བྲོ་འཚལ།
དུས་རབས་ཉེར་གཅིག་ལ་ཐོད་འདི་ལ་མཐོ་སྒང་བོད་པ་འདི་བ་ཚང་།།
གསོད་གསོད་རྒྱོབས་རྒྱོབས་ཉིན་མཚན་བསྐྱལ་བ་དམྱལ་བའི་ས་གཞི་ཆེན་པོ་འདྲ།།
གནས་དང་ས་ཆ་དམག་མིས་བསྡམས་ཏེ་མདའ་དང་གྲི་ཁ་བྲང་ཁར་གཏད།།
རྩྭ་དང་རྩི་ཤིང་བརྩད་ནས་བཀོག་སྟེ་སྒང་བ་བོད་ལ་ཟས་ཁ་གཅོད།།
དུས་ཚོད།
གཅན་འོད་འབར།
དུས་ཚིགས་ཀྱི་གཙང་བོ་བཞུད་སྟངས་ལས་རི་ལུང་གི་ཁ་དོག་འགྱུར་སོང།
ཉིན་མཚན་གྱི་ལྷག་རླུང་ལྡང་ཚུལ་ལས་མི་ཚོགས་ཀྱི་ལུས་སེམས་རྒས་སོང་།
འོན་ཀྱང་། འདི་ཚོས་ཁྱོད་ལ་འགྲེལ་བཤད་ཡང་དག་ཅིག་རྒྱག་མ་ཐུབ་ལ།
གསལ་བཤད་བདེན་པ་ཅིག་དེ་བས་ཀྱང་བྱེད་མ་ནུས།
ཡོད་ཡོད་འདྲ་བའི་ཁྱོད།
ཡང་སྙིང་ཅི་ཞིག་ཡིན།
ཡང་སྙིང་གང་ན་ཡོད།
བན་བོན་གྱི་བླ་མ་རོང་ལེའི་ཞབས་བརྟན་གསོ་སྨན་བདུད་རྩིའི་བུམ་བཟང་ཞེས་བྱ་བ། །
ཨོྃ་སྭྰ་སྟི།།
ཀུན་ཕན་གསོ་བྱེད་རིག་པའི་གནས་ལ་མཁས།།
གཞན་དོན་བྱམས་དང་སྙིང་རྗེའི་བདག་ཉིད་ཆེ།།
གཡུང་དྲུང་གཉུག་མའི་བསྟན་པ་འཛིན་པའི་རྗེ།།
བན་བོན་བླ་མ་རོང་ལེ་ཞབས་བརྟན་ཤོག།
ཅེས་མཁན་པོ་འོད་གསལ་མཐའ་ཡས་ཀྱིས་བསྐུལ་ངོར་ཤྲྰིས་སོ། །
དེང་དུས་བན་བོན་གྱི་རྩོད་པ་དེ་རྒྱུ་འབྲས་དང་ལུང་རིགས་མེད་པར་ང་བཟང་ཁྱོད་ངན་གྱི་སྒྲོ་བཀུར་མང་པོ་མཐོང་བས་རྐྱེན་དང་། ཞེ་འཁོན་ཅན་འགའ་རེས་བདག་གི་མིང་ཡང་གང་དྲན་དྲན་དུ་བེད་སྤྱོད་ནས་མུན་ནག་མདའ་འཕེན་གྱིས་ཁྱོད་ཚོ་དུས་ཚོད་དང་རང་རྒྱུད་ཆུད་ཟོས་གཏོང་བ་དག་ལ་སྙིང་རྗེ་ནས་ཁ་བརྡ་དྲ་ལ་འདི་བསྐུར་བ་ཡིན། །
དེ་ལས་མང་བ་། “བན་བོན་གྱི་བླ་མ་རོང་ལེའི་ཞབས་བརྟན་གསོ་སྨན་བདུད་རྩིའི་བུམ་བཟང་ཞེས་བྱ་བ། །” »
གྲོགས J.B ལ།
གངས་ཉི་གཞོན།
ཆུང་ཆུང་བྱིས་དུས་ཀྱི་མཇལ་འཛོམས་སྐྱིད་པོ།།
ལྷད་མེད་དྭངས་གཙང་གི་རྫ་ཆབ་བསིལ་མ།།
ལོ་ཟླའི་འཕྱོན་མ་འདིས་ཁམ་དུ་བྱས་ཀྱང་།།
ཡ་ཆུང་སེམས་ཁོང་ན་ཡལ་བ་མི་འདུག།
