སྨན་པ་དཀོན་མཆོག་ཚེ་བརྟན་གྱིས།
གསོ་བ་རིག་པའི་གཞུང་ལུགས་གང་ཞིག་ཡིན་ཡང་གཞིའམ་རྩ་བར་གྱུར་བ་ནི་མིའི་ལུས་ ཕུང་ཡིན། བོད་ཀྱི་གསོ་བ་རིག་པའི་གཞུང་དུ་རག་པ་ལུས་ཀྱི་རྣམ་གཞག་རྒྱས་པར་བསྟན་ཡོད་ ནའང་། རྡོ་རྗེ་ལུས་ཀྱི་སྦས་བཤད་ལས་གསལ་བའི་ཕྲ་བ་ལུས་ཀྱི་རང་བཞིན་དང་རྣམ་བཞག་གི་ སྐོར་ལ་སོགས་དངོས་བསྟན་བྱས་མེད་མོད ། འོན་ཀྱང་རིག་གཞུང་འདིར་སློབ་གཉེར་དང་ལག་ལེན་བྱེད་མཁན་གྱི་ཚེའི་རིག་འཛིན་པ་ ཞིག་ཡིན་ཚེ་ངེས་པར་དུ་བསྟན་འགྱུར་དུ་གསལ་བའི་དགའ་བོ་མངལ་འཇུག་གི་མདོ་དང་ སྔགས་གཞུང་དུ་བསྟན་པའི་རྡོ་རྗེ་ལུས་ཀྱི་སྦས་བཤད་སོགས་ལ་ངེས་ཤེས་འདྲོངས་ དགོས་པའང་རྩ་བའི་ཆ་རྐྱེན་ཉག་གཅིག་ཏུ་འཁུམས་ལགས་ཤིང་། དེ་མིན་གསོ་རིག་རྒྱུད་བཞིའི་དྲང་དོན་ཁོ་ནར་བློ་རྨོངས་ནས་བསྡད་ན་ལུས་དངོས་ པོའི་གནས་ལུགས་ཀྱི་དེ་བཞིན་ཉིད་གསལ་བོར་རྟོགས་མི་ཐུབ་པས། མཐའ་གཅིག་ཏུ་ཡོད་ཚད་གཟུགས་ཀྱི་སྐྱེ་མཆེད་དང་རྫས་ཀྱི་ནུས་པ་ཁོ་ནར་རློམ་ན་ནི་ རིག་གཞུང་འདིའི་རྩ་བའི་ཁྱད་ཆོས་རྟོགས་པར་མི་འགྱུར་ཅིང་། རིག་གཞུང་འདི་ནི་རིག་གནས་ཆེ་བ་ལྔའི་ཡ་གྱལ་གཞན་རྗེས་སུ་འཛིན་པ་མི་ན་བ་གནས་ བར་བྱ་བ་དང་ན་བ་གསོ་བར་བྱེད་པ། ཆོས་ནོར་ཐར་བ་འདོད་པའི་གང་ཟག་གིས་བསླབ་པར་བྱ་བའི་གནས། མངོན་མཐོ་དང་ངེས་ལེགས་ཀྱི་ཡོན་ཏན་མཐའ་དག་འབྱུང་བའི་གཏེར་ཏུ་ལགས་པས། ནད་ངོས་འཛིན་པ་ཙམ་དང་སྨན་ངོ་སྤྲོད་པ་ཙམ་མ་ཡིན་པར་གཞི་ལམ་འབྲས་བུའི་རྣམ་གཞག་ མཐའ་དག་ཆ་ཚང་བར་འདུས་ཡོད་པ་ནི། བསྟན་པ་འདི་སྤེལ་མཁན་གྱི་སྔ་རབས་བོད་ཀྱི་གསོ་རིག་སྨྲ་བ་དག་གི་རྣམ་ཐར་དང་ གསུང་འབུམ་དག་ལ་མཇལ་ན་ཤིན་ཏུ་ནས་གསལ་བོར་རྟོགས་པར་འགྱུར་ཅིང་། ཁོང་རྣམ་པ་ནི་བཅུ་ཕྲག་རིག་པའི་གནས་ལ་ནང་བྱན་ཆུབ་པ། བསྐྱེད་རྫོགས་ལ་མངའ་བརྙེས་ཤིང་རྒྱུད་ལུང་མན་ངག་གི་བརྒྱུད་པ་ཟམ་མ་ཆད་པ། རྫས་སྔགས་ཏིང་འཛིན་གྱི་ནུས་བ་ལ་དབང་འབྱོར་བ་ཤ་སྟག་ཏུ་གྲུབ་ཡོད་པ་ལགས་པས། ཁོང་རྣམ་པས་གཞུང་འགྲེལ་དང་སྦྱོར་སྡེ། ངོས་འཛིན་ལ་སོགས་ཀྱི་སྐོར་ནི་ཡང་དག་ཚད་མ་དང་། དགོངས་བ་བརྡ། རང་གི་མྱོང་བས་སོགས་ཀྱི་སྒོ་ནས་གཏན་འབེབས་གནང་ཡོད་པ་ལགས་མོད། འོན་ཀྱང་དེང་རབས་བོད་ཀྱི་གསོ་རིག་སྨྲ་བ་ཁག་ཅིག་གི་གནས་སྟངས་ལ་གཞིགས་ན་ཕ་ཤུལ་བུས་མ་ཟིན་པར་གཞན་གྱི་ཟེར་སྒྲོས་ལ་ཡིད་ཆེས་ཀྱིས་རང་གི་ཐུན་མོང་མ་ཡིན་པའི་སྒེར་ཆོས་གང་མང་ཞིག་ལ་རང་བློའི་གང་དྲན་གྱི་འགྲེལ་ལོགས་དང་ཐུན་མོང་མ་ཡིན་པའི་སྒེར་ཆོས་གང་མང་ཞིག་གླེགས་བམ་གྱི་མལ་དུ་ཤོར་དང་ཤོར་བཞིན་པའི་ཚུལ་སོགས་ལ་མ་བཟོད་པར་འདིར་གུས་པས་རང་གི་འདོད་ཚུལ་འགའ་སྤྲོས་བར་འདོད །

