་ཀྱང་། རྡ་རམ་ས་ལའི་སྒྲོག་གིས་བཅིངས་ཏེ་འགྱུར་བ་དེ་འདྲ་ཡང་མ་ཐོན་པ་རེད། འདིའི་སྔོན་གྱི་བཀའ་བློན་ཁྲི་པ་དག་ནི་ཡོད་ནས་ཡོད་གོ་འདི་ཆོད་སོང་བསམས་པ་དང་མེད་ནས་མེད་གོ་འདི་བྱུང་སོང་བསམས་པ་ཞིག་གི་ཧེ་བག་ཆེན་པོ་དེ་འདྲ་ཡང་ཨེ་ཡོད་དྲན། དེ་ལྟར་ན། ཐེངས་འདིའི་བཀའ་བློན་ཁྲི་པ་གལ་ཆེ་དགོས་པའི་རྒྱུ་མཚན་ངོ་མ་དེ་མཐར་གཏུགས་ན། ༧སྐྱབས་མགོན་ཆེན་པོའི་དགུང་ནའི་བབས་ལ་ཐུག་གི་འདུག་ཟེར་རྒྱུ་ལས་གཞན་ཅང་མེད། ༧སྐྱབས་མགོན་ཆེན་པོ་དགུང་ན་བགྲེས་བཞིན་པ་དེ་བདེན་ན་ཡང་། གཅིག་ནས། ཁོང་གིས་ང་ཚོར་སྐུ་ཚེ་རིང་བར་བཞུགས་རྒྱུའི་ཞལ་བཞེས་ཟབ་མོ་བཀའ་དྲིན་དུ་བསྩལ་ཡོད། གཉིས་ནས། བཅའ་ཁྲིམས་ནང་གལ་སྲིད་རྐྱེན་ངན་ཤར་ཚེ་བྱེད་ལུགས་འགྲོ་སྟངས་འདི་ཡིན་ཞེས་ཁ་གསལ་ཐོག་ནས་བཀོད་ཡོད། ད་དུང་རྒྱུ་མཚན་གཞན་དག་ཀྱང་ཡོད་པ་རེད། དེས་ན་བཀའ་བློན་ཁྲི་པ་རྗེས་མ་འོས་འདེམས་ཀྱི་གལ་ཆེ་བའི་རང་བཞིན་དེ་ངས་ད་དུང་ཡང་རྙེད་དཀའ་བ་འདུག་ཅེས་ཞུ་རྒྱུ་ཡིན།
༼གཤམ་གསལ་གྱི་རྩོམ་འདི་ ཨ་རིག་འགྱུར་མེད་ཀྱི་ཟིན་བྲིས་དང་སྨིན་དྲུག་གི་ཟིན་བྲིས་གཉིས་ཀར་འཁོད་འདུག དེ་དག་ནས་འདིར་དྲངས་པ་ཡིན།༽
（12）
ནུབ་མོ་དེར་བཀག་བསྐྱིལ་གཞུང་ལས་ཁང་དེ་རུ་ལས་མི་གཉིས་དང“བཙོན་མ་རང་དབང་ཅན”གཉིས་འདུག ལས་མི་གཅིག་གིས་ངའི་གནས་ཚུལ་རགས་རིམ་དང་ནད་ཅི་ཡོད་སོགས་དྲིས་ཏེ་ཟིན་བྲིས་བཏབ། གཞན་ཞིག་གིས་བཙོན་མ་གཉིས་ལ་སྐད་འགྲགས་ཀྱིས་ངས་ཁྱེར་ཆོག་མིན་གྱི་ལྭ་བ་དག་སོ་སོར་འགེར་དུ་བཅུག བཙོན་ཤག་ཏུ་ལྕགས་རིགས་དང་ཤེལ། སྒྲོག་གུ སོ་མང་། སྐྲ་མདུད་སོགས་གང་ཡང་ཁྱེར་ཆོག་གི་མི་འདུག ཐ་ན་རང་གིས་ཁྱེར་ཡོང་བའི་འོ་ཕྱེ་དང་སྲན་མའི་འོ་ཕྱེ། སིལ་ཁུ། སིལ་ཏོག་སོགས་ཀྱང་ཁྱེར་མི་ཆོག་པར་ཁ་གཡར་ནས་ཚང་མ་གཞུང་བཞེས་བྱས། བཙོན་ཤག་ཏུ་ཁྱེར་མི་ཆོག་པའི་ལྭ་བ་དང་ལྷམ་མགོ་བཅས་རྩྭ་ཁུག་ཅིག་གི་ནང་བླུགས་རྗེས་མཛོད་ཁང་དུ་ཉར། བདག་གི་སྒོར་མོ330ལས་ཁ་ངོ་བཀྲུ་ཆས་སྤུས་ཞན་ཆ་ཚང་ཞིག་དང་། ཟ་མ་ཟ་བྱེད་འགྱིག་གི་ཀ་ཏོ་ར་ཆུང་ངུ་ཞིག འགྱིག་ཕོར་ལུང་རྣ་ཅན་ཞིག སོ་བཀྲུའི་འགྱིག་ཕོར་ལུང་རྣ་ཅན་རྙིང་པ་ཞིག རས་ལྷམ་ཉམས་ཤོར་ཞིག་བཅས་འབམ་ཚོང་སྤུས་བསྒྱུར་བྱས་པ་དང་། བཙོན་ལྭ་སེར་པོ་གནས་སྐབས་སུ་གླས་པ་ཞིག ད་དུང་བརྟག་དཔྱད་ཀྱི་རིན་དགོས་ལུགས་སོགས་ཀྱི་བསྡོམས་པས་སྒོར159 སྦྲེས་སོང་།
ཉེན་རྟོག་པ་དེས་ཁྲིམས་མཐུན་གྱི་རེ་བ་ཞུས་ན་བསྒྲུབ་ཆོག་ཚུལ་ལབ་སོང་། དེ་བས་ཁྱོ་གས་ང་གར་ཁྲིད་ཤེས་ཀྱི་མེད་གཤིས་སེམས་ཁྲལ་བྱེད་ཀྱིན་འདུག