རྨི་ལམ་མཛེས་སྡུག་ལྡན་མིན་དེ།
ཀླུ་སྨྱོན།
ནམ་མཁའ་སྔོ་ཞིང་ཉི་འོད་ས་ལ་ཟགས། །
བྱ་བྱེའུའི་སྐད་ཅོར་རྨི་ལམ་ཀློང་ནས་ཐོས། །
བསིལ་རླུང་ཁྲོད་དུ་མཛེས་མའི་ལུས་དྲི་མཆེད། །
སྤྲིན་པ་རབ་རིབ་རི་བོའི་ཐོད་དུ་ལྷུང་། །
གྲོང་གསེབ་ཐར་ཐོར་བྱ་ཕོའི་གླུ་དབྱངས་ཁྱབ། །
བ་ལང་བག་ཡངས་ཞིང་ཚིགས་བར་དུ་རྒྱུ། །
འབྲས་ཞིང་སྙེ་མའི་མགོ་བོ་ལྕི་ཞིང་ལྡེམ། །
མགོ་དཀྲིས་ལྗང་སེར་མཐོང་ཙམ་ཡལ་ཙམ་བྱེད། །
༸གོང་ས་མཆོག་ཕྱི་ལུགས་ཀྱི་དགུང་གྲངས་དོན་བདུན་ལ་འཕེབས་པའི་སྐུའི་འཁྲུངས་སྐར་ལ་འཕུལ་བའི་བཀྲ་ཤིས་སྙན་དབྱངས།
སྣྲོན་ངག་ཁྲི།
༡༽གང་གི་ཐུགས་བརྩེས་སྙིགས་དུས་འགྲོ་རྣམས་ལ།།
ཉེ་བར་གཟིགས་ཏེ་གངས་ལྗོངས་ཡངས་པའི་ཞིང་།།
མདོ་སྨད་ཙོང་ཁའི་ས་ཡི་ཐིག་ལེ་རུ།།
སྐུ་ཡི་ཕྲེང་བའི་དཔགས་བསམ་ཡོངས་འདུ་འཁྲུངས།།
ཁེར་རྐྱང་གི་ལོ་ཟླ་འདི་དག
གངས་ཉི་གཞོན།
གྲང་ངར་ལག་པ་ཁང་མིག་ནང་ལ་བརྐྱངས།།
ཐབས་ཆགས་མལ་ཁང་ཆུང་ཆུང་འཁྱག་པས་བསྡམས།།
སྡོང་ལོ་འཕུར་བའི་ཤག་སྒྲ་རྣ་བར་གཟན།།
སྨྲེང་བའི་སེམས་པ་སྟོན་གྱི་རླུང་བུས་ཁྱེར།།
༧ཞི་བདེ་གླིང་པའི་འཁྲུངས་སྐར་ལ་མཆོད་སྤྲིན་དང་སྨོན་ལམ་ཞུ།
ཨེ་མ་ཧོཿ ཨེ་ཝྃ་ཞི་བདེ་གླིང་པའི་ཕྲིན་ལས་གར། ། དོན་གཉིས་ཡིད་བཞིན་ནོར་བུའི་སྙིང་ཐིག་གི ། བསྟན་འཛིན་ཆོས་ཀྱི་རྒྱ་མཚོ་རིན་པོ་ཆེའི། ། བཞེད་དོན་ལྷུན་གྲུབ་སྐུ་ཚེ་རབ་བརྟན་ཤོག ། ཤྲྰིས་སྙིང་ནས་སྨོན་པ་དགེའོ། །
འཁྲུངས་སྐར་ལ་ཕུལ་བའི་མཆོད་སྤྲིན།
བསམ་གླིང་ཚེ་རིང་ལྷ་མོ།
ཀ་མ་ལ་ལྟར་སྐྱེ་དགུའི་མཛེས་རྒྱན་སྤྱན་རས་གཟིགས་དབང་ཁྱེད་ཀྱི་སྐུ།།
ཁ་བ་རི་པའི་ས་འཛིན་སྣུམ་པོར་མཚན་བཟང་དཔེ་བྱད་བཟང་པོས་བལྟམས།།
ག་ཤེད་འགྲོ་བའི་སྡུག་བསྔལ་སེལ་ཕྱིར་བསྟན་འཛིན་རྒྱ་མཚོ་འགྲོ་བའི་དཔྱིད།།
ང་ཅག་འགྲོ་བའི་བསོད་ནམས་དཔལ་དུ་བཙན་པོའི་རྒྱལ་ཁབ་བོད་དུ་འཁྲུངས།།
