ང་ཚོའི་སྤྱི་ཚོགས་ནང་ལ། མི་གང་ཞིག་གི་ལྟ་སྤྱོད་ལ་མོས་མཐུན་མེད་ཚེ་མི་དེ་ལ་རྒྱ་མིའི་སོ་པ་ཡིན་པའི་དོགས་པ་ཟ་བའི་སྲོལ་རྒྱུན་ཞིག་ཆགས་ཡོད། ལོ་རབས་བརྒྱད་ཅུ་དང་དགུ་བཅུའི་ནང་ལ་རྡ་རམ་ས་ལའི་གཞིས་ཆགས་པ་རྣམས་ཀྱིས་གསར་འབྱོར་པ་ཞིག་གི་ལྟ་སྤྱོད་ཁོང་ཚོའི་བློ་ལ་མ་བབས་ཚེ་རྒྱ་མིའི་སོ་པ་ཟེར་བ་དེ་ནི་ཧ་ཅང་འབོད་སླ་བོ་ཞིག་ཡིན། དེང་སང་སྔོན་མ་ནང་བཞིན་རྒྱ་མིའི་སོ་པ་འབོད་མཁན་མང་པོ་མེད་ན་ཡང་ད་དུང་མཚམས་མཚམས་ལ་གོ་ཐུབ། ཉེ་ཆར་ཁ་བརྡའི་ནང་ལ་ཡང་དེ་ལྟར་འབོད་མཁན་འགའ་རེ་བྱུང་། སྤྱིར་བཏང་རྒྱ་མིའི་སོ་པ་ཞེས་བོས་དུས་དེ་ལ་ཁོང་ཁྲོ་ཆེན་པོ་ཞིག་ལངས་དགོས་ཀྱང་། རྡ་སའི་རྒད་པོ་རྣམས་ཀྱིས་རང་གི་མིག་ལ་མི་བདེ་བའི་གསར་འབྱོར་པ་རྣམས་ལ་དེ་ལྟར་བོས་བོས་ནས་མིང་ཚིག་དེ་ལ་ཁོང་ཁྲོ་སློང་བའི་ནུས་པ་ཡང་མེད་པར་གྱུར་ཡོད། ཡིན་ན་ཡང་དེང་སང་ཁ་བརྡའི་ནང་ལ་མིང་ཚིག་འདི་ཡང་སྐྱར་གྲགས་ཡོང་དུས། དེ་ནི་གོམས་སྟོབས་ཤིག་གིས་འབོད་ཀྱི་ཡོད་པ་མ་གཏོགས་ཡིད་ཆེས་ཤིག་གིས་འབོད་ཀྱི་ཡོད་པ་ལ་ཡིད་ཆེས་བྱེད་མི་ཐུབ། ཁ་བརྡའི་ནང་ལ་ཡོང་མཁན་མང་ཆེ་བ་ནི་བོད་ནས་ཡོང་མཁན་ཡིན་པས་རྒྱ་ནག་གི་གནས་ཚུལ་ཅུང་ཙམ་ཤེས་མཁན་དང་། དྲ་རྒྱའི་ཐོག་ལ་འབུད་ཀྱི་ཡོད་པས་རྒྱལ་སྤྱིའི་ཐོག་གི་གནས་ཚུལ་ཡང་གང་མཚམས་ཤེས་ཀྱི་ཡོད་པ་རེད། ཁོང་ཚོ་དང་ལོ་རབས་བརྒྱད་ཅུའི་ནང་གི་རྒད་པོ་རྣམས་དང་བསྡུར་ས་ཡོད་པ་མ་རེད།

དེ་ལས་མང་བ་། ““རྒྱ་མིའི་སོ་པ།”” »

