ཀླུ་སྨྱོན་ཧེ་རུ་ཀ
ཟླ་བཞི་པ་ནི་སྙན་ངག་གི་ཟླ་བ་ཡིན།
འདས་པའི་ལོ་མང་པོ་ཞིག་གི་ཟླ་བཞི་པར།
རང་བྱུང་ཁམས་ཀྱི་མ་ཡུམ་རླབས་ཆེན་འདིས།
ཚེ་སྲོག་གི་མྱུ་གུ་གྲངས་ལས་འདས་པ་ཞིག་སྐྱེད་སྲིང་གནང་ཞིང་།
སྲོག་ཆགས་ཡོད་དོ་ཅོག་ཀྱང་ཟླ་བཞི་པའི་མཛེས་སྡུག་ལ་རོལ།
ཏོག་དབྱིབས་ནད་དུག་རྗེས་ཀྱི་འཛམ་གླིང་། (རྒྱལ་སྤྱིའི་གྲགས་རྩོམ)
རྫ་ཚེ་རིང་བཀྲ་ཤིས་ཀྱིས་བསྒྱུར།
བསྒྱུར་བ་པོའི་གཏམ།
དེ་ཡང་རྩོམ་ཡིག་འདི་ནི། སྐད་ཡིག་བཞི་བཅུ་ཞེ་ལྔར་བསྒྱུར་ཡོད་པའི་འཇིག་རྟེན་ན་སྙན་གྲགས་ཆེ་བའི་དེབ་《 འགྲོ་བ་མིའི་ལོ་རྒྱུས་མདོར་སྡུས་ 》 ཀྱི་རྩོམ་པ་པོ་ཡོའུ་ཝེལ་ནོཝཱ་ཧཱ་ར་རིས་ཀྱིས་བརྩམས་ཤིང་། བདུན་ཕྲག་སྔ་མའི་མཇུག་ཏུ་(2020/4/5) དཔལ་འབྱོར་དུས་བབ་ཏུ་བཀོད་པའི་རྒྱལ་སྤྱིའི་གྲགས་ཅན་རྩོམ་ཡིག་ཅིག་སྟེ། ད་ཐེངས་ཀྱི་ཏོག་དབྱིབས་ནད་དུག་དང་འབྲེལ་བའི་བསམ་གཞིག་གལ་ཆེན་ཞིག་ཀྱང་ཡིན།
དེ་ལས་མང་བ་། “ཏོག་དབྱིབས་ནད་དུག་རྗེས་ཀྱི་འཛམ་གླིང་། (རྒྱལ་སྤྱིའི་གྲགས་རྩོམ)” »
རྒྱ་གར་གློག་བརྙན་གྱི་གླུ་གཞས་ལེ་ཚན་གཉིས།
པདྨ་ཚེ་དབང་ཤཱསྟྲིས། ༢༠༢༠ ཟླ་༤ ཚེས་༦ ཉིན
རྒྱ་གར་གློག་བརྙན་(Qayamat Se Qayamat Tak) འཇིག་པ་ནས་འཇིག་པ་བར་ཞེས་པའི་གླུ།
Papa kehte hai bada nam karega,
Beta hamara aisa kam karega
Magar yeh toh koi na jane,
Ke mere manzil hai kahan
པ་ཕས་གསུངས་རྒྱུ་ལ། གྲགས་ཆེན་ཞིག་ཡོང་རྒྱུ་ཟེར།
ང་ཡི་བུ་དེས་ལས་འདི་འདྲ་བྱས་ཡོང་ཟེར།
འོན་ཀྱང་ང་ཡི་དམིགས་ཡུལ་གང་དུ་ཡོད།
དེ་ནི་སུས་ཀྱང་ཤེས་པར་མི་འགྱུར་རོ།