དེ་ལས་མང་བ་། “ལེ་ལོ་དང་འཐུས་ཤོར།།” »

མདོ་འདུམ་ཚང་།

ང་སུ་ཇ་སློབ་གྲྭར་ཡོད་དུས། བོད་ཡིག་ལ་དོ་སྣང་དང་སྤྲོ་སྣང་དམིགས་བསལ་བ་ཞིག་ཡོད། འོན་ཀྱང་། དོ་སྣང་དང་སྤྲོ་སྣང་དེ་སུས་སྤྲད་པ་རེད་དམ། བོད་ཡིག་གི་དགེ་རྒན་ཚོ་རེད་དམ། ཕལ་ཆེར་མ་རེད། བཙན་བྱོལ་དུ། བོད་ཡིག་གི་དགེ་རྒན་ཞིག་གིས་སློབ་ཕྲུག་ཚོ་བོད་ཡིག་ལ་དགའ་མཁན་བཟོས་བའི་ལོ་རྒྱུས་མེད།
སྔོན་ཆད་མེད་ལ་དེང་སང་ཡང་མེད་པ་འདྲ། སུ་ཇ་སློབ་གྲར་བོད་ཡིག་གི་དུས་དེབ་གསུམ་ཡོད། ལོ་འཁོར་དུས་དེབ་ཟམ་པ།
ལོ་ཕྱེད་དུས་དེབ་སྐྱ་རེངས། ཟླ་རེའི་ཚགས་དེབ་གངས་ཟླ་བཅས་རེད། དུས་དེབ་འདི་གསུམ་གྱིས། ངའི་སེམས་ལ་བོད་ཡིག་གི་ངར་ཤུགས་ལྡུད་མཁན་དུས་དེབ་འདི་གསུམ་ཡིན། དུས་དེབ་འདི་གསུམ་འདོན་མཁན། བོད་ཡིག་ལ་ཤ་ཞེན་ཡོད་མཁན་གྱི་སློབ་མ་རྒན་པ་དག་རེད། ཐོག་མར། སློབ་མ་རྒན་པ་ཚོས། རང་གི་ལག་པས་བྲིས།
རང་གིས་འགྲོ་སོང་བཏང་སྟེ་དཔར་གློག་བརྒྱབ། དེ་ནས་འཛིན་གྲ་སོ་སོར་བཀྲམས། དེའི་རྗེས་སུ་གཞི་ནས་སློབ་གྲའི་གཞུང་གིས་བདག་པོ་རྒྱག་གི་རེད། སློབ་མས་བོད་ཡིག་ལ་བཅིངས་བའི་ཤ་ཞེན་དེ་སློབ་གྲའི་འཛིན་སྐྱོང་ལས་ཆེ། འོན་ཀྱང་། སློབ་གྲའི་འཛིན་སྐྱོང་གི་གཏམ་བཤད་དེ་དག་སློབ་མའི་གྲངས་ཀ་ལས་མང་། ལག་ལེན་ཐོག་སློབ་མ་ཚོ་ངར། གཏམ་བཤད་ཐོག་འཛིན་སྐྱོང་རྫིག