རྔོན་པའི་བུ་ནས་བྲིས།

ལོ་རྒྱུས་ཀྱིས་འཚམས་སྦྱོར།
ལོ་བརྒྱ་ཕྲག་མང་པོར་ཆོས་སྲིད་ཟུང་འབྲེལ་སྒོས་འཛིན་སྐྱོང་གི་བོད་དབུས་གཙང་དང་སྟོད།ཁམས་ཁུལ་གྱི་ཡུལ་གྲུ་བསྐོར་ཅིག་བཅས་ནང་ལོ་རྒྱུས་ཀྱི་དུས་སྐབས་འདྲ་མིན་ནང་མན་ཆིན་དང་མི་སེར་རྒྱལ་ཁབ།ཨིན་ཇི་སོགས་ནས་བཙན་འཛུལ་ཐེངས་འགའ་བྱས་མིན་མ་ལྟོས་པར་ཕྱི་ལོ་༡༩༤༩ཙམ་བར་དུ་རང་བཙན་གཙང་མའི་ངོ་བོར་དོན་དངོས་སུ་རྒྱ་ནག་དང་འབྲེལ་མེད་ངང་གནས་ཐུབ་ཡོད། འོན་ཀྱང་།དེ་སྔ་བཙན་པོའི་རྒྱལ་དུས་སུ་བོད་ཁོངས་དང་བོད་འབངས་བསྙོན་མེད་ཡིན་པ་དང་ས་སྐྱའི་སྐབས་སུའང་སོག་པོའི་དབང་ཤུགས་འོག་གཅིག་གྱུར་བྱས་མྱོང་གི་ས་ཁུལ།མདོ་སྨད་ལྷོ་བྱང་བརྒྱུད་དང་ཁམས་ཤར་བརྒྱུད་ཀྱི་ས་ཁུལ་མང་པོ་ཅིག།དུས་རབས་༡༨ནང་བོད་གཞུང་དགའ་ལྡན་ཕོ་བྲང་གི་སྦྱིན་བདག་དང་རྒྱབ་རྟེན་སོག་པོ་ཇིང་གར་གྱི་མཚོ་ཁའི་སྡེ་ཚོ་ཁག་མན་ཇུས་གཏོར་ཕམ་བཏང་བ་ནས།བོད་གཞུང་དང་ཧ་ལམ་ཁ་བྲལ་ཏེ་རྒྱ་ནག་གིས་ཆབ་སྲིད་ལག་རྩེད་བྱེད་གཞི་དང་ཚོ་ཁག་ཕན་ཚུན་ཁ་གཏོར་དབང་བསྒྱུར།སྐབས་ལན་རེར་མི་རིགས་རྩ་མེད་ཀྱི་སྲིད་ཇུས་ལག་བསྟར་བྱས་པའང་མི་ཉུང་ཚོད་དུ་སྣང་ལ།མདོ་སྨད་དང་ཁམས་ཤར་ཕྱོགས་སུ་བྱུང་བའི་རྒྱ་ནག་གིས་བཙན་གནོན་སྡུག་སྦྱོང་བཏང་བ་དེ་འདྲ་ཧ་ལམ་བོད་ནུབ་ཕྱོགས་སུ་ལོ་རྒྱུས་སྟེང་བྱུང་མ་མྱོང་བ་འདྲ།

དེ་ལས་མང་བ་། “བོད་མིའི་རང་དབང་འཐབ་རྩོད་ཀྱི་ཐར་ལམ།” »

འཇམ་དཔལ་རྣམ་རྒྱལ། བོད་འབྱོར།

སྔོན་གྱི་དུས་སུ་བོད་འདིར་གྲུབ་དབང་པདྨ་འབྱུང་གནས་ལྟ་བུ་མི་དང་ལྷ་འདྲེའི་བར་ལ་སྐད་ཆ་ཤོད་མཁན་དག་གིས་བོད་མི་དང༌། བོད་ཀྱི་ཡུལ་ལྷ་གཞི་བདག་ཚོའི་བར་ལ་ཆང་ཡིག་རེ་བཞག་ཡོད་སྐད། ཆང་ཡིག་དེར་ཕྱོགས་གཉིས་ཀ་གྲོས་འཆམས་བྱུང་ནས་མིང་རྟགས་ཡང་བཀོད་ཡོད་ཟེར། ཆིང་ཡིག་དེའི་ནང་དོན་གཙོ་བོ། ཡུལ་ལྷ་གཞི་བདག་རྣམས་ཀྱིས། སངས་རྒྱས་ཀྱི་བསྟན་བ་སྲུང་རྒྱུ་དང༌། རྣལ་འབྱོར་བའི་སྐུ་ཚེ་བསྲིང་རྒྱུ། བོད་ཡུལ་དང་བོད་མིའི་རྐྱེན་ངན་བར་ཆད་བཟློག་རྒྱུ་སོགས་མདོར་ན་གང་བཅོལ་འཕྲིན་ལས་སྒྲུབ་པའི་དམ་བཅའ་བྱས་ཡོད་པ་དང༌། བོད་མི་ཚོས་གཞི་བདག་སྡེ་བརྒྱད་རྣམས་ལ་བསང་གསོལ་གཏོར་བསྔོ་རྒྱུན་དུ་བྱ་རྒྱུ་དང༌། གནས་ཀྱི་རི་ཆུ་ནགས་གསུམ་བསྲུང་སྐྱོབ་དང་གཙང་སྦྲ་བྱེད་རྒྱུ་བཅས་བྱས་ཡོད་རབས།