ཏོག་དབྱིབས་ནད་དུག་དང་འབྲེལ་ཆགས་ལམ་སྟོན།
སྨན་པ་བསྟན་འཛིན་གྲགས་པ།
ཁྱེད་རང་ལ་མ་བདེ་བ་ཡོད་ན་ཏོག་དབྱིབས་ནད་དུག་གི་ཁྱབ་གདལ་འགོག་པར་ཕན་ཐོག་ཡོད་པའི་ཐབས་ལམ་རྣམས་ནི།
གཤམ་གསལ་ཐབས་ལམ་རྣམས་ལ་བརྩི་འཇོག་བགྱིས། གལ་ཏེ་ཁྱེད་རང་ལ་ཏོག་དབྱིབས་ནད་དུག་ཡོད་པའམ། མེད་དམ་སྙམ་ན། ཁྱེད་རང་གི་ནང་དང་སྤྱི་ཚོགས་ནང་ལ་ཡོད་པའི་མི་རྣམས་སྲུང་ཞིང་སྐྱོབ་སླད་གཤམ་གསལ་ཐབས་ལམ་རྣམས་ལ་བརྩི་འཇོག་བགྱིས།
སྨན་བཅོས་ཀྱི་ལྟ་སྐྱོང་དགོས་ཀྱི་ཡོད་ན་མ་གཏོགས་ཁྱིམ་དུ་བཞུགས།
གོ་ལ་ཧྲིལ་བོའི་ནད་བཟློག་དམག་འགྱེད།
རླུང་དམར།
མེ་ཞོགས་ཀྱི་སྣང་བའི་གཙང་བོ་ཚ་ལུམ་ལུམ་གྱི་དུར་སྒམ་ཞིག་ཡིན་སོང
སྐྱོ་ཞིང་ན་བའི་ལུས་སེམས་ཀྱི་མནར་གཅོད་དེ
ངོ་སོ་མི་བལྟ་བའི་འདྲ་མཉམ་གྱི་ནད་འགོ་ལྕགས་ཚ་མ
གཉན་ནད་དེའི་ཕྱིར་གོ་ཧྲིལ་བོ་ནད་ཐར་དམག་འགྱེད་ལ་ཞུགས་ཏེ་འདུག
བླ་སྤྲུལ་ཚོས སེམས་གཙོ་ཞི་གནས་ལ་བརྩོན་པ་བྱོས་གསུངས
ལྷ་རྗེ་ཚོས གཙང་སྦྲ་འཕྲོད་བསྟེན་ལ་འབད་རོགས་ཟེར
ཏོག་དབྱིབས་ནད་དུག་གི་གཉེན་པོ་མི་ཐག་བར་གཅོད།
རྟ་དབྱངས་ཀྱིས་ཐད་བསྒྱུར་བྱས།
སྤྱི་ལོ་ 2020 ཟླ་ 4 ཚེས་ 5 ཉིན། (Johns Hopkins School of Medicine) ཇོན ་ཧོབ་ཀིན་གསོ་རིག་གཙུག་ལག་སློབ་གཉེར་ཁང་གིས་བསྒྲགས་པའི་གནས་ཚུལ་ལྟར་ན།
འཛམ་གླིང་རྒྱལ་ཁབ་བརྒྱ་དང་བརྒྱད་ཅུའི་ནང་དུ་ཏོག་དབྱིབས་ནད་དུག་དེ་ཁྱབ་ཅིང་། ནད་དུག་འགོས་པའི་མི་གྲངས་ཀྱང་ས་ཡ་གཅིག་ལས་བརྒལ་ཡོད་པ་བརྗོད།
དེ་ནས་ཁེ་ན་ཌའི་ (cbc news) གསར་ཁང་གིས་གནས་ཚུལ་སྤེལ་བར་གཞིགས་ན། དེ་རིང་ཨ་རིའི་ནང་དུ་ཏོག་དབྱིབས་ནད་དུག་འགོས་པའི་ནད་པ་