ཉིན་འདི་ཞིག་དབྱངས་ཀྱིས་བསུ།
ཨ་འདུས་མིག་ཆུ།
འདོད་རྔམ་མེ་ཆེན་ཤུགས་ཀྱིས་འབར་བའི་ཀློང་རིམ་ཞིག་ན་རྩི་ཤིང་ཡུན་གྱིས་བསྐམས་པ་དང་།།
དྲག་འཐབ་གཡུལ་གྱི་འཚུབ་རླུང་ཁྲོད་ན་འགྲོ་མིའི་ཚེ་སྲོག་དོན་མེད་ཤོར་ནས་འགྲོ་བའི་དུས།།
འགྲོ་བ་དང་ནི་ཁོར་ཡུག་ཀུན་ལ་རྟེན་འབྲེལ་གཤིས་ཀྱིས་དམ་དུ་འཆིང་བ་ལེགས་གཟིགས་པའི།།
ས་ཆེན་འོད་ཀྱིས་ཁྱབ་པར་མཛད་མཁས་འགྲོ་བའི་མིག་གཅིག་མགོན་པོ་གང་ཉིད་འཁྲུངས་པར་གྱུར།།
བོད་མིས་རང་ལུས་མེ་བསྲེགས་པར་འཛམ་གླིང་ཅིའི་ཕྱིར་འོན་སྐུགས་སུ་གྱུར།
རྩོམ་པ་པོ། མོ་ལིས། ས་དཀར་བཀྲ་ཤིས་ཀྱིས་བསྒྱུར།
བོད་མིའི་འཐབ་རྩོད་ཐད་ཀྱི་བསམ་གཞིགས་ཕྲན་བུ།
རྩོམ་ཡིག་འདིའི་ཁ་བྱང་ནི་ངས་འོད་ཟེར་གྱི་ཟིན་བྲིས་ལས་མཐོང་བ་ཡིན་ལ། མ་ཡིག་ནི་དབྱིན་ཡིག་གི་Tibetan self immolations: Why isn’t the world listening? ཞེས་བ་རེད། རྩོམ་པ་པོ་ནི་Vijay Kranti ཡིན་ལ་རྒྱ་ཡིག་ཏུ་བསྒྱུར་མཁན་ནི་ཧྥུའུ་ཁྲོན་ཡུས་རེད། ངས་ཁ་བྱང་དེ་འདིར་དྲངས་ནས་རང་སོར་འཇོག་དོན་ནི་བོད་མི་སོ་དྲུག་གིས་རང་ལུས་མེར་བསྲེགས་རྗེས། རྩོམ་པ་པོས་འདྲི་བ་དེ་ཡིས་ང་རང་བློ་མི་བདེ་བ་དང་སྡུག་བསྔལ་གྱི་ནང་དུ་ལྷུང་། འདིར་ངས་འདྲི་བ་འདི་ལ་ལན་འདེབས་ཀྱི་འབད་བརྩོན་གནང་སྟེ་སོ་ཕག་གཡུགས་ནས་གཡང་ཊི་འདྲེན་པའི་རེ་བ་བཟུང་ཡོད།
དེ་ལས་མང་བ་། “བོད་མིས་རང་ལུས་མེ་བསྲེགས་པར་འཛམ་གླིང་ཅིའི་ཕྱིར་འོན་སྐུགས་སུ་གྱུར།” »
༧སྐུའི་འཁྲུངས་སྐར་ལ་ཕུལ་བའི་སྙན་ངག་གི་ཚོམས།
ཁ་བརྡ་དྲ་བར་༧སྐུའི་འཁྲུངས་སྐར་དམིགས་ནས་སྙན་ངག་མང་པོ་བསྐུར་འདུག་སྟབས། འདིར་སྙན་ངག་དུམ་བུ་འགའ་དཀྱུས་གཅིག་ཏུ་བཀོད་ཡོད།
++++++++++++++++++++++++++++++++++++++++++++
ཁྱོད་ཀྱི་སྐྱེས་སྐར་ལ་རྟེན་འབྲེལ་ཞུ།
གཅན་འོད་འབར།