དེ་ལས་མང་བ་། “ནང་ནས་བཙིར། ཕྱི་ནས་རུལ།” »

གཡུ་དྲུག་དཀར། རྡ་ས།

ཕ་ཡུལ་གསེར་མོ་ལྗོངས། རིགས་ཀྱི་ཁྱེའུ་བཙས་པའི་མ་ཁོག་ཡངས་བོ། ལོ་རྒྱུས་ཀྱི་སྐྱིད་སྡུག་རེས་ཀྱིས་མྱོང་བའི་ཕ་སྙིང་གསོན་པོ། ཁྱེད་ཀྱི་པང་ན་ལྷམ་མེར་ལྷན་ནེར་ཤ་ཁྲག་གདོས་གཟུགས་ཀྱི་ཕུང་བོ་རུ་གྲུབ་པའི་མི་བུ་གསོན་པོ་དེ་དག
ལྟོས་ཚོད་ལ་ཕྲུ་གུ་ཆུང་ཆུང་འདྲ་ཡང་། རིགས་ཀྱི་མྱུ་གུ་ཡིན་པའི་མངོན་མཐོང་གི་ལྟད་མོ་བསྟན་སོང་། ཕ་མ་སུ་ཞིག་གི་སྙིང་གི་ཚིལ་ལུ་ཡིན་ཡིན་པའི་ཁོང་ཚོ་ཅག་གིས། ཕྱི་ཁྲ་ཁྲ་ཡིན་ལ་ནང་ཡང་ཁྲ་ཁྲ་ཡིན་པའི་དཔེ་ཁུག་ཆུང་ཆུང་རེ་རྒྱབ་ལ་ཁུར་བ་འདྲ་ཡང་། རིགས་ཀྱི་ས་བོན་སྙིང་ལ་བཏབས་པའི་མངོན་རྟོགས་ཀྱི་ཀི་སྒྲ་གནམ་ལ་ཁྱབ་སོང་།
ཞོགས་ཉི་ཡིས་ནེམ་པའི་གཞུང་ལམ་སྟེང་ནས་བཙན་པོའི་རུ་དཔུང་བཞིན་བཞུར་ཡོང་བའི་དཔུང་སྣ་མཐོང་དུས། སྔར་གྱི་ཙོང་ཁའི་སྐྱེས་རི་ལྟ་བུའི་ལོ་རྒྱུས་ཀྱི་མཐོ་ས་རུ། བསྟན་པའི་མེ་རོ་སྨད་ནས་གསོས་ཞེས་གསོན་སྙིང་ལྷེམ་ལྷེམ་བྱེད་བཞིན་ཐུར་དུ་དཔྱངས་པའི་ཡིག་འབྲུ་འདི་དག་ལྷང་ངེར་མིག་ལམ་དུ་འཁོར་ལ། ལ་རྒྱ་དང་གདེང་སྤོབས་ཀྱིས་ཕྱུག་པའི་ལང་ཚོའི་རང་སྣང་ཞིག་ཀྱང་མངོན་པར་གསལ་ཡོང་མོད། ལོ་རྒྱུས་དེ་དེ་ཁོ་ན་ཙམ་མིན་པར། བསྟན་པའི་མེ་རོ་སྨད་ནས་གསོས་ཏེ་སྟོད་ནས་འབར་ཞེས་གྲགས་པ་དེ་ཡང་། ད་ནི་ལོ་རྒྱུས་དེ་དེ་ལྟར་བསྐྱར་ལོག་རྒྱག་ཐུབ་པའི་དཔའ་སྙིང་སུ་ལ་ཡོད་ཨང་།