དེ་ལས་མང་བ་། “ཏོག་དབྱིབས་ནད་དུག་གི་གཉེན་པོ་མི་ཐག་བར་གཅོད།” »
ཀོ་རོ་ན་༡༩་ཏོག་དབྱིབས་ནད་ཡམས་ལ་དཔྱད་པའི་ཀ་བཤད་གཉིས་པ།
གཞུང་པ་ཚེ་དབང་བསོད་ནམས།
ཀོ་རོ་ན་༡༩་ཏོག་དབྱིབས་ནད་ཡམས་འདི།
ཁ་ཐག་ཉེ་འགྱང་མེད་པ་འཛམ་གླིང་ཁྱབ།
ག་ནས་བལྟས་ཀྱང་སྐལ་བའི་ནད་ཡམས་འདྲ།
ང་ཚོ་ཚང་མས་ཚོགས་བསགས་སྡིག་སྒྲིབ་སྦྱོངས།
ཅ་ཅོ་མང་བའི་སྟོང་གཏམ་ཉུང་ན་དགའ།
ཆ་འཇོག་ཡིད་ཆེས་ལས་འབྲས་རྟག་ཏུ་སྲུངས།
དེ་ལས་མང་བ་། “ཀོ་རོ་ན་༡༩་ཏོག་དབྱིབས་ནད་ཡམས་ལ་དཔྱད་པའི་ཀ་བཤད་གཉིས་པ།” »
ཁོག་རུལ་ན་ནད་ཡམས་མིན་ནམ།
ཁྲོ་གཏུམ།
སྐབས་དེར་ང་རང་ཁྱིམ་ལ་འཛུལ་ནས་ཡུན་རིང་འགོར
རླུང་ལྡང་གི་ཡོད་པ་ཤེས་དུས
ཁྱིམ་ལ་ལྷག་ཏུ་འཛུལ
བསེར་བུ་སྒོ་སྲུབས་ལས་ཐོན་ནའང་དོགས་པ་ཆེ
སྒོ་ཕྱི་ལ་སེམས་གཡེང་བར་འགྲོ་བ་སྐྲག
མི་ཚོགས་མཐུག་ས་ལ་དེ་བས་སྐྲག
མི་གཅིག་གཉིས་ཀྱི་བར་ཐག་ལ་ཧེ་བག་འཆོར་ན
ཁྱོད་རང་ང་ལ་དོགས་ཅིང་ང་རང་ཁྱོད་ལ་དོགས་པ་ཟ་དུས
ང་དང་ཆུང་འདྲིས་བྱམས་པ།
ཆང་སྐྱེས།
བདག་གིས་བརྩེ་བའི་རིན་ཐང་ཁྱེད་ལ་བཅོལ།།
ཁྱེད་ཀྱིས་དུངས་པའི་སེམས་པ་བདག་ལ་གཏད།།
ཁྱོད་དང་ང་ཡི་ཞེན་ཆགས་ཟབ་མོ་དེ།།
སྙིང་ལ་བཏབ་པའི་ལྷག་བསམ་དཀར་པོ་ཞིག།
ཁྱེད་ཀྱིས་འཛུམ་པའི་ཟུར་མིག་བདག་ལ་འཕངས།།
བདག་གིས་དགའ་བའི་རྣམ་འགྱུར་ཁྱེད་ལ་བསྟན།།
ཁྱོད་དང་ང་ཡི་སྙིང་གཏམ་སྙི་མོ་དེ།།
གནམ་མཁའི་ཟླ་བ་ལྷ་མོས་གོ་ནས་འདུག།
འགྲོ་བ་མིའི་བྱུང་རབས་སྙིང་བསྡུས།
ཡུ་བལ་ ནོཨ་ ཧ་ར་རིས་བརྩམས། ཐུབ་བསྟན་རྒྱལ་མཚན་གྱིས་བསྒྱུར།
