ཨ་རིག་དགེ་མཐོང་།

ཉེ་ཆར་ཁོ་བོ་བཀའ་སྤྱིའི་ལས་འགུལ་ལ་དྭང་བླངས་སྒོ་ནས་མཉམ་ཞུགས་བྱས་ཡིན། སྐབས་དེར་ཚོར་སྣང་དག་ནི་གཅིག་རྗེས་གཉིས་མཐུད་བྱས་ཏེ་བསླེབས་ཡོང་གིན་འདུག་ལ། སོ་སོའི་འདོད་ཚུལ་ལྟར་ན་བཀའ་སྤྱི་དང་གཞུང་གིས་ལས་འགུལ་འདི་ལྟ་བུ་ལས་ཅི་བྱེད་སྙམ་པ་སྐྱེས་སོང་། ལས་འགུལ་གྱི་ངོ་བོ་དང་རྣམ་པ་སྔར་བཞིན་རེད་ལ། སྔོན་མའི་ཚོགས་སྡེ་དག་གི་ལས་འགུལ་དང་མ་འདྲ་བའི་ཆ་ནི་སྐུ་མགྲོན་གལ་ཆེན་བཞི་བཅུ་ལྷག་ཅིག་གི་གསུངས་བཤད་དང་བོད་དོན་གླེང་བ་དེ་རེད། དེའི་ནང་དུ་གྲོས་ཚོགས་གོང་འོག་གི་གནད་ཡོད་མི་སྣ་དང་མངའ་སྡེ་བློན་ཆེན་ཟུར་བ། གྲགས་ཆེན་གསར་ཤོག་གྱི་རྩོམ་སྒྲིག་པ་ཟུར་བ་དང་གསར་འགོད་པ་རྙིང་གྲས། རྒྱུན་ལྡན་བོད་དོན་དུ་ལས་འགུལ་གང་བྱས་ལ་རྒྱབ་སྐྱོར་དང་མཉམ་ཞུགས་གནང་མཁན་གྱི་རིགས་ཚོ་རེད།

དེ་ལས་མང་བ་། “བྱང་ཆུབ་སེམས་མཆོག་དང་བོད་མི།” »

ཤར་ཕྱོགས་ཁུག་རྟ།
——
ལོ་འདིའི་ཟླ ༣ ཚེས ༡༦ ནས་དེ་རིང་ཟླ ༡༠ ཚེས ༢༧ བར་ཕ་ཡུལ་གངས་ཅན་ལྗོངས་སུ་རྒྱལ་གཅེས་དཔའ་བོ་དཔའ་མོ་བཅུས་རང་ལུས་མེར་སྲེག་གི་གནས་ཚུལ་བྱུང་བ་དང་། གསེར་རྟ་ནས་ཞི་བའི་སྐད་འབོད་བྱེད་མཁན་ཚོར་མེ་མདའ་རྒྱབ་སྟེ་ཡན་ལག་གཅོད་དགོས་བྱུང་བ་དང་ཚེ་དབང་སྐྱིད་སོགས་བཙོན་འཇུག་བྱས་པ། ལྷ་སར་སྡེ་དགེ་རྫོགས་ཆེན་སྟོབས་ལྡན་གྱིས་ཁྲི་ཟུར་འཇུ་ཆེན་ལགས་ཀྱི་ཞེ་དགུའི་མཆོད་འབུལ་ཙམ་ཡང་བྱས་མ་ཆོག་པར་བཙོན་འཇུག་བྱས་པ། དེ་བཞིན་བཀུར་འོས་རྩོམ་པ་པོ་གྲགས་ཅན་མེ་ལྕེ་ལགས་དང་ངྷི་ཚ་དགོན་གྱི་དགེ་བཤེས་རྨོག་རུ་ཚུལ་ཁྲིམས་རྣམ་གཉིས་རིག་གནས་ལས་དོན་གནང་བཞིན་པའི་སྐབས་སུ་རྒྱ་གཞུང་དམག་མིས་བཙན་ཁྲིད་བྱས་པ་སོགས། ༢༠༠༨ ནས་ཉི་མ་དེ་རིང་བར་རང་རེའི་གངས་ཅན་པ་རྣམས་སྔར་ལས་ཉིན་གཅིག་ལའང་སེམས་བག་ལྷོད་པོ་བྱུང་མ་མྱོང་བའི་སྐབས་འདིར། ཕྲན་ཡང་ཚོར་བ་དེ་དག་གི་སྒུལ་ཤུགས་འོག་དེང་རབས་ཀྱི་ཁྱད་ཡོན་བླ་ན་མཐོ་བའི་བཀའ་ཁྲི་གསར་བར་རང་ནུས་མཉམ་སྤུངས་ཀྱི་ལྷག་བསམ་ཀུན་ནས་བསླངས་ཏེ་སེམས་ཚོར་ཡིག་གཟུགས་སུ་བྲིས་པ་ཁ་རྒྱ་ནག་ཏུ་གཏད་པ་རང་གཞུང་ལན་འདེབས་དྲ་བར་གསལ་བ་དེ་དག་དང་། ཁ་ནང་དུ་གཏད་པ་༼ བཀའ་བློན་འདི་གཉིས་ཀྱིས་ངར་༧པཎ་ཆེན་རིན་པོ་ཆེ་དྲན་བཅུག་སོང་༽ཞེས་པ་དང་༼ སེང་གེའི་བཀའ་ཤག་གི་མདུན་ལམ་༽བཅས་བོད་མི་ཚོར་བསམ་འཆར་གྱི་ཚུལ་དུ་ཕུལ་བ་ཡིན།