དེ་ལས་མང་བ་། “རིགས་ཀྱི་མྱུ་གུ་སྨད་ནས་རྒྱས།” »

རྩོམ་པ་པོ། ཤར་ཕྱོགས་ཁུག་རྟ།
ཡོང་ཁུངས། བོད་གཞུང་དྲ་བ། ༢༠༡༠། ༡༠། ༢༦།

ཆོས་དད་རང་དབང་ཡིན་མིན་ནི་ཆོས་ཀྱི་བྱེད་སྒོར་རང་དབང་གིས་ཞུགས་ཆོག་མིན་ནས་ཐག་གཅོད་ཐུབ་ཀྱང་། ཆོས་ཀྱི་བྱེད་སྒོར་ཞུགས་སྟངས་ལ་ཆབ་སྲིད་དང་ཆོས་མེད་རང་ལུགས་གང་གིས་ཀྱང་སྟངས་འཛིན་བྱེད་ཐུབ་མེད་པ་ཞིག་ཡིན། ཆོས་ལུགས་སྤྱི་དང་བོད་བརྒྱུད་ནང་བསྟན་གྱི་གཞི་ལམ་འབྲས་གསུམ་ལ་ཤེས་ཚད་ཞན་པའི་རྒྱ་ནག་གཞུང་གིས་རྟག་ཏུ་ཚོད་བགམ་དང་འོལ་ཚོད་ཀྱིས་བོད་བརྒྱུད་ནང་བསྟན་ལ་ཁ་ལོ་བསྒྱུར་བསམ་གྱིན་ཡོད་ལ། དེ་ཡང་རྒྱ་ནག་གཞུང་གིས་འཇིག་རྟེན་གྱི་ཤེས་བྱ་ཡོད་དོ་ཅོག་མིའི་རིག་པའི་རྒྱ་ལས་མི་བརྒལ་བར་བསམ་པས་ལན་ཞིང་། ལྷག་ཏུ་སྲིད་དོན་གྱི་ཚོར་སྐྱེན་ཟབ་མོས་བློ་མིག་སྒྲིབ་དྲགས་ཏེ་རིག་པ་དང་གནས་ལུགས་ལ་གོམས་སྐལ་མ་བྱུང་བས། ནམ་ཡང་དངོས་དོན་དང་མཐུན་པའི་བགྲོ་གླེང་བྱེད་རོགས་ཡོང་རེ་བྲལ་ཡང་། བོད་མི་རིགས་ཀྱི་ཚེ་སྲོག་གི་གྲུབ་ཆ་གཙོ་བོར་གྱུར་བའི་ནང་དོན་རིག་པ་འཛིན་སྐྱོང་གནང་རིམ་ནི་ཁོང་ཚོར་བཟང་སྤྱོད་དང་བཅས་གསལ་བཤད་བྱེད་དགོས་པ་ཞིག་ཏུ་མཐོང་ལ། གཤམ་ཏུ་བཤད་རྒྱུའི་གནད་དོན་འདི་དག་ལ་བརྩི་བཀུར་དང་ལག་ལེན་ཚུལ་བཞིན་བྱས་ན་ད་གཟོད་ང་ཚོས་ཆོས་དད་རང་དབང་ཞེས་པའི་མིང་ཚིག་འདིར་སྲོག་དབང་ཞུགས་ནུས་པ་རྟོགས་ཐུབ།
༡ གཙུག་ལག་ཁང་ངམ་དགོན་པ་འདེབས་ཚུལ་ནི་རང་སྣང་གང་དྲན་ཞིག་མིན།

དེ་ལས་མང་བ་། “རྒྱ་གཞུང་གི་ཁྱད་ནོར “རིམ་བསྒྱུར་རྩད་རྫོགས” ཕྱིར་ཕྱུངས་ཏེ། ཆོས་དད་རང་མོས་ལ་མཛུབ་སྟོན་བྱེད་པ།” »