ལེའུ་དང་པོ། ནང་བསམ་བློའི་གསར་རྗེ།
དང་པོ། ཁྱད་འཕགས་མིན་པའི་སེམས་ཅན།
ལོ་ངོ་ཐེར་འབུམ ༡༣་༥ ཙམ་གྱི་གོང་བེམ་གཟུགས་དང་། ནུས་པ། དུས། བར་སྣང་བཅས་ཐོག་མར་ཆོས་སུ་གྲུབ་ཅིང་། དེ་ལ་འབར་གས་ཆེན་པོ་ཞེས་གྲགས། དེ་ལྟ་བུའི་འཇིག་རྟེན་འདིའི་གཞི་རྩའི་ཁྱད་ཆོས་སྟོན་པའི་རྣམ་གཞག་དེ་ལ་དངོས་ཁམས་ཚན་རིག་ཟེར།
བེམ་གཟུགས་སོགས་གྲུབ་ནས་ལོ་ངོ་འབུམ་གསུམ་གྱི་རྗེས་སུ་
ནད་ཡམས་ནག་རིལ་མ།
ཆང་སྐྱེས།
ཏོག་དབྱིབས་གསར་བའི་ནད་ཡམས་ནག་རིལ་མ།།
སུ་དང་གང་གིས་འགོག་ཐབས་མ་བྱུང་བས།།
ནགས་ཚལ་ཆེན་པོ་མེ་ལ་ཤོར་བ་བཞིན།།
སུམ་གཉིས་ས་ཡི་གོ་ལ་ཕུང་ལ་སྦྱར།།
གང་གིས་བྱས་ཉེས་ལས་འཁྲུངས་ནད་འབུ་འདིས།།
ཉམ་ཆུང་ཚེ་སྲོག་མང་པོ་བཙན་གྱིས་འཕྲོག།
མི་མང་གྲངས་ལས་འདས་པ་འཇིགས་ལ་སྐུལ།།
ད་དུང་ཅི་ཞིག་འབྱུང་མིན་སུ་ཡིས་ཤེས།།
ཀ་བཤད་ཀོ་རོ་ན།
ར་ས་ཕོ་ཉས།
ཀ་ཡེ་ཀོ་རོ་ནི་ཡི་དུས་སྐབས་འདིར།།
ཁ་དང་ལག་པར་བདག་པོ་མ་རྒྱབ་པར།།
ག་ས་ག་ལ་འགྲོ་རྒྱུ་མང་དྲག་ན།།
ང་ཚོ་ཚང་མའི་ཚེ་སྲོག་འཕྲོག་ཡོང་ངོ་།།
ཅ་ལག་ལྕགས་གྱིག་སོགས་པ་རེག་པའི་རྗེས།།
ཆ་ཤས་རྫོགས་པའི་ལག་བཀྲུའི་བདེ་འཇགས་བསྟེན།།
ཇ་ཐང་རྩམ་པ་ཙམ་གྱིས་མི་ཕན་པས།།
ཉ་ཉོག་ཆུང་ཆུང་དེ་ཚོར་གཟབ་གཟབ་བྱོས།།
ཀོ་རོ་ནའམ་ཏོག་དབྱིབས་ནད་ཡམས་ལ་དཔྱད་པའི་ཀ་བཤད།
ཚེ་དབང་བསོད་ནམས།
ཀོ་རོ་ནའམ་ཏོག་དབྱིབས་ནད་ཡམས་ལ།
ཁ་དང་སྣ་ལ་ལག་པས་ཐུག་རྒྱུ་ཉུང།
ག་ས་ག་ལ་དོན་མེད་འགྲོ་རྒྱུ་སྤོངས།
ང་ཚོ་ཚང་མས་ལག་པ་ངེས་པར་འཁྲུད།
ཅ་ཅོ་མ་མང་རང་འགན་རང་གི་སྲུངས།
ཆ་རྒྱུས་མེད་པའི་མི་དང་ཐུག་འཕྲད་ཉུང།
ཇི་ལྟར་བསམ་ཀྱང་སྨན་བཅོས་མེད་པ་འདྲ།