དེ་ལས་མང་བ་། “བོད་མི་ཚོར་སྤྲིངས་པའི་སེམས་འཕྲིན།” »

སྙན་བཟང་གཡུང་དྲུང་ཚེ་རིང་།
———-
ཉིན་འགའི་གོང་དུ་ལི་བྷི་ཡའི་དྲག་སྤྱོད་པ་ཚོས་རང་གི་སྲིད་འཛིན་ལ་མེ་མདའ་སྐག་སེ་བརྒྱབ་ནས་བསད་སོང་། ཁྲག་དམར་ལྷོག་ལྷོག་ཏུ་བཞུར་བ་མཐོང་། ཊུ་ནི་ཤ་ཡའི་སྲིད་འཛིན་དང་ཨི་ཇུབ་ཀྱི་འགོ་འཁྲིད་གཉིས་ཀྱིས་ཀྱང་སྲིད་དབང་བློས་བཏང་མེད་ན་ཚེ་བཙོན་དང་དམར་གསོད་གཉིས་ཀྱི་ལམ་ཁ་གང་རུང་ཞིག་ལས་གཞན་མེད་པ་རེད། ད་དུང་ཡང་ཨ་རབ་ཏུ་གསར་བརྗེའི་མེ་ལྕེ་མུ་མཐུད་དུ་འབར་གྱིན་འདུག འདི་ལས་གསལ་པོ་ཞིག་མཐོང་བ་ནི། ‘‘གསར་བརྗེ་’’ནི་མི་མང་གི་སྟོབས་ཤུགས་ཀྱིས་སློང་དགོས་པ་དང་། གསར་བརྗེ་ལ་བརྟེན་ནས་མི་མང་གི་རེ་འདུན་ཀྱང་རྣམ་པར་རྒྱལ་བཞིན་པ་དེ་རེད།

དེ་ལས་མང་བ་། “བསམ་ཚུལ་ཡིན་དཱ།” »

གསལ་ལེ་རྒྱལ།
སེང་གེ་བློ་བཟང་ལགས་གཅན་གཟན་དང་རི་དྭགས་ཀུན་གྱི་རྒྱལ་བོར་འོས་བའི་གྲོས་མཐུན་བྱུང་བ་ནས་བཟུང་། ཁོས་ཁྲི་ཐོག་ནས་འཕྲེང་བ་བཟུང་སྟེ་མ་ནི་འདོན་ཁུལ་གྱིས་ཁ་མུར་མུར་བྱས། དེ་ནི་སེང་གེའི་འཁྲབ་ཚན་ཞིག་ཡིན་པ་གཅན་གཟན་ཚང་མས་ཤེས་ཀྱིན་ཡོད་ནའང་རི་དྭགས་ཉམས་ཆུང་ཚོས་ཤེས་ཀྱིན་མེད་ལ་བྱ་བྱེའུ་འབའ་འབུ་ཚོས་དེ་བས་ཀྱང་ག་ལ་ཤེས།