ང་འདིར་ཡོད་ཀྱི་སྐད་ཆ་ཞིག་བཤད་ན་ཆོག་གམ་ཞེས་དྲིས་པར། དེ་ཁྱོད་ཀྱི་གྱོད་དོན་སྒྲུབ་མཁན་ལས་ཁུངས་ལ་མ་གཏོགས་ཁོ་བོར་དབང་ཆ་མེད་ཟེར། མཐར་ཉེན་རྟོག་པ་དེས་ང་ལ་བཙོན་ཤག་ཏུ་སྒྲིགས་ཁྲིམས་ཡག་པོ་བརྩི་དགོས་ཚུལ་དང་། ཡང་རང་གིས་ཟ་མ་ཟོས་ཏེ་ལུས་པོར་བདག་གཅེས་མ་བྱས་པར་ན་ཚ་བྱུང་ན་བཀག་བསྐྱིལ་ཁང་དུ་ཁྱོད་ལ་ཁ་ཡ་བྱེད་མཁན་མེད་ཅེས་ཁ་གསལ་བརྗོད་སྐབས། ང་སྔར་ལས་ལྷག་པའི་ཁེར་ཧྲེང་གིས་གཙེས་ཏེ་སེམས་པ་སྟོང་ཤིག་ཤིག་ཏུ་གྱུར། འགྲོ་ལུགས་བསྒྲུབས་ཚར་ཏེ་བཙོན་ཤག་ཏུ་འགྲོ་ཁར། ངའི་ཡིད་ལ་བརྙན་འཕྲིན་དུ་བཙོན་མས་བཙོན་མར་བརྙས་བཅོས་བྱེད་པའི་པར་རིས་དག་འཁོར་ཡོང་ཞིང་ཁོ་མོ་ཚོས་ང་ལ་གཅར་རྡུང་བྱེད་དམ་ཞེས་དྲིས། བུད་མེད་ཚོས་ཕལ་ཆེར་དེ་ལྟར་བྱེད་ཀྱི་མ་རེད་ཟེར། ཁོ་ཚོས་ང་ཁྲིད་དེ་བཙོན་ཁང་གི་ཁང་པ་ལྔ་པའི་སྒོ་ཁར་སླེབས་པ་ན། ལྕགས་དྲའི་ནང་བུད་མེད་ལྔ་དྲུག་ཙམ་ཡོད་པ་ཚང་མ་གྲལ་འགྲིག་མོས་གྱང་རྩ་རུ་ལངས་འདུག ཉེན་རྟོག་པ་ཞིག་གིས་ལྕགས་ཟྭ་ཕྱེ་བ་དང་ང་ལ་ཡར་ཞུ་ཞེས་བོས་ཤིག་ཟེར་བ་བཞིན་བོས་རྗེས་ནང་ལ་འགྲོ་རུ་བཅུག ངའི་གནས་ཚུལ་ཡི་གེར་འགོད་མཁན་གྱི་ཉེན་རྟོག་པ་དེས་བཙོན་བདག་མའི་མིང་ནས་བོས་ཏེ། ང་ལ་གཅར་རྡུང་བྱས་མི་ཆོག་ཅེས་པ་ན། མོས་དེ་ལྟར་མི་བྱེད་པའི་སྐད་ཆ་བཤད། བཙོན་བདག་མ་དེའང་བཙོན་མ་ཞིག་རེད། ཉེན་རྟོག་པ་ཕྱིར་སོང་རྗེས། བཙོན་བདག་མ་དེས། ངའི་སྨད་གཡོགས་འཕུད་དུ་བཅུག་རྗེས། བོད་མོ་ཞིག་གི་མིང་ནས་བོས་ཏེ་ཁོ་མོའི་དོར་མ་ང་ལ་གཡོར་ཅིག་ཟེར་ནས་བཀའ་བབས། སྐབས་དེར་ངས་གྱང་རྩ་རུ་གྲལ་བསྒྲིགས་པའི་ཁྲོད་བོད་མོ་ཞིག་ཡོད་པ་མཐོང་ལ། མོའི་ཡིད་དུ་འོང་བའི་གདོང་གི་མིག་ཆུའི་རྡོག་པ་དེའང་མཐོང་ཞིང་། དེས་ང་ཡི་མིག་ཆུའང་རང་དབང་མེད་པར་ཤོར་སོང་། མོས་དོར་མ་བར་ཚངས་ཅན་ཞིག་ཡོད་པ་ཉལ་ཐུལ་འོག་ནས་བླངས་ཡོང་སྟེ་མཛའ་དུངས་དུངས་ཀྱིས་ང་ལ་བྱིན། དེ་འདྲའི་ཁང་པ་ནག་པོ་དང་ཚོར་པ་གྲང་མོའི་ཁྲོད་རང་གི་རིགས་ཤིག་དང་ཕྲད་པས་སེམས་སུ་དྲོད་ཁོལ་ཞིག་འཁྱིལ་ཡོང་། ཡིན་ ནའང་སྐབས་དེར་ངས་མོ་རང་ཆབ་སྲིད་ཉེས་ཅན་ཞིག་ཡིན་པ་བསམ་པའི་རྒྱུད་ལ་འདོད་མེད། རྒྱུ་མཚན་མོ་རང་སྐྱེས་གཟུགས་ཡག་ཅིང་བཞིན་རས་མཛེས་ལ་བབ་ཆགས་ལྷད་མེད་ཅིག་འདུག ང་ཡང་སྐྱེས་པ་མང་མང་གི་རིན་ཐང་ལྟ་ཚུལ་ཏེ་བུད་མེད་ནི་ཆབ་སྲིད་ལ་གཡོལ་བའི་ཆོས་ཅན་ཡིན་ཞེས་པ་ལས་བརྒལ་མ་ཐུབ་པ་ཡིན་གྱི་རེད། བརྗོད་རི་བ་ཞིག་ནི། དེ་ནི་འུ་ཅག་གི་མ་སྨིན་པའི་བསམ་བློ་ཕྱོགས་རེ་བ་ཞིག་ཡིན་པ་ཡིད་ལ་འཇགས་དགོས། དེ་དུས་ངས་བཙོན་མ་ཞིག་གི་བཙོན་ལྭའི་སྟེང་ཧུའུ་ཀྲུའུ་བཀག་བསྐྱིལ་ཁང་ཞེས་བྲིས་འདུག་པ་མཐོང་མ་ཐག ང་རང་ནོར་སོང་བར་དོགས་ནས། ས་འདི་ཧུའུ་ཀྲུའུ་ཡིན་ནམ་ཞེས་དྲིས་པ་ན། ཕིང་ཨན་རེད། ཡིན་ནའང་ཧུའུ་ཀྲུའུ་བཀག་བསྐྱིལ་ཁང་གི་ཉེས་ཅན་ཡང་འདི་རུ་ཡོད་པ་རེད་ཟེར།
སྨིན་དྲུག་
=======
(1)