ཉི་མའི་ཚ་དྲོད་འོག་ཏུ་ནད་འབུ་རྒུད།
དེ་ལས་མང་བ་། “ཀོ་རོ་ནའམ་ཏོག་དབྱིབས་ནད་ཡམས་ལ་དཔྱད་པའི་ཀ་བཤད།” »
ནགས་ཀླུང་ཁྲོད་ཀྱི་སྙན་ངག
ཀླུ་སྨྱོན་སྣ་ཚོགས་རང་གྲོལ། (ཨ་རི)
ནགས་ཀྱི་རི་དང་རྒྱ་མཚོའི་འགྲམ་ངོགས་དང་།།
སྙན་ངག་མཁན་གྱི་སྨྱུ་གུའི་རྩེར་བཞུགས་ཏེ།
སྲིད་པའི་གྲོང་ཁྱེར་བདེ་སྡུག་མ་ལུས་པ།།
མཛེས་སྡུག་གོང་བུར་སྒྱུར་བའི་དབྱངས་ཅན་མ།།
བདག་ནི་དེ་རིང་ནགས་ཀླུང་འགྲིམ་པར་བྲེལ།།
ནགས་ཀླུང་ཁྲོད་དུ་སྙན་ངག་འབྲི་བར་སྤྲོ།།
ལྷ་མོ་ཁྱོད་ཀྱང་དྲི་ཞིམ་རླུང་བུ་བཞིན།།
ནགས་ཀྱི་ཀློང་འདིར་བདག་གི་སྐྱོ་གྲོགས་མཛོད།།
དགའ་སྐྱོ་འདྲེས་མའི་ཁུ་སིམ།
བྱམས་པ་ལྷུན་གྲུབ།
གུང་ནད་བཅུ་དགུ་ཕྱོགས་ཀུན་ཁྱབ།།
མི་རྣམས་ནད་སྲུང་ཁྱིམ་འཛུལ་བྱེད།།
ཕྱི་རོལ་ཡོངས་རྫོགས་འཛམ་ཏིང་ངེ་།།
ཏིང་འཛིན་ཞི་བའི་དབྱིངས་ལ་འགྲན།།
མི་ཚོགས་བརྒྱ་ཕྲག་ཡོད་ཡོད་བཞིན།།
སུ་ཡང་གྲགས་འགུལ་མི་མངོན་འདི།།
ཉི་མ་འཆར་བའི་ཁྱད་ཙམ་ལས།།
ཁུ་སིམ་མཚན་དཀྱིལ་ལྟ་བུར་སྣང་།།
མི་ཤི་ནད་པ་ཁྲི་ཁྲི་འབུམ་འབུམ།
རླུང་དམར།
ཐག་ཉེ་ན ནད་དུག་ཞོགས་འོད་བཞིན་མིའི་རིགས་ལ་འགོས་ཁྱབ་བྱུང་གིན་འདུག
སེམས་དང་སེམས་པ་མནར་ཚེགས་ཀྱིས་བཙུར་ནས
གང་ཞིག་ནས་གཞའ་དགོས་སམ
གང་ཞིག་ལ་འགྲོ་དགོས་སམ
ཁ་དུག་ཆེ་བའི་ནད་ཡམས་འདི་རྩ་ཡལ་ལ་ཇི་ལྟར་འགྲོའང
ཟ་ཆས སྣོད་ཆས གྱོན་ཆས
གསོག་འཇོག་ལ་རེམ་པའི་སྐྱེ་འགྲོ་ཚོ
འདུར་ཟིང་གི་སྐྱོ་གར་ཇེ་མཐུ་ཇེ་ངན་རེད
ཁ་པར་ནང་གི་འདོད་སྤྱོད།
དགའ་བ་མཇེ་ཕྲུག
ཐུག་འཕྲད་ཀྱི་སྐུ་པས་མ་སྙོབ་ཀྱང་།།