བྱེའུ་ཁུག་རྟས་སེང་གེ་བློ་བཟང་ཚང་གི་ལྷས་རའི་ནང་ནས་བྱེའུ་ཚང་བཅས་ཏེ་རང་ལའང་རྒྱལ་བོ་དང་མགོན་སྐྱབས་ཡོད་པའི་ངོམས་སོ་བྱས། ཡིན་ནའང་ཁོས་རང་གི་ཁ་ནང་ནས་གྲག་གིན་པའི་ཅ་ཅོ་དེ་དག་གིས་སེང་གེ་བློ་བཟང་གི་ལྷིང་འཇགས་སྐྲོག་གིན་པ་ད་དུང་ཤེས་མེད་ལ་སེང་གེ་བློ་བཟང་གིས་ཀྱང་དེ་ནི་ཞོགས་པའི་ཅོང་བརྡ་ཙམ་གྱི་ཚབ་ཏུ་བཟུང་ཡོད། ཡིན་ནའང་ནང་མོ་དེར།

དེ་ལས་མང་བ་། “སེང་གེ་བློ་བཟང་དང་བྱེའུ་ཁུག་རྟ།” »

བསམ་གླིང་ཚེ་རིང་ལྷ་མོ།

མེ་ལྕེ་དེ་དག་ནི་སྡུག་བསྔལ་དང་སྡིག་སྒྲིབ་སྲེག་པའི་མེ་ལྕེ་ཞིག་ཡིན་པ་ལས་མེ་མུར་གྱི་རླུང་ཞིག་ག་ལ་ཡིན། རླབས་ཆེན་གྱི་མེ་ལྕེ་འདིས་འདས་ཟིན་པའི་སྨེ་བཙོག་ཐམས་ཅད་སྲེག་པར་བྱེད། འགྲན་ཟླ་བྲལ་བའི་མེ་ལྕེ་འདིས་ལྗན་ལྗིན་ཡོད་ཚད་རྨེག་མེད་དུ་གཏོང་ལ། སུམ་བཅུ་རྩ་གསུམ་གྱི་ལྷ་ཡུལ་ལའང་འཇིག་སྣང་བསྐུལ་སོང་ཞེས་ལྷ་ཕྲུག་གཞོན་ནུ་ཞིག་གིས་བཤད།

སྐབས་དེར་ལྷ་ཕྲུག་གཞོན་ནུ་གཞན་འགའ་རེས་དེ་ལྟར་བཤད། ནམ་རྒྱུན་ཡིན་ན་བསྐལ་པ་འཇིགས་པའི་དུས་འདིར་འབྱུང་བ་མེས་འཇིག་ཆུས་འཇིག་ཞེས་བཤད་སྲོལ་འདུག་ཀྱང་། དེང་གི་དུས་འདིར་བསྐལ་པ་འཇིག་པའི་དུས་མ་ཡིན་ཞེས་བཤད་པས་ལྷ་ཕྲུག་གཞོན་ནུ་གཞན་ཞིག་གིས། བསྐལ་བ་སྙིགས་མ་བདོ་བའི་དུས་དེར་བདག་ཅག་གི་ཡུལ་འདིར་མི་ཡུལ་ནས་ཐད་ཀར་མེ་ལྕེའི་འཁོར་ལོ་གཞོན་ཏེ་ཕེབས་མཁན་ཞིག་མེད་ཟེར།

དེ་ལས་མང་བ་། “ལྷ་ཡུལ་གྱི་གླེང་མོལ།” »