དེ་ལས་མང་བ་། “རྨས་སྐྱོན་ཐེབས་པའི་ཁོར་ཡུག” »

ངས་པོ་རྒྱལ་མཚན།

གླེང་བརྗོད།
སྤྱི་ལོ་ ༡༩༤༩ ནས་སྤྱི་ལོ་ ༢༠༡༡ བར་རྒྱ་དམར་གྱིས་ཡ་ང་སྙིང་རྗེ་སྤུ་ཙམ་ཡང་མེད་པར། རང་རིགས་སྤུན་ཟླ་ས་ཡ་གཅིག་དང་། གསུམ་ཁྲི་ལྷག་གདུག་རྩུབ་སྣ་ཚོགས་ཀྱིས་དམར་གསོད་བཏང་བ། རིག་གཞུང་གི་ལྟེ་གནས་དགོན་སྡེ་དྲུག་སྟོང་ལྷག་གཏོར་བཤིགས་བཏང་བ། མུན་ནག་གི་ལོ་དེ་དག་གི་ནང་། རྒྱ་དམར་གྱིས་བོད་ཀྱི་དངོས་ཡོད་ ཀྱི་གནས་སྟངས་དང་མི་འཚམས་པར་སྔར་གྱི་སྲོལ་རྒྱུན་ལས་འདས་ཏེ་མུ་མཐའ་མེད་པའི་སྤང་ལྗོངས་ལ་ལྕགས་ཀྱི་རྭ་བ་བསྐོར་ནས་རང་རིགས་སྤུན་ཟླ་ཕན་ཚུན་འཁྲུག་རྩོད་ སློང་བ། གདོད་མའི་ཤིང་ནགས་ཚད་མེད་གཅོད་པ། རྡུལ་ཕྲན་མཚོན་ཆའི་དུག་རྫས་སོགས་ཀྱིས་ཁོར་ཡུག་སྦགས་བཙོག་བཟོ་བ། དུས་རབས་ཉེར་གཅིག་ནང་ད་དུང་གྲོང་གསེབ་ཁག་ལ་ཤེས་ཡོན་དང་འཕྲོད་བསྟེན་སྔར་བཞིན་ཉམ་ཐག་པར་གནས་པ།

དེ་ལས་མང་བ་། “མ་འོངས་རྩ་དོན་སྒྲུབ་ཕྱོགས།” »

དཔལ་རྡོར་ནས།

ཨ་རིའི་གཞུང་གི་རྒྱང་བསྒྲགས་ལས་དོན་འགན་འཛིན་ལྷན་ཚོགས་ཀྱིས་ཕོ་བྲང་དཀར་པོ་ལ་ཕུལ་བའི་ཕྱི་ལོ་༢༠༡༣་ལོ་འཁོར་སྔོན་རྩིས་ནང་དུ་ཨ་རིའི་རླུང་འཕྲིན་ཁང་གི་བོད་སྐད་རྒྱང་བསྒྲགས་རྦད་དེ་མེད་པ་བཟོ་རྒྱུའི་གྲོས་གཞི་བཏོན་ཡོད་པ་དང་། ད་ནི་ཨ་རིའི་གྲོས་ཚོགས་ཀྱིས་སྔོན་རྩིས་ཀྱི་ཆ་དེ་ལ་ཆོག་མཆན་བཀོད་ཚེ་ཨ་རིའི་རླུང་འཕྲིན་ཁང་གི་བོད་སྐད་རྒྱང་བསྒྲགས་རྦད་དེ་ཆད་རྒྱུ་ཡིན་པ་རེད།། ཁ་སང་ནས་བཟུང་ཨ་རིའི་རྒྱལ་ས་ཝ་ཤིང་ཊོན་དུ་ལོ་འཁོར་བོད་དོན་ཞུ་སྐུལ་ལས་དོན་ཐེངས་བཞི་བའི་ནང་གི་ཞུ་སྐུལ་གལ་ཆེན་ཞིག་ནི་ཨ་རིའི་རླུང་འཕྲིན་ཁང་གི་བོད་སྐད་རྒྱང་བསྒྲགས་སྐྱོབ་རྒྱུ་དེ་ཡིན་ལ། དངོས་སུ་ཨ་རིའི་འབྲེལ་ཡོད་གྲོས་ཚོགས་འཐུས་མི་མང་པོའི་ལས་ཁུངས་སུ་བཅར་ཏེ་ཞུ་སྐུལ་བྱ་རྒྱུ་ཡིན་པ་དང་། ལས་འགུལ་གོ་སྒྲིག་པ་མང་པོ་དང་། ལས་འགུལ་ནང་ཞུགས་མཁན་གྱི་བོད་དོན་རྒྱབ་སྐྱོར་བ་མང་པོས་ཨ་རིའི་རླུང་འཕྲིན་ཁང་གི་བོད་སྐད་རྒྱང་བསྒྲགས་ནི་གཞིས་བྱེས་གཉིས་སུ་ཡོད་པའི་བོད་མི་ཡོངས་ཀྱི་ཆེད་དུ་ངེས་པར་དུ་སྐྱོབ་དགོས་ཞེས་ལས་འགུལ་སྤེལ་བཞིན་པ་རེད།།