རོོལ་མྱོང་གི་བྲོ་ཁ་རྙེད་ས་ཞིག །
འདོད་འཁུན་གྱིས་གཏམས་པའི་ཁང་ཆུང་འདི།།
མཛེས་སྡུག་གིས་བསྐྲུན་པའི་འཇིག་རྟེན་ཡིན།།
མྱི་ཁ་དང་མྱི་ངོས་མི་སྡང་བ།།
རྗེས་ཤུལ་ལ་གཏམ་ངན་མི་ལྷག་པའི།།
དེང་དུས་ཀྱི་ཡོ་ཆས་ཁ་པར་ནང་།།
ཁྱོད་རང་དང་ང་ལ་གཏམ་རྒྱུད་མང་།།
ནད་དུག་དེའི་དབང་མི་ལ་ཁོམ་པ་བྱུང་།
ཁྲོ་གཏུམ།
ནད་དུག་ཅིག་གིས་འཛམ་གླིང་ལ་ཉེན་བརྡ་སྤྲད་ཅིང
འཛམ་གླིང་གིས་ནད་དུག་དེ་བརྡ་འཕྲིན་གྱི་ངོ་བོར་བསྒྱུར
ནད་དུག་གི་མཇུག་འབྲས་སུ་བབས་པའི་རི་མོ་དེ་རིགས
འཕྲོད་བསྟེན་གྱི་འཇིག་སྐུལ་བ་ཞིག་ཏུ་གྱུར
རང་འདེམས་ཚོང་ཁང་གི་རི་བོ་ལས་དཔང་མཐོ་བའི་ཅ་དངོས་དག་སྟོང་པར་གྱུར
གཙང་ཤོག་སྡེ་ཚན་གྱི་ཐེམ་པ་དག་སྟོང་བར་ལྷག་སྟེ
གཙང་ཤོག་ཉོ་ན་ཚད་ཡོད་ཅིང
རིམ་བཞིན་འབྲས་དང་བྲོ་ཕྱེ་ཡང་དེ་ལྟར་སྒྲིག་གཞི་ལ་ཚུད
ཀ་རྩོམ་ཀོ་རོ་ན་གྲོལ།
བྱམས་པ་ལྷུན་གྲུབ།
ཀོ་རོ་ནར་གྲགས་རྒྱ་འབུ་དེ།།
ཁ་སྣ་གང་ནང་འཛུལ་བ་ན།།
ག་དུས་འཆི་མིན་མ་ངེས་པས།
ང་ཚོ་གཟབ་སྟེ་ཁ་རས་གོན།།
ཅ་ག་སྨན་སོགས་མཐུན་རྐྱེན་དག།
ཆ་ཚང་སྔོན་གྲབས་ལེགས་པར་བྱ།།
ཇ་རྩམ་མར་སོགས་ཟས་རྣམས་ཉར།།
ཉ་མོ་ཆུར་ལྟར་ནང་ལ་བཞུགས།།
ཞོགས་པ།
ཆང་སྐྱེས།
སྐྱ་རེངས་བུ་མོ་འཛུམ་པའི་ཟུར་མིག་གིས།།
འཁོར་ཡུག་རི་བོའི་རྨི་ལམ་ཡུན་གྱིས་སྒུལ།།
བཅུ་དྲུག་ཆུ་ལེན་བུ་མོའི་རྡོག་སྣེ་ན།།
རྩྭ་འགོའི་མུ་ཏིག་ཕྲེང་བ་ཕྱོགས་སུ་འཕྱོ།།
ལྕི་བ་མེ་ལ་སྒྲོན་པའི་འོད་སྣང་གིས།།
མཐིང་སྨུག་སྦྲ་ནག་གྲུ་བཞི་དྲོད་ཀྱིས་ཁེངས།།
བཞོ་དབྱངས་དགུང་ལ་སྤུར་བའི་རྩེ་མོ་ན།།
འོ་རྒྱུན་དཀར་མོའི་སྟངས་སྟབས་གར་ལ་བསྒྱུར།།