སློབ་དཔོན་འཇིགས་མེད་བློ་གྲོས་རྒྱལ་མཚན།

དམ་པའི་ཆོས་འཆད་ཉན་བྱས་པ་དང་། ཆོས་ཀྱི་དོན་ཤེས་པ་ནི་ཉོན་མོངས་པ་སྤོང་པའི་ཐབས་ཁོ་ན་ཡིན་པས། ལམ་གྱི་བདེན་པ་ལ་བརྟེན་ནས་ཀུན་ནས་འབྱུང་པ་སྤངས་པ་ཡིན་ཞིང་། དེ་ལ་བརྟེན་ནས་སྡུག་བསྔལ་བདེན་པ་རྒྱུ་འབྲས་དང་བཅས་པ་ཟད་ནས་འགོག་པའི་བདེན་པ་མངོན་དུ་གྱུར་པ་ཡིན་ནོ།། དེ་ལ་བཅོམ་ལྡན་འདས་ཀྱིས། འདོད་ཆགས་ཀྱི་ཕུང་པོ་རི་རབ་ཙམ་ཡང་སླ་ཡིས། ཞེ་སྡང་ནི་སྐད་ཅིག་གཅིག་ཀྱང་དེ་ལྟ་མ་ཡིན་ནོ།། ཞེས་གསུངས་པ་བཞིན་ཞེ་སྡང་ནི་ཉོན་མོངས་པ་རྣམས་ཀྱི་ནང་ནས་ཆེས་གདུག་རྩུབ་ཅན་གྱི་ཉོན་མོངས་པ་ཞིག་པས། ཐོག་མར་གདུག་རྩུབ་ཅན་གྱི་དགྲ་བོ་འདི་ཐོས་བསམ་སྒོམ་པའི་ཤེས་རབ་ཀྱིས་གཞོམ་པར་བྱའོ།།

དེ་ལས་མང་བ་། “བཟོད་པའི་མན་ངག” »

ཤཱཀྱའི་བུ་ནས།

༄༅།། རྔ་པ་ཀིརྟི་དགོན་པའི་དགེ་འདུན་པས་གཙོས་མདོ་སྟོད་སྨད་ཁུལ་གྱི་བོད་མི་གཞོན་སྐྱེས་རྣམས་ཀྱིས་བོད་མི་ས་ཡ་དྲུག་གི་རང་དབང་བདེ་སྐྱིད་ཀྱི་ཆེད་རང་ལུས་མེར་བསྲེགས་ཏེ་རང་སྲོག་འདོར་བཞིན་པ་འདི། རྒྱ་ནག་གཞུང་གིས་ནང་པའི་ལྟ་སྤྱོད་ལ་འགལ་ཚུལ་དང་དྲག་ལས་ཡིན་ཚུལ་དྲིལ་བསྒྲགས་བྱེད་བཞིན་པ་ནི་ནང་ཆོས་ཀྱི་གོ་རྟོགས་མེད་པ་དང་ཆབ་སྲིད་དགོས་དབང་གིས་འཁྱོག་བཤད་བྱས་པའི་རྫུན་གཏམ་ཞིག་ཡིན། གཞན་དོན་ཆེད་རང་ལུས་དང་རང་སྲོག་དོར་བ་ནི། ནང་པའི་ལྟ་སྤྱོད་དང་མི་འགལ་ཞིང༌། དྲག་སྤྱོད་ཕར་ཞོག་འཚེ་བའི་ལས་ཙམ་ཡང་མ་ཡིན་པ་ནི་ནང་པའི་གཞུང་ཆེན་མོ་རྣམས་དང་འཚེ་མེད་ཞི་བའི་ལམ་སྟོན་པ་རྣམས་ཀྱི་གསུང་ནས་ར་སྤྲོད་གསལ་པོ་བྱེད་ཐུབ།

དེ་ལས་མང་བ་། “གཞན་དོན་ཆེད་རང་ལུས་དང་རང་སྲོག་དོར་བ་ནི་འཚེ་བའི་ལས་མ་ཡིན།” »