ངས་ད་དུང་མལ་ན་བུད་མེད་ཁེ་དབང་སྐོར་གྱི་དེབ་ཅིག་ལ་བལྟས་ནས་ཉལ་སྡོད་སྐབས། འགོ་གཙོ་བསོད་ནམས་རྡོ་རྗེ་ལགས་ཀྱིས་ཁ་པར་ཞིག་བཏང་ཡོང་ནས་ང་མྱུར་མོར་གཞུང་ལས་ཁང་དུ་ཤོག་དང་དོན་དག་ཅིག་འདུག་ཟེར། ང་ལམ་སེང་མལ་ལས་ལངས་ཏེ་སྨད་གཡོགས་དམར་ནག་དང་སྟོད་ལྭ་བར་ཚངས་ཅན་དམར་ཁྲ་དེ་གྱོན་རྗེས། ཁ་ངོ་བཀྲུ་ཙམ་གྱིས་ནངས་ཇ་ཡང་མ་འཐུངས་པར་གཞུང་ལས་ཁང་དུ་འགྲོ་གྲབས་བྱེད་སྐབས་ཚ་མོས་ནངས་ཇ་བསྐོལ་ཚར་འདུག་ཟེར། ངས་ཁོ་མོར་སྔོ་ཚོད་གྲ་སྒྲིག་བྱོས་དང་ཉིན་གུང་རྒྱ་ཁོག་ཟ་ཟེར་ཞོར་ཤུར་སེ་གཞུང་ལས་ཁང་དུ་སོང་། ལམ་བར་དུ་ཆེད་སྒྲིག་ལེ་ཚན་ལེའུ་འགའ་སྒྲིག་སྦྱོར་ཚར་གྲུབ་མེད་པའི་དོན་དེ་ཡིན་ནམ། ཡང་ན་དོན་གཞན་ཞིག་གི་ཆེད་ཡིན་ཞེས་ཡིད་ལ་ཐེ་ཚོམ་རབ་རིབ་ཅིག་སྐྱེས། དེ་ནི 2008 ལོའི་ཟླ 4 པའི་ཚེས 1 ཉིན་གྱི་ཞོགས་པའི་ཆུ་ཚོད་བཅུ་པ་དང་ཕྱེད་ཀ་མ་ཟིན་ཙམ་གྱི་སྟེང་རེད།
འཆམ་ར་དྲི་མེད་རྒྱལ་མཚན།
———————
༈ རེས་གཟའ་མིག་དམར་རྟ་སྦྲུལ་གཉིས་ཀྱི་བླ་གཟའ་དར་བའི་ཉིན་མོ་ཏེ། ཕྱི་ལོ་ ༢༠༠༨ ༧ ༨ ཀྱི་ཉིན་མོ་འདིར་རྒན་གསོ་ཁང་གི་མ་རྒན་ཉམ་ཐག་ཞིག་དབུགས་མཐའ་རྫོགས་ཏེེ་ཕྱི་མའི་མངལ་ལམ་དུ་ཆས་སོང་། དེ་ཉིད་བདག་མེད་ཀྱི་ཚེ་འདས་ཞིག་འདུག་པས་ཤི་ཆོག་སོགས་ཆ་ཚང་ཁོ་བོ་དང་འཆམ་མཐུན་ཅན་གྱི་གྲོགས་པོ་ཚོས་དང་བླང་གིས་ལས། མ་ཟད་དུར་ས་སྦས་རྒྱུ་སོགས་རོ་ལས་ཀྱང་བྱས་ནས་རྗེས་ཆོག་རྣམས་ཧུར་ཐག་བྱས་ཡོད། དེར་བརྟེན་རང་ངོས་ནས་ཀྱང་འདིའི་ཉིན་མོ་ནི་དགེ་རྩ་ཅུང་ཐོན་པའི་ཉི་མ་བཟང་པོ་ཞིག་ཡིན་བསམ་ཡོད།
དེ་ཚོ་ཐམས་ཅད་ངའི་སྙིང་ནས་བརྩེ་བའི་གྱེས་སོང་གི་ཨ་མ་ལགས་ཀྱི་དྲིན་ལན་དུ་བསྒོམ་ནས་བྱས་ཡོད་པ་མ་ཟད། བལྟ་སྐྱོང་བྱེད་མཁན་མེད་པའི་འགྲོ་བ་མི་ཞིག་གི་བདེ་སྡུག་ལ་བསམ་ཤེས་ཐེངས་གཅིག་དང་། བཅོས་མིན་ཤ་ཚའི་འདུ་ཤེས་དང་མོ་བ་ཞིག་གིས་ཀྱང་བྱས་ཡོད། ད་ལྟ་ང་རང་མལ་ཆས་ནང་འཛུལ་ཏེ་གཉིད་མ་ཁུག་པ་ཨ་མ་ཡིད་ལ་དྲན་བཞིན་བསྡད་ཡོད།
ཨ་མེ་ཆ།
———
གཟའ་ལྷག་པ།
ཉི་ཟླ་ནམ་མཁར་འཁྲུངས་པའི་གཟའ་སྐར།
འོད་ཟེར་ཕྱོགས་བཞིར་འཕྲོ་བའི་ཉི་མ།
ཁྱེད་ཀྱི་བྱམས་བརྩེའི་བདུད་རྩི་ཟེགས་མས་ངའི་ལུས་ངག་ཡིད་གསུམ་ལ་བརྐྱང་སྐུམ་སྦྱིན།
གཟའ་ལྷག་པ། ངའི་སྙན་ངག་གི་འདབ་མ་ལྷུག་པར་གྲོལ་བའི་མ་ནི་ཡིག་དྲུག
ངའི་བཞུད་ལམ་དུ།
______ལྗོངས་བརྒྱུད་པའི་ཟིན་བྲིས།
གཅན བཟོད་རྒྱམ།
ཀ
གེ་སར་རྟ་ལྕགས་བཞུས་པའི་ཤུལ་ལམ་ནས། །
བོད་པ་རྒྱལ་ཐེངས་རེ་ལ་ཕམ་ཐེངས་རེ། །
ཨ་ཅེ་འབྲུག་མོའི་བཀའ་མཆིད་མ་རྩིས་ན། །
དེང་དུས་བོད་མོན་འདྲེས་ནས་ཐང་མར་བརྡལ། །
མེ་སྒྱོགས་རྒྱ་མཚོ་ནས།
————-
ང་ ཚོ་བོད་ཀྱི་སྐད་ཡིག་རིག་པ་བའམ་སུམ་རྟགས་དག་གསུམ་གྱི་མཁན་པོ་ཚོས་ཡིག་རྙོག་ བསྔོགས་ཏེ་འཛད་རྒྱུ་མེད་པའི་རྩོད་གཞིའི་ཆེད་དུ་རྔུབ་ནག་ཚུབ་ཚུབ་རྒྱུག་ནས་ མིག་མདུན་དུ་འཕག་འཚག་རྒྱག་བཞིན་པའི་དཀའ་གནད་རྣམས་མི་མཐོང་བ་ལྟ་བུ་འདུག དེ་རིང་ངས་ཕ་ཡུལ་དྲ་རྒྱའི་བརྙན་འཕྲིན་༼ http://media.phayul.com/༽དུ་ཡོད་པའི་ “བོུ་བཞི་ཡིས་བོད་ཀྱི་མཛངས་མའི་དབུ་རྒྱན་ལ་དམིགས་པ་”ཞེས་ པ་དེ་ཡིག་ཐོག་ཏུ་ཐད་ཀར་བཤུས་ཡོད་། འདི་བཀླགས་ནས་བཙན་བྱོལ་བོད་མིའི་གཞོན་སྐྱེས་མང་ཆེ་བའི་ཕལ་སྐད་ཀྱི་གནས་སྟངས་ གང་ཞིག་ཏུ་སླེབས་ཡོད་པའི་སྤུས་ཚད་རགས་ཙམ་ཞིག་ཤེས་ཐུབ་སྙམ། འགན་ཡོད་མཁྱེན་ལྡན་རྣམ་པའི་ཕལ་སྐད་ཀྱི་གནས་སྟངས་འདི་ལ་གཟིགས་ནས་ཇི་དགེའི་ དགོངས་ཚུལ་ལྷུག་པོ་ཡོང་བ་ཞུ། དེ་དང་ཆབས་ཅིག་ཏུ་འགྲན་བསྡུར་བའི་བོུ་བཞི་པོ་ལ་བོད་སྐད་ཀྱི་བརྒྱ་ཆ་མཐོ་ཤོས་ དེ་སུ་ལ་ཐོབ་པ་ངོས་བཟུང་རོགས།