རྩོམ་པ་པོ། ཤར་ཕྱོགས་ཁུག་རྟ།
ཡོང་ཁུངས། བོད་གཞུང་དྲ་བ། ༢༠༡༠། ༡༠། ༢༦།

ཆོས་དད་རང་དབང་ཡིན་མིན་ནི་ཆོས་ཀྱི་བྱེད་སྒོར་རང་དབང་གིས་ཞུགས་ཆོག་མིན་ནས་ཐག་གཅོད་ཐུབ་ཀྱང་། ཆོས་ཀྱི་བྱེད་སྒོར་ཞུགས་སྟངས་ལ་ཆབ་སྲིད་དང་ཆོས་མེད་རང་ལུགས་གང་གིས་ཀྱང་སྟངས་འཛིན་བྱེད་ཐུབ་མེད་པ་ཞིག་ཡིན། ཆོས་ལུགས་སྤྱི་དང་བོད་བརྒྱུད་ནང་བསྟན་གྱི་གཞི་ལམ་འབྲས་གསུམ་ལ་ཤེས་ཚད་ཞན་པའི་རྒྱ་ནག་གཞུང་གིས་རྟག་ཏུ་ཚོད་བགམ་དང་འོལ་ཚོད་ཀྱིས་བོད་བརྒྱུད་ནང་བསྟན་ལ་ཁ་ལོ་བསྒྱུར་བསམ་གྱིན་ཡོད་ལ། དེ་ཡང་རྒྱ་ནག་གཞུང་གིས་འཇིག་རྟེན་གྱི་ཤེས་བྱ་ཡོད་དོ་ཅོག་མིའི་རིག་པའི་རྒྱ་ལས་མི་བརྒལ་བར་བསམ་པས་ལན་ཞིང་། ལྷག་ཏུ་སྲིད་དོན་གྱི་ཚོར་སྐྱེན་ཟབ་མོས་བློ་མིག་སྒྲིབ་དྲགས་ཏེ་རིག་པ་དང་གནས་ལུགས་ལ་གོམས་སྐལ་མ་བྱུང་བས། ནམ་ཡང་དངོས་དོན་དང་མཐུན་པའི་བགྲོ་གླེང་བྱེད་རོགས་ཡོང་རེ་བྲལ་ཡང་། བོད་མི་རིགས་ཀྱི་ཚེ་སྲོག་གི་གྲུབ་ཆ་གཙོ་བོར་གྱུར་བའི་ནང་དོན་རིག་པ་འཛིན་སྐྱོང་གནང་རིམ་ནི་ཁོང་ཚོར་བཟང་སྤྱོད་དང་བཅས་གསལ་བཤད་བྱེད་དགོས་པ་ཞིག་ཏུ་མཐོང་ལ། གཤམ་ཏུ་བཤད་རྒྱུའི་གནད་དོན་འདི་དག་ལ་བརྩི་བཀུར་དང་ལག་ལེན་ཚུལ་བཞིན་བྱས་ན་ད་གཟོད་ང་ཚོས་ཆོས་དད་རང་དབང་ཞེས་པའི་མིང་ཚིག་འདིར་སྲོག་དབང་ཞུགས་ནུས་པ་རྟོགས་ཐུབ།
༡ གཙུག་ལག་ཁང་ངམ་དགོན་པ་འདེབས་ཚུལ་ནི་རང་སྣང་གང་དྲན་ཞིག་མིན།

དེ་ལས་མང་བ་། “རྒྱ་གཞུང་གི་ཁྱད་ནོར "རིམ་བསྒྱུར་རྩད་རྫོགས" ཕྱིར་ཕྱུངས་ཏེ། ཆོས་དད་རང་མོས་ལ་མཛུབ་སྟོན་བྱེད་པ།” »