གསལ་ལེ་རྒྱལ་གྱིས་ཕྷ་རན་སིའི་རྒྱལ་ས་ཕ་རེ་སི་ནས་ཨ་མ་དགུའི་ཚབ་ཏུ་བྲིས།

སུས་ཀྱང་ཚབ་བྱེད་མི་ཐུབ་པའི་ཨ་མའི་གཅེས་ཕྲུག་ཁྱོད་གང་ན་ཡོད། མི་ལ་ལས་བཤད་ན་ཁྱོད་ཀྱིས་སྟག་མོ་ལུས་སྦྱིན་གྱི་ལེའུ་གསར་བ་ཞིག་འབྲི་བཞིན་འདུག་ཟེར། ཨ་མའི་ལོ་ལོ་ཡིན། ང་ལ་དགོས་བ་ནི་སྟག་མོ་ལུས་སྦྱིན་གྱི་ལེའུ་གསར་བ་དེ་མིན་ལ། སངས་རྒྱས་ཀྱི་གོ་འཕང་ཞེས་སེམས་ཅན་གྱིས་ཡིད་སྨོན་བྱེད་ས་དེའང་མིན། ང་ལ་མཁོ་བ་ནི་ཁྱོད་ཁོ་ན་ཡིན། ཨ་མའི་གཅེས་ཕྲུག ཁྱོད་གང་ན་ཡོད།
མི་ལ་ལས་བཤད་ན་ཁྱོད་ཀྱིས་མི་རིགས་དང་རང་དབང་གི་ཆེད་དུ་རང་ལུས་མེ་ལ་སྦར་ཟིན་ཟེར། སྐད་ཆ་འདི་དག་མི་བདེན་པའི་གསོལ་བ་སྙིང་ནས་འདེབ་བཞིན་ཡོད། ང་ལ་མཁོ་པ་ནི་མི་རིགས་མིན་ལ་རང་དབང་ཡང་མིན། ང་ལ་མཁོ་བ་ནི་ཁྱོད་ཁོ་ན་ཡིན་པས། ང་ལ་བདེ་མོ་ཙམ་ཡང་མ་བཞག་པར་འདི་ལྟར་མི་རིགས་དང་རང་དབང་གི་ཆེད་དུ་འགྲོ་མི་སྲིད། ཨ་མའི་གཅེས་ཕྲུག་ཁྱོད་གང་ན་ཡོད།
ཁྱོད་མེད་པའི་ལོ་ཟླ་རིང་མོ་དང་ངའི་ཚེ་འཇུག་གི་ཉིན་མཚན་འདི་དག་ངས་ཇི་ལྟར་བསྐྱལ། ཁྱོད་ལ་དགོས་བ་ནི་མི་རིགས་དང་རང་དབང་ཡིན་ཡང་། ངས་མི་རིགས་ཞེས་པ་དེ་ཅི་ཞིག་ཡིན་མིན་དེ་མི་ཤེས་ལ། རང་དབང་ཞེས་བ་དེ་དེ་བས་ཀྱང་མི་ཤེས། ང་ལ་མཁོ་བ་ནི་ཁྱོད་ཁོ་ན་ཡིན། ཨ་མའི་གཅེས་ཕྲུག་ཁྱོད་གང་ན་ཡོད།

དེ་ལས་མང་བ་། “ཨ་མའི་གཅེས་ཕྲུག ཁྱོད་གང་ན་ཡོད།” »