སྒྲོལ་དཀར་གྱིས།
སྤྱིར་བཏང་Miss Tibet དེ་ བློ་བཟང་ལགས་ཀྱིས་དེ་དེ་བྱས་པ་རེད་པཱ མགོ་བཙུགས་གནང་བ་རེད་པཱ ཨ་ནེས་ཨ་ནེས་དེ་ངས་བསམ་ཚུལ་ལ་ཁོང་གིས་མགོ་བཙུགས་པ་དེ་དངོས་གནས་ཁོ་རང་ཡག་པོ་ དཔེ་རེད་བསམ་གྱི་འདུག དམིགས་བསལ་གྱིས་བོད་པ་བུ་མོ་ལ། ལབ་ན། གང་ཡིན་ཟེར་ན་ང་ཚོ་ཕྱི་ཡི་རྒྱལ་ཁབ་ལ་ཆ་བཞག་བ་བཞག་ན་ཡིན་ན་ཁོང་རང་ཚོ་ལ་ཆ་ བཞག་ན་ང་ཚོ་དཔེ་མི་སྲིད་པའི་རྗེས་ལུས་ཐེབས་ཡོད་རེད་རེད་པ། ང་རང་ཚོ་འདི་རྒྱ་གར་ལུང་པ་ལ་exile བཙན་བྱོལ་བྱས་ནས་ཡོང་བ་རེད། ཨ་ནེ་དེས་བློ་བཟང་ལགས་འིས་ངས་བསམ་ཚུལ་བློ་བཟང་ལགས་འིས་མགོ་དེ་མགོ་establish བྱེད་པ་དེས་ངས་དཔེ་ཡག་པོ་རེད་བསམ་གྱིན་འདུག དམིགས་བསལ་གྱིས་བོད་པའི་བུ་མོ་དེ་ཚོ་ལ། ད་Miss Tibet ལབ་ ན་ད་ད་ད་ད་འདི་སུ་ལས་འགན་དེ་ཚོ་ད་དཔེ་ཆ་བཞག་ན་སོ་སོ་ད་ག་རེ་བསམས་པ་ད་དེ་ གཅིག་ཡོད་རེད་བ་ད་ད་བོད་དོན་སྐོར་གཅིག་བྱེད་དགོས་བམས་པ་ཞིག་ཡོད་རེད་བ། འདི་སུ་སེམས་ནང་བསམ་གྱི་འདུག་རེད་པ། ད་ཕྱིས་སུ་་དེ་སླེབས་པའི་གཞུག་གུ་ལ་ད་དངོས་གནས་ཁོ་རང་media དང་དེ་འདྲ་མང་པོའི་དཀྱིལ་དུ་སླེབས་དུས། ད་དེ་ཚོ་ཚང་མ་དངོས་གནས་ཁོ་རང་སོ་སོ་ག་རེ་ཨའའ་ ད་དངོས་གནས་ཁོ་རང་དངོས་སུ་ཁོ་རང་ལག་ལེན་བསྟར་ཡ་གྱི་གོ་སྐབས་དེ་རག་ཆོག་འ་ བསམ་གྱིན་འདུག
དེ་ལས་མང་བ་། “མཛངས་མའི་འགྲན་བསྡུར་ལ་ཞུགས་པའི་རྒྱུ་མཚན་ཕལ་སྐད་དུ་བཤད་པ།” »
བོད། ལྷ་ཀླུ་གཉན་གསུམ།
————–
འཁུར་ན་མི་ཡང་རྡོ་ལས་ལྕི་བའི་སེམས།།
ཤོར་ན་མི་སྐྱིད་འདམ་ལས་སྙི་བའི་སེམས།།
སྟོན་ན་འདོད་པའི་བུ་མོ་གཟུགས་མཛེས་མ།།
ཁྱེད་ལ་གཏད་ཉིན་བརྗེད་དུ་མ་འཇུག་རོགས།།
འགྲོགས་ཡུན་ཐུང་བའི་དུས་ཚིགས་དེ་ཡི་རིང་།།
ཕན་ཚུན་གཅིག་ལ་གཅིག་འཁྱུད་ལུས་པོ་གཉིས།།
ཚ་དྲོད་མེ་བཞིན་འབར་བའི་མཚན་མོ་དེར།།
སྐྱིད་པའི་སྣང་བ་ནམ་མཁའི་སྐར་ལས་མཐོ།།
འཇུ་སྐལ་བཟང་།
————
ཀ་བ་བུམ་པ་ཟེར་བའི་གྲྭ་བ་ཚོས་རིགས་ལམ་མི་རྩོད་སྒོར་མོ་རྩོད། །
ཁ་ཏོན་དགེ་སྦྱོར་བྱེད་པའི་ཨ་མཆོད་དག་དགེ་བ་མི་གསོག་སྒོར་མོ་གསོག །
ག་ལེར་ཉི་མ་སྐྱེལ་བའི་སྒོམ་ཆེན་རྣམས་སེམས་ངོ་མི་འཚོལ་སྒོར་མོ་འཚོལ། །
ང་ཁྱོད་ཕྱོགས་རིས་སྤངས་པའི་བྱ་བྲལ་ཡང་དབེན་གནས་མི་སྙོག་སྒོར་མོ་སྙོག །
ཀ་ཁ་ག་ང་སློབ་པའི་བྱིས་པ་ཚོས་དབྱངས་གསལ་མི་ཀློག་སྒོར་མོ་ཀློག །
ཁ་རོག་མ་ཎི་འདོན་རན་རྒས་འཁོགས་དག་ཕྲེང་བ་མི་བགྲང་སྒོར་མོ་བགྲང༌།
ག་བྱེད་འདི་བྱེད་མེད་པའི་ལས་བྱེད་རྣམས་བྱ་བ་མི་གཉེར་སྒོར་མོ་གཉེར། །