—————-
དུས་དེ་རིང།
མི་སེམས་གྲངས་མེད་ཀྱིས་བཏེགས་པའི་སྙིམ་པ།
ཁ་དོག་མི་འདྲ་བའི་དག་གཙང་ཁ་བཏགས་ཀྱིས་རྒྱན་ནས།
འབྱུང་བཞིའི་བར་ཆད་སྟོབས་ཀྱིས་གཤེགས་པའི་མེ་ཏོག་ཅིག
རྟ་ནོར་ལུག་གསུམ་གྱི་ལས་དབང་སྒོམ་ནས།
སྦྲ་ནག་དང་རྩྭ་ཐང་གི་སེམས་ཁོངས་ལ།
མཛེས་སྡུག་གིས་བཞད་པའི་ཉིན་མོ་ཡིན་ན།
ངས་ཁྱོད་ཀྱི་སྐྱེས་སྐར་ལ་རྟེན་འབྲེལ་ཞུ།
དེ་ལས་མང་བ་། “༧སྐུའི་འཁྲུངས་སྐར་ལ་ཕུལ་བའི་སྙན་ངག་གི་ཚོམས།” »
སེམས་པ་དུང་དུང་གིས་བསྒུག་ཡོད།
མདའ་ཆབ་བྲག་པས།
ཁ་བ་ལེབ་མོ་ཡི་ཁྲོད་ན།
གནམ་མཐའི་སྐར་ཚོགས་ལ་ལྟ་བཞིན།
རྒྱང་བཞུད་བུ་ཆུང་ལ་དུངས་ནས།
དྲིན་ཆེན་མ་ལོ་ཡིས་བསྒུག་ཡོད།།
བཀའ་དྲིན་དྲན་པའི་སྨོན་ཚིག
ལ་དྭགས་པ་བསམ་འགྲུབ།
སྟོད་ཀྱི་ལ་དྭགས་ཡུལ་དུ།། དམ་ཆོས་ཟེར་མ་ཡལ་ནས།། སྨུག་ལོང་མུན་པའི་ཁེབས་དུས།། ཡེ་ཤེས་ནོར་བུ་ཕེབས་སོང།།
བཅོམ་ལྡན་ཐུབ་པ་གཉིས་པ།། མགོན་པོ་ཡེ་ཤེས་ནོར་བུས།། ཆོས་རྒྱལ་གཤེགས་པའི་ཤུལ་ལ།། ཆོས་ཀྱི་སྒྲོན་མེ་སྦར་སོང།།
འཁྲུངས་སྐར།
རོང་བོ་དགེ་འདུན་ལྷུན་གྲུབ།
———–
སང་ཉིན་ཁྱེད་ཀྱི་འཁྲུངས་སྐར་ཡིན་པ་ཤེས་འཕྲལ
ངས་ལག་པ་ཀོབ་ཀོབ་ཀྱིས་ཅི་ཞིག་བྱ་དགོས
མཆུ་ཏོ་མུག་མུག་གིས་གང་ཞིག་འདོན་དགོས
མཆོད་པ་བདུན་ཚར་ཙམ་ཞིག་བཤམས་ནས
པར་སྒྲོམ་ལེགས་པོ་ཞིག་བཤམས་ནས
པུས་བཙུགས་ཀྱི་ངང་དུ
ལྷིང་འཇགས་ཀྱི་ངང་དུ
ཆུ་ཚོད་སྐར་མ་ཁ་ཤས་ལ་འདུག་རྒྱུ་དེ་འང
ཞེད་སྣང་དང་བཅས་ཏེ་རོལ་དགོས་པས
ད་ལྟའི་སྐབས་ཀྱི་སང་ཉིན་དེ
ང་ལ་མཚོན་ན་སྐྱེ་བ་སྔ་གཉིས་ཀྱི་མཚམས་རེད
ས་ཡ་དྲུག་པོ་ཡི་མིག་གཅིག །
མེ་ཏོག་དཀར་པོ།
༧འཁྲུངས་སྐར་ལ་ཕུལ་བ།
མདོ་དབུས་ཁམས་གསུམ་གྱི་སྙིང་གཅིག །
ང་ཚོའི་ཆེད་དུ་རང་བགྲེས་པའི། །
ཞིད་བཞིན་ནོར་བུ་ཁྱོད་མཁྱེན་ནོ། །
ཁྱོད་སྐུ་ཡུན་དུ་རང་བརྟན་ཤོག །
འཁྲུངས་སྐར་ལ་ཕུལ་བའི་སྨོན་ཚིག