ཆབ་བྲག་ལྷ་མོ་སྐྱབས།

རྒྱ་ནག་གུང་ཁྲན་ཏང་དང་དམག་དཔུང་གིས་༡༩༤༩ལོར་ཀྲུང་གོ་གསར་བའི་རྒྱལ་ཁབ་བཙུགས་པའི་རྒྱལ་སྟོན་དང་དུས་མཉམ་གངས་ཅན་བོད་ལ་ལོ་རྒྱུས་ཀྱི་གོད་ཆག་གསར་བ་ཞིག་གི་ལམ་སྣེ་བཏོད་ཅིང་ལམ་སྣེ་དེ་ཐབས་བརྒྱ་ཇུས་སྟོང་གིས་ཆེར་བསྐྱེད་དེ་བོད་ཀྱི་རྒྱལ་ས་ལྷ་སའི་སྙིང་ཁར་བརྟོལ། དུས་དེ་ནས་བཟུང་ས་ཡི་སྙིང་དང་མི་རིགས་ཀྱི་སྙིང་གཉིས་ཀ་ཚལ་བར་གཤགས་ཏེ་དུས་རབས་ཕྱེད་ལྷག་འདས་ཀྱང་གས་ཆག་ཏུ་སོང་བའི་སྙིང་དམར་པོ་དེ་གཉིས་ཀྱི་འཕར་རྩ་ནམ་ཡང་འཇགས་མྱོང་མེད། ས་གནས་ལ་ལར་སྲིད་གཞུང་གི་ཁང་པ་སོགས་ལ་མེ་རྒྱག་ཆུང་ངུ་རེ་དང་སྒོ་སྒེའུ་ཙམ་རེ་གཏོར་བཅོམ་གྱི་ཁུ་ཚུར་མང་པོ་ཞིག་ཀྱང་གཡུགས་མྱོང། དེ་དག་རེ་རེ་ལ་ཁག་དཀྲི་དང་བསྙོན་འཛུགས་དུ་མས་དྲག་གནོན་ཡ་ང་བ་དུ་མ་བྱས། ཁོ་ཚོས་མདའ་མཚོན་བཟུང་ཡོད་པས་ཁུ་ཚུར་ཕྱར་མཁན་དག་གནོན་ཐུབ་ངེས་ཀྱི་སྟོང་བསམ་བཅངས། (དཔེར་ན་གནམ་བདེ་སྒོ་མོ་ཆེའི་ཐང་ཆེན་གྱི་དྲག་གནོན་བཞིན་ཁུ་སིམ་མེར་འགྲོ་རྒྱུར་ཚོད་དཔག་བྱས།)དེ་རིང་ཁོ་པ་ཚོས་ཚོད་དཔག་དེ་ནོར་ཡོད་པར་ངོས་ཟིན་འཐོབ་པའི་ཆོ་ག་གསར་བ་ཞིག་མཐོང་ཡོད།
རྒྱ་གར་དུ་རྒྱ་གཞུང་ལ་མེ་གཏོང་དང་གཏོར་བཅོམ་སོགས་ཀྱི་བྱ་བ་རྩོམ་ས་མེད་ན་ཡང་རྒྱ་གཞུང་གི་དཔོན་ངན་མང་པོ་ཞིག་གི་འདྲ་གཟུགས་གང་མང་ཞིག་བསྲེགས་ཡོད།

དེ་ལས་མང་བ་། “"རྔ་ཆེན་རོལ་དབྱངས།" དེ་རིང་གི་བསྒྲགས་ཡིག” »

ཆབ་བྲག་ལྷ་མོ་སྐྱབས།

རྒྱ་ནག་གུང་ཁྲན་ཏང་དང་དམག་དཔུང་གིས་༡༩༤༩ལོར་ཀྲུང་གོ་གསར་བའི་རྒྱལ་ཁབ་བཙུགས་པའི་རྒྱལ་སྟོན་དང་དུས་མཉམ་གངས་ཅན་བོད་ལ་ལོ་རྒྱུས་ཀྱི་གོད་ཆག་གསར་བ་ཞིག་གི་ལམ་སྣེ་བཏོད་ཅིང་ལམ་སྣེ་དེ་ཐབས་བརྒྱ་ཇུས་སྟོང་གིས་ཆེར་བསྐྱེད་དེ་བོད་ཀྱི་རྒྱལ་ས་ལྷ་སའི་སྙིང་ཁར་བརྟོལ། དུས་དེ་ནས་བཟུང་ས་ཡི་སྙིང་དང་མི་རིགས་ཀྱི་སྙིང་གཉིས་ཀ་ཚལ་བར་གཤགས་ཏེ་དུས་རབས་ཕྱེད་ལྷག་འདས་ཀྱང་གས་ཆག་ཏུ་སོང་བའི་སྙིང་དམར་པོ་དེ་གཉིས་ཀྱི་འཕར་རྩ་ནམ་ཡང་འཇགས་མྱོང་མེད། ས་གནས་ལ་ལར་སྲིད་གཞུང་གི་ཁང་པ་སོགས་ལ་མེ་རྒྱག་ཆུང་ངུ་རེ་དང་སྒོ་སྒེའུ་ཙམ་རེ་གཏོར་བཅོམ་གྱི་ཁུ་ཚུར་མང་པོ་ཞིག་ཀྱང་གཡུགས་མྱོང། དེ་དག་རེ་རེ་ལ་ཁག་དཀྲི་དང་བསྙོན་འཛུགས་དུ་མས་དྲག་གནོན་ཡ་ང་བ་དུ་མ་བྱས། ཁོ་ཚོས་མདའ་མཚོན་བཟུང་ཡོད་པས་ཁུ་ཚུར་ཕྱར་མཁན་དག་གནོན་ཐུབ་ངེས་ཀྱི་སྟོང་བསམ་བཅངས། (དཔེར་ན་གནམ་བདེ་སྒོ་མོ་ཆེའི་ཐང་ཆེན་གྱི་དྲག་གནོན་བཞིན་ཁུ་སིམ་མེར་འགྲོ་རྒྱུར་ཚོད་དཔག་བྱས།)དེ་རིང་ཁོ་པ་ཚོས་ཚོད་དཔག་དེ་ནོར་ཡོད་པར་ངོས་ཟིན་འཐོབ་པའི་ཆོ་ག་གསར་བ་ཞིག་མཐོང་ཡོད།
རྒྱ་གར་དུ་རྒྱ་གཞུང་ལ་མེ་གཏོང་དང་གཏོར་བཅོམ་སོགས་ཀྱི་བྱ་བ་རྩོམ་ས་མེད་ན་ཡང་རྒྱ་གཞུང་གི་དཔོན་ངན་མང་པོ་ཞིག་གི་འདྲ་གཟུགས་གང་མང་ཞིག་བསྲེགས་ཡོད།