ང་ཅག་མི་རབས་གསར་བའི་ན་གཞོན་ཡང་མདུན་ལམ་མི་སེམས་སྒོར་མོ་སེམས། །
གཅན་བཟོད་རྒྱམ། ———- ཞོགས་པ། རི་བོས་སྤྲིན་པ་གྱོན་ནས་གཉིད་དུ་ཡིར།། སེང་གེ་ཁ་འབབ་སྒྲ་མེད་ལྷོད་ཀྱིས་བཞུར།། ཞོགས་རླུང་བསིལ་བོའི་རེག་བྱ་འཇམ་པོ་ཡིས།། འཇིག་རྟེན་འདི་ལ་དགའ་བའི་བདེ་བ་སྦྱིན།། ཉིན་གུང༌། ཉི་འོད་གཟོས་ནས་ས་འདིར་འཕྲོས་སམ་ཅི།། རི་ཚོགས་དྲོད་འབར་རླུང་དང་སྤྲིན་ཡང་བྲལ།། སླ་ང་འདྲ་བའི་ཡུལ་འདིའི་སྐྱེ་འགྲོ་ཀུན།། རྔུལ་ནག་འཛགས་བཞིན་ད་དུང་ལས་ལ་བྲེལ།། དགུང་མོ། སེང་གེ་གཙང་པོས་ཉི་མའི་བཞུད་ལམ་བསྙེགས།། ནུབ་རླུང་ལྡོམ་པོས་ས་རྡུལ་དགུང་དུ་དཀྲིགས།།…
ཁང་ཆུང་དེར།
—ཟླ་བདུན་པའི་ཚེས་ཉེར་དྲུག
O.D.(1)ལ་ཕུལ། གཅན་ བཟོད་རྒྱམ།
དེ་ནས་བཟུང ནམ་རྒྱུན
ཉོབ་སྣང་གི་གོམ་པ་རེ་རེས
ཆང་ཁང་ཆུང་ཆུང་དེ་སྙེག་འགྲོ
དོ་དགོང་ཡང་ངའི་ཁ་གཏད་དུ
ཤེལ་དམ་སྨུག་པོ་དེ་ལས་སུ་ཡང་མེད
ཆང་ཕོར་གྱིས་བྱམས་བརྩེའི་མཆུ་སྒྲོས་ཡང་ཡང་སྦྱོར
ཁང་ཆུང་དེར་ཆགས་སྲེད་རོལ་དབྱངས་སྔར་བཞིན་འཁྱིལ
པདྨ་ཚེ་དབང་ཤཱསྟྲི།
————
དེ་ཡང་གནའ་སྔ་མོ་ཞིག་ན་རྒྱ་གར་གྱི་གྲོང་གསེབ་ཅིག་ཏུ་ཚོང་དཔོན་ཨཱནནྡ་མཱལིཀ་ཟེར་བ་ཞིག་གིས་གྲོང་གསེབ་དེའི་མང་ཚོགས་ལ་‘‘ཁྱེད་ཚོའི་གྲོང་གསེབ་ཆགས་ཡུལ་འདིར་སྤྲེའུ་ཧ་ཅང་གི་མང་པོ་འདུག་པས་ཁྱེད་ཚོས་སྤྲེའུ་བཟུང་ཐུབ་ན་ངས་སྤྲེའུ་རེར་ཧིན་སྒོར་བཅུ་རེ་སྤྲད་དེ་ཉོ་གི་ཡིན།,, ཞེས་བརྗོད།
གྲོང་གསེབ་པ་རྣམས་ཀྱིས་ཀྱང་ཤིང་ནགས་སུ་ཕྱིན་ཏེ་དེར་སྤྲེའུ་ཧ་ཅང་མང་པོ་ཡོད་པ་མཐོང་སྟེ་རྙི་བཙུགས་ནས་སྤྲེའུ་བཟུང་རྒྱུ་འགོ་བརྩམས། ཚོང་པ་དེས་སྤྲེའུ་རེར་སྒོར་བཅུ་རེ་སྤྲད་དེ་སྤྲེའུ་སྟོང་ཕྲག་མང་པོ་ཉོས་པར་བརྟེན་ག་ལེར་ཤིང་ནགས་སུ་སྤྲེའུ་དཀོན་དུ་ཕྱིན་པས་གྲོང་གསེབ་པ་རྣམས་ཀྱིས་སྤྲེའུ་བཟུང་རྒྱུ་མཚམས་བཞག ཚོང་པ་དེས་ད་ཆ་སྤྲེའུ་རེར་སྒོར་ཉི་ཤུ་རེ་སྤྲོད་རྒྱུའི་གསལ་བསྒྲགས་བྱས་པས་གྲོང་གསེབ་པ་རྣམས་སེམས་ཤུགས་འཕར་ཏེ་སླར་ཡང་སྤྲེའུ་བཟུང་རྒྱུ་འགོ་བཙུགས། རིང་པོར་མ་ཐོག་པར་ཤིང་ནགས་སུ་སྤྲེའུ་ཆེས་ཉུང་དུ་ཕྱིན་པས་གྲོང་གསེབ་པ་རྣམས་ཀྱིས་སྤྲེའུ་བཟུང་རྒྱུའི་ཚབ་ཏུ་རང་རང་གི་ཞིང་ཁ་རྨོ་འདེབས་ཀྱི་ལས་ལ་ཞུགས། ཚོང་པ་དེས་སླར་ཡང་སྤྲེའུ་རིན་གོང་སྒོར་སུམ་ཅུར་སྤར་བས་ད་ཆ་ཤིང་ནགས་སུ་སྤྲེའུ་བཟུང་རྒྱུ་ཕར་བཞག་སྤྲེའུ་གཅིག་ཀྱང་མིག་གིས་མཐོང་དཀོན་པར་གྱུར།
དེ་ལས་མང་བ་། “འཛམ་གླིང་དཔལ་འབྱོར་བཞུ་བྲིད་དང་ནོར་སྲིད་ཀྱི་གནས་བབ།” »
གནམ་སྔོན་པོའི་འོག་གི་སྨྲེ་ངག
______རྒྱ་དམར་པོའི་འོག་ན་བདེ་སྐྱིད་ཞིག་ཡོད་དམ།
གཅན . བཟོད་རྒྱམ།