དེ་ལས་མང་བ་། “ཨ་རིའི་རླུང་འཕྲིན་ངེས་པར་དུ་སྐྱོབ་དགོས།” »

བོན་རྒྱ་བསྟན་འཛིན་རབ་རྒྱས།

༡ ༽ ད་ནི་ཛ་དྲག་ཆ་ཚང་ལ་རྒྱུན་ལྡན་ལ་གྱུར་བ་ཨེ་རེད།

ན་ནིང་གི་ལོ་མཇུག་ལ་མི་ཞིག་གིས་མེར་བསྲེགས་བཏང་སོང་ཞེས་པའི་སྐད་ཆ་དེ་ཐོས་ཙམ་ནས། ཡ་ཆུང་གི་སྙིང་ཡང་ལྟིག་ལྟིག་ལྡང་ཞིང་དངོས་གནས་ཅི་བྱ་བརྟོལ་བྲལ་ལྟ་བུ་ཞིག་རེད། ཡིན་ནའང་། ད་ནི་དཔའ་རྒོད་ཅིག་གིས་མེར་བསྲེགས་བཏང་བའི་གནས་ཚུལ་འབྱོར་ནའང་དེ་དུས་ཀྱི་ཚོར་སྣང་སྡོད་མི་བཟོད་པ་དེ་འཇགས་ཚར་འདུག དངོས་གནས་ད་ནི་ཛ་དྲག་ཆ་ཚང་རྒྱུན་ལྡན་དུ་འགྱུར་བའི་དུས་ཚོད་ཅིག་ལ་གྱུར་འདུག འདི་མུར་སོང་ན་ནམ་ཞིག་རང་སྲོག་གཏོང་བ་དེའང་རྒྱུན་ལྡན་ལ་འགྱུར་རྒྱུ་རེད།

དེ་ལས་མང་བ་། “དོན་དངོས་ཀྱི་ལག་དམར་གདུག་པ་ཅན།” »

ང་བུ་ཆུང་ཞིག་གིས་མིག་མཐོང་བ་རྒྱ་མིས་༧གོང་ས་མཆོག་གི་དབྱར་ཀའི་ཕོ་བྲང་ནོར་བུ་གླིང་ཁར་འབར་རྫས་གཏོར་བ།
ཨ་མྱེས་ཚང་ཐུབ་བསྟན།
—————-
༡༩༥༩ ལོའི་ནང་དུ་ལྷ་ལྡན་སྨོན་ལམ་ཆེན་མོ་ཡོངས་སུ་གྲུབ་པའི་རྗེས་སུ་རྒྱ་མིས་བོད་ཀྱི་ལྷ་སར་བཙན་འཛུལ་བྱས་སོང༌། ང་ཚོས་གོ་ཐོས་ལ་རྒྱ་མིའི་དམག་མི་ཚོས་༧གོང་ས་སྐྱབས་མགོན་ཆེན་པོ་མཆོག་བཙན་ཁྲིད་བྱ་རྒྱུའི་འཆར་གཞི་འདིང་བཞིན་ཡོད་པའི་གནས་ཚུལ་གོ་ཐོས་བྱུང༌། རྒྱ་མིའི་དམག་སྤྱི་ལས་ཁུངས་ནས་༧གོང་ས་སྐྱབས་མགོན་ཆེན་པོ་སྐྱིད་ཆུའི་ཕ་རོལ་དུ་འཁྲབ་སྟོན་ཞིག་ཏུ་གདན་འདྲེན་ཞུས་ཏེ།