དེ་ལས་མང་བ་། ““རྔ་ཆེན་རོལ་དབྱངས།” དེ་རིང་གི་བསྒྲགས་ཡིག” »

འབྲོང་ངུར་བསྟན་འཛིན་ལམ་བཟང་།
༡༽ མཚམས་སྦྱོར།
ཤེས་ པ་རྣལ་དུ་གནས་པའི་མི་བུ་ཞིག་ཡིན་ནས་བཟུང༌། བདེ་སྐྱིད་དང་སྟོབས་འབྱོར་འདོད་ཀྱི་ཡོད་ལ་བདེ་སྐྱིད་དང་སྟོབས་འབྱོར་གྱི་རྩ་ བ་སློབ་གསོ་ལ་རག་ལས་པ་དང་སློབ་གསོའི་འབྱུང་ཁུངས་སྐད་ཡིག་ཡིན་ལ། སྐད་ཡིག་གཉིས་ནི་སྒྲ་རིག་པའི་གཞུང་ལ་ལྟོས་པར་ཁྱེད་ཅག་གིས་ཤེས་ཡོད་ཤག་རེད། གཞན་དུ་གཞུང་ལས། བསླབ་པ་ཀུན་ཀྱི་གཞི་འཛིན་ཅིང༌། །རིག་བྱེད་སྨྲ་བ་རྣམས་ཀྱི་རྒྱུ། །མིང་ཚིག་བརྗོད་པ་ཀུན་ཀྱི་གཞི། །ཡི་གེའི་སྦྱོར་བ་་་་ཞེས་པའི་རྒྱབ་ལྗོངས་དང་གོ་དོན་སེམས་ཁོང་དུ་ཆུབ་ན་སྐད་ ཡིག་གི་རིན་ཐང་དང་བརྡ་སྤྲོད་ཀྱི་ནུས་པ་ཁྱོད་ཀྱིས་ད་གཟོད་མཐོང་ངེས་ཡིན། དེ་ལྟ་བས་ན། ང་ཚོས་བརྡ་སྤྲོད་དང་སྐད་ཡིག་ལ་མཐོང་ཆེན་དང་གུས་བརྩིའི་ཐོག་ཁྱབ་སྤེལ་གང་ནུས་ བཅས་སྲུང་སྐྱོབ་ཀྱང་བགྱིད་པ་གལ་ཆེན་མཐོང་སྟེ།

དེ་ལས་མང་བ་། “བོད་མི་རིགས་ལ་བླ་སྲོག་གཅིག་ལས་མེད།” »