མིའི་ བདེ་སྐྱིད་ནི་རང་གི་གང་འདོད་པ་དེ་བྱེད་ཆོག་པའམ་བཤད་ཆོག་པ་དེ་རེད། འདོར་ན་རང་དབང་ཟེར་བའང་དེ་རེད། སྐད་ཆ་ཞིག་བཤད་པ་ཙམ་གྱིས་སྲོག་ཁྲིམས་གཅོད་པ་དང་ཚེ་བཙོན་བྱེད་པ། འཛིན་བཟུང་བཙོན་འཇུག་བྱེད་པའམ་ཉེས་རྡུང་ཚད་མེད་བཏང་རྗེས། ཁ་རྗེ་དབང་ཐང་རྩ་མེད་བཟོ་བ། དངུལ་དངོས་ཀྱི་ཆད་པ་ གཅོད་པ། དེ་ནས་ད་དུང་བཙོན་ཁང་ལས་ཕྱིར་ཐོན་རྗེས་ཁོ་ཚོས་ཅི་བྱས་རྣམས་གསང་བ་བྱེད་དགོས་ པ་ལས། གང་བྱུང་མི་ལ་བཤད་ན་ཁྲིམས་འགལ་རེད། ཁོ་ཚོའི་བསམ་ཚུལ་དང་མ་མཐུན་པས་ཁྲིམས་འགལ་རེད། ཁོ་ཚོའི་གསང་བའམ་ཅི་བྱས་ཕྱི་ལ་བཤད་ན་ཁྲིམས་འགལ་རེད། བུ་དང་བུ་མོ་ཁྱད་མེད་དུ་ཁ་དང་གཤང་ལམ་སོགས་ལ་བཙན་གཡེམ་སྟེ་འཁྲིག་སྤྱོད་བྱེད་ ཀྱི་རེད། དུས་གཅིག་ལ་ཁོ་ཚོ་མི་བཞི་ལྔ་རེས་བྱེད་ཀྱི་རེད། ཁོ་ཚོའི་འདོད་པ་བཞིན་ཁ་ནས་འཁྲིག་གཏམ་མ་བཤད་ཚེ་ཉེས་རྡུང་གཏོང་གི་རེད།
ཡར་སྔོན་ཁ་བརྡའི་ཁ་བརྡ་སྤེལ་བའི་རྗེས་སུ་རླུང་སྐོར་ནག་པོ་དང་བཅས་པའི་དྲ་གྲོགས་སྐོར་ཞིག་གིས་གང་ཟག་སྒེར་ལ་རྒོལ་མི་རྒོལ་གྱི་ས་མཚམས་ཅི་ཡིན་ལ་ཁ་བརྡ་ཚང་ནས་ལན་ཁ་གསལ་ཞིག་རྒྱག་དགོས་པའི་རེ་སྐུལ་བྱས་འདུག ཡིན་ན་ཡང་ཕངས་པ་ཞིག་ལ་ཁ་བརྡ་ཚང་གིས་དྲི་བ་འདི་ལ་བསམ་ཚུལ་རེ་འདོན་རྒྱུ་མ་གཏོགས་ཁྱེད་ཚོའི་འདོད་པ་ཁེངས་པའི་ལན་ཞིག་རྒྱག་ཐུབ་རྒྱུ་མ་རེད་སྙམ། རྒྱུ་མཚན་ནི་ང་ཚོ་ཚང་མ་གཅིག་པ་རེད། དྲི་བ་འདི་དག་འདོན་མཁན་རྣམས་ཀྱི་ནང་ན་སྨྲ་བརྗོད་རང་དབང་གི་ཁྲིམས་ལུགས་ལ་ཆེད་མཁས་མེད་ལས་ཆེ་བ་ལྟར་ཁ་བརྡ་ཚང་ལ་ཡང་མེད། ཁྱེད་ཚོ་ལ་དྲི་བ་ཡིན་པ་ཞིག་ཁ་བརྡ་ཚང་ལ་ལན་ཡིན་དགོས་པའི་ངེས་པ་ཡོད་པ་མ་རེད། ཁྱེད་ཚོས་མི་ཤེས་པ་དེ་ཁ་བརྡ་ཚང་གིས་ཀྱང་མ་ཤེས་པར་བསྡད་ཡོད་པ་རེད།
དེའི་ཁར་ཁ་བརྡ་ཚང་ལ་དྲི་བ་འདི་ལ་ལན་ངེས་པར་དུ་རྒྱག་དགོས་པའི་འགན་ཁུར་ཡང་ཡོད་པ་མ་རེད། དངོས་གནས་བཤད་ན། དྲ་བ་འདིའི་ནང་ཞུགས་མཁན་ཚང་མ་དྲི་བ་འདོན་མཁན་དང་ལན་འཚོལ་མཁན་གཉིས་ཀ་ཡིན་འོས་ཆེ། བོད་ཕྱི་ལོགས་ན་ང་ཚོ་བོད་ཡིག་གི་ཐོག་ནས་སྨྲ་བརྗོད་བྱེད་སའི་དྲ་དེབ་ཉུང་ཉུང་རེད། ཁ་བརྡ་ནི་ཉུང་ཉུང་དེའི་ནང་གི་གཅིག་རེད། ང་ཚོས་དྲ་དེབ་འདི་ང་ཚོ་ཕན་ཚུན་ལ་ཚིག་མཚོན་འདེབས་ས་དང་། ཁྱད་གསོད་བྱེད་ས། སྒེར་སྐྱོན་འཕྱར་ས་ཞིག་ཏུ་མ་གྱུར་ན་བསམས་ནས་ཡང་དང་ཡང་དུ་གང་ཟག་སྒེར་ལ་མི་རྒོལ་བའི་རེ་བ་བཏོན་ཡོད། ང་ཚོའི་བསམ་པར། གང་ཟག་སྒེར་ཟེར་དུས་མི་གང་ཞིག་གི་སྤྱི་དོན་དང་རིག་གཞུང་། ལྟ་བ་སོགས་ལ་འབྲེལ་བ་མ་ཆགས་པའི་ཆ་དེ་ལ་ཟེར་གྱི་ཡོད། དཔེར་ན་བོད་གཞུང་གི་བཀའ་བློན་ནམ་དྲུང་ཆེ་ཞིག་གིས་སྤྱི་དོན་འཐུས་ཤོར་སུ་བཏང་བ་དང་། དྲང་སྙོམས་མ་བྱས་པའི་སྐབས་ལ་ང་ཚོས་སྐྱོན་བརྗོད་བྱས་པ་ཡིན་ན་འདི་ལ་གང་ཟག་སྒེར་ལ་རྒོལ་བར་ཆ་འཇོག་བྱེད་འོས་མི་ཆེ། དེ་བཞིན་ཞིབ་འཇུག་པ་ཞིག་གིས་ཕྱོགས་རེས་པའམ་རྒྱུ་མཚན་ལྟར་སྣང་བ་ལྟ་བུ་ལ་གཞི་བཅོལ་ནས་ལྟ་བ་ཁས་ལེན་མི་ཐུབ་པ་རེ་བཏོན་པ་ལ་སྐྱོན་འཛུགས་བྱེད་པ་ཡང་གང་ཟག་སྒེར་པ་ལ་རྒོལ་བར་ཆ་འཇོག་བྱེད་མི་འོས་སྙམ། ཡིན་ན་ཡང་བཀའ་བློན་དྲུང་ཆེ་ཡིས་སྤྱི་དོན་འཐུས་ཤོར་དུ་བཏང་བ་ལ་སྐྱོན་བརྗོད་བྱེད་སྐབས་དེ་ལས་བརྒལ་ནས་དེའི་བུ་དང་བུ་མོས་སྦག་ལ་འཁྲབ་ཀྱི་ཡོད་པ་ལྟ་བུ་དང་། ཞིབ་འཇུག་པ་དེའི་ལྟ་བ་ལ་སྐྱོན་བརྗོད་བྱེད་སྐབས་མཁས་པ་དེ་ལ་ཆུང་མ་ཟུར་བསྟེན་ཡོད་པ་ལྟ་བུ་བརྗོད་ན་འདི་ནི་གང་ཟག་སྒེར་ལ་རྒོལ་བ་ལ་ཆ་འཇོག་བྱེད་འོས་སྙམ།