རྩོམ་པ་པོ། ཤར་ཕྱོགས་ཁུག་རྟ།
ཡོང་ཁུངས། བོད་གཞུང་དྲ་བ། ༢༠༡༠། ༡༠། ༦།
ཀྲུང་གོའིི་བོད་ལྗོངས་དྲ་བ་ཞེས་པར་༢༠༠༩ཟླ་༣ཚེས་༦ཉིན་བུན་པེ་ཧྲི་ཟེར་བ་ཞིག་གིས་ཛྲ༸གོང་ས་མཆོག་ནས་བོད་ཀྱི་རིག་གནས་རྩ་མེད་གཏོང་གི་འདུག་ཟེར་བ་ནི་དོན་དངོས་རྒྱབ་བསྐྱུར་གྱི་ཁུངས་མེད་གཏམ་འཆལ་ཞིག་རེདཛྲ་ཅེེས་པའི་རྩོམ་ཡིག་ཞིག་བྲིས་ཡོད་ལ། དེའི་ནང་ཁོང་གིས་ཛྲལོ་༥༠རིང་བོད་ཀྱི་སྲོལ་རྒྱུན་རིག་གནས་སྲུང་སྐྱོབ་དར་རྒྱས་བྱུང་བ་དང་འབྲེལ་ཆོས་དད་རང་མོས་ལ་བརྩི་བཀུར་གང་ལེགས་ཐོབ་ཡོད་པར་ཛྲབཤད་ཡོད། རིག་གནས་ངོས་འཛིན་གནང་ཕྱོགས་ཐད་སྐུ་ཞབས་བུན་པེ་ཧྲི་དང་གཞི་མཐུན་མེད་ས་ཞིག་ནི་ནང་དོན་རིག་པ་རེད། ནང་དོན་རིག་པ་དང་བོད་པའི་འབྲེལ་བ་ནི་ལོ་རྒྱུས་ཙམ་ཞིག་མིན་ལ། དེ་ནི་མི་ཞིག་ལ་མཚོན་ན་དེའི་གཟུགས་པོ་གྲུབ་བྱེད་ཤ་ཁྲག་གི་འབྲེལ་བ་ལས་ཀྱང་ཟབ་པས། སྐུ་ཞབས་བུན་པེ་ཧྲིས་བོད་ཀྱི་ནང་དོན་རིག་གནས་ཐད་དཔྱད་གླེང་སྤེལ་དུས་ཤེས་ཡོན་ཅན་གྱི་རང་ཚུགས་ཤོར་འདུག་པ་ང་ཚོས་མཐོང་གསལ་རེད། དེ་ནི་ཁོང་གིས་ནང་དོན་རིག་གནས་ཆོས་ལུགས་ཙམ་གྱི་ངོ་བོ་ཁོ་ནར་འཇོག་ཅིང་། ཆོས་དད་རང་མོས་ནི་ལམ་སྲོལ་ཙམ་ལ་ལྟ་བ་དེ་རེད།

དེ་ལས་མང་བ་། “རིག་གནས་རྩ་མེད་བཏང་བ་ཟེར་བ་དེ་རྫུན་གཏམ་ཁྱོན་ནས་མ་རེད།” »

(བོད་སྐད་ཡིག་རྒྱུད་འཛིན་ཚོགས་པའི་བགྲོ་གླེང་སྟེང་གི་བདག་གི་སྐད་ཆའི་ནང་དོན་ཡི་གེར་ཕབ་པ།)

སྐལ་བཟང་ཉི་མ། ཤེས་རབ་དགའ་ཚལ་གླིང་།

སྤྱིར་འཛམ་གླིང་ཁྱོན་ཡོངས་ཀྱི་སྐད་ཡིག་ལོ་རྒྱུས་ཀྱི་རྒྱུན་རིང་པོ་རེད་ལ། བོད་སྐད་ཡིག་རང་གི་སྟེང་ནས་ཀྱང་ལོ་རྒྱུས་རིང་པོ་ཞིག་བྱུང་ཚར་བས། བོད་སྐད་ཡིག་ལའང་སྐད་ཡིག་གཞན་དང་གཞན་ལྟར་ལོ་རྒྱུས་ཀྱི་རྨང་རྡོ་བརྟན་པོ་ལྡན་མོད། ལོ་རྒྱུས་ཀྱི་ཆོས་ཉིད་ཇི་བཞིན་བོད་སྐད་ཡིག་གི་ལོ་རྒྱུས་དེ་ཐམས་ཅད་ཡག་པོ་ཁོ་ན་མིན་ལ། སྡུག་པོ་རྐྱང་རྐྱང་ཡང་མིན་དུས། ཡག་སྡུག་གཉིས་ཀྱི་ལོ་རྒྱུས་ལ་ཕྱིར་མིག་བལྟས་ཏེ་ད་ལྟ་དང་མ་འོངས་པའི་ལམ་དུ་ཞུགས་དགོས།
དེ་བས་ལོ་རྒྱུས་བདོ་བ་ཙམ་གྱིས་མི་ཆོག་པར་ལོ་རྒྱུས་ལ་ལྟ་ཤེས་དགོས། གལ་སྲིད་རང་རེའི་མི་རིགས་འདི་ལོ་རྒྱུས་ལ་ལྟ་ཤེས་མཁན་གྱི་མི་རིགས་ཤིག་ཡིན་ཚེ། སྐད་ཡིག་གི་ཐད་ནས་ད་ནི་ང་ཚོས་བཙན་པོ་ཁྲི་སྲོང་སྐབས་ཀྱི་བསམ་ཡས་སྒྲ་སྒྱུར་གླིང་གི་ལོ་རྒྱུས་ཀྱི་ནང་དོན་ཧྲིལ་བོར་ལྟ་དགོས། གང་ལགས་ཤེ་ན། བསམ་ཡས་སྒྲ་སྒྱུར་གླིང་གི་ལོ་རྒྱུས་ཀྱིས་ང་ཚོའི་སྐད་ཡིག་ལ་ནང་ནོམ་གྱ་ནོམ་པ་བསྐྲུན་པ་རེད་ལ། བསམ་ཡས་སྒྲ་སྒྱུར་གླིང་གི་ལོ་རྒྱུས་ཀྱིས་ང་ཚོའི་སྐད་ཡིག་གི་བང་མཛོད་དུ་འཛད་དུ་མེད་པའི་ཤེས་བྱའི་གཏེར་སྦས་པས།

དེ་ལས་མང་བ་། “ང་ཚོས་འཐུས་ཤོར་ལ་བཏང་པའི་བོད་སྐད་ཡིག་གི་རྩ་གནད་སྐོར།” »

མདོ་འདུམ་ཚང་།

བོད་ནང་དུ། བོད་ཀྱི་སྐད་ཡིག་གི་གནད་དོན་ཐད། སློབ་ཕྲུག་ཚོས་ཞི་བའི་ངོ་རྒོལ་བྱས།
དགེ་རྒན་ཚོས་ས་ཡིག་བསྡུས་ནས་གཞུང་ལ་ཞུ་གཏུགས་བརྒྱབ། བོད་རིགས་ལས་བྱེད་རྒན་པ་ཚོས་གཞུང་ལ་བསམ་ཚུལ་བཤད།
བཙན་བྱོལ་དུ། མི་མང་རྣམས་བོད་ཀྱི་ཨོ་བྷ་མའི་ཁ་ལ་འཐོམས་ནས་ཡོད། འོན་ཀྱང་། བོད་ཀྱི་ཨོ་བྷ་མའི་ཁ་ནས་བོད་ཀྱི་སྐད་ཡིག་ཟེར་བ་དེ་ཐོན་མེད།
མ་འོངས་པའི་ལོ་ལྔའི་ནང་། བོད་ཀྱི་སྐད་ཡིག་གི་གནས་སྟངས་སླར་གསོ་བྱེད་ཀྱི་ཡིན་ཟེར་མཁན་གྱི་ཨོ་བྷ་མ་ཞིག་ང་ཚོར་མེད།
བཙན་བྱོལ་དུ། བོད་ཀྱི་སྐད་ཡིག་གི་གནས་སྟངས་དེ་ཉམས་ང་བ་ཞིག་ཡིན། དངོས་ཡོད་གནས་ཚུལ་འདི་གཟིགས་པའི་ཐོག་ནས།
འདིའི་ཐོག་ཕྱག་ལས་གནང་གི་ཡིན་ཟེར་མཁན་གྱི་ཨོ་བྷ་མ་ཞིག་ང་ཚོར་མེད། ང་ཚོའི་ཨོ་བྷ་མས་ང་ཧར་བ་སྒྲི་ནས་ཡིན། ང་ལ་ལག་འཁྱེར་འདི་ཡོད།
ཟེར་བ་ལྟ་བུ་ཞིག་མ་གཏོགས་ཟེར་རྒྱུ་མེད་པར་བསྡད་ཡོད། ད་དུང་། མཚམས་མཚམས་ལ། ང་ཚོའི་ཨོ་བྷ་མས་དབྱིན་ཡིག་དང་བོད་ཡིག་གི་ཐོག་ལ་རྩོམ་སྤེལ་གྱི་ཡོད།
འོན་ཀྱང་། ྐློག་མཁན་ལགས། བོད་ཀྱི་ཨོ་བྷ་མས་བོད་ཡིག་འབྲི་ྐློག་རང་རྐྱང་ཐུབ་བམ། ཨ་རིའི་ཨོ་བྷ་མས་འབྲི་ྐློག་རང་རྐྱང་ཐུབ་པས་མ་ཚད། དེབ་ཀྱང་བརྩམས་ཡོད།
བརྩམས་པ་དེ་ཚོ་ཡང་སྐད་གྲགས་ཆགས་ནས་ཡོད། འོ་ན། བོད་ཀྱི་ཨོ་བྷ་མ་ག་འདྲ་ཡིན་ན། བོད་ཀྱི་ཨོ་བྷ་མར་བོད་ཡིག་འབྲི་ྐློག་རང་རྐྱ་འཕར་བ་ཞིག་མེད།
མེད་པ་དེ་མཁྱེན་མཁན་ཉུང་ཤས་ཤིག་ཡིན། ཨ་རིར་སྡོད་མཁན་ཚོས། བོད་ཀྱི་ཨོ་བྷ་མའི་མི་གཤིས་དང་ཤེས་ཡོན་གཉིས་ཀར་རྒྱུས་ཡོད།
འོན་ཀྱང་། རྒྱ་གར་དུ་སྡོད་མཁན་ཚོ་ད་དུང་ཡང་བོད་ཀྱི་ཨོ་བྷ་མའི་གཏམ་བཤད་ལ་མགོ་འཁོར་ནས་ཡོད།