དེ་ལས་མང་བ་། “གསུམ་དུས་ཉིན་གྱི་བུ་ཆུང་ཞིག་གི་མཐོང་ཐོས།” »

(གསུམ་ཅུའི་དུས་དྲན་ཐེངས་ང་གསུམ་པའི་ཉིན་མོར་རང་ལུས་མེར་བསྲེགས་བཏང་བའི་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་བསྐྱེད་ཆེད་དུ།)
མུ་ཏོ་བ།
དང་པོ། རང་ལུས་མེར་བསྲེགས་ཀྱི་བྱུང་རིམ་ལ་ལྟ་བ།
དེ་ཡང་འདས་ཟིན་པའི་ལོ་རྒྱུས་ཀྱི་དཀྱོགས་མཚམས་ལ་ཕྱིར་མིག་ཅིག་བལྟས་ན། རང་ལུས་ཞུགས་འབུལ་གྱི་སྙིང་སྟོབས་ཐོག་མ་ནི་ཝིཊ་ནམ་ཡུལ་གྱི་སེ་གྷུན་ས་གནས་ Saigon ཀྱི་ཕན་དྷིན་ཕུང་ Phan-Dinh-Phung གི་སྲང་ལམ་ནས་མཆེད་ཅིང་། དེ་ནི་ཕྱི་ལོ་ ༡༩༦༣ ཟླ་ ༠༦ ཚེས་ ༡༡ ཉིན་ཊིཆ་ཀོང་དྷུག་ Thich Quang Duc ཟེར་བའི་ཝིཊ་ནམ་ནང་པའི་དགེ་སློང་ཞིག་གིས་རང་ལུས་མེར་བསྲེགས་ཀྱི་ལས་འགུལ་སྤེལ་ཅིང་། དེ་རྗེས་ཁོང་གི་རྗེས་འཇུག་པ་མང་པོས་ཀྱང་རང་ལུས་མེར་བསྲེགས་ཀྱི་ལས་འགུལ་སྤེལ་ནས། མཐར་Diem ཊིམ་གྱི་སྒེར་འཛིན་སྲིད་གཞུང་མགོ་སྟིང་བསློགས་ཏེ་ཆོས་ལུགས་དད་མོས་ཀྱི་རང་དབང་ལ་ལོངས་སུ་སྤྱད་ཐུབ་པ་བྱུང་ཡོད། ཡང་དེ་དང་མཚུངས་བའི་ལས་འགུལ་གཞན་ཞིག་གླེང་ན། ཕྱི་ལོ་༢༠༡༠ལོའི་ཟླ་༡༠་བའི་ཚེས་༡༧ཉིན་རང་ལོ་ཉེར་བདུན་ཡིན་པའི་ཨ་ཡབ་ཀྱི་བྷོ་རྫིས་རྫིས་( HYPERLINK “http://en.wikipedia.org/wiki/Mohamed_Bouazizi” \o “Mohamed Bouazizi” Mohamed Bouazizi) སུ་འབོད་པའི་སྲང་ལམ་གྱི་ཚོང་ལས་གཉེར་མཁན་ཁོང་གིས་རང་ལུས་མེར་བསྲེགས་བཏང་རྐྱེན་ཨ་རབ་ཀྱི་མེ་ཏོག་བ་སྤུ་གསར་བརྗེ་ལངས་ཡོད་ལ། དེས་དཀྱིལ་ཤར་ཨེ་ཤའི་གླིང་ཕྲན་མང་པོར་ཤུགས་རྐྱེན་ཆེན་པོ་ཐེབས་ཏེ་ཨ་རབ་ས་ཁུལ་གྱི་(Libya)ལི་བྷི་ཡཱའི་སྒེར་གཅོད་སྲིད་འཛིནལམ་ལུགས་མགོ་སྟིང་བསློགས་ཤིང་། མཐར་སྲིད་འཛིན་ངྒ་རྡ་ཧྥིའི་(Muammar Gaddafi)ཚེ་སྲོག་ཀྱང་ཤོར་བ་རེད།

དེ་ལས་མང་བ་། “རང་དབང་ཆེད་འབར་བཞིན་པའི་བོད་གླེང་བ།” »