རྒྱལ་ནང་དུ་ཡོད་པའི་ཀྲུངགོའི་སྤྱི་དམངས་ཞིག་གིས།
ནགས་ཤོད་ཡེ་ཤེས་བསྟན་འཛིན་གྱིས་བསྒྱུར།
རྒྱ་ཆེ་བའི་ཕྱིར་སྐྱོད་རྒྱལ་གཅེས་ཀྱི་སྤུན་ཟླའི་སློབ་གྲོགས་ཚོ། ཁམས་བཟང༌། ང་ནི་རྒྱལ་ནང་དུ་ཡོད་པའི་ཀྲུང་གོའི་སྤྱི་དམངས་ཞིག་ཡིན། མ་གཞི་ཁྱོདཚོའི་ལུས་པོ་ཕྱི་རྒྱལ་དུ་ཡོད་མོད། དུས་དང་རྣམ་པ་ཀུན་ཏུ་མེས་རྒྱལ་སེམས་ལ་བཅངས་ཤིང་དོ་ཁུར་བགྱི་བཞིན་ཡོད་པ་ངས་ཤེས་ཀྱི་ཡོད། ཨོ་རྩེད་ཀྱི་དཔལ་འབར་བརྒྱུད་སྤྲོད་ཕྱི་རྒྱལ་ནས་མཇུག་བསྒྲིལ་ལ་ཉེ་བའི་གོ་རིམ་ཁྲོད་དུ་ཁྱོད་ཚོས་དེར་ཁྲོམ་སྐོར་སོགས་ཀྱི་རྣམ་པའི་ཐོག་ནས་མེས་རྒྱལ་ལ་རྒྱབ་སྐྱོར་མཚོན་པ་བྱས་ཡོད།
ངས་ཁྱོད་ཚོར་ཡི་རངས་བྱེད་ཀྱིན་ཡོད། ཅི་ཞིག་གི་ཕྱིར་དུ་ཞེ་ན། ནུབ་སྡོད་པ་ཚོས་ཀྲུང་གོར་སྐྱོན་བརྗོད་བྱེད་པའི་སྐབས་སུ་ཁྱོད་ཚོ་མདུན་དུ་བཅར་ཏེ་ཀྲུང་གོར་རྒྱབ་སྐྱོར་དང་མཚང་འབྱིན་བྱེད་མཁན་ཚོར་ངོ་རྒོལ་བྱ་ཕོད་ཀྱི་ཡོད། ཡིན་ནའང་ནུབ་ཕྱོགས་པ་ཚོའི་སྐྱོན་བརྗོད་དེས་ཀྱང་ཀྲུང་གོའི་ཡར་རྒྱས་ལ་སྐུལ་འདེད་བྱེད་པའི་ཆ་རྐྱེན་ཞིག་ཏུ་སོང་བ་བསམས་མྱོང་ངམ། གལ་ཏེ། ནུབ་ཕྱོགས་པ་ཚོའི་སྐྱོན་བརྗོད་མེད་ཚེ་ཀྲུང་གོ་ད་དུང་ཡང་མི་ལོ་སུམ་ཅུའི་ཡར་སྔོན་གྱི་གནས་སྟངས་དེར་རང་སོར་ལུས་ཡོད།
ང་ཁྱོད་ཚོར་སྨོན་པ་འཆོར་གྱིན་ཡོད། གང་ལགས་ཤེ་ན། ཁྱོད་ཚོ་ཉེན་རྟོག་པའི་སྲུང་སྐྱོབ་འོག་ནས་སོ་སོས་འཛིན་པའི་ལྟ་ཚུལ་ཚད་མར་སོང་མིན་ལ་ལྟོས་པ་མེད་པར་ཡོངས་བསྒྲགས་ངང་སྦྱར་ཡིག་དང་དར་ཆ་བསྒྲེངས་ནས་ཁྱོད་ཚོའི་ཆབ་སྲིད་ཀྱི་ལྟ་ཚུལ་གསལ་སྟོན་བྱེད་ཀྱི་ཡོད། ཡིན་ནའང༌། ང་ཚུད་པའི་ཀྲུང་གོའི་ས་ཁོངས་ན་ཡོད་པའི་མི་འདི་ཚོ། གལ་ཏེ་ཁྱོད་ཚོ་ལྟར་དུ་སྦྱར་ཡིག་དང་དར་ཆ་བསྒྲེངས་ནས་གཞུང་ལམ་དུ་སོང་ཚེ་ཉེན་རྟོག་པའི་ལྟ་སྐྱོང་མེད་པ་ལྟ་ཅི། ད་དུང་བཙོན་འཇུག་གི་ཉེས་དམིགས་ལས་ཐར་དཀའ་བའི་ཚོད་རེད། ཐ་ན། ངས་དྲྭ་ལམ་ནས་རྩོམ་ཡིག་འདི་འདྲ་ཞིག་འདོན་སྤེལ་བྱས་མོད། ཡིན་ནའང༌། རང་སོ་སོའི་བདེ་འཇགས་ཀྱི་ཆེད་དུ་སེམས་ངལ་བྱ་དགོས་ཀྱི་ཡོད།
ཝང་ལིས་ཞུང༌།
ཡེ་ཤེས་བསྟན་འཛིན་གྱིས་བསྒྱུར། ནོར་གླིང༌།
རྒྱ་ནག་གཞུང་ཕྱོགས་ནས་བཅོས་ལྷད་བྱས་པའི་ལོ་རྒྱུས་དེ་དག་གཞི་རྐང་དུ་བཟུང་ནས། དུས་རབས་བཅུ་གསུམ་པ་ནས་བརྩམས་ཏེ་བོད་ཀྱི་བདག་དབང་རྒྱ་ནག་གི་སྟངས་འཛིན་འོག་ཡོད་པའི་ངོས་འཛིན་མཐའ་གཅིག་ཏུ་བྱེད་བཞིན་ཡོད། དུས་དེར་ཇིང་གིར་རྒྱལ་པོའི་སོག་དམག་གིས་འཛམ་གླིང་ཧྲིལ་པོར་ལེབ་རྡུང་བྱེད་བཞིན་པའི་དུས་རེད་ལ། བོད་བཙན་པོའི་རྒྱལ་རབས་འཐོར་ཞིག་ཏུ་ཕྱིན་ནས་མི་ལོ་བཞི་བརྒྱ་ཙམ་སིལ་བུར་གནས་ཚར་བས་སོག་པོ་དང་རྒོལ་འཛིང་བྱེད་པའི་ནུས་པ་མེད་པ་ཙམ་མ་ཟད། དུས་བབ་ཀྱི་འགྱུར་འགྲོས་དེའི་ཁྲོད་ནས་ས་གནས་ཀྱི་སྡེ་དཔོན་དེ་དག་གཅིག་རྗེས་གཉིས་མཐུད་ངང་སོག་པོར་མགོ་བཏགས་ཞུས་ཡོད། ཇིང་གིར་རྒྱལ་པོའི་ཚ་བོ་གོ་དན་ཁཱང་གིས་ས་སྐྱ་པ་སྐབས་དེའི་བོད་བརྒྱུད་ནང་བསྟན་གྱི་ལྟེ་བར་ངོས་བཟུང་གནང་སྟེ་བོད་ས་ཧྲིལ་པོའི་ཕྱོགས་སོ་སོ་ན་ཡོད་པའི་དབང་ཤུགས་ཡོད་ཚད་ཀྱིས་ས་སྐྱ་པའི་སྣེ་ཁྲིད་དང་ལེན་བྱེད་དགོས་པའི་བཀའ་བསྒོས། རྗེས་ཕྱོགས་ནས་དུས་རབས་གཅིག་ཙམ་གྱི་ལོ་རྒྱུས་ལྡན་པའི་ཡོན་རྒྱལ་རབས་ཀྱི་དུས་རིང་གང་པོར་ས་སྐྱ་པས་བོད་ཁམས་དབང་སྒྱུར་བྱས་ཡོད། ལོ་རྒྱུས་ཆེད་མཁས་པ་ཚོས་མཁོ་སྤྲོད་བྱས་པའི་རྒྱུ་ཆར་གཞིགས་ན། དུས་དེར་ཚད་ངེས་ཅན་གྱི་བདག་དབང་ལྡན་པའི་རྣམ་འགྱུར་མངོན་ནས་འདུག དེ་ལྟ་ནའང། གནད་འགག་འབབ་ས་ཞིག་ནི། དོན་དམ་པར་སོག་པོས་བོད་ཀྱི་བདག་དབང་སྤྱོད་ཀྱི་ཡོད་པ་རེད་དམ། འོན་ཏེ། རྒྱ་ནག་གིས་བོད་ཀྱི་བདག་དབང་ལ་དོ་སྟངས་བྱེད་ཀྱི་ཡོད་པ་དེ་རེད། དོན་ངོ་མར། སྐབས་དེར་རྒྱ་ནག་ཁོ་རང་ཡང་བོད་དང་གཅིག་མཚུངས་སུ་གྱུར་ཏེ་སོག་པའི་ཡ་མེད་ཀྱི་རྟ་དམག་དེ་ཚོའི་དབང་སྡུད་བྱེད་ཡུལ་དུ་ཆགས་པ་མ་ཟད། ཅུང་ཟད་སྔོག་རེས་ལྟ་བུ་བྱས་ཏེ་གླེང་ན། བོད་ཡུལ་ལས་ཀྱང་ཐ་ཆད་པའི་མངོན་ཚུལ་སྣང་སྟེ། བོད་ཀྱི་ས་ཁོངས་དག་ཏུ་སྔར་མུས་བཞིན་ཚད་རིམ་ངེས་ཅན་གྱི་རང་སྐྱོང་སོར་གནས་ཐུབ་པ་བྱུང་མོད། འོན་ཀྱང༌། རྒྱ་ནག་ནི་རྒྱལ་ཁབ་རྦད་དེ་ཐོར་ནས་འགྲེལ་བརྗོད་བྱེད་སྟངས་མི་ཤེས་པ་ཆགས་ཡོད། དེ་ལྟབུའི་རང་ཉིད་ཀྱི་བདག་དབང་ཡང་བོར་ཟིན་པའི་རྒྱལ་ཁབ་ཅིག་གིས་ཇི་ལྟར་བྱས་ཏེ་མི་རིགས་གཞན་ཞིག་གི་བདག་དབང་ཁ་ལོ་སྒྱུར་ཐུབ་བམ། མ་གཞི་བྱས་ན་ཡོན་དང་དུས་ཕྱིས་ཀྱི་ཆིང་གཉིས་མི་འདྲ་ནའང༌། མི་རིགས་ཐ་དད་པ་ཞིག་གིས་བཙན་འཛུལ་བྱས་ཏེ་རིམ་པས་དབང་སྒྱུར་བྱས་པ་གཅིག་མཚུངས་རེད། ཡིན་ནའང༌། མཐའ་མ་དེར་ཆིང་རྒྱལ་རབས་རང་གི་མན་ཇུ་བའི་སྡོད་ཁུལ་ཡིན་ནའང་འདྲ། དེ་བཞིན་མི་རིགས་གཞན་ཁག་ཡིན་ནའང་འདྲ། ཐམསཅད་མཉམ་བསྲེས་ཀྱིས་ཟླ་སྒྲིལ་བྱས་ཏེ་ཀྲུང་གོ་ཞེས་པའི་ཚིག་གཅིག་པོ་དེའི་ནང་གོང་བུ་གཅིག་ཏུ་བཟོས་ཡོད། ཡིན་ན་ཡང༌། སོག་པོ་ད་ལྟའི་ཆར་ཡང་སྔ་མ་བཞིན་རང་ཉིད་ཀྱི་རྒྱལ་ཁབ་ཡོད་ལ་ཡ་གླིང་གི་ཁྱོན་ཆེན་དུ་སོག་རིགས་གནས་སྡོད་བྱེད་བཞིན་ཡོད་པས་ཀྲུང་གོ་ཞེས་པའི་ཐ་སྙད་དེ་དང་རྩ་བ་ནས་མི་འདྲ་བ་ཆགས་ཡོད་པ་འདི་ལྟར་ཡང༌། ཁོང་ཚོས་ཨ་ན་ཨུ་ཚུགས་ཀྱིས་སོག་པོས་བོད་དབང་སྡུད་བྱས་པ་དེ་རྒྱ་ནག་གིས་བོད་ས་བདག་དབང་ཡོད་པའི་ཁུངས་སྐྱེལ་བྱེད་པ་འདི་ནི་ ཨཱ རྔ ལྟ་བུའི་གཏན་ཚིགས་ཀྱི་འགོད་ཕྱོགས་ལས་མ་འདས་པས་ཕྱོགས་གཅིག་ནས་ཡ་མཚན་དགོས་པ་ཞིག་དང༌། ཉག་གཉིས་ནས་ཟོལ་མེད་ཀྱི་རྣམ་པ་མེད་སོང་བ་རེད།
དེ་ལས་མང་བ་། “སོག་པོ་རྒྱ་ནག་མ་རེད། བོད་རྒྱའི་དབར་གྱི་ལོ་རྒྱུས་འབྲེལ་བ།” »