དེ་ལས་མང་བ་། “བོད་ཀྱི་ཨོ་བྷ་མ་དང་བོད་ཡིག” »

འཇིགས་མེད་བཀྲ་ཤིས་ཀྱིས།
༄༅།། མདང་དགོང་ཨ་རིའི་བོད་སྐད་བརྙན་འཕྲིན་ནང་སྐད་ཡིག་སྲུང་སྐྱོབ་བྱེད་ཐབས་སྐོར་བགྲོ་གླེང་གནང་སྐབས། སློབ་གྲྭའི་སློབ་ཚན་ཁག་བོད་ཡིག་ཐོག་སློབ་ཁྲིད་གནང་དགོས་ཚུལ་དང། སློབ་གྲྭའི་དགེ་རྒན་དང་སློབ་ཕྲུག་གི་ཕ་མས་ཕྲུ་གུ་ཚོར་རྒྱུན་དུ་བོད་སྐད་གཙང་མ་བཤད་དགོས་པ། ཅ་དངོས་གསར་པའི་མིང་བོད་ཡིག་ཐོག་འབྲི་ཞིང་བརྗོད་དགོས་ཚུལ་སོགས་མང་པོ་ཞིག་གསུངས་སོང། ད་རུང་གཅིག་ནི། དྲ་ལམ་ཁག་ཏུ་བོད་ཡིག་བཀོལ་སྤྱོད་བྱེད་བཞིན་པ་འདིས་སྐད་ཡིག་སྲུང་སྐྱོབ་ལ་ཕན་ནུས་ཆེན་པོ་ཐོན་ཚུལ་གསུངས་སོང། ངས་འདི་ལ་གཟབ་གཟབ་གནང་དགོས་ཀྱི་འདུག་ཟེར་གྱི་ཡོད། གང་ཡིན་ཞེ་ན། དྲ་ལམ་ཁག་ཏུ་བོད་ཡིག་གི་དག་ཆ་དང་ཚིག་སྦྱོར་མ་ནོར་བ་སྤེལ་ན་ཕན་ཐོགས་ལོས་ཡོད་མ་གཏོགས། ཡིག་ནོར་བརྡ་ནོར་མང་པོ་ཞིག་སྤེལ་བསྡད་པ་ཡིན་ན་ཕན་ལས་གནོད་ཆེ་བ་མངོན་སུམ་དུ་གྲུབ་པས། དྲ་ལམ་དུ་བོད་ཡིག་བྲིས་པ་ཙམ་དང་ཁྱབ་གདལ་སོང་བ་ཙམ་གྱིས་བོད་ཀྱི་སྐད་ཡིག་ལ་ཕན་མིན་ཐེ་ཚོམ་རེད། མ་གཞི་ཟླ་སྔོན་མའི་ནང་ནས་བཟུང་བོད་ཕྱི་ནང་གཉིས་ཀར་སྐད་ཡིག་སྲུང་སྐྱོབ་སྐོར་ཚ་རླབས་ཤིག་འཕྱུར་བ་རེད།

དེ་ལས་མང་བ་། “དྲ་ལམ་དུ་བོད་ཡིག་དག་མོ་འབྲི་གལ་ཆེ།” »