སྤྲུལ་འཁོར་སྐལ་བཟང་དོན་ལྡན།
དཀའ་ལས་བྱས་པ་ཅན་གྱི།།
ཨ་མའི་༸ ཡིད་བཞིན་ནོར་བུ།།
ཁ་ལ་ཉན་པའི་བླ་མ།།
བོད་དུ་འཁྲུངས་བ་ཡག་བྱུང་།།
དགའ་དགའ་སྤྲོ་སྤྲོའི་ངང་ནས།།
གསེར་ཁྲི་མངལ་གསོལ་ཡག་བྱུང་།
འཁྲུངས་སྐར་གླུ་དབྱངས་འབུལ་ལོ།
རྨེ་རུ།
ལྷ་གཅིག་གངས་རིའི་ལྷ་སྐལ།།
སྲིད་གསུམ་ཕྱག་ན་པད་མོ།།
དགུང་གྲངས་དོན་བདུན་ཕེབས་པར།།
འཁྲུངས་སྐར་གླུ་དབྱངས་འབུལ་ལོ།།
འཕགས་མཆོག་འཇིག་རྟེན་མགོན་པོ།།
གངས་ཅན་བོད་ཀྱི་དབུ་འཁྲིད།།
མཛད་འཕྲིན་དབྱར་མཚོ་རྒྱས་པར།།
གཏམ་བཟང་གླུ་དབྱང་ལེན་ཤོག།།
བོད་ལ་འགྱོད་བཤགས་ཞུ།
ཁ་བའི་འོག་གི་མེ་ལྕེ་ཞེས་པའི་བོད་ཀྱི་བཙུན་པ་ཞིག་གི་དངོས་བྱུང་མྱོང་བ་བརྗོད་པའི་དཔེ་དེབ་བཀླགས་པ།
ཡུ་ཅེ་ཡིས་བརྩམས།ཚེ་རིང་རྡོ་རྗེས་བསྒྱུར།
དཔལ་ལྡན་རྒྱ་མཚོ་མི་ལོ་སུམ་ཅུ་ལྷག་ལ་རྒྱ་ནག་དམར་ཕྱོགས་གཞུང་གི་བཙོན་དུ་ཚུད་པ་དང་། ཁོང་བཙོན་ལས་གྲོལ་བའི་རྗེས་སུ་དཔེ་དེབ་གསར་བ་ཞིག་བྲིས་འདུག དཔེ་དེབ་དེས་བོད་ཀྱི་རིག་གནས་གཏོར་བཅོམ་གྱི་ཆེད་དུ་ལག་བསྟར་བྱས་པའི་རྒྱ་ནག་དམར་ཤོག་གཞུང་གི་དྲག་སྤྱོད་སྲིད་ཇུས་དམར་རྗེན་དུ་བསྟན་པ་དང་། དེ་དང་ཆབས་ཅིག་བོད་མི་མང་གི་མཆོག་ཏུ་གྱུར་བའི་བསམ་བློའི་གཟི་བརྗིད་ཀྱང་བསྟན་འདུག ཁོའི་དེབ་དེ་བཀླགས་པའི་རྗེས་སུ། ང་རང་རྒྱ་མི་ཞིག་ཡིན་པའི་ངོས་ནས་བོད་མི་ལ་གནོང་འགྱོད་དང་བཤགས་སེམས་ཟབ་མོ་ཞིག་སྐྱེས་སོང་།
༄༅། །ཞི་བདེའི་མཁའ་འགྲོ་དཀར་པོའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ། །
ཤྲྰི་སྨྱོན་པ།
ཨེ་མ་ཧོཿ
ནམ་མཁའ་འཇའ་འོད་ཀྱི་ཀློང་ན། །
ཞི་བདེའི་མཁའ་འགྲོ་ནི་དཀར་པོས། །
གཤོག་རྩལ་སྐྱོད་པ་འདི་མཐོང་ཚེ། །
སྙིང་གྲོགས་དམ་པ་ཞིག་དྲན་སོང་། །
དེ་ལས་མང་བ་། “༄༅། །ཞི་བདེའི་མཁའ་འགྲོ་དཀར་པོའི་འཁྲུངས་སྐར་ལ་བཀྲ་ཤིས་བདེ་ལེགས་ཞུ། །” »