འཇིགས་མེ་ཚེ་རིང་།
ལོ་འདིར་བསྟུད་མར་བདེན་དོན་གྱི་ཆེད་དུ་རང་ལུས་མེར་བསྲེགས་གཏོང་མཁན་རྣམས་ཀྱིས་ནང་དོན་གཅིག་པའི་ངོ་རྒོལ་སྐད་འབོད་བྱས་ཏེ་ཁ་ཤས་སྐུ་ཚེ་འཕེན་པ་རྫོགས་སོང་། ཕྱི་ཟླ་དགུ་པའི་ནང་འཚོགས་པའི་བོད་མི་མང་སྤྱི་འཐུས་ལྷན་ཚོགས་ཀྱིས་རང་ལུས་མེར་བསྲེགས་གནང་བའི་ཐད་”གདུང་སེམས་མཉམ་བསྐྱེད་”ཀྱི་གྲོས་ཆོད་ཅིག་བཞག་ཡོད་ཅིང་། གྲོས་ཆོད་དེའི་ནང་བྱེད་འོས་པའི་ཆེ་བསྟོད་མང་དག་ཅིག་བྱས་ཡོད། དེའི་རྗེས་སུ་བཀའ་སྤྱི་གཉིས་མཉམ་འབྲེལ་གྱིས་གསར་འགོད་གསལ་བསྒྲགས་བསྐྱངས་ཏེ་ཕྱི་ཟླ་༡༠ ཚེས་ ༡༩ཉིན་འཛམ་གླིང་གང་སར་ཡོད་པའི་བོད་མི་དང་བོད་དོན་རྒྱབ་སྐྱོར་བ་རྣམས་ཀྱིས་ཟས་བཅད་ངོ་རྒོལ་དང་མཆོད་འབུལ་སྨོན་ལམ་བྱེད་དགོས་པའི་འབོད་སྐུལ་གནང་འདུག ལོས་ཡིན། ང་ཚོ་ནི་འཐབ་རྩོད་པ་ཡིན་ཞིང་། དེ་ལས་ཀྱང་བདེན་དོན་དང་རང་དབང་འཐབ་རྩོད་པ་ཡིན།

དེ་ལས་མང་བ་། “མེར་བསྲེགས་རྗེས་ཀྱི་འཇིགས་སྣང་།” »

རྭ་རྒྱ་བློ་དབང་།
གཅིག་མེར་བསྲེགས་འདུག གཉིས་མེར་བསྲེགས་འདུག། གྲྭ་བ་བསྲེགས་འདུག།མི་སྐྱ་བསྲེགས་འདུག་སོགས་གཅིག་མིན་དུ་གོ་འོང་བའི་དུས་འདིར་ཅི་བྱ་གཏོལ་བྲལ་གྱི་ངང་ལ་གློ་སྙིང་མགོ་རྟིང་ལོག་ལ་ཁད་པ་རེ་བྱེད་ཀྱི་འདུག་མོད། དྲ་ཐོག་གི་ངོ་ཤེས་མི་ཤེས་ཀྱི་བོད་མི་ཚོའི་རྩ་ནས་སྐད་ཆ་ཡན་པོ་དག་ལ་ཉན་པ་དང་། རང་གི་ཁུ་བོར་མཐོང་ཐོས་སྐོར་རེ་ཁ་བརྡ་བྱ་རྒྱུ་ལས་ལྷག་པའི་ཐབས་ཤེས་མི་འདུག སྤྱིར་བཏང་བཤད་ན་གྲྭ་བ་ཞིག་གི་གཟུགས་འཆང་བའི་ཆ་ནས་མཆོག་གསུམ་ལ་གསོལ་འདེབས་དང་། ཡིག་དྲུག་སྒོམ་བཟླས་སོགས་བྱ་དགོས་པ་ཞིག་ལགས་ཀྱང་ཅིའི་རྐྱེན་ནམ་ཆ་མ་འཚལ་བར་དེ་འདྲ་བྱེད་པའི་བློ་མི་སྐྱེ་ལ། མཚམས་རེར་དེ་འདྲ་རེ་དྲན་ན་ཡང་ཡི་མུག་པའི་ཚོར་སྣང་སྐྱེན་པོ་ཞིག་གིས་དམིགས་པ་གཞན་ལ་དཀྱོགས་འགྲོ་བ་ཞིག་འདུག དེ་འདྲའི་ངང་ནས་ཉིན་མཚན་མང་ཙམ་འདས་ཤིང་། ལུས་སེམས་གཉིས་ཀ་ཟང་ཟིང་ལང་ལོང་གི་གནས་སྐབས་ཤིག་དང་འབྲལ་དུས་མེད་པར་གྱུར།

དེ་ལས་མང་བ་། “ཉིན་འདི་དག་གི་གོ་ཐོས།” »